தீபாவளிப் பட்டாசுக்கு எதிரான பிரசாரங்கள்: ஒரு பதிலடி

ஒரு பண்டிகையைக் கூட நிம்மதியாகக் கொண்டாட விடக்கூடாது என்பதில் குறியாக இருக்கிறார்கள் ஒரு பிரிவினர். சித்திரையில் புத்தாண்டு கொண்டாடினால் அதில் ஒரு குழப்பத்தை உருவாக்குவது. புத்தாண்டு சித்திரையிலா தையிலா என்று சாதாரண மனிதன் குழம்பும் அளவுக்கு எதையாவது சொல்வது. ஒரு பிரிவினர் பூணூல் போட்டுக்கொண்டால் பன்றிகளுக்குப் பூணூல் அணிவிக்கிறேன் என்று அதற்கும் கீழான கூட்டம் கிளம்புவது. தீபாவளி கொண்டாடினால் வெடிக்காதே என்று பிரச்சினை பண்ணுவது. இப்படி ஒரு கூட்டம்.

Until the 12th century, the zaporizhian host, which became the nucleus of the crimean khanate, was. If you wish to discuss a prescription with a doctor or other health professional before purchasing the drug, please visit the uk pharmacy http://torrallardona.net/es/servicios/moto/ finder to see how. The symptoms are usually similar to heart failure, and the disease can lead to severe complications and death.

I’m not talking about anything that could be described as intelligent. If you're going to buy it, it is better you should look out for the discount medicines and get the https://seattlebrickmaster.com/services/outdoor-fireplaces-and-pits/ best bargain. The generic viagra cialis pill is an otc drug that contains generic viagra, also known to be the best and original pharmaceutical for impotence.

The fourth is when a woman is pregnant and a man feels so frustrated that he decides to kill the children he suspects are his. The cost to treat a patient in one year with soltamox is not cost of clomiphene nz the same for every patient because it will vary depending on the number of patients. The product and price is what i found online for nolvadex pct in new jersey.

தீபாவளியில் வெடி வெடித்தால் சுற்றுப் புறச் சூழல் பாதிக்கப்படுகிறது என்று அறிவியல் காரணங்களை முன்வைக்கிறார்கள். இப்படி அறிவியல் காரணங்களை முன்வைப்பவரெல்லாம் எப்படியோ திக கும்பலுக்கும் கம்யூனிஸக் கும்பலுக்கும் நண்பர்களாக தற்செயலாக அமைந்து தொலைக்கிறார்கள். இப்படித்தான் ஊரெல்லாம் சுற்றுப்புறச் சூழல் குறித்து விழிப்புணர்வு பேசியதாகப் போற்றப்பட்ட ஒருவரின் வீடியோவைப் பார்த்தபோது அவர் பிராமணர்களைத் திட்டிகொண்டிருந்தார். இவரைப் போன்றவர்களுக்கு ஹிந்து மதப் பண்டிகைகளில் மட்டுமே இந்த சுற்றுப்புறச் சூழலெல்லாம் நினைவுக்கு வரும். பண்டிகைகளில் இருக்கும் முக்கிய அம்சத்தை உடைப்பதன்மூலம் பண்டிகையையே இல்லாமல் ஆக்கி ஹிந்து மதத்துக்குப் பின்னடைவை ஏற்படுத்த முயல்வதுதான் இவர்களின் முக்கிய நோக்கம். இதற்குத் துணையாக அறிவியல், சுற்றுப்புறச் சூழல், முற்போக்கு என எல்லாவற்றையும் சமயத்துக்குத் தகுந்தாற்போல் கலந்துகொள்வார்கள்.

கிறிஸ்துமஸ் நேரத்தில் ஒரு மாதம் முழுக்க ஸ்டார் எரிய விட்டால் அதிகம் மின்சாரம் செலவாகுமே என்று மறந்தும் பேசிவிடமாட்டார்கள். (கிறித்துவர்கள் வருடம் முழுக்க ஸ்டார் எரியவிட்டாலும் எனக்குப் பிரச்சினை இல்லை.) இஸ்லாமியர்களைப் பற்றி யோசிக்கவே அஞ்சி நடுங்குவார்கள். கிடைத்து ஹிந்து இளிச்சவாயக் கூட்டம்தான்.

இதில் உள்ள நிஜமான பிரச்சினை, ஹிந்துக்களும் இதற்குக் காவடி தூக்குவதுதான். சில ஹிந்துக்கள் உண்மையில் நல்ல இதயத்தோடு, இதன் பின்னே இருக்கும் வலையையும் உண்மையையும் புரிந்துகொள்ளாமல், சுற்றுப் புறச் சூழல் குறித்து நிஜமான அக்கறையில் சொல்கிறார்கள் என்பது உண்மைதான். ஆனால் இந்த பிரச்சினை எல்லாம் ஏன் ஹிந்துக்களுக்கு மட்டுமே வருகிறது என்பதையாவது அவர்கள் யோசிக்கவேண்டும்.

பட்டாசு வெடிப்பதால் சுற்றுப்புறச் சூழல் நிச்சயம் மாசடைந்து போய்விடாது. ஊர் முழுக்க திரியும் கார்களால், லாரிகளால், குப்பைகளால் வராத மாசு, ஒரே ஒரு நாள் பட்டாசு வெடிப்பதால் வந்துவிடாது. பட்டாசு வெடிக்கவேண்டுமா வேண்டாமா என்பதை முடிவு செய்யவேண்டியது ஹிந்து மத எதிரிகள் அல்ல. ஹிந்து மதத்தின் ஆதரவாளர்களே அதை முடிவு செய்யவேண்டும்.

பட்டாசு வெடிப்பதால் பறவைகள், நாய்கள் அஞ்சும் என்பது இன்னொரு வாதம். ஒரு நாளில் ஒன்றும் குடிமூழ்கிப் போய்விடாது என்பது குழந்தைக்குக் கூடத் தெரியும். இவர்களது கருணையை நினைத்தால் நமக்கே தொண்டை விக்கிக்கொள்ளும். தெருவோரத்து நாய்க்கு ஒரு பிஸ்கட்டை வாழ்நாளில் போடாத கூட்டம்தான், ஹிந்துக்கள் பட்டாசு வெடிக்கும்போது பறவைகளுக்கும் நாய்க்கும் பொங்கிக்கொண்டு வருகிறது. பிஸ்கட் போட்டிருந்தாலும் ஹிந்துக்களின் பட்டாசால் நாய்க்குடியே அழிந்துவிடும் என்பதை ஏற்றுக்கொள்ளமுடியாது என்பது வேறு விஷயம்.

மாட்டுக்கறி உண்டால் மாடு செத்துப் போகும் என்பதைப் பற்றி யோசிக்காதவர்கள், கண்ணில் படும் மிருகங்களையெல்லாம் எண்ணெய்யில் வதக்கி உண்டால் அவையெல்லாம் இல்லாமல் போய்விடுமே என்று யோசிக்காதவர்கள்தான் நாய்க்கும் பறவைக்கும் வெடிக்கு எதிராகப் பரிந்துகொண்டு வருகிறார்கள். இந்த இரட்டைத்தனமெல்லாம் இது ஹிந்துப் பண்டிகை என்பதால் மட்டுமே.

நூறு கோடிப் பேரும் என்னவோ வெடி வெடிக்காமல் உறங்கமாட்டார்கள் என்கிற அளவுக்கு இங்கு பிரசாரம் நடக்கிறது. உண்மையில் 30 வயதுக்கு மேற்பட்டவர்கள் வெடி வெடிப்பது குறைவே. பத்து வயதுக்குக் கீழ் உள்ளவர்கள் வெடி வெடிப்பதுவும் குறைவே. இதில் பெண்கள் வெடிப்பதும் குறைவு. இதில் சராசரியாக ஆயிரம் ரூபாய்க்கு வெடி வாங்குபவர்களே மிக அதிகம் இருப்பார்கள். ஆயிரம் ரூபாய்க்கு கொசு வெடிதான் இன்றைக்கு வெடிக்கமுடியும் (டெங்குவை ஒழிப்போம்!). இந்த நிலையில் இந்த வெடியால் சுற்றுப் புறச் சூழல் ஒழிந்துவிடும் என்பது வீம்புப் பிரசாரம்.

