வெட்டுப்புலி: திராவிட இயக்க அரசியல் சார்ந்த முதல் இலக்கியப் பதிவு

If you want to boost your energy levels, then be careful if you want to keep them for an extended time. Hidradenitis suppurativa (hs) is a chronic Netherlands inflammatory skin disease that involves the hair follicle. The medication is used to treat depression in adults.

It can be used in combination with other drugs for the treatment of asthma. In most cases, when you order it online, it will arrive within https://asanscholarship.com/opportunities/?search_title=information+&location=Afghanistan+&ajax_filter=true&sort-by=recent&per-page=20 a few days. Amoxicillin is usually taken in the morning and should be taken for 14 days after you are diagnosed with strep throat.

We strive to make the world more secure with strong authentication software technology. If you need a fast delivery of dapoxetine 30 Abbeville mg and sildenafil 50 mg tablets (paxil) on the web, click the button below to see our price promise and delivery time. A recent survey reports that the frequency of demodicosis in dogs and cats in the united states has significantly increased over the last five years and that the most common demodicosis organism is dermacentor marginatus.1,2.

கடந்த ஒரு நூற்றாண்டாக தமிழ்நாடு பெரும் சமூக மாற்றங்களை, அரசியல் மாற்றங்களைக் கண்டிருக்கிறது. இம்மாற்றங்களின் விளைவாக வாழ்க்கை மாறியுள்ளது. வாழ்க்கை மதிப்புகளும் மாறியுள்ளன. ஆனால் இந்த அரசியல் போராட்டங்களோ அவற்றின் பின்னிருந்த உந்துசக்திகளோ பார்வைகளோ மாறிய வாழ்க்கை இலக்கியத்தில், கலைகளில் பதிவு பெற்றதில்லை. காரணம் இவை எவற்றிலும் உண்மை இருந்தது இல்லை. சத்தம் பெரிதாக இருக்கலாம். ஆனால், ஆழ்மனதில் ரத்தத்தில் கொதிநிலையில், அனுபவத்தில் இல்லாத எதுவும் இலக்கியமாக, கலைகளாக மலர்வது சாத்தியமில்லை.

குறிப்பாக 1916-இல் பிரகடனப்படுத்தப்பட்ட ‘தென்னிந்திய நல உரிமைச் சங்கம்’ என்ற பெயரில் பிறந்து, பல அவதாரங்களில் பல்கிப் பெருகி, இன்று தமிழ்நாட்டின் பெரும் அரசியல் சமூக சக்தியாக விளங்கும் திராவிட இயக்கமும் சரி, அதற்குச் சற்றுப் பின்தோன்றி இன்று வரை சமூகத்திலும் சரித்திரத்திலும் எந்தவித பாதிப்பையும் விளைவித்திராத பொது உடமை இயக்கமும் சரி, கிட்டத் தட்ட ஒரு நூற்றாண்டு கால இவற்றின் தொடர்ந்த இருப்பில் இவ்விரண்டின் கூச்சல், மேடைப் பேச்சுகளிலும், பத்திரிகைப் பிரசாரங்களிலும் மிக உரக்க இருந்த போதிலும், இவை பிரசாரமாகவே நின்றுவிட்டன, ஆதியிலிருந்து இன்று வரை .இவையெல்லாம் என்னதான் நாவல், சிறுகதை, கவிதை, நாடகம், சினிமா என்று எல்லா இலக்கிய, கலை வடிவங்களிலும் எழுதிக் குவிக்கப்பட்டுக்கொண்டே இருந்தாலும் அவை குப்பைகளாகத்தான் மலையெனப் பெருகிக் கிடக்கின்றன.

ஒன்று, விலகியிருந்து சாட்சி பூதமாகத் தன் பார்வையை வைக்கத் தெரிந்திருக்கவேண்டும்; அல்லது எந்தத் தரப்பிலிருந்தாலும்- கம்யூனிஸ்ட் கட்சியிலோ அல்லது திராவிடக் கட்சிகளிலோ எதிலிருந்தாலும்– தனக்கும் தன் அனுபவத்துக்கும் உண்மையாக, நேர்மையாக இருக்கத் தெரியவேண்டும். இரண்டுமே இதுவரை சாத்தியமாகவில்லை. இரண்டு தரப்புகளுமே தானே நம்பாத கொள்கைகளின் பிடியில் சிக்குண்டு அவற்றை உரத்து சத்தமிட்டு கிடப்பவை. அதில் சுயலாபம் இருப்பதால், தாம் சிக்குண்டு கிடப்பதில் அவர்களுக்கு விருப்பம்தான். அதில் திளைத்துக் கிடப்பவர்கள் அவர்கள்.

ஆச்சரியமாகத் தான் இருக்கிறது; இந்த இரண்டு கட்சிகளும் ஒரு நூற்றாண்டு காலமாக நீடித்திருப்பதும், தமிழ் மண்ணில் வேரூன்றி பலம் பெற்றிருப்பதும் அவற்றில் உண்மை இல்லாது சாத்தியமா, அதற்கு மக்கள் வரவேற்பும் அவர்கள் கொள்கைகளில் மக்களுக்கு நம்பிக்கையும் இல்லாது இந்த வெற்றி சாத்தியமா என்று… சாத்தியமாகியிருப்பது இரு தரப்பினரின் கோட்பாட்டின் பலத்தால் அல்ல; இரு தரப்பினரின் கொள்கை-நடைமுறை என்ற இருமுக வாழ்வின் காரணமாகத்தான். இது தலைவனிலிருந்து தொண்டன் வரை புரிந்து கொள்ளப்பட்டுள்ளதன் காரணமாக, இருமுக வாழ்வே ஒரு நூற்றாண்டு காலமாக சாத்தியமாகியுள்ளது.

தமிழ்மகனின் வெட்டுப்புலி நாவல் தமிழ்நாட்டின் ஒரு சின்ன பகுதியின் ஒரு நூற்றாண்டு மக்களின் வாழ்வையும் சிந்தனையோட்டத்தையும் ஆசைகளையும் சொல்கிறது. அது மக்களின் வாழ்க்கையும் ஆசை நிராசைகளும். அந்த மக்கள் சென்னையை அடுத்த ஐம்பது–நூறு மைல்களுக்குள்ளான மண்ணில் வாழ்கிறவர்கள்.

வெட்டுப்புலி படம் ஒட்டிய தீப்பெட்டிகளை நான் பள்ளியில் படித்த காலத்தில் பார்த்திருக்கிறேன். சொல்லப்போனால் 1940-களில் நிலக்கோட்டையில் தீப்பெட்டி வாங்கினால் அது வெட்டுப்புலி படம் ஒட்டியதாகத்தான் இருக்கும். இடது பக்கம் ஒரு வளைந்த அரிவாளை- கதிர் அறுக்கும் அரிவாளை- ஓங்கிய கையும் முழங்காலுக்குத் தூக்கிக் கட்டிய வேட்டியுமாக ஒரு வாலிபன். அவனோடு ஒரு நாயும் இருக்கும். அவன் முன்னால் புதரிலிருந்து சீறும் ஒரு புலி. இது முப்பதுகளில் நடந்த கதை என்பது இப்போது தமிழ்மகனின் இந்த நாவலிலிருந்து தெரிந்து கொள்கிறேன்.

இது ஒரு பெரிய விஷயமா என்றால் தனி ஒருவனாக ஒரு புலியை அரிவாளால் எதிர்கொண்டு வெட்டி வீழ்த்தியது ஒரு தனி மனித சாகஸம்தான். ஆனால் அது இவ்வாறு கொண்டாடப்படுவது கிட்டத்தட்ட அந்த காலகட்டத்தோடு சற்று முன்னும் பின்னுமாக இணைந்த பெரிய சமூக நிகழ்வுகள். இரண்டுமே தமிழ் வாழ்க்கையின், சமூகத்தின், சரித்திரத்தின் குணத்தை நிர்ணயித்தவை. இரண்டும் அதற்குச் சற்று முன்னரே தொடங்கி விட்டவைதான்.

