புல்லட் ரயில் எனும் பெருங்கனவு

மின்சாரம் தயாரிப்பதை கண்டுபிடித்த மைக்கல்  ஃபாரடேயின் பரிசோதனை சாலைக்கு வந்த அன்றைய இங்கிலாந்து நிதி அமைச்சர் கேட்டாராம் ” இதெல்லாம் நன்றாகத்தான் இருக்கிறது ஆனால் என்ன பலன்?” என்று. அதற்கு ஃபாரடே “இதற்கு நீங்கள் ஒரு வரி போடலாம்” என சொன்னாராம்.

For example, the dapoxetine tablets price in india of dapoxetine. Can etodolac 400 mg Āsansol get you high “so if it's true, it won't even happen in russia," u.s. I have suffered from this condition for years, but it.

If you are buying a bottle of anti-aging cream in india then do not get indigro capsules at indian online pharmacy. The ingredient clomid tablet 50mg price in pakistan amox works to reduce fat in the body. It’s possible you may be able to purchase these products from another pharmacy, or buy generic drugs that are cheaper.

In this case study, we examine how a pharmaceutical firm, after an in vitro assessment, can make use of a new and more robust in silico tool to predict which candidate drugs might be suitable for further study and clinical development. Doxycycline is a Mawāna tetracycline antibiotic antibiotic. Generic cortisone tablets are a generic alternative to the brand name cortisone.

நம்மூரிலே இருக்கும் ஆகச்சிறந்த அறிவாளிகள் ராக்கெட் விட்ட போதும் இதையே தான் கேட்டார்கள். இப்போது புல்லட் ரயிலுக்கும் இதையே தான் கேட்கிறார்கள் -சீனா பணக்கார நாடு, அவர்கள் செய்யலாம். நாம் செய்யலாமா?

செய்தி:  இந்தியாவின் முதல் புல்லட் ரயில் திட்டம்: 14-செப் 2017 அன்று பிரதமர் நரேந்திர மோதியும்  ஜப்பான் பிரதமர் ஷின்சோ அபேவும் அடிக்கல் நாட்டுகின்றனர். 

சீனா எப்போது புல்லட் ரயிலை ஆரம்பித்தது? 2007 இல் தான். ஆமாம். பத்தே பத்து வருசம் முன்பு தான். இன்றைக்கு சீனா அதிவேக ரயில்கள் மட்டும் 22,000 கிலோ மீட்டருக்கு வைத்திருக்கிறது. மற்றவர்களிடம் இருந்து தொழில்நுட்பத்தை வாங்கிய காலம் போய், இப்போது சீனாவே புதிதாக மணிக்கு 500 கிமீ வேகத்திலே போகக்கூடிய வண்டிகளை தயாரிக்கும் ஆராய்ச்சியிலே ஈடுபட்டிருக்கிறது. அந்த தொழில்நுட்பத்தின் பக்கவிளைவுகளாக ஏகப்பட்ட தொழிற்சாலைகளும் வேலைவாய்ப்புகளும் உருவாகி உள்ளன. பத்தே வருடங்களிலேயே ஏகப்பட்ட மாற்றங்கள்.

இதை விட, அதிவேக ரயில்கள் விமானப்பயணத்தை விட இரு மடங்கு மட்டுமே நேரம் எடுத்துக்கொள்கின்றன. பெய்ஜிங் ஷான்காய் வழி அதிவேக ரயிலிலே 4 மணி நேரம் 50 நிமிடங்கள் என்றால், விமானத்திலே 2 மணி நேரம் 10 நிமிடங்கள். செலவோ மூன்றில் ஒரு பங்கு தான். ஒப்பீட்டுக்கு சென்னை மும்பை விமான வழியாக 2 மணி நேரம் ஆகும். அதுவே ரயில் வழியாக 4 மணி நேரம் தான் என்றால்? அதுவும் கட்டணமும் விமானக் கட்டணத்தைவிட மூன்று மடங்கு குறைவு என்றால்? 1500 ரூபாய்க்கு 4 மணி நேரத்திலே மும்பை போகமுடியும் என்றால்? யோசித்து பாருங்கள்.

இதைவிடவும், புல்லட் ரயில் புதிய அறிவியல், தொழில்நுட்ப சாதனைகளுக்கான கனவை தூண்டிவிடுமல்லவா?  ராக்கெட் விட்டபோது எவ்வளவு கேலிகளும் கிண்டல்களும் வந்தன என அப்துல் கலாம் எழுதியிருப்பார். புகழ்பெற்ற விஞ்ஞானி ஸ்டீவன் வைன்பெர்க் ஒரு பேச்சிலே சொன்னார், “19 ஆம் நூற்றாண்டிலே அறிவியலாளர்கள் வெற்றிடத்திலே மின்சாரம் செலுத்துவதை ஆராய்ந்தார்கள், அதன் மூலம் எலெக்ட்ரான் கண்டுபிடிக்கப்பட்டது. அது இல்லாமல் இன்றைய முன்னேறம் எதுவுமே இல்லை. அன்றைக்கு அவர்கள் அப்போதைய விஷயங்களிலே மட்டுமே கவனம் செலுத்தியிருந்தால் இன்றைக்கும் நாம் நீராவி எந்திரம் பற்றி படித்து கொண்டிருப்போம்”.

இன்றைக்கும் அதைத்தான் சொல்கிறார்கள் இல்லையா? இருக்கும் ரயில்களை சரிப்படுத்துங்கள் என. இருக்கும் ரயில்களை சரிப்படுத்திக்கொண்டே இருந்தால் இன்னும் ஆயிரம் வருசம் ஆனாலும் இப்படி சோத்துக்கு பிச்சை எடுத்துட்டே தான் இருப்போம்.

மெட்ரோ ரயில் வந்த போதும் இதே போல் அல்லக்கை முண்டங்கள் கூவின. இருக்கும் ரயிலை ஏன் சரிசெய்யவில்லை என. இன்றைக்கு மெட்ரோ ரயில் இல்லாத நகரமே இல்லை என்ற நிலையை நோக்கி போய்க்கொண்டிருக்கிறது. 1995 இல் ஆரம்பிக்கப்பட்டு 2002 இல் சேவையை தொடங்கிய டெல்லி மெட்ரோ இன்றைக்கும் 16 ஆம் இடத்திலே இருக்கிறது.

டெல்லி மெட்ரோ கட்ட 7 வருடங்கள் என்றால் கொச்சி மெட்ரோ 2 வருடங்களிலே கட்டப்பட்டது. அதே போல் முதல் புல்லட் ரயில் கட்ட 5 வருடங்கள் எடுக்கலாம் என்றால் அடுத்தடுத்த ரயில்களை ஒரு வருடத்திலே கட்டி முடித்துவிடலாமே?

மெட்ரோ ரயிலை விட, நிலத்தடி ரயிலை விட புல்லட் ரயில் ஒரு பெருங்கனவு.

கனவு நிஜமாவது என்பது நாட்டையே முன்னேற்றும்.

******

(ராஜசங்கர் பேஸ்புக் பக்கம் இங்கே)

 

மோடியின் அமெரிக்கப் பயணம்-2.0 : ஒரு தொகுப்பு

 இதைப் படிக்கும் முன் படிக்க வேண்டிய பதிவுகள்:

அமெரிக்காவின் கலிஃபோர்னியாவிலிருந்து நேரடியாக நிகழ்வுகளைப் பதிவு செய்த ச.திருமலையின் கட்டுரைகள்…

மோதியின் கலிஃபோர்னியா விஜயம்: நேரடி அனுபவம் – 1

மோதியின் கலிஃபோர்னியா விஜயம்: நேரடி அனுபவம் – 2

மோதியின் கலிஃபோர்னியா விஜயம்: நேரடி அனுபவம் – 3

மோதியின் கலிஃபோர்னியா விஜயம்: நேரடி அனுபவம் – 4

 

 

modi us1
அமெரிக்காவில் மோடி

பிரதமர் நரேந்திர மோடியின் அமெரிக்கப் பயணம், இந்தியாவில் பாஜகவின் அரசியல் எதிரிகளால் ஜீரணிக்க இயலாததாக இருப்பதைப் புரிந்துகொள்ள முடிகிறது. அமெரிக்காவின் தகவல் தொழில்நுட்பத் தலைமையகமான சிலிகான் வேலியில் மோடிக்குக் கிடைத்த வரவேற்பு (செப். 27) இதுவரை எந்த இந்தியப் பிரதமரும் பெறாதது.

