போலி கோஷத்தின் பொல்லாத பின்னணி

 

The key feature of this novel reaction is that trichlorosilane reacts with water to form a highly reactive dichlorosilane (a silanated product of trichlorosilane. The generic nolvadex is a safe, effective clomid 50 mg online delivery Loum and legal treatment for erectile dysfunction. You can be confident, when you order gabapin with no more questions or.

Oxycontin works by blocking the pain signal to the brain and blocking the sensation of pain. I have been taking doxycycline for costco clomiphene Marseille 16 three months now. There is also another version of the same drug that is sold as premarin (brand name provera) in some parts of the world, such as canada, where it is available in several different brand names..

And it is a good idea that you always have a doctor’s prescription. After a week i feel better but i am sure i will https://khmer44.com/c/orthopedic be sick again. Furosemide acts on and inhibits the na^+^-k^+^ atpase enzyme, which is responsible for the transport of sodium.

அற்ப ஆசை?
அற்ப ஆசை?

ஆசை இருக்கிறது தாசில் செய்ய அதிர்ஷ்டம் இருக்கிறது கழுதை மேய்க்க’ என்ற பழமொழியைக் கேட்டிருப்பீர்கள். இது யாருக்குப் பொருந்துகிறதோ இல்லையோ, தமிழகத்தை ஆளும் கனவுடன் வலம் வந்துகொண்டிருக்கும் பாமகவுக்கு நிச்சயமாகப் பொருந்தும்.

பாமகவினர் அண்மைக்காலமாக செய்துவரும் அலப்பறைகளைக் கண்ணுறும் எவரும், சற்றே கதிகலங்கிப் போவார்கள். உண்மையிலேயே அன்புமணிக்கு முதல்வர் கனவு வந்துவிட்டதா? அல்லது, தந்தையின் இயக்கத்தில் முதல்வன் வேடத்தில் அன்புமணி நடிக்கும் ஏதாவது புதிய திரைப்படம் தயாரிக்கும் முஸ்தீபா? “அன்புமணியை முதல்வர் வேட்பாளராக ஏற்கும் கட்சிகளுடன் மட்டுமே கூட்டணி” என்று எப்படித்தான் நெஞ்சு நிமிர்த்தி அறைகூவல் விடுக்கிறார் ராமதாஸ்?

காண்க: அன்புமணியே முதல்வர் வேட்பாளர் பா.ஜ.,வுக்கு ராமதாஸ் நிபந்தனை (தினமலர்)

பாமகவின் கடந்தகால வரலாற்றை உன்னிப்பாகக் கவனித்தவர்களுக்கு பாமகவின் தற்போதைய நாடகத்தின் வெளிவராத பக்கங்கள் புலப்படும்.  “எனது குடும்பத்தினர் எவரும் அரசியலுக்கோ, அரசுப் பதவிகளுக்கோ வந்தால் என்னை முச்சந்தியில் நிறுத்தி சாட்டையால் அடிக்கலாம்” என்று வீர வசனம் பேசியவர் அல்லவா தைலாபுர மருத்துவர்?

1980களில் பிற்படுத்தப்பட்ட ஜாதியினரான வன்னியரை ஒருங்கிணைக்க முற்பட்ட திண்டிவனம் மருத்துவர் ராமதாஸால் எம்.ஜி.ராமசந்திரன் முதல்வராக இருந்த வரை எதுவும் செய்ய முடியவில்லை. அவருக்குப் பின் ஏற்பட்ட அரசியல் நிலையற்ற தன்மையே ஜாதிச் சங்கத் தலைவரான அவரை அரசியல் தலைவராக்கியது. தமிழகத்தின் தனித்தன்மையான அரசியல் நீரோட்டத்துக்கு ஏற்ப கொள்கைகளை வடிவமைத்துக்கொண்ட அவர், சமூக நீதி, ஜனநாயகம், சமத்துவம், மனிதநேயம் ஆகிய தூண்களின் மீது தனது கட்சியை கட்டியெழுப்புவதாக அறிவித்தார். 1989-ல் பாட்டாளி மக்கள் கட்சி உதயமானது.

