“அறிவே தெய்வம்” பாரதியார் பாடல்: ஒரு விளக்கம்

January 23, 2019
By

அறிவே தெய்வம் என்ற பாரதியார் பாடல் உயர்நிலைப்பள்ளியில் எனக்குப் பாடமாக இருந்தது (1980களின் மத்தியில்). அனேகமாக 9 அல்லது 10ம் வகுப்பாக இருக்கலாம். திராவிட பாணி பகுத்தறிவு, கடவுள் மறுப்பு கொள்கைகள் அதில் உள்ளதாகக் கருதி தமிழ்ப்பாடநூலில் அது சேர்க்கப் பட்டிருந்தது. அவ்வாறே எங்கள் தமிழ் ஐயாவால் கற்பிக்கவும் பட்டது. பத்து கண்ணிகள் உள்ள அந்தப் பாடலில் கீழ்க்கண்டவை மட்டும் தேர்ந்தெடுக்கப் பட்டு பாடநூலில் கொடுக்கப் பட்டிருந்தன.

ஆயிரம் தெய்வங்கள் உண்டென்று தேடி
அலையும் அறிவிலிகாள் — பல்
லாயிரம் வேதம் அறிவொன்றே தெய்வம் உண்-
டாமெனல் கேளீரோ?

மாடனைக் காடனை வேடனைப் போற்றி
மயங்கும் மதியிலிகாள் — எத-
னூடும் நின்றோங்கும் அறிவொன்றே தெய்வம் என்-
றோதி யறியீரோ?

கவலை துறந்திங்கு வாழ்வது வீடென்று
காட்டும் மறைகளெலாம் — நீவிர்
அவலை நினைந்து உமி மெல்லுதல் போல் இங்கு
அவங்கள் புரிவீரோ?

மெள்ளப் பலதெய்வம் கூட்டி வளர்த்து
வெறுங்கதைகள் சேர்த்துப் — பல
கள்ள மதங்கள் பரப்புதற்கோர் முறை
காட்டவும் வல்லீரோ?

ஆறாம் வகுப்பில் பாரதியார் கவிதைகள் புத்தகத்தைப் பரிசாகப் பெற்று அதை சில தடவைகள் புரட்டி பல பாரதியார் பாடல்களை மனனம் செய்து விட்டிருந்த எனக்கு, இந்த முழுப்பாடலும், வேதாந்தப் பாடல்கள் என்ற தலைப்பின் கீழ் அது வருவதும் தெரிந்திருந்தது. பாடலின் உட்பொருள் எதுவும் அந்த வயதில் விளங்கவில்லை என்றாலும் பாடப்புத்தகத்தில் கொடுக்கப் பட்டிருந்த விளக்கமும் அதையொட்டி தமிழ் ஐயா சொல்லியதும் எல்லாம் சுத்தமாகத் தவறு என்ற அளவில் புரிந்தது. ஆனால் தமிழ் ஐயாவிடம் விவாதிக்கும் துணிவோ முனைப்போ ஏதும் இருக்கவில்லை. சூழல் அப்படி.

பின்னாளில் வேதாந்த தத்துவ அறிமுக நூல்களையும் உபநிஷதங்களையும் கற்கும்போது தான், இந்தப் பாடலுக்கு பாரதியார் வைத்துள்ள ‘அறிவே தெய்வம்’ என்ற தலைப்பே ‘ப்ரக்ஞானம் ப்ரஹ்ம’ என்ற மஹாவாக்கியத்தின் நேரடி மொழிபெயர்ப்பு என்பது புரிந்தது. இதிலுள்ள கருத்துக்களும் முழுக்க முழுக்க அத்வைத வேதாந்தம் சார்ந்தவையே. அந்தப் பாடலில் உள்ள மற்ற ஆறு கண்ணிகளையும் சேர்த்துப் பார்த்தால் இது முழுமையாக விளங்கும்.

வேடம் பல்கோடியொர் உண்மைக்குள என்று
வேதம் புகன்றிடுமே — ஆங்கோர்
வேடத்தை நீர் உண்மையென்று கொள்வீர் என்றவ்-
வேதம் அறியாதே.

நாமம் பல்கோடியொர் உண்மைக்குள என்று
நான்மறை கூறிடுமே — ஆங்கோர்
நாமத்தை நீர் உண்மையென்று கொள்வீர் என்றந்-
நான்மறை கண்டிலதே.