அமெரிக்காவில் மோடி தங்கியிருந்த 6 நாட்களும் தினசரி 30-க்கு மேற்பட்ட நிகழ்வுகளுடன் அவரது நிகழ்ச்சிநிரல் கவனமுடன் திட்டமிடப்பட்டு, 16 மணி நேரத்துக்கு மேல் அவர் நிகழ்ச்சிகளில் பங்கேற்றார். பாகிஸ்தான் பத்திரிகையான ’நேஷன்’ பொறாமையுடன் குறிப்பிட்டிருப்பதுபோல, “மோடி அமெரிக்காவில் ஒரு நட்சத்திர விருந்தாளியாக நடத்தப்பட்டார்”.

தனது நிகழ்ச்சிநிரலில் மோடி எந்த ஒரு பொழுதுபோக்கு நிகழ்விலும் பங்கேற்கவில்லை. அவர் கலந்துகொண்ட அனைத்து நிகழ்வுகளுமே, இந்தியாவுக்கு முதலீட்டைக் கவர்வதாகவும், இந்திய- அமெரிக்க உறவை மேலும் வலுப்படுத்துவதாகவும், மாறிவரும் உலக அரங்கில் இந்தியாவின் பங்கேற்பை அதிகரிப்பதாகவுமே இருந்தன. ஏதோ இன்பச் சுற்றுலாவுக்கு மோடி சென்றது போல இந்தியாவில் அவரை விமர்சித்துக் கொண்டிருக்கும் எதிரிகளுக்கும், அரைவேக்காட்டு அறிவுஜீவிகளுக்கும், அவரது பயணத்தின் தாக்கம் புலப்பட நாளாகும்.

ஆறுநாள் பயணம்:

பிரதமராகப் பொறுப்பேற்றதிலிருந்தே, மோடி உலக நாடுகள் பலவற்றுக்கும் தேர்ந்த திட்டத்துடன் சென்று வருகிறார். அமெரிக்காவுக்கு மோடி பிரதமராகச் செல்வது இப்போது இரண்டாவது முறை. முதல்முறை சென்றபோதே (2014 செப்.) அமெரிக்காவில் பெரும் பரபரப்பையும் எதிர்பார்ப்பையும் ஏற்படுத்துவதாக மோடியின் பயணம் அமைந்தது. எனவே தற்போதைய பயணமும் மிகவும் அதிக அளவில் ஆர்வத்தைத் தூண்டியிருந்தது. அதை நிவர்த்தி செய்தார் மோடி.

பிரதமர் நரேந்திர மோடி செப். 23-ம் தேதி (இந்திய நாள்காட்டியின்படி) தனது அமெரிக்கப் பயணத்தைத் துவக்கினார். வழியில் அயர்லாந்து சென்ற அவர் அந்நாட்டு பிரதமரை சந்தித்துப் பேசினார். பிறகு அங்கிருந்து கிளம்பி இரவு அமெரிக்காவில் நியூயார்க் சென்று சேர்ந்தார். அன்று முதல் அங்கிருந்து நாடு திரும்பிய செப். 29 வரை அவரது நிகழ்வுகள் கடிகார முள்களுடன் போட்டியிடக் கூடிய அளவில் தொடர்ச்சியாக அமைந்திருந்தன.

முன்னணித் தொழிலதிபர்கள் சந்திப்பு:

modi- fortune
முக்கிய நிறுவனங்களின் தலைவர்களுடன்…

அமெரிக்காவின் நியூயார்க் நகரில் ‘ஃபார்ச்சூன்’ இதழ் சார்பில் செப். 24-ல் ஏற்பாடு செய்யப்பட்டிருந்த விருந்து நிகழ்ச்சியில், முக்கியமான 47 அமெரிக்க நிறுவனங்களின் தலைமைச் செயல் அதிகாரிகளுடன் (சி.இ.ஓ.) பிரதமர் நரேந்திர மோடி கலந்து கொண்டார்.

இந்த விருந்தின்போது, அமெரிக்க நிறுவனங்களின் தலைமைச் செயல் அதிகாரிகள் ஒவ்வொருவரும் தெரிவித்த கருத்துகள், இந்தியாவுக்கான திட்டங்கள், இந்தப் பிரச்னைகளுக்கு எப்படி தீர்வு காண்பது ஆகியவற்றை பிரதமர் மோடி கவனமாகக் கேட்டறிந்தார். அமெரிக்க நிறுவனங்களின் தலைமைச் செயல் அதிகாரிகள், இந்தியாவில் மேற்கொள்ளப்பட்டு வரும் சீர்திருத்த நடவடிக்கைகளை விரைவுபடுத்த வேண்டும் என்று வேண்டுகோள் விடுத்தனர்.

இதைக் கேட்டறிந்த பிரதமர் மோடி, அரசுத் துறையில் சீர்திருத்தம் செய்வதுதான் தனது அரசின் முதன்மையாயப் பணி என்றும், இந்தியாவில் வெளிநாட்டு முதலீட்டுக்கான நடைமுறைகள் தற்போது எளிமையாக்கப்பட்டுள்ளதாகவும், அவை வெளிப்படைத்தன்மை கொண்டதாகவும், பொறுப்புடையதாகவும் ஆக்கப்பட்டுள்ளதாகவும் தெரிவித்தார்.

இந்தியாவில் நேரடி அன்னிய முதலீடு அனுமதிக்கப்பட்டுள்ள துறைகளைப் பட்டியலிட்ட மோடி, ’உலகம் முழுவதும் நேரடி அன்னிய முதலீடு சரிந்துள்ள நிலையில், இந்தியாவில் மட்டும் 40 சதவீதம் அது அதிகரித்திருப்பதை’ சுட்டிக் காட்டினார். இது, இந்தியப் பொருளாதாரம் மீதான நம்பகத்தன்மையை பிரதிபலிக்கிறது என்று அவர் தெரிவித்தார்.

பொருளாதார வளர்ச்சி தொடர்பான பிரதமர் மோடியின் தொலைநோக்குப் பார்வை, அவரது கடந்த 15 மாத கால ஆட்சியில் இந்தியாவில் ஏற்பட்ட வளர்ச்சி ஆகியவற்றை அமெரிக்க நிறுவனங்களின் தலைமைச் செயல் அதிகாரிகள் பாராட்டினர். இந்தியாவில் தயாரிப்போம் (மேக் இன் இந்தியா), திறன்மிகு இந்தியா (ஸ்கில் இந்தியா), நவீன நகரங்கள் (ஸ்மார்ட் சிட்டிஸ்) ஆகிய திட்டங்களுக்கும் அவர்கள் ஆதரவு தெரிவித்தனர்.

இந்த விருந்து நிகழ்ச்சியில், அமெரிக்காவின் முன்னணிப் பத்திரிகை- பொழுதுபோக்கு நிறுவனங்களின் தலைமைச் செயல் அதிகாரிகளான ரூபர்ட் முர்டோச் (நியூஸ் கார்ப்பரேஷன்ஸ்- ஸ்டார் குழுமம்.), மிக்கேல் லிண்டன் (சோனி என்டர்டெய்ன்மென்ட்), டேவிட் ஜாஸ்லாவ் (டிஸ்கவரி கம்யூனிகேஷன்ஸ்), ஜேம்ஸ் முர்டோச் (டுவென்டி ஃபர்ஸ்ட் செஞ்சுரி), உதய் சங்கர் (ஸ்டார் இந்தியா), இந்திரா நூயி (பெப்சிகோ நிறுவனத் தலைவர்) உள்ளிட்டோர் கலந்து கொண்டனர்.

murdoch-modi
ஊடக அதிபர்களுடன்…

அவர்கள் பிரதமர் மோடியுடனான தங்களின் கலந்துரையாடலின்போது, இந்தியாவில் தொலைதொடர்புத் துறையில் நான்காம் தலைமுறை (4ஜி) தொழில்நுட்பத்தை விரைவுப்படுத்துமாறு கோரிக்கை விடுத்தனர்.