Anbumani-Ramadoss
தனயனும் தந்தையும்

ஆனால், ஆரம்பகாலத்தில் அவரது சமையலில் பருப்பு வேகவில்லை. 1991 சட்டசபை தேர்தலிலும் (1), 1996 சட்டசபைத் தேர்தலிலும் (4) போட்டியிட்டு சிறிய அளவில் அவர் பெற்ற வெற்றிகள், அவரை அடுத்தகட்டத்துக்கு சிந்திக்குமாறு செய்தன. தமிழ்த் தேசியம், தமிழீழ ஆதரவு, பகுத்தறிவு, சிறுபான்மையினருடன் இணக்கம், தாய்மொழிக் கல்வி, சமூக நீதி,… என தமிழகத்துக்கே உரித்தான அரசியல் சொல்வங்கியில் இருந்து பல சொற்களை கைப்பற்றிக்கொண்டார். அத்துடன் அரசியல் மதியூகமாக (ராஜதந்திரம் என்று சொன்னால் வடமொழி நுழைந்துவிடும்) பிற ஒத்த கட்சிகளுடன் கூட்டணி காண்பது என்ற முடிவுக்கு அவர் வந்தார்.

ஆனால், அவர் அமைத்த கூட்டணிகளால் பாமக அடைந்த வெற்றியின் சதவிகிதம் அதிகரித்தபோதும், அவரது அரசியல் நம்பகத்தன்மை சரிந்துகொண்டே போனது. கலைஞருடன் குலாவும்போது அவரை தமிழினத் தலைவர் என்பார், ஜெயலலிதாவுடன் கூட்டணி காண்கையில், அவர் அன்புச் சகோதரி ஆகிவிடுவார். இந்த நாடகம் சம்பந்தப்பட்ட இருவருக்குமே தெரியும். ஆனாலும், சில மாவட்டங்களில் அவர் வைத்திருப்பதாக நம்பப்படும் வாக்கு வங்கியைக் கருத்தில்கொண்டு அவர்கள் பாமகவுக்கு சில தொகுதிகளைக் கையளித்து கூட்டணி காண்பார்கள். ராமதாஸும் தேர்தல் முடிந்தவுடன் வழக்கமான பல்லவியுடன் கூட்டணித் தோழரையே விமர்சிப்பார். இப்படித்தான் அவரது அரசியல் நேர்மை மதிப்பிழந்தது.

தமிழினத் தலைவருடன் மருத்துவர் ஐயா
தமிழினத் தலைவருடன் மருத்துவர் ஐயா

கிட்டத்தட்ட மதிமுகவின் வைகோவும் பாமகவின் ராமதாஸும் ஒரு நாணயத்தின் இரு பக்கங்கள் போல. ஆனால், கருப்புத் துண்டை வலிந்து இழுக்கும் வைகோவுக்கு இல்லாத ஜாதிபலம் ராமதாஸுக்கு இருப்பதால் அவ்வப்போது முன்னுக்கு வந்து விடுகிறார். இருவருமே அதிகாரத்தின் ருசியை நன்கு உணர்ந்தவர்கள். அரசியல் கட்சி நடத்துவதன் லாபத்தைப் புரிந்தவர்கள். வைகோவுக்கு அவர் அதீதமாக நடிக்கும் கோபமே எதிரி. ராமதாஸுக்கோ, எப்படியும் வளையும் நாக்கே நண்பன்.

1998-ல் அதிமுக, பாஜகவுடன் பாமக கூட்டணியில் இணைந்தது தான் பாமகவின் வெற்றிப்பயணத்துக்கு வித்திட்ட முதல் கூட்டணி அனுபவம். அந்த நாடாளுமன்றத் தேர்தலில் 4 தொகுதிகளில் வென்று மத்திய அமைச்சரவையிலும் பாமக இடம்பெறவே, பாமகவின் அரசியல் மதிப்பு கூடத் துவங்கியது. அதிமுக தலைவியின் தவறான முடிவால் வாஜ்பாய் அரசு கவிழ்ந்தபோது, பாஜக கூட்டணியிலிருந்து அதிமுக வெளியேறியபோது, அந்த இடத்தை திமுக கைப்பற்றியபோது, பாஜகவை விட்டு பாமக விலகவில்லை. அதன் பலனை அடுத்து 1999-ல் நடைபெற்ற நாடாளுமன்றத் தேர்தலில் 5 எம்.பி.களாக அறுவடை செய்தது பாமக.

