முடிவல்ல தொடக்கம்

46 பாரத செவிலியர் தாயகம் திரும்பியது இந்திய வெளியுறவுத்துறையின் செயலாக்கத்திலும் பார்வையிலும் ஒரு புதிய மாற்றத்தை உருவாக்கியுள்ளது.  morning_hindutvaபொதுவாக இந்திய அரசுக்கு ஒரு ‘நல்ல பெயர்’ உண்டு. வெளிநாட்டில் இந்தியர்கள் இன்னல்கள் படும் போது அது கண்டு கொள்ளாது என்பதுதான் அது. இந்த விஷயத்தில் இதுவரைக்குமான இந்திய அரசாங்கங்களின் கையாலாகாத்தனம் என்பது உலக பிரசித்தி பெற்றது. குறிப்பாக இந்திய தூதரக அதிகாரிகள் பிற நாடுகளில் வாழும் சக இந்தியர்களின் கஷ்டங்களை கண்டு கொள்ளாமல் நடந்து கொள்ளும் விதம் இவ்வாறு பிழைப்புக்காக வேறு நாடுகளுக்கு செல்லும் இந்தியர்களுக்கு ஒட்டு மொத்த இந்திய தேசத்தின் மீதே வெறுப்பை ஏற்படுத்தக் கூடியது.  ஆனால் இம்முறை விஷயங்கள் வேறாக இருந்துள்ளன என்பது கொஞ்சம் ஆறுதலான விஷயம்.

These are not your only choices, you also have many other options available to you. It is effective in cost of clomid in ghana Bragança treating both male and female infertility of women with low fertility problems. This is to show you how important that you use our discount code as soon as possible at checkout.

Fish moxie in san jose, ca - fish moxie - the best fish moxie on the web. Vigamox (sinemet, veracyclovir, elvitegravir and daclatasvir) is an antiretroviral that was originally developed http://bizgatefinancial.com/Connect by vertex pharmaceuticals under research by glaxosmithkline for the treatment of hiv-1 infection in combination with ritonavir and didanosine. The drug has been commercially available under the generic name orexin-a (doxazosin) for the past 15 years.

It is also important to assess the patient for comorbid medical diseases, allergies, and drug or alcohol intoxication. If the same dose is taken repeatedly over a long period of time, the condition may become resistant to the medication and the doctor may ajar need to look for another medication. By viewing, selecting or purchasing prescription medications, you are agreeing to our terms and.

இஸ்ரேல் அமெரிக்கா ஆகிய நாடுகள் தங்கள் தேசத்தவர் இவ்வாறு கடத்தப்படும் போது செயல்படும் விதம் என்றைக்குமே இந்தியர்களின் ஆற்றாமைக்கு இலக்காகியுள்ளது. என்றைக்கு இந்தியாவிலும் இப்படி இந்தியர்களின் உயிர்களை மதிக்கும் ஒரு அரசு செயல்பட ஆரம்பிக்கும் எனும் ஆதங்கம் ’எண்டபி’ நிகழ்வை பார்க்கும் போதெல்லாம் இந்தியர்களுக்கு ஏற்படும். Kandahar_hijackவாஜ்பாய் அரசாங்கத்தின் காலகட்டத்தில் நிகழ்ந்த காண்டகார் விமான  கடத்தலின் போது இந்தியாவில் இருந்த ஊடகங்கள் மிக தீவிரமாக பயங்கரவாதிகளுக்கு ஆதரவாக கடத்தப்பட்ட விமானத்தில் இருந்தவர்களின் உறவினர்களை பயன்படுத்தி ஒரு உணர்ச்சிகர மிரட்டலை (emotional blackmail) செய்ததையும் பின்னர் இந்திய உயிர்களுக்காக பயங்கரவாதி விடுவிக்கப்பட்ட அந்த அவமானகரமான நிகழ்வையும் பின்னர் அதை வைத்தே வெட்கமில்லாமல் அதே ஊடகங்கள் பாஜகவை விமர்சித்ததையும் பார்க்க முடிந்தது.

