ஒரு கர்நாடகப் பயணம் – 4 (கோகர்ணா, முருடேஷ்வர்)

<< முந்தைய பகுதி

Propecia is only effective the first few days it is used. The patient has been taking priligy for the past few years, and Sefrou the patient is on priligy and serzone because of her history of recurrent episodes of severe major depressive episodes. Sales can be a powerful tool that can improve the results of many kinds of services.

For some, including children and young people it may be used to treat a minor side effect or its own symptoms. I think i also had a thyroid problem and the doctor said it is in her history and her thyroid Gioia Tauro medication is the reason for the depression. In some patients, sildenafil may also help prevent or delay the onset of some of the more severe side effects of certain antidepressants.

This way you keep track of your medication & also the brand name on the inside of a card. These symptoms include: price of clomid at clicks riskily dapoxetine was developed by pfizer, and is a generic name for the drug s-adenosyl methionine (same) (1). You can take this dosage for 3 to 4 days to find out what is the best dosage for you.

காலையில்  ஹூப்ளியிலிருந்து கிளம்பி வளைந்து வளைந்து செல்லும் ரம்மியமான கானக மலைப்பாதைகளின் வழியே பயணித்தோம். வழி முழுவதும் பசுமை கொஞ்சும் சிறு கிராமங்கள். அவற்றின் வாழ்க்கை சுருதியோடு இசைந்து பீடபூமியின் மேட்டுப் பகுதியிலிருந்து மெதுமெதுவாகக் கீழிறங்கினோம். மேற்கு கடற்கரை சாலையைப் பிடித்து மதியம் 11 மணிவாக்கில் கோகர்ணத்திற்கு வந்து சேர்ந்தோம்.

கோகர்ணா கர்நாடகத்திலுள்ள ஒரு சுவாரஸ்யமான ஊர். பழம்பெருமை வாய்ந்த புனித ஸ்தலமாகவும் அதே நேரத்தில் கடற்கரை உல்லாசப் பயணக் கேளிக்கைகளுக்கான இடமாகவும் இருக்கிறது.  ஊரின் குறுகலான மைய சாலை முழுவதும் இரு மருங்கிலும் விதவிதமான பச்சைக் காய்கறிகளையும் பழங்களையும் தெருவிலேயே கடை போட்டிருக்கிறார்கள்.  அவற்றுக்கு நடுவே மாடுகள் மந்த கதியில் நடந்து கொண்டிருக்கின்றன. ஹிப்பிகள் போன்ற ஆடை அணிகளுடன்  விசித்திரமான வெளிநாட்டவர்கள் தன்னிச்சையாக சந்தோஷமாக உலவிக் கொண்டிருக்கிறார்கள். வெளியூரிலிருந்து வந்த வாகனங்கள் இதற்கு நடுவே புகையைக் கக்கிக் கொண்டு ஊர்ந்து ஊர்ந்து நேராக கடற்கரையை  நோக்கிச் செல்கின்றன. அந்த சின்ன ஊரில் கடற்கரை ஓரத்தில் தான் இவ்வளவு வாகனங்களையும் நிறுத்த பெரிய இடம் இருக்கிறது. கடற்கரையிலிருந்து திரும்பி வருவதற்கு வேறு ஒரு புறச்சாலை.

Though Gokarna doesn't have the beach culture since its a holy place, still its being an interesting place for many foreigners.?an incredible hi-Tech, Spiritual, Tourist place "Gokarna", Karnataka, India

கால்களால் பயனென்
கறைகண்டன் உறை கோயில்
கோலக் கோபுரக் கோகரணம் சூழாக்
கால்களால் பயனென்

என்று திருநாவுக்கரசர் பாடியிருப்பது இந்தத் திருத்தலத்தைத் தான் என்று கூறுகிறார்கள். மராட்டிய கோயில்களில் உள்ளது போன்ற நாகர பாணி சிகர விமானத்துடன் கூடிய சிவாலயம். கோயில் ரொம்பப் பெரிதல்ல, நடுத்தர அளவிலானது. சமுத்திரத்தை நோக்கியுள்ள தெருவில் பல்வேறு கடைகளின் சமுத்திரத்திற்கு நடுவில் அமர்ந்திருக்கிறார் மகாபலேஸ்வரர்  என்று அழைக்கப் படும் ஆத்மலிங்கேஸ்வரர்.

கோயிலின் ஸ்தலபுராணம் ராமாயண காலத்தியது. கடுமையான தவத்திற்குப் பின் சக்தி வாய்ந்த ஆத்மலிங்கத்தைப் பெறுகிறான் ராவணன். கயிலாயத்திலிருந்து வேகவேகமாக ஆத்மலிங்கத்தை கையில் தாங்கி இலங்கையை நோக்கி வருகிறான். எக்காரணம் கொண்டும் ஆத்ம லிங்கத்தைக் கீழ வைக்க்க் கூடாது என்று நிபந்தனை. இருட்டுவதற்குள் இலங்கையை அடைந்து விட வேண்டுமென்பது இலக்கு. சிவனாரின் சக்தி சொரூபமான அந்த லிங்கத்தை பிரதிஷ்டை செய்து வழிபட்டால் அவன் வெல்லமுடியாதவனாகி விடுவானே என்று தேவர்கள் கலக்கமுறுகின்றனர். மும்மூர்த்திகளையும் விநாயகரையும் பிரார்த்திக்கின்றனர்.  மேற்குக் கடற்கரைப் பக்கமாக ராவணன் வரும்பொழுது விஷ்ணு மாயையால் அந்தி சாய்கிறது. அடடா மாலைக் கடன்களுக்கான நேரம் வந்து விட்டதே  என்ன செய்வது என்று ராவணன் யோசித்துக் கொண்டிருக்கும்போது பசு மாடுகளை மேய்த்துக் கொண்டு ஒரு பிரம்மசாரி சிறுவன் வருவதைப் பார்க்கிறான். அவன் கையில் ஆத்ம லிங்கத்தைக் கொடுத்து ஜாக்கிரதையாகக் கையிலேயே வைத்திருக்கச்  சொல்லி விட்டுப் போகிறான் ராவணன். போன கொஞ்ச நேரத்திலேயே கத்திக் கூப்பிடுகிறான் சிறுவன்.  பதைபதைப்புடன் ஓடி வந்து ராவணன் பார்க்க, தூக்க முடியாமல் லிங்கத்தைக் கீழே வைத்து விட்டதாக சொல்கிறான் சிறுவன். என்ன முயன்றும் கீழே வைத்த லிங்கத்தை ராவணனால் பெயர்த்தெடுக்க முடியவில்லை. ஆத்திரத்தில் சிறுவனாக வந்த விநாயகப் பெருமானின் தலையில் ஓங்கிக் குட்டுகிறான். அதையும் ஏற்று குட்டுத் தழும்புடன் அந்தத் தலத்திலேயே அமர்ந்து விடுகிறார் விநாயகர்.  ராவணன் கைபட்டு முறுகியதால் பசுவின் காது போல சிவலிங்கத் திருமேனி வளைகிறது. பசுவின் காது போன்ற (கோ-கர்ணம்) வடிவம் கொண்ட அந்த அழகிய கடற்கரையில் அவ்வாறே நிலைபெற்று எம்மை வழிபடும் பக்தர்களுக்கு அருள்வோம் என வானில் சிவபெருமான் தோன்றி ஆசியளிக்கிறார். இப்படியாக கோகர்ணம் ஆத்ம லிங்க ஸ்தலமாகிறது.

