ராஃபேல் போர்விமானமும், பாரதப் படைத்தலைமையும்.. – 3

Tea, teas from ginger, peppermint, chamomile, echinacea, and lemon balm can also help. This increased to more than ,100 in 2010, order clomid Pārdi and to about ,500 in 2012. The cost of prescription medications for patients with cancer in australia will vary according to the drug you take.

The drug was developed as a treatment for severe migraines and other chronic pain. A person living with an anxiety disorder may spend ,000 just clomid tablet 50mg price in pakistan on their meds, which will be covered by their health insurance. In the early phase of pregnancy, these feelings can disappear, but as most people know, the symptoms can reappear in the second trimester.

Doxycycline for acne: the best way is to use a topical treatment. Amoxicillin can be given in the form variedly of tablets, capsules, or liquids. Paxil also has a very long half-life, lasting for several weeks.

கட்டுரையாளன் குறிப்பு:  சென்ற பகுதியில் மிக்-21 விமானம் 50 ஆண்டுகள் பணியாற்றியபின் 2013ல் ஓய்வுபெற்றது என்று எழுதியிருந்தேன்.  அப்படியிருந்தும், சிலநாள்கள் முன்பு [பிப்ரவரி, 27, 2019] பாகிஸ்தான் தங்கள் எஃப்16 விமானங்களை காஷ்மீருக்குள் அனுப்பியதும், அதை இந்தியாவின் மிக்-21 விமானங்கள் எதிர்த்து, இரண்டு எதிரித் தாக்குதலில் அழிக்கப்பட்டதும், வீரத்தமிழ் விமானி விங் கமான்டர் அபிநந்தன் வர்த்தமான் தனது விமானம் தாக்கப்பட்ட நிலையிலும் எதிரி விமானம் எஃப்-16 ஒன்றைச் சுட்டுவீழ்த்தி, சிறைப்பட்டு மீண்டதும் அனைவரும் அறிந்த செய்தி.  எனவே, ஐம்பது ஆண்டுகள் பணியாற்றி, ஆறு ஆண்டுகளுக்குமுன் ஓய்வுபெற்ற விமானம் ஏன் இன்னும் இந்திய விமானப் படையில் இருக்கிறது என்ற கேள்வி எழுகிறது.  அதற்கு விளக்கம்கொடுத்துவிட்டு, கட்டுரையைத் தொடரலாம் என்றிருக்கிறேன்.  நீங்களும் தொடர்ந்து படியுங்கள்…

போன மச்சான் திரும்பிவந்தான்..

இக்கட்டுரைத் தொடரை எழுதத் துவங்குமுன், ராஃபேல் விமானம்பற்றிய பலதகவல்களைச் சேகரித்தேன். துவக்க அறிமுகத்தை எழுதும்போது புல்வாமா பயங்கரவாதத் தாக்குதல் நிகழ்ந்தது.  எனவே, துவக்கமே நீண்டவொன்றாக ஆனது.  இரண்டாம் பகுதியிலும் அதைத் தொடர நேரிட்டது.  ஓய்வுபெற்ற மிக்-21 மீண்டும் தாக்குதலில் கலந்துகொண்டதால் [ரிடையர் ஆனபின் மீண்டும் வேலைக்கு வருவதுபோல],  அவ்விமானத்தைப்பற்றி எழுதுவது, ராஃபேல் விமானம் தேர்ந்தெடுக்கப்ப்ட்டதற்கான காரணத்தைச் சொல்வதற்கு வழியமைத்துக் கொடுக்கும் என்பதால் இப்பகுதி உருப்பெறுகிறது.

1963ம் ஆண்டு முதல் மிக்-21ம் விமானம் பாரதத்திற்கு வந்துசேர்ந்தது[1].  அதைப்பற்றிச் சிறிது தெரிந்துகொள்வோம். 

