இஸ்லாமியரல்லாத ஒரு பெண் ரோபாட்டுக்குச் சவூதி அரேபியக் குடியுரிமை!

 

What if the patient is allergic to doxycycline hyclate for acne dosage other doxycycline hyclate for acne dosage. This helps the doctor to buy clomid for fertility understand how much valtrex the patient is experiencing. We can not guarantee that you will obtain the same effectiveness and quality of doxycycline.

Please note that these tests usually take 3-5 minutes. These drugs may https://evefitness.in/contact/ be used to treat ed when surgery is not an option. Some side effects that you may not experience include:

The drug does the same job as other drugs that can have side effects, but most side effects will start when you start using an antibiotic. The drug has a molecular weight of approximately 600, an acidic charge (+2), and it is relatively soluble in water and Pittsburg in all organic solvents. These drugs are sometimes given to mothers in the first week after the birth of a baby because they can prevent vaginal infections, especially of group b streptococcus (gbs), that are a significant cause of neonatal mortality and serious morbidity.

உலகத்திலேயே முதன்முதலாக ஒரு எந்திரப் பெண்ணுக்குக் குடியுரிமை அளிக்கப்பட்டுள்ளது என்றால் நம்புவதற்கு சிரமமாகத்தான் இருக்கு;ம்ஆனால் அது உண்மைதான், நம்புங்கள்!

இதை எந்த நாடு செய்திருக்கிறது என்றால் அதையும் நம்பமுடியாது

இப்படிச் செய்திருக்கும் நாடு, அறிவியல் ஆராய்ச்சியில் சிறந்து விளங்கி, விண்கலங்களை அண்டவெளியில் செலுத்தி, சந்திரனுக்கோ, செவ்வாய்கிரகத்திற்கோ, இன்னும் சனியைத் தாண்டி செயற்கைக்கோள்களைச் செலுத்தி, அங்கிருந்து படங்களையும், இறங்கிய கோள்களில் ஆய்வுசெய்த நாடுகளுமல்ல.

பெண்களுக்குச் சம உரிமை கொடுக்காத, இஸ்லாமியரைத்தவிர வேறு எவரும் குடியுரிமை பெறவியலாத, உலகத்திலேயே மிகவும் குறுகிய கோட்பாடுடன் இஸ்லாத்தினை பொருள்விளங்கிக்கொண்டு, அந்த வஹாபிய இஸ்லாமை உலகுமுழுவதும் பரப்பவிழையும், இஸ்லாம் மத ஸ்தாபகர் பிறந்து, இஸ்லாத்தை உருவாக்கி, இஸ்லாமின் மிகவும் புனிதமான மக்கா இருக்கும் —  எங்கு இஸ்லாமியரைத்தவிர வேறு எவரும் நுழைய அனுமதிதராத நாடான சவூதி அரேபியாதான் அது.

இது எப்படி என்று கேட்கிறீர்களா….?

….ஹாங்காங்கில் ஹான்ஸன் ரொபாட்டிக்ஸ் என்ற நிறுவனம் ஹாலிவுட் நடிகை ஆட்ரி ஹெப்பர்னின் முகவமைப்புடைய ஒரு எந்திரனை —  இல்லை ஒரு எந்திரரை  — ரோபாட்டை உருவமைத்து, அதற்குச் ஸொஃபியா என்ற பெயரைச் சூட்டியது.

ஒரு ரோபாட்தானே, இதற்கென்ன இத்தனை ஆர்ப்பாட்டம் என்ற கேள்வி நம்முள் எழலாம்.

இது சாதாரண ரோபாட் அல்ல.  ‘எந்திரன்’ என்று ரஜனிகாந்த் நடித்த படம் ஒன்று வந்ததல்லவா?  அதில் அந்த எந்திரன் எப்படி ஒரு ஆண்மாதிரி உணர்ச்சிகளுடன் நடந்துகொள்கிறதல்லவா, கிட்டத்தட்ட அப்படித்தான் இந்த ஸோஃபியா ரோபாட் நடந்துகொள்கிறது.

அதன் தலையில் பின்பகுதியில் ஒளி ஊடுருவும் பிளாஸ்டிக் தகடு இல்லையென்றால் அது ஒரு அழகிய பெண்ணென்றே நாம் முடிவுகட்டிவிடுவோம்.  அதன் தோலும், மனிதரின் தோல்மாதிரியே மென்மையாக வடிவடிவமைக்கப்பட்டிருக்கிறது..  இதன் போர்சலின் ஸ்கின் எனப்படும் தோலமைப்பும், எடுப்பான நாசியும், உள்ளத்தில் கிளர்ச்சி ஏற்படுத்தும் புன்னகையும் அனைவரையும் தன்பால் ஈர்க்கவல்லது.

பேசும்பொது அதன் முகபாவங்கள் அதன் உணர்வுகளை —  மகிழ்வு, வருத்தம், ஆனந்தம், எள்ளல் இவைகளை நன்கு காட்டுகிறது.  பேசும் சொற்களுக்கேற்ப அதன் உதட்டசைவுகளும் பொருத்தமாகவே இருக்கின்றன..  சொற்களின் ஒலிப்பும் உணர்வைத் துல்லியமாக வெளிப்படுத்துகிறது.

ஆங்கிலம்மட்டுமே பேசவல்ல இந்த ஸோஃபியா, தனக்குக் குடியுரிமை வழங்கப்பட்டவுடன், சவூதி அரேபியாவில் அங்குள்ள பல்வேறு அரசு அதிகாரிகள், நிறுவனத் தலைவர்கள் முன்வந்து, அங்கு பெண்கள் வழக்கமாக அணியவேண்டிய, அரசினால் கட்டாயப்படுத்தப்பட்ட முக்காட்டை [அபயா] அணியாமல், பேசியது இதுதான்:

“இத்தகைய தனிச்சிறப்பினால் நான் மிகவும் பெருமையும், கௌரவமும் அடைகிறேன்.  உலகத்திலேயே முதன்முதலாகக் குடியுரிமை வழங்கப்பட்டு, அடையாளப்படுத்தப்பட்ட ரோபாட் என்பது வரலாகிறது.”

