அஞ்சலி: சுகுமாரன் நம்பியார்

டந்த 2000-ம் ஆண்டில் வாஜ்பாய் அமைச்சரவையில் அமைச்சராக இருந்த ரங்கராஜன் குமாரமங்கலம் திடீரென மரணமடைந்தபோது தானே புயலால் தமிழகம் நிலை குலைந்ததுபோல தமிழக பாஜகவும் நிலை குலைந்தது. நேரு குடும்பத்துக்கு நெருக்கமாக, காங்கிரஸில் செல்வாக்காக இருந்த அவர், பாஜகவில் இணைந்து, அறிமுகம் இல்லாத திருச்சி தொகுதியில் வென்று 1998-ல் மத்திய அமைச்சரானார். மூன்று முறை தொடர்ந்து வெற்றி பெற்று யாராலும் தோற்கடிக்க முடியாது என்று கூறப்பட்ட காங்கிரஸ் எம்.பி. அடைக்கலராஜை இரண்டு முறை தோற்கடித்தவர் குமாரமங்கலம்.

For information about eye surgery and the risks associated with this treatment, please contact your ophthalmologist. Dapoxetine 30mg tablets is the only pill which will not cause Dubno clomiphene cost prescription any side effects, so that you can enjoy taking this drug for a longer period of time. The dance consists of a series of moves that are performed by a man who uses his body to mimic the movement of the woman.

A drug commonly prescribed for patients diagnosed with early breast cancer is also associated with a high risk for heart attack or stroke and may cause cancer, researchers say. The objectives of this study were to determine the efficacy of a clomiphene cost prescription Watampone combination of pregabalin plus/minus promethazine in the management of refractory neuropathic pain in patients with type 2 diabetes. It can also cause more serious side effects, including bleeding.

If you want to obtain clomid, you ought to go to a doctor. However, prednisone can also https://dd-links.com/making-websites-loads-faster-by-resizing-images/ be used in a variety of different ways. It’s important to understand that arava is a medication for treating arthritis, but it can also be used to control high blood pressure and heartburn.

அவரது மறைவால் திருச்சி தொகுதியில் 2001 மே மாதம் இடைத்தேர்தல் நடைபெற்றது. குமாரமங்கலம் பெற்றிருந்த மக்கள் செல்வாக்கும், அவரது திடீர் மறைவால் ஏற்பட்ட அனுதாபமும், கூட்டணி பலமும் (அப்போது திமுக – பாஜக கூட்டணி) பாஜக சார்பில் யார் நின்றாலும் வெற்றிதான் என்ற நிலை இருந்தது. அதனால் பாஜக வேட்பாளர் யார்? என்ற ஆவல் அனைவரிடமும் எழுந்தது. குமாரமங்கலத்தின் மனைவி கிட்டி குமாரமங்கலம், தங்கை லலிதா குமாரமங்கலம் ஆகியோரில் ஒருவர் வேட்பாளர் ஆகலாம் என்று கூறப்பட்ட நிலையில் யாரும் எதிர்பாரத விதமாக சுகுமாரன் நம்பியார் வேட்பாளராக அறிவிக்கப்பட்டார்.

திருச்சி மக்களுக்கு மட்டுமல்ல. தொகுதி பாஜகவினருக்கு இது சற்று அதி்ர்ச்சியாகவும், ஆச்சரியமாகவும் இருந்தது. சிலர் அவரை எதிர்க்கவும் செய்தார்கள். எல்லாம் அவரை நேரில் பார்க்கும் வரைதான். அவர் திருச்சி வந்திறங்கிய ஒரு சில நாளிலேயே எல்லோருக்கும் பிடித்தவரானார். எதிர்க்கட்சிகள் அவரை மலையாளி, கேரளத்தவர் என்று பிரசாரம் செய்தனர். ஆனால், இதுவெல்லாம் மக்களிடம் எடுபடவில்லை. அவரை அறிமுகப்படுத்துவதும் மிக எளிதாக இருந்தது. நடிகர் எம்.என். நம்பியாரின் மகன் என்றதும் எல்லோருக்கும் தெரிந்தவரானார். வில்லன் நடிகராக இருந்தாலும் மக்களிடம் கதாநாயகன் இமேஜ் பெற்றவராயிற்றே நம்பியார்!

