காஷ்மீர் நேற்று இன்று நாளை – திருப்பூரில் கருத்தரங்கம்

அக்டோபர்-27  ஞாயிறு காலை 10 மணிக்கு.  திரு. ஆறுமுகம், காவல் துறை கண்காணிப்பாளர் (ஓய்வு) மற்றும் திரு. புரபுல் கேத்கர், ஆசிரியர், ஆர்கனைசர் வார இதழ்  –  கலந்து கொள்கின்றனர்.  இடம்: குஜராத்தி திருமண மண்டபம்.  அனைவரும் வருக! அழைப்பிதழ் கீழே..

Cortisol levels rise during times of stress, and this rise in cortisol levels is beneficial. Neosporin cream glibly is used to treat skin infections caused by candidiasis and other types of yeast. With the help of our doctors, you can easily solve all your health problems.

Its main active ingredient (chemical name: all-trans-retinoic acid) is a vitamin a derivative. These individuals have not been extensively studied, but clomiphene price in pakistan a study of hiv-positive infants in west africa reported that cmv-specific t-lymphocyte and anti-cmv antibody titers were significantly higher in hiv-positive than hiv-negative infants, and cmv-specific t cell responses declined over time in hiv-positive infants who did not develop cmv pneumon. I was a bit surprised because i am not familiar with many new menopause women, especially those who want to go on clomid online the pill.

Clavamox can be used with other medications to reduce the severity of seizures. We will inform you Serpong how much does clomid cost privately uk about the new products, prices and promotions. Buy amoxicillin for chest infection for cats and dogs and amoxicillin for dogs for pets and dogs.

kashmir_seminar_tirupur

மதங்களைக் கடந்த பண்பாடெனும் ஆணிவேர்: ஹிந்துத்வம் – 1

ஸ்ரீ ஜடாயு அவர்கள் தனது “ஹிந்துத்வம் – ஒரு கண்ணோட்டம்” என்ற வ்யாசத்தில் “கலாசார தேசியம்” பற்றி கீழ்வருமாறு குறிப்பிட்டிருந்தது என் கவனத்தை மிகவும் ஈர்த்தது.

ஒரு பறவைப் பார்வையில் ஹிந்துத்துவ கண்ணோட்டம் என்பதை சுருக்கமாக இவ்வாறு பட்டியலிடலாம்.

>>> கலாசார தேசியவாதம்: இந்தியாவின் சமூக, பிரதேச, மொழி சார்ந்த பன்முகத் தன்மைகளுக்கு மத்தியிலும் இந்தியாவை ஒரே தேசமாகப் பிணைக்கும் கலாசார பண்பாட்டுச் சரடு உள்ளது. அதை வலுப்படுத்துவதே இந்தியாவின் ஒட்டுமொத்த பாதுகாப்புக்கும், வளர்ச்சிக்கும் நன்மை பயக்கக் கூடியது. ஹிந்து, பௌத்த, சமண, சீக்கிய மதங்கள் இயல்பாகவே எல்லாவிதங்களிலும் இந்தச் சரடில் பொருந்துபவை. கிறிஸ்தவ, இஸ்லாமிய மதங்கள் அன்னியமானவை. வழிபாட்டு ரீதியாக அன்னிய மதங்களைக் கடைப்பிடித்தாலும், காலங்காலமாக இந்தியாவையே தாய்நாடாகக் கொண்ட இந்திய கிறிஸ்தவ, இஸ்லாமியர்கள் அதன் தேசியப் பண்பாட்டை மதித்துப் போற்ற வேண்டும். அதனை மறுதலிக்கவோ, அதற்கு எதிராகச் செயல்படவோ கூடாது.

ராஷ்ட்ரீய ஸ்வயம் சேவக சங்கச்சான்றோர்கள் பலர் Cultural Nationalism என்ற மேற்கண்ட கருத்தை பல விழாக்களில் பேசியுள்ளதை பன்முறை கேட்டுள்ளேன்.

சங்க ப்ரார்த்தனை நம் தேசத்தை ஹிந்து பூமி,மாத்ரு பூமி, புண்ய பூமி என்றெல்லாம் விளிக்கிறது.

இத்தேசத்தை கர்மபூமியாகக் கொண்டு இங்கு உழைத்து இத்தேசத்திற்கும் தேச மக்களுக்கும் பெருமை சேர்க்கும் அன்பர்கள் ஹிந்து( வைதிக, சைவ, வைஷ்ணவ, சாக்த, பௌத்த, ஜைன, சீக்கிய மற்றும் பற்பல சமயங்களை தன்னகத்தே கொண்ட), இஸ்லாமியர், க்றைஸ்தவர், பார்ஸி என எல்லா சமூஹத்திலும் உள்ளார்கள்.

அதே சமயம் இத்தேசத்து உப்பைத்தின்று பின்னும் இத்தேசத்தை கூறுபோட விழையும் மற்றும் பயங்கரவாதத்தில் ஈடுபடும் சக்திகளும் அனைத்து தேசமக்களுக்கும் உரிய இத்தேசத்து வளங்களை சுரண்டி தானும் தன் குடும்பங்களும் வயிறு வளர்க்க வேண்டும் என விழையும் சுயநல சக்திகளும் இத்தேசத்து உப்பைத் தின்று ஆனால் அன்னிய தேசங்களுக்கும் அன்னிய கோட்பாடுகளுக்கும் இத்தேசத்து மக்களையும் இத்தேசத்து நிலப்பரப்பையும் தாரை வார்க்க விழையும் சக்திகளும் உள்ளன.

பின்னர் சொன்னப்பட்ட தேச விரோத சக்திகளுக்குப் பலமுகங்கள்.

இது போன்ற சக்திகளை, அச்சக்திகளை முன்னின்று நடத்துபவர்கள் ஹிந்துக்களோ, முஸல்மான்களோ க்றைஸ்தவர்களோ யாராக இருப்பினும் அவர்களை தேசத்திற்கு கேடுவிளைவிப்பவர்கள் என அடையாளம் கண்டு, இச்சக்திகளின் பித்தலாட்டங்களை அவ்வப்போது அம்பலப்படுத்தி வருகின்றன ஹிந்துத்வ சக்திகள். இச்சக்திகளின் பித்தலாட்டங்கள் இத்தளத்திலும் மேலும் பற்பல ஊடகங்களிலும் விவாதிக்கப்பட்டு வருகிறது.

அதே சமயம், வழிபாட்டு ரீதியாக அன்னிய மதத்தைக் கடைப்பிடித்தாலும், காலங்காலமாக ஹிந்துஸ்தானத்தை தாய்நாடாகக் கொண்ட பற்பல இஸ்லாமியச் சஹோதரர்கள் அதன் தேசியப் பண்பாட்டை மதித்துப் போற்றுவதைக் கண்டிருக்கிறேன். அவ்வாறு போற்றும் அன்பர்களை நினைவு கூர்வதன் மூலம் ஹிந்துத்வம் என்ற ஒரு கருத்தாக்கம் வெறும் கருத்தாக்கம் அல்லது கற்பனை அல்ல மாறாக நடைமுறை சாத்யம் என்பதை சித்தப்படுத்த இயலும். நமது தேசத்திய பெரும்பாலான இஸ்லாமிய க்றைஸ்தவ பார்ஸி மற்றும் யஹூதிய சஹோதரர்கள் இவ்வாறானவர் தான் எனினும் சில அன்பர்கள் தங்கள் செயல்பாடுகள் மூலம் தெரிவிக்கும் பரிச்சயம் தேசபக்த சக்திகளுக்கு மிகுந்த உத்சாஹம் அளிக்க வல்லது.

அப்படிப்பட்ட இஸ்லாமியப் பெருந்தகை ஒருவர் பாரதப் பண்பாட்டுப் பெருமையை போற்றுவதும் தமது (நமதும் கூட. நமதும் கூட என்று சொல்லவும் வேண்டுமோ!) முன்னோர்களின் பெருமையைக் கொண்டாடுவதையும் இதனூடே என்னுடைய ஆன்மீகத் தேடல்களுக்கு விடை கிடைத்ததையும் பகிர்வது இந்த வ்யாசம்.

இது ஒரு துவக்கமே. தீய சக்திகள் எப்படி அடையாளம் காண்பிக்கப் படவேண்டுமோ அவ்வாறே பண்பாட்டைப் போற்றும் தூய சக்திகளை அடையாளம் காண்பித்தலும் அச்சக்திகளைப் போற்றுதலும் தேச பக்தி என்ற பயிருக்கு நாம் அளிக்கும் நீர் மற்றும் உரம் போன்றாகும்.

******

जम्बूद्वीपं शस्यतेऽस्यां पृथिव्यां तत्राप्येतन्मण्डलं भारताख्यं ।
काश्मीराख्यं मण्डलं तत्र शस्तं यत्राऽस्तेऽसौ शारदा वागधीशा ॥

ஜம்பூ3த்3வீபம் சஸ்யதே(ऽ)ஸ்யாம் ப்ருதி2வ்யாம் தத்ராப்யேதன்மண்ட3லம் பா4ரதாக்2யம்
காச்மீராக்2யம் மண்ட3லம் தத்ர சஸ்தம் யத்ரா(ऽ)ஸ்தே(ऽ)ஸௌ சாரதா3 வாக3தீ4சா

– மாதவீய சங்கர திக்விஜயம் (16-55)

வையகத்தில் ஜம்பூத்வீபம் உயர்ந்தது. அதில் பரதகண்டம் சிறந்தது. அதில் வாக்தேவியாகிய சாரதை சன்னிதி கொண்டுள்ள காஷ்மீர தேசம் சிறந்தது.

(மாதவீய சங்கர திக்விஜயம் எழுதியவர் காஷ்மீரத்துக் காரர் அல்ல, கர்நாடக ப்ரதேசத்தைச் சார்ந்தவர். பாரத தேசத்தின் ஒவ்வொரு அங்குலமும் புனிதமானவை என்பதால், கவிபுனையும் வழிமுறையில் பேசப்படும் இடமான காஷ்மீரம் பற்றி மிக உயர்வாக இங்கு குறிப்பிட்டுள்ளார்.

சந்தனம் எங்கள் நாட்டின் புழுதி க்ராமமனைத்தும் தவபூமி
சிறுமியரெல்லாம் தேவியின் வடிவம் சிறுவனைவரும் ராமனே

என்று ராஷ்ட்ரீய ஸ்வயம் சேவக சங்கத்தில் ஒரு தேச பக்திப் பாட்டு பாடப்படுவதுண்டு. அதன் படி நம் தேசத்து க்ராமங்களனைத்தும் தவபூமியாகக் கொண்டாடப்படுகிறது என்பது நோக்கத்தக்கது)

முதன் முதலாக நான் ஸ்ரீநகர் விமான நிலையத்தில் ஒரு டிஸம்பர் மாதத்தின் நடுவே காலடி எடுத்து வைத்த போது எனக்கு மேற்கண்ட மாதவீய சங்கர திக்விஜய ச்லோகம் நினைவுக்கு வந்தது. ஆதிசங்கரர் வந்து சென்ற பூமியாயிற்றே என மனதாற சாரதையையும் சங்கரரையும் வழிபட்டு பூமியில் கால் பதித்தேன்.

காஷ்மீரம்*** என்றவுடன் பல விஷயங்கள் நினைவுக்கு வரலாம். ஆனால் இவ்யாசம் பெரும்பாலும் ஆன்மீக அனுபவங்களை பகிரும் படிக்கானது. சம்பந்தப்பட்ட இடங்களின் சிறிதளவு சரித்ரம் சிறிதளவு பூகோளம் சிறிதளவு அவற்றின் இன்றைய நிலை போன்ற பயணக்குறிப்புகள் மாதிரியான விஷயங்கள் சொல்லப்பட்டிருப்பினும் அவையெல்லாம் கருதுகோளுடன் சம்பந்தப்பட்டவை என்றபடிக்கு மட்டிலும்.

sankaracharyasவேலை நிமித்தமாக வந்திருந்தாலும் ஸ்ரீ நகரில் உள்ள சங்கராசார்ய மந்திர் பற்றி எனது நண்பர்கள் சொல்லியிருந்ததால் தரிசனம் செய்ய வேண்டும் என மிகவும் ஆசை இருந்தது. மறுநாள் தரிசனத்திற்குச் செல்லத் திட்டமிட்டிருந்தோம்.