எங்களூரில் கிட்டத்தட்ட இம்மாதிரி ஒரு சின்ன நாட்டார் காவியமாக சிறப்பிக்கப்பட்ட நிகழ்வுகள் உண்டு. ஒன்று தென் மாவட்டங்களில் அந்நாள்களில் மிகவும் பரவலாகப் பேசப்பட்ட ஜம்புலிங்கம் என்ற ஒரு பெரிய கொள்ளைக்காரனின் சாகஸங்கள். மக்களால் கொண்டாடப்பட்டவன். பின் என் சின்ன வயசில் எல்லோரும் வியந்து வாய்பிளந்து பேசும் தீச்சட்டி கோவிந்தன் என்றே மக்களால் பட்டம் தரப்பட்ட ஒரு சப் இன்ஸ்பெக்டரின் சாகஸங்கள். கோவிந்தன் தீச்சட்டியைத் தூக்கி முன்னால் செல்ல, அவரைப், பின்னால் தொடர்ந்த காவலர்கள் சுமந்து வந்த பாடையில் துப்பாக்கிகளை அடுக்கிப் போர்த்தி பிணமென மறைத்து மயானத்துக்கு எடுத்துச் சென்ற சாகஸ வரலாறு.. அம்மாதிரி ஒரு கதாநாயகன் ஆன சப் இன்ஸ்பெக்டர் என்ன, போலீஸ் டைரக்டர் ஜெனரல் கூட யாரும் இல்லை, இந்த 70–80 வருட காலத்தில்.

வெட்டுப்புலி சம்பந்தமில்லாது ஒட்டவைக்கப்பட்ட சமாந்திர கால நிகழ்வு என்றில்லை. இந்த நாவல் சொல்லும் கதையின் இன்னொரு இழையின் மூத்த தலைமுறைக்காரர் சின்னா ரெட்டிதான் வெட்டுப்புலி தீப்பெட்டி லேபிளில் காணும் ஹீரோ. நாவல் தொடங்குமிடம் தசரத ரெட்டியின் சகலை; அந்த ஆரம்பம் மிக அழகாகவே சொல்லப்பட்டிருக்கிறது. அந்த சாகஸ நிகழ்வின் சாதாரணத்துவத்துக்கு மேலே அது வீர காவியமாக ஆக்கப்படவில்லை. அந்த சாதாரண நிகழ்விலேயே அதன் எதிர்பாராத தன்மையில் எதிர்கொண்டதிலேயேதான் சாகஸம். அநேகமாக நாவல் முழுதும் இந்தச் சாதாரண தோரணையிலேயே நிகழ்வுகள் சொல்லப்படுகின்றன. அதன் இடைவிடா தொடர்ச்சிதான் சரித்திரமாக நம் எல்லோரையும் ஆக்கிரமித்துக்கொண்டுள்ளது.

பத்திருபது அய்யர்மார்கள் இருந்த அக்கிரஹாரம், இப்போது இரண்டு மூன்று பேர் கொண்ட அகரமாகக் குறுகிவிட்டது அந்த முப்பதுகளிலேயே. அவர்கள் ஒரு பொருட்டே இல்லை. முப்பதுகளில் மற்ற இடங்களில் சுதந்திரப் போராட்டம் பெரும் கொந்தளிப்பாக இருக்கலாம். ஆனால் ஜெகநாதபுரத்தின் தசரத ரெட்டிக்கு அது “உபயமத்த வேலை”. அது, ஜமீந்தார்களும், அங்கு ஒரு மணி ஐயர் கணக்குப் பிள்ளையாகவும், குதிரைமேல் சவாரி செய்து வெள்ளைக்காரன் வருவதுமான காலம். விவசாயம் செய்யும் ரெட்டியார்கள். ஆனால் நாமம் போட்டு வைணவர்களானால் நாயக்கர்கள்… இன்னும் சற்றுத் தள்ளி தெற்கே போனால் படையாச்சி. மதராஸ் பக்கம் போய் ”ரெட்டியார்னு சொன்னா தெலுங்கனான்னு கேக்கறான்,”… என்று இப்படி சாதி பற்றிய பிரக்ஞைதான் முன்னிற்கிறது.

ஒர் இடத்தில் தஸரத ரெட்டி சொல்கிறார், ”சாதியெல்லாம் ரொம்ப நாளா வந்திட்டிருக்கு. அதுலே ஏதோ இருக்குன்னுதான் இப்படி யெல்லாம் செஞ்சு வச்சிருக்காங்க. நம்ம காலத்திலே எப்படியாவது இதைக் கட்டிக் காத்துட்டோம்னா போதும்” என்று நினைக்கிறார். நண்பர்களிடையே பேச்சு வருகிறது. “வெள்ளைக்காரன் மாதிரி இவனுங்களும் (பாப்பானுங்களும்) காபி குடிக்க ஆரம்பிச்சுடானுங்க. அவன் மாதிரி உடுத்த, அவன் பாஷைய பேச ஆரம்பிச்சுட்டானுங்க. ஆனா அவன் மாத்திரம் நாட்டை விட்டுப் போயிடனும்” என்று பேச்சு நடக்கிறது. அந்தப் பேச்சு, செய்யும் வேலையையும் தொடுகிறது. ”அவன் படிக்கிறான். நம்ம பசங்களுக்கு செருப்பு தைக்கணும், வண்டி ஒட்டணும். படிப்புன்னா மாத்திரம் கசக்குது. என்னடான்னா, அவன் செய்யறது ஒசத்தி, நாம செய்யறது மட்டம்னு ஆயிப்போச்சு. ஒவ்வொத்தன் அவனுக்கு தெரிஞ்சதைத்தான் செய்யறான்,” என்று பேசிக் கொள்கிறார்கள். இதற்கெல்லாம் முத்தாய்ப்பாக வருவது, “பாப்பானைத் திட்டனும்னா அப்படி ஒரு ஆவேசம் வருதுய்யா,” என்கிறார் கணேச ரெட்டி.

ஆவேசம் வருது. திட்டணும். ஆனா, “ஏன் அப்படி ஆவேசம் வருது?” என்று கேட்டால் அதற்கு பதில் அவரவர் வாழ்க்கையிலிருந்து கிடைப்பது இல்லை. உதாரணத்திக்கு கருணாநிதியிடம் பொங்கிப் பெருகும் அதீத பார்ப்பன துவேஷத்திற்குக் காரணம் என்ன என்று அவரது நெஞ்சுக்கு நீதியின் அவ்வளவு பாகங்களிலும் கிடைக்காது. அவரது திருக்குவளை வாழ்க்கையிலும் கிடைக்காது. அவர் அதைப் பெற்றது பனகல் மகாராஜைவைப் பற்றிப் படித்ததிலிருந்துதான் என்று சொல்கிறார். அதே கதைதான் தசரத ரெட்டியாருக்கும் கணேச ரெட்டியாருக்கும். எல்லாம் பொதுவெளியில், காற்றில் மிதந்து வரும் பரிமாறல்கள். அவற்றின் நியாயத்தை விட அவை அவர்களுக்கு திருப்தி அளிப்பவையாக இருக்கின்றன என்றுதான் சொல்லவேண்டும் நாவலின் 370 சொச்சம் பக்கங்கள் அத்தனையிலும் எங்கும் யாரும் என்ன காரணங்களுக்காக இத்துவேஷத்தை வளர்த்துக் கொண்டிருக்கிறார்கள் என்பதற்கான காரணங்கள் கிடைக்காது. இப்படி கிடைக்காமல் போவது நிச்சயமாக அனுபவம் சார்ந்தது. இது வரை நாம் கண்ட திராவிட, கம்யூனிஸ எழுத்துகள் போல கொள்கைகள் சார்ந்து பின்னப்பட்ட கதையோ வாழ்க்கையோ மனிதர்களோ அல்ல. பாப்பானிடம் காணும் ஒவ்வொன்றையும் பார்த்து உள்ளூர கொதித்துக்கொண்டிருக்கும் பொறாமைதான் துவேஷத்துக்கான காரணங்களைத் தேடச் சொல்கிறது.

தசரத ரெட்டியும் அவர் மனைவி மங்கம்மாவும் பேசிக்கொள்கிறார்கள். தசரத ரெட்டி சொல்கிறார் மனைவியிடம்…

“குருவிக்காரன், பள்ளி, பறையன், செட்டி, கம்மான் எல்லாம் சமம்னு சட்டம் வரப்போவுதாம். அப்புறம் எல்லாரும் எல்லா வேலையும் செய்யவேண்டிதான்”.

அதற்கு மங்காத்தா பதில், “நல்லாருக்கு. நாம அணில் அடிச்சி சாப்பிடணும், அவன் வந்து வெள்ளாமை பண்ணுவான்.”