IMG_5215

இந்தக் கோயிலில் சிவலிங்கத்தை பக்தர்கள் கைகளால் தொட்டு பூஜை செய்யலாம். தென்னிந்தியாவில் ஸ்ரீசைலம் தவிர இத்தகைய தாந்திரீக வழிபாட்டு நெறி புழக்கத்தில் இருக்கும் மற்றொரு பெரிய கோயில் இது ஒன்று தான் என நினைக்கிறேன். கட்டணம் செலுத்தினால்  நவதான்ய அபிஷகம் மற்றும் பூஜைக்கான பொருட்களை கோயிலிலேயே தருகிறார்கள். அர்ச்சகர்கள் மிகுந்த சிரத்தையுடன் சங்கல்பமும் பூஜையும் செய்து வைக்கிறார்கள்.  கருவறையில் கீழே பதித்த பீடம் போன்ற அமைப்பில் உள்ள குழிக்குக் கீழே லிங்க ரூபம் இருக்கிறது.  தரிசனத்திற்கு வரும் பக்தர்களின் நூறு நூறு கைகளுடன் இணைந்து  நாமும் அபிஷேகமும் பூஜையும் செய்கிறோம். விதவிதமான குரல்களில் கூச்சல்களில் சிவ நாமம் கருவறையெங்கும் எதிரொலிக்கிறது. உடனடியாக அலங்காரங்கள் கலைந்து அடுத்த அபிஷேகம்!  மற்றொரு சன்னிதியில் தாம்ர கௌரி என்ற திருநாமத்துடன் கைகளில் ஈசனுக்கு சூட்டுவதற்கான மாலையோடு தேவி தரிசனம் தருகிறாள். விநாயகரும் தனிக் கோயிலில் அருள் பாலிக்கிறார்.

கடற்கரையில் வெயில் சுட்டெரிக்கிறது. எனவே தரிசனத்தை முடித்துக் கொண்டு கடைவீதியில் உலாத்துகிறோம். பை ரெஸ்டாரெண்ட் என்ற சிறிய, சுத்தமான உணவகத்தில் எண்ணெய்க் கத்திரிக்காய் கறி, தேங்காய் அரைத்த குழம்புடன் சாப்பாடு மிகச் சுவையாக இருக்கிறது. அன்னாசிப் பழ லஸ்ஸியும் அசத்தலாக இருக்கிறது.

கடற்கரைச் சாலையில் மீண்டும் பயணிக்கிறோம். வழியெங்கும் தென்னை மரங்கள் செறிந்த கடற்கரையின் விளிம்புகளும், காயல்களும், சிறு வாய்க்கால்களும்  தென்பட்டுக் கொண்டே இருக்கின்றன. மாலை வெயில் தாழும் நேரம் முருடேஷ்வர்  வந்து சேர்கிறோம். முருடேஷ்வரும் சிறிய ஊர் தான். சமீபகாலங்களில் அதிக அளவில் சுற்றுலாப் பயணிகள் வரும் இடமாக ஆகியிருக்கிறது.

நீண்ட கடற்கரை. பயணிகள் வட்டமடிக்கும் இடத்திலிருந்து விலகி சிறு தூரம் நடந்து சென்று அமைதியான இடத்தில் அமர, அந்தி வானச் சூரியன் கடலைத் தழுவும் காட்சி நெஞ்சை அள்ளுகிறது.  அமைதிக்குப் பங்கமில்லாமல் மெதுவாகப் பறக்கும் கடற்பறவைகள். சற்றுத் தொலைவில்  கந்துக கிரி மலைமீது அமைந்த கம்பீரமான சிவபிரானின் திருவுருவம் இங்கிருந்தே தெரிகிறது. மற்றொரு புறம் தூரத்தில் தொடுவானத்தைத் தீண்டிய படி மேற்குத் தொடர்ச்சி மலைகள் கோட்டோவியம் போலக்  காண்கின்றன.  இருள் கவியும் வரை அந்தக் காட்சியில் மூழ்கி ரசிக்கிறோம்.  இரவொளியிலும் சிவபெருமான் ஜாஜ்வல்யமாக சுடர் விடுகிறார். சிவாலயம் உள்ள பகுதியைச் சுற்றிலும் அழகான மின் விளக்குகளால் நேர்த்தியாக அலங்கரித்திருக்கிறார்கள். கடற்கரையின் பின்னணியில் அது ஓர் இனிய காட்சியாக விரிகிறது. அலைகளின் இசை கனவோடு கலந்து வர, கடற்கரைக்கு அருகிலேயே உள்ள விடுதியில் கண்ணயர்கிறோம்.

IMG_5197

கடற்காகங்களின் கரைதலுடன் மறுநாள் காலை தொடங்குகிறது. வங்கக் கடலைப் போன்று சீறிப் பாயும் அலைகள் முருடேஷ்வரில் வருவதில்லை. ஒன்றையே பற்றிக் கொண்டு கொந்தளிப்புகள் அடங்கிய நிச்சலமான மனம் போல, அலைகளற்ற கடல் இது. ஒரு கிலோமீட்டர் தூரத்துக்கு மேல் கடலுக்குள் காலார நடந்து செல்ல முடிகிறது. புத்துணர்வூட்டும் அனுபவம்.

ராவணன் கொணர்ந்த ஆத்ம லிங்கேஸ்வரரின் கதை இங்கும் தொடர்கிறது. சிவலிங்கம் கோகர்ணத்தில் நிலைபெற்று விட்டது. கோபம் அடங்காத ராவணன் லிங்கம் இருந்த பூஜைப் பெட்டியை வீசி எறிய, அது சஜ்ஜேஸ்வரத்தில் சென்று விழுந்தது. அதன் மூடி இப்புறம் குணேஸ்வரத்தில் விழுந்தது. அதன் மீது சுற்றியிருந்த நூல்கயிறு தென்புறம் தாரேஸ்வரத்தில் சென்றது. லிங்கத்தின் மீதிருந்த வஸ்திரத்தைத் தூக்கி எறிய அது கந்துக கிரியின் மேல் முருடேஷ்வரத்தில் வந்து விழுந்தது.  எனவே மேற்குக் கடற்கரையில் இந்த ஐந்து இடங்களுமே ஆத்ம லிங்க ஸ்தலங்களாக அறியப் படுகின்றன. ஐந்து கோயில்களும் சுமார் 70 கிமீ தொலைவுக்குள் உள்ளன.

முருடேஷ்வரத்தின் சிறிய பழைய கோயில் பழுதடைந்து விட்டதால், 1970களில் தமிழக ஸ்தபிகளின் கைவண்ணத்தில் முற்றிலும் புதியதாகக் கட்டப் பட்டிருக்கிறது. 250 அடி உயரம் உள்ள ராஜகோபுரம் இருபுறமும் சரிவில்லாமல் நெட்டுக் குத்தாக பிரம்மாண்டமாக நிற்கிறது. இதன் உச்சி வரை லிஃப்டில் ஏறிச்சென்று பார்க்க வசதி செய்துள்ளார்கள். கோயிலுக்குப் பின்புறம் மலையில் நிறுவப் பட்டுள்ள 121 அடி உயரமுள்ள  சிவபெருமானின் சிலை இந்தத் தலத்தின் அடையாளமாகவே ஆகியிருக்கிறது. மூலஸ்தானத்தில் சுவாமிக்கு முகலிங்க கவசம் சாத்தியிருக்கிறார்கள். உருண்டையான திருமுகத்தில் முறுக்கு மீசை பொலிய தரிசனம் தருகிறார் முருடேஷ்வரர். கோயில் மிகத் தூய்மையாக, நேர்த்தியாக பராமரிக்கப் படுகிறது.  ஸ்தல புராணக் கதையை வண்ணச் சிற்பங்களாக ஒரு குகை போன்ற அரங்கில் செய்து வைத்திருக்கிறார்கள். சிற்பங்கள் மிக அழகாக கலை நயத்துடன் வடிக்கப் பட்டுள்ளன. கந்துக கிரி மலை மீதிருந்து தெரியும் கடல் காட்சியும் அற்புதமாக இருக்கிறது.