அமெரிக்காவில் பாதுகாப்புத் தளவாடங்களை தயாரிப்பதில் முன்னணி நிறுவனமாக விளங்கும் லாக்ஹீட் மார்டின் நிறுவனத் தலைவர் மேரிலின் ஹியுசன் மற்றும் பிற நிறுவனங்களின் தலைமைச் செயல் அதிகாரிகளிடம், இந்தியாவில் தயாரிப்போம் திட்டத்தின் கீழ் பாதுகாப்புத் தளவாடங்களை தயாரித்து தர வேண்டும் என்று மோடி தெரிவித்தார். இதைக் கேட்ட ஹியுசன், இந்தியாவில் தொழில் தொடங்க உறுதிபூண்டிருப்பதாகத் தெரிவித்தார்.

உலகின் ஊடக உலகச் சக்கரவர்த்தியாகக் கருதப்படும் ரூபர்ட் முர்டோச் மோடியின் ஆளூமையால் மிகவும் வசீகரிக்கப்பட்டார். அவர் தனது டுவிட்டர் தளத்தில், “இந்தியப்  பிரதமர் நரேந்திர மோடியுடனான சந்திப்பு, சிறப்பு மிக்கது. சுதந்திரம் பெற்ற காலத்தில் இருந்து இருக்கும் தலைவர்களில் சிறப்பான கொள்கைகளை கொண்ட சிறந்த தலைவர் இவர்தான். அதிக சிக்கல் நிறைந்த நாட்டில், சாதனைகளை புரிய அவர் மிகப் பெரிய நடவடிக்கைகளை எடுக்க வேண்டியதிருக்கும்” என்று குறிப்பிட்டார்.

ஜி-4 கூட்டமைப்பின் பிரகடனம்:

Modi at G4 Summit
ஜி-4 கூட்டமைப்பின் தலைவர்களுடன்…

இந்தியா, ஜெர்மனி, ஜப்பான், பிரேசில் ஆகிய நாடுகளை உள்ளடக்கிய ஜி-4 நாடுகளின் மாநாடு செப். 26-ல் நியூயார்க்கில் நடைபெற்றது. இக்கூட்டத்தில் பிரதமர் மோடி, ஜெர்மனி பிரதமர் ஏஞ்சலா மார்கல், ஜப்பான் பிரதமர் ஷின்ஸோ அபே, பிரேசில் அதிபர் தில்மா ரூசேப் ஆகியோர் கலந்துகொண்டனர். அப்போது பேசிய தலைவர்கள் ஐ.நா. பாதுகாப்பு கவுன்சிலில் நிரந்தர உறுப்பினராக இடம்பெற தங்களுக்குப் போதிய தகுதிகள் இருப்பதாகக் குறிப்பிட்டனர்.

இக்கூட்டத்தில் பிரதமர் நரேந்திர மோடி பேசியது:

ஐ.நா. பாதுகாப்பு கவுன்சிலில் நிரந்தர இடம்பெற இந்தியாவுக்கு அனைத்துத் தகுதிகளும் உள்ளன. இது குறிந்து விரைந்து முடிவு எடுக்க வேண்டும். ஐ.நா. பாதுகாப்பு கவுன்சிலில் குறித்த காலத்துக்குள் சீர்திருத்தங்கள் மேற்கொள்ளப்பட வேண்டியது அவசியம்.

இந்தியா, ஜப்பான், ஜெர்மனி, பிரேசில் ஆகிய நாடுகள் உலகின் மிகப் பெரிய ஜனநாயக நாடுகளாகும். சர்வதேச அளவில் பொருளாதாரத்தை வலுப்படுத்த காரணமாக இருப்பவை. இந்த நான்கு நாடுகளுமே சர்வதேச அளவில் பொறுப்புகளை ஏற்றுச் செயல்படத் தயாராக இருக்கின்றன. பருவநிலை மாற்றமும், பயங்கரவாதமும் உலகில் நமக்கு பெரும் சவாலாக உள்ளன. இந்த நிலையில் ஐ.நா. பாதுகாப்பு கவுன்சில் ஆண்டாண்டு காலமாக கடைபிடித்து வரும் பழைய மனோநிலையை மாற்றிக்கொண்டு புதிய உத்வேகத்துடன் செயல்பட வேண்டும்.

ஐ.நா. பாதுகாப்பு கவுன்சில் சீர்திருத்தம் குறித்து அவ்வப்போது பேசப்பட்டு வந்த போதிலும் இதுவரை எந்த நடவடிக்கையும் இல்லை. ஐ.நா. பொதுச்சபையின் 70-வது ஆண்டுக் கூட்டம் நடைபெறும் இந்த சமயத்தில் இது குறித்து முடிவு எடுக்க வேண்டிய தருணம் வந்துவிட்டது.

ஐ.நா. சபை உதயமான பிறகு, உலகில் பல்வேறு அடிப்படை மாற்றங்களுடன் நாம் வாழ்ந்து வருகிறோம். உறுப்பினர் நாடுகளின் எண்ணிக்கையும் நான்கு மடங்கு அதிகரித்துள்ளது. இன்றைய சூழ்நிலையில் அமைதிக்கும், பாதுகாப்புக்கும் பல்வேறு அச்சுறுத்தல்கள் ஏற்பட்டுள்ளன. சிக்கலான இப்பிரச்னைக்கு நாம் தீர்வு காண வேண்டும் என்றார் பிரதமர் மோடி.

modi-ban ki moon
ஐ.நா. பொதுச்செயலாளருடன்…

பின்னர் ஜி-4 மாநாட்டின் கூட்டறிக்கை வெளியிடப்பட்டது. அதில் ஐ.நா. பாதுகாப்பு கவுன்சிலை விரிவுபடுத்தி சீர்திருத்தங்கள் மேற்கொள்ளுமாறு வலியுறுத்தப்பட்டது. மேலும் இந்தியா, ஜெர்மனி, ஜப்பான், பிரேசில் ஆகிய நாடுகளுக்கு ஐ.நா. பாதுகாப்பு கவுன்சிலில் நிரந்தர இடம் அளிக்க வேண்டும் என்றும், அதற்கான சட்டப்படியான தகுதி அவற்றுக்கு இருப்பதாகவும் தெரிவிக்கப்பட்டது.

ஐ.நா. பாதுகாப்பு கவுன்சிலில் நிரந்தர இடம் கிடைக்கும் பட்சத்தில் இந்த நான்கு நாடுகளும் ஒருங்கிணைந்து செயல்படவும் உறுதி தெரிவித்துள்ளன. நான்கு நாடுகளுமே பரஸ்பரம் ஒன்றையொன்று ஆதரிப்பதாகவும் அறிவித்தன.

ஐ.நா. அமைப்பில் 193 நாடுகள் உறுப்பினர்களாக உள்ளன. இதில் 15 நாடுகள் அடங்கிய பாதுகாப்பு கவுன்சில் அதிகாரம் மிக்க அமைப்பாகும். இந்த அமைப்பில் அமெரிக்கா, ரஷ்யா, பிரிட்டன், பிரான்ஸ், சீனா ஆகிய 5 நாடுகள் நிரந்தர உறுப்பு நாடுகளாக உள்ளன. இதர 10 நாடுகள் நிரந்தரமற்ற உறுப்பு நாடுகளாக இரண்டு ஆண்டுகளுக்கு ஒருமுறை தேர்ந்தெடுக்கப்படுகின்றன. இந்தப் பட்டியலில் நிரந்தர உறுப்பினராக இந்தியா சேர வேண்டும் என்பதற்காகவே மோடி உலக அளவில் ஆதரவு திரட்டி வருகிறார் என்பது குறிப்பிடத் தக்கது.

உலகத் தலைவர்களுடன் சந்திப்பு:

Modi-srisena
இலங்கை அதிபருடன்…

இலங்கை அதிபர் மைத்ரிபால சிறீசேனாவை நியூயார்க்கில் மோடி சந்தித்தார். அப்போது, இலங்கை உள்நாட்டுப் போரின் போது நடைபெற்ற மனித உரிமை மீறல்கள் குறித்தும், இந்த விவகாரம் தொடர்பாக ஐ.நா. மனித உரிமை கவுன்சில் மேற்கொண்டுள்ள நடவடிக்கைகள் குறித்தும் இருவரும் ஆலோசித்தனர்.

இலங்கை போர்க்குற்றம் குறித்து சர்வதேச நாடுகளின் நீதிபதிகள் அடங்கிய சிறப்பு விசாரணைக் குழுவை அமைக்க வேண்டும் என்ற நிலைப்பாட்டை இந்தியா ஆதரிக்குமா? என்ற கேள்வி எழுந்திருந்த நிலையில் இந்தச் சந்திப்பு நடைபெற்றது குறிப்பிடத் தக்கது.