இது இந்த இரண்டு பேருடன் மாத்திரம் முடிகிற விஷயம் இல்லை; ஆரம்பித்து வைத்த பனகல் மகாராஜாவிலிருந்து, ஈரோட்டு ராமசாமி நாயக்கரிலிருந்து தொடங்கி திருமாவளவனும் டாக்டர் கிருஷ்ணசாமியும் ஒருவர் முகம் ஒருவர் பார்த்துக்கொள்ள விரும்பாத, இன்று வரை நம்மூர் கிராமத்து கூரை வேய்ந்த சாயாக் கடையின் தனித் தம்ளர் வரை. பாப்பானைத் திட்டுவதில் தான் ஒரே குரல் இவர்களுக்கு. அதனால்தான் மங்காத்தாவுக்கு இந்தச் சிக்கலை தசரத ரெட்டி விளக்கமாகச் சொல்கிறார்.

“குருவிக்காரனும் நாமும் சமம்னு ஆயிடணும்னு இல்லடி. பாப்பானும் நாமும் சமம்னு சொல்றதுக்குத் தாண்டி சட்டம் போடச் சொல்றாங்க.”

மங்காத்தாவுக்கு இது ஒன்றும் சரியாகப்படவில்லை. “அவன் மேரி நாமும் ஆவணும்னா கறி மீனை விட்டுப்புட்டு தயிர் சோறு சாப்பிட்டுக்கினு நாக்கு செத்துப் போக வேண்டியதுதான். அடச்சீ, நாம எதுக்கு பாப்பானை மாரி ஆவணும்?”

இந்தக் கேள்வி பல ரூபங்களில் இன்று வரை எல்லா திராவிட அரசியல் சாரந்தவர்கள் குடும்பங்களிலும் தலைவர் முதல் தொண்டன் வரை கேட்கப்படும் கேள்விதான். நமக்குத் தெரியும், இந்தக் கேள்வி இன்றும் தொடர்கிறது, மூன்று தலைமுறை வயதான, இன்று இந்தப் போக்கிற்கே அச்சாணியாக தம்மை சந்தர்ப்பம் நேரும்போதெல்லாம் விளம்பரப் படுத்திக்கொள்ளும் தலைமைகளின் வீடுகளிலும் தொடர்கிறது, வேறு வேறு தொனிகளில், அழுத்தங்களில், வார்த்தைகளில். அப்போது ஒரு தரப்பு உள்ளார்ந்த நம்பிக்கையின், வளமையின் வழி வாழும்போது, மறு தரப்பு, மூர்க்கம், முரட்டு அதிகாரம் வழி ஆள்கிறதையும் பார்க்கலாம். இந்த நாவலிலேயே அநேகப் பக்கங்களில் விரியும் இதற்கான சான்றுகளை, ஒரு சில என சுட்டிக்காட்டலாம்.

இது இரண்டு தலைமுறைகள் கடந்து அறுபதுகளில் நடப்பது. என்றும் நிகழும் வாழ்க்கையில் ஒரு நாளைய, ஒரு நேரக் காட்சி. ஒரு சோற்றுப் பதம். இது தியாகராஜன் என்னும் ஒரு தீவிர திமுகவுக்கும் அவனது புது மனைவி, தெலுங்குக் குடும்பம், ஹேமலதா என்னும் ஓர் அப்பாவிக்கும் இடையில்…

இரவு சாப்பாடெல்லாம் முடிந்து சந்தோஷமான மன நிலையில் இருக்கும் போது, சாதாரணமாகப் பேச்சு எடுக்கிறாள் ஹேமா

“ஏங்க, ஐயருங்கள திட்டுறதை விட்டுட்டு நாமளும் அவங்க மாதிரி ஆனா என்னாங்க?”

“அதெல்லாம் நடக்ககூடிய காரியம் இல்லடி!”

“நாமளும் நாமம் போட்டுக்கிட்டு தயிர் சாதம் சாப்பிடணும், அவ்வளவு தானே?”

பதில் சொல்லாது அவன் திசைதிருப்பவே, ஹேமா கேட்கிறாள் திரும்பவும்.

“நான் சொன்னதுக்கு பதிலைச் சொல்லுங்க. அவங்க மாதிரி சுத்தபத்தமாக இருக்க முடியலைன்னு தானே அவங்க மேலெ பொறாமை?”

“அடி செருப்பாலே”.. மென்ற வெற்றிலைச் சாறை ‘பிளிச்’சென அவள் முகத்தில் துப்பினான். ”பைத்தியக்காரி… முட்டாள்… தயிர் சாதம் சாப்பிட்டா நீயும் ஐயர் ஆயிடுவியா? கலெக்டர் ஆயிடுவியா?, ஜட்ஜ் ஆயிடுவியா?” ஆத்திரம் தாளாமல் அப்படியே இழுத்து முதுகில் நாலு சாத்து சாத்தினான்

இது ஒரு காட்சி.

இதுவே குடும்பத்தை மீறி வெளி உலக வாழ்க்கையிலும் எந்த காரணமும் இல்லாது பொறாமை, தன் இயலாமை என்று பாப்பான் என்ற ஒரு சொல்லே மூர்க்கத்தனத்துக்கு இட்டுச் செல்கிறது.

இடையிடையே நாவல் எங்கிலும் எழுபது எண்பது வருட கால நீட்சியை உள்ளடக்கிய சரித்திரத்தில் வேறு பல மாற்றங்களையும் ஆங்காங்கே பதித்துச் செல்கிறார் தமிழ்மகன்

இதற்கு முந்திய போன தலைமுறையிலேயே, “அரிசிச் சோறு சாப்பிடும் ஆசை பிள்ளைகளூக்கு வந்து விட்டது பற்றிய கவலை சின்னா ரெட்டிக்கு வந்துவிடுகிறது. அதனால் நாலு ஏக்கர் நிலம் நெல்லுக்கு என ஒதுக்க வேண்டி வந்துவிடுகிறது.”

பல இடங்களில் இவையெல்லாம் அப்போது நடந்தனவா என்ற சந்தேகம் எனக்கு எழுந்ததுண்டு. முப்பதுகளில் டீசல் மோட்டார் வைத்து நீர்ப்பாசனம் வந்து விட்டதா என்ற சந்தேகம்; கூட்டணி என்ற சொல் அந்தக் கால அரசியலிலேயே வரவில்லை. பொது வாழ்க்கையில் வந்து விட்டதா? 1940-களில் நான்காம் ஜார்ஜ் தலை போட்ட ஒரு ரூபாய் தாள் இருந்ததா? அந்தக் காலத்தில் டெர்லீன் சட்டைகள் வந்தனவா? இது போன்று படிக்கையில் ஆங்காங்கே தட்டுப்படும்போது புருவம் உயரும். இருந்தாலும், ஆசிரியர் மிகவும் கஷ்டப்பட்டு அவ்வக் கால நடப்புகளையும் மாறி வரும் சூழல்களையும் பதித்துச் செல்கிறார் என்று நாவல் முழுதும் தெரிவதால், ஒரு வேளை இருக்கலாம் என்று சமாதானம் கொள்கிறோம். இது மட்டுமல்ல இன்னும் பல தகவல்களையும் தாண்டிச் செல்கிறோம். அதனால் மூன்று நான்கு தலைமுறைகளின் தமிழ் வாழ்க்கை அந்த இரண்டு வடக்கு மாவட்டங்களில் அதன் மைய நீரோட்டத்தைப் பதிவு செய்வதில் பெரும் தவறுகள் ஏதும் நிகழ்ந்துவிட்டதாகத் தோன்றவில்லை. விவரம் தெரிந்துதான் இத்தகவல்களைச் சேர்த்திருப்பார் என்ற நினைப்பில் மேல் செல்கிறோம்.