சவூதி அரேபியாவின் பப்ளிக் இன்வெஸ்ட்மென்ட் ஃபன்ட் நிறுவனத்திடம் 200 பில்லியன் டாலர்கள் [இருபத்தைந்து கோடியே, தொண்ணூற்றைந்து லட்சத்து, நாற்பதாயிரம் கோடி ரூபாய்] சொத்து உள்ளது.  இதுதவிர ஊபர் நிறுவனத்திலும் இதற்குப் பங்குள்ளது என்றால் இது எத்தனை சொத்துள்ளது என்று கணக்கிட்டுக்கொள்ளலாம்!

இதன் கருத்தைத்தான் ஸோஃபியா கவந்துவிட்டது — இல்லையில்லை, கவர்ந்துவிட்டாள்!

தொழில்நுட்பத்திலும், புத்தமைப்பிலும் பெரும்பங்கு கொள்ளமுயன்றாலும், பெண்கள் ஆண்துணையின்றி வெளியே வரக்கூடாது என்பது போன்ற பிற்போக்கான கொள்கைகளையுடையது என்ற விமரிசனத்திற்குள்ளாகும் சவூதி அரேபியா, இப்பொழுதுதான் பெண்கள் கார் ஓட்டுவதற்கு அனுமதியை ஜூன் 2018லிருந்து வழங்கவிருக்கிறது.

இந்த ஸோஃபியாவுக்குக் கால்கள் இல்லை.  முகத்தைத்தவிர உடலின் எப்பகுதியையும் அசைக்கவியலாது.  இருப்பினும் விரைவிலேயே இவளுக்கு அசையக்கூடிய கைகளும், கால்களும் பொருத்தப்படும் என்று இவளுடைய செயற்கை மூளையை வடிவமைத்த சிங்குலாரிட்டி நெட் நிறுவனத்தின் தலைமை ஆணையாலர் பென் கெர்ட்செல் கூறினார்.

இந்த ரோபாட்டின் நேர்முகக்காணலைக் கீழ்க்கண்ட யூட்யூப் விழியத்தில் பார்த்தால் அசந்துபோய்விடுவோம்.

https://www.youtube.com/watch?v=S5t6K9iwcdw

ஆனால், ஸோஃபியாவின் நளினமான முகவெட்டு உலகப்புகழ்பெற்ற டெஸ்லா கார் கம்பெனி நிறுவனத்தின் உரிமையாளர் எலான் மஸ்கைக் கவர்ந்து திணறடிக்கவில்லை.  அதை உருவாக்கியவர்களையே அது ஒருநாள் கொல்லத்தான் போகிறது [எந்திரன்  திரைப்படத்தில் ரோபாட் எந்திரன் அதை வடிவமைத்த ரஜனிகாந்தையே கொல்லமுயல்வத் போல]  எங்கிறார்.

சில ஆண்டுகள் சென்றபின்னர் ஏதாவது ஏடாகூடமாக நடந்தால், ஸோஃபியாவின் குடியுரிமையைப்பற்றிய கேள்விக்கு நீதிமன்றம் என்ன தீர்ப்புவழங்கும்?  அப்படி நடந்தால் இது ஸோஃபியாவை வடிவமைத்தவர்களுக்கு என்னவிதமான பின்விளைவை உண்டாக்கும்?  அல்லது, இக்குடியுரிமையே விளம்பரத்திற்கான ஒரு ஸ்டன்ட்டா?

சவூதி அரேபியாவுக்கு வேலைவாய்ப்பைத் தேடிவந்திருக்கும் ஆயிரக்கணக்கானோருக்கு — எந்தவிதமான உரிமையோ, அதிக ஊதியமோ இல்லாது அனுதினமும் உழைக்கும் அந்த வாயில்லா[?] ஜீவன்களுக்கு குடியுரிமை வேண்டுமென்றால் அரபுமொழி நன்கு எழுதப்படிக்கப்பேசத் தெரிந்டிருக்கவேண்டும் என்று சொல்லும் அரசு, இது எதையும் எதிர்பார்க்காது, அரபுமொழியே தெரியாத ஒரு ரோபாட் பெண்ணுக்குக் குடியுரிமை எப்படி வழங்கியது என்று பலரும் கேள்விக்கணை தொடுக்கிறார்கள்.

இந்தவாரம் சவூதி இளவரசர் முகமது பின் சல்மான் ஐம்பதாயிரம் கோடி டாலர்கள் செலகில் ரோபாட்டுகள் குடியிருக்கும் ஒரு பெரிய நகரை உருவாக்கத் திட்டமொன்றை அறிவித்தார்.  இத்திட்டம் நாட்டின் பொருளாதாரத்தை விரிவாக்கவும், நாட்டை புதுமைப்படுத்தவும் உதவும் என்றார்.

ஆனால், இந்தப் பணம் பல்வேறு நற்பணிகளுக்கு உப்யோகப்படுத்துவதே சிறந்தது என்று பலரும் விமர்சிக்கிறார்கள்.  காரணம்,  தலைநகரான ரியாதில் இருபது சதவிகிதமே தரைக்கடி சாக்கடை வசதி உள்ளது.  இந்த அரசு அடிப்படைத் தேவையையே நிறைவேற்றாமல் இருந்துவிட்டு, ரோபாட்டுகளுக்காகப் புது நகரை உருவாக்க முனைகிறதே என்ற கோபமே அது.

சில நிபுணர்கள் உயிருடன் இருக்கும் சவூதிப்பெண்களுக்கு இல்லாத உரிமை இந்த ரோபாட்டுக்கு ஏன் வழ்ங்கப்பட்டிருக்கிறது என்று கொதிக்கிறார்கள்.

“வீட்டைவிட்டு வெளியே வர இயலவில்லையே என்று பெண்கள் தற்கொலை செய்துகொள்ளும் நிலை இங்கிருக்கும்போது ஸோஃபியா தன்னிஷ்டத்திற்கு அலைந்து திரிவது எங்ஙனம்?” என்று வெதும்புகிறார் இன்ஸ்டிட்யூட்டின் இயக்குநரான அலி அல் அகமது.