அர்டர்ன் மிக்கோயன்

உலகத்திலேயே முதன்முதலாக ஒலியைவிட் விரைவாக, அதாவது இருமடங்கு விரைவாகச் செல்லும்படி வடிவமைக்கப்பட்ட போர்விமானம் அதுதான்.[2]  அது ரஷ்யச் செயலகத்தில் பணியாற்றிய அர்டர்ன் மிக்கோயன் [Artern Mikoyan],மிக்கைல் குரேவிச் [Mikail Gurevich] என்னும் இரு விமானப் பொறியாளர்களால் வடிவமைக்கப்பட்டு மிக்கோயன் குரேவிச் என்னும் ரஷ்ய போர்விமான நிறுவனத்தால் உருவாக்கப்பட்டதால், மிக்கோயன் என்னும் பெயரின் முதலெழுத்தையும், குரோவிச்சின் முதலெழுத்தையும் சேர்த்து, and என்னும் பொருள்வரும் ரஷ்யச் சொல்லுக்கு முதலெழுத்தான i என்னும் எழுத்தை நடுவில்வைத்து, மிக் [MiG] என்று பெயர்வைத்தார்கள். மிக்-21 விமானம் 1959ல் முதன்முதலாகத் தனது பணியைத் துவங்கியது.  இதற்கு ‘பிஃஷ்பெட்’[Fishbed] என்ற செல்லப்பெயர் உண்டு. 

மிக்-21 ஃபிஷ்பெட் (Fishbed)

இதுவரை 11,400க்கும் அதிகமாக மிக்-21 விமானங்கள் உற்பத்திசெய்யப்பட்டிருக்கின்றன.  இருபதுக்கும் மேற்பட்ட வகைகளும் உண்டு. சீனா உள்பட நாற்பதுக்கும் மேற்பட்ட நாடுகள் இதைப் பயன்படுத்திவருகின்றன.  சீனா இதை ஜே-7 என்ற பெயரில் உற்பத்திசெய்து பல நாடுகளுக்கும் விற்றுவருகிறது.[3]  இந்தியாவிலுள்ள இந்துஸ்தான் ஏரோநாடிக்ஸ் லிமிடெட் நிறுவனம் மிக்-21எம் [MiG-21M] வகையை வடிவமைத்து உருவாக்குகிறது.

ஆக, இவ்விமானம் தனது தகுதியைவைத்துதான் இத்தனை நாடுகளால் வாங்கி உபயோகப்படுத்தப்படுகிறது என்பதை அறியலாம்.  ஆனாலும் அது வடிவமைப்புபெற்று 58 ஆண்டுகளுக்கும் மேலாக ஆகிவிட்டது என்பதுதான் உண்மை..

முதலில் உருவாகிவந்தபோது, அவ்விமானம் என்றால் எல்லா நாடுகளுக்கும் சிம்மசொப்பனம்தான்.  உலகில் முதல் சூப்பர்சானிக் விமானம் என்பதால், அச்சமயம் அது வருவதை யாரும் கேட்பதற்குமுன்னரே, அது தன் இலக்கை அடைந்து குண்டுகளை வீசி எதிரிகளை அழித்துவிடும். 

மிக்-21ம், அச்சமயத்து மற்ற விமானங்களும்:

எஃப்-4 ஃபான்ட்டம் விமானம்

அதற்குச் சமமாக அமெரிக்காவின் மக்டானல் டக்லஸ் விமான நிறுவனம் வடிவமைத்த விமானம், எஃப்-4 ஃபான்ட்டம் [F-4 Phantom].  வியட்நாம் போரில் இவ்விரு விமானங்களின் நிறை-குறைகள் உலகத்திற்குத் தெரிந்தன.  விரைந்து செயல்படும் மிக்-21 சுலபமாகச் செலுத்தவல்லது.  தூரத்திலிருந்து அதன் புறவுருவத்தைக் கண்டு அதை அழிப்பது மிகவும் கடினம். பளுவான எஃப்-4ன் எஞ்சின்கள் வெளிவிடும் புகையால் அதை எளிதில் கண்டுபிடித்துவிடலாம்.  ஆனால், அது மிக்கைவிடச் சிறந்த ஆயுதங்களைத் தன்னிடம் வைத்திருந்தது.[4] மேலும் பல செம்மைப்படுத்துதல்கள் மூலம் அமெரிக்காவில் வேறு விமானங்கள் வடிவமைக்கப்பட்டன. 