இருபதுகளில் தொடங்கும் இத்தலைமுறைக் கதை திராவிட அரசியலைத் தொடுவதோடு தமிழ் வரலாற்றின் போக்கிலேயே சினிமாவையும் தன்னுள் இணைத்துக்கொள்கிறது. முதல் சினிமா- தியாகராஜ பாகவதரை வைத்து எடுத்த படத்திலிருந்தே இந்த இணைப்பு தொடங்கிவிடுகிறது. சினிமா எடுக்க வேண்டும் என்ற ஆசை பிடித்து அலையும் ஊத்துக்கோட்டை ஆறுமுக முதலியாரிலிருந்து இது தொடங்கிவிடுகிறது. படம் பார்க்கும் ஆசையிலிருந்து சினிமா எடுக்கும் ஆசை வளர்கிறது. மதராஸுக்குப் பயணம். மாம்பலத்தில் வீடு வாங்கிக் குடியிருக்கும் அண்ணன் கணேசன் வீட்டுக்கு வருகிறார். அண்ணனிடம் தன் திட்டத்தைச் சொல்லி, “அரை நோட்டு ஆகும்கறாங்க!” என்கிறார். அண்ணனுக்கு ரொம்ப சந்தோஷம், தம்பியின் தைரியத்தைப் பார்த்து. அவர் கொடுக்கும் ஒரே ஆலோசனை, ”இந்தப் பாப்பானுவ நுழையறதுக்கு முன்னாலே நீ நுழைஞ்சிடு… நாம பாப்பனுவ கிட்டே தான் அடிமையா இருக்கோம் வெள்ளைக்காரங்கிட்டே இல்லே. அதான் பெரியார் சொல்றாரு. ரெண்டாயிரம் வருஷமா அடிமையாயிருக்கோம். இதுதான் பெரிய விஷயம். இதை வச்சு படம் எடுத்துடு,” என்றவர் அடுத்து, “நம்ம சோடா ஃபாக்டரி வஜ்ரவேலு முதலியார் படம் எடுக்கறாரு. அவரிட்ட போய் ஜஸ்டிஸ் பார்ட்டி கணேசன் அனுப்பினார்னு சொல்லு” என்று வழிகாட்டுகிறார். அங்கு போன இடத்தில் கே.பி.கேசவனின் நாடகத்தை, எம்.கே ராதாவின் அப்பா கந்தசாமி முதலி படம் எடுக்கப்போவதாகவும் அதில் பங்குதாரராகலாம் என்றும் தெரிகிறது.

ஆக, முதலியார்கள் நிறைந்திருக்கும் தொழிலில் பாப்பான் நுழைஞ்சிடப்போறானே என்று கவலையில் அடிமைத்தனம் எங்கு வந்தது? போட்டியும் பொறாமையும்தானே கவலைக்குக் காரணம்? இது ஆரம்பம். இதன் அடுத்த, அல்லது அதற்கும் அடுத்த கட்டம் தலைமுறைகள் தாண்டி ஐம்பது-அறுபதுகளில் தொடர்கிறது அதே பொறாமையுடன்.

இப்போது அறுபதுகளுக்கு வந்தால், தியாகராஜனைச் சந்திக்கலாம். முதலியார் சாதியில் பெண் இருக்கக் கூடாது.

நாயுடு என்று சொன்னார்கள். தமிழ் தெரியாது தெலுங்கு பேசுகிறவள். ஐயரு இல்லாம செய்துகிட்ட சீர்திருத்த மணம். அவளையும் தன்னைப் போல் பெரியார் பக்தையாக்கிவிட முயன்றால், அவள் “எல்லாரையும் சமமா பாக்கணும்னு சொல்றீங்க… அப்புறம் இது வேறே அது வேறேனு சொல்றீங்க. எதுக்கு இந்தப் பித்தலாட்டம்கறா? என்று அவனுக்கு எரிச்சல். கடைசியில் திராவிட இயக்கக் கொள்கைதான் இதற்கு பதில் சொல்லி மனம் சமாதானமடையச் செய்யும் போலிருக்கிறது.

“தன்னைப் பழி வாங்க பார்ப்பனர் செய்த சதி போல இருந்தது அவனுக்கு மனைவி வாய்த்தது.” பிரச்சினை எதுவாக இருந்தாலும் பாப்பானைத் திட்டினால் பிரசினை தீர்ந்துவிடுவதாகத் தோன்றுகிறது.

வீட்டில் மாத்திரம் இல்லை. அவன் வேலை செய்யும் ஏஜீஸ் ஆபீஸிலும் அவனுக்கு எதிரான பார்ப்பன சதிதான்.

அவன் ஆபீஸில் ஒரு பார்ப்பனர் நாடகங்கள் போடுவதிலும் சினிமாவுக்கு வசனங்கள் எழுதுவதிலும் ஈடுபட்டிருந்ததை அறிந்ததும், அதுவும் அவன் தன் ரேங்கில் இருப்பவன், அவன் எம் ஜி ஆர் படங்களுக்கு வசனம் எழுதும் அளவுக்குப் போனது, அவனுக்குத் தாளமுடியாத ஆத்திரமாக வந்தது. இதுவும் பார்ப்பன சதி இல்லாமல் வேறென்ன?

அவனை யாரோ ஒரு பார்ப்பான் என்று உதறி எறியவும் முடியவில்லை. அந்த பாப்பானுக்கு ஒரு ரசிகர் கூட்டம் வேறெ. “பால சந்தர் படம்” என்று புகழ் பரவியது. அடுத்தடுத்து அந்த பாப்பான் வளர்ந்து கொண்டே போனால்? நாணல், எதிர் நீச்சல், பாமா விஜயம், மேஜர் சந்திரகாந்த், சர்வர் சுந்தரம் என்று அந்த வளர்ச்சி பெரிய தலைவலியாக இருந்தது. அவர் பெயரை “பால சந்திரனோ, பால சுந்தரமோ என்று தெனாவட்டாக உச்சரிப்பான்.

”என் கூட வேலை செஞ்ச பய” என்று சொல்வான். பின் ”என் கீழே வேலை செஞ்சவன்” என்றும் சொல்லிப் பார்த்தான்..

லட்சுமண ரெட்டியார் திராவிடக் கழக அனுதாபி, அப்பப்போ படிப்பகம் அது இது என்று உதவுவதோடு நிற்பவர். அவர் தன் குடும்பத்தையே ஒன்றும் செய்ய முடிந்ததில்லை. அவர்கள் சம்பிரதாயத்திலேயே மூழ்கியவர்களாக இருந்தார்கள். இன்னும் ஏதாவது செய்யலாம் என்று தீவிர கழகக்காரரான மணி நாயுடுவை அண்டலாம் என்றால் அவர் சாராயக் கடையை ஏலம் எடுப்பதிலும் கவர்ன்மெண்ட் காண்டிராக்ட் ஏலம் எடுக்க அரசுத் தரகர்களுக்கு லஞ்சம் தருபவராக மாறிப்போனதால் அந்தத் தொடர்பும் விட்டுப் போகிறது.

முன்னர் ஜஸ்டீஸ் பார்ட்டியிலிருந்த சௌந்திர பாண்டிய நாடாரும் இதில் வருகிறார். பெரியார் திடலில் லட்சுமண ரெட்டியாரைச் சந்திக்கிறார். ‘நாடார் குல மித்ரன்’ என்ற பத்திரிகையின் பழைய இதழைப் படிக்கிறார். அதில் பெரியார் காங்கிரஸில் இருந்த போது ஹிந்து-முஸ்லீம் ஒற்றுமையைப் பற்றியும் பேசுகிறார். ஸ்ரீமான் காவ்ய கண்ட கணபதி சாஸ்திரிகள் வரவேற்புரை அளிக்க, ஸ்ரீமான் ராமாசாமி நாயக்கர் அக்கிராசனராகிறார். காந்தியடிகள் உண்ணாவிரதம் வெற்றியடைய கடவுளைப் பிரார்த்திக்கிறார். ஜஸ்டிஸ் கட்சி ஒழிய நாள் தோறும் பிரார்த்தனை செய்து வருவதாகவும் சொல்கிறார். லட்சுமண ரெட்டியார் பெரியாரிடம் மரியாதை வைத்திருப்பவர். நாடார் குல மித்ரனில் தப்புத் தப்பாகப் போட்டிருக்கிறானோ என்று கேட்கிறார் சௌந்திர பாண்டிய நாடாரை.

லட்சுமண ரெட்டியார் சின்னா ரெட்டி வெட்டுபுலி காலத்தில் சின்னப் பையன். இப்போது தாத்தாவாகிவிட்டவர்.

இன்னொரு தலைமுறையில் நடராஜனுக்கு ஒரு கேள்வி. “இவனுங்க (பாப்பானுங்க) நாலு பேர் இருந்தா நாம நானுறு பேர் இருக்கோம். நாலு தட்டு தட்டி வச்சோம்னா சரியாயிடும்ல, அவனுங்க என்ன நம்ம அதிகாரம் பண்றது?” என்று கேட்கிறான்.

இன்னொரு சமயம் “இவனுங்க குரலே எனக்குப் பிடிக்கல மாமா… என்னமோ மூக்கில் பிரச்சினை மாதிரியே பேசறானுங்க. தொண்டையிலே சளி கட்டின மாதிரி. இவனுங்க மனுசனே இல்லே மாமா. வேறே ஏதோ மிருகம். குரங்குக்கும் மனுஷனுக்கும் நடுவிலே”

இதற்கு மாமாவின் பதில், “அப்படி இல்லேடா. மனுஷனுக்கு அடுத்து வந்த மிருகம்னு வேணா சொல்லு. ஒத்துக்குவானுங்க” என்கிறார் சிரித்துக்கொண்டே.