சென்ற அன்று மாலைப்பொழுதில் பனிப்பொழிவு ஆரம்பித்திருந்தது. ஆரம்பத்தில் பனிப்பொழிவு பஞ்சுப்பொதிபோல் தான் இருக்கும். தொட்டால் நீர் ஒட்டாது. கால் வைத்தால் பஞ்சுப்பொதியில் கால் வைத்தது போலவே ம்ருதுவாக இருக்கும். மறுநாள் காலை வரை பனிப்பொழிவு கடுமையாகத் தொடரவில்லையென்றால் மலைமேல் உள்ள கோவிலுக்குப் போக இயலும் என நண்பர்கள் சொல்லியிருந்தனர். ஆசை நிராசையாகி விடக்கூடாதே கடவுளே எனத்தொழுது உறங்கினேன்.

sankaracharya-temple-srinagarபகவத் சங்கல்பம் முன்னிரவிலேயே பனிப்பொழிவு நின்றிருக்க வேண்டும் போலும். மறுநாள் காலை சூர்யோதயம் சற்று தாமதமாக இருப்பினும் குளிருடன் பளிச்சென வெயில்.

எனவே திட்டமிட்ட படி கோவிலுக்குப் பயணித்தோம். ஆங்காங்கு முந்தைய இரவில் விழுந்த பனித்துளிகள். கோபாத்ரி பர்வதம் என்ற ஒரு சிறு குன்றின் மீது ஆலயம். எழுந்தருளியுள்ள பெருமான் ஜ்யேஷ்டேச்வரர். ஆதிசங்கரரின் காஷ்மீர விஜயத்தின் போது இக்கோவிலில் தர்சனம் செய்ததாக ஐதிஹ்யம். ஆதலால் கோவிலை சங்கராசார்ய மந்திர் என்றே இன்று அழைக்கின்றனர். மனது நிறைய ஆதிசங்கரரையும் சங்கராசார்ய ஸ்வாமிகளையும் த்யானித்துக்கொண்டு விநாயகர் அகவல் சொல்லிக்கொண்டே குன்றின் மீது ஏறினேன். காஷ்மீர சைவத்தின் முன்னோடி அபிநவ குப்தர் என்ற சைவாசார்யர். அவரையும் மனதால் வணங்கினேன்.

மலையுச்சியில் கோவில். லிங்கத் திருமேனி. வழிபாடு செய்தபின் திருப்புகழமுதத்தை ஸ்வாமி சன்னதியில் ஸ்மரித்தேன். கயிலையம்பதிக்கருகேயுள்ள ஆலயமல்லவா.

புமியதனிற் ப்ரபுவான
புகலியில்வித்தகர் போல

அமிர்தகவித் தொடைபாட
அடிமைதனக்கருள்வாயே

சமரிலெதிர்த்தசுர்மாளத்
தனியயில்விட்டருள்வோனே

நமசிவயப் பொருளானே
ரஜதகிரிப்பெருமாளே.

உலகமே ப்ரளயத்தில் அழியும் சமயத்திலும் அழியாப் புகலியெனும் சீகாழிப்பதியில் அவதரித்த புவியிற் பெரும் ப்ரபுவான திருஞான சம்பந்தப் பெருமானைப் போல மரணமிலாப் பெருவாழ்வைத்தரவல்ல தேவாரப் பாடல்களைப் போல பாடுவதற்கு இந்த அடிமைக்குத் திருவருள் புரிவாயாக என வள்ளல் அருணகிரிப்பெருமான் கயிலைமலைப் பெருமானை இறைஞ்சுகிறார்.

சமர்புரிந்த சூரன் மாள வேலாயுதத்தை ஏவி அருளியவனே; “நம: சிவாய” என்ற ஐந்தெழுத்து மந்திரப்பொருளானவனே ரஜதகிரியெனும் வெள்ளியங்கிரியிலேகிய பெருமாளே என ஸ்துதி செய்கிறார்.

மாதவீய சங்கர திக்விஜயத்தின் கடைசீ சர்க்கமான பதினாறாவது சர்க்கத்தில் ஆதிசங்கரரின் காஷ்மீர விஜயம் விவரிக்கப்படுவதால் சுருக்கமாக அச்சர்க்கத்தை மட்டும் வாசித்தேன். காஷ்மீரத்தில் சங்கரரின் ஸர்வக்ஞ பீடாரோஹணம் (ஸர்வக்ஞ பீடமேகியது) பற்றி இச்சர்க்கம் விவரிக்கிறது. (காஞ்சீபுரத்தில் சங்கரர் ஸர்வக்ஞ பீடமேகியதாய் பிறிதான வேறு சங்கர விஜயத்தில் குறிப்புள்ளது.) ஸர்வவக்ஞ பீடம் :- பலகலைகளை கசடறக் கற்றவர் அமரத்தக்க பீடம்.

ஸர்வக்ஞ பீடம் மற்றும் ஸர்வக்ஞ பீடமேகியது போன்ற ச்லோகங்கள் ச்லோக சாரத்துடன் கீழே கொடுக்கப்பட்டுள்ளன.

द्वारैर्युक्तम् माण्डपैः तच्चतुर्भिः देव्या गेहं यत्र सर्वज्ञपीठम् ।
यत्राऽऽरोहे सर्ववित्सज्जनानां नान्ये सर्वे यत्प्रवेष्टुं क्षमन्ते ॥

த்3வாரைர்யுக்தம் மாண்ட3பை: தச்சதுர்பி:4 தே3வ்யா கே3ஹம் யத்ர ஸர்வக்ஞபீட2ம்
யத்ரா(ऽऽ)ரோஹே ஸர்வவித் ஸஜ்ஜனானாம் நான்யே ஸர்வே யத்ப்ரவேஷ்டும் க்ஷமந்தே. (16-56)

அங்கு நான்கு வாயில்களுள்ள மண்டபம் அமைந்த “ஸர்வக்ஞ பீடம்” தேவியின் ஸ்தானமாக விளங்குகின்றது. அதன்மீது அமருவதற்கு சான்றோர்களில் ஸர்வக்ஞராக உள்ளவரைத்தவிர மற்றவருக்கு வாய்ப்பில்லை.

इत्थं निरुत्तरपदां स विधाय देवीं सर्वज्ञपीठमधिरुह्य ननन्द सभ्यः ।
सम्मानितोऽभवदसौ विबुधैश्च वाण्या गार्ग्या कहोलमुखरैरिव याज्ञवल्क्यः ॥

இத்த2ம் நிருத்தரபதாம் ஸ விதா4ய தே3வீம் ஸர்வக்ஞ பீட2மதி4ருஹ்ய நநந்த ஸப்4ய:
ஸம்மானிதோ(s)ப4வதஸௌ விபு3தை4ஸ்ச வாண்யா கா3ர்க்3யா கஹோலமுக2ரை: இவ யாக்ஞவல்க்ய: (16-87)

Shankaracharya_Temple_srinagar(ந்யாய, வைசேஷிக, பௌத்த, ஜைன, பூர்வமீமாம்சா சமயங்களைச் சார்ந்த பெரியோர்கள் ஆதிசங்கரரை பரீக்ஷை செய்த பின்பு) ஸரஸ்வதி தேவியும் அவரை பரீக்ஷை செய்ததில் கேழ்விகளுக்கு சரியான பதிலுறைத்தமையால் ஆதிசங்கரர் ஸர்வக்ஞ பீடத்தில் அமர்ந்தார். யாக்ஞவல்க்ய முனிவர் ஆத்மஞானத்தின் மாண்பை எடுத்துறைத்தமைக்காக கஹோலர் முதலிய முனிவர்களாலும் கார்கியினாலும் புகழப்பட்டதுபோல் ஸர்வக்ஞபீடத்தில் அமர்ந்த ஆதிசங்கரர் வித்வான் களாலும் தேவர்களாலும் பூஜிக்கப்பட்டார்.

*****

ஒரு க்ஷணம் இக்கோவில் தான் ஸர்வக்ஞ பீட ஸ்தலமோ எனத் தோன்றியது. அக்கம் பக்கத்தில் உள்ள ASI (archaeological survey of india) பலகைகளை வாசிக்கையில் அம்மாதிரிக்குறிப்பேதும் காணக்கிட்டவில்லை. ஆனால் ஆதிசங்கரர் இக்கோவிலுக்கு வருகை தந்தமை பதியப்பட்டிருந்தது. அப்படியானால் அந்த ஸர்வக்ஞ பீட ஸ்தலம் எங்கிருக்க வேண்டும்? அருகாமையில் எங்கும் இருக்குமா என வினா எழுந்தது. நண்பர்களில் பஞ்சாபியர், உ.பி மற்றும் வங்காள ப்ரதேசங்களைச் சார்ந்தவர் யாருக்கும் ஏதும் தெரிந்திருக்கவில்லை. உள்ளூர் கஷ்மீரிகளும் எனது சம்சயத்திற்குச் சரியான சமாதானம் அளிக்கவில்லை.

Pattan Temple
Pattan Temple

அங்கிருந்து பின்னர் பட்டன் (Pattan), பாராமுல்லா (Baramulla) வழியே ஸலாமாபாதுக்கு செல்வது பயணத்திட்டம்.

தேசிய நெடுஞ்சாலை 1A வில் (ஸ்ரீ நகர் – பாராமுல்லா மார்க்கத்தில்) பட்டன் நகரத்தில் ASI யால் புனரமைக்கப்பட்டு கம்பிவேலியிடப்பட்ட ஆலயச்சிதைவுகளைக் காணலாம்.

அதே போல் ஸலாமாபாதிற்குச் சற்றே பின்னால் ஊரி (Uri) யில் தாதா மந்திர் (Data mandir) என்றழைக்கப்படும் ஆலயம். இதுவும் ASI யால் புனர்நிர்மாணம் செய்யப்பட்டு பாதுகாக்கப்படுகிறது. தேசிய நெடுஞ்சாலையில் உள்ளது. சாலையின் இடப்புறத்தில் ஆலயம். வலப்புறத்தில் ஜீலம் நதி (விதஸ்த நதி – ராஜதரங்கிணி). தாதா ஆலயம் ராணுவ வீரர்களின் கண்காணிப்பில் உள்ளது.

சாலையின் இடப்புறத்தில் நுழைவாயில். வாயிலிலிருந்து கீழிறங்கினால் சுற்றிலும் புல்வெளி. சீராகச்செதுக்கப்பட்ட புல்வெளி. வலப்புறத்தில் ஓரிரண்டு பீடங்கள். அதன்மேல் சிவலிங்கங்கள். இயன்ற போது அங்குள்ள ராணுவ வீரர்கள் அவற்றுக்கு அபிஷேகம் செய்வதாய் கூறினர். வாயிலிலிருந்து செல்லும் நடைபாதை முடிகையில் படிகளேறிச்சென்றால் கர்ப்ப க்ருஹம். கர்ப்ப க்ருஹத்தில் மூர்த்தி இல்லை. சிவன், துர்க்கை, ராமர், அனுமன் போன்று கடவுளர்களின் படங்கள் உள்ளது. சிவாலயம் என்று மேற்கொண்டு விசாரிக்கையில் தெரிந்தது.