எனவே, அமெரிக்க விமானப்படை எஃப்-4 விமானங்களுக்கு 1996ல் ஓய்வுகொடுத்து அனுப்பிவிட்டது.

இது இப்படியிருக்கையில், பாரதம் அச்சமயத்தில் சிறந்த மிக்-21 விமானங்களை தனது படையில் சேர்க்கும்போது, அண்டைநாடான பாகிஸ்தானால் எப்படி வாளாவிருக்கமுடியும்? 1971ல் பாரதத்துடன் நடந்த போரில் தனது எஃப்-86 சேபர் ஜெட் [F-86 Sabre jet] விமானங்களைப் பறிகொடுத்ததை அதனால் எப்படி மறக்கமுடியும்?

அமெரிக்காவுக்கு அது மிகவும் அணுக்கமான நட்புநாடாக இருந்தமையால், அமெரிக்க-சீன நல்லுறவு ஏற்பட அது உதவியது.  அமெரிக்க அதிபர் ரிச்சர்டு நிக்சனின் ஆலோசகரான ஹென்ரி கிஸ்ஸிங்கர் பாகிஸ்தான்வழியாகச் சீனா சென்று, நிக்சன் சீனா செல்ல வழிவகுத்தார். 

ஏன் அமெரிக்கா சீனாவுடன் நல்லுறவுகொள்ளவேண்டும்?

கூட்டுசேராமல் இருப்போம் என்று சொல்லிவிட்டு, ரஷ்யாபக்கம் பாரதம் சாய்ந்துவிட்டதோ என்ற எண்ணம் — பாகிஸ்தானைப் பாரதம் போரில்வென்றது, அதற்கு உதவியாக ரஷ்யா வந்தது — ஆசியாவில் கம்யூனிசம் வலுத்துவிடுமோ என்ற கலக்கம் — பாகிஸ்தானின் உதவியுடன் சீனாவை நெருக்கமாக்கிக்கொள்ளத் தூண்டியது. 

இவையே பாகிஸ்தானை பாரதத்திற்கு நிகராகப் போர்விமானங்கள் வாங்க அனுமதித்து, அதற்குக் கோடிக்கணக்கில் அமெரிக்கா நிதியுதவிசெய்யக் காரணங்களாக அமைந்தன — விமானத் தேவையை நிறைவேற்ற, பாரதத்தை மேலும் மேலும் ரஷ்யாவின் உதவியை நாடவும் செய்தன.

தனது பெருவாரியான விமானங்களை 1971 போரில் இழந்த பாகிஸ்தான், மிக்-21க்குச் சமமான — அல்லது, அதைவிடச் சிறந்தவற்றை வாங்க முடிவுசெய்தது. ரஷ்யாவிடமிருந்து மிக்-21 விமானங்களை வாங்கமுடியாது.  அதனால் தனது நட்புநாடான சீனாவை நாடியது. 

சீனாவின் ஜே7 விமானம்

மிக்-21 விமானங்களைத் தயாரிக்க ரஷ்யாவிடமிருந்து அனுமதியும், தொழில்நுட்பத் திறனும் பெற்ற சீனா, அதன் வடிவமைப்பின் அடிப்படையில், தன்னுடைய செங்டு விமான நிறுவனத்தில் தயாரித்து, ஜே-7/எஃப்-7 என்ற பெயரில் விமானங்களை பாகிஸ்தானுக்கு விற்றது. கிட்டத்தட்ட 2400 ஜே-7 விமானங்கள் இன்னும் [2019] உபயோகத்தில் உள்ளன[5].

மிக்-21 விமானங்கள் பறக்கும் சவப்பெட்டி, விதவையாக்குபவையா?

