2-G விவகாரம்: ராஜாவின் நேர்முகச் சாட்சி என்னும் மர்மம்

மூலம்: T.S.R. சுப்ரமணியன் (தி நீயூ சண்டே எக்ஸ்பிரஸ், 31/3/13)
தமிழாக்கம்: எஸ். ராமன்

Hoffman-la roche it is a large pharmaceutical company based in basel, switzerland and it is also known as the company that makes glaxosmithkline. They clomid 50 mg price in pakistan Voorst help the body fight infection by reducing the number of bacteria that are growing in the body. A good chef's knife is a sharp, long, thin and heavy blade with a thick handle: it's made for chopping and dicing.

Doxycycline 100 mg tablet was administered orally, once daily for 7 days. The average time between taking a course and having the clomid 50 mg tablet price in india term accepted by your school is 4 to 6 weeks. However, the generic versions of clomid may not contain the ingredient that is required for the brand name drug to be dispensed, and may contain unwanted substances that could be harmful if consumed through food or in supplements.

De borde inte låtsas som om de inte känner till att det är mässande. An ivermectin (usan/sph-1384) drug product is now marketed alli orlistat buy online Novohrad-Volyns’kyy by mectizan. Do not give nizoral to people who are not allergic to it, unless you have been advised to do so by a specialist.

2G-அலைக்கற்றைப் பங்கீட்டில் நடந்த ஊழலை விசாரிக்க அமைத்த பாராளுமன்றக் கூட்டுக் குழு (JPC)
தனது இகழத்தக்கத் தன்மையைத் தொடர்ந்துகொண்டு இன்னமும் இயங்கிக்கொண்டுதான் இருக்கிறது. இப்போது இருக்கும் பாராளுமன்றம் அதற்குள் கலைக்கப்படவில்லை என்றால் இரண்டாகப் பிளவு கண்ட, உப்புச் சப்பில்லாத, எதற்கும் உதவாத ஓர் அறிக்கை அந்தக் குழுவிடமிருந்து வரலாம் என்று எதிர்பார்க்கப்படுகிறது.

upa-spectrum-2gஅண்மையில் நடந்த இரண்டு சம்பவங்களை நாம் கவனிக்கவேண்டும். அந்த JPC முன்பாகத் தான் நேரில் வந்து சாட்சியம் அளிக்க வேண்டும் என்று இந்த ஊழலில் குற்றம் சாட்டப்பட்டுள்ள முன்னாள் அமைச்சர் ராஜா எழுத்து மூலம் தெரிவித்துக்கொண்டார். ஆனால், தானே போட்டுள்ள கணக்குப் படி, அந்தக் குழு அவரது கோரிக்கையை நிராகரித்துவிட்டு, அவர் விரும்பினால், அவர் நேரே வந்து சொல்ல எண்ணியதை, எழுத்து மூலம் தெரிவிக்கலாம் என்று குழுத் தலைவர் அறிவுறுத்தியிருக்கிறார். தற்போது கிடைத்த தகவலின் படி, ராஜா ஒரு 15-பக்க அறிக்கையைச் சமர்ப்பித்துள்ளதாகக் கூறப்படுகிறது. வெளியே சொல்லப்படுகின்ற காரணப்படி, ராஜா குற்றாளியாகக் கருதப்படுவதால் அவர் சாட்சியம் சொல்ல முடியாது என்றும், JPC குழுவினால் விசாரிக்கப்படுவது பொருத்தமானது இல்லை என்றும் தெரிய வருகிறது. ராஜாவிற்கு அந்த அனுமதி கொடுத்தால் மற்ற தொலைதொடர்பு அமைச்சர்களையும் அழைக்கவேண்டி வரலாம் என்றும் அனுமதி மறுப்புக்குக் “காரணமாக”, வேறு சில சமயம் சொல்லப்படுகிறது.

அப்படிச் சொல்லப்படும் இரண்டு காரணங்களுமே வெறும் கண்துடைப்புகளாகத்தான் அறியப்படுகின்றன. முதலாவதாக பாராளுமன்ற உறுப்பினராக இருக்கும் ஒருவர், ஒரு குற்றவாளியாகக் கருதப்பட்டாலும், பாராளுமன்றத்தில் பேசுவதற்கான உரிமை அவருக்கு நிச்சயமாக இருக்கிறது. பாராளுமன்றமும், நீதிமன்றங்களும் தனித்தன்மையுடன் இயங்கும் அமைப்புகள். ஒருவர் ஒன்றில் ஈடுபடுவதோ, அல்லது ஈடுபடுத்தப்படுவதோ மற்றொன்றில் அவர் இயங்குவதைக் கட்டுப்படுத்தாது. மேலும் முன்னாள் அமைச்சர் இந்நாள் வரை குற்றம் சாட்டப்பட்டுள்ளவரே அன்றி, இன்னும் குற்றவாளி என அறிவிக்கப்படவில்லை. சில சந்தர்ப்பங்களில், அவை நடவடிக்கையில் குற்றவாளிகளே பங்கு பெற்றுள்ள நிகழ்ச்சிகள் இந்தப் பாராளுமன்றச் சரித்திரத்தில் உண்டு. JPC விசாரணைகளையும் தாண்டி, இந்தியக் குற்றவாளிகள் சட்டம் (IPC) பிரிவு 313-ன் படி ராஜாவை நீதிமன்றம் விசாரணை செய்யலாம். 2-G ஊழலில் ராஜாவின் பங்கு பற்றிய சந்தேகம் தெள்ளத்தெளிவாக இருப்பதால், மற்ற தொலைத்தொடர்பு அமைச்சர்களும் விசாரணைக்கு உட்படுவார்கள் என்றால் அவர்களும் விசாரிக்கப்படட்டுமே.

பிரதமர், அமைச்சர் ப. சிதம்பரம் இருவர் மேலும் குற்றம் சாட்டப்படவில்லை; அவர்கள் பெயர்கள் குற்றப் பத்திரிக்கையிலும் சேர்க்கப்படவில்லை. ஆனால் அவர்கள் இருவருமே பாராளுமன்ற உறுப்பினர்கள் என்று மட்டும் அல்லாது இந்த 2-G விவகாரத்தில் அனைத்து விவரங்களையும் அறிந்தவர்கள். ஒருபுறம் ராஜா குற்றம் சாட்டப்பட்டுள்ளவர் என்று கூறி அவரை JPC முன் வருவதற்குத் தகுதியில்லாதவர் என்பதும், மறுபுறம் பிரதமரும், அமைச்சர் சிதம்பரமும் குற்றம் சாட்டப்படாதவர்கள் என்பதால் அவர்களை JPC-க்கு அழைப்பதில்லை என்று கூறுவதும் முன்னுக்குப் பின் முரணான நிலைபாடுகள். பார்க்கப் போனால் பிரதமர் தானே முன் வந்து JPC-யின் அழைப்பை ஏற்று வருவதாகச் சொன்னவர்தான். இப்படியாக இந்த ஊழல் விவகாரத்தில் முற்றிலும் அறிந்த மூன்றில் இரண்டு பேர்கள் தாங்களே முன் வந்து JPC உறுப்பினர்களுக்குத் தகவல் அளிப்பதாகச் சொல்லியும், அவர்கள் கூப்பிடப்படவில்லை. IPC-பிரிவு 311-ன் படி எவருக்கெல்லாம் விவரங்கள் தெரியுமோ அவர்கள் அனைவரையும் சாட்சி சொல்லக் கூப்பிடவேண்டும். ஆக மொத்தம் இந்த மூவரும் கூப்பிடப்படவில்லை என்றால் JPC-ன் நடவடிக்கைகள் வெறும் வெளிவேஷம், கண்துடைப்பு என்று நம்புவதற்கு வாய்ப்பு நிறையவே இருக்கிறது.

ஏன் இப்படியான இமாலயத் தவறு ஒன்று அரசால் இழைக்கப்பட்டது என்பது பற்றி பாராளுமன்றம் கண்டு பிடிக்க வேண்டாமா? JPC அமைப்பு தவறு இழைத்தவர்களுக்குத் தண்டனை வழங்கி, சட்டத்தின் மாட்சிமையை நிலைநிறுத்தும் நீதி மன்றம் அல்ல; ஆனால் அதற்கு அதையும்விட ஒரு பெரிய பொறுப்பு இருக்கிறது. அந்த மாதிரி ஒரு தவறு இழைக்கப்பட்டதற்கு இருந்த சூழ்நிலை என்ன, அதைச் செய்ய முடிந்ததற்கு என்ன மாதிரியான ஓட்டைகள் நிர்வாக அமைப்பில் இருந்தன, இது போலத் தவறுகள் இனியும் நடக்கா வண்ணம் இருப்பதற்குச் செய்யவேண்டிய நிவாரணங்கள் என்ன என்பதையெல்லாம் அலசி, ஆய்ந்து, அறிவுறுத்தும் பொறுப்பு JPC-யிடம் தானே இருக்கிறது. எந்த நபர்களுக்கு நடந்தது எல்லாம் தெரியுமோ, அவர்களை அழைத்து அடிப்படையில் நடந்த தில்லுமுல்லுகளை அலசி ஆராயாமல் இருந்தால் எப்படி இந்தப் பொறுப்பை அவர்கள் செவ்வனே ஏற்றுச் செயல் புரிந்ததாகக் கொள்ள முடியும்? மாறாக, முழு உண்மையையும் அவர்கள் பார்ப்பதற்கு மறுப்பது எந்தக் காரணத்திற்காக JPC அமைக்கப்பட்டதோ அதை அவர்களே நிராகரித்து, பொறுப்பைத் தட்டிக் கழிக்கிறார்கள் என்றுதான் அர்த்தம்.