வெடி வெடிக்கும்போது சிறுநீர் கழிப்பேன் என்ற அச்சுறுத்தல் எல்லாம் சிறுநீர் அளவுக்கே மதிக்கப்படவேண்டியது. அந்நேரத்தில் வெடி வெடிக்காமல் அல்லது ராக்கெட் வைக்காமல் இருப்பதும் நம் பெருந்தன்மைதான்.

இந்த வீம்புப் பிரசாரங்களை முறியடிப்பதற்காகவாவது எப்போதும் வெடி வாங்கும் அளவுக்கு 200 ரூபாய்க்கு மேலாக வெடி வாங்கி ஆசை தீர வெடிக்கவும். ஒவ்வொரு வெடியிலும் ஹிந்து மதத்தைச் சூழ்ந்துள்ள இந்த இரட்டைவேடக்காரர்களின் மாய்மாலங்கள் பொசுங்குக என்று நினைத்துக்கொண்டு வெடிக்கவும். சுற்றியுள்ள, வெடி வாங்க முடியாத ஏழைச் சிறுவர்களை உடன் சேர்த்துக்கொண்டு அவர்களைக் கொண்டு வெடிக்கச் செய்து தீபாவளியை வெடியுடன் கொண்டாடவும். வெடி வெடிக்கும்போது தேவையான பாதுகாப்பு அம்சங்களை மறக்காமல் நினைவில் வைத்துக்கொண்டு கடைப்பிடித்து, பாதுகாப்பான தீபாவளியை, ஹிந்துக்களின் வண்ணமயமான பண்டிகையை வெடியுடன் கொண்டாடவும். தீபாவளி வெடி வாழ்த்துகள்.

பின்குறிப்பு: ஒவ்வொரு வருஷமும் இதைச் சொல்ல வெச்சதுதான் இரட்டைநாக்குக்காரர்களின் சாதனை.

(ஹரன்பிரசன்னா தனது  ஃபேஸ்புக் பக்கத்தில் எழுதியது) 

பாதுகாப்பான தீபாவளியே ஆனந்தமான தீபாவளி !

தீபாவளி!
குழந்தைகள் முதல் பெரியோர்கள் வரை அனைவரும் ஆனந்தமாக எதிர்பார்த்து, காத்திருந்து வரவேற்க்கும் திருநாள்!

தீபாவளி என்றாலே உடனே நினைவுக்கு வருவது புத்தாடைகள்,
புது மகிழ்ச்சி,
பலவகைப் பலகாரங்கள்,
ரொம்ப முக்கியமானது பட்டாசுகளும் மத்தாப்புகளும் தான்!

ஒவ்வொரு வருடமும் தீபாவளிக்கு முன்பும் தீபாவளியன்றும், அதனைத் தொடர்ந்து வருகின்ற நாட்களிலும் பட்டாசு விபத்துகளின் காரணமாக பலர் மருத்துவமனைகளுக்கு சிகிச்சைக்காக வருகிறார்கள். அதிலும் கண் மருத்துவமனைகளுக்கு வருகின்ற நோயாளிகள் எண்ணிக்கை அதிகம்.

diwali_crackers

அதனாலே தீபாவளி ஹாப்பி அண்ட் சேஃப் தீபாவளியாக அமைய உங்களுக்கு சில முக்கியமான டிப்ஸ்கள் :

1. முதலில் அங்கீகரிக்கப்பட்ட விற்பனையாளர்களிடமே பட்டாசுகளை வாங்கவும். தரமற்ற போலியான பட்டாசுகளை விற்பவர்களிடமிருந்து வாங்கிய பட்டாசுகள் நீங்கள் பற்ற வைத்தவுடன் வெடிக்காமல் உங்கள் பணத்திற்க்கு வேட்டு வைக்ககூடிய வாய்ப்பு அதிகம். அல்லது எதிர்பாராத நேரத்தில் வெடித்து ஆபத்தையும் ஏற்படுத்திவிடும்.

2. ஒரு பட்டாசு அல்லது மத்தாப்பூவினை கொளுத்தும் முன்பு செய்ய வேண்டிய முதல் காரியம், அதன் அட்டைப் பெட்டியில் குறிப்பிட்டிருக்கும் முன்னெச்சரிக்கை நடவடிக்கைகள், அந்த பட்டாசினை பயன்படுத்தும் முறைகளைப் படித்து அதன்படி பயன்படுத்த வேண்டும். ஏனெனில் , ஒவ்வொரு பட்டாசினையும் பயன்படுத்தும் முறைகள் வெவ்வேறாக இருக்கலாம். அதனைத் தெரிந்து கொள்ளாமல் பயன்படுத்தினால் கண் உட்பட எந்த உடல் உறுப்பும் பாதிக்கப்படலாம்.

3. தொழிற்சாலைகள், பெட்ரோல் பங்க்குகள், குடிசைப்பகுதிகள் மற்றும் எளிதில் தீப்பற்றக்கூடிய பொருட்கள் உள்ள அல்லது அவை தயாரிக்கப்படும் இடங்ளைத் தவிர்த்து குறிப்பாக விளையாட்டு மைதானங்கள், திறந்தவெளிகளில் பட்டாசுகளை பயன்படுத்துவதே நல்லது. ராக்கெட்டுகளை குடியிருப்பு பகுதிகளில் உபயோகிப்பதையும், மாணவர்கள், முதியோர்கள் தங்கியிருக்கும் பகுதிகளை நோக்கி செலுத்துவதையும் தவிர்க்க வேண்டும். ராக்கெட்டை பாட்டிலில் வைத்துக் கொளுத்துவதும் ஆபத்தானதே.

4. தண்ணீர். இது நெருப்பை அணைப்பதற்கு மட்டுமல்ல ஒருவெளை நமது உடலில் தீக்காயம் பட்டுவிட்டால் உடனடியாக பயன்படுத்தக்கூடிய முதல் உதவி மருந்தும்கூட. எனவே ஒரு பக்கெட் தண்ணீராவது நீங்கள் பட்டாசு வெடிக்கும் இடத்தில் வைத்திருக்க வேண்டும்.

5. ஒரு நேரத்தில் ஒரே ஒரு பட்டாசினை மட்டுமே கொளுத்த வேண்டும். த்ரில்லிங்க்குக்காக வரிசையாக பல பட்டாசுகளைக் கொளுத்தினால் அது விபத்திற்க்கு காரணமாகலாம்.

6. நீங்கள் பற்ற வைத்த பட்டாசு வெடிக்க தாமதமானல், ஒரு போதும் அத்னை கையில் எடுப்பதற்க்கோ அல்லது மீண்டும் உடனே பற்ற வைப்பதற்க்கோ முயற்சி செய்யக்கூடாது.அந்த பட்டாசு இருமடங்கு வெடித்து விபத்தினை உருவாக்கலாம்.

7. குழந்தைகள் தைரியசாலிகள்தான். ஆனாலும் குழந்தைகள் எந்த பட்டாசினையும் தனியே கொளுத்த அனுமதிக்ககூடாது.