Data Mandir, Uri
Data Mandir, Uri

ராணுவ வீரர்களே அவ்வப்போது ஹனுமான் சாலிஸா போன்று ஸ்தோத்ரங்கள் சொல்லி தங்களுக்குத் தெரிந்தபடி வழிபாடு செய்கிறார்கள். அவர்களே கற்கண்டு ப்ரசாதம் கொடுத்தார்கள். கோவிலின் இடப்புறத்தில் பெரும் பானை ஒன்று புதைக்கப்பட்டுள்ளது. பெருமளவிற்கு நீரால் நிரப்பப்பட்டுள்ளது. அருகில் ஒரு இரும்பு சட்டமுள்ளது. ராணுவ வீரர் ஒருவர் சட்டத்தை நீரில் துளைத்து ஆழத்தைக் காண்பித்தார். கிட்டத்தட்ட நாலு நாலரை அடி ஆழம். பாண்டவர் வனவாசத்தில் பீமசேனன் அருகில் இருந்த நதியிலிருந்து இப்பானையில் நீரெடுத்து சிவ பெருமானுக்கு அபிஷேகம் செய்ததாய் செவி வழிச்செய்தி என்று சொன்னார். பீமசேனனால் தூக்க முடிந்த பானை தான் என நினைத்தேன். பாண்டவ வனவாசத்துடன் சம்பந்தப்பட்ட சிவாலயம் என்பது புரிந்தது. த்ராவிட ப்ரதேசங்களில் உள்ள ஆலயங்கள் போல் முற்றும் கற்றளி. ஆனால் குறைவான சிற்ப வேலைப்பாடுகள்.

மேற்கொண்டு பயணித்து ஸலாமாபாத் எல்லைப்பகுதி.

எப்படி பஞ்சாப் மாகாணத்தில் வாகா எல்லை உள்ளதோ அது போலவே இங்கும் (ஸலாமாபாதில்) கமான் போஸ்ட் (Kamaan Border Post ) என்றழைக்கப்படும் எல்லைப்பகுதி உள்ளது. எல்லையில் அமன்சேது (கமான் சேது) என்ற பாலம். பாலத்தின் ஒருபுறம் ஹிந்துஸ்தானம். மறுபுறத்திற்கு அப்பால் முஸஃப்பராபாத் (Muzaffarabad) நகரம். இன்று பாக்கிஸ்தானத்து ஆளுமையில் உள்ளது.

AMAN SETHU 3வாகா எல்லைப்பகுதியில் தினமும் மாலையில் நிகழும் ராணுவ / துணைராணுவ வீரர்களின் அணிவகுப்பு போன்ற சம்ப்ரதாயங்கள் இங்கு கிடையாது. அமைதிக் காலங்களில் வ்யாபாரத்திற்கு ஏதுவாக லாரிகளில் போக்கு வரத்து அனுமதிக்கப்படுகிறது. விசா அனுமதியுடன் கஷ்மீரிகள் எல்லைக்கு இருபுறமும் சென்று வர இருநாடுகளிடையே ஒப்பந்தம் உள்ளது. தினப்படி ஹிந்துஸ்தானத்திலிருந்து ஒரு நாற்பது ஐம்பது லாரிகளில் சாமான் கள் அப்பால் செல்லுகின்றன. அது போல் அப்பாலிருந்து ஒரு பத்துப் பதினைந்து லாரிகளில் சாமான் கள் வருகின்றன. இந்த போக்கு வரத்திற்கு முன் நம் பகுதியிலிருந்து ராணுவ வீரர்கள் பாலத்தின் மத்திக்கு செல்கின்றனர். அது போல் அப்பாலிருந்து ராணுவ வீரர்கள் பாலத்தின் மத்திக்கு வருகின்றனர். இருவரும் கைகுலுக்கி ஒருவரை ஒருவர் வந்தனம் செய்த பிறகு பாலம் திறக்கிறது. முதலில் நம் லாரிகள் அப்பால் செல்கின்றன. பின்னர் அப்பாலிருந்து லாரிகள் இங்கு வருகின்றன.

PAKISTANI TRUCK 1

நமது லாரிகளின் வடிவமைப்பிலிருந்து அப்பாலிருந்து வரும் லாரிகளின் வடிவமைப்பின் அழகு சொல்லத்தகுந்தது. அப்பப்பா. என்ன அழகாக லாரிகளை வடிவமைக்கின்றனர். லாரியின் மேற்கூரை கிட்டத்தட்ட ஒரு படகு போல் காட்சியளிக்கும். லாரியின் நாற்புறமும் மயில் குயில் அன்னபக்ஷி போன்றுபல வேலைப்பாடுகள். ஓட்டுனருக்கு இருபுறமும் இருக்கும் கதவுகள் வீட்டுக்கதவுகளை விட மிக நேர்த்தியாக அலங்கரிக்கப்பட்டிருப்பதைக் காண முடிந்தது.

PAKISTANI TRUCK 3

அடிப்படை வாத இஸ்லாத்தில் சித்திரம், இசை போன்ற நுண்கலைகள் ஏற்கத்தகுந்தவையா அல்லவாஎன்பது பற்றி மாறுபட்ட கருத்துக்கள் உண்டு. ஆனால் எல்லைக்கு அப்பால் மக்களின் வாழ்க்கையில் கலையுணர்வின் தாக்கம் மிக ஆழமாகப் பதிந்துள்ளமை நன்கு தெரிய வருகிறது. மதவெறியால் விளைந்த தேசப்பிரிவினை என்ற செயற்கைப்பிளவிற்குப் பின்னும் தகர்க்க இயலாத பண்பாட்டுக்கூறோ கலையுணர்வு எனத்தோன்றியது. பெரும்பாலும் ஆப்பிள், பேரிச்சம்பழம், த்ராக்ஷை மற்றும் நம் பக்கத்து சாத்துக்குடி போன்று இருக்கும் ‘கின்னு’ என்ற ஆரஞ்சுப்பழம் போன்ற பற்பல பொருட்கள் அப்பாலிருந்து வருகிறது.

சியாச்சின் (Siachin) பகுதியில் நம் ராணுவ வீரர்கள் மலையின் மேற்பகுதியில். ஆனால் இங்கு எல்லைக்கு அப்பால் உள்ள பர்வதத்தில் மலை மேலே அவர்களது ராணுவ வீரர்கள். தூரத்தில் மேலே மிகவும் சிறிதாக பங்கர்கள் (Bunkers) தெரிகின்றன. கீழே நமது ராணுவ வீரர்கள். ஜீலம் (விதஸ்த) நதி எல்லையைப் பிரிக்கிறது. கூப்பிடு தூரத்தில் எதிர்ப்புறத்து க்ராமங்கள். அங்கு தெரியும் சஹோதர முகங்கள். எல்லைப்புறமாதலால் முன் அனுமதியுடன் மட்டும் எல்லை வரை (பாலத்தின் விளிம்பு வரை) செல்ல இயலும்.

கமான் சேது பாலம் செல்லும் வழியில் வலது புறம் Immigration checking Center (மாற்று நாட்டவர் ஆவண சரிபார்ப்பு மையம்).. முஸஃப்பராபாதிலிருந்து வரும் சஹோதர சஹோதரிகளின் ப்ரயாண, விசா ஆவணங்கள் சரிபார்க்கப்பட்டு அவர்கள் நாட்டு ரூபாய்க்குப் பதிலாக ஹிந்துஸ்தானிய ரூபாய் மாற்றிக் கொடுக்கப்பட்டு இவர்கள் ஹிந்துஸ்தான எல்லையில் அனுமதிக்கப்படுகிறார்கள். இதே போன்று ஹிந்துஸ்தானத்திலிருந்து அப்பால் செல்லும் பயணிகளுக்கும். இவையெல்லாம் அமைதிக்காலங்களில். எதிரி ராணுவம் எப்போது Firing (துப்பாக்கி கொண்டு தாக்குதல்) அல்லது shelling (பீரங்கி மூலம் குண்டு வீச்சு) செய்யும் என சொல்ல இயலாது. அவ்வாறு Firing / shelling செய்ததில் சேதமான இடங்களைக் காண முடிகிறது.

இடதுபுறத்தே ஒரு இஸ்லாமிய ஸூஃபி மஹானின் மஸார் (mazaar) (சமாதி – தர்க்காஹ்).

ஜ்யேஷ்டேச்வரர், ஆதிசங்கரர், சாரதை, ஸர்வக்ஞபீடம் – இவற்றிலிருந்து எங்கோ சென்று விட்டேன். க்ஷமிக்கவும்.

இப்பகுதிகளை வ்யாசத்தில் பின்னர் நினைவு கூர வேண்டும். அதன் படிக்கு சில விபரங்கள் பகிரப்பட்டன. பல இடங்களின் பெயர்களும் பகிரப்பட்டுள்ளன அல்லவா? அவற்றை பூகோள ரீதியாக அறிந்துகொள்ள வரைபடங்களும் கொடுக்கப்பட்டுள்ளது. அதைப்பார்க்கையில் இடங்கள் பற்றி மேலதிகத் தெளிவு கிட்டும்.

ஸலாமாபாதிலிருந்து பின்னர் மீண்டும் பாராமுல்லா (Baramulla), சோபோர் (Sopore), வட்லப் (Wutlub) , பாண்டிபோரா (Bandipora) வந்து அங்கிருந்து ஸ்ரீ நகர் வந்து சேரும் படி பயணத்திட்டம். கிட்டத்தட்ட ஸ்ரீ நகரத்தில் ஆரம்பித்து ப்ரதக்ஷிணமாக காஷ்மீரத்தை வலம் வந்தது போன்று ஒரு பயணம். இப்பயணங்களினூடே ஆதிசங்கரர் ஏகிய ஸர்வக்ஞ பீடம் எங்கிருக்கும் என்ற வினாவும் கூட நினைவில் ஒரு பகுதியில் அகலகில்லேன் என தங்கியிருந்தது.

இந்த முதல் தரிசனத்திற்குப் பின் பலப்பலமுறை இங்கெல்லாம் ஆலய தரிசனம் செய்துள்ளேன். பல கஷ்மீரி நண்பர்களிடம் என் சம்சயத்தை பகிர்ந்துள்ளேன். ஆனால் சரியான சமாதானம் மட்டும் கிட்டவில்லை. என் தேடல் மட்டும் தொடர்ந்து கொண்டிருந்தது.

******

விடை கிட்டியதென்னவோ இணையத் தேடலின் மூலம் தான், இந்த சுட்டியின் வாயிலாக.

ஸ்ரீமான் அயாஸ் ரஸூல் நஸ்கி (Ayaz Rasool Naski) என்ற இஸ்லாமியப்பெருந்தகை சாரதா பீடத்திற்குச் சென்று வர வேண்டும் எனத் தணியாத ஆசை கொண்டிருந்தார். அது நிறைவேறியதை, “In search of Roots” என ஒரு வ்யாசமாக எழுதியுள்ளார். அந்த வ்யாசம் காஷ்மீர பண்டிதர்களின் “PRAZNATH” – ப்ரஸ்நத் (Identity) என்ற காலாண்டுக்கு ஒருமுறை வெளிவரும் பத்திரிகையில் july – sep 2010 இதழில் வெளி வந்துள்ளது. ஸ்ரீ ஆர்.நடராஜன் என்ற அன்பர் இந்த வ்யாசத்தை “வேர்களைத் தேடி” என்ற தலைப்பில் தமிழாக்கம் செய்துள்ளார். மிகவும் சுவையான மற்றும் தெளிவான தமிழாக்கம். இந்த தமிழாக்கம் காமகோடி இணைய தளத்தில் மேற்கண்ட சுட்டியில் காணக்கிட்டும்.

ஏழு பக்கங்களில் உள்ள இந்த வ்யாசத்தில் மூன்று பகுதிகள்.

முதன்மையாக ஸ்ரீ அயாஸ் ரஸூல் நஸ்கி அவர்கள் தன் குடும்பப் பின்னணி பற்றிச் சொல்கிறார்.
பின்னர் தனக்குத் தங்கள் மூதாதையரின் முக்யமான ஸ்தலமான சாரதா பீடம் செல்ல வேண்டும் என்ற தாகமெழுந்ததையும் அதற்கு அவர் எடுத்த முயற்சிகளும் – அம்முயற்சிகளில் முதலில் அவருக்குக் கிட்டிய தோல்விகளும் பின்னர் அந்த ஸ்தலத்தை அவர் அடைந்ததும் அதைப் பார்க்க நேர்ந்த அனுபவமும்.
கடைசியாக சாரதா பீடத்தின் கட்டுமான அமைப்பு பற்றிய தகவல்கள்.