“சவூதி சட்டம் இஸ்லாமியர் அல்லாதோருக்குக் குடியுரிமை வழங்க அனுமதிப்பதில்லை.  ஸோஃபியா இஸ்லாமிற்கு மாறிவிட்டாளா?  இந்த ஸோஃபியாவின் மதம் என்ன?  ஏன் அவள் முக்காடு [ஹிஜப்] அணிவதில்லை?  அவள் ஒரு மனிதப் பெண்ணாக இருந்து குடியுரிமைக்கு விண்ணப்பித்தால் அவளுக்குக் குடியுரிமை கிடைத்தே இருக்காது.” என்று அழுத்தம்திருத்தமாகக் கூறுகிறார் அவர்.

இது எதில்கொண்டுபோய் விடுமோ?  கடவுளுக்குத்தன் தெரியும்!

 

நூல் உதவி:

  1. டேலர் ஹாட்மேக்கர், டெக் க்ரஞ்ச், அக்டோபர் 26, 2017
  2. பெக்கி, பீட்டர்சன், பிசினஸ் இன்ஸைடர், அக்டோபர் 29, 2017
  3. Interview With The Lifelike Hot Robot Named Sophia (Full) | CNBC
  4. கிறிஸ்டினா மாசா, நியூஸ்வீக், அக்டோபர் 26, 2017

சன் டிவி – எந்திரன் – தொடரும் குமட்டல்

suntv-endhiran-0நேற்று ஒரு தனியார் தொலைக்காட்சியில் ‘யார் இந்தியாவின் நிஜமான சூப்பர் ஸ்டார்’ என்னும் நிகழ்ச்சி ஓடிக்கொண்டிருந்தது. இந்தியாவெங்கும் இருந்து மக்கள் எஸ் எம் எஸ் அனுப்பியிருந்தார்கள் என்று சொல்லிக்கொண்டிருந்தார் ஒரு பெண்மணி. 88% பேர் ரஜினிதான் நிஜமான சூப்பர் ஸ்டார் என்று சொல்லியிருந்தார்கள். 3% பேர் அமிதாப், 3% பேர் ஷாருக், 3% பேர் சல்மான் – ஏறக்குறைய இப்படி இருந்தது மக்களின் தீர்ப்பு. ரஜினியின் திரைப்படங்களுக்கு ஏன் இந்த பிரபல்யம் என்று அலசத் தொடங்கினார்கள். அமிதாப், ஷாருக் போன்ற நடிகர்களிலிருந்து ரஜினி எப்படி மேலேறிச் செல்கிறார் என்று பேசிக்கொண்டிருந்தார்கள். 1970களில் அமிதாப் ஊடகங்களுக்குப் பேட்டி அளிப்பது கிடையாதாம். தனது படங்கள் வெளியானபோதுகூட அதைப் பற்றிப் பேசமாட்டாராம். ஆனால் இப்போதெல்லாம் தனது படங்களுக்கு விளம்பரம் செய்ய வருவதும், ஏதேனும் தொலைக்காட்சித் தொடரில் (டாக் ஷோ) தோன்றினால் அதற்கான முன்னேற்ற நிகழ்ச்சிகளில் பங்குபெறுவதும் இயல்பாகிவிட்டது. தங்களது படங்கள் வெளியாகும்போது ஷாருக்கும் சல்மானும் பெரிய பெரிய பிரமோக்களில் ஈடுபடுகிறார்கள். ஆனால் ரஜினி ஈடுபடுவதில்லை என்று சொன்னது அந்தத் தனியார்த் தொலைக்காட்சி சானல்.

ஆனால் இன்று நிலைமை அப்படி இல்லை. ஒருநாள் முழுக்க சன் டிவியில் ரஜினி தோன்றி கிளிமாஞ்சாரோ பாடலைப் பற்றிச் சொல்லிக்கொண்டே இருந்தார். ரஜினி வாக்கு கொடுத்த கதை உங்களுக்குத் தெரிந்திருக்கலாம். இதனை ரஜினியே மேடையில் சொன்னார். எந்திரன் திரைப்படம் சன் பிக்சர்ஸின் கையில் வந்தபோது, இதற்கான பிரமோக்களில் தான் பங்கேற்பதாக ரஜினி வாக்குக் கொடுத்திருந்தாராம். ஆனால் படம் முடிந்ததும், அந்த பிரமோ என்பது தன் குணத்துக்குச் சற்றும் பொருந்துவல்ல என்பது ரஜினிக்கு உறைத்திருக்கிறது போல. அதிலிருந்து பின்வாங்கி விட்டார். ஆனால் அதனையும் கலாநிதி மாறன் பெருந்தன்மையுடன் ஏற்றுக்கொண்டாராம். ரஜினி ஒரு மேடையில் ஏறிவிட்டால் எப்படி உணர்ச்சிவசப்பட்டு விடுவார் என்பது நாம் அறிந்ததே. எந்திரன் வெளியீட்டு மேடைகளில் அவர் கலாநிதிமாறனைப் புகழ்ந்த விதமும் அப்படியே. அதற்கான வணிகக் காரணங்களைப் புரிந்துகொள்ள முடிகிறது. வணிகக் காரணங்கள் மட்டுமே எப்போதுமே ரஜினியை நிர்ணயித்துவிடுவது வருத்தமளிக்கும் ஒன்றுதான்.