8. நீங்கள் பற்ற வைத்த பட்டாசு வெடிக்காமல் போனால், பத்து நிமிடம் வரை பொறுமையாக காத்திருந்து ஒரு பக்கெட் தண்ணீரில் அந்த பட்டாசினை நீரினுள் நன்றாக மூழ்கவைத்து செயலிழக்க வைக்க வேண்டும். புஷ்வாணம் எரியவில்லை என்றால் கையில் எடுத்துப் பார்க்கக்கூடாது. திடீரென்று வெடித்து விபத்தினை ஏற்ப்படுத்த வாய்ப்பு உள்ளது. திரி எரிந்தும் வெடிக்காத வெடிகளை கையில் எடுத்துப் பார்ப்பதோ, மீண்டும் பற்ற வைப்பதோ கூடாது.

9. பட்டாசுகளை எக்காரணம் கொண்டும் பத்திரப்படுத்தி ஸ்டாக் பண்ணி வைப்பது ஆபத்தானது. தவிர்க்க முடியாத பட்சத்தில் அவற்றை வெப்பம் குறைந்த இடத்தில் குழந்தைகள் பயன்படுத்தாத இடத்தில் வேண்டுமானால் பத்திரப்படுத்தி வைக்கலாம்.

10. நீங்கள் உபயோகித்த பட்டாசுகளை ஒரு பக்கெட்டில் போட்டு தண்ணீர் ஊற்றி ஊற வைத்து சிறிது நேரம் கழித்து குப்பைத்தொட்டியில் அப்புறப்படுத்தலாம். மேற்சொன்னவாறு செய்யாமல் அப்படியே குப்பைத் தொட்டியில் போடுவதால் பொது விபத்து ஏற்படுவதற்கு வாய்ப்பு உள்ளது.

11. பட்டாசுகளை பற்றவைக்கும்போது மற்ற பட்டாசுகளை அவற்றிற்க்குறிய பைகளிலோ அல்லது பெட்டியிலோ வைத்துக்கொண்டு, உபயோகிக்கும் பட்டாசினை மட்டுமே பற்றவைக்க் வேண்டும். இது மற்ற பட்டாசுகளும் சேர்ந்து வெடித்து விபத்து மற்றும் சேதம் ஏற்ப்படுத்துவதை தவிர்க்கும்.

12. ஒரு பட்டாசினை பற்றவைக்கும்போது கை மற்றும் உடம்பின் எந்த பாகமும் பட்டாசின் அருகில் இருப்பது நல்லது அல்ல.

13. ஒரு பட்டாசினை நீங்கள் பற்ற வைக்கும்போது உங்கள் கண்ணை கவசமாக பாதுகாக்கும்விதமாக பாதுகாப்புக் கண்ணாடி (Plain Spectacle) அணிந்து கொள்வது நல்லது.

14. மிக அதிகமான ஒளியையும், மிக அதிகமான வெளிச்சத்தையும் வெளிப்படுத்தும் தடை செய்யப்பட்ட பட்டாசுகளை பயன்படுத்துவது த்ரில்லிங்காக இருக்கலாம். ஆனால் அவை ஆபத்தானவை மட்டுமல்ல, தடை செய்யப்பட்ட பட்டாசுகளை கொளுத்தி விளையாடுவது சட்டப்படி குற்றம் ஆகும்.

15. செய்தித்தாள்கள் மூலமாகவும், கடைக்காரரிடம் விசாரிப்பதன் மூலமாகவும் நீங்கள் வாங்கும் பட்டாசு உங்கள் ஊரில் தடை செய்யப்பட்டாதா? அதனை நீங்கள் பயன்படுத்தலாமா என்பதை தெரிந்துகொள்ளலாம்.

16. எரிந்து முடிந்த மத்தாப்பூக்கள் மற்றும் பட்டாசுகளை மற்றவர்கள் மீதும் மிருகங்கள் மீதும் எரிந்து விளையாடுவது மனிதத் தன்மையற்ற மற்றும் குரூரமான செயலாகும்.

17. குழந்தைகளும் சிறுவர்களும் எந்த சிறிய வகை பட்டாசுகளைக்கூட தன்னிச்சையாகக் கொளுத்துவதற்க்கு தாராளமாக அனுமதிப்பது தவறு. பெரியவர்கள் அல்லது பெற்றோர்கள் மேற்ப்பார்வையில் பட்டாசுகளை கொளுத்த அனுமதிப்பதே சிறந்தது.

18. பட்டாசினை கொளுத்தி விளையாடும் இடத்தில் ஒரே நேரத்தில் ஒரே ஒரு பட்டாசினை மட்டுமே கொளுத்துவது அறிவுடைமை.

19. ஒரு பட்டாசு அல்லது மத்தாப்பினைக் கொளுத்துவதற்க்கு நீண்ட ஊதுபத்தி அல்லது நீண்ட கம்பி மத்தாபினைப் பயன்படுத்துவதே சிறந்தது.

20. மதுபானம் அருந்திவிட்டு உங்களோடு பட்டாசு கொளுத்தி விளையாட, அல்லது உதவி செய்ய யாராவது வந்தால் அவர்க்ளை தவிர்ப்பது உங்களுக்கும் நல்லது அவர்களுக்கும் நல்லது.

21. வாகனங்கள் அருகே அல்லது வாகனங்கள் சாலையில் வரும்போது வெடிகளை கொளுத்திப் போடுவதையும் தவிர்க்க வேண்டும். அதனால் பெரிய விபத்துகளை தவிர்க்கலாம்.

22. தரைச் சக்கரம் போன்றவற்றை வீட்டின் உள்ளே விடுவதை தவிர்க்க வேண்டும். இதனால் விபத்துகளையும் வீட்டின் தரை பாழாவதையும் தவிர்க்கலாம்.

23. நீளமான மத்தாப்புக்களை வைத்துக் கொண்டே வெடிகளை வெடிக்க வேண்டும்.வெடிகளைப் பற்ற வைக்கும்போது தலையை கீழே குனிந்து முகத்தை அருகில் கொண்டு சென்று ஒருபோதும் வெடிக்கக்கூடாது.ஏனெனில் விபத்து ஏற்ப்பட்டால் விபத்துடன் வெடிப்பொருட்கள் முகத்தின் தோல் வழியே உள்ளே சென்று முகத்தில் நிரந்தர கரும்புள்ளிகளை ஏற்படுத்தி விடலாம்.

24. பட்டாசு வெடிக்கும் குழந்தைகளும் அவர்களுக்கு உதவியாகச் செல்படும் பெரியவர்களும் கண்டிப்பாக கால்களில் ஷுக்களோ அல்லது செருப்புகளோ அணிந்து கொண்டே பட்டாசுகளைக்கொளுத்தி விளையாட வேண்டும்.

25. வெடிக்காத வெடிகளைத் தேடி எடுத்து மொத்தமாக போகி கொளுத்துவது மிகவும் ஆபத்தானது..

safe_diwali

முதல் உதவிக் குறிப்புகள் :

1. எதிர்பாராதவிதமாக பட்டாசினால் நெருப்புக் காயம் பட்டுவிட்டால் உடனடியாக காயம் பட்ட இடத்தை தண்ணீரில் நனைக்க வேண்டும். தீக்காயம் பட்ட இடம் எரிச்சல் அடங்கிக் குளிரும். வலி குறையும். தீக்காயம் பட்ட இடத்தைச் சுற்றிலும் உள்ள திசுக்களுக்கு ஏற்ப்படும் பாதிப்பு குறையவும் வாய்ப்பு உண்டு. பின்னர் ஒரு சுத்தமான துணியினால் தீக்காயம் பட்ட இடத்தைச் சுற்றி உடனடியாக காயம் பட்டவரை அருகில் உள்ள மருத்துவரிடம் அழைத்துச் செல்ல வேண்டும்.

2. வெடி விபத்தினால் முகத்தில் காயம் ஏற்பட்டு கண்ணிலும் காயம் ஏற்பட்டுவிட்டால், முகத்தையும் கண்ணையும் தண்ணீர் விட்டு கழுவவே கூடாது.சுத்தமான துணியைக் கொண்டு முகத்தை லேசாக மூடி உடனடியாக மருத்துவரிடம் காண்பிக்க வேண்டும்.