இங்கு கொடுக்கப்பட்டிருக்கும் பயணத்தடத்தில் இருக்கும் நகரங்களில் உள்ள பண்பாட்டுச்சுவடுகளின் இன்றைய நிலை மற்றும் பூகோளத் தகவல்களை வாசித்த பின் அம்மொழியாக்கத்தை வாசிக்கையில் நிச்சயமாக மனதளவில் ஸ்ரீ நஸ்கி சாஹேப் அவர்களுடன் சாரதா பீடம் சென்று வரும் ஒரு மன நிறைவு கிட்டும்.

ஸ்ரீ நஸ்கி சாஹேப் அவர்களது வ்யாசத்தின் சுருக்கமும் முக்யமாக நமது கருப்பொருள் சார்ந்த பகுதிகளும் இங்கு பகிரப்படுகிறது. அதனை அடுத்த பகுதியில் பார்க்கலாம்.

(தொடரும்)

** நகரங்கள் மற்றும் சொல்லப்படும் இடங்களின் பெயர்களை அதனுடைய சரியான உச்சரிப்புப் படி கொடுக்க முனைந்துள்ளேன். மாகாணத்தின் பெயர் ஜம்மு & கஷ்மீர். தக்ஷிண பாரதத்தில் cash meer என்று உச்சரிக்கிறோம். காஷ்மீரம் என்று சம்ஸ்க்ருதத்தில் வழங்கப்படுகிறது. கொஷூர் மற்றும் கஷீர் என்றும் கஷ்மீரி மொழியில் உண்டு. காஷ்மீரம் என்பதும் அங்கு வழக்கத்தில் உள்ளது. தூர்தர்ஷனின் கஷ்மீரி நிகழ்ச்சிகள் DD கஷீர் என்ற தொலைக்காட்சி சேனலில் ஒளிபரப்பாகிறது. கொஷூர் சமாசார் பத்ரிகா என்று கஷ்மீரிகளின் செய்திப்பத்திரிக்கை புழங்குகிறது.

காஷ்மீர் விவகாரமும் ஒமர் அப்துல்லாவும்

ஆழ்ந்த உறக்கத்தில் இருந்த காஷ்மீர் விவகாரம் மீண்டும் விஸ்வரூபம் எடுக்கும் சூழ்நிலைக்கு தள்ளப்பட்டுள்ளது. 25.3.2013ந் தேதி காஷ்மீர் சட்ட மன்றத்தில் மாநில முதல்வர் ஒமர் அப்துல்லா, டெல்லி காவல் துறையினர் கைது செய்த ஹிஸ்-புல்-முஜாஹிதீன் (Hizb-ul-Mujahideen ) அமைப்பைச் சார்ந்த தற்கொலை படையின் பொறுப்பாளரான லியாகத் ஷா (Liaquat Shah ) என்பவனை டெல்லி காவல்துறையினர் கைது செய்த விவகாரத்தில், மாநில அரசுக்கும், டெல்லி காவல்துறையினரும் இடையே நடக்கும் அதிகார போட்டியின் காரணமாக சில முக்கியமான கருத்துக்களை சட்ட மன்றத்தில் தெரிவித்துள்ளார். மாநில முதல்வரின் கருத்து இந்தியா இறையான்மைக்கு எதிரான கருத்தாக தெரிவதால் இக் கட்டுரை எழுத வேண்டிய நிலை ஏற்பட்டது.  சட்ட மன்றத்தில் மூன்று முக்கியமான கருத்தை மாநில முதல்வர் தெரிவித்துள்ளார்.
omar01
அப்சல் குரு ஜனநாயகத்தின் கோவில் மீது தாக்குதலை நடத்தியுள்ளார்.  ஆனால் ராஜீவ் காந்தி மீது நடத்திய தாக்குதல் அல்லது பஞ்சாப் முதல்வர் பியாந்த் சிங் மீது நடத்திய தாக்குதல் ஜனநாயகத்தின் மீது நடத்தப்பட்ட தாக்குதல் இல்லையா?  (Afzal Guru had attacked the temple of democracy.  Was not the attack on Rajiv Gandhi or the one  on the Punjab Chief Minister (Beant Singh) an attack on democracy ) இவர்களை தாக்கியவர்கள் மீது ஏன் நடவடிக்கை எடுக்கவில்லை.   அப்பாவி பொது மக்களை கொன்று குவித்த, சந்தன கடத்தல் வீரப்பன் மற்றும் அவனது கூட்டாளி அனைவருக்கும் , அனைத்து சட்ட உதவிகளும் எல்லா நிலைகளிலும் கிடைத்தன. ஆனால் அப்சல் குருவிற்கு கிடைவில்லை. (forest brigand Veerappan and others of his gang were also involved in innocent civilian killings. Yet they were allowed to use every legal recourse in their defence)  1971லிருந்து காஷ்மீரில் அரசியல் பிரச்னை ஏற்பட்டுள்ளது. இதன் காரணமாக கொண்டு வரப்பட்ட ராணுவத்திற்கு  என கொடுக்கபட்டுள்ள தனி அதிகாரத்தை ரத்து செய்ய வேண்டும் என தொடர்ச்சியாக குரல் கொடுத்தாலும், அச்சட்டத்தை ரத்து செய்ய மத்திய அரசு மறுக்கிறது. (Political issue since 1971 While reiterating hid demand of revocation of the Armed Forces Special Powers Act.   ) என்ற குற்றச்சாட்டுகளை சுமத்தியுள்ளார்.  இதன் மூலம் காஷ்மீர் முதல்வர் இஸ்லாமியப் பயங்கரவாதிகளுக்கு ஆதரவாக செயல்படுகிறார் என்ற குற்றச்சாட்டை முன் வைக்கலாம்,
ஆயுதமற்ற காவல் படையினரை அடித்தே கொல்லும் இஸ்லாமிய வெறியர்கள்
ஆயுதமற்ற காவல் படையினரை அடித்தே கொல்லும் இஸ்லாமிய வெறியர்கள்
அப்சல் குரு பாராளுமன்ற கட்டிடத்தை தாக்கிய வழக்கில் முக்கிய குற்றவாளி என்பதை மறந்து விடக் கூடாது.  2001 டிசம்பர் மாதம் 13ந் தேதி பாராளுமன்ற வளாகத்தில் பாதுகாப்பு பணியில் இருந்த காவலர்கள் தடுக்க தவறியிருந்தால், பல மூத்த தலைவர்களும், பாராளுமன்ற உறுப்பினர்களும் இறந்திருப்பார்கள் என்பதை கூட ஒமர் அப்துல்லா நினைத்து பார்க்க வில்லை.  ராஜீவ் காந்தி கொலை செய்த குற்றவாளிகளுக்கும், பஞ்சாப் முதல்வர் பியாந் சிங்கை கொன்ற கொலைகாரர்களுக்கும் தூக்கு தண்டனை விதிக்கப்பட்ட பின்னும் ஏன் இன்னும் தூக்கிலிடவில்லை என கேட்பது ஒரு முதல்வருக்கு தகுதியானதா என்பதை நினைத்து பார்க்க வேண்டும். உச்ச நீதி மன்ற தீர்ப்பிற்கு பின் குடியரசு தலைவரிடம்  கருணை மனுப் போட்டு, தள்ளுபடி செய்த பின் தண்டனை நிறைவேறியது.  மேலும் பயங்கரவாதி அப்சல் குருவிற்கு வக்காலத்து வாங்கும் செயலை ஒரு முதல்வரே செய்வது, மாநிலத்தில் மேலும் பயங்கரவாதிகளை ஊக்குவிக்கும் என்பதை மறந்து விட்டார்.  26.9.2011-ல் ஜம்மு – காஷ்மீர் சட்டமன்றத்தில் அப்சல் குருவிற்கு கருணை காட்ட வேண்டும் என்று சுயாட்சி உறுப்பினர் ஷேக் அப்துல் ரஷீத் கொண்டு வந்த தீர்மானத்திற்கு ஆளும் கட்சியும், எதிர் கட்சியும் ஆதரவு கொடுத்தது ஏன் என்று புரியவில்லை.  பாராளுமன்றத்தை தாக்கிய குற்றவாளி அப்சல் குருவிற்கு, காஷ்மீர் சட்ட மன்றத்தில் ஷாகிப் என்ற அடைமொழி கொடுத்து அழைக்க வேண்டிய அவசியம் ஏன் ஏற்பட்டது.  அப்சல் குருவை தூக்கிலிட்டது அரசியல் காரணங்களுக்காக என வாதாடும் இவர்கள், சட்டமன்றத்திலேலே ஒரு பயங்கரவாதிக்கு மரியாதை கொடுக்கும் விதமாக ஷாகிப் என்ற அடைமொழியை கொடுத்ததும் அரசியல் சிந்து விளையாட்டுதான்.
அமைதியாக இருப்பதாக ஓமர் சொல்லும் காஷ்மீர அப்பாவி முஸ்லீம்கள்
அமைதியாக இருப்பதாக ஓமர் சொல்லும் காஷ்மீர அப்பாவி முஸ்லீம்கள்

காஷ்மீர் சட்ட மன்றத்தில் ஒமர் அப்துல்லா முதல்வராக பொறுப்பு ஏற்ற பின் தொடர்ச்சியாக பிரிவினைவாதிகளுக்கும், பயங்கரவாதிகளுக்கும்  ஆதரவாகவே குரல் கொடுத்துக் கொண்டிருக்கிறார்.  2010-ல் முதல்வர் ஒமர் அப்துல்லா சட்ட மன்றத்திலேயே காஷ்மீர் இந்தியாவுடன் இணைந்தததை ஏற்றுக் கொள்ள இயலாது என்பது போல் பேசினார் (Challenge the accession of the state with India )  அப்சல் குருவிற்கு தூக்கு தண்டனையிலிருந்து காப்பாற்றுவதில் தான் தோல்வியடைந்ததாகவும் சட்ட மன்றத்தில் பேசியுள்ளார்.  ஆகவே அப்சல் குருவின் செயல்பாட்டை ஆதரிக்கும் விதமாக செயல்படுவது ஒமர் அப்துல்லாவின் வழக்கமான ஒன்றாகும். இரண்டாவது, சந்தன கடத்தல் வீரப்பனை அப்சல் குருவுடன் ஒப்பிட்டு பேசுவது சரியானது கிடையாது.  சந்தன கடத்தல் வீரப்பன்  தன்னையும், தனது குடும்பத்தினரையும் பழிவாங்கிய காவல் துறையினரை மட்டுமே கொலை செய்ததும், அவனது குடும்பத்தை சீர்குழைய செய்தவர்களை பழிவாங்கியது தான் அவனது செயலாகும்.  ஆனால் அவனது செயலுக்கு எவரும் அங்கீகாரம் கொடுக்க வில்லை , சட்ட மன்றத்தில் அவனுக்காக கருணை காட்ட தீர்மானம் நிறைவேற்றவில்லை என்பது மட்டுமில்லாமல் அவன் மீது பல வழக்குகள் நீதி மன்றத்தில் உள்ளது.  என்கவுன்டர் மூலமாக வீரப்பன் கொல்லப்பட்டான் என்பதை ஒமர் அப்துல்லாவிற்கு தெரியாது, அதற்காக பாராளுமன்ற கட்டிடத்தை தாக்கிய அப்சல் குருவின் செயல்பாட்டை, சந்தன கடத்தல் வீரப்பனுடன் ஒப்பிடுவது ஒரு முதல்வருக்கு அழகல்ல.   இந்த நாட்டின் ஆன்மாவின் மீது நடத்திய தாக்குதல், பாகிஸ்தானின் ஐ.எஸ்.ஐ. லஷ்கர்-இ-தொய்பா போன்ற பயங்கரவாத அமைப்புகளுக்கு உதவி செய்தவன் என்பதும். நீதி மன்றத்தின் மூலமாக பல் வேறு வழிகளில் நாடாளுமன்றத்தை தாக்க உதவி செய்தவன் என்ற குற்றச்சாட்டு;ம் நீருபிக்கப்பட்டுள்ளது.  இறுதியாக தீர்ப்பிற்கு பின் குடியரசுத் தலைவரின் கருணை மனு நிராகரித்த பின்னர் தான்; தண்டனை நிறைவேற்றப்பட்டது என்பதை மறந்து விடக் கூடாது.