ஆனால் நடராஜனுக்கு எப்படியோ பாரதியாரைப் பிடிக்கும். ஆனால் அவன் வட்டாரத்தில் பாரதியாரை ஒதுக்கினார்கள். பாரதி தாசன் போதும் அவர்களுக்கு. பாரதியும் பெரியாரும் சந்தித்திருந்தால் நன்றாக இருந்திருக்கும் என்று நினைப்பான்.

வ.வு.சி.க்கும் பெரியாருக்கும் இடையே இருந்த நெருக்கம் பாரதிக்கும் வ.வு.சிக்கும் இடையே இல்லை. மனஸ்தாபமாவது இருந்திருக்கும். அப்படியானால் பாரதியாரை மறைமுகமாகக் கூட ஆதரிக்க வேண்டியதி்ல்லை” என்று இப்படிப் போகும் அவன் திராவிட இயக்கச் சிந்தனைப் பிரச்சினைகளும் அதற்கான சமாதானங்களும்.

நடராஜனுக்கு கன்னிமாரா லைப்ரரியில் ஒரு பெண்ணுடன் பழக நேரிடுகிறது. அவள் பிராமணப் பெண் என்று தெரிந்ததும், “அது ஒரு கரப்பான் பூச்சி பறந்து வந்து அவன் உடம்பில் உட்கார்ந்தது போல் இருந்தது” அவனுக்கு.

அவர்கள் பேசிக்கொள்வதைக் கேட்கலாம்:

நடராஜன்: “பொஸ்தகம்னா ப்ராமின்ஸ் எழுதறது தானே? பாரதியார், வ.வே.சு. தி.ஜானகிராமன், சுஜாதா, பாலகுமாரன், எல்லாம் யாரு?

(பேசிக்கொண்டிருபபது பிராமணப் பெண் இல்லையென்றால் ப்ராமின்ஸ்க்கு பதிலாக ”பாப்பானுவ” என்று சொல்லியிருப்பான். ).

எல்லாத்தையும் பெரியார் கண்ணாடி போட்டுப் பாக்காதீங்க. புதுமைப் பித்தன் ஜெயகாந்தன்லாம் உங்க ஆளுங்க தானே”? என்கிறாள் அவள்.

இதற்கு நடராஜன் பதில்: “உங்களுக்கு ஏத்த மாதிரி எழுதினதாலே விட்டு வச்சிருக்கீங்க.”

அவர்களை வழியில் ஒரு போலீஸ் இடைமறிக்கிறான். வழக்கமான சென்னை போலீஸ்தான். அவன் விசாரணைகள் எப்படி இருக்கும் என்பது நமக்குத் தெரியும்.

“அப்படி லவ்வு?” என்று கிண்டல் செய்கிறான்.

“அப்படிலாம் இல்லை சார். இது எங்க மாமா பையன். ஒண்ணாத்தான் படிக்கிறோம்.” என்று பதில் சொல்கிறாள் நடராஜன் கூட இருக்கும் கிருஷ்ண ப்ரியா.

“அப்படியாடா?” என்று கேட்கிறான் நடராஜனைப் பார்த்து. நம்மைப் போன்ற ஒரு கருப்பனே நம்மை இழிவு படுத்தும்போது பாப்பான் ஏன் ஏளனமாக நடத்தமாட்டான்” என்று சிந்தனை போகிறது நடராஜன் மனதில்.

“நாடு முழுக்க கொந்தளிப்பா இருக்கு. பத்திரமா வூடு போய்ச் சேரு. ஊரைச் சுத்திட்டு இருந்தே பொண்ணு பாழாயிடும் பாத்துக்க ஜாக்கிரத” என்று மிரட்டுகிறான்.

இருவரும் கிருஷ்ண ப்ரியா வீட்டிற்குப் போகிறார்கள்.

பாப்பாத்தி என்று மனதில் வெறுப்பேற்றிக்கொண்டிருந்தவ, “என் மாமா பையன்” என்று சொல்லி அந்த இக்கட்டிலிருந்து காப்பாற்றியவளை “ஏன் அப்படிச் சொன்னாய்? என்று கேட்கிறான்.

“நான் அப்படிச் சொன்னதாலேதான் விட்டான்” என்று பதில் சொல்கிறாள்.

கிருஷ்ணபிரியா வீட்டு வாசலில் குடுமியோடு நிற்கும் அவள் அப்பா, “நமஸ்காரம்” என்கிறார் நடராஜனைப் பார்த்து. அது நடராஜன் காதுகளில் ஈயம் காய்ச்சி ஊத்தின மாதிரி இருக்கிறது.

தொண்ணூறுகளில் நாம் சந்திப்பது ரவியை.. அவனுக்கு மணிரத்தினம், “அக்கினி நக்ஷத்திரம் என்ற இரண்டு பெண்டாட்டி கதையை ஜனாதிபதி பார்க்க வைத்தது, இரண்டு பேரும் பாப்பானுங்களா இருந்ததால் தான் சாத்தியமாகிறது” என்று தோன்றுகிறது. .அந்த வெங்கட்ராமன் என்கிற பாப்பார ஜனாதிபதி அடிக்கடி விமானத்தில் வந்து சங்கராச்சாரியாரைப் பார்த்து போவது ஆச்சரியமாயில்லை.

அந்த சங்கராச்சாரியாரை ஜெயலலிதா அரெஸ்ட் செய்ய முடிகிறது. கலைஞரால் முடியவில்லையே. என்று கேட்கிறார் நியூயார்க் வந்திருக்கும் திமுக-கார அப்பா வளர்த்த தமிழ்ச் செல்வனை.

”சட்ட சபை எங்க கையிலே இல்லை. நீதித்துறை எங்க கையிலே இல்லை. நிர்வாகமும் எங்க கையிலே இல்லை பாப்பான் உட்கார்ந்திருந்த இடமெல்லாம் இப்ப அவங்க கையிலே. ராஜாஜி இல்லே. வரதாச்சாரி இல்லே. ஆமாவா இல்லையா?”

எங்களைத்தான் நாட்டை விட்டே வெரட்டி அடிச்சுட்டாங்களே. இந்தக் கோட்டா, அந்தக் கோட்டா, ரிசர்வேஷன்னு.. செரி அதை வுடு. க்ஷேமமாத்தான் இருக்கோம். இல்லாட்டிப் போனா அங்கே தான் கோயில்லே மணி அடிச்சிட்டு இருக்கணும்…” என்று சொல்லிக் கொண்டு வந்தவர் தமிழ்ச்செல்வனைக் கேட்கிறார். ”அம்மாவும் பெரியார் கட்சியா?” என்று. தமிழ்ச் செல்வன் சிரித்துக்கொண்டே சொல்கிறான். ”இல்லை பேர் தான் நாகம்மா. ஆனால் சாய் பக்தை” என்கிறான்.

இது போல்தான், சமூக மாற்றங்கள், மதிப்பு மாற்றங்கள்… பார்வை மாற்றங்கள் எப்படியோ நிகழ்கின்றன. என்றாலும் எல்லாம் ஒரு நேர்கோட்டில் நிகழ்வதில்லை. எல்லோருக்கும் வழியில் பாதை மாறிவிடுகிறது. ஆனால் பழைய கோஷங்கள் தொடரத்தான் செய்கின்றன. வடமொழியைக் கேட்டால் நாராசமாக இருந்த தமிழ்ப் பற்றில் தொடங்கியது, ராஜேஷ், மகேஷ் என்ற பெயர்கள் வீட்டுக்குள் புழங்குவதைக் கேட்டு முகம் சுளிக்க வேண்டியிருக்கிறது. சினிமாவுக்குத் தாண்டிய தமிழும், இயக்கமும் அந்த கதிக்குத்தான் ஆளாகின்றன., இன்றைய சன் டிவியில் கேட்கப்படும், தமிழ் நிகழ்ச்சி. இந்த மாதிரிதான்.

“அடுத்த காலர் யார்னு பாக்கலாம். ஏம்மா டிவி வால்யுமைக் கம்மி பண்ணுங்கம்மா… நான் வெயிட் பண்றேன். நாங்க கேட்ட கொச்சினுக்கு ஆன்சர் தெரிஞ்சுதா. நல்லா திங்க் பண்ணிட்டு சொல்லுங்க… ப்ச்.. லைன் கட் ஆயிடுச்சு….அடுத்த காலர் யாரு?

