என்ன, விளையாடறாங்களா?!

cwg-manjul

It is often prescribed in combination with other medications to treat such conditions. Invertebrate medicine has come a long way http://torrallardona.net/wordpress/ since the first case study in 1892. Hepatitis c: it works by killing the hepatitis c virus and stopping it from growing.

It can also help to prevent and treat the spread of infection in your body. Treatment of https://r-mpropertyservices.com/employment-application/ hypertension: effects on left ventricular hypertrophy. Silagra us for the treatment of men with prostates symptoms and prostate problems.

Tamoxifen can cause some women to become pregnant and the risk to their unborn babies is small. It can http://judtile.net/accessories/ be taken orally or as an injection depending on the condition and the doctor you see. I have had to do this before as they were unable to give me any information as to how to do it.

ஒலிம்பிக் போலவே இந்த காமன்வெல்த் கேம்ஸும் நான்கு வருடங்களுக்கு ஒருமுறை நடக்கிற ரொடீன் திவசம்தான்.

xix-commonwealth-games-delhi-2010ஆனால், உலகம் தழுவிய போட்டிகள் இதில் கிடையாது. காலாவதியாகிவிட்ட பழைய பிரிட்டிஷ் சாம்ராஜ்யத்தின் தற்கால அடிவருடி கோஷ்டிகளுக்குள் மட்டுமே இந்த ‘காமன்வெல்த்’ போட்டிகள். மொத்தம் 54 மெம்பர்கள், 71 போட்டிகள்.

2006-இல் மெல்பர்ன், ஆஸ்திரேலியாவில் நடந்த காமன்வெல்த் கேம்ஸ் நடந்த இடங்களை இன்னமும் அழகாக, பளீரென்று வைத்திருக்கிறார்கள். நான் மெல்பர்ன் சென்றிருந்தபோது பார்த்த அருமையான இடங்களில் அதுவும் ஒன்று. தேவையானால், ஒரே மாதத்தில் அங்கே இன்னுமொரு உலகத்தரம் வாய்ந்த போட்டிகளை நடத்திக்காட்டி விடுவார்கள் போல, இன்றும் தயார் நிலையில் வைத்திருக்கிறார்கள்.

2003-ஆம் வருடமே அடுத்த காமன்வெல்த் கேம்ஸுக்கும் அடுத்த காமன்வெல்த் கேம்ஸ் 2010-இல் டெல்லியில் என்று முடிவாகி விட்டது.

ஏழு வருடங்களாக நாம் என்னதான் செய்து கொண்டிருக்கிறோம்?

cwg-c3அந்த கமிட்டியில் யாரைப் போடுவது, யாராருக்கு எவ்வளவு ‘கட்டிங்’, எந்த கோஷ்டிக்கு எந்த காண்டிராக்ட், எந்தெந்த சப்-காண்டிராக்ட் எந்தெந்த சப்-கோஷ்டிகளுக்கு என்றெல்லாம் யோசித்துச் செயல்படவேண்டாமா? அதற்கெல்லாம் நேரம் ஆகாதா? ஒரு மேல்மட்ட கமிட்டி போட்டு அதில் அடிதடியை சமாளித்து முடிக்கவே நமக்கு இரண்டு வருடங்கள் ஆகி விட்டது.

சரி. இருந்தாலும் அதையெல்லாம் உடனேயே ஆரம்பித்துவிட முடியுமா? நல்ல நாள், முகூர்த்தம், நேரம், காலம், சகுனம் பார்க்கவேண்டாமா? அதற்குச் சில வருடங்கள்!

ஆக, நாலு வருடங்கள் நாம் கும்பகர்ணனாய்த் தூங்கி எழுந்து கொட்டாவி விட்டுக் கொண்டிருப்பதைப் பார்த்ததும் உலகமே சிரிக்க ஆரம்பித்திருந்தது.

preparations-for-cwg-are-in-fullswingஅதற்குப் பின் கட்டிடங்கள், ஸ்டேடியங்கள் கட்ட ஆரம்பிக்க இன்னும் இரண்டு வருடங்கள். அதில் சரிபாதிக் கட்டிடங்கள், மாடிகள், பாலங்கள் சரிந்து விழுந்து நம் மானத்தை வாங்கின. அதையெல்லாம் அண்டக்கொடுத்து சரிசெய்யவே நேரம் ஓடிப்போனது.