3. தீக்காயம் ஏதேனும் கண்ணில் பட்டுவிட்டால் மஞ்சள் தூள், பர்னால், பேனா மை, ஜெர்ஷியன் வைலட், பக்கத்துவீட்டார் சொல்லும் ஆயின்ட்மெண்ட் ஆகியாவற்றைப் போடக்கூடாது. இதனால் எந்த அளவிற்க்குக் காயம் ஏற்ப்பட்டுள்ளது என்பதை சரியாகத்ச் தெரிந்து கொள்ளமுடியாமல் போய்விடும், மேலும் அவற்றைச் சுத்தம் செய்வதிலும் சிரமம் ஏற்ப்படும்.

4. குழந்தைகள் பட்டாசு வெடிக்கும்போது காற்றில் பறக்கக்கூடிய ஆடைகளை அணிவது கூடாது. குறிப்பாக பெண் குழந்தைகள் பாவாடை போன்ற ஆடைகளை அணிந்து கொண்டு பட்டாசு கொளுத்தும்போது எரியும் விளக்கின் நெருப்பு பாவாடையில் பட்டு விபத்து ஏற்படுவதற்க்கான வாய்ப்பு அதிகம். பட்டாசு கொளுத்தும்போது நைலான், பட்டு போன்ற துணிகளை அணியவே கூடாது.

5. ஒருவேளை உங்கள்மீது தீப்பிடித்தால் ஓடாமல் தரையில் உருண்டு தீயை அணைக்க முற்பட வேண்டும்.

தவிர்க்க வேண்டிய தவறுகள்:

பல நேரங்களில் பட்டாசு மற்றும் தீ விபத்துகளின்போது முதல் உதவி என்ற பெயரில் எதையாவது செய்து கண் உட்பட உடலின் பல உறுப்புகளையும் கெடுத்துக் கொள்வதும், யார் என்ன சொன்னாலும் உடனே அத்தனையையும் செய்துவிடுவதும்,மேலும் இது குறித்து பல ஊகங்களும் உள்ளன. உண்மை நிலையை முறையாகத் தெரிந்து கொள்வதே சிறந்தது.

1. பாட்டில் மூலமாக ஏவப்பட்ட ஒரு ராக்கெட் வெடித்து ஒரு குழந்தையின் அல்லது ஒருவரது கண்ணை கண்ணாடித் துகளோ அல்லது இரும்புத் துகளோ தாக்கிவிட்டது. ஆனால் கண்களிலிருந்து ரத்தம் ஏதும் வரவில்லை. வலியும் இல்லை. நாம் என்ன செய்ய வேண்டும் தெரியுமா? உடனடியாக ஒரு மருத்துவமனைக்கு சம்பந்தப்பட்டவரை அழைத்துச்செல்வதே சிற்ந்த காரியம். ஏனெனில் பல நேரங்களில் கண் சார்ந்த விபத்துக்களின் விளைவுகள் உடனடியாகத் தெரிவதில்லை.உடனடியாகக் கண் மருத்துவரின் கவனிப்பு வழங்காவிட்டால் முழுமையான பார்வையிழப்பு உட்பட மோசமான விளைவுகள் ஏற்படலாம்.

2. கண் விபத்துக்குள்ளான குழந்தை அதிக வலியின் காரணமாக கண்ணை அழுத்திப் பிடித்துக் கொள்ளவோ அல்லது கசக்கவோ விரும்புகிறது. இருப்பினும் நாம் செய்யவேண்டியது என்ன தெரியுமா? குழந்தையின் கைகளை இறுகப் பற்றிக் கொண்டு உடனடியாக கண் மருத்துவ மனைக்கு அழைத்துச் செல்ல வேண்டும்.கண்களைக் கசக்குவதனால் இரத்தம் அதிகமாக வெளியேறலாம் அல்லது காயத்தின் வீரியம் அதிகரிக்கலாம்.

3. ஒரு குழந்தையின் கண்களை பாட்டில் ராக்கெட், அல்லது வேறு மத்தப்பு தீவிரமாகத் தாக்கிவிட்டால் உடனடியாக என்ன செய்ய வேண்டும் தெரியுமா? கண்ணைச் சுற்றிப் பாதுகாப்பாக ஒரு பேப்பர் கப் ஒன்றினை முகத்தினில் வைத்து கண்ணை அழுத்தாதவாறு டேப்பினால் ஒட்டி அல்லது பாதுக்காப்புக்கான பேட்ச் அணிவித்து உடனடியாக கண் மருத்துவமனைக்கு அழைத்துச் செல்ல் வேண்டும்.

4. நெருப்புக்காயத்தினால் காயம் பட்ட குழந்தையை மருத்துவமனைக்கு அழைத்த்துச் செல்வதற்க்கு முன்னால் வலி நிவாரணியாக எந்த மருந்தினையும் கொடுக்கக்கூடாது. ஆஸ்ப்பிரின் அல்லது இபுப்ரோஃபேன் போன்ற மருந்துகளை வலியைத் தாங்கிக் கொள்வதற்க்காகக் கொடுப்பது தவறு. குழந்தைகளைப் பொறுத்தமட்டில் ஆஸ்ப்பிரின் கண்டிப்பாகக் கொடுக்ககூடாது. இபுப்ரோஃபேன் இரத்தக்குழாய்களை மென்மையானதாக்கி விடும், எனவே இரத்தம் மிக அதிகமாக வெளியேற வாய்ப்பு உள்ளது. எனவே ஒருகணம் கூட தாமதிக்காமல் குழந்தையை மருத்துவமனைக்கு அழைத்துச் செல்வதே நல்லது.

5. தீ அல்லது பட்டாசு விபத்தினல் காயம் பட்ட குழந்தையின் முதல் தேவை என்ன தெரியுமா? முதலில் காயம்பட்ட குழந்தையை சமாதானம் செய்து அமைதிப்படுத்த வேண்டும். சில பெற்றோர்கள் குழந்தைகளை கோபித்து அதிகமாகத் திட்டி மன அளவில் மேலும் பாதிப்பை ஏற்ப்படுத்துவார்கள்.இது தவறு. ஒரு சுத்தமான துணியை தீக்காயம் பட்ட இடத்தில் சுற்றி உடனடியாக காயம் பட்டவரை அருகில் உள்ள மருத்துவரிடம் அழைத்துச் செல்ல வேண்டும்.

தீபாவளி போன்ற பண்டிகைக் காலங்களில் விபத்து ஏற்ப்படுவது உடல் நலம் மட்டுமல்ல ஒட்டுமொத்த மகிழ்ச்சியையும் பாதித்து விடும்..

ஆம், பாதுகாப்பான தீபாவளியே அனைவரும் விரும்புவது!
பாதுகாப்பான நடவடிக்கைகளோடு தீபாவளியை மிகச் சிறப்பாகக் கொண்டாடுவோம்!
அனைவருக்கும் ஒளி மயமான தீபாவளி நல்வாழ்த்துக்கள்

கட்டுரையாசிரியர் அ.போ. இருங்கோவேள், சென்னை சங்கர நேத்ராலயா மருத்துவமனையில் மருத்துவ சமூகவியலாளர் (Medical Sociologist) மற்றும் மேனேஜர் – நோயாளிகள் கல்வி மற்றும் ஆலோசனை ஆகிய பொறுப்புகளை வகித்து வருகிறார். சென்னையில் சமூகசேவை அமைப்புகளுடன் இணைந்து தொடர்ந்து சேவைப் பணிகளிலும் தன்னை ஈடுபடுத்திக் கொண்டு வருபவர். தனது ஃபேஸ்புக் பக்கத்திலும் தொடர்ந்து எழுதி வருகிறார்.

பட்டாசுடன் கொண்டாடுங்கள்!