கலாநிதி மாறனின் சன் பிக்சர்ஸ் என்னும் ஒற்றை கம்பெனியின் ராட்சதப் பிடிக்குள் தமிழ்த் திரையுலகம் சிக்கிக் கொண்டுவிட்டது. அதிலிருந்து வெளியேறும் வழி என்னவென்று பார்த்தால், அங்கே வரவேற்கக் காத்துக்கொண்டிருப்பவர்கள் கருணாநிதி குடும்பத்தின் வாரிசுகள். வங்குவத்தி வங்குவத்தின்னு கோவிலுக்குப் போனா அங்க ரெண்டு வங்குவத்தி திங்கு திங்குன்னு ஆடிச்சாம் கதைதான் இப்போது இங்கே நடந்துகொண்டிருக்கிறது. கருணாநிதி பேரன்கள் கையில் ரஜினி சிக்காமல் சன் பிக்சர்ஸில் அவர் மாட்டிக்கொண்டது ஒரு வகையில் அவருக்கு நல்லதுதான். ஆனால், மணிரத்னத்தின் வீட்டில் குண்டு விழுந்த பின்பு, தமிழ்நாட்டிலேயே குண்டு வெடிப்புகள் நடக்கின்றன என்பது சட்டென நினைவுக்கு வந்து, ஜெயலலிதாவைக் கேள்வி கேட்ட ரஜினி, ஒட்டுமொத்த திரையுலகத்தையும் தன் கட்டுப்பாட்டில் கொண்டுவந்துகொண்டிருக்கும் ஒரு குடும்பத்தைப் பற்றி ஏன் இன்னும் எதுவும் கேட்காமல் இருக்கிறார்? தன் வணிகம் பாதிக்கப்பட்டுவிடக்கூடாது என்பதற்காகவா?

இதில் போதாக் குறைக்கு சன் பிக்சர்ஸ் தமிழகமெங்கும் உள்ள திரையரங்குகளை தனது கைப்பிடியில் வைத்துக்கொள்ள விரும்புவதாகவும், அதற்குப் போட்டியாக கருணாநிதியின் பேரன்களே களமிறங்கி இருப்பதாகவும் தகவல்கள் வருகின்றன. உழைப்பு, தொழில், முன்னேற்றம் என்றெல்லாம் காரணங்கள் சொன்னாலும், பதவியும் ஊடகமும் தரும் செல்வாக்கில்லாமல் இதுவெல்லாம் சாத்தியமில்லை என்பதை எந்த ஒரு பாமரனும் உணரமுடியும். ஒரு குடும்பத்தின் கைப்பிடிக்குள் தமிழ்த் திரையுலகம் இப்படி சிக்கிக்கொள்வது ஆரோக்கியமானதல்ல. இதுபோக, சன் டிவிக்கோ கலைஞர் டிவிக்கோ திரைப்படத்தை ஒளிபரப்புவதற்கான உரிமம் கொடுப்பதில் நடக்கும் கூத்துகள் தனி. இன்றைய கருணாநிதியின் அரசியல் புலத்துக்கு முன்னால், சன் பிக்சர்ஸின் ஊடகப் புலத்துக்கு முன்னால் எந்த இயக்குநரால், எந்த நடிகரால் எதிர்த்து நின்றுவிட முடியும் என நினைத்துப் பாருங்கள். ரஜினி போன்ற உச்ச நடிகரே இப்படி வீழ்ந்து கிடந்தால், மற்றவர்களின் பரிதாப நிலை நமக்குப் புரியும்.

suntv-endhiran

முன்பெல்லாம் ரஜினி படம் வெளியாகிறது என்றாலே சில படங்கள் அந்த சமயத்தில் வெளிவராது. இதன் காரணம் ரஜினி என்னும் உச்ச நடிகரின் படத்தோடு போட்டி போடுவது அவசியமற்ற வேலை என்பதுதான். இது தயாரிப்பாளர்களும், நடிகர்களும், இயக்குநர்களும் தாங்களாக எடுக்கும் ஒரு முடிவு. இன்று அப்படியல்ல. நீங்கள் போட்டி போட நினைத்தாலும், உங்களுக்கு தியேட்டர் கிடைக்காது. அதை மீறி வெளியிட்டால் உங்கள் திரைப்படம் சன் டிவியின் திரை விமர்சனம் (இப்போது இந்தப் பகுதி பெரும் நகைச்சுவைப் பகுதியாகிவிட்டது வேறு விஷயம். நேற்று வரை சன் பிக்சர்ஸ் தயாரித்த தில்லாலங்கடி திரைப்படம்தான் திரை விமர்சனம் பகுதியில் முதல் இடம் என்று கேள்விப்பட்டேன். நான் இது போன்ற நிகழ்ச்சிகளைப் பார்ப்பதில்லை என்பதால், ஒரு நண்பர் சொல்லித்தான் இது எனக்குத் தெரியவந்தது) பகுதியில் குதறப்படலாம். தனது ஒரு படம் குதறப்பட்டதை எதிர்த்து பேசிய சத்யராஜ் இன்றெல்லாம் வாய் திறப்பாரா என்று கூடத் தெரியாது. ஏனென்றால் அன்று சன் டிவி ஒரு சானல் மட்டுமே. இன்று திரையுலகில் அது ஒரு சக்ரவர்த்தி. டிவி, திரைப்படம் என்பது போதாதென்று, தினமும் 10 லட்சம் பிரதிகள் விற்கும் ஒரு பத்திரிகை, இது போக வார இதழ்கள், இந்தியாவெங்கும் பண்பலை – இவர்களை எதிர்த்துப் பேச உண்மையான தைரியம் இருக்கவேண்டும் அல்லது முட்டாளாக இருக்கவேண்டும். இந்த நிலை இப்படியே நீடிப்பதைத்தான் ரஜினி விரும்புகிறாரா என்ன?

இதில் எந்திரன் வெளியீடு என்று சொல்லி சன் டிவி அடிக்கும் கும்மாளம் குமட்டலை வரவழைக்கிறது. முன்பும் எத்தனையோ ரஜினி படங்கள் வந்திருக்கின்றன. இதே ரசிகர்கள் பாலாபிஷேகம், பீராபிஷேகம் எல்லாம் செய்திருக்கிறார்கள். அது ஒரு குறிப்பிட்ட சிறிய எல்லைக்குள் அங்கங்கே நடந்த ஒரு விஷயமாக அமுங்கிவிடும். ஆனால், இன்று சன் டிவி அதற்குத் தரும் அங்கீகாரம் அதன் எல்லையை மிகவும் விரிவாக்கி, தமிழர்களே இப்படியெல்லாம் நடந்துகொள்ளும் முண்டங்கள்தான் என்னும் பிம்பத்தை ஏற்படுத்தி வருகிறது.

