லோக்பால்- கனவு நிறைவேறுமா? -1

லோக்பால் மசோதா நாடாளுமன்றத்தின் இரு அவைகளிலும் 2013, டிசம்பர் 18-ல் நிறைவேறிவிட்டது. ஊழலுக்கு எதிரான போரில் நாடு இனி தயங்கி நிற்காது என்பது மக்களின் எதிர்பார்ப்பு. எந்தச் சட்டமும் அதை நிறைவேற்றுவோரின் உறுதிப்பாட்டில் தான் மதிப்பு பெறுகிறது. இந்த சட்டம் கொண்டுவரவே 50 ஆண்டுகளாகி இருப்பது, நமது உறுதிப்பாட்டின் லட்சணத்தை வெளிப்படுத்தக் கூடியது. இப்போது லோக்பால் சட்டம் குறித்த சில காலவரிசைப்படுத்தப்பட்ட தகவல்கள்…

Las mujeres aportan su salud, su autoconciencia y su vida sexual a su relación. If you want to help make a difference in people’s lives, to clomid price cvs Bang Bua Thong reduce the number of deaths, disability and chronic illnesses and to reduce the amount money spent on healthcare, you can get involved by volunteering. This, in turn, reduces levels of the neurotransmitter serotonin, thereby reducing the intensity of orgasm and the occurrence of ejaculatory dysfunction.

There was no shortage of voices in his head telling him to step back and let them handle it. It is prescription strength cetirizine recommended that if this happens, the side effects will become much more severe. Tonsillitis can also affect children and adults with cancer or weakened immune systems, such as those who have had a transplant, or have been treated with chemotherapy or immun.

If you already have heart disease or other problems that cause your heart to speed up, you may find that your heart will not be able to keep up with the demands it is putting on your body, especially when you are taking tamoxifen. Sildenafil citrate 5mg is a order cyproheptadine Yunyang phosphodiesterase inhibitor used for treating erectile dysfunction and pulmonary hypertension. The recommended dose is: adults: 450mg bid for 5 days.children:

 

Parliament

லோக்பால்: அன்று முதல் இன்று வரை…

  • ஊழல் பெருக்கத்தின் போது தான் அதை ஒழிக்க என்ன செய்வது என்ற சிந்தனை வரும். அவ்வாறே 1960களில் இந்தியாவில் ஊழல் நிலைகொள்ள ஆரம்பித்த தருணங்களில் உருவான சிந்தனை தான் லோக்பால்.

    எல்.எம்.சிங்வி
  • ராஜஸ்தான் மாநில சுயேச்சை எம்.பி.யாக இருந்த டாக்டர் எல்.எம்.சிங்வியால் லோக்சபாவில் 1963-ல் முன்வைக்கப்பட்ட கருத்தே லோக்பால். (பிற்பாடு இவர் பாஜக எம்.பி.யாக இருந்து 2007-ல் மறைந்தார்). இவர் உச்ச நீதிமன்ற வழக்குரைஞராகவும் இங்கிலாந்து தூதராகவும் இருந்தவர்.
  • 1966-ல் மொரார்ஜி தேசாய் தலைமையிலான முதல் நிர்வாக சீர்திருத்த ஆணையம், அரசு நிர்வாகத்தில் ஊழலை ஒழிக்க லோக்பால் சட்டம் கொண்டுவரப்பட வேண்டும் என்று பரிந்துரைத்தது. அரசுப் பணியாளர்கள், எம்.பி.க்கள் ஊழலில் ஈடுபட்டால் அவர்களை சுயேச்சையான அமைப்பால் விசாரிக்கவும் தண்டிக்கவும் லோக்பால் அவசியமென்றார் தேசாய்.
  • 1968-ல் உச்ச நீதிமன்ற வழக்குரைஞர் சாந்திபூஷன் முன்மொழிந்த லோக்பால் மசோதா லோக்சபாவில் நிறைவேற்றப்பட்டது. எனினும் ராஜ்யசபாவில் நிறைவேற்றப்படும் முன் தேர்தல் அறிவிக்கப்பட்டதால் சட்டம் முழுமை பெறவில்லை. இந்த சாந்திபூஷன் 1977-ல் ஜனதா அரசில் சட்ட அமைச்சராக இருந்தவர். இவரது மகன் தான் ஆம் ஆத்மி கட்சியின் முக்கிய தலைவரான பிரசாந்த் பூஷன்.
  • அதன் பிறகு 1971, 1977, 1985, 1989, 1996, 1998, 2001 ஆகிய காலகட்டங்களில் லோக்பால் சட்டத்தை நிறைவேற்ற அடுத்து வந்த அரசுகள் முயன்றன. எனினும் முழுமையான ஆர்வம் இன்றி செயல்பட்ட அரசுகளால் இச்சட்டம் நிறைவேறுவது ஒவ்வொருமுறையும் தள்ளிப்போனது. அரசுக்கு போதிய பெரும்பான்மை இல்லாத சூழலால் தேசிய ஜனநாயகக் கூட்டணியால் 2001-ல் இச்சட்டத்தை நிறைவேற்ற முடியவில்லை.
  • 2002-ல் அமைக்கப்பட்ட நீதிபதி வெங்கடாசலய்யா தலைமையிலான அரசியல் சாசன மறுசீரமைவு ஆணையம், லோக்பாலின் அவசியம் குறித்து வலியுறுத்தியது.
  • 2004-ல் காங்கிரஸ், பாஜக இரண்டுமே தங்கள் தேர்தல் அறிக்கையில் லோக்பால் சட்டம் நிறைவேற்றப்படும் என்று வாக்குறுதி அளித்தன. காங்கிரஸ் கூட்டணி வென்றது.