(நாம ரூபங்கள் என்பவை மெய்ம்மையின் தன்மைகளேயன்றி அவையே இறுதி மெய்ம்மை அல்ல. நாமரூபங்களைக் கடந்த தூய அறிவுநிலையே மெய்ப்பொருள், அதுவே பிரம்மம் என்பதே மேற்கண்ட இரு கண்ணிகளில் கூறப்பட்டது)

சுத்த அறிவே சிவமென்று கூறும்
சுருதிகள் கேளீரோ? — பல
பித்த மதங்களிலே தடுமாறிப்
பெருமையழிவீரோ?

போந்த நிலைகள் பலவும் பராசக்தி
பூணும் நிலையாமே — உப
சாந்த நிலையே வேதாந்த நிலையென்று
சான்றவர் கண்டனரே.

(உபசாந்த நிலை – மனம் முழுவதுமாக அடங்கிய அமைதி நிலை).

உள்ளதனைத்திலும் உள்ளொளியாகி
ஒளிர்ந்திடும் ஆன்மாவே — இங்கு
கொள்ளற்கரிய பிரமம் என்றே மறை
கூவுதல் கேளீரோ?

(அயம் ஆத்மா ப்ரஹ்ம – ‘இந்த ஆத்மாவே பிரம்மம்’ என்ற மஹாவாக்கியக் கருத்து இங்கு கூறப்பட்டது)

‘ஒன்று பிரமம் உளது உண்மை அஃது உன்
உணர்வு’ எனும் வேதமெலாம் — என்றும்
ஒன்று பிரமம் உளது உண்மை அஃது
உணர்வெனக் கொள்வாயே.

சமீபத்தில் மகாராஜபுரம் சந்தானம் குரலில் இப்பாடல் ஒலிப்பதிவை நண்பர் ஒருவர் பகிர்ந்திருந்தார். அதைக் கேட்டவுடன் தோன்றிய நினைவுகள் இவை.

(ஜடாயு தனது ஃபேஸ்புக் பக்கத்தில் எழுதியது)

Tags: , , , , , , , , , , , , ,

 

3 மறுமொழிகள் “அறிவே தெய்வம்” பாரதியார் பாடல்: ஒரு விளக்கம்

  1. அ.அன்புராஜ் on January 24, 2019 at 2:08 pm

    உபதேசங்கள் ஊருக்குதானா? நாக்கில் கன்னத்தில் வேல் குத்துவது பக்தியின் அடையாளமா ? மூடநம்பிக்கை என்று இழிவு படுத்தா விட்டாலும் தேவையற்ற ஒன்று என்றாவது இத்தகய பழக்க வழக்கங்களை நான் படிப்படியாக நிறுத்த வேண்டாமா ? தமிழ் ஹிந்து முகத்தில் மேற்படி காட்சிகள் இடம் பெற்றுள்ளதுபாரதியின் கட்டுரைக்கு இணக்கமானதா ? பாமர பக்தியில் காலம் காலமாக மக்களை வீழ்த்தக் கூடாது. அதை்தான் ஸ்ரீநாராயணகுரு விரும்பினாா்.காடனை வேடனை மாடனை வணங்குவதை சிறுதெய்வழிபாடுகளை ஒழிக்க வேண்டும் என்று பாரதியும் வள்ளலாரும் விரும்பினார்கள்.