ஒரு நடிகருக்கு இப்படி நடப்பதெல்லாம் பெரிய எரிச்சல் தரும் விஷயங்கள். இது ஒரு ரசிகரின் அல்லது சில ரசிகர்களின் தனிப்பட்ட விஷயமல்ல. சமூகம் எப்படி திரைப்படத்தினால் புரையோடிப் போயிருக்கிறது என்பதற்கான எடுத்துக்காட்டு இது. முன்பே இது குறித்துப் பலர் பேசியிருக்கிறார்கள். இந்த முறை இதனையும் சன் டிவி மார்க்கெட்டிங் உத்தியாக்கிவிட்டது. ரஜினி படத்துக்காக பால் குடம் எடுப்பதும், 1500 படிகள் கொண்ட கோவிலுக்கு முழங்காலில் நடந்து படியேறிப் போவதும், பாலாபிஷேகம் செய்வதும், தேர் இழுப்பதும், ரசிகர்கள் பச்சைக் குத்திக் கொள்வதும், அலகு குத்திக் கொள்வதும் – என்ன ஒரு சூழ்நிலையில் வாழ்ந்துகொண்டிருக்கிறோம்? இதனைத் தொடர்ந்து ஒரு சாகசமாக ஒரு முக்கியமான சானல் தொடர்ந்து காட்டிக்கொண்டிருந்தால், வளரும் இளைஞர்கள் மனதில் இதெல்லாம் நல்ல விஷயம் என்பதாகப் பதிந்துவிடாதா? ஆனால் இதையெல்லாம் யோசிக்கும் நிலையில் இல்லை சன் பிகசர்ஸ். அதன் இலக்கு தான் போட்ட 150 கோடிக்கு நிகராக எத்தனை மடங்கு லாபம் சம்பாதிக்கமுடியும் என்பது மட்டுமே.

suntv-endhiran

ரஜினி போன்ற நடிகர்கள் இந்த குமட்டல்களையெல்லாம் கண்டிக்காமல் வேடிக்கை பார்த்துக்கொண்டிருப்பது இன்னொரு குமட்டல். படம் வெளி வந்த பின்பாவது ரஜினி இது குறித்துப் பேசுவார் என எதிர்பார்த்துக் கொண்டிருக்கிறேன். தான் சொல்லியும் ரசிகர்கள் கேட்பதில்லை என்னும் சாக்கு போக்கெல்லாம் எடுபடாது. ஜெயலலிதா ரஃபி பெர்னாட்டுக்கு அளித்த பேட்டி ஒன்றில் இப்படித்தான் சொன்னார். தான் எத்தனை முறை சொல்லியும் தன் காலில் அமைச்சர்களும் தொண்டர்களும் விழுகிறார்கள் என. காலில் விழுந்த இரண்டு அமைச்சர்களை வீட்டுக்கு அனுப்பியிருந்தால், அடுத்த எந்த அமைச்சர் காலில் விழுந்திருப்பார்? ரஜினியும் தனக்கு பாலாபிஷேகம் செய்யும், தேர் இழுக்கும் ரசிகர்களை எல்லாம் சரியாகக் கண்டித்திருந்தால் அவர்களும் நிச்சயம் கேட்டிருப்பார்கள்.

தன் மகள் கல்யாணத்துக்கு நிச்சயம் வரக்கூடாது எனச் சொல்லி, அதனைச் செய்துகாட்டவும் தெரிந்த ரஜினிக்கு இது ஒன்றும் பிரமாதமான காரியமல்ல. ரஜினிக்கு இப்படி நடக்கும்போது, ரஜினியாக வரத் துடித்துக்கொண்டிருக்கும் இளைய தளபதிகளும், அல்டிமேட் ஸ்டார்களும் இதனையே நகலெடுக்கவே விரும்புவார்கள். அப்படி ரஜினி செய்யாவிட்டால், இன்றைக்கு ரஜினிக்கு அவர் ரசிகர்கள் செய்துகொண்டிருப்பது தமிழ்நாட்டின் திரை கலாசாரமாக மாறும். எனவே ரஜினியே இதற்கு ஒரு முற்றுப் புள்ளி வைக்கவேண்டும். அஜித் தனது பேருக்கு முன்பாக இனிமேல் அல்டிமேட் ஸ்டார் என்றெல்லாம் போடக்கூடாது என்று சொன்னார் சமீபத்தில். கொஞ்சம் ஆச்சரியமாகத்தான் இருந்தது. இதேபோன்ற ஒரு சுய பரிசோதனையை ரஜினி செய்யவேண்டும்.

ரசிகர் மன்றங்களால் சில நற்பணிகள் அங்கங்கே நடக்கிறது என்றாலும், பெரிய அளவில் இந்த ரசிகர் மன்றங்கள் என்ன சாதித்தன என்பது தெரியவில்லை. எந்த ஒரு நடிகரும் ரசிகர் மன்றத்தை நம்பி இல்லை என்பது என் தனிப்பட்ட கருத்து. ஆனால் வெளியில் எந்த ஒரு நடிகரும் இதனைச் சொன்னதில்லை. ரஜினி தனது எல்லா ரசிகர் மன்றங்களையும் கலைத்துவிட்டு, அதில்கூட முன்மாதிரியாக இருக்கலாம் ரஜினி. நடிப்பு என்பது ஒரு தொழில். திரைப்படமும், நடிப்பும் உங்களுக்குப் பிடித்திருக்கிறது என்றால், அதனைப் பாருங்கள், பாராட்டிவிட்டுச் செல்லுங்கள், அது போதும் என்று ரஜினி அறிவித்தால்தான் என்ன?