ஹிஸ்புல் பயங்கரவாதி லியாகத் ஷா
ஹிஸ்புல் பயங்கரவாதி லியாகத் ஷா

மூன்றாவதாக  ஹிஸ்-புல்-முஜாஹிதீன் அமைப்பைச் சார்ந்த தற்கொலை பிரிவின் பொறுப்பாளர் லியகத் ஷா என்பவன் கைது விவகாரத்தில், ஒமர் அப்துல்லா வக்காலத்து வாங்கியுள்ளார்.  இந்த தீவிரவாதி ஹோலி பண்டிகையின் போது டெல்லியில் பயங்கரவாத தாக்குதல் நடத்த ஊடுருவியதாக கிடைத்த தகவலின் அடிப்படையில் டெல்லி காவல் துறையினர் இந்திய நேபாள எல்லையில் உள்ள கோரக்பூரில் கைது செய்யப்பட்டான்.  கைது செய்த போது அவன் கொடுத்த தகவலின் அடிப்படையில் டெல்லியில் சோதனை நடத்திய போது ஆயுதங்கள் கைப்பற்றப்பட்டன. இந்தக் ஆயுதங்கள் ஹோலி பண்டிகையின் போது டெல்லியில் தற்கொலை படை தாக்குதல் நடத்துவதற்கு என்பதும் தெரியவந்தது.  ஆனால் ஜம்மு-காஷ்மீர் மாநில அரசு அவன் சரணடைய வந்தவன் என கூறி வருகிறது.  பாகிஸ்தானால் கைப்பற்றப்பட்ட காஷ்மீர் பகுதியில் உள்ள பயங்கரவாதிகள் சரணடைய மாநில அரசு வேண்டுகோள் விடுத்தது, இதற்கு சம்மதம் தெரிவித்து இதுவரை எவரும் சரணடையவில்லை.  ஜம்மு-காஷ்மீர் மாநிலத்தின் சரணடைபவர்களுக்கு பாதுகாப்பும், மறுவாழ்வும் வழங்குவதாக அறிவித்த போதே நான்கு வழிகளில் அவர்கள் சரணடைய வேண்டும் என தெரிவிக்கப்பட்டது,  அதாவது, பூஞ்ச்- ராவல்கோட் (Poonch-Rawalakote), வாகா எல்லை(wagah), ஊரி- முஸபராபாத், மற்றும் டெல்லியில் உள்ள இந்திரா காந்தி சர்வதேச விமான நிலையத்திலும் சரணடையலாம் என அறிவிக்கப்பட்டது.  கடந்து இரண்டு ஆண்டுகாலமாக அறிவிக்கப்பட்ட இந்தக் வழித் தடங்களில் எவரும் சரணடையவில்லை என உள்துறை செயலாளர் திரு.ஆர்.கே.சிங் தெரிவித்துள்ளார்.  1989லிருந்தே ஹிஸ்-புல்-முஜாஹிதீன் தொடர்ந்து காஷ்மீர் மாநிலத்தை பாகிஸ்தானுடன் இணைக்க வேண்டும் என போராடி வருகிறது.

காஷ்மீர் முதல்வர் ஒமர் அப்துல்லா வக்காலத்து வாங்கும் லியகத் ஷா பாகிஸ்தான் கைப்பற்றப்பட்ட காஷ்மீர் பகுதியிலிருந்து நேபாளம் வழியாக  இந்தியாவிற்குள் நுழைந்துள்ளார்.  நேபாளத்திற்கு சென்றவுடன் பாகிஸ்தான் பாஸ்போர்ட்டை கிழித்து விட வேண்டும் என பாகிஸ்தானில் தெரிவிக்கப்பட்டது, அதை போலவே லியகத் ஷா தனது பாகிஸ்தான் பாஸ்போர்ட்டை கிழித்து விட்டார், என்றும், பாகிஸ்தான் சம்பந்தப்பட்ட அனைத்து ஆதாரங்களும் அழிக்கப்பட்டதாகவும் தகவல்கள் வந்துள்ளது என டெல்லி காவல் துறை அதிகாரி ஸ்ரீவத்ஸ்வா தெரிவித்தார் ( ஆதராம் Mjuhk; Washingtonpost. 22.3.2013)  ஆகவே சரணடைய வந்தவர் ஏன் பாகிஸ்தான் பாஸ்போர்டடை கிழித்து எறிய வேண்டும் என்பதற்கு சரியான விளக்கம் கிடையாது. 2012-ல் 1,000 பேர்கள் மறுவாழ்விற்காக விண்ணப்பித்துள்ளதாக மாநில அரசு தெரிவித்துள்ளது.  ஆனால் இவர்களில் ஒருவர் கூட சரணடைய வில்லை ஏன் என்பதற்கான காரணங்களும் தெரியவில்லை.
நான்காவதாக மாநில முதல்வர் வைத்துள்ள முக்கியமான கோரிக்கை ராணுவத்தினருக்கு கொடுக்கப்பட்டுள்ள சிறப்பு அதிகாரத்தை ரத்து செய்ய வேண்டும்.  1990-ல் இச் சட்டம் கொண்டு வரும் போது என்ன காரணங்களை கூறப்பட்டதோ, அதே காரணங்கள் இன்னும் இருக்கின்றது என்பதை மறந்து விடக் கூடாது.  1990-ல் இச் சட்டத்தை கொண்டு வரும் போது பாரத தேசத்தின் எல்லையிலிருந்து அதாவது காஷ்மீரில் உள்ள எல்லைக் கோட்டிலிருந்து (Line of Control )20 கி.மீ சுற்றுளவு பகுதிகளில் இச்சட்டம் அமுல் படுத்தப்படும் என அறிவிக்கப்பட்டது.  ஆனால் நாட்கள் நகர நகர மற்ற பகுதிகளிலும் இச் சட்டம் அமுல் படுத்தப்பட வேண்டிய சூழ்நிலை ஏற்பட்டது. இதனால் Rajouri, Poonch, Anantnag, Baramulla, Budgam, Kupwara, Pulwama, Srinagar போன்ற மாவட்டங்களிலும் இச் சட்டம் அமுல் படுத்தப்பட்டது.  மேலும் 2001-ல் ஆகஸ்ட் மாதம் மேலும் சில பகுதிகளுக்கு இச் சட்டம் அமுல் படுத்தப்பட்டது.  காஷ்மீரில் உள்ள சூழ்நிலை ஜம்முவிற்கும் பரவியதால், ஜம்முவில் உள்ள Jammu, Kathua, Udhampur, Doda   Nghd;  போன்ற சில மாவட்டங்களுக்கும் விரிவுப்படுத்தப்பட்டது.
இவ்வாறு விரிவுப்படுத்த வேண்டிய சூழ் நிலை ஏன் ஏற்பட்டது என்பதை பற்றி காஷ்மீர் சட்ட மன்றத்தில் விவாதித்திருப்பார்களா என்ற சந்தேகம் எழுகிறது. இந்த சட்டத்தை அமுல் படுத்திய பின்னர் இராணுவத்தினர் தங்களது பணியின் காரணமாக 80,000 ஏ.கே. 47 மற்றும் 56 ரக துப்பாக்கிகள் கண்டு பிடிக்கப்பட்டன, தொடர் சோதனையின் போது பயங்கரவாதிகளிடமிருந்து 1,300 மெஷின் கன் துப்பாக்கிகள், 2,000 ராக்கட் லாஞ்சர்கள், 63,000க்கு அதிகமான கையெறி குண்டுகள், 7 மில்லியன் தோட்டாக்கள் கைப்பற்றப்பட்டன.  இவைகளை கண்டு பிடிக்கும் நடந்த சண்டையில் 5,108 ராணுவத்தினர் பலியானார்கள், 20,000க்கு மேற்பட்ட பயங்கரவாதிகள் கொல்லப்பட்டார்கள்.  ஆகவே நிலைமை இவ்வாறு இருக்க் இந்த சட்டத்தை ரத்து செய்ய வேண்டும் என்று கோருவது சரியானது தானா என்பதை சிந்தித்து பார்க்க வேண்டும்.
தலை வெட்டி கொல்லப்பட்ட இளம் ராணுவ வீரரின் மனைவி கதறல்
தலை வெட்டி கொல்லப்பட்ட இளம் ராணுவ வீரரின் மனைவி கதறல்
இன்னும் காஷ்மீர் மாநிலத்தில் பயங்கரவாதிகளின் அட்டகாசங்கள் குறைந்து விடவில்லை.  4.2.2010ந் தேதி பாகிஸ்தானில் உள்ள முஸப்பரபாத்தில் அனைத்து பயங்கரவாத அமைப்பின் பொறுப்பாளர்கள் ஒன்று கூடி கடந்த 20 ஆண்டுகளாக இந்தியாவின் மீது பயங்கரவாத தாக்குதல்களை நடத்தினாலும் இன்னும் நமது நோக்கம் நிறைவேறவில்லை என்றும், இதற்காக மாற்று வழிகளை ஆய்வு செய்ய வேண்டும் என்று பேசியுள்ளார்கள. (ஆதராம் Mjuhk; seemamustafa @gmail.com ) ஒரு பத்திரிக்கைக்கு பேட்டி கொடுத்த முல்லா ஒமர் 17 டிவிசன்கள் உள்ளன, இவை நிழல் இராணுவமாக செயல்படும் என தெரிவித்துள்ளார்(reorganized his cadres into 17 divisions called the “ shadow armies” ) ஆகவே நிலைமை இவ்வாறு இருக்க எப்படி இந்த சட்டத்தை நீக்க வேண்டும் என்பது தெரியவில்லை.  காஷ்மீ;ர் மாநில சட்ட மன்றத்தில் ஒமர் அப்துல்லா பேசியது கண்டிக்க தக்கது, இனிமேலும் அவர் முதல்வர் பதவியில் நீடிப்பது இந்தியாவின் இறையான்மைக்கு பங்கம் ஏற்படும் என்பது மட்டும் உண்மையாகும். இதை தட்டிக் கேட்கும் தைரியம் மத்திய அரசுக்கும், பிரதமருக்கும் இருக்கிறதா என்பது தெரியவில்லை.

பாகிஸ்தானை நம்பக் கூடாது

சில தினங்களுக்கு முன் ஜனவரி மாதம் 8ம் தேதி பூஞ்ச் பகுதியில் எல்லைக் கட்டுபாட்டு கோட்டின் அருகே இந்தியப் பகுதியில் காவல் செய்து கொண்டிருந்த இந்தியப் படையினரைத் தாக்கி இரண்டு ஜவான்களைக் கொன்றதுடன், இருவரின் தலையையும் வெட்டி, உடலை சின்னா பின்னப்படுத்தி, ஒரு ஜவானின் தலையை தங்கள் வெற்றியின் பரிசாக எடுத்துச் சென்ற சம்பவம் இந்தியர்களின் மனதில் சொல்லொணாத் துன்பத்தை கொடுத்துள்ளது. இந்த சம்பவத்தின் மூலம் பாகிஸ்தான் மீண்டும் மீண்டும் தனது அயோக்கிய தனத்தை வெளிச்சம் போட்டுக் காட்டிக் கொண்டிருக்கிறது.

pak-beheads-indian-soldier

இந்திய அரசு வேடிக்கைப் பார்த்துக் கொண்டு தான் இருக்கிறது. 1947லிருந்து பாகிஸ்தான் பாரத நாட்டை துண்டாட முயலும் போதொல்லாம் ஓட்டுக்காக இந்திய அரசியல்வாதிகள், இஸ்லாமியர்களை தாஜா செய்யும் விதமாக, பாகிஸ்தானுக்கு பதில் கொடுப்பதாக எண்ணிக்கொண்டு அகிம்சை போதிக்கின்றார்கள். இந்தக் கட்டுரையில் பாகிஸ்தானின் நம்பகத் தன்மையை பற்றி பல்வேறு சம்பவங்களை சுட்டிக் காட்டுவதுடன், மதசார்பற்ற அரசியல்வாதிகள், இஸ்லாமியர்களின் ஓட்டுக்காக பாகிஸ்தானை சமாதானப்படுத்தும் செயல்பாடுகளையும் பாகிஸ்தானின் ஐ.எஸ்.ஐயின் ஊடுருவுல்களும் இந்தியாவின் இறையான்மைக்கு சவால் விடும் செயலாகும், எவ்வாறு பாகிஸ்;தான் இந்தியாவில் தங்களது பயங்கரவாத செயல்களை அறங்கேற்றம் செய்கிறார்கள் என்பதை சற்றே அலசுவோம்.