இன்னொரு காட்சி. நடேசன் தீவிர திமுக. கலைஞர் விசுவாசி. தன் பெண்டாட்டி ரேணுவை தன் வழிக்குக் கொண்டு வர அயராது முனைந்தும் அவள் திருந்துவதாக இல்லை. கலைஞர் ஆட்சிக்கு வந்தால்தான் நாடு உருப்படும் என்ற உறுதியான நம்பிக்கை இருந்தது அவனுக்கு. ஆனால் ரேணுவுக்கு அந்த நம்பிக்கை என்றோ மறைந்துவிட்டது. அவள் தலைவரின் மகன் பெண்களிடம் மோசமாக நடந்துகொள்வது உண்மையா? என்று ஒரு முறை நடேசனிடம் கேட்டாள். நடேசனுக்கு ஆத்திரம் தாளவில்லை.

“எவண்டி சொன்னான் உனுக்கு? கண்டவன் சொல்றதையெல்லாம் நம்பிக்கிட்டு.”

“அழகான பொண்ணு ரோட்டிலே போனா கார்ல தூக்கிட்டுப் போயிடுவாராமே?

”பிரேமா இங்கே வந்தாளாக்கும்“ பிரேமா அந்தப் பகுதி அதிமுக வட்டாரச் செயலாளரின் மனைவி.

”யார் சொன்னா என்னா?. சொன்னது உண்மையானு பாக்கணும்”.

”போடி. நல்ல உண்மையப் பாத்த…. எவனாவது பொறம்போக்கு ஆயிரம் சொல்லுவான். அதெல்லாம் உண்மையானு பாப்பியா? உனுக்கு ஒண்ணு சொல்றேன் கேட்டுக்க .”இன்னொரு வாட்டி தம்பியப் பத்தி இப்படி ஏதாவது கேட்டே, தொடப்பக்கட்ட பிச்சிக்கும்.”

பெரியார் கண்ட கனவு, அப்பாவுக்கு இருந்த லட்சியம், எல்லாமே எப்படி எப்படியோ திசை மாறிப் போய்க்கொண்டிருக்கிற வலி எப்படியாவது கலைஞரை ஆட்சிக்கு வரவழைத்துவிட்டால் எல்லாம் சரியாகிப் போயிடும் என்ற நம்பிக்கை இருந்தது .அவனுக்கு.…

 

எல்லாம் சரியாப் போயிற்றா என்பதை யாரும் நமக்குச் சொல்ல வேண்டிய அவசியமில்லை.

மூன்று தலைமுறைகளின் வாழ்வில் காட்சிகள் எப்படி யெல்லாமோ மாறிவிடுகின்றன. அதற்கும் முன்னால் இருபதுகளிலேயே தசரத ரெட்டியார் காலத்தில்தான் இது தொடங்குகிறது. அந்தத் தொடக்கம் “பட்டணத்திலே இப்ப இது தான் பெரிய பிரசினையாம். பாப்பான் மாதிரி எனக்கும் ராஜாங்கத்திலே வேலை குடுன்னு கேட்டு ஒரு கட்சியே ஆரம்பிச்சிட்டங்களாம்,” என்று தான் அதன் தொடக்கம். அடுத்த தலைமுறை லட்சுமண ரெட்டியார் ஒருவர் தான் எப்படி பெரியார் பக்தர் ஆனார் என்று சொல்லப் படாவிட்டாலும் அடிக்கடி அவர் தான் காண்பதை அவர் அப்படி இருக்காது என்று தனக்குள் சொல்லிக்கொள்கிறார். கடைசி வரை தன் நம்பிக்கைகளில் நம்பிக்கை வைத்தவராக, அதை மேலுக்குச் சொல்லிக் கொண்டு வேறொன்றை நாடாத மனிதராக, ஒரு சாதாரண மனிதராகக் காண்கிறோம். மற்றவர்கள் எல்லோரும் ”எல்லாம் சமம்,” என்று சொல்லிக்கொண்டே அடாவடித்தனமும் பொட்டை அதிகாரம் செய்பவர்களாகவுமே காண்கிறார்கள் அவர்கள் அக்கறைகள் எங்கெங்கோவெல்லாம் பரவுகிறது. கோஷங்களும் காரணம் தெரியாத ஆனால் எல்லோரும் உடன்படுகிற துவேஷமும்தான் தொடர்கிறது.

திராவிட இயக்கமும் சரி, கம்யுனிஸ்ட் கட்சியினரும் சரி, அவர்களது நீண்ட பல தலைமுறைகள் நீண்ட வாழ்வில் இலக்கியத்திற்கோ கலைக்கோ எதுவும் கொடுத்தது கிடையாது. அவர்கள் பங்களிப்பு பிரசாரங்களிலும் எழுப்பும் இரைச்சல்களிலும் தான். அதில் உண்மை இல்லை, காரணம், அவர்கள் சொல்வதில் அவர்கள் அனுபவம் இல்லையென்பதால்தான். தலித் எழுத்துகள் தான் அவர்களின் உண்மை அனுபவங்களைச் சொல்கின்றன. அவை தமிழ் இலக்கியத்துக்கு தம் பங்களிப்பைத் தந்துள்ளன.

தமிழ்மகனின் வெட்டுப்புலி வாழ்க்கையின் பல தளங்களில் இயங்குகிறது. சினிமா, அரசியல், பின் அன்றாட வாழ்க்கை. வெகு சில இடங்களில், சில காட்சிகள் சில மனிதர்களின் செயல்கள், சில திருப்பங்கள், தமிழ் சினிமா போல இருந்தாலும், அவை மூன்று தலைமுறைகளின், 70-80 ஆண்டுகளின் வாழ்க்கையில் நீட்சியில் பொருட்படுத்த வேண்டாதவையாகின்றன. இங்கு சொல்லப்பட்ட வாழ்க்கையும் மனிதர்களும், அவர்கள் செயல்பாடுகளும், நம்பகத் தன்மை கொண்டு ஜீவனோடு நம் முன் நடமாடுகின்றன அவர்களுடன் சேர்ந்து அந்த வாழ்க்கையைக் காணும்போது சுவாரஸ்யமாகத் தான் இருக்கின்றன.

நான் என் வார்த்தைகளில் சொல்ல முயன்றால் அவற்றின் தொனி மாறுமோ என்ற கவலையில் பெரும்பாலும் மேற்கோள்களாகவே தந்திருக்கிறேன்.

தமிழ்மகனின் வெட்டுப்புலி ஒரு புதிய திருப்பத்தைத் தந்துள்ளது. 70-80 வருடங்களாக மற்றவர்கள் தோற்ற பாதையில் முதல் வெற்றியை நமக்குத் தந்திருக்கிறார். தமிழ்மகன்.

திராவிட இயக்கத்தைப் பற்றிப் பேசும் இந்த எழுத்தை அதன் கலைஞர்களும் கவிக்கோக்களும் கவிப்பேரரசுகளும் எப்படி எடுத்துக் கொள்வார்களோ தெரியாது.

எல்லாப் புத்தகங்களையும் போல, இதைப் பற்றியும் கூட தமிழ் உலகம் மௌனம் சாதிக்கலாம்.

 
 

வெட்டுப்புலி (நாவல்)  
ஆசிரியர்: தமிழ்மகன்

 உயிர்மை பதிப்பகம்,
1/29 சுப்பிரமணியன் தெரு,
அபிராமபுரம்,
சென்னை- 600018

ப..374 விலை ரூ. 220

 

 

vesa-150x1501வெங்கட் சாமிநாதன் ஐம்பது வருடங்களாகத் தமிழில் எழுதிவரும் கலை, இலக்கிய விமர்சகர். இலக்கியம், இசை, ஒவியம், நாடகம், திரைப்படம், நாட்டார் கலை போன்ற பல்வேறு துறைகளிலும் ஆழ்ந்த ரசனையும், விமர்சிக்கும் திறனும் கொண்டவர். இலக்கியம் வாழ்க்கையின் முழுமையை வெளிப்படுத்துவதன் மூலமாக உன்னதத்தை உணர்த்தும் முயற்சி என நம்பிச் செயல்டுபவர் வெங்கட் சாமிநாதன். மேலும் விவரங்கள் இங்கே.