Courtesy: Wikimedia.org
Courtesy: Wikimedia.org

முருடேஷ்வரிலிருந்து  இன்னும் தெற்கு நோக்கி அதே கடற்கரைச் சாலையில் பயணிக்கிறோம். சிறிது தொலைவிலேயே பத்கல் (Bhatkal) என்ற ஊர் வருகிறது. இந்தியன் முஜாகிதீன் என்ற இஸ்லாமிய பயங்கரவாத அமைப்பின் முக்கியத் தூண்களான Riyaz Bhatkal  உள்ளிட்ட குற்றவாளிகளின் பிறப்பிடம் என்பதால் செய்திகளில் அடிபட்ட ஊர் இது. உ.பியின் அஜம்கர், தமிழகத்தின் மேலப்பாளையம் போல கர்நாடகத்தில் உள்ள ஜிகாதி பயங்கரவாத உற்பத்தி சாலையாக சமீபகாலங்களில் இந்த ஊர் ஆகிவிட்டிருக்கிறது. கடல் வழியாக பாகிஸ்தானிய தொடர்புகளும் இருக்கலாம் என்று உளவுத் துறையினர் சந்தேகப் படுகின்றனர்.  கோவாவிலிருந்து கொச்சி, திருவனந்தபுரம் வரையில் மேற்குக் கடற்கரையின் பல இடங்களில் இஸ்லாமிய ஆதிக்க அரசியலும் அடிப்படைவாதமும் வளர்ந்து வருகின்றன என்பது கவலைக்குரிய விஷயம்.

வழியில் அகநாசினி நதி (குற்றங்களை அழிப்பவள் என்று பொருள்) வருகிறது. மாரவந்தே என்ற இடத்தில் கடற்கரை, நதி, நெடுஞ்சாலை என மூன்றும் அடுத்தடுத்து உள்ளன.  அங்கு வண்டியை நிறுத்தி விட்டு சிறிது நேரம் அந்த இயற்கை எழிலை ஆற அமர ரசித்து விட்டுக் கிளம்புகிறோம்.

அடுத்த இடமான சிருங்கேரிக்கு செல்வதற்கு கடற்கரைச் சாலையிலிருந்து விலகி, தென்கிழக்காக மலைக் காட்டுப் பாதையில் பயணிக்க வேண்டும். மளே நாடு என்றழைக்கப் படும் இந்தப் பகுதியில் வருடத்தில் பெரும்பகுதி மழை பெய்து கொண்டே இருக்கும். இந்தியாவிலேயே சிரபுஞ்சிக்கு அடுத்து அதிகம்  மழை பெய்யும் பகுதி.  இது டிசம்பர் மாதம் என்பதால் மழை இல்லை. அதனால் இருபுறமும் அடர்ந்த காடுகளின் பசுமையை கண்களால் தெளிவாகப் பருகிக் கொண்டு மலைக் காற்றின் நறுமணத்தை நுகர்ந்து கொண்டு செல்கிறோம். வாகனப் போக்குவரத்து மிகக் குறைவாக இருந்ததால் அந்தப் பின்பகல் நேரத்திலும் காட்டின் ஓசைகளைக் கேட்க முடிகிறது.

IMG_5245

வழியில் சங்கர நாராயணா என்ற சிற்றூர் வருகிறது. ஊருக்குப் பெயரளித்தது அங்குள்ள புராதனமான சங்கர நாராயணர் திருக்கோயில். கருவறையில் சிவனும் விஷ்ணுவும் இரண்டு லிங்கங்களாக கீழே ஜல பிரதிஷ்டையில் இருக்க, அதன் பின் சங்கர நாராயணர் திருவுருவம் மிளிர்கிறது. பழைய கோயிலை எடுத்துக் கட்டி மிக நேர்த்தியாக கலைநயத்துடன் அண்மையில் சீரமைத்திருக்கிறார்கள். வண்ணத் தட்டைகளாக பெயிண்ட் அப்பாத கருஞ்சாம்பல் நிற சிமெண்ட் சிற்பங்கள் கண்ணுக்கு இனியதாக இருக்கின்றன.

கோயிலுக்கு எதிரில் அழகான குளம். தென்னை மரங்களின் சலசலப்பு மட்டுமே கேட்கும் அமைதியான மாலைப் பொழுது. தெப்பக் குளப் படிக்கட்டுகளில் அமர்ந்து கொள்கிறேன். ஆயிரம் மைல்களுக்கு அப்பால் தமிழ்நாட்டின் சங்கரன்கோயில் என்ற ஊரிலும் இதே போல சங்கர நாராயணர் அருள்பாலிக்கிறார். என்ன ஒரு அபூர்வமான ஒற்றுமை என்ற எண்ணம் தோன்றுகிறது. நீரில் துள்ளி விளையாடிக் கொண்டிருக்கும் மீன்கள் வாரியிறைத்த பொரித்துகள்களை விழுங்கி விட்டு ஒரு சுற்று நீந்தி விட்டுத் திரும்பி வந்து மீண்டும் எதிர்பார்ப்புடன் விழிகளை அசைக்கின்றன. தங்கள் சிறிய வாய்களைத் திறந்து திறந்து அழகு காட்டி விட்டுப் போகின்றன. குளத்து நீரின் மெல்லிய அசைவுகளில் வானத்தின் நீலம் மெதுமெதுவாகக் கரைகிறது.

புகைப்படங்கள்:

https://picasaweb.google.com/100629301604501469762/MurudeshwaraShankaraNarayanaDec2013Trip

(பயணம் தொடரும்)

அடுத்த பகுதி >> 

கோயில்களும், தொல்லியல் துறையும்: ஒரு பார்வை

முனைவர் தியாக.சத்தியமூர்த்தி அவர்கள் தினமலர் நாளிதழில் எழுதிய கட்டுரை:

மல்லையில் எழுந்துள்ள சர்ச்சை! ஸ்தல சயனப் பெருமாள் கோவிலை மத்தியத்தொல்லியல் துறை எடுத்தாள்வது சரியா? என்பதாகும். மாமல்லபுரத்தின் நடுவில் அமைந்துள்ள ஸ்தலசயனப் பெருமாள் கோவிலை, மத்திய தொல்லியல் துறை கையகப்படுத்தி, மேம்படுத்துதல் சார்பாக சமீபத்தில் ஒரு சர்ச்சை உருவாகியுள்ளது. மத்தியத் தொல்லியல் துறையின் எ.எம்.எ.எஸ்.ஆர்., சட்டத்தின் கீழ், ஸ்தல சயனப் பெருமாள் கோவில், ஒரு தேசிய முக்கியத்துவம் வாய்ந்த தலமாக அறிவிக்கப்பட உள்ளது. உலக புராதனச் சின்னங்களில் ஒன்றான மாமல்லையுள் இக்கோவிலும் அடங்கும். அரசியல்வாதிகள் கூக்குரலுக்கும், உள்ளூர் சுயநலவாதிகளின் உணர்ச்சிபூர்வமான கோரிக்கைகளுக்கும் செவிசாய்க்காமல், கோவிலுக்கும், அந்த தலத்திற்கும், இந்த சட்டத்தினால் வரும் நன்மைகளை மனதில் கொண்டு, மக்கள் இந்த சர்ச்சைக்கு ஒரு முற்றுப் புள்ளி வைக்க வேண்டும் என்பதனை விளக்கவே இந்த கட்டுரை..