அப்போது நான் திருச்சியில் கல்லூரியில் படித்துக் கொண்டிருந்தேன். எதிர்க்கட்சியினர் கூட பாஜக தான் வெற்றிபெறும் என்ற கூறி வந்த நிலையில் யாரும் எதிர்பாராத விதமாக அதிமுக வேட்பாளர் தலித் எழில்மலை வெற்றி பெற்றார். சுகுமாரன் நம்பியாருக்கு குறைந்த வாக்குகள் வித்தியாசத்தில் வெற்றி கை நழுவியது. இப்படித்தான் தேர்தல் அரசியலுக்குள் நுழைந்தார் அவர்.

அந்தத் தேர்தலில் வென்றிருந்தால் அவர் மத்திய அமைச்சராகி இருப்பார்.  வரலாறு அவரை வேறு விதமாக பதிவு செய்திருக்கும். தேர்தலில் தோற்றாலும் திருச்சியுடனான தொடர்பை அவர் கைவிடவி்ல்லை. அதன்பிறகும் திருச்சியில் மிகச் சாதாரண கட்சி ஊழியர்களின் திருமணத்தில் கூட கலந்து கொள்ள பலமுறை வந்துள்ளார்.

2004-ல் அதிமுக கூட்டணியில் திருச்சி தொகுதி பாஜகவுக்கு கிடைக்கவில்லை. அதனால் வட சென்னையில் போட்டியிட்ட சுகுமாரன் தோல்வி அடைந்தார். அதன் பிறகு அவர் எந்தத் தேர்தலிலும் அவர் போட்டியிடவில்லை. இனியும் அவர் போட்டியிட மாட்டார்.

ஜனவரி 8-ம் தேதி ஞாயிற்றுக்கிழமை காலை திடீரென ஏற்பட்ட மாரடைப்பால் சுகுமாரன் நம்பியார் காலமானார். அவரது மரணச் செய்தியை கேட்டவர்கள் முதலில் நம்பவே மறுத்தார்கள்.  செய்தி கேள்விபட்டதும் பாஜக மாநில துணைத் தலைவர் டாக்டர் தமிழி்சை செளந்திரராஜனிடம் தொலைபேசி்யில் பேசினேன். அவருக்கு என்னைவிட அதிர்ச்சி. உடல் நலத்தில் மிகுந்த அக்கறை கொண்ட அவருக்கே இந்த நிலையா? நம்பவே முடியவில்லை என்றார். அவரை அறிந்த அனைவருக்கும் இதே நிலைதான்.

சென்னை சேத்துப்பட்டில் உள்ள சென்னை கிறிஸ்தவக் கல்லூரி பள்ளியில் படித்த அவர், அமெரிக்காவின் கலிபோர்னியாவில் உள்ள ஆர்ம்ஸ்ட்ராங் பெர்க்லி பல்கலைக்கழகத்தில் பி.பி.ஏ., எம்.பி.ஏ. படித்தார். கலிபோர்னியாவில் மற்றொரு பல்கலைக்கழகத்தில் அவர் எம்.எஸ். பட்டமும் பெற்றார். சுமார் 10 ஆண்டுகள் அமெரிக்காவில் படித்தாலும் இந்துப் பண்பாடு, கலாசாரம் மீது தீராத காதலும் பற்றும் அவருக்கு உண்டு.