  2. அ.அன்புராஜ் on January 24, 2019 at 3:21 pm

    குரான் மகாநாடு நடக்கவிருக்கின்றது.சனாதன ஒழிப்பு மகாநாட்டை ஒரு ஹிந்து நடத்துகின்றாா். தினத்தந்தியில் வெளியான ஒரு பக்க விளம்பரத்தில் நடுநாயகமாக கௌதமா் படம். பின் வலது ஒரத்தில் காயிதே மில்லத் படம். பின்னா் வந்த பல விளம்பரங்களில் ஜவஹருல்லா படம்.கொடுமையிலும் கொடுமை.திருமாவளவனின் தந்தை பெயர் இராமசாமி என்பதை தொல்காப்பியனாா் என்ற மாற்றி தனது பெயரை தொல் திருமாவளவன் என்ற மாற்றிக் கொண்டாா் திரு.தொல்.திருமாவளவன்.இந்த மகாநாடு தீண்டாமைக்கு எதிராக ஒரு புதிய விருவிருப்பை ஏறபடுத்துமானால் வரவேறகததககதே.ஆனால் அதற்கு சநாதன ஒழிப்பு என்றுபெயர் வைத்திருப்பது பண்பாடற்றச் செயல். காயிதே மில்லத் படித்த குரானில்மாற்று நம்பிக்கையில் இருப்பவர்களைப் பற்றி குர்ஆனின் உள்ள சொல்லாடல்களை சுருக்கமாகத் தருகிறேன் விரிவாகப் படிக்க விரும்புபவர்கள் குறிப்பிட்ட எண்களுடைய குர்ஆன் வசனங்களைப் தேடிப் படித்துக் கொள்ளவும். என் மீது எரிச்சலிலும், புகைச்சலிலுமிருக்கும் முஃமின்களின் மனம் குளிர வைப்பதும் எனது கடமை. அவர்களுக்காகவும் இந்தக் குளு குளு குர்ஆன் வசனங்கள்… …

    உலகவாழ்வில் பேராசை கொண்டவர்கள் 2:96
    நஷ்டவாளிகள் 2:121
    கூச்சல் கூப்பாடுகளைத் தவிர வேறெதுவும் தெரியாதவர்கள் 2:171,
    செவிடர்கள், ஊமையர்கள் குருடர்கள் 2:171
    குரங்குகள், பன்றிகள் 5:60,
    குரங்குகள் 7:166
    நாய்கள் 7:176
    கேவலமான கால்நடைகள் 8:22
    மிகக் கெட்ட மிருகங்கள் 8:55
    அசுத்தமானவர்கள் 9:28
    மிருகங்கள், மிருகங்களைவிடக் கீழானவர்கள் 25:44
    பெரும் குரோதத்திலும் விரோதத்திலும் மூழ்கிக் கிடப்பவர்கள் 38:2
    அநியாயக்காரர்கள் 62:5
    சுவற்றில் சாய்த்து வைக்கப்பட்ட மரக்கட்டைகள் 63:4
    படைப்புகளில் மகா கெட்டவர்கள் 98:6

    இதற்கு மேலும் முஃமின்களின் சப்பைக்கட்டுகளை விவாதிக்க வேண்டிய அவசியமில்லையென நினைக்கிறேன். குர்ஆனை மட்டுமே வழிகாட்டியாக ஏற்றுக் கொண்டவர்களால் ஒரு பொழுதும் மாற்று நம்பிக்கையில் இருப்பவர்களை ஏற்றுக் கொள்ளவோ சகித்துக் கொள்ளவே முடியாது! கூடாது என்பதையே இக் குளுகுளு வசனங்கள் கூறுகின்றன.
    —————————————————————————–
    குரான் மகாநாடு நடத்தும் அன்பர்கள் இந்த மகா வாக்கியங்களுக்கு என்ன நியாயம் சொல்வார்கள். சனாதன ஒழிப்பு மாநாடு இது குறித்து பேசுமா ?

  3. அ.அன்புராஜ் on July 26, 2019 at 2:15 pm

    மேற்படி கடிதத்திற்கு ஒரு பதிலுரை கூட பதிவு செய்யப்படவில்லை. இந்துக்கள் 23ம் புலிகேசிகள் மலிந்த சமூகமாக உள்ளாா்கள்.

மறுமொழி இடுக:

உங்கள் மின்னஞ்சல் முகவரி வெளியிடப் படமாட்டாது.

உங்கள் எண்ணங்களைப் பகிர்ந்து கொள்ள:

தமிழ்ஹிந்து தளத்தில் வரும் மறுமொழிகளை ஓரளவு மட்டுறுத்தலுக்குப் பின்பே வெளியிடுகிறோம் என்றாலும், தனிப்பட்ட முறையில் தாக்காத, ஏளனம் செய்யாத மறுமொழிகளை எல்லாம் வெளியிடவே நினைக்கிறோம் என்றாலும், மறுமொழிகளின் உண்மைத் தன்மைக்கும், கருத்துகளுக்கும் தமிழ்ஹிந்து பொறுப்பேற்காது.

மறுமொழிகள் எழுதும் நண்பர்கள் தங்களின் பொறுப்பறிந்து எழுதுமாறு கேட்டுக்கொள்கிறோம்.

*

Josh Oliver Authentic Jersey