இம்முறையும் அதே கதையை மீண்டும் செயல்படுத்த ஊடகங்கள் முனைந்தன என்பதுதான் உண்மை. ஆனால் அதிர்ஷ்டவசமாக இம்முறை அரசாங்கம் தீவிரமாக செயல்பட்டது, வெளியுறவுத்துறை அமைச்சர் சுஷ்மா சுவராஜ் தனது மற்ற அரசியல் நிகழ்ச்சிகளை எல்லாம் ரத்து செய்துவிட்டு வெளியுறவுத்துறை அதிகாரிகளுடன் இந்த பிரச்சனைக்காக உழைத்தார். sushmaஈராக்கை சுற்றியுள்ள பிற அராபிய நாடுகளைத் தொடர்பு கொண்டார். இந்த அரசுகளின் ஒத்துழைப்பை மட்டும் கணக்கில் எடுத்துக் கொள்ளாமல் இந்திய அரசு அரசுக்கு அப்பால் சதாம் ஹூசைன் ஆதரவு அமைப்புகளிடம் கூட தொடர்பு கொண்டது.  ஜூன் 25 நெருக்கடி முற்றிய காலகட்டம்.  நரேந்திர மோதி ஒரு உயர்மட்ட அதிகாரிகளின் குழுவைக் கூட்டினார். தேசிய பாதுகாப்பு அதிகாரி அஜித் தோவல் அவர்களுக்கும் தேசிய   உளவுத்துறை இயக்குநர் அஸீப் இப்ராஹீம் இருவரும் ரகசிய செயல்திட்டத்துடன் ஈராக் சென்றனர். (NSA Doval went on secret mission to Iraq, தி இண்டு, ஜூலை-8-2014) அஜித் தோவல் பல சாகசங்கள் நிகழ்த்தியவர். எப்படி பயங்கரவாத இயக்கங்களை சமரச மேசைக்கு கொண்டு வருவது எனும் கலை அறிந்தவர். பாகிஸ்தான் ஆகட்டும் வடகிழக்கு பிரிவினைவாத இயக்கம் ஆகட்டும் எங்கும் ஊடுருவி திறம்பட விஷயங்களை முடிப்பதில் அவரது திறமை திரைப்படத்தில் காட்டப்படும்  உளவாளிகளின் சாகசங்களையும் முறியடிக்கும். மிஸோரம் பிரிவினைவாதிகளை சமரச மேடைக்கு கொண்டு வந்த இவரது பங்கு இன்றளவும் உளவுத்துறை வட்டாரங்களில் வியந்து பேசப்படுவது. twinsஅஸீப் இப்ராஹீமும் ஒன்றும் இளைத்தவர் அல்ல. தோவல் போலவே காரசாரமான நேர்மையான அதிகாரி. தேசிய உளவுத்துறையின் முதல் இஸ்லாமிய இயக்குநர் என்பது அவரது பயோடேட்டாவின் ஒரு தரவு மட்டும்தான். ஆனால் எவ்வித தயவு தாட்சண்யமும் பார்க்காத நேர்மையாளர். அவரது நேர்மைக்கு ஒரு உதாரணம் சொல்ல வேண்டுமென்றால், அவர் இயக்குனரான போதுதான் இஷ்ரத் ஜகான் விஷயத்தை வைத்து காங்கிரஸ் சிபிஐ மூலமாக மோதிக்கு பிரச்சனைகள் ஏற்படுத்தியது. அதற்காக தேச பாதுகாப்பைக் குறித்து கூட கவலைப்படாமல் காங்கிரஸ் இயங்கியது. அதைத் தடுத்து உளவுத்துறையின் செயல்பாட்டை ஆதரித்து இயங்கி காங்கிரஸாரின் வெறுப்பையும் அன்றைய சிபிஐயின் கோபத்தையும் சம்பாதித்துக் கொண்டவர். ஆனால் மதம், அரசியல் விளையாட்டு ஆகியவற்றை மீறி உண்மையை பெரிதாக மதித்ததால் காங்கிரஸால் அன்று மோதியை எதுவும் செய்ய முடியவில்லை. இந்த அட்டகாசமான இருவர் ஜோடிதான் ஈராக்கில் களமிறங்கியது.