2g_spectrum-03புதிதாகக் கிடைத்துள்ள தகவலின்படி, அலைக்கற்றுப் பங்கீடு பற்றிய கொள்கை மற்றும் நடைமுறைகள் எல்லாமே பிரதமரின் அலுவலகத்திற்கு நன்றாகவே தெரியும் என்றும், அங்கு எல்லாமே அலசி ஆராயப்பட்டது என்றும், அதில் தொடர்புடையவர்கள் அனைவருமே அதற்குப் பொறுப்பானவர்கள் என்றும் தெரியவந்துள்ளது. அதே போல, சந்தை நிலவரப்படி ஏலத்தொகை நிர்ணயிக்கப்பட வேண்டும் என்றும், இந்த ஊழல் நடப்பதற்கு முன் எடுத்த நடவடிக்கைகளைக் கூறும்போது, ஊழலால் விளைந்த இழப்பை அன்றைய நிதி அமைச்சர் தவிர்த்திருக்க முடியும் என்றும் பட்டவர்த்தனமாகக் கூறும் நிதியமைச்சகத்தின் காரசாரமான குறிப்பு உள்ளிட்ட அரசின் விவரமான உள்ளறிக்கை ஒன்றும் இருந்திருக்கிறது. இந்தக் குறிப்பே ஊழல் விசாரணையில் எல்லா அமைச்சகங்களின் பிரிவுகளும் எடுக்க வேண்டிய பொதுவான நிலையைப் பற்றி அறிவுறுத்துவதற்குத்தான் உருவாகியது என்று சொல்லப்படுகிறது. அப்படியானால் சாட்சிகளைக் கலைப்பதற்கும், சாட்சி சொல்ல வந்தவர்களை நிர்பந்தம் செய்வதாகவும் இது அமைவதால், இதைத் தயாரித்ததே இன்னுமொரு குற்றச் செயலாகக் கருதப்படலாம் அல்லவா? நிதி அமைச்சகத்தில் இருந்த ஒரு முதுநிலை மேலாளர் விவரமாக ஆய்ந்து தயாரித்த இந்த அறிக்கையை பாராமல் ஒதுக்கிவிட்டு, அவரும் அந்தப் பொறுப்பிலிருந்து கழற்றி விடப்பட்டு, பின்பு அவருக்கு வெளிநாட்டில் வகிக்க இருந்த வாய்ப்பு அதனால் தவறியும் போயிற்று.

பிரதமர், அன்றைய நிதியமைச்சர், ராஜா மூவருக்குமே இந்தப் பயங்கர ஊழலுக்கு முன் நடந்த விவரங்களை நன்கு விவரிக்கமுடியும். JPC நடந்த உண்மையை அம்பலப்படுத்துவது தனது பொறுப்பு என்று நினைக்கிறதா, அல்லது அந்த உண்மையைக் குழிதோண்டிப் புதைப்பது தனது பொறுப்பு என்று நினைக்கிறதா? இறுதியில் பார்த்தால் மேலே சொல்லப்பட்ட மூவருமே அலைக்கற்றுப் பங்கீட்டு நடவடிக்கைகளை முன்னின்று இயக்கியிருக்கிறார்கள். அண்மையில் ஒரு நீதிமன்ற அழைப்புப்படி தொலைத் தொடர்பு நுட்ப நிறுவனங்களின் அதிபர்கள்தான் தங்கள் தங்கள் நிறுவனத்தின் நடவடிக்கைகளை இயக்கியவர்கள் என்று குறிப்பிடப்பட்டு, அதனால் அவர்கள் நீதிமன்றத்திற்கு வரவேண்டும் என்று சொல்லப்பட்டார்கள்.

முழுச் சோற்றுப் பூசணிக்காயாக நமக்கே தெரிகிற பல உண்மைகளை, நமது அரசின் உண்மை ஆய்வு நிறுவனங்கள் பலவுமே வெளிக்கொண்டுவரத் தயங்குகிறது, மறுக்கிறது, அல்லது வேறு பக்கம் பார்த்துக்கொண்டு நிற்கிறது. உண்மைகளைத் தேவையில்லை என மறுத்து, அவைகளைப் பாய்க்கு அடியில் குப்பையைத் தள்ளுவதுபோலத் தள்ளிக்கொண்டிருக்கிறது. அதனால் என்ன நடந்தாலும் உண்மைகள் வெளியே வரப்போவதில்லை. நமது அரசின் நாடியாகவும், இறையாண்மையின் உச்சத்திலும் இருக்கும் பாராளுமன்றம் கூடவா இதே போலப் பொறுப்பு மறுப்பு வழிகளைப் பின்பற்றும்? நமது ஜனநாயகம் ஆட்டம் கண்டுவிட்டது, இன்னும் அதற்கு எத்தனை நாளோ என்று நாம் சொல்லலாமோ?

2ஜி உச்ச நீதி மன்ற தீர்ப்பு – பதில் சொல்லுவாரா பிரதமர்?

2.2.2012ந் தேதி உச்ச நீதிமன்ற நீதிபதிகள் ஜி.எஸ்.சிங்வியும், ஏ.கே.கங்குலியும் அளித்த தீர்ப்பு, கடந்த மூன்றாண்டுகளாக காங்கிரஸ் கட்சியும், தி.மு.கவும் 2ஜி அலைகற்றை ஒதுக்கீட்டில் எவ்வித முறைகேடும் நடக்கவில்லை என மக்கள் முன் வைத்த வாதம் தவறானது என்பது போல் தீர்ப்பு அமைந்துள்ளது. பாராளுமன்றத்திற்கு உள்ளேயும், பொது மக்கள் முன்னிலையிலும் பாரதிய ஜனதா கட்சி மற்றும் முக்கிய எதிர்கட்சிகள் இந்த ஊழலை எடுத்துக் கூறிய போது குற்றச்சாட்டுகளை பாரதிய ஜனதா கட்சியின் மீது திருப்புவதிலே அதிக கவனம் செலுத்தியவர்கள் காங்கிரஸ் கட்சியினரும், திமுகவினரும். குறிப்பாக 21.4.2010ந் தேதி அமைச்சர் ராசா பிரதமருக்கு எழுதிய கடிதத்தில் ஜனதா கட்சி தலைவர் திரு.சுப்பிரமணிய சுவாமி என் மீது சுமத்தப்பட்ட குற்றச்சாட்டுகள் அனைத்தும் தி பயனிர் எனும் பத்திரிக்கையில் வெளிவந்தது. இந்த பத்திரிக்கை பாரதிய ஜனதா கட்சியின் பத்திரிக்கையாகும் என குறிப்பிட்டிருந்தார்.

வெளிவந்த தீர்ப்பில் மூன்று விதமான குற்றச்சாட்டுகளுக்கு சரியான பதில் கிடைத்துள்ளது.

  1. உரிமம் வழங்கியதில் முறைகேடுகள் நடந்துள்ளன
  2. முறைகேடுகள் நடந்தது பிரதமருக்கும், அன்றைய நிதித் துறை அமைச்சருக்கும் நன்கு தெரியும், கூட்டணி தர்மம் என்கின்ற முறையில் வாய் மூடி மைளனியாக இருந்தார்கள்.
  3. அமைச்சர் கபில் சிபில் கூறியது போல் உரிமம் வழங்கியதில் எவ்வித இழப்பும் மத்திய அரசுக்கு ஏற்படவில்லை என்றும் மத்திய தணிக்கை துறை அளித்த அறிக்கை உண்மைக்கு புறம்பானது என்று கூறியதை தவறானது

என மூன்றுக்கும் சரியான பதிலாக தீர்ப்பு அமைந்துள்ளது.

24.12.2008ந் தேதி வாரப் பத்திரிக்கை ஒன்றுக்கு பேட்டியளித்த பாரதிய ஜனதா கட்சியின் செய்தி தொடர்பாளர் திரு. பிரகாஷ் ஜவடேர் எடுத்து வைத்த குற்றச்சாட்டுக்கள் இந்த தீர்ப்பின் மூலம் குற்றச்சாட்டுகள் உண்மையாகியுள்ளன.

கபில் சிபில் குற்றச்சாட்டுக்கு பதில்

முந்தைய தேசிய ஜனநாயக கூட்டணியின் கொள்கைப்படி உரிமம் வழங்கப்பட்டது என்றார் ஆனால் முந்தை பாரதிய ஜனதா கட்சியின் ஆட்சியில் அதாவது 2003ம் ஆண்டு நடந்த அமைச்சரவை கூட்டத்தில் ஸ்பெக்ட்ரம் விலை நிர்ணயத்தை தொலைத் தொடர்புத் துறையும், நிதி அமைச்சகமும் இணைந்து விவாதித்து முடிவு செய்யும் இதற்காக அதிகாரம் மிக்க அமைச்சரவை குழு நியமிக்கப்பட்டு விலை நிர்ணயம் செய்யலாம் என தீர்மானிக்கப்பட்டது. இந்த முடிவை 2006ல் தொலை தொடர்பு அமைச்சராக இருந்த தயாநிதி மாறன், விலை நிர்ணயத்தில் நிதி அமைச்சகத்துடன் விவாதித்து முடிவு செய்ய வேண்டும் என்ற நிலை நீக்கப்பட்டது. இதற்கு பிரதம மந்திரி ஒப்புதல் கொடுத்தார் ஆகவே இந்த நீக்கத்திற்கு பிரதமர் ஏன் ஒப்புதல் கொடுத்தார் என்பதை கபில் சிபில் மறந்து விட்டு பா.ஜ.க மீது குற்றம் சுமத்துகிறார்.

