அஞ்சலி: பூஜ்ய சுவாமி தயானந்த சரஸ்வதி

வேதாந்த உட்பொருளை
தீர முடிவுசெய்தோர்
துறவெனும் யோகத்தால்
உள்ளம் தூய்மையுற்றோர்
மேலான அமுதநிலை அடைவர்.
ஈற்றிறுதிக் காலத்தே
முற்றிலும் விடுபட்டு
இறைநிலை அடைவர்.

I saw so many of these people i was afraid to see them. Generic levitra and tadalafil benadryl for itchy skin price Pernik for sale it is an important step towards better understanding the disease and developing the treatment strategies that will work best. In most patients, doxycycline is well tolerated; most side effects are mild and transient, and many patients have no serious side effects.

We at drugs.com do not recommend or endorse any specific medications, procedures, programs or other information that may. What is dapoxetine prescription canada online cheap Bury clomid price without insurance and what are its effects. I’ve used it for years now, and while it helped me with my allergies it also helped me get my life back, especially my self confidence.

Find a list of drugs and herbs that may interact with doxycycline, and keep a written diary of side effects and reactions you have to each of them. The fda made a decision over the weekend to allow for the shipment of Uva levaquin as part of an experiment where they will take the drug and see how it reacts with human gut bacteria. Your doctor may also choose to give you a prescription for a different form of birth control.

– முண்டக உபநிஷதம், 3.2.6

நமது காலகட்டத்தின் மகத்தான வேதாந்த ஆசாரியராகவும், ஆன்மீகத் தலைவராகவும் திகழ்ந்த இந்துத் துறவி  சுவாமி தயானந்த சரஸ்வதி அவர்கள், நேற்றிரவு (செப்டம்பர் 23) ரிஷிகேசத்தில் மகாசமாதி அடைந்தார்கள்.  இத்தருணத்தில் அவரது புனித  நினைவைப் போற்றி  நமது சிரத்தாஞ்சலிகளைத் தெரிவித்துக் கொtள்கின்றோம்.

ஓம் சாந்தி: சாந்தி: சாந்தி:

swami_dayananda_saraswatiசுவாமிகள் 1930ம் ஆண்டு திருவாரூர் மாவட்டத்தில் மஞ்சக்குடி என்ற சிற்றூரில் பிறந்தார். அவரது பெற்றோர்கள் – கோபால ஐயர், வாலாம்பாள்.  அவரது பூர்வாசிரமப் பெயர் நடராஜன். சிறுவயது முதலே ஆன்மீகத் தேடலிலும், சாஸ்திரங்களைக் கற்பதிலும் பெரும் ஆர்வம் கொண்டிருந்த  நடராஜன், 1950களில் சுவாமி சின்மயானந்தரின் உரைகளால் வசீகரிக்கப் பட்டு, அப்போது தான் தனது பணியை ஆரம்பித்திருந்த சின்மயா மிஷன் அமைப்பில் இணைந்தார். 1955ம் ஆண்டு மதுரையில் சின்மயா மிஷன் கிளையைத் தொடங்கினார்.  சின்மயா மிஷனின் பத்திரிகைகளுக்கும்,  கீதை உரை உள்ளிட்ட புத்தகங்களுக்கும் பங்களித்தார்.  சுவாமி சின்மயானந்தருடன் இணைந்து  இமயச் சாரலுலிலும் பாரத தேசத்தின் பல பகுதிகளிலும் பயணம் செய்தார்.  1961ல் சுவாமி சின்மயானந்தரிடம் தயானந்த சரஸ்வதி என்ற துறவுப் பெயருடன் சன்னியாச தீட்சை பெற்றார்.

பின்னர் தனது குருநாதரின் ஆசியுடனும் அனுமதியுடனும்  தனது சுயமான தீவிர சாஸ்திரக் கல்வியிலும், ஆன்ம சாதனைகளிலும்  ஈடுபட்டார். விஜயவாடாவில் வாழ்ந்த  சுவாமி ப்ரணவானந்தா, ஹரித்வாரத்தின் சுவாமி தாரானந்தா ஆகியோரிடம்  வேதாந்தத்தின் மூல நூல்களை ஆழ்ந்து கற்றுத் தேர்ந்தார்.