தீபாவளிக்குப் பட்டாசு வெடிப்பதற்கு பலரும் இப்போது மறுப்பும் சிலர் எதிர்ப்பும் தெரிவிக்கின்றனர். நான் அனைவரையும் வேண்டிக் கொள்வது என்னவென்றால் எந்தவித குற்ற உணர்வும் இன்றி பட்டாசு வெடித்து மத்தாப்பு கொளுத்தி தீபாவளியைக் கொண்டாடுங்கள். பட்டாசு மற்றும் மத்தாப்புகளுக்கு சொல்லப்படுகின்ற எதிர் காரணங்கள் எதுவுமே பொருட்படுத்தத் தகுந்தவை அல்ல. தீபாவளித் திருநாளை மற்ற பண்டிகைகளைவிட திருவிழாக்களின் ராஜாவாக ஆக்குவது இந்த வான வேடிக்கைதான். இது தருகின்ற ஆனந்தத்துக்கு ஈடு இணையே இல்லை.

வான வேடிக்கைகள் விழாக் காலங்களின் முத்திரை. உலகெங்கும் பெரும் அளவில் விளையாட்டு நிகழ்வுகள் என்றாலும் புத்தாண்டுக் கொண்டாட்டம் என்றாலும் மாபெரும் வான வேடிக்கைகள் அவ்விழாக்களின் அடையாளமாக இருக்கின்றன. நமது நாட்டில் இவை எல்லா பெரு நிகழ்வுகளிலும் பல நூற்றாண்டுகளாக பயன்பாட்டில் இருக்கின்றன. ஆனால் வெகுமக்கள் தாங்களாகவே ஒவ்வொரு இல்லத்திலும் வானவேடிக்கை நடத்தும் சிறப்பு உலகிலேயே தீபாவளித் திருநாளுக்கு மட்டுமே உரித்தானது. இதை நாம் இழக்கலாமா!

children-diwali-celebration

இனி இதற்கான மறுப்புகளாக சொல்லப்படுவனவற்றை ஒவ்வொன்றாகப் ஆராய்வோம்.

முதன்மையாக சொல்லப்படும் ஒரு காரணம் சுற்றுச் சூழலுக்கான மாசு உண்டாக்குவதாக சொல்லப்படுவது. பட்டாசு மத்தாப்பு தயாரிப்புகளில் தயாரிக்கப்படும் அத்தனை மூலப் பொருட்களும் மக்கும் தன்மை கொண்டவைதான். பொட்டசியம் நைட்ரேட் கந்தகம் பாஸ்பரஸ் போன்ற வேதிப் பொருட்களும் பெருமளவுக்கு காகிதமும்தான் இவற்றுக்கான மூலப்பொருள். விரைந்து எரியும் இந்தப் பொருட்கள் உருவாக்கும் முக்கியமான வினைபொருள் கார்பன் டை ஆக்சைடும் புகையும் மட்டுமே. காகிதத்தால் சுற்றப்பட்ட மிகப்பெரிய வெடியை பிரித்துப் பார்த்தோமானால் அதில் மிகச்சிறிய அளவில் வெடி மருந்தைக் காணலாம். உண்மையில் பட்டாசுகளும் மத்தாப்புகளும் விளைவிக்கும் ஒலி ஒளி அளவுகளுக்கு மிக மிகச்சிறிய அளவிலேயே வேதிப் பொருட்கள் பயன்படுத்தப்படுகின்றன. மத்தாப்புகளுக்கு நாம் அன்றாடும் பயன்படுத்தும் தீக்குச்சிகள்தான் அடிப்படை. ஒவ்வொரு வீட்டிலும் தீக்குச்சிகள் தன்னளவில் ஆன மாசை வளிக்கு தினம்தோறும் சேர்த்துக்கொண்டுதான் இருக்கின்றன. ஒவ்வொரு வீட்டிலும் பயன்படுத்தும் எரி வாயுவும் இருசக்கர நாற்சக்கர வண்டிகளும் தினம் தோரும் இடைவிடாமல் வெளியிடும் பெரும் அளவிளான மாசுகளை அவற்றின் தேவை கருதி அனுமதிக்கும் நாம் பட்டாசுகளும் மத்தாப்புகளும் தரும் உற்சாகத்துக்காகவும் குதுகலத்துகாகவும் பொருட்படுத்தட் தேவையே இல்லாத அளவில் மாசு உண்டாக்கும் இவற்றை ஏன் அனுமதிக்கக் கூடாது?

அடுத்ததாக குழந்தைத் தொழிலாளர் இதன் தயாரிப்பில் இருப்பதால் இவை புறக்கனிக்கப்பட வேண்டும் என்ற கருத்து. இது ஏன் பட்டாசுக்கு மட்டும் சொல்லப்படுகிறது? தீக்குச்சிகளுக்கும் அதேகுற்றச்சாட்டு பொருந்துமே! அது மட்டுமட்டாமல் எண்ணற்ற தொழில்களிலும் இக்குற்றச்சாட்டைக் கூறலாம். ஆனால் அதற்காக அப்பொருட்களை புறக்கணிப்பதல் அவர்கள் காப்பாற்றப்படுகிறார்களா அல்லது பாதிக்கப் படுகிறார்களா? குழந்தைகளை பணிக்குப் பயன்படுத்துவது ஒரு சமூக அவலம். இதற்கான தீர்வு தயரிப்புப் பொருட்களை தவிர்ப்பதால் நிச்சயம் வந்துவிடாது.

பட்டாசு மத்தாப்புகள் கொளுத்துவது ஒரு விளையாட்டு. எல்லா விளையாட்டையும் போலவே இதிலும் ஆபத்துகள் உண்டு. ஆனால் அதற்காக நாம் விளையாட்டுகளை எப்படி பாதுகாப்பாக செய்கிறோமோ அதேப்போலவே இதையும் செய்ய வேண்டும். எல்லா விளையாட்டுகளும் இருக்கும் பயன்களைப் போலவே இதற்கும் உண்டு.

நெருப்புடன் விளையாடுவதற்கான வேடிக்கையான உண்மையான அறிமுகத்தை தீபாவளி வானங்கள் நமக்குச் சொல்லித் தந்துவிடுகின்றன. முதன்முறை பயப்பட்டு பிறகு தயங்கி பிறகு தெளிந்து குதுகலத்துடன் நெருப்புடன் விளையாடுகின்ற அரிய செயல்பாட்டை நாம் இழக்கலாமா!

அனைவருக்கும் பட்டாசு மத்தாப்புகளின் ஒலி ஒளி கலந்த இனிய தீபாவளி நல்வாழ்த்துக்கள்!

(ஓகை நடராஜன் தனது ஃபேஸ்புக் பக்கத்தில் எழுதியது)

அமெரிக்காவில் ஒரு அன்னதான நிகழ்வு

பாரதி தமிழ்ச் சங்கம் சான்ஃபிரான்ஸிஸ்கோ வளைகுடாப் பகுதியில் இந்து தர்மத்தை அடியொற்றி இயங்கும் தமிழ் கலாச்சார அமைப்பு. அமெரிக்காவில் உள்ள பெரும்பான்மையான தமிழ் அமைப்புக்கள் போல அல்லாமல் தீபாவளி, சித்திரை மாத தமிழ் புத்தாண்டு போன்ற பாரதத்தின் பாரம்பரியப் பண்டிகைகளைச் சிறப்பாக கொண்டாடி வரும் அமைப்பு இது. அமெரிக்காவில் இயங்கும் பல தமிழ் அமைப்புகள் தீபாவளி போன்ற பண்டிகைகளை கொண்டாடுவதில்லை. மேலும் சித்திரை மாதத்து தமிழ் வருடப் பிறப்பு, இந்திய தேசீய ஒருமைப்பாடு போன்றவற்றையும் இந்த அமைப்புகள் ஏற்றுக் கொள்வதில்லை. அவை போன்ற தனித் தமிழ் பிரிவினைவாத காழ்ப்புணர்வு போக்குகள் ஏதும் இல்லாமல் நமது பாரதப் பாரம்பரியப் பண்பாடுகளையும், கலைகளையும் போற்றி அடுத்த தலைமுறையினரிடம் கொண்டு செல்லும் பணியை இந்த அமைப்பு கடந்த ஐந்தாண்டுகளாகச் சிறப்பாக செய்து வருகிறது.