முந்தைய சம்பவங்கள்

1971-ல் நடந்த யுத்தத்திற்கு பின் பல முறை பாகிஸ்தான் ராணுவத்தினர் இந்திய துருப்புகள் மீது துப்பாக்கி சூடு நடத்தியுள்ளார்கள். கார்கில் போர் முடிந்து ஏழு மாதங்களுக்கு பிறகு 2000 –ம் வருடம் பிப்ரவரி மாதம் ரஜோரி மாவட்டத்தில் நௌஷேராவில் ஏழு இந்திய வீரர்கள் மீது பாகிஸ்தானின் பி.ஏ.டி.எஸ். திடீர் தாக்குதல் நடத்தி கொன்றது. 2008-ம் ஆண்டு ஜனவரி மாதம் பாகிஸ்தான் ராணுவ தளபதியாக ஜெனரல் பர்வேஸ் அஷ்பாக் கயானி (General Pervez Ashfaq Kayani) பொறுப்பு ஏற்ற பின் எல்லைக் கட்டுப்பாடு கோட்டின் அருகே நடத்தும் துப்பாக்கி சூடு சம்பவங்கள் அதிகரித்ததுள்ளது. 2009-ம் ஆண்டு குளிர்காலத்தில் நான்கு 107 மி.மீட்டர் ராக்கெட் மூலம் புல் கஞ்சரி (Pul Kanjari) எல்லைப் பகுதியில் தாக்குதல் நடத்தப்பட்டது இந்தப் பகுதி பஞ்சாப்பின் அட்டாரி கிராமத்திற்கு அருகே உள்ளது. எல்லைக் கட்டுப்பாட்டு கோட்டின் அருகே 2009-ல் 28 முறையும், 2010-ம் ஆண்டு 44 முறையும், 2011-ல் 60 முறையும், சென்ற ஆண்டு 2012-ல் 117 முறையும் பாகிஸ்தான் ராணுவத்தினர் இந்திய ராணுவத்தின் மீது நடத்திய துப்பாக்கி சூடாகும். இம்மாதிரியான துப்பாக்கி சூடு நடத்தப்படும் போதொல்லாம், இந்தியாவிற்குள் பயங்கரவாதிகள் ஊடுருவுகிறார்கள் என்று அர்த்தமாகும், ஏன் என்றால் எல்லைக் கட்டுப்பாடு கோட்டின் அருகே பணிபுரியும் ராணுவ வீரர்களின் கவனத்தை திசை திருப்பவே இந்த தாக்குதல் என முன்னாள் ராணுவ அதிகாரி தெரிவித்தார். எல்லைக் கட்டுப்பாடுக் கோட்டை தாண்டி வந்து இந்திய வீரர்களை கொல்வதற்காகவும், இந்திய வீரர்களை தாக்குவதற்காகவும் , பாகிஸ்தான் சிறப்பு சேவை குழு கமாண்டோக்கள், எல்லை அதிரடி குழுக்கள் என இரண்டு பிரிவுகளை அமைத்துள்ளது. கார்கில் போரில் சிறை பிடிக்கப்பட்டு, சித்திரவதை செய்யப்பட்டு, உடல் சின்னா பின்னமாக்கப்பட்டு, உயிரிழந்த கேப்டன் சௌரப் காலியா என்ற இளைஞர் மற்றும் அவரது சகாக்களை கொன்றதற்கு இன்னும் பாகிஸ்தான் எவ்வித பதிலும் கொடுக்கவில்லை. இந்திய அரசும் இது சம்பந்தமாக பாகிஸ்தானிடம் தனது எதிர்ப்பபை எழுத்து மூலமாக மட்டுமே காட்டியதே தவிர பாகிஸ்தான் அரசு அஞ்சும்படியான நடவடிக்கை எதுவும் எடுக்க வில்லை.

soldier-at-the-border

வெளியுறவுத் துறை அமைச்சரின் கருத்து:

இந்த சம்பவம் நடந்தவுடன் இந்திய அரசு டெல்லியில் உள்ள பாகிஸ்தானிய தூதரை அழைத்து இது தொடர்பாக கேள்விகள் எழுப்பியதாக செய்திகள் வெளிவந்தன, ஆனால் இந்திய அரசு கேட்ட கேள்விகளுக்கு பாகிஸ்தானிய தூதர் கொடுத்த பதில் என்ன என்பது எவருக்கும் தெரியாது. இதே வேளையில் இந்திய வெளியுறவுத் துறை அமைச்சாராக இருக்கும், சல்மான் குர்ஷித் உதிர்த்த முத்துக்கள்,” நடந்த சம்பவத்திற்கான நமது ரியாக்ஷன் அளவுக்கு மீறியதாக இருந்துவிடக் கூடாது.” என தெரிவித்துள்ளார். நமது நாட்டின் துரதிஷ்டம், வெளியுறவுத் துறை அமைச்சர் பயங்கரவாத செயல்களை மட்டுமே செய்துவந்த சிமி இயக்கதிற்கு 2001-ல் தடை விதித்தவுடன், உச்ச நீதிமன்றத்தில், சிமி மீதான தடையை நீக்க வேண்டும் என சிமிக்காக ஆஜரான அட்வகேட். மேலும் நாம் ஏதாவது நடவடிக்கை எடுக்க முற்பட்டால் நல்லுறவு முயற்சிகள் குலைந்து விடும் என்றும் வெளியுறவுத் துறை அமைச்சர் தனது கவலையை தெரிவித்துள்ளார். ராணுவ அமைச்சர் தெரிவித்த கருத்து பாகிஸ்தான் அச்சப்பட வைக்கும் வகையில் தெரிவிக்கவில்லை, ஆகவே இந்திய அரசு நடந்த சம்பவத்திற்க தனது கடுமையான கண்டனத்தை தெரிவிக்கும் அதே வேளையில், பாகிஸ்தான் அச்சப்பட வைக்கும் வகையில் இப்பிரச்சினையை ஐ.நா. சபைக்கு கொண்டு சென்றிருக்க வேண்டும் , நடந்த சம்பவம் குறித்த உண்மைகளை சர்வதேச சமூகத்தின் முன்பு வைக்க வேண்டும் என அருண் ஜேட்லி கூறிய கருத்து தற்போதையா உடனடி நடவடிக்கையாகும் என்பது பலரின் கருத்தாகும்.

பயங்கரவாத இயக்கத்திற்கு தொடர்பு:

லஷ்கர்-இ-தொய்பா பயங்கரவாத இயக்கத்தின் நிறுவனர் ஹபீஸ் முகமது சயீத் சம்பவம் நடந்த பகுதிக்கு வந்ததாக உள்துறை அமைச்சர் திரு ஷிண்டே கூறியது தவறான தகவல் என பாகிஸ்தான் அரசும், சயீத்தும் மறுத்துள்ளார்கள். ஆனால் 2012-ம் ஆண்டு டிசம்பர் மாதம் 16 மற்றும் 26ந் தேதி காஷ்மீரில் உள்ள பிரிவினைவாத தலைவர்கள் ஹபீஸ் முகமது சயீத்தை பாகிஸ்தானில் சந்தித்தித்துள்ளார்கள். காஷ்மீரில் உள்ள ஹூரியத் தலைவர்களான மீர்வாஸ் உமர் பரூக், பிலால் கனி லோன், பேராசிரியர் அப்துல் கனி பட், மௌல்வி அப்பாஸ் அன்சாரி, ஹசன், முஸ்டாக் அகமது வாஸா, போன்றவர்கள் லஷ்கர்-இ-தொய்பாவின் ஹபீஸ் முகமது சயீத் மற்றும் சயீத் சலாலுதீன் என்பவர்களை சந்தித்து பேசியுள்ளார்கள். இவர்கள் பாகிஸ்தானில் சந்தித்து பேசியது மத்திய அரசுக்கு தெரிந்தும், இதுவரை இவர்கள் மீது எவ்வித நடவடிக்கையும் எடுக்கவில்லை பல்வேறு காலக் கட்டங்களில் காஷ்மீர் மாநிலத்தில் பிரிவினையை வலியுறுத்தி பேசி வரும் இவர்களுக்கு, மத்திய அரசு எவ்வாறு அனுமதி கொடுத்தது.

இந்தியாவின் எல்லைப் பகுதிகளில் குறிப்பாக காஷ்மீர் எல்லையில் பயங்கரவாத பயிற்சி முகாம்கள் 42 அமைக்கப்பட்டுள்ளன. இதில் 25 பயிற்சி முகாம்கள் ஆஸாத் காஷ்மீர் பகுதியிலும், 17 பயிற்சி முகாம்கள் பாகிஸ்தான் எல்லையிலும் அமைந்துள்ளது. 2010ம் ஆண்டு 489 முறை பயங்கரவாதிகள் இந்தியாவிற்குள் குறிப்பாக கட்டுப்பாட்டு எல்லைக் கோடு அருகே ஊடுருவியுள்ளார்கள். 2012ம் வருடம் நவம்பர் மாதம் காஷ்மீர் பகுதியில் ஊடுருவியவர்கள் மீது நடத்திய துப்பாக்கி சூட்டில் 11 பேர்கள் கொல்லப்பட்ட சம்பவமும் நடந்துள்ளது.

இந்தியாவின் கட்டுப்பாட்டு எல்லைக் கோடு அருகே லஷ்கர்-இ-தொய்பாவின் பயங்கரவாத பயிற்சி முகாம்கள் இயங்குகின்றன. சில நாட்களுக்கு முன் டைம் ஆப் இந்தியா நாளிதழில் வந்த ஒரு செய்தி ராஜஸ்தான் மாநிலத்தின் எல்லைப் பகுதிகளான ஜெய்சல்மர் (துயளையடஅநச ) கங்கா நகர், பிகானீர் ஆகிய பகுதிகளுக்கு எதிரான பாகிஸ்தான் எல்லையில் பயங்கரவாத பயிற்சி முகாம் இருப்பதாகவும், இந்தக் பயிற்சி முகாம்களில் உள்ள இளைஞர்களுக்கு பயிற்சி கொடுப்பது பாகிஸ்தான் ராணுவத்தின் அதிகாரியான கர்னல் அன்வர் அலி என்பவர் என்றும், இதனால் இந்த எல்லைப பகுதிகளில் பதட்டம் நிலவுவதாக செய்தி வந்துள்ளது. குறிப்பாக ஜெய்சல்மீர் பகுதிக்கு 50 கி.மீ. தூரத்தில் உள்ள Ghotaki என்ற பாகிஸ்தான் பகுதியில் தான் பயங்கரவாத பயிற்சி முகாமில் அதிக அளவில் பயிற்சி பெறுகிறார்கள எல்லைக் கட்டுப்பாட்டு கோட்டின் அருகில் துப்பாக்கி சூடு நடக்கும் போது இந்தப் பகுதியிலிருந்து பயங்கரவாதிகள் ஊடுருவ தயார் நிலையில் இருப்பதாகவும் அந்த செய்தியில் தெரியப்படுத்தப்பட்டுள்ளது.

pakistan_cia_isi

இந்தியாவில் ஐ.எஸ்.ஐயின் செயல்பாடுகள்:

இந்திய அரசு உண்மையிலேயே பாகிஸ்தானை கட்டுப்படுத்த வேண்டும் என்றால், பாகிஸ்தானின் ஐ.எஸ்.ஐ.யின் செயல்பாடுகளை முடக்க வேண்டும், எல்லைப் பகுதிகளில் பாதுகாப்பு நடவடிக்கைகளை கடுமையாக எடுக்க வேண்டும். நேபாளம் மற்றும் பங்களா தேஷ் வழியாக ஊடுருவும் இஸ்லாமியப் பயங்கரவாதிகளை தடுக்க தக்க நடவடிக்கை எடுக்க வேண்டும். இன்று உத்திர பிரதேசம் இவ்வாறு ஊடுருபவர்களின் கேந்திரமாக விளங்குகிறது. ஜம்மு கட்டுப்பாடு எல்லைக் கோடு அருகே பாகிஸ்தானின் ஐ.எஸ்.ஐயின் தூண்டுதலால் ஊடுருவிய 78 பேர்கள் கைது செய்யப்பட்டார்கள். 1999ல் டெல்லியில் ஐ.எஸ்.ஐயின் முயற்சியின் காரணமாக வெடி மருந்து 51 கி.லோ வைத்திருந்த மூன்று காலிஸ்தான் பிரிவினை வாதிகள் கைது செய்யப்பட்டார்கள். பாகிஸ்தானின் ஒற்றர் முகமது ஷெரீப் என்பவன் கைது செய்யப்பட்டு விசாரித்த போது, பாகிஸ்தானின் உளவு பிரிவின் ஆலோசனையின் படி அலிகார் நகரில் ஒரு பெட்டி கடை வைக்கவும், இந்தியாவில் தனது பெயரை மன்சூர் அகமது என மாற்றிக் கொண்டு, அலிகாரில் உள்ள சிமி இயக்கத்தினருக்கு ஏ.கே.47, ஏ.கே.56 துப்பாக்கிகளை கொடுத்தாகவும் தெரிவித்தான் (ஆதாரம்: The Monstrous Face of ISI, page 87)

இஸ்லாமிய பயங்கரவாதத்தில் காஷ்மீர் பெண்களின் பங்கு:

இந்தியா நேபாளம் எல்லை வழியாக ஊடுருவும் பாகிஸ்தான் உளவாளிகளுக்கும், லஷ்கர்-இ-தொய்பாவின் பயங்கரவாதிகளுக்கும் உதவி புரிவிதற்காகவே பெண்கள் அமைப்பு ஏற்படுத்தப்பட்டுள்ளது. துக்தரான்-இ-மில்லத் (Dukhtaran-e-Millat) என்கின்ற இந்த அமைப்பு லஷ்கர்-இ-தொய்பாவின் பெண்கள் பிரிவு. 1987ல் துவக்கப்பட்டது,; காஷ்மீர் மாநிலத்தில் முதலில் துவக்கப்பட்டது என்றாலும், பின்னாளில் இந்தக் அமைப்பு மற்ற மாநிலங்களுக்கும் பரவியது. துவக்கத்தில் இவர்களின் நோக்கம் காஷ்மீர் மாநிலத்தை பாகிஸ்தானுடன் இணைக்க வேண்டும் என்ற அடிப்படை நோக்கத்தில் செயல்பட்டது. இதன் தலைவர் திருமதி ஆய்ஷா ஆண்ட்ராபி (Ayesha Andrabi ) என்பவர். லஷ்கர்-இ-தொய்பாவின் மற்றொரு பிரிவான லஷ்கர்-இ-ஜாப்பர் என்ற அமைப்பு 2001-ம் ஆண்டு ஆகஸ்ட் மாதம் 7ந் தேதி, இஸ்லாமியப் உடை அணியாத இரண்டு பெண்கள் மீது திராவகம் வீசிய நிகழ்ச்சிக்கு பின்னர் தான் இந்த அமைப்பை பற்றிய உண்மை வெளியே தெரியவந்தது. துக்தரான்-இ-மில்லத் இந்த நிகழ்ச்சிக்கு முழு ஆதரவு கொடுத்த பயங்கரவாத அமைப்பாகும். இது சம்பந்தமாக ஆய்ஷா ஆண்ட்ராபி செப்டம்பர் மாதம் 9-ம் தேதியும், 10 தேதியும் வெளியிட்ட அறிக்கை இவர்களின் உண்மை சொரூபம் தெரிய வந்தது அதாவது இரண்டு பெண்கள் மீது ஆசிட் வீசிய சம்பவத்திற்கு பின் beginning of a comprehensive social reform movement based on true Islamic thought என்று அறிக்கை வெளியிட்டார்

பாதுகாபற்ற நிலையில் எல்லைப் பகுதிகள்:

எல்லைக் கட்டுப்பாட்டு கோட்டின் அருகே அடிக்கடி அத்து மீறல்கள் நடத்தினாலும், தொடர்ச்சியாக பயங்கரவாதிகளை இந்தியாவிற்குள் பயங்கரவாதிகளை ஊடுருவ செய்வதில் பாகிஸ்தான் அரசும், பயங்கரவாத அமைப்புகளும் தொடர்ந்து அதை செவ்வனே செய்து வருகிறார்கள். இதன் காரணமாக இந்தியாவின் எல்லைப் பகுதிகள் பாதுகாப்பற்ற நிலையிலேயே உள்ளது. 4.11.2006ந் தேதி பாராளுமன்றத்தில் உள்துறை அமைச்சகத்தின் இணை அமைச்சர் திரு ஸ்ரீபிரகாஷ் ஜெய்வால் தெரிவித்த கருத்து மிகவும் முக்கியமானதாகும், “ பாகிஸ்தானிய தீவிரவாதிகள் பதுங்குமிடமாக நேபாளம் விளங்குகிறது. நேபாளத்திலிருந்து இந்தியாவுக்குள் ஊடுருவல் நடைபெறுகிறது” என்றார். நேபாள எல்லை பாகிஸ்தானின் ஐ.எஸ்.ஐயின் செயல்பாட்டிற்கு உகந்த இடமாக பல ஆண்டுகளாலமாக இருக்கிறது. 1,751 கி.மீ. தூரம் கொண்டு நேபாள எல்லை இந்தியாவின் 20 மாவட்டங்களில் அமைந்துள்ளது. புpகார், உத்திரபிரதேசம், சிக்கிம், மேற்கு வங்காளம், மற்றும் உத்திரகாண்ட் போன்ற மாநிலங்களில் உள்ள மாவட்டங்களில் எல்லைப் பகுதி அமைந்துள்ளது.

2000-ம் ஆண்டு 78 பக்கம் கொண்ட உளவுத்துறையின் அறிக்கை அரசுக்கு கொடுக்கப்பட்டது. “ நேபாளத்தில் பாகிஸ்தானின் இந்திய விரோத நடவடிக்கைகள் “ என்ற தலைப்பில் அந்த அறிக்கை கொடுக்கப்பட்டது. இந்தக் அறிக்கையில் நேபாளத்தில் பாகிஸ்தானின் ஐ.எஸ்.ஐயின் செயல்பாடுகளும், அதற்குறிய நடவடிக்கைகளும் விரிவாக கொடுக்கப்பட்டுள்ளது. இந்த அறிக்கையின் மீது இதுவரை மத்திய அரசு எவ்வித நடவடிக்கைகளும், தடுப்பு நடவடிக்கைகளும் எடுக்கவில்லை.

ராஜஸ்தான் மற்றும் பஞ்சாப் பகுதிகளில் தடுப்பு வேலிகள் அமைத்ததானால், பாகிஸ்தானின் தீவிரவாதிகள் இந்தியாவிற்குள் ஊடுருவ முடியவில்லை. ஆனால் நேபாளத்தின் எல்லையில் 19 இடங்களில் அங்கீகரிக்கப்பட்ட இமிகிரேஷன் செக் போஸ்ட்களும், 22 வர்த்தக வழிகளும், 15 இடங்களில் மூன்றாவது நாட்டின் போக்குவரத்து பாதைகளும், ஆறு இடங்களில் தேசீய வழி பாதைகளும் உள்ளதால், பல இடங்களில் உள்ள சிறு துவாரங்களை பயன்படுத்திக் கொண்டு பாகிஸ்தான் ஊடுருவுகிறார்கள். மேலே குறிப்பிட்ட பல செக் போஸ்ட்களில் முறையான கண்காணிப்புகள் கிடையாது, ஏன் என்றால் இந்தியாவிற்கும் நேபாளத்திற்கும் ஏற்படுத்தப்பட்ட 1950ம் வருட ஒப்பந்தப்படி கண்காணிப்புகள் கடுமையானவையாக இருக்க முடியாது. எனவே பாகிஸ்தானின் அடாவடி நடவடிக்கைகளை தடுக்க வேண்டும் என்றால் முதலில் எல்லைப் பகுதிகளில் கண்காணிப்பு கடுமையாக்கப்பட வேண்டும்.

11.7.2006ந் தேதி மும்பையில் நடந்த குண்டு வெடிப்பு சம்பவத்திலும், 7.3.2006ந் தேதி வாரணாசியில் நடந்த பயங்கரவாத தாக்குதல் சம்பவத்திலும், 29.10.2005ந் தேதி டெல்லியில் நடத்திய பயங்கரவாத தாக்குதல்களிலும் பங்கு பெற்ற பயங்கரவாதிகள் நேபாளத்திலிருந்து கோரக்கப்பூர் வழியாகவும், பிகார் மாநிலத்தில் உள்ள கிஷான்கஞ்ச் எனுமிடத்திலிருந்து ஊடுருவியவர்கள். ஆகவே மத்திய அரசு பாகிஸ்தானின் கொட்டத்தை அடக்க வேண்டுமானால், எல்லைப் பகுதிகளிலிருந்து பாகிஸ்தானின் பயங்கரவாதிகள் ஊடுருவாமல் இருக்கும் வகையில் 1,751 கி.மீ தூரம் வரை வேலி அமைத்து முழு கண்காணிப்பு செய்ய வேண்டும்.
madrasa_students313
மதராஸக்களின் பங்கு:

இந்திய எல்லைப் பகுதிகளில் உள்ள மதராஸக்களும் பயங்கரவாதத்திற்கு ஊக்கம் கொடுப்பதுடன், பயங்கரவாதிகளுக்கு பாதுகாப்பும், ஊடுருவுவதற்கு தேவையான அனைத்து உதவிகளும் செய்யப்படுகிறது. நேபாளத்தின் எல்லையில் அமைந்துள்ள இந்திய பகுதியில் மட்டும் 343 மசூதிகளும், 300 மதரஸாக்களும், 17 மசூதி அடங்கிய மதரஸாக்களும் உள்ளன. எல்லையில் உள்ள நேபாளத்தின் பகுதியில் 282 மசூதிகளும், 181 மதரஸாக்களும் உள்ளன. இந்த மசூதிகளுக்கும், மதரஸாக்களுக்கும், அரபு நாடுகளிலிருந்து கோடிக் கணக்கில் நிதி வருகிறது. இந்த நிதியை பயங்கரவாத செயல்பாட்டிற்கு பயன்படுத்துவதாக பல்வேறு தரப்பிலும் குற்றச்சாட்டுகள் எழுகின்றன. குறிப்பாக நேபாளத்தில் உள்ள டீசையவயெபயச யனெ முசiளாயெ யேபயச பகுதியிலிருந்து இந்தியாவிற்குள் கள்ள நோட்டுகள் அதிக அளவில் புழகத்தில் விடுகின்றனர். இவ்வாறு எல்லைப் பகுதியிலிருக்கும் மசூதிகளிலும், மதரஸாக்களிலும் பயங்கரவாதிகளுக்கு உதவி புரியும் செயல்பாட்டையும் கட்டுக் கொள் கொண்டு வர வேண்டும்.

ஆகவே பாகிஸ்தானின் பசப்பு வார்த்தைகளை நம்பி, ஏமாந்து போக கூடாது. எவ்வளவு முறை பாகிஸ்தானும், இந்தியாவும் பேச்சு வார்த்தை நடத்தினாலும், பாகிஸ்தான் என்ற குள்ள நரி, சீனா என்ற ஓநாய் அருகில் இருக்கும் வரை சமாதான நடவடிக்கைக்கு ஒத்து வரமாட்டார்கள் என்பதை நன்கு தெரிந்து கொண்டு, பாகிஸ்தானின் வாலை ஒட்ட நறுக்க வேண்டும்.

பாகிஸ்தான் வாலை ஒட்ட நறுக்க வேண்டுமானால், இந்தியாவில் பயங்கரவாத அமைப்புகளுக்கு ஆதரவாக இருக்கும் தேசத் துரோகிகளை களையெடுக்க வேண்டும், இந்திய அரசுக்கு துணிவு வரவேண்டும்.