எந்திரன் வெளியீட்டை ஒட்டி மேடையில் பேசிய அத்தனை நடிகர்களும் தங்கள் ரசிகர்களையே நகலெடுத்தார்கள். ஒவ்வொரு நடிகரும் ஒரு விசிலடிச்சான் குஞ்சாக வந்துவிட்டுப் போனார்கள். இவர்களுக்கெல்லாம் தன்முனைப்பு என்ற ஒன்றே இல்லையோ என்றுதான் நினைக்கத் தோன்றியது. நடிகர்களின் வழியேதான் ரசிகர்கள் இப்படி நடந்துகொள்கிறார்கள் என்றும் நினைக்கத் தோன்றுகிறது. தன்மானமுள்ள நடிகர்களாகத் தங்களை முன்னிறுத்திக்கொண்டு முன்பு குரல் கொடுத்த நடிகர்கள் எல்லாம் ஓடிப் போன சுவடே தெரியவில்லை.

suntv-endhiran

ரஜினி முன்பெல்லாம் புகை பிடிப்பவராகப் பல படங்களில் தோன்றுவார். ஸ்டைல் என்பதே தன் அடையாளம் என்று ரசிகர்களை அவர் அடைந்த விதமே இந்த புகையின் வழியாகத்தான் எனலாம். திடீரென்று பாமக குரல் கொடுத்தது. ரஜினியால் பல இளைஞர்கள் சீரழிகிறார்கள் என்று. ஒரு படி மேலே போய் ரஜினியை அக்கட்சி மிரட்டியது என்றே சொல்லவேண்டும். ரஜினி புகை பிடிப்பது போன்ற படங்கள் வந்தால் அதனை வெளியிட விடமாட்டோம் என்றார்கள். உண்மையில் இது ஜனநாயகத்துக்கு எதிரானது. ரஜினி புகை பிடிக்கும் படங்களால் இளைஞர்கள் கெடுகிறார்கள் என்று நீங்கள் பிரசாரம் செய்யலாம். அமைதி வழியில் அதனை எதிர்த்துப் போராடலாம். தொடர்ந்து ரஜினியுடன் பேசலாம். ஆனால் அப்படி வரும் படத்தைத் திரையிட விடமாட்டோம் என்பது அராஜகம். ரஜினி இதற்குப் பணிந்து போனார். வணிகக் காரணங்கள். அடுத்த படத்தில் சுயிங்கம் மென்று கொண்டு வந்தார்.

புகை பிடிப்பதால் இளைஞர்கள் கெட்டுவிடுவார்கள் என்று போராட்டம் நடத்திய பாமக இன்று ஏன் விரல் சூப்பிக்கொண்டிருக்கிறது? ஒரு நடிகருக்கு நடக்கும் இத்தனை குமட்டல்களையும் ஏன் வேடிக்கை பார்த்துக்கொண்டிருக்கிறது? சன் டிவியில் பரப்பல்களைப் பார்த்து வெறுமனே அமைதியாக இருப்பது ஏன்? எந்திரன் கருணாநிதியின் ஆசியையும் பெற்று விட்டது என்பதற்காகவா? ஒரு சமுதாயத்தையே சீரழிக்கும் விதமாக தொடர்ந்து சன் டிவி ரஜினி ரசிகர்களைக் காட்டிக்கொண்டிருப்பது குறித்து பாமக வாய் திறக்காதது ஏன்? நாளை கிடைக்கவிருக்கும் சீட்டும் கிடைக்காமல் போய்விடும் என்பதற்காகவா? இப்படி ரசிகர்கள் என்னும் போர்வையில் ஒரு சமுதாயத்தின் மக்களைக் கீழ்மைப்படுத்துவது தவறு என்று ரஜினிக்கு எதிராகப் பாமக இன்று எதுவும் பேசாமல் கள்ள மௌனத்துடன் இருப்பது, அது சன் பிக்சர்ஸைப் பாதித்து, அரசியலில் தன்னையும் பாதித்துவிடும் என்பதற்காகவா?

முதலில் ரஜினி ஒன்றைப் புரிந்துகொள்ளவேண்டும். படத்துக்கான மார்க்கெடிங் போர்வையில் சன் டிவி நிகழ்த்திக்கொண்டிருப்பது ரஜினியின் சுயமரியாதையின் மீதான தாக்குதலே அன்றி வேறல்ல. தனது ரசிகர்களின் சர்க்கஸ்களைக் காட்டிக்கொண்டிருப்பதன் மூலம் தன்னைக் கேவலப்படுத்திக்கொண்டிருக்கிறார்கள் என்பதை ரஜினி உணரவில்லை என்றால், பொதுமக்களின் மத்தியில் ரஜினியின் இமேஜ் நிச்சயம் பாதிப்புக்குள்ளாகும். அது ஏற்கெனவே பாதிப்புக்குள்ளாகிவிட்டது என்பதும் ஓரளவு உண்மையே. ரஜினி என்னும் தனிமனிதரின் மனித இருப்புக்கும், இப்போது நடந்துகொண்டிருக்கும் அவலங்களுக்கும் தொடர்பே இல்லை என்பது பலருக்குத் தெரியும். அதை எல்லோருக்கும் தெரிந்ததாக ஆக்க ரஜினி முயல்வது அவருக்கு நல்லது. இல்லை என்றால் ஒரு தன்மானமற்ற கும்பலை நாளைய சந்ததியாக உருவாக்கி வைத்துவிட்டுப் போவதில், என்னதான் சன் டிவியின் எரிச்சலூட்டும் அதீத பரப்புரை காரணமாக இருந்தாலும், ரஜினிக்கு பெரும் பங்கு உண்டாகியிருக்கும். பின்பு அதனை நீக்குவது என்பது பெரும்பாடாகிவிடும். சன் டிவியின் கேவலப்படுத்தும் ப்ரமோக்களுக்கு ரஜினி உடனே ஒரு முற்றுப் புள்ளி வைப்பது நல்லது. 60 வயதுக்குப் பிறகு, ஒரு சூப்பர் ஹிட் எந்திரனுக்குப் பிறகு, இனி சன் பிக்சர்ஸில் ரஜினி நடிக்காமல் இருந்தால், அவருக்கோ நாட்டுக்கோ ரசிகர்களுக்கோ என்ன ஒரு பெரிய நஷ்டம் இருந்துவிடப் போகிறது?

நடிகராகத் தன் பலத்தை ரஜினி அறிந்துகொள்வது அவர் சார்ந்திருக்கும் திரையுலகத்துக்கும், அவரது ரசிகர்களான நாளைய தலைமுறைக்கும் நல்லது.