அதனால்தானே என்னவோ, பிரபலமான நடிகரின் மகனாக, வெற்றிகரமான தொழிலதிபராக இருந்தாலும் 1990-ல் பாஜகவில் இணைந்தார். அவர் நினைத்திருந்தால் காங்கிரஸ் அல்லது அதிமுகவில் இணைந்து பதவிகளைப் பிடித்திருக்கலாம். இரண்டு கட்சிகளிலும் அவருக்கு நெருங்கிய தொடர்பு இருந்தது. தனது பள்ளிக்கால நண்பரான ஜெயலலிதா முதல்வரான நேரத்தில் தமிழகத்தில் அடையாளமே இல்லாமல் இருந்த பாஜகவில் இணைந்தார். அப்போது இது பரபரப்பாகப் பேசப்பட்டது.

ஜெயலலிதாவுடன் இருந்த தனது நட்பின் மூலம் 1998-ல் பாஜக – அதிமுக கூட்டணி அமைய காரணமாக இருந்தவர் சுகுமாரன் நம்பியார். அவர் இல்லாவிட்டால் கூட்டணி அவ்வளவு எளிதில் சாத்தியமாகி இருக்காது. 1998-ல் பாஜக – அதிமுக – மதிமுக – பாமக – சுப்பிரமணியன் சுவாமி கூட்டணி அமையாதிருந்தால் மத்தியில் வாஜ்பாய் தலைமையில் ஆட்சியும் சாத்தியமில்லை. 2004-ல் நடந்தது போல இடதுசாரிகள் ஆதரவுடன் காங்கிரஸ் ஆட்சி அமைத்திருக்கும். அந்த வகையில் தேசத்தின் போக்கை தனது நட்பால் மாற்றியவர் சுகுமாரன் நம்பியார். 2004-ல் திமுகவுடனான கூட்டணி முறிந்த நிலையில் அதிமுக – பாஜக கூட்டணியை ஏற்படுத்த தனி ஆளாக போயஸ் தோட்டம் சென்று ஜெயலலிதாவுடன் பேச்சு நடத்தினார். அந்தத் தேர்தலில் பெரும் தோல்வி தான் கிடைத்தது என்றாலும் பாஜக வெற்றிக்காக அவர் கொடுத்த உழைப்பு அசாத்தியமானது.

கட்சியில் இணைந்தாலும் அவர் எந்தப் பதவிக்கும் ஆசைப்பட்டதில்லை. கட்சியின் மூலம் இந்து சமுதாயத்துக்கும், நாட்டுக்கும் ஏதாவது செய்ய வேண்டும் என்றே அவர் விரும்பினார். பாஜகவில் அறிவுஜீவிகள் வட்டத் தலைவர், அகில இந்தியப் பொருளாளர், தேசிய செயற்குழு உறுப்பினர் என பொறுப்புகளில் இருந்தாலும் ஆர்.எஸ்.எஸ். போன்ற இந்து அமைப்புகளின் பணிகளிலும் ஆர்வம் காட்டினார்.

தந்தை எம்.என். நம்பியாரைப் போலவே ஆன்மிகத்தில் நாட்டம் கொண்டிருந்த அவர், சிறு வயது முதல் தொடர்ந்து மாலை அணிந்து சபரிமலைக்கு சென்று வந்தார். ஐயப்ப பக்தர்களை இந்துத்துவ கருத்தியல் வட்டத்திற்குள் வர வைக்க வேண்டும் என்பது அவரது நோக்கமாக இருந்தது. அதற்காக சென்னை உள்ளி்ட்ட பல இடங்களில் ஐயப்ப குருசாமிகள் மாநாட்டை நடத்தினார்.

சுவாமி தயானந்த சரஸ்வதியால் தொடங்கப்பட்ட தர்ம ரக்ஷண சமிதி என்ற அமைப்பின் பல்வேறு பணிகளை அவர் மேற்கொண்டிருந்தார். இந்த அமைப்பின் மூலம் அம்மன் யாத்திரை, தாய் மதம் திருப்புதல், பண்பாட்டு வகுப்புகள் என பல்வேறு பணிகள் நடைபெற்று வருகின்றன. இதற்கு பல வழிகளில் தனது ஆதரவையும், உழைப்பையும் தொடர்ந்து அளித்து வந்தார்.