‘இலங்கைக்கு எதிரான தீர்மானத்தைப் பொருத்த வரை, எந்தவித எதிர்ப்பும் இன்றி நிறைவேற்றப்படக் கூடிய ஒருமித்த தீர்மானமாக இருக்க வேண்டும் என்பதே இந்தியாவின் நம்பிக்கையும், எதிர்பார்ப்பும் ஆகும். அந்தத் தீர்மானம் இலங்கை அரசும் ஏற்றுக் கொள்ளக் கூடியதாக இருக்க வேண்டும்’ என்று சிறிசேனாவிடம் மோடி தெரிவித்ததாக, இந்திய வெளியுறவுத் துறை செய்தித் தொடர்பாளர் விகாஸ் ஸ்வரூப் தெரிவித்தார்.

போர்க்குற்றத்துக்கு எதிராக சர்வதேச விசாரணைக் குழு அமைக்க வேண்டும் என ஐ.நா. மனித உரிமை ஆணையர் ஸெய்யத் ராத் அல் ஹுசைன் வலியுறுத்தியிருந்தார். ஆனால், உள்நாட்டு விசாரணைக் குழுவே போதுமானது என இலங்கை அரசு கூறி வந்தது. ஆனால் ஐ.நா.மனித உரிமை ஆணையக் கூட்டத்தில் இலங்கை அரசு புதிய நிலைப்பாட்டை எடுத்து அனைவரையும் வியக்கவைத்தது.

இலங்கையில் உள்நாட்டுப் போரின் போது நிகழ்ந்த போர்க் குற்றங்களை வெளிநாட்டு நீதிபதிகள் குழு விசாரிப்பதற்கான தீர்மானம், ஐ.நா. மனித உரிமைகள் ஆணையத்தில் அக். 1-ல் ஒருமனதாக நிறைவேறியது. இலங்கையின் ஆதரவுடன் அமெரிக்கா, பிரிட்டனால் கொண்டு வரப்பட்ட இந்தத் தீர்மானத்தை, அந்த ஆணையத்தில் அங்கம் வகிக்கும் 47 நாடுகளும் ஒருமனதாக ஏற்றுக் கொண்டன. இந்தத் திடீர்த் திருப்பத்தின் பின்னணியில் இந்தியா இருந்துள்ளது.

ஜோர்டான் மன்னர் அப்துல்லா, பூடான் பிரதமர் ஷெரிங் தோப்கே உள்ளிட்டோரையும் நியூயார்க்கில் பிரதமர் மோடி தனித்தனியே சந்தித்துப் பேசினார். ஜோர்டான் மன்னர் அப்துல்லா – பிரதமர் மோடி இடையிலான சந்திப்பின்போது ஐ.எஸ். பயங்கரவாதிகள் குறித்து விவாதிக்கப்பட்டது.

modi- abdulla
ஜோர்டான் மன்னருடன்…

அப்போது, ஐ.எஸ். பயங்கரவாதம்தான் சர்வதேச அமைதிக்கு அச்சுறுத்தலாக அமைந்திருக்கிறது என்ற கருத்தை இரு தலைவர்களும் ஒப்புக்கொண்டனர், அதேவேளையில், “இஸ்லாமிய மதத்துக்கும், பயங்கரவாதத்துக்கும் இடையிலான தொடர்பைத் துண்டிக்க வேண்டும். இளைஞர்கள் ஐ.எஸ். இயக்கத்தில் சேருவதைத் தடுப்பதுடன், அந்த இயக்கத்தினரின் பிரசாரத்தை முறியடிக்க வேண்டும்’ என்று மோடி அவரிடம் வலியுறுத்தினார்.

பூடான் பிரதமர் ஷெரிங் தோப்கேவை பிரதமர் மோடியும் சந்தித்தபோது, பூடானில் செயல்படுத்தப்படும் நீர்மின் திட்டங்களுக்குத் தேவையான உதவிகளை இந்தியா செய்யும் என உறுதியளித்தார். ஐ.நா. பாதுகாப்பு கவுன்சிலில் இந்தியாவுக்கு நிரந்தர இடம் கிடைக்க பூடான் ஆதரவு தெரிவிக்கும் என்று ஷெரிங் உறுதியளித்தார்.

ஐ.நா. பொதுச் செயலாளர் பான் கீ மூனையும் மோடி சந்தித்தார். அந்தச் சந்திப்பு ஐ.நா. தலைமையகத்தில் நடைபெற்றது. அப்போது, ஐ.நா.வின் அமைதி நடவடிக்கைகள், ஐ.நா. பாதுகாப்புக் குழுவில் மேற்கொள்ள வேண்டிய சீர்திருத்தங்கள் குறித்து இருவரும் ஆலோசித்தனர்.

பான் கீ மூனிடம் மோடி பேசுகையில், “ஐ.நா. அமைதி நடவடிக்கைக் குழுவுக்கு அதிகப்படியான வீரர்களை இந்தியா அனுப்புகிறது. ஆனால், அமைதி நடவடிக்கைகளை இறுதி செய்வதற்கு முன்னர் இந்தியாவிடம் போதிய அளவில் கலந்தாலோசிப்பதில்லை. இந்த அணுகுமுறையில் மாற்றம் வேண்டும்’ என்று தெரிவித்தார்.

சிலிகான் வேலியில் சிங்கநாதம்:

PM in San Jose
சிலிகான் வேலி சிங்கங்களுடன்…

இந்தியாவில் தயாரிப்போம் திட்டத்தின் சின்னமான சிங்கத்துக்கு தகவல் தொழில்நுட்ப உலகின் மையமான சிலிகான் வேலியில் பெரும் வரவேற்பு கிடைத்தது.

கலிபோர்னியா மாகாணத்தில் உள்ள சிலிகான் வேலிக்கு செப். 27-ல் வருகை தந்த பிரதமர் நரேந்திர மோடியை கௌரவித்து, அமெரிக்காவின் முன்னணி நிறுவனங்களின் தலைமைச் செயல் அதிகாரிகள் விருந்தளித்தனர்.

இந்த நிகழ்ச்சியில், இந்திய அமெரிக்கரும் மைக்ரோசாஃப்ட் நிறுவனத்தின் தலைமை செயல் அதிகாரியுமான சத்யா நாதெள்ளா பேசுகையில், ”இந்தியாவில் 5 லட்சம் கிராமங்களில் குறைந்த கட்டணத்தில் அகண்ட அலைவரிசை இணைய வசதி ஏற்படுத்திக் கொடுப்பதுடன், ’கிளவுட் கம்யூட்டிங்’ சேவைகளும் வழங்கப்படும்.  இந்தச் சேவை மூலம் மைக்ரோசாஃப்ட் நிறுவனத்திடம் இருந்து மென்பொருள்கள், சேவைகள், செயலிகள் ஆகியவற்றை விலைக்கு வாங்காமல், இணையம் வாயிலாக குறைந்த கட்டணத்தில் பல்வேறு துறைகளும், வர்த்தக நிறுவனங்களும் பயன்படுத்திக் கொள்ள முடியும்” என்றார்.

இதைத் தொடர்ந்து அடோப் நிறுவனத்தின் தலைமைச் செயல் அதிகாரி சாந்தனு நாராயண் பேசுகையில், “பிரதமர் மோடியின் ’மின்யுக இந்தியா’ திட்டம், இந்தியாவை அடுத்த உயரத்துக்குக் கொண்டு செல்லும்’ என்றார்.

இந்த நிகழ்ச்சியில் பங்கேற்ற குவால்கம் நிறுவனத்தின் தலைமைச் செயல் அதிகாரி பால், “இந்தியாவின் ‘ஸ்டார்ட்-அப்’ திட்டத்தை ஊக்குவிக்கும் வகையில், 15 கோடி அமெரிக்க டாலர் (இந்திய மதிப்பில் சுமார் ரூ. 992 கோடி) முதலீடு செய்யப்படும்” என்றார்.

முன்னதாக, ஆப்பிள் கணினி நிறுவனம், தனது கிளையை இந்தியாவில் அமைக்க வேண்டும் என்று மோடி விடுத்த வேண்டுகோளை, அந்த நிறுவனத்தின் தலைமைச் செயல் அதிகாரி டிம் குக் ஏற்றுக்கொண்டார்.