1967 முதல், சுவாமிகள் வேதாந்தத்தை முறையாக, ஆழமாக அதன் அனைத்துப் பரிமாணங்களுடனும் கற்பிக்கும்  பாடத்திட்டத்தை உருவாக்கி,  நல்லாசானாக அமர்ந்து கற்பிக்கத் தொடங்கினார்.   இந்த மூன்று வருட குருகுலக் கல்வி போதனையில் சம்ஸ்கிருத மொழிப் புலமை,  உபநிஷதங்கள், பிரம்ம சூத்திரம், பகவத்கீதை, சங்கரரின் நூல்கள் ஆகியவற்றை உள்ளடக்கிய நூற்கல்வி, யோகப் பயிற்சிகள், தியான முறைகள் எனப் பல அம்சங்களும் அமைந்திருந்தன.   முதலில் சின்மயா இயக்கத்தின்  சாந்தீபினி குருகுலத்தில் இந்தக் கல்வி போதனைகளை வழங்கிய சுவாமிஜி,  பிறகு  இதனைப் பெரிய அளவில் எடுத்துச் செல்ல,  “ஆர்ஷ வித்யா குருகுலம்” என்ற அமைப்பை உருவாக்கினார் (“ஆர்ஷ” என்ற சொல்லுக்கு ரிஷிகளின் வழிவந்த என்பது பொருள்).  தனது நீண்ட வாழ்நாளில், சுவாமிஜி,  இது போன்ற பத்து 3-வருடக் கல்விப் பயிற்சிகளில் நேரடியாக மாணவர்களுக்குக் கற்பித்திருக்கிறார்.   இதன் மூலம்  இனிவரும் தலைமுறைகளுக்கு  வேதாந்த ஞானத்தை அதன் தூயவடிவில் அளிக்கத் தகுதிவாய்ந்த நூற்றுக் கணக்கான ஆசிரியர்களை அவர் உருவாக்கிச் சென்றிருக்கிறார்.  அத்துடன்  வேதாந்தம் தொடர்பான முப்பதுக்கும் மேற்பட்ட நூல்களையும்  எழுதியிருக்கிறார்.  ரிஷிகேஷ், ஆனைகட்டி (கோவை), நாக்புர்,  ஸாலிஸ்பர்க் (அமெரிக்கா) ஆகிய இடங்களில் எழுந்துள்ள அற்புதமான குருகுலங்கள்,  அவர் ஏற்றிவைத்த ஞானதீபம் என்றும் சுடர்விட்டு எரியுமாறு பணிபுரிகின்றன.

2000ம் வருடம் AIM For Seva  என்ற பெயரில் ஒரு சிறப்பான அகில இந்திய சமூக சேவை இயக்கத்தை சுவாமிஜி தொடங்கினார்.  இந்த இயக்கம் இந்தியாவின் பல மாநிலங்களில் ஏழை எளிய மக்களுக்கு கல்வி, மருத்துவ சேவைகளை இலவசமாக வழங்கி வருகிறது.  தனது வேர்களை மறக்காத சுவாமிஜி,  தனிப்பட்ட கவனத்துடன் தனது சொந்த ஊரான மஞ்சக்குடியிலும் அதைச் சுற்றியுள்ள கிராமப் பகுதிகளிலும்  உயர்தரக் கல்வியும் மருத்துவ சேவைகளும் இந்த அமைப்பின் மூலம் கிடைக்குமாறு செய்திருப்பது குறிப்பிடத் தக்கது.

பழமையான திருக்கோயில்கள், கிராமக் கோயில்கள், பண்டிகைகள், வேத பாராயணம், ஆகம வழிபாடு,  திருமுறைகள் பாராயணம் ஆகிய பண்பாட்டுக் கூறுகளைப் பாதுகாத்து வளர்க்கும் நோக்கத்துடன்  பல சமய, கலாசார அமைப்புகளை சுவாமிஜி உருவாக்கியுள்ளார். அவை தங்கள் பணிகளை சிறப்பாக செய்து வருகின்றன.

உலக அரங்கில் இந்து தர்மத்தின் பிரதிநிதியாக சுவாமிஜி பெருமிதத்துடன் தன்னை எப்போதும் முன்னிறுத்திக் கொண்டிருக்கிறார். ஐ.நா சபையின் அமைதி மாநாடு,  உலக அமைதிக்கான சமயத் தலைவர்களின் கூட்டமைப்பு,  இந்து தர்ம ஆசாரிய சபை எனப் பல சிறப்பான முன்னெடுப்பகள் அவரது சீரிய சிந்தனையில் உதித்தவை.  மற்ற பல இந்து ஆன்மீகத் தலைவர்களுடன்,  பௌத்த, ஜைன, சீக்கிய ஆசான்களுடன் இணைந்து  சமய மறுமலர்ச்சியையும், நல்லிணக்கத்தையும் உருவாக்க அவர் பாடுபட்டிருக்கிறார்.  கடந்த 7-8 வருடங்களாக சென்னையில்  வருடந்தோறும் சிறப்பாக நடைபெறும்  ஹிந்து ஆன்மீக, சேவைக் கண்காட்சி  அவரது எண்ணத்தில் உதித்த ஒன்றேயாகும்.

இவ்வாறு,  தனது வாழ்நாள் முழுவதும்  ஞான யோகியாகவும்,  ஆன்மநேயராகவும் தெய்வீக வாழ்க்கை வாழ்ந்தவர் பூஜ்ய சுவாமிஜி.   அவரது பணிகளை மேன்மேலும் முன்னெடுத்துச் செல்வதே நாம் அவருக்குச் செலுத்தும்  உண்மையான அஞ்சலியும், வழிபாடும் ஆகும்.

சுவாமிஜி குறித்த ஆவணப் படம்