மத்திய கணக்கு தணிக்கை ஆணையர் அறிக்கை, சி.பி.ஐ. அறிக்கை, நீதிபதி ஷிவ்ராஜ் பாட்டீல் அறிக்கை மற்றும் தொலை தொடர்பு ஆணையம் கொடுத்த அறிக்கையையும் நிராகரித்த கபில்சிபில் ஊழல் விசாரனையின் ஒவ்வொரு அம்சத்தையும் நிராகரித்தார். அரசுக்கு இழப்பு ஏற்பட்டது என கூறியபோது “நுகர்வோருக்கு கிடைத்த பலன்களைப் பார்த்தால் இதில் இழப்பு ஏதுமில்லை” என வக்காலத்து வாங்கினார். இவரின் அனைத்து கருத்துக்களுக்கும் சம்மட்டி அடி கொடுப்பது போல் நீதிபதிகள் 122 உரிமங்களையும் ரத்து செய்துள்ளார்கள்.

முதலில் விண்ணப்பித்தவர்களுக்கு முதலில் லைசென்ஸ் என்ற கொள்கை முந்தைய ஆட்சியில் கடைபிடித்தது என கூறிய கபில்சிபலுக்கும், ராசாவிற்கும் உச்ச நீதிமன்ற நீதிபதிகள் கொடுத்த தீர்ப்பு “First come first served principle has inherently dangerous implications” என்பதை நினைவு படுத்த வேண்டும். இது சம்பந்தமாக தனது 69 வது பாராவில் நீதிபதிகள் தெரிவித்துள்ள அடுத்து மிகவும் முக்கியமான வார்த்தைகள் Any other methodology for disposal of public property and natural resources national assets is likely to misused by unscrupulous people who are only interested in garnering maximum financial benefit and have no respect for the constitutional ethos and values. ஆகவே கபில் சிபில் போன்ற அதிமேதாவிகளுக்கு கொடுத்த பதிலாக இதை எடுத்துக் கொள்ளலாம்.

உரிமம் பெறுவதற்கு விண்ணப்பிக்க இறுதி தேதி 1.10.2007 என அறிவித்து விட்டு திடீர் என 25.9.2007 என மாற்றியதை உச்ச நீதிமன்ற கடுமையான வார்த்தைகளை பயன்படுத்தியுள்ளது. தன்னிச்சையாக சலனபுத்தியுடன் பொது நலனுக்கு எதிராக அமைந்துள்ளது (Wholly arbitrary, capricious and contrary to public interest) இந்த வார்த்தைகளை போலவே எஸ்.டெல் நிறுவனம் டெல்லி உயர்நீதி மன்றத்தில் இறுதி தேதி சம்பந்தமாக தொடுத்த வழக்கில், 2009ம் ஆண்டு ஜூலை மாதம் டெல்லி உயர்நீதி மன்ற நீதிபதி G.S.Sistani கொடுத்த தீர்ப்பில் தன்னிச்சையாக இறுதி தேதியை மாற்ற அதிகாரம் கிடையாது. ஆகவே 10.10.2008ந் தேதி தொலை தொடர்பு நிறுவனம் வெளியிட்ட அறிவிப்பை ரத்து செய்கிறேன் (the DOT could not be allowed to arbitrarily change the cut-off date and that too without any justifiable reasons) என தீர்ப்பு வழங்கினார் இந்த தீர்ப்பை கூட மத்திய அரசு மதிக்கவில்லை.

முதலில் விண்ணப்பித்தவருக்கு முதலில் லைசென்ஸ் மற்றும் ஸ்பெக்ட்ரம் ஒதுக்கீடு என்ற முறையை கூட ராசா பின்பற்றவில்லை. 2006ம் ஆண்டு மார்ச்சு மாதம் முதல் 25 செப்டம்பர் 2007 வரை உரிமம் கேட்டு விண்ணப்பித்தவர்களின் படிவங்களை தேதி வாரியாக ஒழுங்குப்படுத்தவில்லை. 25.9.2007 வரை வந்த விண்ணப்பங்களுக்கு எல்.ஓ.ஐ. வழங்குவதாக 10.1.2008ல் அறிவிப்பு வெளியிட்டு அதே தேதியில் மதியம் 2.45க்கு மீன்டும் ஒரு அறிவிப்பு வெளியிட்டு தனக்கு வேண்டியவர்களுக்கு உரிமம் வழங்கியதை உச்ச நீதிமன்ற நீதிபதிகள் தங்களது தீர்ப்பில் குறிப்பிட்டுள்ளார்கள். பாரா 74ல் (1) ல் The licences granted to the private respondents on or after 10.1.2008 pursuant to two press releases issued on 10.1.2008 and subsequent allocation of spectrum to the licensees are declared illegal and are quashed. ஆகவே உரிமம் வழங்கியதில் கூட முறையான அனுகுமுறையை கடைபிடிக்கவில்லை என்பதால் உச்ச நீதிமன்றம் இரண்டு அறிவிப்புகளையும் ரத்து செய்தது. இது ஐக்கிய முற்போக்கு கூட்டணி அரசுக்கு விழுந்த மிகப் பெரிய அடியாகும்.

இந்த பிரச்சினையில் கட்ஆஃப் தேதியான 25.9.2007 என்பதை மத்திய அமைச்சர் ராசா 2.11.2007ல் முடிவு செய்து விட்டு 10.1.2008ந் தேதி வரை அறிவிப்பு வெளியிட வில்லை ஆகவே இந்த செயலானது தனக்கு வேண்டியவர்களுக்கு உரிமம் வழங்குவதற்காகவே அறிவிப்பை வெளியிடவில்லை என்றும் நீதிபதிகள் தங்களது தீர்ப்பு 70வது பாராவில் எi பத்தியில் குறிப்பிட்டுள்ளார்கள். காங்கிரஸ் கட்சியினர் செய்கின்ற பிரச்சாரமானது உச்ச நீதிமன்றம் ராசா ஒதுக்கிய 122 உரிமங்களை மட்டும் ரத்து செய்துள்ளது, ஆனால் பாரதிய ஜனதா கட்சியின் ஆட்சியில் ஒதுக்கிய உரிமங்களi ரத்து செய்யவில்லை என முறைமுக குற்றச்சாட்டை சுமத்தியுள்ளார்கள். இந்த குற்றச்சாட்டுக்கும் நீதிபதிகள் தெளிவாக தனது தீர்ப்பில் “2001 முதல் 24.9.2007ந் தேதி வரை உரிமம் பெற்றவர்கள் அதாவது சட்ட பூர்வமாக உரிமம் பெற்றவர்கள் பற்றி பிரச்சினை கிடையாது என்று தெரிவித்துள்ளார்கள். (71. 2001 onwards should be cancelled does not deserve acceptance because those who have got licence between 2001 and 24.9.2007 are not parties to these petitions and legality of the licences granted to them had not been questioned before this court.)

இந்த ஊழல் சம்பந்தமாக பாராளுமன்றத்தின் இரண்டு அவைகளிலும் விவாதித்த போது அமைச்சர் ராசா எடுத்த நடவடிக்கை அனைத்தும் பிரதமருக்கு நன்கு தெரியும், பிரதமருக்கு தெரிந்தே உரிமம் வழங்கப்பட்டதாக தொடர்ந்து கூறினார். அமைச்சர் ராசா கூறியதை வழிமொழிந்து பிரதமரும் பாராளுமன்றத்தில் ராசா எவ்வித தவறும் செய்யவில்லை, முந்தைய ஆட்சியில் எடுத்த கொள்கை முடிவின் படி உரிமம் வழங்கப்பட்டது என்றார். ஆனால் உச்ச நீதிமன்றம் அளித்த தீர்ப்பு இவர்களின் கருத்துக்கு முற்றிலும் மாறுபட்டதாக இருக்கிறது. மேலும் கைதாகி சிறையில் இருக்கும் ராசா நீதி மன்றத்தில் விசாரனையின் போது தற்போது உள்துறை அமைச்சராக இருக்கும் ப.சிதம்பரத்தையும், பிரதம மந்திரியை விசாரிக்க வேண்டும் என பல முறை நீதிபதியிடம் கோரிக்கை வைத்தார் என்பதையும் நினைத்து பார்க்க வேண்டும்.

உச்ச நீதிமன்ற தீர்ப்பு 70வது பாராவில் (iv) பத்தியில் தொலை தொடர்பு அமைச்சர் ராசா அமைச்சரவை முடிவின் படியோ அல்லது நிதித் துறை அமைச்சகத்தின் பரிந்துரையின் படியோ செயல்படவில்லை என குறிப்பிடப்பட்டுள்ளது. இதையே 28.10.2009ந் தேதி வெளிவந்த நாளிதழில் அமைச்சர் ராசா சட்ட அமைச்சகத்தின் கருத்தினை புறக்கணித்தார் என செய்தி வெளிவந்தது. தி பயனிர் பத்திரிக்கையை பாரதிய ஜனதா கட்சியின் பத்திரிக்கை என குற்றம்சாட்டிய அமைச்சர் ராசா நீதிமன்றத் தீர்ப்பில் தெளிவாக குறிப்பிடப்பட்டுள்ளதை நினைவு படுத்த வேண்டும் (iv) In view of the approval by the Council of Ministers of the recommendations made by the Group of Ministers, …………………… However as the Minister of C&IT was very much conscious of the fact that the Secretary Finance had ojected to the allocation of 2G spectrum at the rates fixed in 2001 , he did not consult the Finance Minister or the officers of the Finance Ministry) என தெளிவாக தீர்ப்பில் உள்ளது. ஆகவே நடைபெற்ற ஊழலில் மிகப் பெரிய பங்கு ராசாவுடையது என்றால், அதை தடுக்க வேண்டிய நிலையில் இருந்த பிரதம மந்திரி ஏன் தடுக்க வில்லை என்ற கேள்விக்கு சரியான பதில் கிடைக்கவில்லை.