சிலநூறுகோடியில் அம்புலிமாமா ( எந்திரன்)

rajinikanth-and-aishwarya-rai-in-endhiran-3சன் பிக்சர்ஸ், கலாநிதிமாறன் வழங்கும் என ஆரம்பிக்கும் படம் அப்படியே முடிகிறது. வழக்கமாக A Film by Shaankar என்பதெல்லாம் போய் கலாநிதி மாறனின் படைப்பாகிவிட்டது.

சினிமாத்துறையில் கலாநிதி மாறன் மற்றும் கருணாநிதியின் குடும்பத்தவர்கள் நுழைந்தது முதல் இன்றுவரை அவர்களைத் தவிர வேறு யாரும் சினிமாவை தயாரிக்கவோ அல்லது வெளியிடவோ முடியாத நிலை. அப்படியே தயாரித்தாலும் தயாரித்தவர்கள் பெயரில் வெளியிட முடியாத நிலை இருக்கிறது. எந்திரனின் வெற்றி அவர்களை மேலும் பலமுள்ளதாக்கி தமிழ் சினிமா ஒரு குடும்பத்தின் சொந்தத் தொழிலாகி விடும். கருணாநிதியின் நேற்றுப் பிறந்த பேரன் வரை எல்லோரும் தமிழ் சினிமாத் தாயாரிப்பாளர்கள் என்ற நிலைக்கு வந்திருக்கிறது.

ஜேம்ஸ் கேமரூன் போல இயக்குனர் சங்கர் இந்தப் படத்தைப் பற்றி 10 வருடங்கள் கனாக்கண்டதாக ஒரு பேட்டியில் சொல்லியிருக்கிறார், இப்படி காப்பியடித்து படம் செய்வதற்காகவா 10 ஆண்டுகள் காத்திருந்தீர்கள் எனக்கேட்கத் தோன்றுகிறது.

மேலும் 150 கோடியில் படம் எடுப்பதெல்லாம் இன்றைக்கு தமிழில் சாத்தியமாகியிருக்கிறது என்று பெருமையாய் சொல்லிக்கொண்டாலும், அந்தப்பணம் எப்படி வந்திருக்கும் என்பதெல்லாம் ஊரறிந்த ரகசியம்.

கிட்டத்தட்ட படபூஜையிலிருந்து இன்றைய ரிலீஸ் வரைக்கும் ரோபோ என்ற எந்திரன் குறித்து தினமும் செய்திகள் வருவதும், அல்லது வருவதுபோல பார்த்துக்கொண்டும், தற்போது காட்சிக்கு, காட்சி மக்கள் ஆரவாரம் என சன் டி.வியில் மிகைப் படுத்திச் சொல்வதும் இப்போதுவரை நடந்துகொண்டுதான் இருக்கிறது.

மனிதனைப் போன்றே ஒரு இயந்திர மனிதனை உருவாக்குகிறார் வசீகரன் எனப்படும் ரஜினி, பொறாமையின் காரணமாக இதைப்போன்ற ரோபோக்களுக்கு ஒப்புதல் அளிக்கும் குழுவின் தலைவரும், ரஜினியின் குருவுமானவர் அதை நிராகரித்துவிட இயந்திர மனிதனுக்கு உணர்வையும் அளிக்கிறார் ரஜினி. ஆனால் அது ரஜினியின் வாழ்க்கையிலேயே விளையாட ( ரஜினியின் காதலியையே காதலிக்க) அதை அழித்து விடுகிறார் ரஜினி. அதை வில்லன் கைப்பற்றி அதற்கு வன்முறைக்குணங்களை ஞாபகத்திரையில் ஏற்றி அதை தீவிரவாதிகளுக்கு விற்க முயல்கிறார். ஆனால் உணர்வுகள் கொண்ட அந்த ரோபோ, அதைப்போன்றே சிலநூறு ரோபோக்களை உருவாக்கிக் கொண்டு , அதை தனது உருவாக்கிய வில்லனையே அழித்துவிட்டு சானா என்ற ஐஸ்வர்யாவை திருமணம் செய்ய அலைகிறது. அந்த ரோபோவையும், அது உருவாக்கிய சிலநூறு ரோபோக்களையும் எப்படி ரஜினி மீண்டும் அழித்து ஐஸ்வர்யாவைக் கைப்பிடிக்கிறார் என்பதே ரோபோ.

ஹாலிவுட் திரைப்படத்திற்கு இணையான திரைப்படம் எனச் சொல்கிறார்கள். நிச்சயம் ஹாலிவுட் அளவு உழைத்துவிட்டு, வழக்கமாக தமிழ் டைரக்டர்கள் செய்யும் காப்பியைத்தான் இதிலும் செய்திருக்கிறார்கள். இவ்வளவு உழைத்த இந்தக் குழு கொஞ்சம் யோசித்திருந்தால் காப்பியேதும் அடிக்காமலேயே ரஜினிக்கு ஆவதுபோல் கதை செய்திருக்க முடியும். பிரம்மாண்டத்திற்கு மெனக்கெட்ட இந்தக் குழு கொஞ்சமாவது கதைக்காகவும் சிந்தித்திருக்கலாம். ஆனால், பிரம்மாண்டத்தைக் காட்டியே மிரட்டும் சங்கர் இந்தப் படத்திலும் அதே ஃபார்முலாவை செய்திருக்கிறார். படம் வெற்றியா, தோல்வியா என்பதைப் பற்றியெல்லாம் கவலை இல்லை. ஆனால் இவ்வளவு திறமையான குழு இருந்தும் இன்னும் ஆங்கிலத் திரைப்படங்களைக் காப்பியடித்து சீன்கள் சேர்க்க வேண்டுமா என்பதுதான் ரஜினி மற்றும் சங்கர் திரைஇப்படங்களின் ரசிகர்களின் ஆதங்கமாய் இருக்க முடியும்.