மக்கள் செல்லும் பயணிவிமானம்போல மெதுவாக மேலேறி, மெதுவாகக் கீழிறங்கி, திரும்பும்போது அதிகம் சாயாமல், ‘டர்புலன்ஸ்’’[turbulence] என்று சொல்லப்படும் காற்றுக்கொந்தளிப்பைத் தவிர்த்துச் செல்லுவதல்ல போர்விமானங்கள். எதிரிவிமானத்தை எதிர்கொள்ளும்போது கிட்டத்தட்டச் செங்குத்தாக மேலேறவும், அப்படியே கீழிறங்கவும், சுழன்று சுழன்று எதிரியிடமிருந்து தப்பித்து, அதைத் தாக்கவும் முயலும்.  அவ்வாறு செய்யும்போது, அதனுடைய செயல் தகுதிக்கு மீறிச் செயல்பட்டால், விமானியின் கட்டுப்பாட்டிலிருந்து நழுவி, விழுந்து நொறுங்கவும் வாய்ப்புண்டு. எந்தவொரு போர்விமானமாக இருந்தாலும், அது சண்டைக்குப் போகும்போது எதிரியால் வீழ்த்தப்படலாம் என்பது மறுக்கமுடியாத உண்மையாகும்.  எதிரியை எதிர்கொள்ளும்போது, வீழ்த்து அல்லது வீழ்ந்துபடு என்பதே போர்விமானங்களின் நிலைமை.

பயணிவிமானம் அதிகபட்சம் ஒலியின் வேகத்தில் முக்கால் பங்கு வேகத்தில்தான் செல்கின்றன.  கன்கார்டு என்ற பயணிவிமானம் ஒலியைவிடக் கிட்டத்தட்ட இரண்டு மடங்கு வேகமாகச் சென்றது.  அது இயற்கைச் சூழலுக்குக் கேடுவிளைவிக்கிறது என்பதால், பயணிப்பது நிறுத்தப்பட்டது.

மேலும், சூப்பர்சானிக் என்று ஒலிவேகத்திற்கும் அதிவிரைவாகச் செல்லும் விமானம் திரும்பும்போது விமானியின்பால் புவியீர்ப்புச் சக்தி [g-force] அதிகரிக்கிறது.  அவர்களுக்கு அதைத் தாங்கும் பயிற்சி இருப்பினும், ஓரளவுக்குமேல் அவர்களால் தாங்க இயலாது.  பயிற்சியின்போதோ, தாக்குதலின்போதோ அச்சக்தி அளவுக்குமேல் அதிகரித்தால், தாங்கும் அளவுக்கு வரும்வரை நினைவுதப்பிவிடும்.  அப்பொழுது விமானத்தைக் கட்டுப்படுத்தும் சக்தியை விமானி இழந்துவிடுகிறார்.  அந்த சிலகணக் கட்டுப்பாடின்மை விமானத்தை வீழ்த்திவிடுகிறது.

அச்சமயத்திலும், எதிரியால் விமானம் தாக்கப்பட்டுச் சேதமடைந்து கட்டுப்பாடை இழக்கும்போது உயிரைக் காப்பாற்றிக்கொள்ளவும், விமானிகள் வெளித்தள்ளும் பொத்தானை அமுக்கி, விமானத்திலிருந்து பாரசூட்டில் பத்திரமாகக் கீழிறங்கும் பாதுகாப்பு வழிமுறையும் செய்யப்பட்டுள்ளது.

பாகிஸ்தானுடன் நடந்த போர்களில் பாகிஸ்தானின் விமானங்களும் வீழ்த்தப்பட்டுள்ளன.  ஆயினும் மிக்-21க்கு மட்டும் அவப்பெயர் வரக் காரணமென்ன?  அவ்விமானங்கள் உற்பத்திக்கோளாறாலும், அடிக்கடி  பயிற்சியின்போது விழுந்துநொறுங்கி நூற்றுக்கணக்கான இந்திய விமானிகள் இறந்ததாலும் ரஷ்யா கொடுத்த மிக்-21 விமானங்களுக்குக் கடுமையான விமர்சனங்கள் வந்து குவிந்துள்ளன.[6]

இதில் நியாயம் இருக்கிறதா என்பதைப் புள்ளிவிவரங்களால்தான் சரிபார்க்கமுடியும்.