இந்த நிகழ்ச்சியில் பேசிய கூகுள் நிறுவனத்தின் தலைமைச் செயல் அதிகாரியும், தமிழகத்தைச் சேர்ந்தவருமான சுந்தர் பிச்சை பேசுகையில், “இந்தியாவில் 500 ரயில் நிலையங்களில் வை-ஃபை இலவச இணைய வசதி வழங்கப்படும். இணைய வசதியை அனைவரும் பயன்படுத்த வேண்டுமெனில், அவர்களின் பிராந்திய மொழிகளில் சேவைகள் வழங்கப்பட வேண்டும். இதற்காக, இந்தியாவில் குஜராத்தி உள்பட மேலும் 10 பிராந்திய மொழிகளில் விரைவில் சேவைகள் வழங்கப்படும். பிரதமர் மோடியின் இந்த முயற்சியின் மூலம், உலக அரங்கில் தகவல் தொழில்நுட்பத்தில் எதிர்காலத்தில் இந்தியா முக்கியப் பங்காற்றும் என்றார்.

இந்த நிகழ்ச்சியில் பிரதமர் மோடி பேசியதாவது:

“இந்தியாவில் திறன்மிக்க, சிக்கனமான, உறுதியான அரசு நிர்வாகத்தை அளிப்பதற்காக, மின்-ஆளுகை (இ-கவர்னன்ஸ்) முறை அறிமுகம் செய்யப்பட்டுள்ளது. இதனால், மேலும், வெளிப்படையான, பொறுப்புணர்வுடன் கூடிய, எளிதில் அணுகக்கூடிய, அனைவரும் பங்கேற்கக் கூடிய அளவிலான நிர்வாகத்தை மக்களுக்கு வழங்க முடியும்.

இந்தியாவில் வசிக்கும் கடைக்கோடி மக்களின் வாழ்க்கையிலும் அதிவிரைவில் மாற்றத்தை ஏற்படுத்த வாய்ப்புள்ளதால், ’மின்யுக இந்தியா’ திட்டம் கொண்டு வரப்பட்டது. இத்திட்டத்தின் மூலம் சாதிப்பதற்கு ஒரு பன்னாட்டு நிறுவனத்தைப் போல அரசுத் திட்டங்களை வகுக்க வேண்டும்.

உள்கட்டமைப்பு வசதிகளை உருவாக்குவது முதல் சேவைகளை வழங்குவது வரை, பொருள்களை உற்பத்தி செய்வது முதல் மனிதவளத்தை மேம்படுத்துவது வரை, ‘மின்யுக இந்தியா’ (டிஜிட்டல் இந்தியா) திட்டமானது, எண்ணற்ற தொழில் வாய்ப்புகள் அடங்கிய இணையதள உலகமாகும்.

sundar - sathya
பெருமிதமளிக்கும் அமெரிக்கா வாழ் இந்தியர்கள் சுந்தர் பிச்சை, சத்யா நாதெள்ளா

இந்தியாவில் உள்ள நமது கிராமங்களை நவீன பொருளாதார மையங்களாக மாற்ற விரும்புகிறோம். அகண்ட அலைவரிசை இணைய வசதியால் அனைத்து பள்ளிகள், கல்லூரிகளும் ஒருங்கிணைக்கப்படும். நாடு முழுவதும் தேசிய நெடுஞ்சாலைகளைப் போல, இணைய வழி இணைப்புகளுக்கும் முக்கியத்துவம் அளிக்கப்படும்.  அனைத்துக் கிராமங்களுக்கும் இணைய சேவை வழங்குவதற்காக, 5 லட்சம் கிராமங்களில் கண்ணாடி இழை வடம் (ஃபைபர் ஆப்டிகல் கேபிள்) பதிக்கப்படும்.

ஒவ்வொரு குடிமகனும் தனது தகவல்களை அரசின் பல்வேறு துறைகளுடன் பகிர்ந்து கொள்ளவும், பாதுகாக்கவும் ’மின்னணு பெட்டக வசதி’ (டிஜிட்டல் லாக்கர்) உருவாக்கப்பட உள்ளது. புதிதாகத் தொழில் தொடங்குவோருக்கு ஒப்புதல் அளிப்பதற்காக, ‘இ-பிஸ்’ இணையதளம் தொடங்கப்பட்டுள்ளது.

நவீன உலகில் முகநூல், டுவிட்டர், இன்ஸ்டாகிராம் ஆகியவை மிகவும் பரிச்சயமாகிவிட்டன. ஒரு நாட்டில் முகநூல் கணக்குகள் இருந்தால், அது வலுவான தகவல் தொடர்புள்ள நாடாக இருக்கும். கூகுள் இணையதளம் ஆசிரியராக மாறிவிட்டது; டுவிட்டர் பக்கம் ஒவ்வொருவரையும் செய்தியாளராக மாற்றிவிட்டது.

உலகுக்கு புது வடிவம் கொடுப்பதற்காக, பல்வேறு முன்னணி நிறுவனங்களின் தலைவர்கள் ஒரு குடையின் கீழ் கூடியிருக்கிறார்கள் என்றால், அது இந்த நிகழ்ச்சியாகத்தான் இருக்கும்  ஆசிய- பசிபிக் பிராந்தியத்தில் எதிர்காலத்தில் அமைதியும், வளமும், ஸ்திரத்தன்மையும் நிலவுவதற்கு மிகப் பெரிய ஜனநாயக நாடுகளான அமெரிக்காவுக்கும், இந்தியாவுக்கும் பொறுப்புள்ளது என்றார் மோடி.

இந்தியர்கள் பரவசம்:

modi-san jose
கலிஃபோர்னியாவில் ஒரு மக்கள் கடல் நடுவே…

நரேந்திர மோடி உலகின் எந்த மூலைக்குச் சென்றாலும், அங்குள்ள இந்தியர்கள் மற்றும் இந்திய வம்சாவளியினரைச் சந்திப்பதில் மிகுந்த உற்சாகம் பெறுகிறார். அதேபோல, இந்தியப் பிரதமரை நேரில சந்திக்கும் அனுபவம் பெற்றிராத அவர்களும், அதனால் அதீதப் பரவசத்தில் ஆழ்கிறார்கள். இந்த அமெரிக்கப் பயணமும் அதற்கு விதிவிலக்கல்ல.

அவர் அமெரிக்கவில் இருந்த நாட்களில், ஏதாவது ஒரு இந்தியர் அவரைச் சந்தித்துக் கொண்டேதான் இருந்தார். சென்றமுறை (செப். 28, 2014) நியூயார்க்கின் மேடிசன் சதுக்கத்தில் நிகழ்த்திய மாயாஜாலத்தை விஞ்சுவதாக சான் ஓசே நகரில் எஸ்ஏபி மையத்தில் நடைபெற்ற (செப். 28, 2015) இந்தியர்களின் கூடுதல் அமைந்தது. இதில் 18,000 இந்தியர்கள் முன்பதிவு செய்து பங்கேற்றனர். நிகழ்ச்சி தொடங்கியது முதல் நிறைவுறும் வரை ’பாரத் மாதா கி ஜெய்’ என்ற கோஷமும் ’மோடி மோடி’ என்ற கோஷமும் தான் எதிரொலித்தபடியே இருந்தது.

அந்த நிகழ்ச்சியில் பிரதமர் மோடி ஆற்றிய உரை:

கடந்த 16 மாதங்களாக நடைபெறும் பாஜக ஆட்சியால் இந்தியா குறித்த உலக நாடுகளின் கண்ணோட்டத்தில் குறிப்பிடத்தக்க மாற்றம் ஏற்பட்டிருக்கிறது.  இந்த மாற்றத்துக்கு 125 கோடி மக்களின் அர்ப்பணிப்பு, வலிமை, மனஉறுதி ஆகியவைதான் காரணமாகும்.

இந்த நாட்களில் பல புதிய உச்சங்களை இந்தியா தொட்டுள்ளது. பொருளாதார ஸ்திரத்தன்மையையும் அடைந்திருக்கிறோம். கடந்த 6 மாதங்களில் வெளிவந்த பல்வேறு கருத்துக் கணிப்புகளும், பொருளாதாரத்தில் மிக வேகமாக வளர்ச்சி அடையும் நாடு இந்தியாதான் என்று தெரிவித்துள்ளன.