கடந்த 3 ஆண்டுகளாக சென்னையில் நடைபெற்று வரும் இந்து ஆன்மிக, சேவை கண்காட்சியின் வெற்றிக்கு பின்னால் இருப்பவரும் இவரே. கண்காட்சி நடைபெறும் அனைத்து நாள்களிலும் இரவு பகலாக அங்கேயே இருப்பார். வற்புறுத்தி அழைத்தாலும் மேடையேற மாட்டார்.

அவர் மரணடைவதற்கு முதல் நாள் ஜனவரி 7-ம் தேதி சென்னை தியாகராய நகரில் உள்ள பாஜக தலைமை அலுவலகத்தில் மாநில நிர்வாகிகளின் கூட்டம் நடைபெற்றது. அதில் பங்கேற்ற அவர், திருச்சியில் ஏப்ரல் 27, 28 தேதிகளில் நடத்த திட்டமிடப்பட்டுள்ள பாஜக மாநில மாநாட்டுக் குழுவின் தலைவராக அறிவிக்கப்பட்டிருந்தார். தொடர்ந்து கட்சி, சமுதாயப் பணிகளில் ஈடுபட்டிருந்த அவர், தற்காப்புக் கலைகளிலும் நிபுணர். இந்திய ராணுவம், கறுப்புப் பூனைப் படை, தமிழக அதிவிரைவுப் படையினருக்கு பயிற்சி அளித்துள்ளார்.

உடல் நலத்தில் மிகுந்த அக்கறை செலுத்தி வந்த அவர், இயற்கை உணவு வகைகளை அதிகம் உண்பார். வேக வைத்த காய்கறிகள், கீரை, தயிர் தான் அவரது பிடித்தமான உணவு. உடற்பயிற்சி செய்யத் தவறியதே இல்லை. அடிக்கடி விமானங்களில் பயணிக்கும் அவர் கூடவே உடற்பயி்ற்சி உபகரணங்கள் கொண்ட கிட்டை எடுத்துச் செல்வார். அதனால் தான் அவருக்கு ஏற்பட் திடீர் மாரடைப்பு டாக்டர்கள் உள்பட பலரையும் அதிர்ச்சி அடைய வைத்துள்ளது. 2001 முதல் 10 ஆண்டுகளாக அவருடன் பழகும் வாய்ப்பு எனக்கு வாய்த்தது. இறப்பதற்கு முதல் நாள் கூட அவருடன் பேசிக் கொண்டிருந்தேன்.

2014 தேர்தலில் எப்படியாவது பாஜகவை ஆட்சிக்கு கொண்டு வந்துவிட வேண்டும் என்பதில் மிகுந்த ஆர்வமாக இருந்தார். 2004 தேர்தலில் மட்டும் மீண்டும் பாஜக ஆட்சிக்கு வந்திருந்தால் காங்கிரஸை நாட்டை விட்டே விரட்டியிருக்கலாம் என்பது அவரது கருத்தாக இருந்தது. 2004-ல் காங்கிரஸை விட பாஜகவுக்கு இரண்டு இடங்கள் மட்டுமே குறைவு. தமிழகம், ஆந்திரம் போன்ற மாநிலங்களில் சரியான கூட்டணி அமைத்திருந்தால் வெற்றி எளிதாகியிருக்கும். ஆனால், விட்டு விட்டார்களே என்று வருத்தத்துடன் கூறுவார்.

கடந்த முறை சபரிமலையில் ஏற்பட்ட விபத்து அவரது மனதை வெகுவாக பாதித்திருந்தது.  அதுகுறித்து தமிழ் பத்திரிகைகளில் வந்த எதிர்மறையான செய்தி குறித்து என்னிடம் தொலைபேசியில் வருத்தப்பட்டார். தமிழ் பத்திரிகை உலகின் சூழலை அவரிடம் எடுத்துக் கூறினேன்.