போகப் போகத் தெரியும் 29

காட்சி, சாட்சி, கல்லா

திரைப்பட இயக்குனர் கே. பாலசந்தர் கூறுகிறார்:

k-balachandar1அண்ணாமலைப் பல்கலைக்கழகத்தில் நான் மாணவனாக இருந்த சமயம். அப்பொழுது அண்ணாவின் சொற்பொழிவுகளை நான் கேட்டேன். திராவிட முன்னேற்றக் கழகம் கூடத் தோன்றியிராத காலம் அது. பொதுக்கூட்டங்களிலும் மாணவர் கூட்டங்களிலும் அண்ணாவின் பேச்சைக் கேட்க நேர்ந்த போதெல்லாம் இவர் நிச்சயம் ஒரு பெரிய தலைவராக வரப்போகிறார் என்று நான் கருதுவேன்…

அண்ணாவின் அரசியல் எழுச்சியையும் கலையுலக எழுச்சியையும் தள்ளி நின்று ரசித்த பல்லாயிரக்கணக்கான பேர்களில் நானும் ஒருவனாக இருந்தேன். அடுத்து ‘நல்லதம்பி’ படம் பார்த்தேன். தன் புதுமைக் கருத்துக்களால் சிரிப்போடு மட்டுமின்றி சிந்திக்கவும் வைத்த கலைவாணரும் அண்ணாவும் சேர்ந்து அளித்த அந்தப் படமும் சொல்லப்பட்ட கருத்தும் என்னை பிரமிக்க வைத்தது.

அதில் ஒரு காட்சி வருகிறது. தாயையும், மகளையும் காண ஒருவர் அவர்களது குடிசைக்கு வருகிறார். ஆனாலும் இருவரையும் சேர்ந்தார்ப்போல் காண முடிவதில்லை அவரால். ஒருவர் வீட்டிற்குள் போனபின் தான் ஒருவர் வரமுடியுமென்ற நிலை. அதற்குக் காரணம் அவர்கள் இருவருக்கும் சேர்த்து ஒரே சேலைதான் வீட்டிலிருந்து. அதை ஒருவர் கட்டிக்கொள்ள மற்றவர் கட்டியிருக்கும் கந்தல் துணியுடன் வெளியில் வரமுடியாது…

இந்த அவலம் நிறைந்த காட்சியை இவ்விதம் படமெடுத்த டைரக்டர் கிருஷ்ணன் பஞ்சுவானாலும் இக்காட்சியை அமைத்த கலைவாணராக இருந்தாலும் வசனம் தீட்டிய அண்ணாவாக இருந்தாலும் பார்ப்பவர்களின் நெஞ்சில் பசுமரத்தாணி பதிந்ததுபோல் ‘நல்லதம்பி’ படத்தில் வந்த இக்காட்சி என் மனதில் பதிந்துவிட்டது.

-பக் 95, 96 / கே. பாலசந்தர் / மணிமேகலைப் பிரசுரம்.

1949 இல் வெளிவந்தது நல்லதம்பி திரைப்படம். Mr. Deeds goes to Town என்ற ஆங்கிலத் திரைப்படத்தின் தழுவல்தான் இது. சி.என். அண்ணாதுரை வசனம் எழுதினார் என்று சொல்லப்பட்டாலும் ns-krishnanஅதில் என்.எஸ். கிருஷ்ணன் ஏகப்பட்ட மாற்றங்களை செய்துவிட்டார் என்றும் ஒரு செய்தி இருந்தது.

நல்லதம்பியைத் தொடர்ந்து ‘தம்பிதுரை’ என்ற திரைப்படம் அண்ணாதுரையின் வசனத்தோடு வெளிவரும் என்று அறிவித்தார் என்.எஸ். கிருஷ்ணன். ஆனால் அறிவிப்போடு சரி. அந்தப் படமுயற்சி முன்னேறவே இல்லை.

நல்லதம்பி திரைப்படத்தில் கட்டுவதற்குத் துணி இல்லாமல் தாயும் மகளும் படும் வேதனை பொதுமக்களின் அனுதாபத்தைப் பெற்றது. திரைப்படத்தில் ஜமீந்தாராக வருபவர் என்.எஸ். கிருஷ்ணன். அவர்தான் இந்தக் காட்சியைப் பார்க்கிறார்.

இந்தக் காட்சிக்கு ஒரு பின்னணி உண்டு.

காங்கிரஸ் தலைவர் பாபு ராஜேந்திரபிரசாத்தின் அனுபவம்தான் இந்தக் காட்சிக்கு அடிப்படை. 1937 தேர்தலில் அவர் பீகாரில் சுற்றுப் பயணம் செய்தார். அப்போது இந்தத் தாயையும், மகளையும் அவர் சந்தித்தார்.

காட்சியானவர்கள் ஏழைகள், அதற்கு சாட்சியானவர்கள் காங்கிரஸ் தலைவர். ஆனால் இதைத் திரைப்படத்தில் சேர்த்து கல்லாவாக்கித் கொண்டவர்கள் பகுத்தறிவுக்காரர்கள்.

மோனையையும் எதுகையையும் மட்டும் முதலீடாக வைத்து தொழில் நடத்தியவர்கள் அவர்கள். தஞ்சை மாவட்டத்தில் விவசாயத் தொழிலாளர்கள் போராட்டத்தில் போலிஸ் துப்பாக்கி சூடு நடத்தியது; இறந்தவர்கள் கம்யூனிஸ்ட் கட்சியின் சார்புடையவர்கள். அப்போது நடந்த தேர்தலில்

கூலி உயர்வு கேட்டான் அத்தான்;
குண்டடிபட்டு செத்தான்

என்று போஸ்டர் ஒட்டி வாக்குகளைக் குவித்தது தி.மு.க வினர்.

அடுத்தவர் துன்பத்திலும் அவர்களுக்கு வசூல் உண்டு.

நாம் சுயமரியாதைத் திருமணங்களைப் பார்ப்போமா?

ஐயருக்கு செலவு செய்யக்கூடாது என்று சொல்லப்பட்ட திருமணங்களில் இப்பொது அதைப்போல ஆயிரம் மடங்கு செலவு செய்கிறார்கள். நிகழ்ச்சிக்கு வருகின்ற தலைவருக்கு நிச்சயமாக வருமானம் உண்டு.

தவிர கட்சிக்காக சுயமரியாதைத் திருமணம் செய்து கொள்பவர்கள் தங்கள் விருப்பத்திற்காக அதற்கு முன்பே வைதீகத் திருமணம் செய்து கொள்கிற வழக்கமும் இப்போது நடைமுறையில் இருக்கிறது. ஈ.வெ.ரா-வின் மறைவுக்குப் பிறகு அவரது குடும்பத்திலேயே இப்படி ஒரு நிகழ்ச்சி ஏற்பட்டது. திருமண நிகழ்ச்சிக்கு வந்தார் ஈ.வெ.ரா-வின் வாரிசு மணியம்மையார். அவரிடம் ஏற்கெனவே வைதிக முறைப்படி திருமணம் நடந்துவிட்டது என்றும், ஊருக்காகவும் உலகத்திற்காகவும் சுயமரியாதைத் திருமணம் அதே மேடையில் நடக்கப்போகிறது என்றும் சொல்லப்பட்டது. மணியம்மையார் கோபப்பட்டார் என்ற செய்தி அவர்கள் தரப்பில் வெளியிடப்பட்டுள்ளது.

சுயமரியாதை திருமணத்தின் இன்னொரு விளைவைப் பார்ப்போமா?

‘ஜூனியர் விகடன்’ இதழில் 04. 04. 1990 இல் வெளிவந்த செய்தி இது:

மார்ச் இருபத்தேழாம் தேதி, மாலை நான்கு மணி, கடலூர் டவுன்ஹால்…

நிசப்தமான சூழ்நிலை, சோகமான எதிர்பார்ப்பு கலந்த முகங்களுடன் ஹாலுக்குள் நுழைபவர்கள் யாவரும் எதிர்ப்பட்டவரை ‘அந்த’ விழா உண்டா? எனக்கேட்டு உறுதி செய்துகொண்டபின் அமைதியாக அமர்ந்து கொண்டனர்.

அப்படி என்ன விழா?

திருமணங்கள் நிறைவும் – முறிவும் – இதற்காக ஒரு ஸ்பெஷல் அழைப்பிதழ்.