வரலாற்று பெருமை:

மாமல்லபுரத்திலுள்ள அனைத்து சின்னங்களும், உலக புராதனச் சின்னங்களாக அறிவிக்கப்பட்டுள்ளவை என்பது எல்லாரும் அறிந்ததே. உலக சின்னங்கள் நிபுணர்களின் கூற்றின்படி, ”மனித வரலாற்றில் ஒரு மிகச்சிறந்த வரலாறின் வளர்ச்சியை வெளிப்படுத்தும் இடம்”என்று கூறப்பட்டுள்ளது. மகேந்திர பல்லவன் மகேந்திரவாடி, மண்டகப்பட்டு, தளவானூர் என்று பல இடங்களில் குடைவரைக் கோவில்களை பாறைகளைக் குடைந்து செய்த பின்னர், இந்த கடற்கரையைக் கண்டதும்தான் எல்லா கலை அம்சங்களும் வெளிப்படுத்தும் விதமாக, இங்கிருந்த பாறைகளில் எல்லாம் பல உருவங்களையும், சின்னங்களையும் படைக்கிறான். தன்னை, “விசித்திரச் சித்தன்’ என்றும் கூறிக் கொள்கிறான். காலத்தால் அழியக் கூடிய மண், சுண்ணாம்பு, உலோகம், மரம் ஆகியவற்றைத் தவிர்த்து, என்றும் நிலையாக இருக்கக் கூடிய கல்லிலே எமது இறைவனும், அவனது கோவிலும் சமைப்பேன். எனவே, நான் விசித்திரச் சித்தன், என்று தன்னை பறைசாற்றிக் கொள்கிறான். அதுவரை அழியக்கூடிய பொருள்களால் செய்யப்பட்ட கோவில்களும், சிலைகளும் கல்லிலே செதுக்கியதற்கான முன்னோடி, மகேந்திர பல்லவன். அவனும் அவன் பின் மூன்று தலைமுறைகளுக்கும் பல்லவர்களின் பங்களிப்பால், மல்லையில் கோவில்களும், புடைப்புச் சிற்பங்களும் எழுந்தவண்ணம் இருந்தன. எனவேதான், குடைவரைக் கோவில், புடைப்பு சிற்பங்கள், தனி முப்பரிமாண சிற்பங்கள், ஒரே கல்லில் வடிக்கப்பட்ட கோவில்கள், அடுக்கிவைத்துக் கட்டப்பட்ட கோவில் என்று கோயிற் கலையின் எல்லா வளர்ச்சியையும் ஒரே இடத்தில் பல்லவர்கள் காட்டியதை உலக வரலாற்று நிபுணர் குழு, “மனித வரலாற்றின் மிகப்பெரிய முன்னேற்றப் பாதைக்கான அடையாளம்’ என்று சிலாகித்துப் போற்றுகிறது. கடந்த 1984ல், மல்லையும், அதனுள் அமைந்த அனைத்து கலைகளும், உலகச்சின்னங்களாக அறிவிக்கப்பட்டன. அன்று முதல், இன்று வரை அந்த குழுவின் பரிந்துரைபடியே, புனரமைப்பும், பராமரிப்பும் நடந்து வருகின்றன.
உலகச் சின்னம்:

உலகச் சின்னம் என்று அறிவித்த நாளிலிருந்து, அந்த குழு காலங்காலமாக அறிவிக்கப்பட்டுள்ள எல்லா சின்னங்களையும் அவ்வப்போது பார்வையிட வரும். அப்போது அவ்விடங்களில் உள்ள எல்லா நிலம், பொருள், சின்னங்கள் ஆகியவை ஆவணப்படுத்தப்பட்டு, ஒரு வரைப்படம் தயாரிக்கப்படும். பின்னர், பல காலகட்டங்களில், அக்குழுவின் பரிந்துரையின்படி, புனரமைப்பும், பராமரிப்பும் நடந்தால் மட்டுமே உலக சின்னம் எனும் அந்தஸ்து நிலை நிறுத்தப்படும். மல்லையைப் பொறுத்தவரை, மல்லை சின்னங்கள் மட்டுமல்லாது, முழு ஊரும், அதன் சுற்றுப்புறமும் எவ்வாறு சுத்தப்படுத்தி அகலப்படுத்தி, உலக தரத்திற்கு மேம்படுத்தவேண்டும் என்ற கட்டமைப்பு வரைபடம் “ஹட்கோ’ வினர் தயாரித்து பணிகள் மூன்று கட்டங்களாக பிரித்து செயல்படுத்தப்பட்டன. அப்போது மத்திய கலாசார மற்றும் சுற்றுலாத்துறை அமைச்சராக இருந்த ஜெகன்மோகன், தனிக் கவனத்துடன் செயலாற்றி, மல்லைக்கு உலகச் சின்னம் அங்கீகாரம் பெற மிகவும் முனைந்து தமது துறை, தொல்லியல் துறையினர், மற்றும் ஹட்கோ அதிகாரிகளுடன் நித்தம் கலந்தாலோசித்து, குழுக்களின் பரிந்துரையை உடனுக்குடன் நிறைவேற்றினார்.


சீரமைப்பு:

முதல் கட்டமாக, கடற்கரைக் கோவில் சீரமைக்கப்பட்டு, சுற்றிலும் தோட்டங்கள் மற்றும் வேலிகள் அமைத்து செப்பனிட்டார்கள். 2005ல் இப்பணிகள் நிறைவடைந்தன. இரண்டாம் கட்டமாக, பஞ்ச பாண்டவர் ரதம் எனப்படும் இடம் சீரமைக்கப்பட்டு, அங்குள்ள உள்ளூர் கல்தச்சர்கள், ஸ்தபதிகளுக்கான கடைகளும் ஒதுக்கப்பட்டு, சங்கு மற்றும் கைவினைப்பொருட்கள் வியாபாரிகளுக்கான கடைகளுக்கான இடங்களையும் ஒதுக்கித் தந்தது மத்திய தொல்லியல் துறை. இதனால் கலைப் பொருட்களை வாங்குபவர்கள், தயாரிக்கும் கலைஞரிடமே விலை பேசி வாங்க வழிசெய்துள்ளது. இந்த இரண்டாம் கட்டப் பணிகள் ஏறத்தாழ முடிவடைந்துவிட்டன. சின்னங்களைச் சுற்றி அழகிய பூங்காக்களும், சின்னங்களை பராமரிக்க நிரந்தர பணியாளர்களும் உள்ளனர். மூன்றாம் கட்டப் பணிகள் அர்ச்சுனன் தவசுப் பாறையும், அதனைச் சுற்றியுள்ள இடங்களைப் பராமரித்தலுமாகும். இந்த உலகப் பிரசித்தி பெற்ற பாறையின் முன்னேதான் சர்ச்சைக்குட்பட்டுள்ள ஸ்தலசயனப் பெருமாள் கோவில் உள்ளது. உலகத் தர சின்னங்களிலிருந்து 300 மீட்டர் தூரத்திற்கு, எந்த மாற்றங்களும், நவீன கட்டடங்களும் வரலாகாது என்பதே சட்டம். உதாரணமாக, கர்நாடகாவிலுள்ள ஹம்பி கோவில்கள் உலகச் சின்னங்களாக அற  ிவிக்கப்பட்டிருந்தன. அப்போது இருந்த அரசு, பத்மாவதி ஆற்றின் குறுக்கே ஒரு நவீன அணை கட்டியது. உடனடியாக அதனை நீக்கவில்லையெனில், ஹம்பி கோவில்கள் உலகதரச் சின்னம் என்ற அந்தஸ்தை இழந்துவிடும் என்ற எச்சரிக்கை வந்ததும், அந்த பாலத்தையே கர்நாடக அரசு உடைந்தெடுத்துவிட்டது! நவீன முறையில் அருகே உணவு விடுதிகளும், தங்கும் அறைகளும் கட்டுதல், கடை விரித்தல் ஆகியவை அந்த சூழலில் புராதனத் தன்மையைக் கொடுப்பதோடு மட்டுமல்லாமல், சுற்றி நவீன இயந்திரங்களால் தோண்டும் போது சின்னங்களில் விரிசல்கள் தோன்றக் காரணமாக கூட அமையலாம்! எனவேதான் இந்த பாதுகாப்பு எச்சரிக்கை.
ஒரு தனியாரின் பரம்பரை பரிபாலன நிறுவனமும், இந்து அறநிலையத்துறையும் இணைந்துதான், ஸ்தலசயனப்பெருமாள் கோவிலை நிர்வகிக்கிறது. இன்ன பிற கோவில்கள் புனரமைக்கும் போது, சிமென்ட், ரசாயனப் பெயின்ட்டுகள் கொண்டே இவர்களால் வேலைகள் நடத்தப்படுகின்றது என்பது பொதுவாகத் தெரிந்த விஷயம். மத்தியத் தொல்லியல் துறை தன் கீழ் உள்ள எல்லா சின்னங்கள், கோவில்கள், பழமை மாறாமல், சுண்ணாம்பு மற்றும் கற்களைக் கொண்டே செப்பனிடுகிறது என்பது இங்கு முக்கியமாக குறிப்பிடப்பட வேண்டிய விஷயம். எனவே, மல்லை கோவிலும் மத்திய தொல்லியல் துறையின் கட்டுப்பாட்டில் வந்தால், கோவில் பழமை மாறாமல் புனரமைக்கப்படும், பாதுகாக்கப்படும், பராமரிக்கப்படும். மேற்படி செலவுகள் அனைத்தையும் மத்தியத் தொல்லியல் துறையே பார்த்துக் கொள்ளும்.