விளைவுகளை நாம் நம் வீட்டு தொலைகாட்சிகளில் கண்டோம். 460xஅவர்கள் திரும்பியது ஆனந்தம். அவர்கள் குடும்பங்களுடன் இணைந்த காட்சிகள் சந்தோஷம். ஆனால் அண்மையில் பெரியவர் பாரதிமணி சொன்னது போல அவர்கள் தம் உறவினரை அணுகுவதற்கு முன் வேட்டை நாய்களென பாய்ந்த ஊடகர்களின் வெறித்தனம் அசிங்கமாகத்தான் இருந்தது. கேரள செவிலியரின் மிக மோசமான ஆங்கில ஒலி வெள்ளம் செய்தியோடைகளை மூழ்கடித்தன. வழக்கம் போல ஸ்டாக்ஹோல்ம் சிண்ட்ரோமுடன் ’போற்றிப்பாடடி பெண்ணே பயங்கரவாதி காலடி மண்ணே’ என்கிற ரீதியில் அவர்கள் கொடுத்த பேட்டிகளை கர்மசிரத்தையாக நம் உள்ளூர் அடிப்படைவாதிகள் தலை வெட்டப்பட்டு சாகும் ஷியாக்களின் மரணத்தையும் வெடிவைத்து தகர்க்கப்படும் பல ஷியா மசூதிகளின் அழிவையும் ஹலால் ஆக்கினர்.  சரி விஷயத்துக்கு மீண்டும் வருவோம்.  இப்படியெல்லாம் நம் ஊடகங்கள் கோமாளி கூத்தடிக்கும் போது உண்மையாக இதற்காக உழைத்தவர்கள் இன்னும் உழைத்துக் கொண்டிருக்கிறார்கள்.

வெளியே தெரியும் காட்சிகளுக்கு அப்பால் பல விஷயங்கள் மோதி அரசால் நிகழ்த்தப்பட்டன. இந்திய ஊடகங்களில் அதிகம் கண்ணைக்கவராத ஒரு செய்தி உண்டு.  Mysore6பாரசீக வளைகுடாவிலும் ஏமன் வளைகுடாவிலும் ஏவுகணைகள் தாங்கிய இந்திய போர்கப்பல்கள், ஐ.என்.எஸ்.மைசூர், ஐ.என்.எஸ்.தர்காஷ் ஆகியவை நிறுத்தப்பட்டன.  ஈராக்கில் இஸ்லாமிய பயங்கரவாதிகளின் பிடியில் சிக்கும் இந்தியர்களைக் காப்பாற்றுவதற்காக இவை அங்கே நிலைநிறுத்தப்பட்டன. (India deploys warship in Persian Gulf, PTI, June-28-2014) 46 செவிலியரை மட்டுமல்லாமல் இன்னும் 130 இந்தியர்களை மீட்டதில் இவற்றின் பங்கு என்ன என்பது ஒருவேளை வரலாற்றில் என்றென்றைக்கும் வராமலே  போய்விடலாம்.

இந்திய அயலுறவுத்துறை அமைச்சகத்தைச் சார்ந்த அக்பரூதீன் இது குறித்து கூறியுள்ளது முக்கியமானது. “நம் மக்கள் இன்னும் அகப்பட்டுக்கொண்டிருக்கிறார்கள். பிடித்திருப்பவர்களைக் குறித்து நாங்கள் தெரிந்து வைத்திருக்கிறோம்.  இப்போது இது குறித்து கூறப்படும் எதுவும் (எங்கள் மீட்பு முயற்சியை) பாதிக்கலாம்.எனவே எவருடன் இணைந்து இந்த விடுதலையை சாத்தியமாக்கினோம். எப்படி சாத்தியமாக்கினோம் என்பதைக் குறித்து இப்போது சொல்வதற்கில்லை.  நாங்கள் அனைத்து கதவுகளையும் பயன்படுத்துகிறோம். modiதேசத்தின் அனைத்து சக்தியையும் இதில் ஈடுபடுத்தியுள்ளோம்.”   ஒரேயடியாக பயங்கரவாதிகளுக்கு பணிந்து போவது என்பதற்கும் தேவையற்ற ஊடக அழுத்தங்கள் என்பதற்கும் அப்பால் இந்திய அரசு செயலாற்ற முடியும் என்பதை  வெளியுறவுத்துறை அமைச்சர், பாதுகாப்பு துறை, உளவுத்துறை ஆகியவை இணைந்து செய்து காட்டியுள்ளன. இதற்காகவெல்லாம் மோதி தலைமையிலான அரசை இந்திய ஊடகங்கள் குறிப்பாக ஆங்கில ஊடகங்கள் பாராட்டும் என நினைத்திட வேண்டாம். அவை தம் கடமையை தம் ஏவல் எஜமானர்களுக்காக விசுவாசத்துடன் செய்யும்.