அலைக்கற்றை விலை நிர்ணயம் தொடர்பான விவகாரத்தை தனியதிகாரம் கொண்ட அமைச்சர்கள் குழுவிடம்(Empower Group of ministers) விட வேண்டும் என இன்றைய கர்நாடக கவர்னரும் முந்தைய சட்ட அமைச்சருமான பரத்வாராஜ் தந்த ஆலோசனையை ராசா நிராகரித்ததை உச்ச நீதி மன்றம் தனது தீர்ப்பில் சுட்டிக் காட்டியிருக்கிறது. இதை பாரதிய ஜனதா கட்சியும் மற்ற எதிர்கட்சிகளும் சுட்டிக் காட்டி விவாதம் செய்த போது பிரதமர் கண்டு கொள்ளவில்லை. இதை போலவே 2007ம் ஆண்டு ஆகஸ்ட் மாதம் நிதிச் செயலாளரையும் உள்ளடக்கிய முழு தொலைத் தொடர்பு ஒழுங்கு முறை ஆணையம் சமர்ப்பித்த பரிந்துரைகளை ராசா எவ்வாறு சமர்ப்பிக்கவில்லை என்பதையும் நீதி மன்றம் தனது தீர்ப்பில் குறிப்பிட்டுள்ளது. தொடக்கத்திலிருந்தே நிதித்துறை அமைச்சகம் முதலில் வருபவர்களுக்கே முன்னுரிமை என்கிற கொள்கையை எதிர்த்தது என்பதை நீதிபதிகள் குறிப்பிட்டுள்ளனர்.

நீதிமன்றத்தில் சுட்டிக்காட்டிய அனைத்து மீறல்களும் மத்திய அமைச்சரவையில் இருந்த அனைவருக்கும் தெரிந்தது. இந்த மீறல்கள் கடந்த மூன்று ஆண்டுகளாக மீடியாவில் போட்டு உடைக்கப்பட்டவை. இந்த மீறல்கள் சம்பந்தமாக 2007ம் ஆண்டு கடைசி மூன்று மாதங்களான அக்டோபர் நவம்பர் டிசம்பர் முதல் 2008ம் ஆண்டு ஜனவரி பிப்ரவரி மார்ச் மாதங்கள் வரை பாராளுமன்றத்தில் அமளி துமளியாக்கப்பட்டன. இது பற்றிய அனைத்து விவகாரங்களும் பிரதமருக்கும் நிதி அமைச்சர் ப.சிதம்பரத்திற்கும் தெரிந்தும், இதை தடுக்க எவ்வித நடவடிக்கையும் எடுக்கவில்லை.

உச்ச நீதிமன்ற தீர்ப்பின் படி ராசா செய்த அனைத்து செயல்களும் சட்ட விரோதமானவை என்று கூறிய பின்னர், பாரத தேசத்தின் பிரதமர் பதில் கூறுவதில் தயக்கம் காட்டுவது கேள்வி குறியாகிறது. 1.11.2007ந் தேதி பிரதம மந்திரி ராசாவிற்கு எழுதிய கடிதத்தில் உரிமம் வழங்குவதில் வெளிப்படையான தன்மை இருக்க வேண்டும், முடிவு எடுப்பதற்கு முன் என்னிடம் தெரிவிக்க வேண்டும் என எழுதிய கடிதத்திற்கு புறம்பாக ராசா அனைத்து செயல்களையும் செய்தார் என்பது எதிர்கட்சிகளின் குற்றச்சாட்டாகும். எதிர் கட்சிகள் சுமத்திய குற்றச்சாட்டுகள் அனைத்தும் உண்மை என உச்ச நீதிமன்றம் கூறிய பின்னும் பிரதம மந்திரி மௌன குருவாக காட்சியளிக்க வேண்டிய அவசியம் என்ன என்பதற்கு சரியான பதில் கிடைக்க வேண்டும்.

சி.பி.ஐ. நடத்துவது விசாரணையல்ல, வீட்டுப் பாடம்

cbi-logo

சோனியா காங்கிரஸின் காவல்நாயாக மாறிவிட்ட சென்ட்ரல் பீரோ ஆஃப் இன்வெஸ்டிகேஷன் (Central Bureau of Investigation) என்கிற சி.பி.ஐ. (C.B.I.) தனது நம்பகத்தன்மையை இழந்து நீண்ட காலம் ஆகிவிட்டது.

தனக்கு வேண்டாதவர்கள் மீது ஏவிவிடவும், எதிர்முகாமில் இருப்பவர்களைத் தனக்குச் சாதகமானவர்களாகத் திருப்ப நிர்பந்திக்கவும், எதிர்க்கட்சியில் மக்கள்செல்வாக்குடன் இருப்பவர்கள்மீது பொய்க் குற்றச்சாட்டுகளைத் தாக்கல் செய்து அவர்களின் மீது அதிருப்தி எழச் செய்யவும் சி.பி.ஐ.யை சோனியா காங்கிரசும் அதற்குத் தலையாட்டி பொம்மையாக வாய்த்திருக்கிற சோனிப் பிரதமர் மன்மோஹன் சிங்கும் உபயோகிக்கத் தொடங்கிவிட்ட பிறகு, சி.பி.ஐ.யின் நடத்தையில் மக்கள் நம்பிக்கை இழந்தாயிற்று.

ஒரு காலத்தில் ஸி.பி.ஐ. என்றாலே தனி மரியாதை இருந்தது. தயை தாட்சண்யமின்றி, விருப்பு வெறுப்பு இன்றி, முறைகேடுகளைப் புலன் விசாரணை செய்து, எவருக்கும் அஞ்சாமல் குற்றவாளிகளைக் கூண்டில் ஏற்றி, குற்றப் பத்திரிகையினையும் மிகவும் உறுதி வாய்ந்ததாகத் தயாரித்து, குற்றவாளிகளுக்குத் தக்க தண்டனை வாங்கித் தரும் அமைப்பு என்கிற கருத்து மக்களிடையே நிலவி வந்த காலம் ஒன்று இருந்தது. 1969-க்குப் பிறகு, இந்திரா காந்தி தனது பிரதமர் பதவியைக் காப்பாற்றிக்கொள்ள சி.பி.ஐ.யை ஒரு கருவியாகப் பயன்படுத்திக்கொள்ளத் தொடங்கியதுமே சி.பி.ஐ.யின் நம்பகத்தன்மை நீர்த்துப் போகலாயிற்று. 1975-ல் இந்திரா காந்தி தனது பிரதமர் பதவியைக் காப்பாற்றிக்கொள்வதற்காக நெருக்கடி நிலையை நடைமுறைப் படுத்தியதும் சி.பி.ஐ. தனது தனித் தன்மையை இழந்து சுயமாக இயங்கும் உரிமையினைப் பறிகொடுத்தது. 1977-இல் மொரார்ஜி தேசாய் தலைமையில் ஜனதா கட்சி நடத்திய சொற்ப கால ஆட்சியின்போது சி.பி.ஐ.க்கு அதன் சுய மரியாதை மீட்டுத் தரப்பட்டது. ஆதரவாளர்-ஆதரவு தராதவர் என்கிற பாகுபாடு இன்றி, ஊழல் பேர்வழிகள் எனத் தெரியவரும் அனைவரது செயல்களையும் புலன் விசாரணை செய்து குற்றப் பத்திரிகை தாக்கல் செய்யுமாறு பிரதமர் மொரார்ஜி சி.பி.ஐ.க்கு அறிவுறுத்தியிருந்தார்.

நெருக்கடிக் காலத்தில் கருணாநிதி தலைமையிலான தி.மு.க. ஆட்சி– குறிப்பாக கருணாநிதி செய்த ஊழல்கள்– குறித்து விசாரிக்க நீதிபதி சர்க்காரியா தலைமையில் ஒரு குழு அமைக்கப்பட்டு அவரும் கருணாநிதி அறிவியல்பூர்வமாகச் செய்த ஊழல்களை அம்பலப்படுத்தினார். அதன் அடிப்படையில் கருணாநிதி தலை மீது கத்தி தொங்கலாயிற்று.

விசாரணைக் குழு அறிக்கையின் அடிப்படையில் சி.பி.ஐ. கருணாநிதியின் ஊழல்களை முறைப்படி புலன் விசாரணை செய்து குற்றப் பத்திரிகை தாக்கல் செய்யும் ஏற்பாடுகள் நடைபெற்ற நிலையில் மக்களவைத் தேர்தல் நடந்து, ஆட்சி மாற்றமும் நிகழ்ந்துவிட்டது.

ஜனதா ஆட்சி பீடம் ஏறியதால் தனக்கு விடிவு காலம் பிறந்துவிட்டதாகப் பெருமூச்சுவிட்டார், கருணாநிதி. அப்போது மக்களவை தி.மு.க. உறுப்பினராக இருந்த க.ராஜாராமை மொரார்ஜி தேசாயிடம் தன் மீதான நடவடிக்கையைக் கைவிடுமாறு இடைவிடாது நச்சரிக்க ஏவினார், கருணாநிதி. சர்க்காரியா விசாரணைக் குழு அறிக்கையின் அடிப்படையில் எவ்வித நடவடிக்கையும் எடுக்காமல் அதைக் கிடப்பில் போட்டுவிடவேண்டும் என்ற கோரிக்கையை கருணநிதியின் சார்பில் மொரார்ஜியிடம் விடாமல் வற்புறுத்திக்கொண்டிருப்பதே ராஜாராமின் முழுநேர வேலையாகிவிட்டிருந்தது!