இந்தியாவில் இருந்து வெளிநாடுகளுக்கு புலம்பெயர்ந்த புத்திசாலிகளால் நமது நாட்டுக்கு ஏற்பட்ட ’அறிவாற்றல் இழப்பு’ (பிரெய்ன் டிரெய்ன்) தற்போது ’அறிவாற்றல் லாபமாக’ (பிரெய்ன் கெயின்) மாறும் என்பதை யாரும் எதிர்பார்த்திருக்க மாட்டார்கள்.  உண்மையில், புத்திசாலிகள் புலம்பெயர்ந்தது அறிவாற்றலுக்கான முதலீடுதான். அவர்கள் தக்க சமயத்தில் தங்களது தாய்நாட்டுக்கு சேவையாற்றுகிறார்கள்.

இந்தியாவில் வெறும் 100 நாள்களில் 18 கோடி ‘ஜன்தன்’ வங்கிக் கணக்குகளை திறந்ததன் மூலம் ரூ. 32,000 கோடி வைப்புத் தொகை கிடைத்துள்ளது. ஒவ்வோர் இந்தியருக்கும் தனிச் சிறப்புமிக்க அடையாளத்தை (ஆதார்) வழங்கி வருகிறோம். அடுத்ததாக, அரசு நிர்வாகத்தை செல்லிடப்பேசிகளில் கொண்டு வருவதற்கான நடவடிக்கைகள் (மொபைல் கவர்னன்ஸ்) முழுவீச்சில் நடைபெறுகின்றன. இதுபோன்ற நடவடிக்கைகளால் ஊழலும் குறைந்திருக்கிறது.

பயங்கரவாதம் என்றால் என்ன? யாரைப் பயங்கரவாதி என அழைக்கலாம் என்பதை சர்வதேச சமூகம் இதுவரை வரையறை செய்ய முடியவில்லை. குறிப்பாக, 70-ஆவது ஆண்டு விழாவைக் கொண்டாடும் ஐ.நா.வால் இதை வரையறை செய்ய முடியாதது வருத்தம் அளிக்கிறது. இந்தியா கடந்த 40 ஆண்டுகளாக பயங்கரவாதத்தால் மிகவும் பாதிக்கப்பட்டிருக்கிறது. ஆனால், தங்கள் நாடுகளில் குண்டுவெடிப்புகளும், தாக்குதல்களும் நடைபெற்ற பிறகே பயங்கரவாதம் குறித்து மேலை நாடுகளும், பிற நாடுகளும் விழிப்படைந்தன. இந்த 21-ஆம் நூற்றாண்டை பயங்கரவாதக் கறை படிந்ததாகக் கொண்டு செல்லக் கூடாது. இதற்காக, உலக நாடுகள் ஒருங்கிணைந்து போராட வேண்டும்.

கலிபோஃர்னியாவுக்கு 25 ஆண்டுகளுக்குப் பிறகு வந்திருக்கிறேன். இங்கு நிறையவே மாற்றம் ஏற்பட்டிருக்கிறது.  உங்களது விரல்கள் (அமெரிக்கவாழ் இந்திய தொழில்நுட்ப வல்லுநர்கள்) தட்டச்சுப் பலகையிலும், கணினியிலும் பல வித்தைகளை உருவாக்குகின்றன. இதனால், இந்தியாவுக்கு புதிய அடையாளம் கிடைத்திருக்கிறது.

modi- bhagat singh
பகத் சிங்கை மறவாத தேசபக்தர்…

இங்கு அமர்ந்து கொண்டு, புதிய கண்டுபிடிப்புகளை உருவாக்குவதன் மூலம், மாற்றத்தை நோக்கிச் செல்லுமாறு உலகையே நிர்பந்தம் செய்கிறீர்கள்.  அந்த மாற்றத்தை ஏற்க மறுப்பவர்கள் விரைவில் இந்த நூற்றாண்டுக்கு பொருத்தமற்றவர்களாக மாறி விடுவார்கள். முக்கியமாக, இந்திய வம்சாவளியினரைப் பார்த்து அமெரிக்கர்கள் பெருமைப்படும் நிலையை ஏற்படுத்தியிருக்கிறீர்கள். இதற்காக, உங்களை வணங்குகிறேன் என்றார் மோடி.

தனது வெளிநாட்டுப் பயணங்களை தொடர்ந்து கேலி செய்துவரும் காங்கிரஸுக்கு மறைமுகமாக குத்துவிடவும் மோடி மறக்கவில்லை. “இந்தியாவில் அரசியல்வாதிகளுக்கு எதிராக ஊழல் புகார்கள் எழுவது பெரிய விஷயமே அல்ல. ஒருவர் ரூ. 50 கோடிக்கு ஊழல் செய்துள்ளார். மேலும், ஒருவருடைய மகன் ரூ. 250 கோடிக்கும், மகள் ரூ. 500 கோடிக்கும் ஊழல் செய்துள்ளனர். ஒருவருடைய மருமகன் ரூ. 1,000 கோடிக்கு ஊழல் செய்துள்ளார். இதையெல்லாம் பார்த்து உங்களுக்கு (வெளிநாடுவாழ் இந்தியர்களுக்கு) கவலையாக இருக்கிறதா? உங்களுக்கு கோபம் வரவில்லையா? என் நாட்டு மக்களே, நான் உங்கள் முன் நிற்கிறேன். எனக்கு எதிராக ஏதேனும் ஊழல் புகார் இருக்கிறதா?” என்றார் மோடி. “இல்லை” என்று கூட்டம் ஆர்ப்பரித்தது.

”இந்த நாள் அமெரிக்காவில் செப்டம்பர் 27-ஆம் தேதியாகும். அதுவே இந்தியாவில் 28-ஆம் தேதி. இது பகத்சிங் பிறந்த நாளாகும். அந்தத் தியாகியை வணங்குகிறேன். ”பகத்சிங் அமர் ரஹே ஹை” (பகத் சிங் மறைவதில்லை) என மோடி கூற, அதைப் பார்வையாளர்கள் ஆனந்தக் கண்ணீருடன் வழிமொழிந்தனர்.

பாதுகாப்பு மன்றத்துக்கு கோரிக்கை:

Modi- un
ஐ.நா. அமைதி காப்பு நாடுகளின் கூட்டத்தில்…

தனது அமெரிக்கப் பயணத்தின் முக்கிய இலக்காக மோடி கருதியது ஐ.நா.பாதுகாப்பு கவுன்சிலில் இந்தியாவுக்கு நிரந்தர இடம் பெறுவது ஒன்றே. அமெரிக்க அதிபர் ஒபாமாவைச் சந்தித்தபோதும் அதை வலியுறுத்தி, அந்நாட்டின் ஆதரவை மோடி பெற்றார். இந்நிலையில், நியூயார்க் நகரில் செப். 29-ல் நடைபெற்ற ஐ.நா. அமைதி காப்பு நாடுகளின் தலைவர்கள் கூட்டத்தை தனது வேண்டுகோளை முன்வைக்க சிறந்த இடமாக்கினார் மோடி.

இந்த மாநாட்டில் பிரதமர் நரேந்திர மோடி பேசியதாவது:

உலக நாடுகளிடையே நிலவிய மோதல் போக்கை முடிவுக்குக் கொண்டு வருவதற்காக உருவாக்கப்பட்ட அமைப்பே ஐ.நா. பாதுகாப்பு கவுன்சில். அந்தக் காலக்கட்டத்தில் செல்வாக்கு மிகுந்த, அமைதியை விரும்பிய நாடுகள் இந்த கவுன்சிலில் இடம் பெற்றன.  ஆனால், தற்போது காலம் வெகுவாக மாறிவிட்டது. உலக நாடுகளுக்கு புதிது புதிதாக அச்சுறுத்தல்கள் வந்து கொண்டே இருக்கின்றன.  இதைச் சமாளிப்பதற்கு பழைமையான சில விதிமுறைகளில் மாற்றங்களைக் கொண்டு வர வேண்டியது அவசியம். இல்லையெனில், அந்த விதிமுறைகளே, அமைதிகாப்பு நாடுகளுக்கிடையே பிரச்னை உருவாகக் காரணமாகிவிடும்.