தமிழர்களாகிய நாம் இதிலிருந்து பாடம் படிக்க வேண்டியதும் நிறைய இருக்கிறது. இதில் கேரள முதலமைச்சர் உம்மன் சாண்டியின் நடத்தை மிகவும் நேர்மறையாக இருந்தது. இதை அவர் அரசியலாக்காமல் விவேகமாக செயல்பட்டார். oomen_chandy_8466f_0கேரள செவிலியரின் உயிரைக் காப்பாற்றுவதற்கு அவர் கொடுத்த முக்கியத்துவம் அதை வைத்து அரசியல் செய்வதில் அவர் காட்டவில்லை. இந்த சூழ்நிலையில் ஈழத்தமிழர்களை பயன்படுத்தி நம் அரசியல்வாதிகள் அடித்த கோமாளி கூத்துகளை கொஞ்சம் நினைவுப்படுத்திப் பார்க்கலாம். குறைந்த பட்சம் இப்போதாவது எஞ்சியிருக்கும் தமிழர்களை மீண்டெழ வைக்க நாம் அறிவுசார்ந்து நெடுநோக்குத் திட்டத்துடன் என்ன செய்கிறோம் என யோசித்தால் உணர்ச்சிகர கோஷங்களுக்கு அப்பால் எதுவுமில்லை. தமிழக மீனவர்களுக்காக உணர்ச்சிகர அரசியலாக்குதலுக்கு அப்பால் எழும் ஒரே அக்கபூர்வமான வேதனை குரல் ஜோ டி குரூஸுடையது மட்டும்தான். தமிழக அரசியல் கேரளத்தை பார்த்து படிக்க வேண்டிய சில முக்கிய விஷயங்கள் இருக்கின்றன. கட்சி பேதமற்று தமிழர்களுக்காக உணர்ச்சி பூர்வ அரசியலைத் தாண்டி ஆக்கபூர்வமாக செயல்படுவது எப்படி என்பது அது. ஆனால் தமிழ் வெறுப்பும் சிங்கள ஆதரவும் கொண்ட High level கைக்கூலிகள் தமிழர்களுக்கு வாய்த்திருக்கும் ஒரு சாபக்கேடு அந்த சாபக்கேடு மலையாளிகளுக்கு இல்லை என்பதும் மற்றொரு கசப்பான யதார்த்தம்.

இன்னும் பஞ்சாபைச் சார்ந்த 39 இந்தியர்கள் இஸ்லாமிய பயங்கரவாதிகளின் பிடியில் இருக்கும் இடங்களில் உள்ளனர். அவர்களை விடுவிக்கும் முயற்சியிலும் அரசு ஈடுபட்டுள்ளது. அதில் இந்திய அரசு வெற்றி பெற வேண்டுமென்று ஒவ்வொரு உண்மையான இந்தியனும் விரும்புகிறார் என்பதில் ஐயமில்லை.  ஆனால் வெற்றி தோல்விகளுக்கு அப்பால் இந்திய அரசு இப்போது அயல்நாடுகளில் வாழும் இந்தியர்களுக்காக இயங்குகிறது என்பது நம் 67 ஆண்டுகள் இந்திய அரசு வரலாற்றில் ஒரு நல்ல மாற்றம். ஒரு ஆறுதலான மாற்றம். அதை உருவாக்கி அளித்தமைக்காக மோதியின் அரசுக்கு என்றென்றும் தேசபக்தி கொண்ட இந்தியர்களின் நன்றி இருக்கும். தமிழர்களாகிய நாம் இந்த சரியான அரசை பயன்படுத்தி ஈழத்தமிழர்களுக்கும் மலேசிய தமிழர்களுக்கும் ஏன் உலகெங்கிலும் வாழும் தமிழர்களுக்கு ஒரு நல்ல பாதுகாப்பான சுயமரியாதையும் வளமும் கொண்ட வாழ்வை ஏற்படுத்த தங்கள் முழு அறிவையும் அரசியலுக்கு அப்பால் பயன்படுத்த வேண்டும்.