பாவம், ராஜாராம், நல்ல மனிதர். தப்பு வழிக்கெல்லாம் போகிறவர் அல்ல. அவரது போதாத காலம், அண்ணாவின் மறைவுக்குப் பிறகும் தி.மு.க.வில் நீடித்துக் கொண்டிருந்தார். நான் மிகவும் நெருங்கிப் பழகி வந்த அரசியல்வாதிகளுள் தற்கால அரசியல்வாதியாக இருக்கவே தகுதியில்லாத ராஜாராமும் ஒருவர். “கருணாநிதிக்காக மொரார்ஜி கிட்ட பிச்சை எடுக்கிறதே என்னோட மக்களவை உறுப்பினர் வேலையாகிப் போச்சு,” என்று அவர் சலித்துக்கொள்வார்!

கருணாநிதி இப்படிப் பலமுறை காவடி எடுத்தும், சட்டம் அதன் கடமையைச் செய்யட்டும் என்று பிடிவாதமாகக் கூறிவிட்டார், மொரார்ஜி தேசாய். எனவே தன்னைப் போலவே சுயநலத்திற்காக எதுவும் செய்யத் தயங்காத இந்திரா காந்திதான் தனக்கு ஏற்றவர் என முடிவு செய்து, “நேருவின் மகளே வருக, நிலையான (நேர்மையான அல்ல!) ஆட்சி தருக!” என்று கருணாநிதி தலைகீழாகக் கரணம் போட்டுவிட்டார்!

சரண்சிங் என்கிற வயோதிகரின் வாழ்க்கை லட்சியமே நாட்டின் பிரதமர் நாற்காலியில் ஒருநாளாவது உட்கார்ந்துவிட வேண்டும் என்பதாக இருந்து, இந்திராவும் அதை மோப்பம் பிடித்துவிட்டதால் மொரார்ஜி ஆட்சி கவிழ்ந்து, அதன்பின் அமைந்த சரண்சிங்கின் சொற்ப கால ஆட்சியும் அகன்று, மீண்டும் இந்திரா காந்தி பிரதமர் பதவியைக் கைப்பற்றிய போது, சி.பி.ஐ. மறுபடியும் பிரதமரின் விருப்பு வெறுப்புகளுகக்கு ஏற்ப இயங்கும் அமைப்பாகத் தரம் தாழ்ந்தது. எனினும் நிலைமை அவ்வளவு மோசமாக இல்லை. இந்திரா தனது தோல்வியிலிருந்து ஓரளவு பாடம் கற்றிருந்தார். சி.பி.ஐ. சரியாகச் செயல்படுவதற்கு அதுவே போதுமானதாக இருந்தது. ராஜீவ் காலத்திலும் அது ஓரளவு சுயாதிக்கத்துடன் இயங்க முடிந்தது. இடையே வி.பி.சிங் ஆட்சியில் ஸி.பி.ஐ. சுய மரியாதையுடனும் சரியான புலன் விசாரணை அமைப்பாகவும் இருந்தது. ராஜீவ் படுகொலை விவகாரத்தில் அது பல நிர்பந்தங்களுக்குத் தலைவணங்க நேரிட்டது. காங்கிரஸ் கட்சியினர் உள்ளிட்ட பலர் தப்பிக்க, அது உடன்பட வேண்டிய கட்டாயம் ஏற்பட்டது.

சி.பி.ஐ. தனது சுய மரியாதையைத் திரும்பப் பெற்று சுதந்திரமாகச் செயல்படும் கெளரவத்தை மீண்டும் பெற முடிந்தது, வாஜ்பாய் என்கிற கனவான் பிரதமர் பவியை ஏற்ற பிறகுதான். பா.ஜ.க. தலைமையிலான தேசிய ஜனநாயக முன்னணியின் ஆட்சிக் காலத்தில் சி.பி.ஐ. சுதந்திரமாகச் செயல்பட முடிந்த்து என்ற போதிலும், அப்போதே சோனியா மீதுள்ள ஆதாரபூர்வமான குற்றங்களைத் திரட்டி நடவடிக்கை எடுக்க வேண்டிய கடமையினை சி.பி.ஐ. மூலம் மேற்கொள்ள வேண்டிய பொறுப்பை வாஜ்பாய் கழிவிரக்கம் காரணமாக நிறைவேற்றத் தவறினார். தாம் பழி வாங்கும் நடவடிக்கையில் இறங்குவதாகத் தமக்கு அபவாதம் ஏற்பட்டுவிடும் என்று அஞ்சியதாலும், என்னதான் இருந்தாலும் படுகொலையான முன்னாள் பிரதமரின் மனைவியாயிற்றே என்கிற தாட்சண்யத்தினாலும் வாஜ்பாய் தமது கடமையிலிருந்து தவறினார். அதன் பலனை நமது நாடு இப்போது அனுபவித்துக்கொண்டிருக்கிறது!

சோனியா காங்கிரஸ் தலைமையில் ஐக்கிய முற்போக்குக் கூட்டணி ஆட்சி அமைந்துவிட்ட பிறகு, ஸி.பி.ஐ. முற்றிலும் சுதந்திரம் இழந்து, ஆளும் தரப்பினர் வீட்டுக் காவல் நாயாகவே மாறிவிட்டது. சிறிதும் லஜ்ஜையின்றி அது ஆளும் தரப்பினரின் விருப்பு வெறுப்புகளுக்கு ஏற்பக் குற்றவாளிகளைக் கண்டறிவதும், குற்றப் பத்திரிகை தாக்கல் செய்வதும், தாக்கல் செய்யப்பட்ட குற்றப்பத்திரிகையைத் திரும்பப் பெறுவதும், புலன் விசாரணையைக் கைவிடுவதுமாகப் பொதுமக்கள் தரும் நிதியிலிருந்து சம்பளம் வாங்கிச் சாப்பிட்டுக்கொண்டிருக்கிறது!!

 1950-களிலும், 60-களிலும் ஏன் 70-களிலும்கூட சி.பி.ஐ.க்கு இருந்த அசைக்க முடியாத நம்பகத்தன்மை இன்று இல்லை என்பதோடு மிகமிகச் சாதாரண நிலையில் உள்ள மக்களின் ஏளனத்துக்குக் கூட அது ஆளாகி விட்டிருக்கிறது.

raja-at-cbi-office-for-questioning

இன்று ஆண்டிமுத்து ராசாவிடம் மிகவும் காலதாமதமாக ஸி.பி.ஐ. தனது விசாரணையைத் தொடங்கியிருப்பதும் அவரைக் கைது செய்யாமல் ரகசியமாக விசாரணை மட்டும் செய்துகொண்டிருப்பதும் மக்களிடையே அதிருப்தியைத்தான் தோற்றுவித்துள்ளது.

2-ஜி ஸ்பெக்ட்ரம் விவகாரத்தில் ராசா ஒரு கருவியாகப் பயன்படுத்தப்பட்டு, அதற்கான கூலியும் பெற்றுக்கொண்டவர்தான் என்கிற எண்ணம் மக்கள் மனதில் வேரூன்றியிருக்கிறது. இந்த விவகாரத்தில் பெரும் லாபம் அடைந்தவர்கள் கருணாநிதி குடும்பத்தினர் மட்டுமின்றி சோனியாவின் இரு சகோதரிகளுமாவர் என்று சுப்பிரமணியசாமி, பிரதமர் மன்மோஹனுக்கு மிகத் தெளிவாகவே கடிதம் எழுதியுள்ளார். சோனியாவின் மகள் ப்ரியங்கா துபாயில் இருந்துகொண்டு தன் சித்திமார்களூடன் 2-ஜி ஸ்பெக்ட்ரம் விவகாரத்தில் கிடைத்த அன்பளிப்பை முதலீடு செய்துகொண்டிருப்பதாகவும், லஞ்சம் கொடுத்துக் குறைந்த விலையில் 2-ஜி அலைக் கற்றையை வாங்கிய போலி நிறுவனங்கள், வாங்கிய சூட்டோடு பலமடங்கு கூடுதல் விலையில் பிற நிறுவனக்களுக்கு விற்று லாபம் பெற்றுவிட்டது மட்டுமின்றி, நமது நாட்டின் பாதுகாப்புக்கே ஆபத்து விளையுமாறு பாகிஸ்தானின் ஐ.எஸ்.ஐ. உளவு ஸ்தாபம சம்பந்தப்பட்ட நிறுவனங்களும் அதில் பங்குதாரராக இருப்பதும் சுப்பிரமணிய சாமியின் மூலம் பிரதமருக்குத் தெரிவிக்கப்பட்டுள்ளது. ஆனால் இதுபற்றி பிரதமர் மன்மோஹனிடமிருந்து எவ்வித எதிர்வினையும் இல்லை! மாறாக, “எனக்கு உடம்பு சரியில்லை என்னை விட்டு விடுங்கள்!” என்று சோனியாவிடம் அவர் கெஞ்சத் தொடங்கியிருக்கிறார்! என் மகன் ராஹுல் பச்சாவுக்குப் பக்குவம் போதாது, ஆகையால் கொஞ்சம் பொறுத்துக் கொள்ளுங்கள் என்று சோனியா அவருக்கு ஆறுதல் சொல்ல வேண்டியுள்ளது!

இந்நிலையில் ஆண்டிமுத்து ராசாவிடம் சி.பி.ஐ. மணிக்கணக்கில் உரையாடல் மேற்கொண்டிருக்கிறது என்றால் அது விசாரணையல்ல; வழக்கு என்று வந்துவிட்டால் இப்படி இப்படிச் செய்யுங்கள், இப்படி இப்படி பதில் சொல்லுங்கள் என்று கற்றுக் கொடுக்கும் வீட்டுப் பாடம்தான் என்று அரசியல் நோக்கு ஏதும் இல்லாத ஒரு சராசரி இல்லத்தரசி சர்வசகஜமாக என்னிடம் கூறி வியப்பூட்டினார்!