    சாந்திபூஷன்
  • 2005-ல் வீரப்ப மொய்லி தலைமையிலான இரண்டாவது நிர்வாக சீர்திருத்த ஆணையமும் லோக்பால் சட்டம் தாமதமின்றி நிறைவேற்றப்பட வேண்டும் என்று பரிந்துரைத்தது. ஆயினும் ஐ.மு.கூட்டணியின் முதல் ஐந்தாண்டு கால ஆட்சியில் லோக்பால் கண்டுகொள்ளப்படவில்லை. 2009 தேர்தலிலும் லோக்பால் சட்டம் குறித்து காங்கிரஸ் தேர்தல் அறிக்கையில் வாக்குறுதி அளித்தது.
  • ஐக்கிய முற்போக்குக் கூட்டணி ஆட்சியில் நாள்தோறும் வெளியான பூதாகரமான ஊழல்களால், லோக்பாலின் அத்தியாவசியம் உடனடியாக உணரப்பட்டது. ஊழல் எதிர்ப்பு இயக்கத் தலைவரும் சமூக சேவகருமான அண்ணா ஹஸாரே லோக்பால் சட்டத்தை நிறைவேற்ற வேண்டும் என்று 2011-ல் வலியுறுத்தத் துவங்கினார்.
  • ஊழலுக்கு எதிராக நாடு முழுவதும் விழிப்புணர்வு பெருகிய நிலையில் லோக்பால் சட்ட்த்தை நிறைவேற்ற ஐ.மு.கூட்டணி அரசு திட்டமிட்ட்து. ஆனால், அரசு கொண்டுவரும் லோக்பால் சட்டம் கடுமையான ஷரத்துகள் அற்றது என்றும், அதற்கு மாற்றாக ஜனலோக்பால் சட்டத்தைக் கொண்டுவர வேண்டும் என்றும் ஹஸாரே தலைமையிலான ஊழல் எதிப்பு இயக்கம் கோரியது.
  • பிரணாப் முகர்ஜி தலைமையிலான மத்திய அமைச்சரவைக் குழு, லோக்பால் சட்டத்தை நிறைவேற்றுவதற்கான வழிமுறைகளை ஆராய்ந்தது. இந்நிலையில் புதுதில்லி, ஜந்தர்மந்தரில் 2011, ஏப். 5 முதல் ஏப். 9 வரை லோக்பாலுக்காக உண்ணாவிரதப் போராட்டத்தை நடத்தினார் ஹஸாரே. அப்போது ஜனலோக்பாலின் அம்சங்களையும் பரிசீலித்து திருத்தங்களுடன் கூடிய லோக்பால் வரைவை உருவாக்க குடிமக்கள் பிரதிநிதிகளுடன் அமைச்சர்களும் இணைந்த கூட்டுக் குழு அமைக்க மத்திய அரசு ஒப்புக் கொண்டது.
  • இதனிடையே, உச்ச நீதிமன்ற முன்னாள் நீதிபதி சந்தோஷ் ஹெக்டே, பிரஷாந்த் பூஷன், அரவிந்த் கேஜ்ரிவாலுடன் இணைந்து ஜன்லோக்பால் வரைவை உருவாக்கி இருந்தார். இதனையே ஹஸாரே ஆதரித்து போராட்டம் நடத்தினார். ஊழலுக்கு எதிரான தன்னார்வ அமைப்புகள், குடிமக்களின் அமைப்புகள் இந்திய அரசியலில் வலுப்பெறத் துவங்கின.