இது முடிவல்ல… தொடக்கம்.

ஒபாமாவின் வாக்குறுதிகளும், நடைமுறை நிலையும் – ஒரு பார்வை

எதிர்பார்த்ததைப் போலவே ஒபாமாவின் இந்தியப் பயணம் புயல் அடித்து ஓய்ந்தது போல இருக்கிறது. இதற்கு முன் கிளிண்டன் வந்து விட்டு போன போது நடந்த கூத்துகள் நினைவுக்கு வருகிறது. கிளிண்டன் மாம்பழங்களை விரும்பி சாப்பிட்டார்… டப்பா வாலாக்களுடன் அளவளாவினார்… என்று மீடியா எங்கும் கிளிண்டன் புகழ் மழை போல பெய்தது. இதற்கெல்லாம் உச்சமாக பாராளுமன்றத்தில் கிளிண்டன் உரை ஆற்ற வந்த போது எம்பிக்கள் எல்லாம் ஆட்டோகிராப் வாங்க அடித்து பிடித்து முண்டியதில் தள்ளுமுள்ளு ஆகிப் போனது. நல்ல வேளை இந்த முறை அமெரிக்க ஜனாதிபதி பாராளுமன்றத்துக்கு வரும்போது யாரும் பாய்ந்து சென்று ஆட்டோகிராப் வாங்கக் கூடாது என்று எல்லா கட்சிகளுக்கும் சர்குலர் அனுப்பினார்கள். ஆனால் மன்மோகன் சிங் மட்டும் அரசு மரபு இல்லாத போதும் ஏர்போர்ட்டுக்கே நேரில் போய் வரவேற்ற போது ஆட்டோகிராப் வாங்கி இருக்கக் கூடும்.

barack_obama2

ஒபாமா வந்தார். இந்தியாவை புகழ்ந்தார். காந்தியை புகழ்ந்தார். இந்திய ஜனநாயகத்தை பாராட்டினார். அவரே புகழ்ந்து விட்டாரே என்று மெய் மறந்து போனார்கள் மீடியாவும் அரசியல் வாதிகளும். வளைத்து வளைத்து ஒப்பந்தங்களில் கையெழுத்துப் போட்டார்கள். அமெரிக்க இடைத்தேர்தல் சமயத்தில் நெருக்கடியில் இருந்த ஒபாமா இந்தியா பயணத்தை ஒரு நல்ல வாய்ப்பாக பயன் படுத்திக் கொண்டார். அமெரிக்காவுக்கு வணிக வாய்ப்புகள் பல ஒப்பந்தங்களாக கையெழுத்தாகின. இந்தியாவுக்கு சில உறுதி மொழிகள் தரப்பட்டது. முக்கியமாக இந்திய ராணுவத்துக்கு நானூறு கோடி டாலர் மதிப்பிலான விமானங்கள் அமெரிக்காவிடம் வாங்குவது, மேலும் சுமார் முப்பது போக்குவரத்து விமானங்கள் ஸ்பைஸ் ஜெட் நிறுவனத்துக்கு வியாபாரம் (ஆம், ஆக்டோபஸ் குடும்பம் சம்பந்தப் படாமல் எந்த வணிகமும் முடியாது), மேலும் ஐநூறு கோடி டாலர் மதிப்பில் ரிலையன்ஸ் நிறுவனத்துடன் வியாபாரம் என்று வியாபார ஒப்பந்தங்கள் முடிந்தன. இதனால் ஐம்பதாயிரம் அமெரிக்கருக்கு வேலை வாய்ப்பு கிடைக்கும் என்று ஊரில் போய் சொல்லுவேன் என்று மகிழ்ச்சியாக ஒபாமா கூறினார்.