நம் நாட்டின் பெருமை வாய்ந்த புலனாய்வு அமைப்பான சி.பி.ஐ, இந்த அளவுக்கா கேவலப்பட்டுப் போக வேண்டும் என்று வருந்துவதைத் தவிர வேறு ஒன்றும் தோன்றவில்லை, எனக்கு.

யார் இந்த நீரா ராடியா?

மூலம்(நன்றி): “அவுட்லுக்” சுனித் அரோரா

nira_radia2G அலைக்கற்றை ஊழல், ஊடகங்களில் வெளியான பிறகு ஆண்டிமுத்து ராசாவுக்கு அடுத்தபடியாக மிகப் பெரிய அளவில் பேசப்படும் பெயர் நீரா ராடியா என்பதாகும். யார் இந்தப் பெண்மணி? மிகப்பெரிய தொழிலதிபர்களுக்கும், பெரிய அரசியல்வாதிகளுக்கும், அதிகார வர்க்கத்தில் பெரும் புள்ளிகளுக்கும், ஊடகங்களில் கொடிகட்டிப் பறக்கும் பல பிரபலங்களுக்கும் இவர் எப்படி இந்த அளவுக்கு நெருக்கமாக ஆனார்? நூறு கோடிக்கும் அதிகப்படியான மக்கட் தொகையுள்ள இந்திய அரசியலில் இந்த ஒரு பெண்மணி குறுக்குச்சால் ஓட்ட முடிந்தது எப்படி? இப்படி எதையெல்லாமோ நினைத்து மக்கள் பெருமூச்சு விடுவது தெரிகிறது. நம்மைப் போன்ற சாதாரண மக்கள் எல்லா மட்டங்களிலும் மேலோட்டமாகத் தெரியும் விஷயங்களை மட்டும் பார்த்தும், கேட்டும், புரிந்து கொள்கிறோம். அதற்குப் பின்னணியில் ஆழப் புதைந்து கிடக்கும் ரகசியங்கள் நமக்கு அத்தனைச் சுலபமாகக் கிடைத்துவிடுவதில்லை. அது போலத்தான் இந்த நீரா ராடியா எனும் பெண்ணின் வரலாறும்.

இந்த அம்மையாரின் தொலைபேசி உரையாடல்கள் பதிவுசெய்யப்பட்டு சில தொலைக்காட்சிகளிலும், பத்திரிகைகளிலும் வெளியிடப்பட்ட போது மக்கள் மத்தியில் பரபரப்பு ஏற்பட்டது. இந்தியக் குடியரசில் பிரதம மந்திரிக்கு மட்டுமே உள்ள ஏகபோக உரிமையான மந்திரிசபை அமைப்பதில் பல வெளியுலக சக்திகள், பெருமுதலாளிகளின் சதுரங்க ஆட்டம், அரசியல்வாதிகளின் செல்வாக்கு இவையெல்லாம் தான் இந்திய மந்திரிசபை அமைப்பதில் முக்கியத்துவம் வகிக்கின்றன என்பது நமக்கெல்லாம் பெரும் அதிர்ச்சியளிக்கிறது. இந்திய அரசியல் சட்டம் எனும் ஆல விருட்சத்தின் ஆணி வேர் அறுக்கப்படுகிறதோ; மக்கள் ஜனநாயகம் சில முதலாளிகளின் சதுரங்கத்தில் பகடைக்காய்களாக ஆக்கப்படுகின்றனவோ என்றெல்லாம் அச்சம் தோன்றுகின்றது. பல கோடி ரூபாய் செலவில் தேர்தல்களை நடத்தி, மக்கள் பிரதிநிதிகள் தேர்ந்தெடுக்கப்பட்டு, அப்படித் தேர்ந்தெடுக்கப்பட்டவர்களில் பெரும்பான்மை பெற்ற கட்சியின் தலைவர் தேர்ந்தெடுக்கப்பட்டு அவர் பிரதமராகப் பதவி ஏற்றுக் கொள்வதாகவும்; அதன்பின் அவர் தன்னுடன் பணியாற்ற ஓர் அமைச்சரவையை அமைக்கிறார் எனவும்தான் இதுநாள் வரை நம்பியிருந்தோம். ஆனால் இப்போது பெருமுதலாளிகள்தான் இந்த வேலைகளைச் செய்கிறார்களோ என்கிற அச்சம் ஏற்படுகிறது. அப்படியானால் அவர்கள் தங்களுக்கு ஆதாயம் இல்லாமல் இது போன்ற செயல்களில் ஈடுபடுவார்களா என்கிற ஐயப்பாடும் நமக்குத் தோன்றுவது இயற்கையானது அல்லவா?

இதற்கெல்லாம் காரணமாக இருந்த பெயர் இந்த நீரா ராடியா. இவரைப் பற்றி எதுவும் தெரியாமலே இவரது குரலை பதிவு செய்த ஒலிநாடா மூலமாக பலருடன் பேசுவதைக் கேட்க முடிந்தது. இவரது புகைப்படம் பல பத்திரிகைகளில் வெளியானது. ஐம்பது வயதானவராகத் தோன்றும் இந்த அழகிய பெண்மணிக்கு புதுடில்லியில் இருக்கும் ஓர் ஆடம்பர தோட்ட பங்களா குறித்தும் அங்கு அடிக்கடி நடக்கும் பெரும் விருந்துகளும் பற்றியெல்லாம் இப்போது செய்திகள் வெளியாகின்றன. இவரது தொலைபேசி உரையாடல்கள் வெளியானவுடன் ஓர் இந்தியப் பெருமுதலாளி உச்ச நீதிமன்றத்தை அணுகுகிறார். தங்களது உரிமை பாதிக்கப்படுகிறது என்பது அவரது வாதம். அது நீதிமன்றம் முடிவு செய்ய வேண்டியதாகையால் அதுபற்றி இப்போது எதுவும் சொல்ல முடியாது. ஆனால் இந்த ரகசியங்களையெல்லாம் வெளியிட்டு இந்த வழக்கில் பிரதிவாதியாகச் சேர்க்கப்பட்டிருக்கும் பத்திரிகை “அவுட்லுக்” எனும் ஆங்கிலப் பத்திரிகை. புது டில்லியிலிருந்து வெளியாகும் இந்தப் பத்திரிகையின் ஆசிரியர் வினோத் மேத்தா என்பவர். இந்தப் பத்திரிகையின் 6-12-2010 இதழில் இந்த நீரா ராடியா குறித்த ஒரு கட்டுரையை சுனித் அரோரா என்பவர் எழுதியிருக்கிறார். அந்தக் கட்டுரையில் அவர் இந்த நீரா ராடியாவின் பின்புலம் பற்றியும் அவரது கடந்த கால வரலாறு குறித்தும் சில தகவல்களைக் கொடுத்திருக்கிறார். அவற்றைப் படித்ததில் அந்த அம்மையாரைப் புரிந்து கொள்ளவும் இப்போது நம் நாட்டில் நடந்து கொண்டிருக்கும் பல நிகழ்வுகளில் இந்த அம்மையாரின் பங்கு பற்றியும் அறிந்து சிறிது தெளிவு பெற முடிகிறது. அதன் சுருக்கத்தை இப்போது பார்க்கலாம்.

முதலில் ஒரு சுருக்கமான முகவுரை

  • ஒரு காலத்தில் ‘நீரா ஷர்மா’ என அழைக்கப்பட்ட இந்த இந்திய வம்சாவளிப் பெண் 1970-இல் கென்யா நாட்டிலிருந்து லண்டனுக்குக் குடிபெயர்ந்து வடக்கு லண்டன் பள்ளியொன்றில் படித்துப் பின்னர் வார்விக் பல்கலைக் கழகத்தில் இளங்கலை பட்டம் பெற்றவர்.
  • இவருக்கு இரண்டு சகோதரிகள், ஒரு சகோதரர். தந்தை விமானப் போக்குவரத்துடன் சம்பந்தப்பட்டவர்.
  • நீரா ராடியாவுக்குத் திருமணமாகி மூன்று மகன்கள் உண்டு. திருமணம் முறிந்துவிட்டது. கணவர் இங்கிலாந்திலுள்ள தொழிலதிபர் ஜனக் ராடியா.
  • 1995-இல் இவர் சஹாரா விமானக் கம்பெனியின் பொதுஜனத் தொடர்பாளராக இந்தியாவுக்குள் நுழைந்தார்.
  • இந்தியாவில் சிங்கப்பூர் ஏர்லைன்சின் பிரதிநிதியாகவும், கே.எல்.எம்., யு.கே.ஏர் ஆகிய கம்பெனிகளிலும் சம்பந்தம் உண்டு.
  • 2000-த்தில் ‘கிரெளன் ஏர்’ எனும் கம்பெனியைத் தொடங்கினார். இவருடைய சகோதரிகளில் ஒருவரான கருணா மேனன் என்பவர் இதில் பங்குதாரர். ரூ.100 கோடி முதலீட்டில் தொடங்குவதாக ஆரம்பித்துத் தோல்வியில் முடிந்தது.
  • 2001-இல் புது டில்லியில் ‘வைஷ்ணவி கார்ப்பரேட் கம்யூனிகேஷன்ஸ்’ தொடங்கப்பட்டது. தொடர்ந்து பல ஆலோசனை மையங்கள் தொடங்கப்பட்டன.
  • டாடா குழுமத்தின் 90 கம்பெனிகளின் கணக்கு வழக்குகளைக் கவனிக்கும் பொறுப்பு கிடைத்தது.
  • 2008-இல் அம்பானியின் ரிலையன்ஸ¤க்கும் இவருடன் தொடர்பு ஏற்பட்டது.
  • ‘மேஜிக் ஏர்’ எனும் கம்பெனி தொடங்கும் முயற்சியிலும் 2005-இல் தோல்வி.
  • இவரிடம் பிரிட்டிஷ் பாஸ்போர்ட் இருக்கிறது.
  • டாடாவின் “நானோ” மினி கார் உற்பத்திக்காக 2008-இல் சிங்கூரிலும், பின்னர் 2010-இல் 2G அலைக்கற்றை விவகாரங்களிலும் தலையிட்டுப் பெரும் பிரச்சினைக்குரியவராக மாறியிருக்கிறார்.