அன்பு சகோதரியுடன் மருத்துவர் ஐயா
அன்பு சகோதரியுடன் மருத்துவர் ஐயா

அதன்பிறகு மாநிலத்தில் அதிமுகவுடன் அதிசயக் கூட்டணி அமைத்த ராமதாஸுக்கு, 2001 சட்டசபை தேர்தலில் 20 எம்எல்ஏக்கள் கிடைத்தனர். அதுவே பாமக இதுவரை பெற்ற வெற்றிகளில் உச்சம். ஆனால் அந்தக் கூட்டணியும் நிலைக்கவில்லை. 2004 நாடாளுமன்றத் தேர்தலின்போது திமுக, காங்கிரஸ் இடம் பெற்ற ஐ.மு.கூட்டணியின் அங்கமானது பாமக. அதன் விளைவாக 6 எம்பிக்களைப் பெற்றது பாமக. அப்போதுதான் தனையன் அன்புமணி ஊழல் வழக்கில் சிக்குவதற்குக் காரணமான சுகாதார அமைச்சர் பதவி அவருக்கு வெள்ளித்தட்டில் வைத்து வழங்கப்பட்டது.

மன்மோகன் சிங் அரசில் சுகாதார அமைச்சராக இருந்த அன்புமணி ராமதாஸ், இந்தூரில் செயல்படும் இண்டெக்ஸ் தனியார் மருத்துவக் கல்லூரிக்கு அதிகார துஷ்பிரயோகம் மூலம் 2008-09 காலகட்டத்தில் இரண்டாமாண்டு மாணவர் சேர்க்கைக்கு அனுமதி வழங்கினார் என்பது தான் அவர் மீதான குற்றச்சாட்டு. மருத்துவக் கல்விக்கான உள்கட்டமைப்பு வசதிகள் போதிய அளவில் இல்லை என்று கூறி அகில இந்திய மருத்துவ கவுன்சில் வழங்க மறுத்த அந்த அனுமதியை, தனது அமைச்சர் பதவியைப் பயன்படுத்தி சட்டவிரோதமாக வழங்கியதால் தான் அன்புமணி சிபிஐயால் ஊழல் வழக்கில் விசாரிக்கப்படுகிறார். இந்த வழக்கைத் தொடுத்தது (2012) அன்றைய காங்கிரஸ் கூட்டணி அரசு என்பது முக்கியமான தகவல். (எனவே காங்கிரஸ் அங்கம் வகிக்கும் கூட்டணியில் பாமக இடம் பெறுவது சாத்தியமல்ல).

மத்தியில் நெருக்கம் காட்டும் தனயன்
மத்தியில் நெருக்கம் காட்டும் தனயன்

எனவே தான் அன்புமணி 2004 முதல் 2009 வரை மத்திய காங்கிரஸ் கூட்டணி அரசில் அமைச்சராக இருந்துவிட்டு, தேர்தல் நேரத்தில் காங்கிரஸைக் கைகழுவினார். அப்போது மருத்துவர் ஐயா அமைத்த மூன்றாவது அணிக்கு 2009 தேர்தலில் எந்த லாபமும் கிட்டவில்லை.

அதன்பிறகு 2011 சட்டசபை தேர்தலில் திமுகவுடன் கூட்டணி கண்ட பாமகவுக்கு 3 எம்எல்ஏக்கள் மட்டுமே கிடைத்தனர். ராமதாஸ் மாவு விற்கப்போன நேரத்தில் வீசிய அதிமுக சூறாவளி அவரது மதியூகத்தை பொடியாக்கிவிட்டது. பிறகு அரசியல் சதுரங்கத்தில் பொலிவிழந்து வலம் வந்த மருத்துவர் ஐயாவுக்கு அவரது மகன் அன்புமணி அளித்த ஆலோசனையால், பாஜக தலைமையிலான தேசிய ஜனநாயகக் கூட்டணிக்கு 2014 நாடாளுமன்றத் தேர்தலின் போது திரும்பியது பாமக. இத்தேர்தலில் அதிமுக அலைமுன்பு மோடி அலை பெரு வெற்றி பெறவில்லை. ஆயினும் பாஜகவும் பாமகவும் தலா ஒரு தொகுதிகளில் வென்றன. அதில் முக்கியமான வெற்றி அன்புமணியின் தர்மபுரி தொகுதி வெற்றி.

தேர்தலுக்குப் பிறகு மத்திய அமைச்சர் பதவி கிடைக்கும் என்று காத்திருந்த அன்புமணிக்கு பாஜகவின் விஸ்வரூப வெற்றி தடைக்கல்லாகிவிட, காத்திருந்த கொக்கான அன்புமணி நொந்துபோனார். மோடியின் ராஜ்ஜியத்தில் காவடி தூக்கும் கட்சிகளுக்கு இடமளிக்கும் மன்மோகன் வகையறா அரசியல் செல்லுபடியாகவில்லை. எனவே மீண்டும் கலகக்காரர் ஆகிவிட்டார் ராமதாஸ்.