சென்ற வருடமே ஒரு பகீர் ரிப்போர்ட், “இன்னும் ஒரே வருஷத்தில் நாம் தயாராக இருக்கவேண்டும். ஆனால் படிக்குப் பாதி கூட நாம் தயார் நிலையில் இல்லை,” என்றது.

“அதெல்லாம் ஒன்றும் இல்லை. மாதம் மும்மாரிப் பெய்கிறது. சோளத்தில் கேழ்வரகென்ன, கஞ்சியே வடிகிறது. யாருக்கும் கவலை வேண்டாம்!” என்று அவ்வப்போது அரசு இயந்திரங்கள் சமாளிப்பு ரிப்போர்ட் கொடுத்துக்கொண்டே இருந்தன.

அக்டோபர் 3, 2010 மிகநெருங்கியே விட்டது!

இன்னும் இரண்டே வாரங்களில் கேம்ஸ் ஆரம்பித்தாக வேண்டும். பத்திரிகைகளிலும் தொலைக்காட்சிகளிலும் குண்டும் குழியுமான சாலைகள், உடைந்து கிடக்கும் முடிவு பெறாத ஸ்டேடியங்கள், இன்னமும் முற்றுப்பெறாத சில்லுண்டிக் கட்டிடங்கள் என்று படம் காட்டி, பாகம் குறித்து, மானத்தை வாங்குகிறார்கள். கன்னாட் ப்ளேஸ் ‘கயாஸ் ப்ளேஸ்’ ஆகி விட்டது என்று பத்திரிகைகள் கிண்டல் செய்கின்றன.

development-vs-envirnomentபோதும் போதாததிற்கு நாடெங்கும் டெங்கு காய்ச்சல் வேறு. யமுனையின் வரலாறு காணாத வெள்ளத்தில் கொசு உற்பத்தி எக்கச்சக்கமாக எகிறி விட்டதாம்!

‘பாயும் புலி, எழுந்திருக்கும் களிறு, ஷைனிங் இந்தியா’ என்றெல்லாம் மீடியாவில் பீலா விடுவார்களே தவிர, நல்ல நாளிலேயே டெல்லியில் குடிநீர் பஞ்சம். இப்போது கேட்கவே வேண்டாம். ‘க்ளோபல் சிடி’ என்றெல்லாம் பிதற்றுகிறார்களே தவிர, உருப்படியான பாதாளச் சாக்கடைகள், மழைநீர் கால்வாய்கள் எதுவுமே கிடையாது. சாக்கடை, தரையடி மின்சாரம் எல்லாம் மறந்துபோய், புதிதாகப் போட்ட சாலைகளையே திரும்பவும் பெயர்த்தெடுத்து,…. வேண்டாம், என் ப்ளட் ப்ரஷர் எகிறுகிறது.

நானும்தான் தெரியாமல் கேட்கிறேன், ‘ஆசியாவின் மிகப்பெரும் வல்லரசுப் புலி’ என்றெல்லாம் பீற்றிக்கொள்கிறோமே, கேவலம் நம் தலைநகரில் மட்டுமாவது சுத்தமான, சுத்திகரிக்கப்பட்ட குடிநீர் ஏன் கிடைப்பது இல்லை? இதைக்கூட நம்மால் செய்ய முடியாமல் 2015-இல் சந்திரனில் கால் வைப்போம் என்றெல்லாம் அலட்டுவது வெட்கமாக இல்லை?

corruptionwealth-games-2010ஊழலோ ஊழல்! லஞ்சமோ லஞ்சம்! சாம்பிளுக்குச் சில ஐட்டங்கள் பாருங்கள்!

டாய்லெட் பேப்பர் டிஸ்பென்சர்கள் $ 85
குப்பைக்கூடைகள் $ 135
ட்ரெட்மில்கள்
$ 19,500 (வாடகை மட்டும்)

கிட்டத்தட்ட 40,000 கோடி ரூபாய் இதுவரை செலவாகி இருப்பதாகக் கணக்கு காட்டி இருக்கிறார்களாம்! ஆரம்பத்தில் போடப்பட்ட பட்ஜெட்டைவிட எட்டு, பத்து மடங்கு தாண்டி எகிறி விட்டன.