நேரில் பார்த்தது…: சமீபத்தில், ரீச் பவுண்டேஷன் சார்பில் கம்போடியா செல்லும் சுற்றுலாக் குழுவை வழிநடத்திச் செல்லும் ஒரு அரிய வாய்ப்பு கிட்டியது. அப்போது, பழங்காலச் சின்னங்களைப் பேணி காப்பதில், நம்மைவிட வருமானம் குறைவாக உள்ள நாடுகள் பல, சிறப்பாக செயல்பட்டுவருகின்றன என்பதை கண்கூடாக அறிந்து கொண்டேன். உதாரணமாக, இந்துக் கோவில்களும், புத்தர் கோவில்களும், மடங்களுமாக ஒரு சேரக் காணக் கிடைக்கும் கம்போடியாவில் உள்ள சியாம் ரீப் வளாகத்தில், 2 கி.மீ., முன்னரேயே எந்த வாகனங்களும் செல்ல தடை செய்யப்பட்டுள்ளது. நாள் ஒன்றுக்கு 20,000 மக்கள் வருகை தரும் அம்மாபெரும் கோவில்கள் வளாகத்தை, “அப்ஸரா’ எனும் அந்நாட்டின் அரசுதுறை பராமரித்து வருகிறது. அந்த 2 கி.மீ., தூரம் வரை எந்த புதுவீடுகளோ, நவீனக் கட்டடங்களோ காணமுடியவில்லை. பன்னாட்டு பராமரிப்பு நிறுவனங்களுடன் (இந்தியாவில் மத்திய தொல்லியல் துறை உட்பட) கலந்தாலோசித்து அவர்கள் மிகவும் செம்மையாக, உலக சின்னங்கள் குழுவின் பாராட்டைப் பெறும் வண்ணம் பழங்காலச் சின்னங்களைப் பேணி காத்து வருகின்றனர். இவர்களின் செயல்பாட்டை செம்மை படுத்த முன்னேறிய நாடுகள் பல, மனமுவந்து உதவுகின்றன. குறிப்பாக, அமெரிக்க அரசு பல நவீன முறைகளை புகுத்தியுள்ளது. உதாரணமாக, 3 – 4 நாட்களுக்குண்டான நுழைவுச் சீட்டினை சுற்றுலாப் பயணியின் புகைப்படத்துடன் கூடிய அடையாள அட்டையாக, ரூபாய் 40க்குள் தருகின்றனர்.
கனிவு:

பல நவீனமயமாக்கப்பட்ட நாடுகளில் கூட இப்படிப்பட்ட வசதி கிடையாது. முக்கியமாக, அங்கோர்வாட்டில் உள்ள உலகின் மிகப்பெரிய விஷ்ணு கோவிலில், 2 கி.மீ., தூரமும் நடந்தேதான் உள்ளே செல்ல வழியமைத்துள்ளனர். இம்மாதிரி உலகப் பொருளாதாரத்தில் பின் தங்கிய நாடுகள் கூட, வரலாற்றுச் சின்னங்களே தங்களது வருமானத்திற்கான நல்வழி என்றும், தங்கள் கலாசாரமே உலகினர் அங்கே வருவதற்கான வாயிலின் திறவுகோல் என்பதை உணர்ந்து செயல்படுகின்றன, வசதியும், பொருளாதாரமும், பராமரிப்பு வழிகளும் தெரிந்த நம் மக்களும், அரசும், ஒருமித்த சிந்தனையோடு உலகத்தரம் வாய்ந்த மாமல்லை போன்ற சின்னங்களை காக்க, தன் நலம் கருதாது, அச்சின்னங்களே நம் நாட்டின் பெருமை என்பதை உணர்ந்து அவற்றைப் பாதுகாக்க ஒருமித்து செயல்படமாட்டார்களா என்ற ஏக்கமே நம் மனதுள் எழுகிறது!


பூஜை நடக்கும்…: மக்களின் மற்றொரு கவலை கோவில் உற்சவங்கள், நித்திய பூஜைகள் முன்பு போல் நடக்குமா என்பதே. மத்திய தொல்லியல் துறையின் கீழ் வாழும் கோவில்கள் எனப்படும், (பூஜைகள் தொடர்ந்து நடக்கும் கோவில்கள்) பலப்பல. உதாரணமாக, வடக்கே பூரி ஜெகன்னாதர் கோவில், துவாரகா போன்றவை மக்கள் கூட்டம் அலைமோதும் சிறப்பான கோவில்கள். தமிழகத்தை எடுத்துக் கொண்டால், பெரிய கோவில் எனப்படும் தஞ்சை பிரகதீஸ்வரர் ஆலயம், தாராசுரம், கங்கை கொண்ட சோழபுரம் மற்றும் காஞ்சி கைலாசநாதர் கோவில், திருவிடந்தை நித்யகல்யாணசுவாமி ஆலயம் ஆகியவற்றில், இன்றும் ஆகம முறைகளின் படி நித்திய பூஜைகள் தங்கு தடையின்றி நடைபெற்று வருகின்றன.

( நன்றி : தினமலர்)

கட்டுரை ஆசிரியர் தியாக.சத்திய மூர்த்தி, “ரீச் ஃபவுண்டேஷன்”அமைப்பின்  நிறுவனர்களில் ஒருவர்.  மத்திய தொல்லியல் துறையின் உயர்பதவியில் இருந்து பணி ஓய்வு பெற்றவர். இந்த அமைப்பு  நமது கோயில்களின் கலைச் சிறப்பையும்  வரலாற்றுப் பாரம்பரியத்தையும்  தெய்வீகச் சூழலையும் போற்றிப் பாதுகாக்கும் நோக்கத்துடன் பல சீரிய பணிகளைச் செய்து வருகிறது.   கிராம மக்களிடையே தங்கள் ஊர்க் கோயில் சிறப்பு பற்றிய விழிப்புணர்வை உருவாக்குதல்,   சிதைந்து கிடக்கும் பழைய கோயில்களைச் சீரமைக்க உதவுதல்,  கோயில்கள் பற்றிய வரலாற்று விவரணங்களை ஆய்வு செய்தல் மற்றும் எடுத்துரைத்தல்,  தன்னார்வலர் குழுக்களை உருவாக்கி  கோயில்களைச் சுத்தம் செய்தல்,   கோயில் பொலிவையும், கலையழகையும் சிதைக்கும்  நடவடிக்கைகளை  உடனுக்குடன் மக்கள் மற்றும் அரசின் கவனத்திற்குக் கொண்டு வருதல் ஆகிய பணிகளும் இதில் அடங்கும்.