ஊழல் வினை உறுத்து வந்து ஊட்டும்?
ஊழல் வினை உறுத்து வந்து ஊட்டும்?

இதிலும்கூட நுட்பமான ஒரு நாடகம் இருப்பதை அனைவரும் கவனிக்கலாம். அன்புமணி பாஜகவுடன் நெருங்கி இருப்பதுபோல அறிக்கை விடுவார். ராமதாஸோ, உரிமைக்குரல் எழுப்பும் தனியொருவனாக தன்னை முன்னிறுத்துவார்.

தவிர பாஜகவுடன் கூட்டணியில் இருந்தும் எந்தப் பயனும் இல்லை. மத்தியப் புலனாய்வு அமைப்பால் (சிபிஐ) விசாரிக்கப்படும் அன்புமணி மீதான ஊழல் வழக்கை தாமதப்படுத்தவோ, அவரைக் காப்பாற்றவோ மோடி எதுவும் செய்யவில்லை. மிக விரைவில் கைது நடவடிக்கை வரும் சூழல் நெருங்குவதாகவும் தகவல். அப்போது சொந்த வாக்கு வங்கி மக்களேனும் உடனிருக்க வேண்டுமானால், பாஜக கூட்டணியிலிருந்து விலகுவதே உகந்த முடிவு என்பது ராமதாஸுக்குத் தெரியும். அப்போதுதான் எதிர்காலத்தில் (நவம்பரில்?) அன்புமணி கைதாகும் நேரத்தில், “பாஜக கூட்டணியிலிருந்து விலகியதால்தான் பழிவாங்கும் நடவடிக்கையில் மோடி அரசு ஈடுபடுகிறது” என்று பிரசாரமாவது செய்யலாம்.

காண்க:  அன்புமணிக்கு எதிராக குற்றச்சாட்டுகளை பதிவு செய்ய ஆணை (தினமணி) 

தவிர, சேலம், தருமபுரி, விழுப்புரம், அரியலூர், கடலூர், பெரம்பலூர், திருவண்ணாமலை, வேலூர் ஆகிய வன்னியர் ஜாதி அதிகமுள்ள மாவட்டங்களில் மட்டுமே பாட்டாளி மக்கள் கட்சிக்கு கொஞ்சம் செல்வாக்கு இருக்கிறது. இந்தச் செல்வாக்கும் கூட, ஏதாவது ஒரு கூட்டணியில் இருந்தால் தான் செல்லுபடியாகும். இப்போதைய நிலைமையில் பாமகவை அரவணைக்க இரு பிரதான திராவிடக் கட்சிகளும் தயாரில்லை. கலாகார் பாமகவுக்கு கூட்டணியில் இடமில்லை என்று தெளிவாகவே விளம்பிவிட்டார். அந்த அளவுக்கு அவர் ராமதாஸால் நொந்துவிட்டார். சம்பத் முதல் எம்ஜிஆர் வரை பலரை திகைப்பில் ஆழ்த்தி மதியூகத்தில் முனைவர் பட்டம் வாங்கிய தனக்கே பாடம் நடத்தும் மருத்துவரை அவரால் எப்படி பொறுத்துக்கொள்ள முடியும்?

பலம் காட்டக் கூட்டப்படும் மண்டல மாநாடுகள்
பலம் காட்டக் கூட்டப்படும் மண்டல மாநாடுகள்

அன்பு சகோதரியோ பாமக என்ற வார்த்தையைக் கேட்டாலே முகத்தைத் திருப்பிக் கொள்வதாகத் தகவல். மாநிலத்தின் மூன்றாவது பெரிய கட்சியான தேமுதிகவின் தலைவர் விஜயகாந்துடன் ராமதாஸின் சச்சரவு நாடறிந்தது. இப்போதைக்கு இடதுசாரிகளும் மதிமுகவும் பாஜகவும் தான் மீதமுள்ள கட்சிகள். இவற்றில் பாஜக தேமுதிகவுடன் உலா செல்வது உறுதியாக உள்ள நிலையில், அதனுடன் பாமக சேர்வது தகாது. இடதுசாரிகள் ஏற்கனவே வைகோவை நம்பி ஓட்டைப்படகில் ஏறிவிட்டார்கள். வேறு எந்தக் கட்சியுடன் பாமக கூட்டணி அமைக்கப்போகிறது?

திமுக அணியில் கலாகாரும் அதிமுக அணியில் அம்மையாரும் தான் முதல்வர் வேட்பாளர்கள் என்பது சிறு குழந்தைக்கும் தெரியும். பாஜக அணி அன்புமணியை முதல்வர் வேட்பாளராக ஏற்கப் போவதில்லை. பிறகு எதற்கு இந்த வீண் அலட்டல்?