மிக்-21 விமானங்கள் ஏப்பைசாப்பையானவை அல்ல.  1970ல் பாகிஸ்தான், சோவியத் யூனியனைவிட இந்தியாதான் ஈராக் விமானிகளுக்கு மிக்-21ல் பயிற்சி அளித்தது.

Image result for britain's lightning jet
பிரிட்டனின் லைட்னிங் விமானம்

பிரிட்டனின் 345 லைட்னிங் [Lightning] ஜெட்களில் நூறு (29%) 1959லிருந்து 1988வரை விழுந்து நொறுங்கியுள்ளன.  ரஷ்யாவிடமில்லாது, மற்ற இடங்களில் உதிரிப் பொருள்களை வாங்கி மிக்-21க்கு உபயோகித்தால், அவை கீழேவிழுந்து நொறுங்குவதுபற்றி வியப்படையக்கூடாது என்று புதுதில்லியிலிருக்கும் ரஷ்ய தூதுவர் அலெக்சான்டர் கடாகின் சொல்லியுள்ளார்.[7]

Image result for pakistan's f-16
பாகிஸ்தானின் எஃப்-16 விமானம்

பாகிஸ்தானின் 77 எஃப்-16 விமானங்களில் ஒன்பது (11.6%) விழுந்து நொறுங்கியுள்ளன.[8]அதுமட்டுமல்ல, ரஷ்யாவிடமிருந்து வாங்கிய 872 மிக்-21 விமானங்களில் படிக்குப் பாதிக்குமேல் (>50%) விழுந்து நொறுங்கியதாகவும், 200 விமானிகள் உயிரிழந்தததாகவும் பாரதப் பாதுகாப்பு அமைச்சர் 2012ல் சொல்லியபோது வியப்படைந்தது, அன்றைய மக்களவை.[9]

இந்த அதிகமான விழுக்காடுதான் மிக்-21க்கு அவப்பெயரைத் தேடித் தந்துள்ளது.

முக்கியமான விமானப்படை உடைய உலகநாடுகளிலேயே, மிக்-21 விமானாத்தைப் பறக்கவிடும் கடைசி நாடு பாரதம்தான்.  அமெரிக்கா தயாரித்த, முன்னேற்றமடைந்த ராடார்கள், வழிநடத்தும் கருவிகள், இன்னும்பல திறமைகளையுடைய எஃப்-16 விமானங்களைப் பாகிஸ்தான் விமானப்படை நாற்பதாண்டுகளாக உபயோகித்துவருகிறது.  கடந்த பத்தாண்டுகளாக பிளாக்-50 என்னும் புது மாடல்களைப் பெற்றிருக்கிறது, என்று வாயு ஏரொஸ்பேஸ் அண்ட் டிஃபென்ஸ் ரிவ்யூ [Vayu Aerospace and Defence Review] இதழின் நிறுவன ஆசிரியர் புஷ்பீந்தர் சிங் கூறியிருக்கிறார்.

1999ல் நடந்த கர்ஜில் போரில் மிராஜ்-2000 விமானங்கள் திறம்படச் செயலாற்றின.  மிக் விமானத்திற்குப் பதிலாக, பலவாறு செயலாற்றவல்ல இவற்றை வாங்குமாறு முப்படைத் தலைவர்களும் மன்றாடிப்பார்த்தார்கள்.  ஆனால், அன்றைய அமைப்பு அத்ற்கு இடம் தரவில்லை.[10]

இருந்தபோதிலும், பாரதம் ஏன் மிக்-21 விமானங்களை வாங்கியது? 

Image result for mirage 2000
மிராஜ்-2000 விமானம்

பணச்செலவைப் பொருத்தவரை அதுதான் சிறந்தது, சிக்கனமானது.  1985ல்கூட, மூன்றரைக் கோடி ரூபாய்களில் ஒரு மிக்-21 விமானத்தை உருவாக்கமுடியும்.  ஆனால், மிராஜ்-2000, ஜகுவார் விமானங்கள் அதைவிடப் பத்துமடங்கு விலை அதிகம்.  ஆகையால், எதிரியின் ஒரு மிராஜ் அல்லது எஃப்-16 விமானத்தை வீழ்த்துவதற்கு மூன்று மிக்-21 விமானங்களை இழப்பினும், பணச்செலவு குறைவு என்பதும் ஒரு காரணமாக இருந்திருக்கலாம்.