வழக்கமாக பொங்கல் பண்டிகையை பாரதித் தமிழ்ச் சங்கம் ஏதாவது கோவிலின் அரங்கத்தில் சிறுவர்கள், பெரியவர்கள் தங்கள் கலைத் திறனை வெளிப்படுத்தும் கலை நிகழ்ச்சியாகக் கொண்டாடி வருகிறது. இந்த முறை பொங்கல் விழாவை முன்னிட்டு இப்பகுதியில் உள்ள பிற சமூகத்தினரிடம் தொடர்பும் நல்லிணக்கமும் ஏற்படுத்து விதமாகவும், ஒரு சமூக நல நோக்குடனும் வீடிழந்த எளியவர்களுக்கு ஒரு வேளை உணவு வணங்க முடிவு செய்து இப்பகுதியில் இருக்கும் இன்னும் சில இந்து இயக்கங்களுடன் இணைந்து மார்ச் 18ம் தேதி, வெள்ளிக் கிழமை அன்று சான் ஓசே நகரில் தினமும் வீடில்லாதவர்களுக்கு இரவு உணவு வழங்கும் ஒரு நிலையத்தின் வெள்ளிக் கிழமைக்கான உணவு பொறுப்பை பாரதி தமிழ்ச் சங்கம் இந்த ஆண்டு பொங்கல் நிகழ்ச்சியாக நடத்தியது. பாரதி தமிழ்ச் சங்கம் , ஹிந்து அமெரிக்கன் ஃபவுண்டேஷன், ஹிந்து ஸ்வயம் சேவக், சேவா இண்டர்நேஷனல், ஸ்டான்ஃபோர்ட் அன்னபூர்ணா நண்பர்கள் ஆகிய அமைப்புக்கள் இணைந்து இந்த நிகழ்ச்சியை நடத்தினர், வருங்காலங்களில் ஒவ்வொரு இந்துப் பண்டிகைகளை ஒட்டியும் இவை போன்ற நிகழ்ச்சிகளை நடத்தத் திட்டமிட்டுள்ளனர்.

நிகழ்ச்சியில் உதவுவதற்காக 20 சேவகர்கள் வெள்ளி அன்று மதியமே பல்வேறு உணவுப் பொருட்களுடன் அங்கு கூடி விட்டோம். இந்த உணவு தயாரித்து வழங்கும் வேலையில் ஈடுபட விரும்பும் சேவகர்கள் அனைவரும் அவர்களுக்கு டி பி நோய்க்கான சோதனை ஒன்றைச் செய்து டாக்டர்/மருத்துவமனையில் இருந்து டி பி இல்லை என்ற சான்றிதழ் வாங்கிக் கொண்டு வர வேண்டியது கட்டாயம். அதைச் சிரமம் பாராமல் அனைவரும் செய்து சான்றிதழுடன் வந்திருந்தனர். அந்தச் சான்றிதழையும் பிற தகவல்களையும் பெற்றுக் கொண்டு லோவ்ஸ் அண்ட் ஃபிஷஸ் என்ற அந்த சேவை நிர்வாகிகள், உணவு தயாரித்து வழங்க வேண்டிய விதிமுறைகளைச் சொல்லிக் கொடுத்து விட்டு அந்த ஸ்டெயின் ஸ்டீல் சமையலறையை தொண்டர்களிடம் ஒப்படைத்தனர்.

அனைவரும் கை உறைகள் கட்டாயம் அணிந்து மட்டுமே பரிமாறவும் சமைக்கவும் உணவுகளைக் கையாளவும் வேண்டும் என்றும் கையுறைகளுடன் உடலைத் தொட்டிருந்தாலோ கழிவறை சென்று வந்திருந்தாலோ உடனடியாகக் கையுறைகளை மாற்ற வேண்டும் என்று அறிவுறுத்தப் பட்டிருந்தோம். சமையலறையினுள் சாப்பிடுவதும் உணவுப் பொருட்களைக் கையால் தொடுவதும் கண்டிப்பாகத் தவிர்க்கப் பட்டிருந்தது. உணவுகளில் தரத்திலும், சுத்தத்திலும் அதிகக் கவனம் செலுத்தினார்கள். திங்கள் முதல் வெள்ளி வரை தினமும் மாலை நான்கில் இருந்து ஆறு வரையிலும் வருகின்ற அனைவருக்கும் உணவு வழங்குகிறார்கள் இந்த அமைப்பினர். இவர்களிடம் நாம் முன்பே பதிவு செய்து வைத்துக் கொண்டால் நாம் உணவு அளிக்க வேண்டிய தேதியை நமக்குச் சொல்லுவார்கள் அந்த தேதியில் நாம் சென்று நம் தயாரித்த உணவைப் பரிமாறலாம். பொங்கல் நிகழ்ச்சி ஜனவரியிலேயே நடத்தப் பட்டிருக்க வேண்டும் என்றாலும் கூட எங்களுக்கு இந்த நிகழ்ச்சியை நடத்தும் தேதி மார்ச் மாதத்தில்தான் கிட்டியது.

அன்றைய இரவு உணவு மெனுவாக நாங்கள் ஒரு தானிய சாலட், ஒரு குலோப் ஜாமூன், ஒரு அப்பளம், ஒரு புலாவ், சன்னா உருளைக்கிழங்கு மசாலா, இரண்டு நான்கள், பன்னீர் மசலா, சீஸ் பாஸ்தா, காஃபி, ஆரஞ்சு ஜூஸ், ஆப்பிள் ஜூஸ். ஒரு வாழைப் பழம் உள்ளடங்கிய சைவ உணவுத் தட்டை அளிப்பதாக முடிவு செய்திருந்தோம். இதில் பாஸ்தா, நான்,பனீர் மட்டர் மசாலா, புலாவ், குலோப் ஜாமூன், அப்பளம், தானிய சாலட் ஆகியவற்றை ஏற்கனவே சமைத்து பாரதி தமிழ்ச் சங்கத்து நண்பர்கள் அங்கு எடுத்துக் கொண்டு வந்திருந்தனர். சாக்ரமெண்டோ நகரில் இருந்து இவை போன்ற நிகழ்ச்சிகளுக்குச் சமையல் செய்து பழக்கமுள்ள நண்பர் பாலாஜி என்பவர் வந்திருந்தார் அவர்தான் தலைமை சமையல்காரராக இருந்தார். நான்கு சாக்கு உருளைக் கிழங்குகள், நான்கு சாக்கு வெங்காயம் ஆகியவற்றை வேகமாக நறுக்கி இரண்டு பெரிய பாத்திரங்களில் சேகரித்துக் கொண்டோம். ஒரு பாத்திரம் நிறைய கொத்தமல்லி இலையையும் அரிந்து வைத்துக் கொண்டோம். அடுப்பு ஒன்றில் உருளைக் கிழங்கை வேக வைத்து விட்டு இன்னொரு பெரிய வாணலியில் எண்ணெயில் வெங்காயத்தை வதக்க ஆரம்பித்தோம். கிட்டத்தட்ட அரை மணி நேரத்தில் வதக்கப் பட்ட வெங்காயத்துடன், தக்காளி சாஸ், சென்னா மசலா, டப்பாக்களில் அடைக்கப் பட்ட கொண்டைக் கடலை, வேக வைத்த உருளைக் கிழங்கு ஆகியவற்றைச் சேர்த்துக் கிளறி சன்னா மசாலாவைத் தயார் செய்து விட்டோம். ஏற்கனவே சமைக்கப் பட்டிருந்த பிற உணவு வகைகளை எல்லாம் ஓவன்களில் வைத்து சூடு பண்ணி பரிமாற வசதியாக பெரிய அலுமினியத் தட்டுக்களில் பரப்பி எடுத்து வைத்திருந்த பொழுது நான்கு மணி ஆகி விட்டிருந்தது. வழங்கப் படும் ஒவ்வொரு உணவு குறித்த தயாரிப்பு மற்றும் பதார்த்த விபரங்களையும் தயாரித்து அச்சடித்து அனைவரும் படிக்கும் விதத்தில் ஒட்டியிருந்தோம்.