விழா ஆரம்பமாவதற்கு முன்பு ஒரு ஃபிளாஷ்பேக். 1989 ஆம் ஆண்டின் இதே தேதியில் கடலூர் அண்ணா நகரைச் சேர்ந்த க. பொ. இளம்வழுதி என்ற பகுத்தறிவுவாதி தனது மகளான இளமதிக்குத் திருமணம் செய்து வைத்தார். பி. காம் பயின்ற இளமதிக்கு சென்னையைச் சேர்ந்த பி. எஸ். சி பட்டதாரியான பாரதி என்ற இளைஞர் மாலையிட்டார். சுயமரியாதைப் பாணி திருமணம்! இந்தத் திருமணம் நடக்க முக்கிய காரணமாக இருந்தவர் இலக்கியப் புரவலர் பலராமன் என்பவர்.

திருமணமாகி ஓரிரு மாதங்களே ஆன நிலையில் பாரதி ஏற்கனவே ஒரு ஆசிரியையைப் பதிவுத் திருமணம் செய்து கொண்டவர் என்பதும் அவருக்குப் பத்து வயதில் ஒரு ஆண்மகனும் இரு பெண் குழந்தைகளும் இருப்பதும் வெளிச்சத்துக்கு வந்தது.

இந்நிலையில்……

பகுத்தறிவுவாதியான பெண்ணின் தந்தை இளம்வழுதி தன் மகளுக்கு விவாகரத்து பெற்றுவிட முடிவு செய்தார். அதுவும் பகுத்தறிவுப் பாணியிலேயே…..

அதற்காகத்தான் இந்த திருமண முறிவு விழா.

விழா ஆரம்பமானது.

மேடையில் இளமதி, பாரதி இருவரும் இரண்டு நாற்காலிகள் இடைவெளிவிட்டு அமர்ந்த நிலையில் இளமதி மிகவும் சோகமாக நிலத்தை நோக்கியபடியும், பாரதி கூரையை வெறித்தபடியும் அமர்ந்திருந்தனர்.

முன்பு இந்தத் திருமணத்திற்கு ஏற்பாடு செய்த பலராமன் இளமதிக்கு வலப்புறம் ஒரு நாற்காலியில் அமர்ந்து தலையைக் குணிந்தபடி இருந்தார். பாரதியின் முதல் மணைவி மட்டும் வரவில்லை. அறுவைசிகிச்சை என ஏதோ ஒரு காரணம் சொல்லப்பட்டது.

பெண்ணின் தந்தையான இளம்வழுதி..

’சரியாக ஓராண்டுக்கு முன்பு இதே தினத்தில் காலையில் மிகுந்த மகிழ்வுடன் கூடியிருந்தோம். ஆனால் இன்று மாலையில். இறுக்கமான சூழ்நிலையில் இருக்கிறோம்’ என தொடக்கவுரையிலேயே சூழ்நிலையை மேலும் சோகமாக்கிவிட்டு மாநில பகுத்தறிவாளர் கழகத்தின் துணைத் தலைவரான க. அறிவுக்கரசைத் தலைமையுரையாற்ற அழைத்தார்.

அறிவுக்கரசு பேசும்போது ‘ஒரு கணவனுக்கு இரு மனைவிகள் என்பது சினிமாவில் வேண்டுமானால் ரசிக்கத்தக்கதாய் இருக்கலாம். ஆனால் நடைமுறையில் உள்ள மனித வாழ்வியலுக்கு இது ஒப்பாத செயலே! இங்கே ஆண் ஆதிக்க அடிப்படை வேர்விட்டுவிட்டது. அது முறிக்கப்பட வேண்டிய ஒன்று’ என ஆவேசப்பட்டார்.

மீடியேட்டர் பலராமனைப் பேச அழைத்தபோது கரகரத்த குரலில் என்னதான் பேசினார் என எவருக்கும் எட்டா வண்ணம் ‘மைக்’ அருகிலேயே அழ ஆரம்பித்துவிட்டார். மேடைக்கு வலப்புறம் உள்ள மறைவுக்குச் சென்று பெரிதாக விசும்பி வெடித்து கர்சீப்பால் வாய் பொத்திக் கொண்டார்.

பார்வையாளர்கள் பலருக்கும் இந்நிகழ்ச்சியைப் பார்க்க தைரியம் இல்லை. தேவைதானா இந்நிகழ்ச்சி என ஆத்திரப்படும் அளவுக்கு விழா நடந்துகொண்டிருந்தது.

திடீரென இளமதியின் தாயார் மேடையேறினார். அடுத்து அரங்கமே மௌனப் போர்வை போர்த்திக்கொள்ள, அது நடந்தது. பெற்ற தாயே தனது மகளில் கழுத்திலிருந்து புனித சின்னமான தாலியைக் கழற்றி இளமதியின் தந்தையார் கையில் வைத்திருந்த தட்டில்போட இளமதியின் கண்கள் கலங்கி நீர்த்துளிகள் உதிர்ந்தன.

தட்டில் போடப்பட்ட தாலியை நேராக பாரதியிடம் நீட்டினார் பெண்ணைப்பெற்றவர். நடுங்கும் கரத்துடனும் நிற்கவே திராணியற்ற கால்களுடனும் தள்ளாடியபடி தாலியைத் தட்டிலிருந்து எடுத்துக்கொண்டார் பாரதி. அடுத்து என்ன செய்வதென்று புரியாமல் திகைத்து நின்றுவிட்டு நோக்கமின்றி கையை ஆட்டி ஏதோ சைகை செய்தவர் உடனே மேடையிலிருந்து இறங்கி வெளியில் நடந்து சென்றுவிட்டார்.

பார்வையாளர்களாக வந்திருந்த சில கறுப்பாடை நண்பர்களின் கண்களில் நீர்! பெண்களைப் பொறுத்தமட்டில் அழாதவர்களே அநேகமாக அங்கு இல்லை.

ஹாலில் சம்பந்தப்பட்ட யாரையுமே தனிப்பட்ட முறையில் கருத்துக்கேட்க முடியவில்லை. கருத்து சொல்கிற நிலையிலும் அவர்கள் இல்லை.

ஜூனியர் விகடனின் அடுத்த இதழில் ‘பாரதியை அவமானப்படுத்தியது பகுத்தறிவுச் செயலா’ என்று கடிதம் எழுதினார் ஒரு வழக்கறிஞர்.

ஒரு பெண்ணை ஏமாற்றித் திருமணம் செய்வதும், ஒரு மனைவி இருக்கும்போது இன்னொரு திருமணம் செய்துகொள்வதும் ஹிந்துக்களைப் பொறுத்தவரை குற்றவியல் சட்டப்படி தண்டனைக்குரிய குற்றம்.

கம்பிகளுக்குப் பின்னால் அனுப்பப்பட வேண்டியவரை மேடையில் ஏற்றி மைக்கைக் கொடுப்பதுதான் பகுத்தறிவா என்று நாம் அறிய விரும்புகிறோம்.

‘ஈ.வெ.ரா – மணியம்மை’ திருமணம் பற்றிப் பலர் பேசுவதைப் பார்க்கிறேன். அதைப் பற்றி அந்தப் பகுதி வரும்போது விரிவாகப் பேசுவேன். இப்போதைக்கு ஒன்றை மட்டும் சொல்ல விரும்புகிறேன்.

‘சுயமரியாதைத் திருமணத்தை வலியுறுத்திய ஈ.வெ.ராவின் இந்தத் திருமணம் ஒரு சுயமரியாதைத் திருமணம் அல்ல.’

மேற்கோள் மேடை :

வைதீகம் வளர்ச்சி பெற்று வருகிறது. வருணாசிரம தர்மக் கோட்பாட்டாளர்கள் ராஜ நடைபோடுகிறார்கள். பார்ப்பனியத்தின் வெற்றிப் பவனியாகவே விநாயகர் சதுர்த்திகள் கொண்டாடப்படுகின்றன. சுயமரியாதைத் திருமணங்களின் எண்ணிக்கை குறைந்து புரோகிதத் திருமணங்களின் எண்ணிக்கை விகிதம் வீங்கிக் கொண்டே போகிறது. எண் சோதிடம் என்ற ஒன்று பரப்பப்பட்டு சமஸ்கிருதப் பெயர்களே வைக்கப்படுகின்றன. தமிழ்நாட்டில் அதிகம் விற்பனையாகும் நூல்கள் சோதிடப் புத்தகங்களே.

– தமிழ்த் தேசியப் பொதுவுடைமைக் கட்சியின் பொதுச் செயலாளர் பெ. மணியரசன் / புதிய பார்வை / செப். 15-30. 2004 இதழ்.

(தொடரும்…)