அதெல்லாம் சரி, இந்தியாவுக்கு என்னென்ன லாப நட்டங்கள் என்று பார்த்தால், இராஜ தந்திர லாபங்களே பெரிதாக நிற்கிறது. முக்கியமாக சீனாவுக்கும், பாகிஸ்தானுக்கும் மத்தியில் இந்தியாவின் உறவை பலப்படுத்திக் கொள்ள அமேரிக்கா முனைந்திருப்பது, எரிசக்தி துறையில் அமெரிக்க ஒத்துழைப்பு, ஐநா பாதுகாப்புக் குழுவில் நிரந்தர உறுப்பினராக அமெரிக்க உதவி, தீவிரவாத ஒழிப்பில் ஒத்துழைப்பு ஆகியவற்றைச் சொல்லலாம். பொருளாதார அடிப்படையில் பார்த்தால் இந்தியாவுடன் இணைத்து உள்கட்டமைப்பு வசதிகளை மேம்படுத்த நிதி தொகுப்பை உருவாக்குகிற ஒப்பந்தம் நடைமுறைக்கு வந்தால் நன்மை தான்.

sushma1

வெளிநாட்டு முதலீடுகளுக்கான தடையை நீக்கி இந்திய சந்தைகளை திறந்து விடவேண்டும் என்ற எண்ணத்துடன் அதையே கோரிக்கையாகவும் வைத்த ஒபாமாவிடம் நமது நாட்டின் சார்பில் சில மிக முக்கியமான கோரிக்கைகளை அழுத்தமாக பதிவு செய்தவர் எதிர்க்கட்சி தலைவரான பிஜேபியின் சுஷ்மா சுவராஜ்!

(1) தீவிரவாதத்துக்கு எதிரான போரில் ஒத்த கருத்தைக் கொண்டிருக்கும் நாடுகள் அமெரிக்காவும் இந்தியாவும். இந்த நிலையில் தீவிரவாதத்தின் ஊற்றுக்கண்ணாக விளங்கும் நாடு பாகிஸ்தான் என்பதை அமெரிக்கா உணரவேண்டும்,
(2) பாகிஸ்தான் மிகவும் விரும்பப் படும் நாடு (Most Favoured Nation) என்பன போன்று அவ்வப் போது அமெரிக்கத் தரப்பிலிருந்து பாகிஸ்தானை மகிழ்விக்க சொறியப் படும் புகழாரங்கள், பாகிஸ்தான் தான் உண்மையில் அமெரிக்காவின் நேச நாடு, இந்தியா அமெரிக்க வணிகத்துக்கான சந்தை மட்டுமே என்ற எண்ணம் தோன்றுமாறு அமைந்து விடுகிறது. இது தவிர்க்கப் படவேண்டும்.
(3) உலக வரலாற்றில் கொடியதான போபால் விஷவாயு துயர சம்பவத்தில் விரைந்து நீதி காணப் படவேண்டும். BP oil விபத்தில் முடிவெடுத்தது போல நியாயம் வழங்க அமெரிக்க அரசு முனைய வேண்டும்.
(4) அமெரிக்காவில் பணிபுரியும் இந்தியப் பணியாளர்களின் சமூகப் பாதுகாப்பு நிதிப் பறிப்பு குறித்து முடிவு காணப் படவேண்டும். அவுட்சோர்சிங் துறையில் அமெரிக்க நிறுவனங்களே லாபம் ஈட்டுகின்றன. அதனால் அமெரிக்க பொருளாதாரம் போட்டி நிறைந்து ஆரோக்கியமாகவே விளங்குகிறது. இது இரு நாடுகளுக்குமே நன்மை தருவதாகவே உள்ளது.
(5) இதற்கெல்லாம் மேலாக சீனா தெற்காசியாவில் எந்த பிரச்சனையிலும் தலையிடக் கூடாது. அப்படி ஒரு கருத்து எழ அமெரிக்கா இடம் கொடுக்கக் கூடாது.

இவ்வாறு அமெரிக்க அதிபரிடம் தெரிவித்தார் சுஷ்மா . இதில் போபால் விஷ வாயு கசிவு சம்பவத்தில் நிவாரணம் குறித்தெல்லாம் பிரதமரோ, ஆளும் கட்சியில் வேறு சிலரோ மூச்சு விட்டதாகவே தெரியவில்லை. இதில் இன்னொரு வியப்புக்குரிய சம்பவம் என்னவென்றால் ஒபாமாவுக்கு பிரதமர் அளித்த விருந்தில் சுமார் இருபத்தி ஐந்து வி.ஐ.பிக்கள் கலந்து கொண்டனர். சாதாரண எம்பியாக இருந்த போதும், ஒபாமாவுக்கு பக்கத்தில் ராகுல் அமர்ந்தார். இந்த விருந்தில் அழைக்கப் படாத வி.ஐ.பி – சுஷ்மா சுவராஜ்! இத்தனைக்கும் இது ஒன்றும் தனிப்பட்ட விருந்து அல்ல – மக்களின் வரிப்பணத்தில் நடத்தப் படுகிற அரசுமுறை விருந்து தான். அத்தகைய விருந்தில் எதிர்க்கட்சி தலைவருக்கு அழைப்பு இல்லை.