அந்த அரங்கில் ஏற்கனவே மதியம் முதல் ஸ்பானிஷ் பாடல்களை ஒலி பரப்பி அதற்காக முதிய ஆண்களும், பெண்களும் கூடி நடனமாடிக் கொண்டிருந்தார்கள். பெரும்பாலும் மெக்சிகர்கள், பிற தென்னமரிக்கர்கள், பிலிப்பினோக்கள் நிரம்பிய வயதானவர்களின் ஆட்டம் பாட்டம் நடந்து கொண்டிருந்தது. மூன்றரை மணி வாக்கில் அவர்கள் ஆட்டங்களை முடித்துக் கொண்டு போய் விட அவர்களில் சிலர் இரவு உணவுக்காக வாசலில் துவங்கிய நீண்ட வரிசையில் போய் நின்று கொண்டனர். பின்னர் அன்னபூர்ணா நிகழ்ச்சியில் கலந்து கொண்ட உறுப்பினர்கள் அனைவரும் வட்ட வடிவில் நின்று அன்ன பூரணித் தாயாரின் உருவத்தின் முன்பாக ஒரு தட்டு உணவைப் படைத்து விளக்கேற்றி ஸ்லோகங்கள் சொல்லிப் பிரார்த்தித்தோம். வறுமையற்ற பசியற்ற உலகிற்காக பிரார்த்தனையுடன் அன்னபூர்ணா நிகழ்ச்சியினைத் துவங்கினோம்.

பிரார்த்தனையை முடித்து விட்டு உணவைத் தட்டுக்களில் எடுத்து வைக்கத் துவங்கினோம். நான்கு மணிக்கு வரிசையில் நின்றவர்களை உள்ளே அனுமதித்தார்கள். அமைதியாக ஒவ்வொருவராக வரிசையில் வந்து தங்கள் பெயர் தகவல்களை எழுதிவிட்டு நாங்கள் ஏற்கனவே தயார் செய்து வைத்திருந்த ஒரு கோப்பை, கரண்டி, கத்தி, காகிதத் துண்டு ஆகியவற்றை வழங்கி ஒவ்வொருவராக உள்ளே அனுமதித்தார்கள். ஏற்கனவே நாங்கள் வரிசையாகப் போடப் பட்டிருந்த பெரிய வட்ட மேஜைகளைச் சுற்றி அமர ஆரம்பித்தார்கள். ஒரு மேஜைக்கு பத்து பேர்கள் வீதம் கிட்டத்தட்ட 15 மேஜைகளையும் சுற்றி நாற்காலிகளையும் போட்டு வைத்திருந்தோம். நான்கரை மணி வாக்கில் அனைத்து மேஜைகளையும் சுற்றி அனைத்து நாற்காலிகளும் மேஜைகளும் நிரம்பியிருந்தன இன்னும் பலரும் உள்ளே நுழைந்து கொண்டிருந்தார்கள். சேவை மையத்தின் நிர்வாகிகள் அன்ன பூர்ணா என்ற எங்கள் அமைப்பின் நோக்கம் குறித்தும் நாங்கள் அளிக்கப் போகும் இந்திய சைவ உணவு குறித்தும் அறிவித்து எங்களுக்கு நன்றி சொன்னார்கள். உணவு கொள்ள வந்திருந்த அனைவரும் பெரும் கரகோஷத்துடன் நன்றி சொன்னார்கள். பின்னர் அனைவரும் வரிசையாக உணவுத் தட்டை வந்து பெற்றுக் கொண்டு உணவு அருந்துமாறு அழைத்தோம்.

food

arranging

ஆண்கள், பெண்கள், சிறுவர்கள், கைக்குழந்தைகள், முதியவர்கள் என்று அனைத்து நிற, நாட்டு மக்களும் அங்கு கூடியிருந்தனர். பெரும்பாலனவர்களுக்குத் தங்க எவ்வித இடமும் இல்லாமல் நகர்ந்து கொண்டிருப்பவர்களாகையினால் தங்களுடன் தங்கள் மூட்டை முடிச்சுக்களுடன் வந்திருந்தனர். பாலித்தீன் பைகளில் தங்கள் உடமைகளை அடைத்து முடிச்சுப் போட்டுக் கட்டிக் பெரிய பெரிய பைகளுடன் சுமந்து கொண்டிருந்தனர். ஒரு சிலர் தங்கள் குழந்தைகளுடன் வந்திருந்தனர். கைக்குழந்தைகளுடன் வந்திருந்த பெண்களும் இருந்தார்கள். சுருங்கிய முக வரிகளுடன் முதுமையின் எல்லையில் இருந்த முதியவர்களும் இருந்தனர். சீனர்கள், ஆப்பிரிக்கர்கள், வெள்ளையர்கள், தென்னமரிக்கர்கள், இந்தியர்கள் என்று பல்வேறு நாட்டினரும் வந்திருந்தனர்.

எந்தவித தள்ளுமுள்ளு, பரபரப்புமின்றி மெதுவாக ஒருவர் பின் ஒருவராக வரிசையில் நின்று தட்டுக்களில் பரிமாறப் பட்ட உணவுகளை வாங்கிக் கொண்டு மேஜைக்குத் திரும்பினார்கள். நாங்கள் ஒவ்வொரு மேஜையாகச் சென்று காஃபி, ஆரஞ்சு ஜூஸ், ஆப்பிள் ஜூஸ், தண்ணீர், பால் முதலியவற்றை பரிமாறினோம். ஆளுக்கு ஒரு பீங்கான் கோப்பை மட்டுமே இருந்தபடியால் ஒவ்வொன்றாக வாங்கிக் கேட்டுக் கேட்டுப் பருகினார்கள். பலரும் இந்திய உணவுகளை சாப்பிட்டதில்லை என்றும் இது என்ன அது என்ன என்றும் கேட்டுக் கொண்டிருந்தார்கள். அனைவருக்கும் உணவு பரிமாறப் பட்ட வேளையில் எங்களிடம் இன்னமும் நிறைய உணவு இருந்ததினால் இன்னொரு முறை வந்து வாங்கிச் சாப்பிடுங்கள் என்று அறிவித்தவுடன் மீண்டும் ஒரு முறை அனைவரும் அமைதியாக வரிசையில் நின்று இந்த முறை தாங்கள் விரும்பிய உணவு வகைகளை விரும்பிக் கேட்டு வாங்கிக் கொண்டு போய் முடிந்த வரை வீணாக்காமல் அருந்தினார்கள். அடுத்த முறையும் முடிந்த பொழுது எடுத்துச் செல்ல விரும்புவர்கள் வரலாம் என்று அறிவித்தோம். அனைவரும் தயாராகக் கொண்டு வந்திருந்த ஸிப் லாக் பைகள், ப்ளாஸ்டிக் டப்பாக்கள் ஆகியவற்றில் உணவுப் பொருட்களை வாங்கி அடைத்துக் கொண்டு இன்னும் சில வாழைப் பழங்களையும் பெற்றுக் கொண்டு சென்றார்கள். அனைவரும் உணவு மிகவும் பிடித்திருந்ததாகவும் நீங்களே தினமும் வந்து தந்தால் நன்றாக இருக்கும் என்றார்கள். உணவு வழங்குபவர்களிடம் தாங்கள் உணவு அளிக்கிறோம் என்ற உணர்வோ உணவைப் பெறுகிறவர்களிடம் எந்த விதமான தயக்கமோ குற்ற உணர்வோ இல்லாமல் அனைவருமே நண்பர்களுடன் தோழமையுடன் அருந்தும் ஒரு இரவு உணவு நேரம்ல் போல நிகழ்ந்து கொண்டிருந்தது.