    அண்ணா ஹஸாரே
  • 2011, ஜூலை 28-ல் லோக்பாலின் திருத்தப்பட்ட முன்வரைவை மத்திய அரசு உருவாக்கியது. இதன் வரையறைக்குள் பிரதமர் கொண்டுவரப்படவில்லை. தவிர, அதன் பல அம்சங்கள் குடிமக்கள் கூட்டமைப்புக்கு திருப்தி அளிப்பதாக இல்லை. எனவே, மீண்டும் உண்ணாவிரதம் இருக்கப்போவதாக ஹஸாரே அறிவித்தார்.
  • 2011, ஆக. 16-ல் தில்லி ராம்லீலா மைதானத்தில் மீண்டும் உண்ணாவிரத்த்தை துவங்கினார் ஹஸாரே. நாடு முழுவதும் போராட்டம் பரவியது. ஹஸாரே கைது செய்யப்பட்டு, திஹார் சிறையிலும் அவர் போராட்டத்தைத் தொடர்ந்ததால், அரசு பணிந்தது. வேறு வழியின்றி லோக்சபாவில் திருத்தப்பட்ட லோக்பால் மசோதாவை அவசரமாக நிறைவேற்றியது மன்மோகன் அரசு. ஆக 28-ல் ஹஸாரே உண்ணாவிரதத்தை நிறைவு செய்தார்.
  • ஆனால் ராஜ்யசபாவில் சில கட்சிகளின் கடும் எதிர்ப்பால் லோக்பால் மசோதா நிறைவேறவில்லை. உண்மையில் சமாஜ்வாதி, ஆர்.ஜே.டி.கட்சிகளின் எதிர்ப்பு ஒருபொருட்டல்ல. காங்கிரஸ் மீண்டும் ஹஸாரேவுக்கு ஏமாற்றம் அளித்தது.
  • 2012-ல் மீண்டும் லோக்பால் மசோதாவை நிறைவேற்ற முயற்சி மேற்கொள்ளப்பட்டது. சில கட்சிகளின் எதிர்ப்பால் மீண்டும் நாடாளுமன்ற நிலைக்குழுவின் பரிசீலனைக்கு மசோதா அனுப்பப்பட்டது.
  • 2013 டிசம்பரில் நடைபெற்ற 5 மாநிலத் தேர்தல்களில் காங்கிரஸ் மிசோரம் தவிர பிற இடங்களில் படுதோல்வியுற்றது. தில்லியில் ஹஸாரேவின் முன்னாள் ஊழியர் அரவிந்த் கேஜ்ரிவாலின் வெற்றி காங்கிரஸ் கட்சியை யோசிக்கச் செய்தது. லோக்பால் சட்டத்தை நிறைவேற்றி எப்படியேனும் சிக்கலிலிருந்து விடுபட ஐ.மு.கூட்டணி அரசு முயன்றது. காங்கிரஸ் துணைத் தலைவர் ராகுல் திடீரெனெ லோக்பாலுக்கு ஆதரவாக முழங்கினார்.