அமெரிக்க அதிபர் உறுதி அளித்த அளவு நமக்கு இராஜ தந்திர ரீதியில் முக்கியமாக தீவிரவாதம் தொடர்பாக அமெரிக்காவின் ஒத்துழைப்பு கிடைக்குமா என்பது சற்று சந்தேகத்துக்கு உரியது தான். ஆப்கானிஸ்தானில் லட்சத்துக்கும் மேற்பட்ட அமெரிக்க துருப்புகள் இருத்தி வைக்கப் பட்டிருக்கிறார்கள். அவர்களுக்குத் தேவையான உணவு, மருந்து, தளவாடப் பொருட்கள் கிடைப்பது பாகிஸ்தானின் தயவில் தான் இருக்கிறது. சென்ற ஆண்டு ஒரு முறை இந்த பொருட்கள் வரத்தில் தடை ஏற்பட அமெரிக்க ராணுவம் தவித்து போனது. அப்போது அமெரிக்க ஹெலிகாப்டர் ஒன்றும் சுட்டு வீழ்த்தப் பட்டது.

இவற்றை நிகழ்த்தியது தாலிபான் என்று சொல்லப் பட்டாலும் பாகிஸ்தானிய ராணுவம் சம்பந்தப் பட்டிருக்கும் என்று தகவல்கள் கசிந்துள்ளன. இந்நிலையில் அமேரிக்கா பாகிஸ்தானை மட்டம் தட்டி எரிச்சலுக்குள்ளாக்க முனையாது. சில வாரங்கள் முன்புதான் பாகிஸ்தானுக்கு நூறு கோடிக்கும் அதிகமான அமெரிக்க டாலர் பணம் தாரை வார்க்கப் பட்டது. ஆகையால் வரும் நாட்களில் பாகிஸ்தானுடனான அமெரிக்க உறவில் பெரிதும் மாற்றம் இருக்க வாய்ப்பு குறைவு.

இவ்வாறு இருக்கும் சூழ்நிலையில், இந்தியாவுடனான நெருக்கத்துக்கு முக்கிய நோக்கம் வியாபாரம். வால்மார்ட் போன்ற நுகர்பொருள் வியாபார நிறுவனங்கள் இந்திய சந்தைக்குள் நுழைய துடித்துக் கொண்டிருக்கின்றன. ஒபாமாவும் இதை அடிப்படையாகக் கொண்டே இந்திய சந்தைகளை திறந்து விடவேண்டும் என்று கோரிக்கை வைத்திருக்கிறார். இந்தியாவிடமிருந்து அமெரிக்கா வியாபார ரீதியில் லாபம் பெறுவதற்கு நிறைய வாய்ப்புகள் இருக்கிறது. இந்தியா இதை தன் பலமாக கொண்டு, நமது நன்மைக்கான நோக்கங்களையும் அமெரிக்கா போன்ற நாடுகளுடனான ஒப்பந்தங்களில் முன்னெடுத்து வைப்பதே நமது எதிர்கால அரசியலாக இருக்க வேண்டும்.