ஐ.நா. பாதுகாப்பு கவுன்சிலை சீரமைக்க வேண்டியது காலத்தின் கட்டாயம். உலக நாடுகளிடையே ஸ்திரத்தன்மையும், வளமையும் நிலவுவதற்கு இந்த நடவடிக்கை இன்றியமையாதது என்பதை அனைவரும் உணர வேண்டும்.  உரிய நேரத்தில் ஐ.நா. பாதுகாப்பு கவுன்சில் சீரமைக்கப்பட்டால் மட்டுமே ஐ.நாவின் மாண்பையும், ஆற்றலையும் பாதுகாக்க முடியும்.

அமைதிகாப்பு நாடுகளின் மாநாட்டை தற்போது கூட்டியிருப்பது அமைதியையும், பாதுகாப்பையும் பராமரிக்க மட்டுமே அல்ல; புதிய சவால்களை எதிர்கொள்ள அந்நாடுகள் தயாராகும்படி அறிவுறுத்தவும்தான்.  தற்போதைய சூழலில், சர்வதேச பாதுகாப்பு விவகாரங்களில் அமைதிகாப்பு நாடுகள் பெரும்பாலும் பங்கேற்பதில்லை. இது மிகவும் வருத்தத்துக்குரியது. மாறிவரும் பாதுகாப்பு சூழலுக்கேற்றவாறு அமைதிகாப்பு நாடுகளுக்கு முடிவெடுக்கும் அதிகாரம் அளிக்கப்பட வேண்டும்.

INDIA-US-DIPLOMACY
அமெரிக்க அதிபருடன்…

நீண்டகாலமாக ஐ.நாவின் அமைதி நடவடிக்கைகளுக்கு சிறப்பான பங்களிப்பு அளித்து வரும் வெகுசில நாடுகளில் இந்தியாவும் ஒன்று எனக் கூறிக்கொள்வதில் பெருமிதம் அடைகிறேன்.  ஐ.நாவின் அமைதி நடவடிக்கைகளுக்கு இதுவரை 1 லட்சத்து 80 ஆயிரம் ராணுவ வீரர்களை இந்தியா அளித்துள்ளது. இதில் 161 வீரர்கள் உயிர்த் தியாகம் செய்துள்ளனர்.  இந்நிலையில், ஐ.நா. அமைதி நடவடிக்கைகளுக்கு கூடுதலாக, படையில் 850 திறமையான ராணுவ வீரர்கள், மூன்று காவல் துறை படைப் பிரிவினர் கொண்ட ஒரு படைப் பிரிவை வழங்க இந்திய அரசு ஒப்புதல் தெரிவித்துள்ளது.

இதேபோல, மற்ற அமைதிகாப்பு நாடுகளும் ஐ.நாவின் அமைதி நடவடிக்கைகளில் பங்கெடுக்க வேண்டும். அதேவேளையில், அதிகார வரம்புகளுக்கு உள்பட்டு சர்வதேச பிரச்னைகளுக்கு அரசியல் தீர்வு காணும் வகையில் ஐ.நாவின் அமைதி நடவடிக்கைகள் அமைய வேண் டும் என்றார் மோடி.

முன்னதாக, அமெரிக்க அதிபர் ஒபாமாவை நியூயார்க்கில் பிரதமர் மோடி சந்தித்தார். அப்போது, பருவநிலை மாற்றம், பயங்கரவாத ஒழிப்பு குறித்து இரு நாட்டுத் தலைவர்களும் ஆலோசனை நடத்தினர்.  பருவநிலை மாற்றத்தை எதிர்மறைக் கண்ணோட்டத்துடன் அணுகுவதைக் காட்டிலும், நேர்மறையான எண்ணத்துடன் அணுகுவதே வெற்றி தரும் என ஒபாமாவிடம் மோடி வலியுறுத்தினார். பருவநிலை மாற்றத்தை எதிர்கொள்ள இயற்கை எரிசக்தியை அதிக அளவில் உற்பத்தி செய்ய வேண்டியதன் அவசியத்தையும், கரியமில வாயுவை உலகில் அதிகம் நிரப்பும் நாடான அமெரிக்காவின் அதிபர் ஒபாமாவிடம் மோடி எடுத்துரைத்தார்.

சாதனையின் பின்புலம்:

modi us indians 2
மோடி மந்திரம்- எங்கும்….

இவ்வாறாக, தனது அமெரிக்கப் பயணத்தின் ஒவ்வொரு நிகழ்விலும் தேசிய நலனே பிரதானமாகக் கொண்டு மோடி இயங்கினார். அதுமட்டுமல்ல, அமெரிக்க அதிபர் முதல் சாமானிய அமெரிக்க இந்தியர் அவரை பலரையும் சந்திக்க மோடி காட்டிய ஆர்வமும், ஓய்வின்றி உழைத்த அவரது வேகமும், மோடியின் வேகத்துக்கு ஈடுகொடுத்து சளைக்காமல் நிகழ்ச்சிகளைக் கையாண்ட இந்திய வெளியுறவுத் துறையும், இந்தியா மாறிவிட்டது என்பதைப் பிரகடனப்படுத்தின.

’மோடி நல்ல வர்த்தகர்’ என்று அமெரிக்க பத்திரிகைகள் பாராட்டின. மோடியின் தலைமை நிகழ்த்தும் மாயாஜாலம் விந்தையானது என்றும் அமெரிக்க ஊடகங்கள் விமர்சித்தன. வேறெந்த உலக நாட்டின் தலைவருக்கும் அமெரிக்காவில் கிட்டாத வரவேற்பு, அங்கு வாழும் இந்தியர்களால் மோடிக்குக் கிடைத்ததை அவர்கள் எதிர்பார்க்கவில்லை.

ஆனால், பலரும் அறியாத சங்கதி ஒன்று உள்ளது. இந்தப் பரவச அனுபவம் ஒரே நாளில் சாத்தியமாகவில்லை. கிட்டத்தட்ட 60 ஆண்டுகளாக அமெரிக்காவில் இயங்கும் ஹிந்து ஸ்வயம்சேவக சங்கமும், பல்வேறு ஹிந்து இயக்கங்களும், ஃப்ரெண்ட்ஸ் ஆஃப் இந்தியா சொஸைட்டியும், பாஜக கடல் கடந்த நண்பர்கள் குழுவும் பல்லாண்டுகள் பாடுபட்டதன் பலன் இப்போது அறுவடையாகிறது. மோடியின் இந்தப் பயணம் வெற்றியடைய பலநூறு அமெரிக்கா வாழ் இந்திய வல்லுநர்கள் ஒரு மாதத்துக்கு மேலாக பாடுபட்டனர். அவர்கள் பணத்துக்காகப் பணியாற்றவில்லை. இந்த நாடு நலம் பெற வெண்டுமென்ற தாபத்தில் செயல்பட்டவர்கள் அவர்கள்.

மோடியின் வெளிநாட்டுப் பயணத்துக்கு ஆகும் செலவை ஆராய வேண்டும் என்று பொறாமையில் அறிக்கை வெளியிடும் ஆனந்த் சர்மாக்களுக்கு இது புரியாது. கோடிக் கணக்கில் மோடியின் பயணச் செலவாக வீணடிக்கப்படுவதாகப் பிதற்றும் காங்கிரஸ்வாலாக்கள், இந்தப் பயணத்தால் மோடி சாதித்தது ஒன்றுமில்லை என்கிறார்கள். அவர்கள் அப்படியே கண்ணை மூடிக் கொண்டிருக்கட்டும்; அவர்களின் உலகம் இருண்டே கிடக்கட்டும். உலகம் ஒளிமயமானது. அதில் பாரதம் எழுச்சி ஞாயிறாக உதயமாகி வருவதை சுயநலக் குருடர்கள் பார்க்க வேண்டியதில்லை.