சரி! இனி, இவர் வாழ்க்கை வரலாற்றுச் சுருக்கத்தைத் தெரிந்து கொள்வோமா? “அவுட்லுக்” பத்திரிகையில் சுனித் அரோரா தருகின்ற தகவல்கள் இதோ!

பஞ்சாப் மாநிலத்தைச் சேர்ந்தவர் நீரா ஷர்மா. ஆகாய விமான உதிரிபாகங்களை விற்கும் முகவராக இருந்த ஷர்மாவின் குடும்பம் கென்யா நாட்டிலிருந்து 1970-இல் லண்டனுக்குச் சென்றது. ஷர்மா 2002-03இல் காலமாகிவிட்டார். லண்டனில் நீரா பிரிட்டிஷ் பாஸ்போர்ட்டும், பிறகு இந்திய வம்சாவளி என்கிற சான்றிதழும் பெற்றார். வடக்கு லண்டனில் உள்ள ஹேபர்டேஷர் அஸ்கே பெண்கள் பள்ளியிலும் வார்விக் பல்கலைக் கழகத்திலும் படித்துப் பட்டம் பெற்றார்.

அதனைத் தொடர்ந்து லண்டன் தொழிலதிபர் ஜனக் ராடியா எனும் குஜராத்திக்காரரைத் திருமணம் செய்து கொண்டார். இவர்களுக்கு மூன்று ஆண் குழந்தைகள் பிறந்தன. பின்னர் திருமணம் தோல்வியில் முடிந்தது. அதனால் இவர் தன் குழந்தைகளுடன் இந்தியாவில் குடியேற விரும்பினார். இந்தியா வந்தபின் இவரது மூன்று பிள்ளைகளில் ஒருவரான 18 வயதான கரன் என்பவர் 2003-இல் நீராவின் தொழில் கூட்டாளியான தீரஜ் சிங் என்பவரால் கடத்தப்பட்ட செய்தி அப்போது பரபரப்பாகப் பேசப்பட்டது. இந்த தீரஜ் சிங் யார் தெரியுமா? காலம் சென்ற முன்னாள் ஹரியானா மாநிலத்தின் முதலமைச்சர் ராவ் பிரேந்திர சிங் என்பவரின் பேரன். நீராவின் மகன் கடத்தப்பட்ட வழக்கில் ஒரு முன்னாள் முதலமைச்சரின் பேரன் தண்டிக்கப்பட்டு சிறையில் இருந்தார் என்றால் இந்தப் பெண்மணிக்கு இருந்த செல்வாக்கு பற்றித் தெரிந்து கொள்ளலாம்.

crown-air

நீராவின் மற்ற உடன்பிறந்தார் பற்றிய செய்திகள் எதுவும் தெரியவில்லை. ஆனால் ஒரு சகோதரி கருணா மேனன் மட்டும் 2001-இல் நீராவோடு ‘கிரெளன் எக்ஸ்பிரஸ்’ என்னும் விமானக் கம்பெனியின் பங்குதாரராக அறிவிக்கப்பட்டார். இந்தக் கம்பெனி தோல்வியடைந்தது. இங்கிலாந்தில் இந்த கம்பெனியின் பாகஸ்தர்களாக அறிவிக்கப்பட்ட மற்ற இருவர் இக்பால், சைரா மேனன் ஆகியோர்; இவர்கள் ஒரே விலாசத்தில் இருப்பதாக முகவரி கொடுக்கப்பட்டிருந்தது. சமீபத்தில் ‘சுதேஷ் ஃபவுண்டேஷன்’ எனும் நிறுவனத்தின் தலைவராக கருணா மேனனின் பெயர் இருக்கிறது. இதன் அறங்காவலர் நீரா ராடியா.

vccpl_logoஇந்த சுதேஷ் ஃபவுண்டேஷனுக்கு நீரா ராடியாவின் வைஷ்ணவி கம்யூனிகேஷன் மூலதனம் அளித்திருக்கிறது. இந்த நிறுவனத்தின் அலுவலகம் டாடா டெலி சர்வீசஸ் அலுவலகங்கள் இருக்கும் கோபால்தாஸ் டவர்ஸில் இருக்கிறது. இதே கட்டடத்தின் 5-ஆவது மாடியில் ரிலையன்சின் அலுவலகம் இருக்கிறது. இந்த சுதேஷ் ஃபவுண்டேஷன் அறப்பணிகளுக்காகத் தொடங்கப்பட்டது. ஸ்ரீ ராம விட்டல அறக்கட்டளையோடு சம்பந்தமுடையது. இது கர்நாடக மாநிலத்தில் ஓர் ஆயூர்வேதக் கல்லூரியைத் தொடங்குவதாக இருந்தது. இது நன்கொடைகளை பெற்று வந்தது. குழந்தைகள் பராமரிப்பு, மிருகங்கள் பாதுகாப்பு, இளைஞர்கள் முன்னேற்றம், பேரிடர் துயர் துடைப்பு போன்ற பணிகள் இவர்களது நோக்கம். இப்போதைய நிலவரப்படி இந்த கருணா மேனன் டில்லியில் தனது சகோதரி நீராவுக்கு உதவியாக இருந்து கொண்டிருக்கிறார்.

1990-களின் மத்தியில் நீராவுக்குச் சொந்தமான, டில்லியில் அமைந்துள்ள சத்தர்ப்பூர் தோட்டபங்களா பல பெரிய மனிதர்கள், விமானத் தொழிலதிபர்கள் பங்கேற்பால் பிரபலமடைந்து வந்தது. ஏற்கனவே விமான கம்பெனி தொடங்க வேண்டுமென்கிற நீராவின் ஆசை இங்கு மறுபடி துளிர்விடத் தொடங்கியது. அதன் பயனாக இவர் சஹாரா, சிங்கப்பூர் ஏர்லைன்ஸ் ஆகிய கம்பெனிகளின் ஆலோசகராக ஈர்க்கப்பட்டார். இந்திய வான்வெளி புதிய கொள்கையின் பயனாக ஏற்பட்ட தொழில் வளர்ச்சியிலும் பங்குபெற்றார். விமான கம்பெனி அதிபர்கள் மத்தியில் இவருக்கு பிரமாதமான பெயர் கிடைத்தது. இவரைச் சுற்றி பெரும் கூட்டம் கூடத்தொடங்கியது. இவரது ஆடை அலங்காரங்களும், தோட்ட விருந்துகளும், அங்கு நடைபெறும் பூஜைகளும் இவருக்குத் தன்னை உயர்த்திக்கொள்ள பல வாய்ப்புக்களைத் தந்தன.

இந்த காலகட்டத்தில்தான் நீரா ராடியாவுக்கு ஒரு முக்கியமான நண்பரும் அதே நேரம் பரம எதிரியும் கிடைத்தார். அவர்தான் பா.ஜ.க.வின் அனந்தகுமார். இவர் அப்போது 1998-99இல் தேசிய முற்போக்குக் கூட்டணியில் விமானப் போக்குவரத்து அமைச்சராக இருந்தார். அமைச்சர் அனந்தகுமாரோடு இவருக்கு நெருக்கமான நட்பு ஏற்பட்டது அப்போது. அவர் மூலம் மற்ற கேபினட் அமைச்சர்களின் அறிமுகமும் கிடைத்தது. பெஜாவர் மடத்தின் அதிபர் சுவாமி விஸ்வேஷ் தீர்த்தருடன் அறிமுகம் செய்து வைத்ததும் அனந்தகுமார்தான். இந்த சுவாமிதான் உமா பாரதியின் குரு. பெங்களூரிலிருந்து வெளியான ‘லங்கேஷ் பத்திரிகா’ எனும் கன்னட பத்திரிகையில் பெஜாவர் மட சுவாமியுடன் வாஜ்பாய், நீரா ராடியா ஆகியோர் இருக்கும் புகைப்படமும் வெளியாகியிருக்கிறது. ஆனால் இதன் பிறகு பெஜாவர் மட சுவாமிகளுடனான உறவு நீராவுக்கு விட்டுப் போனாலும், இந்தத் தொடர்பு மூலம் வாஜ்பாய் அவர்களின் மருமகன் ரஞ்சன் பட்டாச்சார்யாவின் நட்பு கிடைத்தது.

இதன் பிறகு NDA ஆட்சியில் அனந்தகுமார், நகர்ப்புற வளர்ச்சி, சுற்றுலாத்துறைக்கு மாற்றப்பட்ட போது, நீரா ராடியா தனது பண்ணை இல்லத்தில் நடத்திய விருந்துகளுக்கெல்லாம் அரசுடமையான அசோகா ஓட்டலிலிருந்துதான் இந்தியச் சுற்றுலாத் துறை மூலம் உணவுகள் கொண்டுவரப்பட்டன. அனந்தகுமாருடன் இவ்வளவு நெருக்கமாக இருந்த போதும், நீரா ராடியா தனது சொந்த விமான கம்பெனியைத் தொடங்கும் கனவு 2001-இல் நிறைவேறவில்லை. சிங்கப்பூர் ஏர்லைன்சை பின்புற வழியாக இந்தியாவுக்குள் கொண்டுவரும் முயற்சிதான் நீராவின் இந்த விமான கம்பெனி தொடங்கும் முயற்சி என்று சொல்லுகிறார்கள்.