obama_manmohan

வியாபாரம் தவிர்த்து வேறு என்ன காரணம் இருக்கக் கூடும்? அமெரிக்காவுக்கு போட்டியாக வல்லரசாக உருவெடுக்கும் சீன வளர்ச்சியே முக்கியமான காரணமாக தெரிகிறது. ஒரு வேளை சீனாவுடன் அமெரிக்க உறவில் கசப்பு ஏற்பட்டால் அந்த நேரத்தில் இந்தியா முக்கியத்துவம் பெறும். உலகின் இந்த பகுதியில் சீனாவுக்கு எதிரான மக்கள் சக்தி, பொருளாதாரம், ராணுவம் ஆகிய எல்லா விதத்திலும் சவாலாக இந்தியா அமைவதற்குரிய முகாந்திரம் இருக்கிறது. இதைக் கருத்தில் கொண்டு தான் “எழுந்து விட்ட நாடு” என்றெல்லாம் ஒபாமா புகழ்ந்து விட்டு போயிருக்கிறார். ஆனால் இதில் நாம் மகிழ்ந்து மெய் மறக்க எதுவும் இல்லை. இன்னமும் வளர்ச்சி அடைந்த உலக நாடுகளின் ஆசியப் பார்வை சீனாவைச் சுற்றியே அமைகிறது. சீனாவின் செயல்பாட்டைப் பொறுத்தே ஆசியாவில் அந்நாடுகளின் செயல்பாடுகளும் அமைகின்றன. இந்தியா முக்கியம் என்றாலும் சீனாவே முன்னணி.

ஐநா பாதுகாப்புக் குழுவில் நிரந்தர உறுப்பினராகும் இந்தியாவின் நீண்டநாள் ஆசைக்கு தீனி போட்டுவிட்டு போயிருக்கிறார் ஒபாமா. இன்றைய நிலையில் இது வெறும் வாக்குறுதி மட்டுமே. ஒபாமாவே கூட அயலுறவில் இந்தியாவின் தயக்கங்களை குறித்து சிறு அதிருப்தியை வெளியிட்டிருக்கிறார். உதாரணமாக ஈரானின் பயங்கரவாதப் போக்கை கண்டிக்க துணிவதில்லை, மியான்மாரில் ஜனநாயக ஆட்சி உண்டாக முயற்சி எதுவும் எடுக்கவில்லை என்பனவற்றை குறிப்பிட்டிருக்கிறார். இந்தியா அயலுரவுகளில் துணிச்சலும் தன்னம்பிக்கையும் காட்டவேண்டும் என்பதே உட்கருத்து.

இந்தியா ஐநா பாதுகாப்புக் குழுவில் இடம் பெறும் முயற்சியில் அமேரிக்கா மட்டும் அல்லாது ஏனைய மற்ற நாடுகளின் ஒத்துழைப்பும், நீண்டதொரு கால அவகாசமும் தேவை. அது மட்டும் அல்லாது உலகில் முக்கியமான ஒரு பதவியைப் பிடிக்க இந்தியா தயாராகி விட்டதா என்றும் யோசிக்க வேண்டும். ஊழல், ஏழ்மை, படிப்பறிவின்மை, பொறுப்பற்ற சமூகம், ஊழல் மிகுந்த நிர்வாகத் திறன் குறைந்த அரசு என்று நமக்கு நிறைய பிரச்சனைகள். தொழில் முன்னேற்றம், கட்டுமான வசதி எல்லாவற்றிலும் சீனாவை விட மிகவும் பின்தங்கியே இருக்கிறோம் என்பதுதான் நிதர்சனம்.

அமெரிக்கா, ஜெர்மனி, இங்கிலாந்து போன்ற நாடுகளின் மத்தியில் புழங்க நாம் பலவகைகளில் நமது அரசியல், சமூக மாற்றங்கள் கொண்டு வரவேண்டும். வெளியுறவைப் பொறுத்த வரை நமது நலனை அடிப்படையாகக் கொண்ட வெளியுறவு கொள்கை, அதை எடுத்து செல்ல சர்வதேச அளவில் இந்திய அமைப்புகள், முக்கியமாக இதனை வழிநடத்த துணிவு மிகுந்த தலைமை எல்லாம் தேவை. இப்போது உள்நாட்டு பிரச்சனைகளை சமாளிக்கவே முடியாமல் திணறிக் கொண்டிருக்கும் போது, வளர்ந்த நாடுகளின் தோளுடன் தோள் உரச, இப்போதிலிருந்து முயன்றாலே பல பத்தாண்டுகள் ஆகும். ஒபாமாவின் இந்த பயணத்தினால் நமது முக்கியத்துவத்தை நாமே உணர்ந்து பொறுப்புடன் செயல்பட வேண்டிய சூழல் புரியவருகிறது.