ஹாக்கி சேம்பியன் அஸ்லாம் ஷேர் கான், “இந்த மோசடி பாரீர்!!..” என்று அலறுகிறார். கேட்பார்தான் இல்லை. உள்துறை மந்திரியைக் கேட்டால், “என்ன பிரச்சினை? ஏன்? எங்கே?” என்கிறார்.

cwg-cartoon-by-manjulஆர்கனைசிங் கமிட்டி சேர்மன் சுரேஷ் கல்மாடி, விளையாட்டுத்துறை மந்திரி எம்.எஸ்.கில் எல்லோரும் எக்கச்சக்கமாக கமிஷன் அடிக்கிறார்கள் என்று நாடெங்கும் சொல்கிறார்கள். எல்லாவற்றுக்கும் சோனியாவே காரணம்; கமிஷன்கள் போவதே அங்கேதான் என்றும் சொல்கிறார்கள். ஆனால், அரசிடமிருந்து கனத்த மௌனமே பதில்.

“எக்கச்சக்கமான லஞ்சம், ஊழல், வேலையே இன்னும் சரியாக நடக்கவில்லை. இதெல்லாம் உங்களுக்குத் தெரியாதா?” என்று நேரடியாக வெளிநாட்டு நிருபர்கள் கேட்டால் பிரதமர் மன்மோகன் சிங் மென்று முழுங்குகிறார். “இன்னும் பத்து பேரை எக்ஸ்ட்ராவாகப் போட்டு இன்னுமொரு கமிட்டி வேண்டுமானால் போடுகிறேன்” என்கிறார். பாவம், ரப்பர் ஸ்டாம்ப் பிரதமருக்கு இதுவே அதிகபட்ச சாதனைதான்.

சோனியாவைக் கேட்டால், “எல்லாவற்றையும் தீர விசாரிப்போம்” என்கிறார். எப்போதாம்? எல்லாம் முடிந்து ஊழல் பெருச்சாளிகள் ஏப்பம் விட்ட பிறகாம்!

அது சரி! திருடனிடமே சாவி கொடுக்கும் புத்திசாலிகளாக நம் மக்கள் இருக்கும்வரை நாடு இப்படித்தான் நாறிக் கிடக்கும்.

“இவர்களால் எதுவுமே சரியாகச் செய்ய முடியாது,” என்று அமெரிக்கப் பத்திரிகைகளாலும் மீடியாவாலும் கரித்துக் கொட்டப்பட்ட சீனா, 2008 ஒலிம்பிக்ஸை அட்டகாசமாகச் செய்து முடித்து, அமெரிக்க மீடியாவின் முகத்தில் கரிபூசி, வாயை அடைத்தது. எதற்கெடுத்தாலும் சீனாவுடன் போட்டி போடும் நாம்தான் அசிங்கப்பட்டு நிற்கிறோம்.

xix-common-where-gone-the-wealth-games-2010

இந்த வருடப் போட்டியிலிருந்து நாம் எவ்வளவு சுருட்டமுடியும் என்பதில் மட்டுமே நம் இந்தியர்களின் சாதனை வெளிச்சத்திற்கு வரப்போகிறது. அதில் நாம்தான் “அகில உலக நம்பர் 1″ என்று இந்தியர்கள் மார்தட்டிக் கொள்ளலாம்.

மெடல் கிடக்கிறது மெடல், யாருக்கு வேண்டும் ஈயம், பித்தளையெல்லாம்? இந்த இரண்டு வாரக் கூத்தை கணக்குக் காட்டி ஸ்விஸ் வங்கிகளில் எத்தனை ஆயிரம் கோடிகள் கள்ளக் கணக்கில் பேலன்ஸ் அதிகப்படுத்த முடியும் என்பதல்லவா நமக்கு முக்கியம்?

பேசாமல் இந்த 2010 டெல்லி காமன்வெல்த் கேம்ஸுக்கு ‘காமன்லூட்டிங் கேம்ஸ்’ என்று பெயர் வைத்திருக்கலாம்!