அவர் அதிர்ந்து பேசி யாரும் கேட்டிருக்க மாட்டார்கள். மரணமும் அவருக்கு அப்படியே வாய்த்தது. 64 வயதான சுகுமாரன் நம்பியாரின் மரணம் பாஜகவுக்கு மட்டுல்ல, ஒட்டுமொத்த இந்து சமுதாயத்துக்கும், நாட்டுக்கும் பேரிழப்பு என்பதில் சந்தேகமே இல்லை. தமிழக முதல்வர் ஜெயலலிதா தனது இரங்கல் செய்தியில் குறிப்பிட்டதுபோல உண்மையான தேசபக்தரையும், சமூக சேவகரையும் நாம் இழந்துவிட்டோம்.

நாட்டுக்கு உழைந்த அந்த நல்லவருக்கு நமது கண்ணீர் அஞ்சலி.

வில்லனாகவே நடித்த நல்லவருடன் ஓர் அரிய பேட்டி

தமிழ் திரையுலகில் வில்லனாக எம்.ஜி.ஆர் காலத்திலும் பின்னர் குணசித்திர நடிகராகவும் நடித்து தமிழ் திரையுலகில் 62 ஆண்டுகள் தனது நடிப்பால் அனைவரையும் கவர்ந்த திரையுலகின் குருசாமி எம்.என். நம்பியார் காலமானார். அவருக்கு வயது 91.

திரைப்படத்தில் வில்லனாகவே எல்லோரும் அடையாளம் காணும் நம்பியார் தனிவாழ்வில் நல்லவராகவே வாழ்ந்து வந்தார். அவர் சபரிமலைக்கு அழைத்துச் செல்லாத திரையுலக நபர்களே கிடையாது என் சொல்லலாம்.

சபரிமலைவாசன் அவரது ஆன்மாவை அமைதியில் ஆழ்த்தட்டும்.

புகழுடம்பெய்திய பழம்பெரும் நடிகர் நம்பியார் அவர்கள் டிசம்பர் 1984 இல் விஜயபாரதம் இதழுக்கு கொடுத்த பேட்டியிலிருந்து சில பகுதிகள் கீழே: [வெளியிட அனுமதி வழங்கிய விஜயபாரதம் ஆசிரியர் திரு. சடகோபன் அவர்களுக்கு நன்றி.]

விஜயபாரதம் நிருபர்: நீங்க எத்தனை வருடமா மலைக்குப் போறீங்க?

நம்பியார்: எத்தனை தடவையா போறீங்கன்னு கேட்டுடாதீங்க. வருடத்திற்கு மூன்று அல்லது நாலு தடவை. கணக்கு கிடையாது. 1942 இலிருந்து மலைக்குப் போய் வருகிறேன்.

நிருபர்: எல்லா தடவையும் முறையா விரதம் இருந்துதான் போவீங்களா இல்ல…

நம்பியார்: நிச்சயம். எல்லா முறையும் முறைப்படி விரதம் இருந்து வேலைக்கும் இடைஞ்சல் இல்லாத படிதான் மலைக்குப் போவேன். விரதம் இருக்கிறது சாமிக்காக கிடையாதுங்க. நம்ப மனத்தூய்மைக்காகத்தான். கடவுள் மீது பழியை போட்டுவிட்டு நாம் விரதம் இருக்கிறோம். நம்ம தவறை திருத்திக் கொண்டு வாழ இது ஒரு நல்ல சந்தர்ப்பம்.

நிருபர்: வருடாவருடம் எத்தனை பேரை அழைத்துக் கொண்டு போவீங்க?