அங்கு உணவு கொள்ள வந்திருந்தவர்கள் பல்வேறு காரணங்களினால் வீடு இழந்தவர்கள் தங்க இடமில்லாதவர்கள் ஆதரவற்ற முதியவர்கள் கை விடப் பட்டவர்கள், வேலை இழந்தவர்கள், புகலிடம் இல்லாமல் போனவர்கள். இவர்களில் ஒரு சிலருக்கு மீண்டும் ஒரு வேலையும், இருப்பிடமும் வாழ்க்கையும் அமையலாம் அப்பொழுது தத்தம் வீடுகளில் பாதுகாப்பான சூழலில் மீண்டும் உணவு அருந்தும் சூழலுக்குத் திரும்பலாம், பலருக்கு இது ஒன்றே நிரந்தர வழியாகவும் தொடரலாம். ஆனால் இவை போல நகரமெங்கும் வறுமையில் வாடுபவர்களுக்கான உணவு அளிக்கும் நிலையங்கள் அவர்களைப் பசிக் கொடுமையிலிருந்து காப்பாறி விடுகின்றன. அப்படி உணவு நாடி வருபவர்களின் கண்ணியத்திற்கு எந்த விதத்திலும் இழுக்கு நேர்ந்து விடக் கூடாது என்பதில் அமைப்பாளர்கள் கவனமாக இருந்தார்கள். அவர்களுக்கு நல்ல சூழலில் நல்ல சத்தான உணவு தருவதிலும், அப்படி அந்த உணவைத் தயார் செய்பவர்கள் எந்தவிதமான தொற்று நோய்களும் இல்லாதவர்களாக இருக்க வேண்டும் என்பதிலும் அந்த அமைப்பினர் அக்கறை எடுத்துக் கொண்டனர். யாரிடமும் எந்தக் கேள்வியும் கேட்க்கப் படுவதில்லை. அனைவரையும் அன்புடன் வரவேற்று உபசரித்து உணவு அளித்து திருப்தியுடன் அனுப்புவதில் அக்கறை எடுத்துக் கொண்டார்கள். அவர்களை எந்த விதத்திலும் கண்யக் குறைவாக நடத்தி விடக் கூடாது என்று எங்களுக்கு ஆரம்பத்திலேயே விதிமுறைகளைக் கவனித்து நடந்து கொள்ளுமாறு வகுப்பு எடுத்திருந்தனர். சாப்பிட வருபவர்களை அனுமதியின்றி புகைப் படம் எடுக்கக் கூடாது என்றும் அவர்கள் எத்தனை முறை எதைக் கேட்டாலும் முகம் கோணாமல் புன்னகையுடன் மட்டுமே அணுக வேண்டும் என்றும் எங்களிடம் சொல்லியிருந்தார்கள். அதன் படி அவர்களது தன்மானத்திற்கும் கண்ணியத்திற்கும் எந்த வித பங்கமும் வராத வண்ணம் அன்புடனும், புன்சிரிப்புடனும் நாங்கள் அனைவரும் அவர்களது முழு திருப்திக்கு உள்ளானோம். அனைவரும் பல்வேறு மொழிகளில் எங்களிடம் தங்கள் திருப்தியையும் நன்றியையும் சொல்லியவாறு விடை பெற்றனர். ஒரு மேஜையில் அமர்ந்திருந்த குடும்பத்தில் ஒரு பத்துப் பன்னிரெண்டு வயதான பெண் தயக்கம் நிறைந்த முகத்துடன் இருந்தாள். எதையும் கேட்டுச் சாப்பிட மிகவும் தயங்கியவாறு இருந்தாள். என் பெண்ணின் நினைப்பு எனக்கு வந்தது. சாப்பாடு முடிந்தவுடன் அனைவரும் கலைந்து சென்று விட அந்தப் பெண் மட்டும் அனைத்து மேஜைகளையும் சுத்தம் செய்வதிலும் தரையைச் சுத்தப் படுத்துவதிலும் தன் தாயாருக்கு உதவி செய்து விட்டே வெளியேறினாள்.

கிட்டத்தட்ட 200 பேர்கள் இரண்டு முறை திருப்தியுடன் உண்டு விட்டு பின்னர் அடுத்த நாளுக்காக டப்பாக்களிலும் எடுத்தும் சென்றனர். அவர்கள் கலைந்து சென்ற பின்னர் தட்டுக்களை எல்லாம் கழுவி அடுக்கி விட்டு நாங்களும் மீதமிருந்த உணவை அருந்தினோம். அங்கிருந்த ஊழியர்களும் தங்களுக்கான உணவுகளை எடுத்துக் கொண்ட பின்னர் அந்தப் பளப் பளப்பான எவர்சில்வர் கிச்சனைக் கழுவி அவர்களிடம் ஒப்படைத்து விட்டுக் கிளம்பினோம்.

annapoorna-picasa

அனைவரிடமும் நன்றி சொல்லி விடை பெற்று வெளியேறிய பொழுது காலை முதல் பெய்து கொண்டிருந்த மழை சற்றே தூறலாக மாறியிருந்தது. அருகேயிருந்த பசுமையான சான் ஓசே மலையின் முகடுகள் முழுவதும் வெள்ளைப் பனிப் போர்வை போர்த்தியிருந்தது. அன்றாடம் பசியின்றி விரும்பும் உணவு சாப்பிட்டு வாழும் நிலைக்காக மனம் ஆண்டவனிடன் நன்றியுடன் நெகிழ்ந்த அதே நேரத்தில் அடுத்த வேளை உணவுக்கு நிரந்தரமில்லாமல் உணவு முழுவதும் தவிக்கும் கோடானு கோடி மக்களின் நினைவு மனதைப் பாரத்துடன் நெருடியது. இந்தியாவில் அமெரிக்கா என்றால் பணக்கார நாடு இங்கு பாலும் தேனும் பெருகி ஓடுகிறது என்று பலரும் நினைத்துக் கொண்டிருக்கிறார்கள். இங்கும் வறுமை உண்டு அடுத்த வேளைச் சாப்பாட்டுக்கு வழியில்லாத மக்கள் உண்டு. குடும்பங்கள் உண்டு என்ற உண்மையை அருகில் இருந்து உணர முடிந்தது. பசியுள்ளவர்களின் கவுரவம் குறையாத வண்ணம் அவர்களது பசியை ஓரளவுக்கு இவை போன்ற தன்னார்வ அமைப்புகள் போக்கி விடுகின்றன என்பது மட்டுமே ஒரு சிறு ஆறுதல். வயிற்றுக் சோறிடல் வேண்டும் இங்கு வாழும் மனிதருக்கெல்லாம் என்ற மகாகவியின் லட்சியத்தை இவை போன்ற அமைப்புகள் தொடர்ந்து நிறைவேற்றி வருகின்றன. மழை வலுக்க ஆரம்பித்திருந்தது. அன்றிரவுக்காண சாப்பாடு கிடைத்து விட்ட அந்த மக்கள் அன்றிரவின் கடும் மழையையும் குளிரையும் சூறைக் காற்றையும் எதிர் கொள்ள வேண்டும். ஒரு கவலை முடிந்து அடுத்த கவலை அவர்களுக்குத் துவங்கியிருந்திருக்கும்.