2004-இல் அமைச்சர் பிரபுல் படேல் காலத்திலும் இவர் மேஜிக் ஏர் கம்பெனியைத் தொடங்க முயற்சிகள் மேற்கொண்டதும் நடக்கவில்லை. சமீபத்தில் ரத்தன் டாடா-தான் விமான கம்பெனி தொடங்க விரும்பியபோது யாரோ ஒருவர் ரூ.15 கோடி லஞ்சம் கேட்டதாக ஒரு புகாரைத் தெரிவித்திருந்தார் அல்லவா? மூன்று முறை சிங்கப்பூர் ஏர்லைன்சுடன் கூட்டுமுயற்சி செய்தும், அவரது முயற்சி தோல்வி அடைந்ததாக அவர் கூறியிருந்தார். ஒரு தனி நபர்தான் இதற்குக் காரணம் என்றும் அவர் சொன்னார். அது யார்? அது ஜெட் ஏர்வேஸ் கம்பெனி என்று கட்டுரை ஆசிரியர் தெரிவிக்கிறார். அவர்கள்தான் தலைகீழாக நின்று டாடாவின் முயற்சிகளை முறியடித்ததாகவும் கூறுகிறார். இந்த பலமான எதிர்ப்புக்களால்தான் நீரா ராடியாவின் சொந்தக் கம்பெனி கனவு தகர்ந்தது என்றும் அவர் கூறுகிறார்.

இவ்வளவுக்கும் பிறகும்- நீரா ராடியாவின் செயல்பாடுகள் தோல்விகண்டும், காரியங்களை முடித்துத் தருவதில் இவர் வல்லவர் எனும் பெயர் நிலைபெறலாயிற்று. டாடாவின் கவனத்தை இவர் கவர்ந்தார். டாடா குழுமத்தின் செயல்பாடுகளை ஒருங்கிணைத்து செயல்படும் விதமாக மாற்றி அமைத்தார். நீரா ராடியாவை டாடா குழுமத்தில் சேர்த்துவிட பாம்பே டையிங்கின் நுஸ்லி வாடியாவின் சிபாரிசும் இருந்ததாகத் தெரிகிறது. அது தவிர டாடா கம்பெனியின் ஆர்.கே.கிருஷ்ணகுமாரின் முயற்சியும் இருந்திருக்கிறது. 2001-இல் டாடா குழுமங்களின் 90-க்கும் மேற்பட்ட கம்பெனிகளின் விவகாரங்கள் நீரா ராடியாவிடம் ஒப்படைக்கப்பட்டன.

2001-இல் டாடா ஃபைனான்சின் குளறுபடிகளை சீர்செய்து தனது திறமையை உறுதிசெய்து கொண்டார். பாஜக அரசின் உச்சகட்ட காலத்தில் இவர் அரசியல்வாதிகளுடனும் அரசு அதிகாரிகளுடனும் பத்திரிகை, தொலைக்காட்சி ஊடகத்துறைப் பெருந்தலைகளுடனும் தொடர்பு கொண்டார். இந்த காலகட்டத்தில் டாடா குழுமம் டைம்ஸ் ஆப் இந்தியா பத்திரிகையுடன் உரசலைக் கடைப்பிடித்தது. அந்தப் பத்திரிகைக்கு டாடா குழுமம் விளம்பரங்களை நிறுத்திவிட்டது. அந்தப் பத்திரிகையும் தனது செய்திகளில் டாடா குழுமச் செய்திகளை உதாசீனம் செய்தது. இதன் மூலம் பத்திரிகை உலகத்துக்கு, நீரா ராடியா, ‘டாடா குழுமத்தை விரோதித்துக் கொண்டால் என்ன நடக்கும்’ என்பதைக் காண்பித்தார்.

2004-இல் பாஜக அரசு வீழ்ந்த பிறகு அரசியல் அரங்கில் புதிய தொடர்புகளை ஏற்படுத்திக் கொள்ள நீரா ராடியா விரும்பினார். சமீபத்திய 2G அலைக்கற்றை ஊழல் மூலம் அவரது சாமர்த்தியங்கள் மறுபடியும் வெளிப்படத் தொடங்கிவிட்டன. 2006-இல் தி.மு.க.வின் ஆ.ராசாவுடனான உறவு தொடங்கியது. அப்போது அவர் சுற்றுச்சூழல் அமைச்சர். 2007-இல் அவர் தொலைத்தொடர்பு அமைச்சராக ஆனபிறகு, டாடா டெலி சர்வீசஸ் மூலம் நீராவுக்கு நல்ல பலன் கிடைக்கத்தொடங்கியது. இப்போது ஆ.ராசா ராஜிநாமா செய்துவிட்டதால் பல தகவல்கள் கசியத் தொடங்கிவிட்டன. ஆ.ராசா தொலைத்தொடர்புத் துறையில் பதவி ஏற்ற முதல்நாளே முதல்கட்டப் பலனை பெற்றார் என்று ஒரு உயர்மட்டத் தொலைத்தொடர்பு அதிகாரி தெரிவிக்கிறார். அதிசயித்துப் போன ராசா உடனடியாகச் சென்னைக்குப் பறந்து சென்று திமுக பெருந்தலைகளுக்கு அதனை அர்ப்பணம் செய்தார். அவர்களுக்கு, ‘இதற்கு முன்பிருந்த அமைச்சர் இதுபோல நடந்துகொள்ளவில்லையே, ஏன்?’ என்று சந்தேகத்தின் நிழல் படியத் தொடங்கிவிட்டது.

2007-இல் ரத்தன் டாடா தமிழ்நாடு முதல்வர் கருணாநிதிக்குக் கையால் எழுதிய ஒரு கடிதத்தில் அமைச்சர் ராசாவை ஓகோவென்று புகழ்ந்திருந்தார். ஸ்பெக்ட்ரம் ஒதுக்கீட்டில் பெருமுதலாளிகளுக்கிடையே நடக்கும் யுத்தம் துவங்கிவிட்டது. ஏர்டெல்லின் அதிபர் சுனில் மிட்டலுக்கு ராஜாவின் மீது அதிருப்தி ஏற்பட்டுவிட்டது. இந்த முதலாளிகள் போரில் முகேஷ் அம்பானி சிங்கூர் விவகாரத்தில் டாடாவை ஆதரித்ததால் பிரச்சினை மேலும் சிக்கலாகியது. 2008-இல் நீரா ராடியா முகேஷ் அம்பானியின் தொழில்துறை தொடர்பாளராக ஆனதால் அனில் அம்பானியின் விரோதத்தையும் சம்பாதித்துக் கொண்டார். தொலைத் தொடர்புத் துறையில் அண்ணன் தம்பிகளுக்குள் போட்டி இருக்கிறதல்லவா?

ராடியாவின் பொதுத் தொடர்பு சேவைகளுக்காக டாடாவிடமிருந்தும், முகேஷ் அம்பானியிடமிருந்தும் ஆண்டொன்றுக்கு ஒவ்வொருவரிடமிருந்தும் முப்பது கோடி ரூபாய் நீரா ஊதியமாகப் பெற்றதாகத் தெரிகிறது. இந்தத் தொழிற்போட்டி காரணமாக டாடா-முகேஷ் கூட்டணிக்கும் அனில் அம்பானி கோஷ்டிக்கும் பூசல் நிலவி வருகிறது.

சிங்கூரில் நானோ கார் உற்பத்தி தொடர்பாக நீரா ராடியா முயற்சி எடுத்த காலத்தில் இடதுசாரிகளுடன் இவருக்கு தொடர்பு ஏற்பட்டது. ஆனால் இவர் தொடர்பை உறுதி செய்து பயனடைவதற்குள் நானோ உற்பத்தி மே.வங்கத்திலிருந்து குஜராத்துக்குச் சென்றுவிட்டது. நீராவின் தொலைபேசி உரையாடல்களிலிருந்து இவருக்கு ஐக்கிய ஜனதா தள தலைவர் என்.கே.சிங், உத்தவ் தாக்கரே இவர்களுடன் இருந்த நட்பு தெரிகிறது. ஜார்கண்ட் மாநிலத்தின் முன்னாள் முதல்வர் மது கோடாவுடனும் இவருக்கு தொழில் முறையில் நட்பு உண்டு. மது கோடாவின் எதிர்பார்ப்பு அதிகமென்பதால் டாடா கம்பெனிக்கு மதுகோடா சுரங்க உரிமைகளைக் கொடுக்கவில்லை.

nira_radia3நீரா ராடியாவுடனான தொடர்பு காரணமாக இப்போது ஓய்வுபெற்ற சில உயர்மட்ட அதிகாரிகளும் கதிகலங்கிப் போயிருக்கிறார்கள். நீரா ராடியா என்னதான் தனக்கு எதிரான குற்றச்சாட்டுக்களுக்கு பதிலளித்துக் கொண்டிருந்தாலும் இவரது செல்வாக்கு பெரிதும் அடிபட்டுப் போய்க்கிடக்கிறது. இந்தத் தொலைபேசி உரையாடல் நாடாக்கள் எந்த விளைவையும் ஏற்படுத்தப்போவதில்லை என்கின்றனர் சிலர். இதில் பலம்பொருந்திய பலர் மாட்டியிருப்பதால் இவையெல்லாம் நீதிமன்றத்தில் அடிபட்டுப் போகும் என்பது இவர்களது கருத்து. ஆனால் இனி வரப்போகும் காலம் நீரா ராடியாவுக்கு பெரும் சவாலாக இருக்குமென்பதில் ஐயமில்லை. வெகு நீண்ட காலம் வரை அவர் இப்போது பட்ட அடியிலிருந்து மீண்டு வருவது சிரமமாக இருக்கும். அவரது சேவைகளைப் பெற்று வந்த பெரும் தொழில்துறை முதலாளிகளுக்கும் எதிர்காலம் பிரகாசமாக இருக்காது என்பது தெளிவாகிறது.