நம்பியார்: நான் அழைச்சுகிட்டு போறது கிடையாது அவர்களோடு நான் போவேன் அவ்வளவுதான். எல்லோரையும் அழைச்சுகிட்டுப் போறாப்ல அவ்வளவு பெரிய தகுதி நமக்கு கிடையாது.

நிருபர்: விரதகாலத்தில் ஐயப்பன்மார்கள் கடைபிடிக்கும் கட்டுப்பாடுகளை வருடம் முழுவதும் கடைப்பிடிக்கும்படி கட்டாயப்படுத்தினால் என்ன?

நம்பியார்: அது எப்படிங்க முடியும்? அந்த 41 நாள் விரத காலத்தில் நான் சொல்லலாம். விரதம் இல்லாத காலங்களில் சொல்லலாம் எப்படி? சிகரெட் குடிக்கிறவங்களை கொஞ்சம் குறைச்சு குடிங்கன்னு சொல்லுவேன். தண்ணி அடிக்கிறவங்களை கொஞ்சம் குறைச்சு அடியுங்கன்னு சொல்லலாம். நீங்க குடிக்கவே கூடாது அப்படீன்னு சொல்ற உரிமை எனக்கு கிடையாதுல்ல.

நிருபர்: குருசாமி ஆவதற்கான தகுதி என்ன?

நம்பியார்: இத்தனை வருடங்கள் போனவங்கதான் குருசாமி ஆகலாம் அப்படீன்னு தகுதி இருக்கு. எதுக்கு? நம்ம காமன்சென்ஸை யூஸ் பண்ணித்தான் யோசன பண்ணலாமே. மலைக்குப் போகும் போது எப்படி போனா சௌகரியம் எந்த பாதை நல்லா இருக்கும் எங்க தங்கலாம்? இதெல்லாம் பலவருடம் போனவங்களுக்குத்தான் அனுபவபூர்வமாக தெரிந்திருக்கும். அதுக்குத்தான் பலதடவை போன அனுபவம் உள்ளவங்க குருசாமியா ஆறாங்க.

நிருபர்: சென்ற வருடம் நிலக்கல் விஷயமாக நடந்தவைகள் அங்கு அத்து மீறி சர்ச் எழுப்பப்பட்டு அகற்றப்பட்ட விதம் இதெல்லாம் கேள்விப்பட்டீங்களா?

நம்பியார்: ஓ கேள்விப்பட்டேனே. காரில் போனால் அந்த வழியாகத்தான் மலைக்குப் போயாகணும். ஸ்ரீ ஐயப்ப சுவாமிக்கு ஆபரண பெட்டி நிலக்கல்லில் இருந்து முன்பு நட்ந்தே கொண்டு வருவாங்க. இப்ப பம்பா நதி வரை காரில் வந்துவிடுகிறது. நிலக்கல் பிரச்சனை வர்றதுக்கு காரணம் என்னங்கறீங்க.ஆளும்கட்சி அரசாங்க அதிகாரம் வேணுமா நியாயம் வேணுமா என்று பார்க்குது. அரசாங்கமும் அதிகாரமும் வேணும் என்று அரசியல் கட்சிகள் நினைப்பதால் நியாயத்திற்கு அங்கு இடமில்லாமல் போயிடுது. இதெல்லாம் நம்ம மனநிலையை பொறுத்து இருக்கு. நாம எல்லாரும் இந்தியன் என்று நினைத்தால் இந்த பிரச்சனைகளே எழாது. இந்தியனுக்கு ஒரு பொது சட்டம்தான் இருக்கணும். அதை எல்லா இந்தியனும் ஒத்துக்கணும். மதத்திற்குத் தனிச் சட்டம் இருக்கக் கூடாது. அதாவது நான் என்ன சொல்றேன்னா மைனாரிடிகளுக்கு உள்ள உரிமைகளை மெஜாரிட்டிக்கு கொடுக்கணும். அதை மறுக்கக் கூடாது. நம் நாட்டில் மைனாரிட்டி சமுதாயத்தினருக்கு ஏகப்பட்ட உரிமைகளையும் சலுகைகளையும் தராங்க. அதைப் போல மெஜாரிட்டி சமுதாயத்தினரையும் கவனிக்க வேண்டாமா?