படம் ஆரம்பத்திலிருந்து இறுதிவரை ரஜினி மிக அழகாகத் தெரிகிறார். பழைய ரஜினியே மீண்டு வந்ததைப் போல. படத்தில் அவரது ட்ரேட்மார்க் எண்ட்ரி இல்லாதது ஒரு குறையே. வசீகரன் ரஜினியை விட ரோபோ ரஜினிதான் படத்தில் கலக்குகிறார். இயந்திர ரோபோ குழுவில் வசீகரன் ரஜினி அவர்களைப்போலவே உள்நுழைந்ததைக் கண்டுபிடிக்கும் சிட்டி ரோபோ செய்யும் வில்லத்தனமான செயல்கள் கலக்கல் காமெடி. மிக நன்றாய்ச் செய்திருக்கிறார் ரஜினி. வில்லன் ரஜினியிடம் பழைய ரஜினி எட்டிப் பார்க்கிறார்.

endhiran-movie-latest-unseen-photo-gallery-stills-03வில்லன் என யாருமே இல்லாதிருப்பதும், இருக்கும் வில்லனும் சொத்தையாக வில்லன் என நினைக்கும்போதே செத்துப்போவதும் முழுக்க முழுக்க ரஜினியை மட்டும் முன் நிறுத்தவே. ரகுவரன் இல்லாத குறையை உணர முடிகிறது படம் பார்க்கும்போது.

பாடல்காட்சிகள் படமாக்கப்பட்டுள்ள விதம் அருமை. ரஜினியின் உடைகளும், ஸ்டைலும் கலக்கல்.கிளிமாஞ்சாரோ பாடலும், காதல் அணுக்கள், ரோபோடா பாடலும் குறிப்பிட்டுச் சொல்லும்படி அருமை. நடனத்திற்கு மிகவும் மெனக்கெட்டிருப்பது தெரிகிறது. ரஜினி வழக்கமாக ஆடும் எக்ஸெர்சைஸ் எல்லாம் இல்லமால் நிஜமாகவே கலக்கலாக டான்ஸ் ஆடுகிறார்.

ஐஸ்வர்யாவுக்கு வயதாகி விட்டது கண்கூடாக தெரிகிறது. ராவணன் படத்தில் இருந்த அளவுகூட இப்படத்தில் இல்லை. மேலும் வயதான ஒரு தோற்றம். கொச்சின் ஹனீஃபா, கலாபவன் மணி, கருணாஸ், பாஸ்கர் என்ற டீம் இருந்தும் எல்லோர்ரையும் அதிக பட்சமாய் வீணடித்திருக்கிறார்கள்.

காமெடியில் ஒருவருக்கும் ஸ்கோப் என்பதே இல்லை. ரோபோ ரஜினி (சிட்டி) தான் கலக்குகிறார். காமெடியையும் அவரே செய்துவிடுகிறார். முதல் பகுதியில் தொய்ந்து செல்லும் படம், இரண்டாம் பகுதியில் தீப்பற்றிக்கொள்கிறது.

எல்லாவற்றையும் போட்டு உடைப்பதற்காக 150 கோடி செலவு செய்திருக்கிறர்கள். படம் ஆரம்பம் முதல் இறுதிவரை உடைத்துக் கொண்டே இருக்கிறார்கள். டீ.வியில் ஆரம்பிக்கிறது இவர்களின் உடைப்பு அட்டகாசம்.. அப்படியே நீண்டு கிட்டத்தட்ட கண்ணில் படும் எல்லாவற்றையும் உடைத்துவிட்டு பிரம்மாண்டம் எனச் சொல்லி விடுகிறார்கள்.

இந்த நல்ல கதையை இதைவிட எளிமையாய், காப்பியடித்தல் ஏதுமின்றி செய்திருந்தால் ரஜினிக்கும், ஷங்கருக்கும், தமிழ்த் திரையுலகுக்கும் ஒரு மைல்கல் படமாக இருந்திருக்கும். இவர்கள் செலவு செய்த சிலநூறுகோடிகளுக்கும் அர்த்தம் இருந்திருக்கும்.

இசையைப் பற்றி குறிப்பிட்டுச் சொல்லியே ஆக வேண்டும். மிக நன்றாய் செய்திருக்கிறார் ஏ.ஆர்.ரஹ்மான். பின்னனி இசையும் அருமை.தெளிவான ஒளிப்பதிவு,

படம் முழுக்க ரிச் ஆகத் தெரிய மெனக்கெட்டது வீண்போகவில்லை. எல்லா இடத்திலும் பிரம்மாண்டம். பிரம்மாண்டம் மட்டுமே.சாதாரனமான இடம் இப்படத்தில் வருவது பெருங்குடி குப்பைமேடு மட்டுமே. படம் முழுக்க அல்ட்ரா மாடர்னாகவே இருக்கிறது.

படத்தில் மாரியம்மன் கோவில் மைக்செட் தேர்வுக்கு படிப்பவர்களுக்கு தொந்தரவு தருவதாக காண்பிக்கிறார்கள். அப்படியே ஐந்துவேளை காதுக்கு அருகில் அலறும் பாங்கு ஓதுவதையும், ஞாயிற்றுக்கிழமைகளில் சர்ச்சுகளில் இருந்து வெளியாகும் அல்லேலூயாக்களையும் கான்பித்து மதச்சார்பின்மையை நிரூபித்திருக்கலாம். ஆனால் வழக்கம்போல இந்துக் கோவில் பண்டிகையை மட்டும் சமூகத்திற்கு தொந்தரவு என காட்டி தங்களது போலி மத்ச்சார்பின்மையை நிரூபித்திருக்கின்றனர்.

படத்தின் மிகப்பெரிய பலம்

குழந்தைகளுக்கு இப்படம் மிகவும் பிடித்திருக்கிறது. ரயிலில் நடக்கும் சண்டைகள், வில்லன் ரோபோக்கள் செய்யும் கிராஃபிக்ஸ் காட்சிகள், அது பேசும் கம்ப்யூட்டர் குரல் எல்லாவற்ற்றையும் குழந்தைகள் மிகவும் ரசிக்கின்றன், கூடவே நாமும்.

அதே சமயம், கலைஞர் குடும்பமும், மாறன் குடும்பம் மட்டுமே தமிழ் சினிமா, என்ற நிலையை நோக்கி தமிழ் சினிமா செல்வது அதன் வளர்ச்சிக்கு நல்லதல்ல.