 

மேலும் விவரங்களுக்கு:

 

இராமநாதபுரம் மாவட்ட இந்து மீனவர்களின் அவலநிலை

shiva_the_fishermanராமநாதபுரம் மாவட்ட கடலோர பகுதி கிராமங்களில் இந்துக்கள் பெரும்பான்மையாக இருந்தவரை எந்த ஒரு பிரச்சனையும் இல்லை. முஸ்லீம்களின் ஜனத் தொகை பெருக்கம் மற்றும் பிற மதத்தவர்களின் மோசடி மத மாற்ற நடவடிக்கைகள் ஆகியவை காரணமாக இந்துக்களின் ஜனத்தொகை குறையத் துவங்கியது.முஸ்லீம்களின் ஜனத்தொகை கணிசமாக உயர்ந்துள்ள கிராமங்களில் இந்திய அரசியல் சட்டத்தின் ஆட்சி நடைபெறுவது இல்லை. அங்கெல்லாம் இஸ்லாமிய ஜமாத்துகளின் ஆட்சியே நடக்கின்றது.

குறிப்பாக சித்தார்கோட்டைக் கிராமத்தில் இந்துக்கள் முஸ்லீம் ஜமாத்திற்கு வரி செலுத்திதான் தொழில் செய்ய முடியும் என்கிற நிர்பந்தம் உள்ளது. ஆட்டோ ரிக்ஷா ஓட்டுநர்கள் கூட மாதம் ஐம்பது ரூபாய் ஜமாத்திற்கு செலுத்த வேண்டும் என்கிற கட்டாயம் உள்ளது. காவல் துறையினர் உள்ளிட்ட மாவட்ட அரசு நிர்வாகங்கள் அனைத்தும் ஜமாத் மூலமாகத்தான் செயல்படுகின்றன. அரசியல் கட்சிகளும் ஜமாத்தின் கட்டுப்பாட்டிற்குள்தான் உள்ளன.

1984ம் வருடம் ராஜூ என்கிற இந்து இளைஞர் மீது திருட்டுக் குற்றம் சுமத்தப்பட்டு ஜமாத்திலேயே விசாரிக்கப்பட்டு ஷரியத் சட்டப்படி அவர் தண்டிக்கப்பட்டார். கண்ணில் கள்ளிப்பால் ஊற்றியும், அவர் வாயில் சிறு நீர் ஊற்றியும் கொடுமைப்படுத்திய பிறகு கல்லால் அடித்துக் கொல்லப்பட்டார். இன்று வரை மத்திய மாநில அரசுகளால் எந்தவொரு விசாரணையும் மேற்கொள்ளப்படவில்லை. கடந்த ஆண்டு கண்ணன் எனும் ஆட்டோ டிரைவர் ஜமாத்திற்கு மாதக் கட்டணம் செலுத்தமாட்டேன் என்று போராடத் துவங்கினார். இந்து இயக்கங்களோடு தொடர்பு கொண்டு செயல்படத் துவங்கினார். இவரும் இஸ்லாமிய மத வெறியர்களால் படுகொலை செய்யப்பட்டார். மக்களை திரட்டி இந்து மக்கள் கட்சி சார்பில் போராட்டம் நடத்திய பிறகு கொலையாளிகள் கைது செய்யப்பட்டனர். ஆனால் கண்ணன் கொலை சம்பவத்தை தூண்டிய ஜமாத் நிர்வாகிகள் இன்னும் கைது செய்யப்படவில்லை.

கடந்த 5-4-2010 அன்று பழனிவலசு கிராமத்தை சேர்ந்த சுந்தர்ராஜ் எனும் நாட்டுப்படகு மீனவர் முஸ்லீம் மதம் சார்ந்த விசைப்படகு மீனவர்களால் படுகொலை செய்யப்பட்டார்.

பொதுவாக நாட்டுப்படகு மீன்பிடித் தொழிலில் இந்துக்கள் பெரும்பான்மையாக ஈடுபட்டு வருகின்றனர். விசைப்படகு மூலம் மீன்பிடித் தொழிலில் ஈடுபட்டு வருபவர்களில் முஸ்லீம்கள் பெரும்பான்மையாக உள்ளனர். விசைப்படகு மூலம் மீன்பிடிப்பவர்கள் பெரும் பணக்காரர்களாகவும் அரசியல் செல்வாக்கு மிக்கவர்களாகவும் உள்ள காரணத்தினால் சம்பந்தப்பட்ட துறை அதிகாரிகளுக்கு உரிய கையூட்டு கொடுத்து கள்ளத்தனமாக நாட்டுபடகு மீனவர்கள் மீன்பிடிக்கும் பகுதிகளில் விசைப்படகு மூலம் மீன்பிடித் தொழிலை செய்கின்றனர்.

இதன் காரணமாக நாட்டுப்படகு மீனவர்களின் மீன்பிடி கருவிகள் நாசமாவதோடு அவர்களின் தொழிலும் கெட்டு விடுகிறது. நாட்டுப் படகு மீனவர்களின் வாழ்வாதாரம் பாதிக்கப்படுகிறது. இதுகுறித்து மீனவளத் துறை மற்றும் தமிழக அரசு, நாட்டுப் படகு மீனவர்களை காப்பாற்றிட எந்தவொரு நடவடிக்கையும் எடுக்கவில்லை. விசைப்படகு மீனவர்கள் செய்வது சட்டப்படி தவறு என்பதை தமிழக அரசுக்கும் சம்பந்தப்பட்ட அதிகாரிகளுக்கும், காவல் துறையினருக்கும் தெரிந்திருந்தும் விசைப்படகு மீன் தொழிலில் முஸ்லீம்கள் அதிகம் ஈடுபடுகிற காரணத்தினால் அவர்கள் மீது நடவடிக்கை எடுக்க தயங்குகின்றனர்.

சுந்தர்ராஜ் படுகொலை தொடர்பாக அவர் மனைவி சேதம்மாள் கொடுத்துள்ள புகாரில் தெரிவிக்கும்
விவரங்கள் பின்வருமாறு:

ramanathapuram_fisherman_sundarraj_familyகடந்த 3-4-2010 அன்று மாலை 5-00 மணிக்கு பழனிவலசு கடலோரப்பகுதியில் மண்டபம் பகுதி மீனவர்கள் மீன்பிடிக்க துவங்கினார். உடனே எங்கள் பகுதியில் இருந்து மீனவர்கள் கடலோரத்தில் மீன்பிடித்துக் கொண்டிருந்த 239 எண் கொண்ட விசைப்படகைப் சுற்றிவளைத்து பிடித்து பார்த்தபொழுது அதில் லாஞ்ச் டிரைவர் மற்றும் நான்கு பேர்கள் இருந்தனர். அதில் எங்கள் மீன்பிடிவலைகள் இருந்தன. மேற்படி படகை கரைக்கு கொண்டு வந்து சேர்த்து மீனவர்களை முடிவீரன்பட்டிணம் கடற்கரையில்
இறக்கிவிட்டுவிட்டு அந்த லாஞ்ச் டிரைவர் மண்டபத்தை சார்ந்த ஹமீது சுல்தான் என்பவருடன் சேர்ந்து மற்ற கரையோரம் மீன் பிடிக்கும் லாஞ்சுகளைப் பிடித்து கரைக்கு கொண்டு வரும் போது மேற்படி 239 எண் கொண்ட லாஞ்சில் எனது கணவர் சுந்தர்ராஜ் என்பவரை மட்டும் ஏற்றிக் கரைக்கு கொண்டு வருமாறு சொல்லிவிட்டு மற்ற லாஞ்சுகளில் எங்கள் ஊரைச் சார்ந்தவர்கள் கரைக்கு வந்து விட்டனர். மேற்படி லாஞ்சு கரைக்கு வருவது போல் பாவனை செய்து விட்டு மண்டபம் நோக்கி சென்று விட்டது. பின்னர் எனது கணவர் கடந்த 5-4-2010 -ம் தேதி காலை 9-00 மணிக்கு தேவிபட்டணம் பழைய சங்குமால் கடற்கரை அருகே காயங்களுடன் எனது கணவர் பிணமாகக் கிடந்தார். மேற்படி ஹமீது சுல்தான் மீது தேவிபட்டிணம் காவல்நிலையத்தில் எங்கள் ஊர் தலைவர் நாகேஸ்வரன் புகார் ஒன்றைக் கொடுத்தார்.