நேற்று எங்க தொகுதி வேட்பாளர் ஒருவர் எங்க வீட்டுக்கு வந்தாரு; நல்லா ஜெயிக்கக் கூடிய வாய்ப்புள்ளவரு. நான் அவரிடம் ‘ஒரே ஒரு கோரிக்கை’ என்றேன். என்னான்னாறு. நீங்க ஜெயிச்சு வந்தா மெஜாரிட்டி சமுதாயத்துக்கு துரோகம் செய்யாம இருப்பீங்களான்னு கேட்டேன். அவரு என்னை கேட்டாரு, ”மெஜாரிட்டின்னா ஆரை சொல்றீங்க”ன்னு. நிலைமை எப்படி இருக்கு பாருங்க.

நிருபர்: குடும்பக்கட்டுப்பாடு போன்றவைகளைக் கூட மைனாரிட்டியைக் காட்டியும் தங்கள் மதநூலைக் காட்டியும் தட்டிக் கழிக்கிறார்களே?

நம்பியார்: எல்லாம் இந்த அரசியல்வாதிகளுக்கு உள்ள பதவி ஆசைதான் காரணம். அதற்காக எதையும் செய்யுறாங்க. எதுக்கும் இடம் தர்றாங்க,. குடும்பக்கட்டுப்பாடுன்னு சொன்னதும் ஞாபகம் வருது. இது விஷயமா யுனெஸ்கோ அமைப்பே பாராட்டி உதவி செய்யுற அளவுக்கு ஐயப்பன்மார் செயல்படுறாங்க. சிலபேர் விரத காலத்தில் அப்படி இப்படி இருக்கலாம். ஆனா இந்த பிரம்மச்சரிய
விரதத்துல மட்டும் ரொம்ப ஸ்ட்ரிக்டா இருப்பாங்க. 41 நாட்கள் இது போல இருக்கும் போது எவ்வளவு குழந்தைகள் பிறப்பு கட்டுப்படுத்தப்படுது. இது உலகத்துக்கே மாபெரும் உதவியில்லையா? அவுங்களே தெரியாம இது போல ஒரு உதவியும் செய்யுறாங்க அய்யப்பன்மார்.

…இப்ப ஆர்.எஸ்.எஸ் வந்தப்புறம் தான் இந்துக்களுக்கு ஒரு ஒற்றுமையும் தன்னம்பிக்கையும் வந்திருக்கு. இந்துக்கள் தலை நிமிர்ந்து நிற்கக்கூடிய நிலைமை வந்திருக்கு இது மறுக்க முடியாத உண்மை. இறுதியா நான் சொல்ல விரும்புறது டிஸிபிளின் பத்திதான். கட்டுப்பாடும் ஒழுக்கமும் இல்லைன்னா நாம எதையும் சாதிக்க முடியாது. நம்மை நாமே ஏமாற்றிக்கிட்டா நமது மனசு நம்மளை சும்மா விடாது. கொஞ்சபேரு ஆயுதங்களோடு அணி வகுத்து நிக்கிறாங்கன்னு வச்சுக்குங்க ஆயிரம் பேரு கூட்டமா வந்தாங்கன்னா அந்த கொஞ்சப்பேரைக் கண்டு அந்த கூட்டமே நடுங்கும். ஏன்னா அந்த கொஞ்சம் பேருக்கு எபடி செயல்பட வேண்டும் எந்த விஷயத்தில் செயல்பட வேண்டும் என்கிற பயிற்சியும் கட்டுப்பாடும் இருக்கும். அந்த டிஸிபிளின் நம்ம சமுதாயத்துக்கு முழுக்க வேண்டும்.