இந்த இடத்தில் ஒரு சிறு புள்ளிவிவரத்தை ஒப்பிடுவது அவசியமானதாக இருக்கும். 2006, 2011 ஆண்டுகளில் நடைபெற்ற இரு சட்டசபைத் தேர்தல்களிலும் பாமக திமுக தலைமை தாங்கிய கூட்டணியில் இருந்தது. அதில், 2006-ல் 18,63,749 வாக்குகள் பெற்று 18 தொகுதிகளில் வென்றது பாமக. ஆனால், 2011-ல் 19,27,783 வாக்குகள் பெற்றும் 3 தொகுதிகளில் மட்டுமே பாமகவால் வெல்ல முடிந்தது. 2011-ல் பாமக பெற்ற வாக்குகள் 2006-ல் பெற்றதைவிட அதிகம். ஆனால், வென்ற தொகுதிகளின் எண்ணிக்கை தலைகீழாகிவிட்டது. இதன் காரணம் என்ன?

ஏனெனில், 2006-ல் அதிமுக மீதான அதிருப்தியால் திமுக கூட்டணிக்கு மக்கள் பெருவாரியாக வாக்களித்தனர். அதே மக்கள் 2011-ல் திமுக மீதான அதிருப்தியால் அதிமுக கூட்டணிக்கு பெருவாரியாக வாக்களித்தனர். தமிழகத்தைப் பொருத்த வரை திமுக- அதிமுக என்ற இரு துருவ அரசியலில் இருந்து இப்போதைக்கு மாற்றம் ஏற்படப் போவதில்லை. அதற்குள் ‘மாற்றம் என்றால் அன்புமணி’ என்று விளம்பரப்படுத்துவதால் அடையப் போகும் லாபம் என்ன?

இன்னுமா ஊர் நம்புகிறது?
வடிவேலின்  ‘வின்னர்’ பட வசனம் நினைவுக்கு வருகிறதா?

இப்போதெல்லாம் கட்சி நடத்துவதே அதிகாரத் தரகுக்கான கவசமாகத் தான். தவிர தேர்தலில் போட்டியிடுவதே தேர்தல் நிதி வசூலிக்கத் தான். அல்லது தன்னிடம் ஏற்கனவே உள்ள கருப்புப்பணத்தை வெள்ளைப்பணமாக்கத் தான் என்று விஷயமறிந்த ஞானிகள் கூறுகிறார்கள். இது பாமக விஷயத்தில் உண்மையா என்பதற்கு, ராமதாஸின் முன்னாள் சகாவான வேல்முருகன் (தமிழக வாழ்வுரிமைக் கட்சி) தான் பதில் சொல்ல வேண்டும்.

விளம்பர நிறுவனம் வடிவமைத்துத் தரும் சுவரொட்டியை தமிழகம் முழுவதும் ஒட்டிவிட்டு, அனைத்து பத்திரிகைகளிலும் முழுப்பக்க விளம்பரம் கொடுத்துவிட்டால், மக்கள் வரிசைகட்டி நின்று தங்களுக்கு வாக்களித்து விடுவர் என்று மருத்துவர் ராமதாஸ் பகல் கனவு காண மாட்டார் என்பது மட்டும் நிச்சயம்.

எனினும், மதுவிலக்கு, தாய்மொழிக் கல்வி, தொழில்வளம், சுகாதாரம் தொடர்பான தெளிவான கருத்துகள் ராமதாஸிடமும் அன்புமணியிடமும் உள்ளன என்பதை மறுப்பதற்கு இல்லை. அதற்காக, இறக்கை கட்டிக்கொண்டு மலை உச்சியில் இருந்து குதித்தால் பறந்துவிட முடியாது.

இப்போதைய தமிழக அரசியல் சூழல் அதிமுகவுக்கே சாதகமாக இருக்கிறது. அதை வெல்ல வேண்டுமானால், திமுக தரப்பில் வலுவான அணி அமைய வேண்டும். அதைத் தடுக்கவே பாமகவின் கோஷங்கள் பயன்படும். மருத்துவர் ஐயா காரணம் இல்லாமல் எதையும் செய்ய மாட்டார் என்று நம்பும் தொண்டர்களும் இம்முறை நம்பிக்கை இழக்க, நூறு சதவிகிதம் அதிகமாகவே வாய்ப்புகள் காணப்படுகின்றன.

.