மேற்படி புகார் தேவி பட்டிணம் காவல்நிலைய குற்ற எண். 70/2010 பிரிவு 174 கு.வி.ந.மு. படி வழக்குப் பதிவு செய்யப்பட்டு சந்தேக எதிரியாக மேற்படி ஹமீது சுல்தான் காண்பிக்கப்பட்டார். பின்னர் எனது கணவரின் உடல் உடற்கூராய்வு செய்யப்பட்டது. எனது கணவரின் உடலில் இரத்தக் காயங்கள் இருந்தன எனது கணவரின் நாக்கு வெளியே தள்ளியிருந்தது. மேற்படி ஹமீது சுல்தான் எங்கள் ஊரின் கடற்கரைக்கு தனது லாஞ்சை கொண்டு வரக்கூடாது என அதற்கு தடையாக இருந்த எனது கணவரை அடித்துக் காயப்படுத்தி கழுத்தை நெறித்து கொலை செய்துள்ளார். தற்போது எனது கணவரின் உடல் இராமநாதபுரரத்தில் அல்லிக் கண்மாய் சுடுகாட்டில் புதைக்கப்பட்டுள்ளது. எனது கனவரின் உடலை மீண்டும் தோண்டி எடுத்து கழுத்து எலும்பை சோதனை செய்தால் தான் என் கணவரின் இறப்பின் உண்மையான காரணம் தெரியவரும். மேற்படி வழக்கில் எனது கணவரை கொலை செய்த ஹமீது சுல்தானை காப்பாற்றும் விதமாக மேற்படி இறப்பு விபத்து என தேவி பட்டிணம் காவல்துறையினர் வழக்கினை முடித்துவிட செயல்பட்டுக் கொண்டுள்ளனர். இல்லாது போனால் மேற்படி வழக்கின் உண்மையான கொலைக் குற்றவாளி சட்டத்திலிருந்து தப்பிவிடுவார்.

இராமநாதபுரம் மாவட்டம் காவல்துறையினர் அராஜகம்

ramanathapuram_fisherman_lathicharged_victimபடுகொலை செய்யப்பட்ட சுந்தர்ராஜின் உடல் இராமநாதபுரம் அரசு மருத்துவமனையில் வைக்கப்பட்டிருந்த போது அவரது உறவினர்களும் சக மீனவர்களும் பெரும் கூட்டமாக திரண்டிருந்தனர். சுந்தர்ராஜின் உடலை பெற்று உடனடியாக அடக்கம் செய்யும்படி காவல்துறையினர் வலியுறுத்தினர். சுந்தர்ராஜின் உடலை பெற மறுத்த அவரது உறவினர்கள் முதலில் கொலையாளிகளை கைது செய்து நடவடிக்கை எடுக்கும்படியும் சுந்தர்ராஜின் குடும்பத்தாருக்கு உரிய நிவாரணம் வழங்க கோரியும், நாட்டுப்படகு மீன்பிடித் தொழிலுக்கு பாதுகாப்பு கோரியும் மாவட்ட ஆட்சித்தலைவர் நேரில் வந்து உறுதிமொழி அளிக்கக்கோரி மருத்துவமனை வளாகத்திலேயே அறப்போராட்டத்தை மேற்கொண்டனர். 6-4-2010 அன்று சுமார் 3,000த்திற்கும் மேற்பட்ட நாட்டுப்படகு மீனவர்கள் மருத்துவமனை வளாகத்தில் குழுமியிருந்தனர். நாட்டுப்படகு மீனவர்களுக்கு ஆதரவாக பாரதிய ஜனதா, மற்றும் இந்து மக்கள் கட்சியை சார்ந்த நிர்வாகிகளும் மருத்துவமனை வளாகத்திற்குவந்தனர்.

உறவினர்கள் சுந்தர்ராஜின் உடலை பெற மறுத்த காரணத்தினால் கோபம் கொண்ட காவல் துறையினர் மருத்துவமணை வளாகத்தில் உள்ள அனைத்து கதவுகளையும் பூட்டி விட்டு திடீரென கடுமையான தடியடி பிரயோகம் மேற்கொண்டனர். யாரும் தப்பிச் செல்ல இயலாதபடி சுற்றி வளைத்து காவல் துறையினர் மூர்க்கத்தனமாக பொது மக்களைத் தாக்கினர். குறிப்பாக பெண்கள் மீது தாக்குதல் நடத்தியபோது அதை தடுக்க முயற்சி செய்த பாரதிய ஜனதா கட்சி மாவட்ட தலைவர் திரு. துரைக்கண்ணன், கடுமையாக தாக்கப்பட்டார், காவித்துண்டு அணிந்திருந்த இந்து இயக்கத் தொண்டர்கள் பலரும் தாக்கப்பட்டனர். சுமார் 50க்கும் மேற்பட்டோர் படுகாயமடைந்தனர். மண்வாரி தூற்றிய பெண்களின் சேலை உரியப்பட்டு மானபங்கப்படுத்தப்பட்டனர் காயமடைந்தவர்களுக்கு உரிய முதலுதவி கூட செய்யாமல் துரத்தி அடிக்கப்பட்டனர். இந்து இயக்கங்களை சார்ந்த 26 பேர் கைது செய்யப்பட்டு சிறையில் அடைக்கப்பட்டனர்.

சுந்தர்ராஜின் குடும்பத்தாரை மிரட்டி காவல்துறை வாகனத்திலேயே அவரது உடலை ஏற்றிக்கொண்டுபோய் கட்டாயப்படுத்தி அடக்கம் செய்தனர். விசைப்படகு மீனவர்கள் மாதம்தோறும் காவல் துறையினருக்கும் சம்பந்தப்பட்ட துறை அதிகாரிகளுக்கும் மாமூல் கொடுத்துவிடுகிற காரணத்தினால் காவல் துறையினர் விசைபடகு முஸ்லீம் மீனவர்களின் கைக்கூலிகளாக செயல்பட்டு வருகின்றனர். அனைத்து அரசியல் கட்சிகளும் பெரும்பான்மையான விசைப்படகு மீனவர்கள் முஸ்லீம் சமூகத்தினரை சார்ந்தவர்களாக இருக்கின்ற காரணத்தினால் அவர்களின் ஆதரவை பெற அவர்களுக்கு சாதகமாக செயல்படுகின்றனர்.

15th_ramnad_fishing_104241fதமிழகம் முழுவதும் பரவலாக ஊடகங்கள் இது விஷயத்தை நாட்டுப்படகு விசைப்படகு மீனவர்கள் இடையே மோதல் என்று மட்டுமே செய்தி வெளியிட்டனர் (உதாரணமாக, இது பற்றிய 6-4-2010 தினமலர் செய்தி ) உண்மை நிலவரங்களை யாரும் வெளியிடவில்லை. சுந்தர்ராஜ் படுகொலை மற்றும் தடியடி சம்பவத்தை கண்டித்தும் பாரதிய ஜனதா கட்சியின் சார்பில் பொதுக்கூட்டம் நடைபெற்றது. பொதுக்கூட்டத்தில் திரு. எச். ராஜா அவர்கள் காவல் துறையினரின் ஒருதலைபட்ச நடவடிக்கைகளை சுட்டிக்காட்டி பேசியபிறகு பா.ஜ.க வை சார்ந்த நிர்வாகிகளையும் வழக்கில் சேர்த்து விட்டனர்.