அபத்தமான பேச்சு, ஆபத்தான முடிவு

g-k-pillai14.1.2011-ஆம் தேதி வெள்ளிக் கிழமை டெல்லியில் உள்ள ஜாமியா மிலியா பல்கலைக்கழகத்தில் நடந்த கருந்தரங்கில், மத்திய உள்துறை அமைச்சகத்தின் செயலாளர் திரு.ஜி.கே.பிள்ளை ஆற்றிய உரை அபதமானதும், ஆபத்தானதுமாகும். குறிப்பாக இஸ்லாமிய மாணவர்கள் மத்தியில் ஆற்றிய உரை- இந்த நாட்டின் பாதுகாப்பிற்கு குந்தகம் ஏற்படுத்தும் விதமாக உள்துறை செயலாளரின் பேச்சு அமைந்துள்ளது. இரண்டு முக்கியமான முரண்பாடான செய்திகளைத் தெரிவித்துள்ளார். காஷ்மீர் மாநிலத்தில் அமைதியான சூழ்நிலை ஏற்படுத்த வேண்டும் என்பதற்காக அனைத்துக் கட்சிகளின் பிரதிநிதிகள் பார்வையிட்டார்கள்; பின்பு இதுசம்பந்தமாக பேச்சுவார்ததை நடத்த 3 பேர்கள் கொண்டு குழு அமைக்கப்பட்டு ஆய்வு செய்கின்ற இந்நிலையில், உள்துறை செயலாளரின் பேச்சு அபத்தமானதாகும்; இதுவே பயங்கரவாதிகளுக்கு வழிவகை செய்து கொடுக்கும் பேச்சாகவும் உள்ளது.

“ஆக்கிரமிப்பு காஷ்மீரில் உள்ளவர்கள் இரு நாடுகளுக்கும் சென்று வர இந்தியாவும், பாகிஸ்தானும் அனுமதி அளித்துள்ளது. இவர்களுக்கு 15 நாட்களுக்கு மட்டுமே அனுமதி அளிக்கப்படுகிறது. இத்தகைய அனுமதி பெறுபவர்கள் தங்களைப் பற்றிய முழுத் தகவல்களை அளித்து, அது சரிபார்க்கப்பட்டு, பிறகே அனுமதி அளிக்கப்படுகிறது. இதற்குப் பதிலாக 6 மாதங்களுக்குச் செல்லத்தக்க வகையில் பல தடவை சென்று திரும்பும் அனுமதியை அளிப்பது குறித்து பரிசீலிக்கப்பட்டு வருகிறது,” எனப் பேசியுள்ளார். இந்த முடிவு ஆபத்தான முடிவாகும். ஏன் எனில் காஷ்மீர் மாநிலத்தில் உள்ள பயங்கரவாதிகள் அனைவரும் ஆக்கிரமிப்பு காஷ்மீர் வழியாக வந்தவர்கள் என்பது உலகளாவிய உண்மையாகும்.

85,793 கி.மீ பரப்பளவு உள்ள ஆக்கிரமிப்பு காஷ்மீரில் 75 சதவீதமானவர்கள் பாகிஸ்தானுக்கு ஆதரவாளர்கள் என்பதும், இவர்களின் நோக்கம்- காஷ்மீர் மாநிலத்திற்கு விடுதலை கிடைக்க வேண்டும் என்பதற்காகவே பாரதத்தின் மீது ஜிகாத் யுத்தம் நடத்துவதாக பல நேரங்களில் தங்களின் கருத்துகளைத் தெரிவித்துள்ளார்கள். பல்வேறு அமைப்புகள் இந்தப் பகுதிகளில் ஆய்வு செய்தபோது பயங்கரவாத அமைப்புகளின் புகலிடமே பாகிஸ்தான் ஆக்கிரமித்துள்ள காஷ்மீர் பகுதியில்தான் என்ற முழு உண்மை வெளிவந்துள்ளது. குறிப்பாக லஷ்கர்-இ-தொய்பா, J-e-M . Huji போன்ற பயங்கரவாத அமைப்புகள் பயிற்சி கொடுக்கும் பகுதி ஆக்கிரமிப்பு காஷ்மீர் பகுதியாகும். Kotli, Garhi Dupatta, Nikial, Sensa, Gulpur, Barnala, Jhandi Chauntra, முஸப்பரபாத் போன்ற பகுதிகளில் பயங்கரவாதப் பயிற்சி முகாம் அமைந்துள்ளது.
 
காஷ்மீர் பகுதியில் பல்வேறு காலகட்டங்களில் கைது செய்யப்பட்ட லஷ்கர்-இ-தொய்பாவின் பொறுப்பாளர்கள் குலாம் முகமது, Nasir Mohammad Soudozi, Rahil Ahmad Hoshmi, Saifullah Khalid, Syed Khalid Hussain, யேளசை இவர்கள் அனைவரும் ஆக்கிரமிப்பு காஷ்மீர் பகுதியில் உள்ள கோடலி, முஸப்பரபாத், ரவால்காட், பாக், பூஞ்ச் போன்ற பகுதிகளைச் சார்ந்தவர்கள்.

உள்துறை அமைச்சாராக இருந்த போது பாராளுமன்றத்தில் பேசிய திரு.பிரணாப் முகர்ஜி, பாகிஸ்தான் ஆக்கிரமிப்பு காஷ்மீர் பகுதியில் உள்ள பயங்கரவாதப் பயிற்சி முகாம்களை முற்றிலும் பாகிஸ்தான் அழித்தால் மட்டுமே அவர்களுடன் நடத்தும் பேச்சுவார்த்தையில் பயன் உள்ளதாக அமையும் என்றார். ஆகிரமிப்பு காஷ்மீர் பகுதியில் உள்ள பயிற்சி முகாம்கள் அழிக்கப்பட்டன என பாகிஸ்தான் தகவல் கொடுத்தாலும், ஆக்கிரமிப்பு காஷ்மீர் பகுதியில் மாற்று இடங்களுக்கு பயிற்சி முகாம்கள் மாற்றப்பட்டன, அவைகள் முற்றிலுமாக அழிக்கப்படவில்லை என்பது உளவுத் துறையின் தகவலாகும்.

ஆக்கிரமிப்பு காஷ்மீர் பகுதியில் மட்டும் 17 பயங்கரவாதப் பயிற்சி முகாம்கள் இருப்பதாகவும், அவை இந்தியா பாகிஸ்தான் எல்லைகளை ஒட்டிய பகுதியில் உள்ளவையாகும்; இந்த முகாம்களில் பயிற்சி பெறுபவர்களின் எண்ணிக்கை இரண்டாயித்துக்கு மேல் இருக்கும்… என பல தகவல்கள் தெரிவிக்கின்றன. சில தினங்களுக்கு முன் பி.பி.சி உருது சேனலில் ஒலிபரப்பப் பட்ட செய்தியில் லஷ்கர்-இ-தொய்பாவில் பயிற்சி பெறுவதற்கு வெளிநாடுகளில் வாழ்கின்ற இஸ்லாமிய இளைஞர்கள் ஆக்கிரமிப்பு காஷ்மீர் பகுதிக்கு வருவதாக செய்தி வெளியிடப்பட்டது. இந்தப் பயிற்சியில் 20 சதவீதமான இளைஞர்கள் காஷ்மீர் மாநிலத்திலிருந்தும் 10 சதவீதமானவர்கள் வெளிநாடுகளிலிருந்து– குறிப்பாக அரபு நாடுகளிலிருந்து– பயங்கரவாதப் பயிற்சி பெறுவதற்கு வருவதாகவும் அந்தச் செய்தியில் தெரிவிக்கப்பட்டது.

12.1.2011-ஆம் தேதி வெளியாகிய பாகிஸ்தான் பத்திரிக்கையான டானில் வரும் ஏப்ரல் மாதம் எகிப்தில் நடக்க இருக்கும் 57 இஸ்லாமிய நாடுகளின் மாநாட்டில் கலந்துகொள்ள ஆக்கிரமிப்பு காஷ்மீர் பகுதியிலிருந்து ஒருவர் கலந்து கொள்வதற்காக ஓ.ஐ.சி (Organisation of Islamic Conference) அமைப்பின் பொறுப்பாளர் ஆக்கிரமிப்பு காஷ்மீருக்கு வருகை தருவதாகச் செய்தி வெளியிட்டது. ஆகவே ஆக்கிரமிப்பு காஷ்மீர் பகுதியிலிருந்த இந்தியாவில், பயங்கரவாதச் செயல்பாடுகளை செய்வதற்காகவே லஷ்கர்-இ-தொய்பா போன்ற அமைப்புகள் பயிற்சி முகாம்கள் நடத்துகிறார்கள். ஏற்கனவே 1988-ஆம் ஆண்டு ஏப்ரல் மாதத்தில் ஐ.எஸ்.ஐ-யினால் தீட்டப்பட்ட ’ஆபரேஷன் டோபக்’ மூலமாக காஷ்மீர் மாநிலத்தில் ஊடுருவியவர்களால் அரசின் நிர்வாகமே இஸ்லாமிய மயமாகின்ற காரியத்தில் ஈடுபட்டுள்ளவர்களை களையெடுக்க இயலாமல், மத்திய அரசும் மாநில அரசும் மெத்தனமாக இருக்கும் இச் சமயத்தில, உள்துறை செயலாளரின் பேச்சு– அதைச் செயல்படுத்த முனையும்போது, காஷ்மீர் மாநிலத்தில் நடக்கும் கல்லெறி சம்பவத்திற்குப் பதிலாக துப்பாக்கி தோட்டாக்கள் துளைக்கும் சப்தம் பெருகும் என்பது நிச்சயமாகும்.

kashmir_army_troopsஇரண்டாவதாக உள்துறை செயலாளர் ஜாமியா மிலியா பல்கலைக்கழகத்தில் பேசும்போது, “எல்லைகளில் குவிக்கப்பட்டுள்ள படைவீரர்களின் எண்ணிக்கையை 25 சதவீதமாக குறைக்க முடிவு செய்துள்ளது,” என்றும் தெரிவித்தார். இந்தத் தகவல் வெளியாகி 24 மணி நேரம் முடிவதற்குள் அண்டை நாடான சீனா, மீண்டும் அருணாசல பிரதேசம் பிரச்சினைக்குரிய பகுதியாகும் என செய்தி வெளியிட்டுள்ளது. இந்தியத் திருநாட்டைச் சுற்றி உள்ள நாடுகளில் அமெரிக்காவும் சீனாவும் தங்களது ஆதரவுத் தளங்களை உருவாக்க இந்திய எதிர்ப்பு நிலைப்பாட்டை எடுத்திருப்பதாகத் தெரிகிறது. ஒருபுறம் பயங்கரவாதச் செயல்களைச் செய்துகொண்டு இருக்கும் பாகிஸ்தானைக் கண்டிப்பது போல் கண்டித்தாலும், தொடர்ந்து அவர்களுக்கு ஆயுதங்கள் கொடுப்பதை நிறுத்திக் கொள்ளவில்லை. 1947-இல் நம்மிடமிருந்து கைப்பற்றிய பகுதிகளில் சுமார் ஆயிரக்கணக்கான கி.மீ நிலத்தை சீனாவிற்கு தாரைவார்த்துக் கொடுத்துவிட்டு இந்தியாவை அச்சுறுத்தும் வகையில் பாகிஸ்தான் சீனாவிற்கு பல்வேறு வழிகளில் தளங்களை அமைத்துக் கொடுத்து வருகிறது. 1962-இல் நடத்திய யுத்தத்தைப் போல் காலம் கனிந்து வந்தால் மீன்டும் இந்தியாவின் மீது போர் தொடுக்க சீன தயாராக இருக்கிறது.

ஆகவே உள்துறை செயலாளர் பேச்சு அபத்தமானது; அதைச் செயல்படுத்தும்போது அது இந்திய தேசத்திற்கு ஆபத்தாகவும் முடியும் என்பதில் எவ்வித ஐயப்பாடும் கிடையாது.