    சட்டம் இனி தன் கடமையைச் செய்யும்?
    சட்டம் இனி
    தன் கடமையைச் செய்யும்?
  • 2013, டிசம்பர் 10-ல் தனது சொந்த கிராமமான ராலேகான் சிந்தியில் அண்ணா ஹஸாரே மீண்டும் உண்ணாவிரத்த்தித் துவக்கினார். லோக்பால் மசோதவை நாடாளுமன்றம் ஏற்கும் வரை உண்ணாவிரதம் தொடரும் என்று அவர் அறிவித்தார்.
  • ஹஸாரே உண்ணாவிரதம், அரவிந்த் கேஜ்ரிவாலின் திடீர் வளர்ச்சி, நாட்டில் எழுந்துள்ள கடும் அதிருப்தி அலை, பாஜகவின் மாபெரும் வெற்றி, மோடி அலை ஆகியவற்றால் மிரண்ட காங்கிரஸுக்கும் ஐக்கிய முற்போக்குக் கூட்டணிக்கும் மசோதாவை நிறைவேற்றியாக வேண்டிய கட்டாய சூழல் ஏற்பட்டது.
  • திருத்தங்களுடன் கூடிய லோக்பால் மசோதா- 2013 நாடாளுமன்றத்தின் இரு அவைகளிலும் 2013, டிசம்பர் 18-ல் நிறைவேற்றப்பட்டது. சில கட்சிகளின் எதிர்ப்பை மீறி, காங்கிரஸ், பாஜக, இடதுசாரி கட்சிகளின் ஆதரவுடன் குரல் வாக்கெடுப்பு முறையில் லோக்பால் மசோதா நிறைவேறியது.
  • லோக்பால் மசோதா நிறைவேறியதை அடுத்து அண்ணா ஹஸாரே தனது 9 நாள் உண்ணாவிரதத்தை டிசம்பர் 18-ல் முடித்துக் கொண்டார்.
  • ஜனாதிபதியின் ஒப்புதலுடன் லோக்பால் மசோதா சட்டமாகிவிடும். அதாவது இனிமேல், அரசுப் பணியாளர்கள், மக்கள் பிரதிநிதிகள் ஊழல் செய்தால் நடவடிக்கை எடுக்க மேலும் ஒரு சட்டம் தயாராகிவிட்டது. இதனால் என்ன பலன் இருக்கும்? காலம் தான் பதில் சொல்ல முடியும்.

***

corruption

 

‘லோக்பால்’ என்பது சமஸ்கிருத வார்த்தை. இதன் பொருள், மக்களின் கண்காணிப்பாளர் என்பதே (Caretaker of People). அதாவது மக்களாட்சி முறையில் நிலவும் ஊழல்களைக் களைவதற்கான, அரசு சார்பற்ற, மக்கள் பிரதிநிதித்துவம் மிகுந்த சுயேச்சையான அமைப்பே லோக்பால்.

வரும் நாடாளுமன்றத் தேர்தலில் லோக்பால் சட்டம் கொண்டுவந்ததை ஒரு சாதனையாக பிரசாரம் செய்ய காங்கிரஸ் துடிக்கும் என்பது உண்மை. ஆனால், காலவரிசையில் நிகழ்ந்துள்ள லோக்பாலின் பரிணாம வளர்ச்சி குறித்த தகவல்கள், காங்கிரஸுக்கு அந்த உரிமை இல்லை என்பதை அம்பலப்படுத்துகின்றன. இந்த சட்டம் பெயரளவிலேனும் இப்போது நிறைவேறக் காரணம் அண்ணா ஹஸாரே தான். அவருக்கு நாடு நன்றிக்கடன் பட்டுள்ளது.

லோக்பாலின் தத்துவம், கட்டமைப்பு, அதன் விதிமுறைகள், சிறப்பம்சங்கள், ஜனலோக்பாலுக்கும் அரசு கொண்டுவந்துள்ள லோக்பாலுக்கு இடையிலான வேறுபாடுகள், லோக்பால் சட்டத்தால் ஊழலை ஒழிக்க முடியுமா? ஆகியவை குறித்து தொடர்ந்து பார்க்கலாம்.

(தொடரும்)