இந்து மக்கள் கட்சி சார்பில் பின்வரும் கோரிக்கைகளை வலியுறுத்தி பாதிக்கப்பட்ட கிராமங்களில் ஆங்காங்கு அறப் போராட்டங்கள் நடைபெற்றன. கோரிக்கைகள் பின்வருமாறு:

(1) முஸ்லீம் விசைப்படகு மீனவர்களால் படுகொலை செய்யப்பட்ட சுந்தர்ராஜ் குடும்பத்தாருக்கு ரூ.5 லட்சம் நிவாரணம் மற்றும் அவரது குடும்பத்தை சார்ந்த ஒருவருக்கு அரசு வேலை வாய்ப்பு வழங்கப் பட வேண்டும்.

(2) முஸ்லீம்கள் பெரும்பான்மையாக உள்ள கிராமங்களுக்கு ஜாமத்களின் ஆட்சிக்கு முடிவு கட்டி சட்டத்தின் ஆட்சியை ஏற்படுத்த வேண்டும்.

(3) இந்துக்கள் சிறுபான்மையாக உள்ள பஞ்சாயத்துகளில் அவர்கள் வசிப்பிடங்களை தனியாக பிரித்து தனி பஞ்சாயத்து நிர்வாகத்தை ஏற்படுத்தி வளர்ச்சி மற்றும் பாதுகாப்பு பணிகளை மேற்கொள்ள வேண்டும்.

(4) நாட்டுப்படகு மீனவர்களின் எல்லைக்குட்பட்ட பகுதிகளில் விசைப்படகு மீனவர்கள் அத்துமீறி மீன் பிடிப்பதை தடை செய்ய வேண்டும்.

(5) நாட்டுப்படகு மீனவர்களுக்கு உரிய அடையாள அட்டை வழங்கி அவர்களுக்கு தேவையான அரசு சலுகைகளை உடனே வழங்கிட வேண்டும்.

(6) மீனவளத்துறை சார்பில் சிறுபான்மையினர் ஆகிவிட்ட இந்து மீனவர்களுக்கு நல வாரியம் அமைக்க வேண்டும்.

(7) சுந்தர்ராஜ் படுகொலை சம்பவத்தில் தொடர்புள்ள விசைப்படகு உரிமையாளர்களை கைது செய்ய வேண்டும்.

(8) 6-4-2010 அன்று கண்மூடித்தனமாக அப்பாவி மீனவர்கள் மீது தடியடி நடத்திய காவல்துறையினர் மீது துறை ரீதியான நடவடிக்கை எடுக்க வேண்டும்.

(9) காவல்துறையினர் தடியடி காரணமாக காயம்பட்டவர்களுக்கு உரிய சிகிச்சை மற்றும் நிவாரணம் வழங்கப்பட வேண்டும்.

(10) நாட்டுப்படகு மீனவர்களின் வாழ்வுரிமையை பாதுகாக்க அனைத்து நடவடிக்கைகளும் மேற்கொள்ள வேண்டும்.

ramanathapuram_fisherman_enquiryமேற்கண்ட சம்பவம் தொடர்பாக இந்து மக்கள் கட்சி மாநிலத் தலைவர் திரு. அர்ஜுன் சம்பத் தலைமையில் ஆய்வுக்குழு ஒன்று அமைக்கப்பட்டு ஏப்ரல் மாதம் 15, 16 ஆகிய இரண்டு நாட்கள் பாதிக்கப்பட்ட கிராமங்களில் சுற்றுப்பயணம் மேற்கொண்டனர். குழுவில் வழக்கறிஞர் திருமதி. உஷா, இ.ம.க மாநில இளைஞர் அணி செயலாளர் திரு. சரவணன், மாநில தொழிற் சங்க அமைப்பாளர் திரு. திருப்பதி, மதுரை மாவட்ட தலைவர் சோலைக்கண்ணன், இராமநாதபுரம் மாவட்ட செயலாளர் திரு. ஜெயராஜ், ஒன்றிய செயலாளர் திரு. மனோஜ், புகைப்பட கலைஞர் திரு. திருமலை ஆகியோர் இடம்பெற்றிருந்தனர். இராமநாதபுரம் அரசு பொது மருத்துவமனை, தேவிப்பட்டிணம், படையாச்சி காலனி, முடிவீரம்பட்டிணம், பழனிவலசை, சித்தார்கோட்டை, இலந்தை குட்டம், ஜமிந்தார் வலசை ஆகிய ஊர்களில் காயம் பட்டவர்களையும், பாதிக்கப்பட்டவர்களையும் நேரில் சந்தித்து விவரங்களை சேகரித்தனர். பழனிவலசையில் படுகொலை செய்யப்பட்ட சுந்தர்ராஜ் குடும்பத்தினரை நேரில் சந்தித்து ஆறுதல் கூறினர்.

தடியடியில் காயம்பட்ட மீனவர்கள் வீட்டிற்கு நேரில் சென்று அவர்களுக்கும் அவர்கள் குடும்பத்தாருக்கும் ஆறுதல் கூறினர். பொய்வழக்கில் சிறையில் அடைக்கப்பட்ட மீனவர்களின் இல்லங்களுக்கு சென்று அவர்கள் குடும்பத்தாருக்கு போதிய சட்டஉதவிகளும் ஆலோசனைகளும் வழங்கப்பட்டன. தடியடியில் காயம்பட்ட பா.ஜ.க. மாவட்டத் தலைவர் இல்லத்திற்கு நேரில் சென்று அவருக்கும், அவர் குடும்பத்தாருக்கும் ஆறுதல் கூறினர், விவரங்களை சேகரித்தனர்.

இந்து மக்கள் கட்சி சார்பில் இராமநாதபுரம் மாவட்ட ஆட்சித் தலைவர், தமிழக முதல்வர், உள்ளிட்ட சம்பந்தப்பட்ட துறை அதிகாரிகளுக்கு கோரிக்கை மனுக்கள் கொடுக்கப்பட்டுள்ளன. உயிரிழந்த சுந்தர்ராஜ் குடும்பத்தாருக்கு நிதியுதவி செய்ய திட்டமிடப்பட்டுள்ளது. வெகு விரையில் ஆளுநரை நேரில் சந்தித்து கோரிக்கை மனு ஒன்றையும் அளிக்க முடிவு செய்யப்பட்டுள்ளது. படுகொலை செய்யப்பட்ட மீனவர் சுந்தர்ராஜ் குடும்பத்திற்கு நிவாரணம் கோரியும், நாட்டுப்படகு மீனவர்களின் வாழ்வுரிமை பாதுகாத்திட கோரியும், சென்னையில் ஆர்பாட்டம் நடத்திட திட்டமிடப் பட்டுள்ளது.

இந்து மீனவர்களுக்கு நியாயம் கிடைக்குமா என்பது கேள்விக்குரியாக உள்ளது.

மறைந்த சுந்தர்ராஜ் குடும்பத்தாருக்கு நிதியதவி செய்ய விரும்புவோர் அவரது குடும்பத்தினரை நேரிடையாக தொடர்பு கொள்ளவும். முகவரி:

சேதம்மாள்
க.பெ. 9/64A, 9/170;
பழனிவலசை, சித்தர்க்கோட்டை
இராமநாதபுரம் (வ), இராமநாதபுரம்

இந்த ரிப்போர்ட்  முழுமையாக இந்து மக்கள் கட்சியினர்  அளித்த செய்திகள் மற்றும் கள ஆய்வு விவரணங்களின் அடிப்படையில் எழுதப் பட்டுள்ளது. செய்திகளையும் புகைப்படங்களையும் அனுப்பிய  இந்து மக்கள் கட்சியினருக்கு எமது நன்றிகள்.

மேலதிக தகவல்களுக்கு:

இந்து மக்கள் கட்சி,
130, வீரகணேஷ் நகர்,
கெம்பட்டி காலனி, கோவை – 1
தொலைபேசி: 94421-82820.