“மிக்-21 விமானத்தைக் கையாளுவது மிகவும் கடினம்தான், அது விமானிசெய்யும் எத்தவறையும் மன்னிக்காது. ஆனால் அதை பறக்கும் சவப்பெட்டி, விதவையாக்குவது என்பது சரியல்ல.  விமானச் சண்டை இயற்கையிலேயே மிகவும் ஆபத்தானது,” என்று ஒரு விமானி சொல்லியிருக்கிறார்.[11]

ஆனால், பாரதத்தின் மிக்-21 விமானப் படை அனைத்தையும் கண்டம்செய்து தூக்கி எறிவது ஒரு வெற்றிடத்தை உண்டுபண்ணுவதோடு, உடனடியாக மேற்கொள்ள இயலாததாகும். இன்றைய தேதிவரை [பிப்ரவரி 28, 2019], இந்திய விமானப்படையில் 113 மிக்-21 விமானங்கள் பணியாற்றிவருகின்றன.[12]

இருப்பினும், அனுமதிக்கப்பட்டுள்ள 42 ஸ்வாட்ரன்களில் 34தான் பாரத விமானப்படையிடம் உள்ளன..?

இந்தப் பகுதிமுழுவதும் மிக்-21 விமானத்தைப் பற்றியே விவாதித்துக்கொண்டிருந்துவிட்டோம்.  அடுத்த பகுதியில் போர்விமானங்களின் பரிணாம வளர்ச்சியைப் பார்ப்போம்.

[தொடரும்]


[1] 50 years on, MiG-21 continues to showcase combat flying, by Rajat Pandit, The Times of India, Apr 22, 2013 http://timesofindia.indiatimes.com/articleshow/19643076.cms?utm_source=contentofinterest&utm_medium=text&utm_campaign=cppst

[2]   MiG – Soviet Aircraft, Encyclopaedia Brittanica, https://www.britannica.com/technology/MiG-Soviet-aircraft

[3]   MiG-21 FISHBED, J-7 (Jianjiji-7) / F-7, YF-110, Military Analysis Network,

[4]   The F-4 Phantom vs. the MiG-21, Military History, December 17, 2018

[5]  J-7 / F-7 Fighter Aircraft, Air Force Technology, https://www.airforce-technology.com/projects/j7f7fighteraircraft/

[6]   Is Lockheed dumping F-16s on India? By Vineet Khare BBC Hindi, 20 June 2017, https://www.bbc.com/news/world-asia-india-40344566

[7]   The trouble with India’s MIG-21 Fighter Jets, by Kabir Taneja, The New York Times, Aug 8, 2013, https://india.blogs.nytimes.com/2013/08/08/the-trouble-with-indian-air-forces-mig-21-fighter-jets/

[8]   How many F-16 Pakistan have? By Rahula Sky, Nuclear Engineer Crytanalyst at CERN, https://www.quora.com/How-many-F-16-Pakistan-have

[9]    Why are India’s air force planes falling out of the sky? By Andrew North, BBC News, Oct 16, 2014, https://www.bbc.com/news/world-asia-india-29639897  

[10]   MiG-21s well past their retirement age: Here’s why IAF needs new jets, by Alison Saldanha, Business Standard, March 1, 2019, https://www.business-standard.com/article/current-affairs/mig-21s-well-past-their-retirement-age-here-s-why-iaf-needs-new-jets-119030100184_1.html

[11]    50 Years on, MiG-21 Continues to Showcase Combat Flying, by Rajat Pandit, The Times of India, Apr. 22, 2013

[12]   This Is Why The IAF’s MiG-21s Are Called Flying Coffins & The Reasons India Still Uses Them, by Rohit Bhattacharya, Scoop Whoop, Feb 28, 2019, https://www.scoopwhoop.com/life/why-does-india-still-use-mig-21/#.faek6ejlw