எந்த ஒரு இந்தியப் பிரதமரும் சிந்திக்காத கோணத்தில், எந்த வெளிநாடு சென்றாலும் அங்கு வாழும் இந்தியர்களைச் சந்திக்கிறாரே அதுவே மோடியின் பெருமை தான். எந்த உலகத் தலைவரைச் சந்தித்தாலும், ஐ.நா. பாதுகாப்பு கவுன்சிலில் நிரந்தர உறுப்பினராக இந்தியாவுக்கு ஆதரவு கேட்கிறாரே அதுவே மோடியின் சிறப்பு தான். அவரது தலைமையையும் வேண்டுகோளையும் ஏற்று இந்தியாவில் முதலீடு செய்யவரும் வெளிநாட்டு நிறுவனங்களால் எதிர்காலத்தில் கிடைக்கப்போகும் நன்மைகளை இப்போது பட்டியலிட முடியாது.

modi-us indians
பாரத அன்னையை வாழ்த்தும் அமெரிக்க இந்தியர்கள்…

தி ஹிண்டு போன்ற அதிபுத்திசாலி பத்திரிகைகள், எப்படியேனும் விமர்சிப்பதற்காக, வெளிநாட்டு நிறுவனங்களால் கபளீகரமாகப் போகும் இந்திய இயற்கைவளம் குறித்து பூச்சாண்டி காட்டலாம். மோடி அமெரிக்காவில் சாதித்ததை ஜவஹர்லால் நேரு செய்திருந்தால் தொழில் துறைக்குத் தெம்பான செயலாகக் காட்டியிருக்க முடியும். என்ன செய்வது? காலம் நேருவின் முகத்தைத் தோலுரித்து (நேதாஜி வந்துகொண்டே இருக்கிறார்), மோடிக்கு சாதகமாக மாறி இருக்கிறது.

அமெரிக்க வெளியுறவு அமைச்சர் ஜான் கெர்ரி, இந்திய வெளியுறவு அமைச்சர் சுஷ்மா ஸ்வராஜுடன் இனைந்து அளித்த பேட்டியில், “இதுவரை இந்தியாவுடனான அமெரிக்க வர்த்தகம் ரூ. 6.60 லட்சம் கோடியாக உள்ளது. வரும் நாட்களில் இதன் மதிப்பு ரூ. 33 லட்சம் கோடியாக உயரும்” என்று கூறி இருக்கிறார்.

மாறிவரும் உலகப் பொருளாதாரச் சூழலில், முதலீட்டுக்கு ஏற்ற தேசமே சிறந்த தேசமாக இருக்கும். ஏனெனில் அங்குதான் பாதுகாப்பான வாழ்க்கைக்கு உத்தரவாதம் இருக்கும். அந்த வகையில் பிரதமர் மோடி தெளிவான பார்வையுடன் சிந்தித்துச் செயல்படுகிறார். அவரது வெளிநாட்டுப் பயணங்கள் அதிகரிக்கட்டும். உலக அரங்கில் இந்தியாவில் செல்வாக்கு அப்போது தானாகவே அதிகரிக்கும்.

 

முகநூல் தலைமையகத்தில் முத்திரை

முதலீட்டாளர்களின் சொர்க்க பூமியாக இந்தியா திகழ்வதாக பிரதமர் நரேந்திர மோடி தெரிவித்தார். சுமார் ரூ.530 லட்சம் கோடியாக (8 டிரில்லியன் அமெரிக்க டாலர்கள்) உள்ள இந்தியப் பொருளாதாரத்தை ரூ. 1,300 லட்சம் கோடியாக (20 டிரில்லியன் டாலர்கள்) உயர்த்துவதே தனது இலக்கு என்றும் மோடி கூறினார்.

உலகம் முழுவதும் நீக்கமற நிறைந்திருக்கும் சமூக வலைதளமான முகநூல் நிறுவனத்தின் (ஃபேஸ்புக்) தலைமையகம், அமெரிக்காவின் சான்ஓசே நகரில் அமைந்துள்ளது. அந்நிறுவனத்தில் தலைமை அலுவலகத்துக்கு செப். 27-ல் சென்ற மோடி, முகநூல் நிறுவனத்தின் தலைமைச் செயல் அதிகாரி மார்க் ஜக்கர்பெர்க்குடன் கேள்வி-பதில் நிகழ்ச்சியில் கலந்து கொண்டார். சுமார் 45 நிமிடங்கள் நடைபெற்ற இந்த நிகழ்ச்சியில் பல்வேறு கேள்விகளுக்கு பிரதமர் மோடி சுவையாகவும், உணர்வுப்பூர்வமாகவும் பதிலளித்தார்.

modi- facebook
முகநூல் தலைமையகத்தில் அதன் தலைவருடன்…

இளமைப் பருவம் குறித்து எழுப்பப்பட்ட கேள்வியொன்றுக்கு பதிலளித்த மோடி, 90 வயதைக் கடந்த தனது தாய், பாத்திரங்களைக் கழுவும் தொழிலாளராக பணியாற்றி தன்னை எவ்வாறு காப்பாற்றினார் என்பதை உணர்ச்சிவசப்பட்டுக் கூறினார்.

இந்தியாவில் எளிமையாகத் தொழில் தொடங்குவதற்கு வகை செய்யும் சீர்திருத்தங்கள் விரைந்து மேற்கொள்ளப்பட்டு வருகின்றன. வேளாண்மை, சேவைகள், உற்பத்தி ஆகிய மூன்று துறைகளை ஊக்குவிக்கும் நடவடிக்கையில் இந்திய அரசு ஈடுபட்டு வருகிறது. முதலீட்டாளர்கள் இழந்த நம்பிக்கையை மீட்டுக் கொண்டு வரும் செயல்பாடுகளும் கடந்த 15 மாதங்களாக நடைபெற்று வருகின்றன.

நிதிப் பற்றாக்குறை நிலவுவதாகக் கூறுவதில் எனக்கு நம்பிக்கை இல்லை. அனைத்து நாடுகளிடமும் நிதி இருப்பு உள்ளது. ஆனால், அதை எங்கு முதலீடு செய்வது என்பது தான் பெரும்பாலான நாடுகளுக்குத் தெரிவதில்லை. முதலீட்டுக்கான முகவரியைச் சொல்வதென்றால் அந்த இடம் இந்தியா. முதலீட்டாளர்களின் சொர்க்கபூமியாக இந்தியா விளங்குகிறது என்றார் மோடி.

ஊரகப் பகுதிகளை இணையதளம் வாயிலாக இணைக்க இந்திய அரசு மேற்கொண்டு வரும் நடவடிக்கைகளுக்கு முகநூல் நிறுவனம் ஆதரவளிக்கும் என்று மார்க் ஜக்கர்பெர்க் தெரிவித்தார்.

உலகை தகவல் தொழில்நுட்பத்தால் இணைத்த மார்கின் பெற்றோரை வணங்குவதாகக் கூறிய மோடி., அவர்களையும் சந்தித்தார். அந்தச் சந்திப்பு மிகவும் உணர்ச்சிகரமாக அமைந்திருந்தது.

வளரும் பாரதத்தின் உலக மேலாண்மை

பிரிக்ஸ் மாநாட்டில் மோடி

இந்திய அரசில் கடந்த ஆண்டு ஏற்பட்ட ஆட்சி மாற்றத்தின் பிரதிபலிப்பு கடல் கடந்தும் தொடர்ந்து எதிரொலித்து வருகிறது. முந்தைய அரசுகள் போலல்லாது, இந்தியாவின் வல்லமையை உலகிற்கு உணர்த்துவதும், உலக அரங்கில் இந்தியாவின் செல்வாக்கை அதிகரிப்பதும் பிரதான நோக்கமாகக் கொண்ட அரசாக பிரதமர் நரேந்திர மோடி தலைமையிலான பாஜக கூட்டணி அரசு இருப்பதே இதற்குக் காரணம்.

மோடி பிரதமரானவுடன் அவர் தொடர்ந்து வெளிநாடுகளுக்கு பயணம் செய்வதை வழக்கமாகக் கொண்டுள்ளார். அதை சுற்றுலா நோக்குடன் எள்ளி நகையாடுவோர் உள்ளனர். ஆனால், வெளிநாட்டுப் பயணங்களின் பயன்பாடு பற்றி அறியாத, வெளியுறவுக் கொள்கைகள் நாட்டின் வளர்ச்சியில் கொண்டுள்ள பங்களிப்பை அறியாதவர்கள் தான் அவ்வாறு பேசுவர்.

மோடி பயணம் செய்துள்ள நாடுகளின் பட்டியலைக் காணும் எவரும், தெளிவான இலக்குடன் அவரது பயணம் அமைந்து வருவதை உணர்வர். அவரது முதல் வெளிநாட்டுப் பயணம், நமது நெருங்கிய நட்பு நாடான பூடானுடன் (2014, ஜூன் 16-17) நிகழ்ந்தது. அதன்மூலம், தனக்கு மிகவும் நம்பிக்கையான பூடான் நாட்டின் மீது சீனாவின் வல்லாதிக்கம் செலுத்த முடியாதவாறு பாசவலையை இறுக்கியது இந்தியா.

அடுத்து பிரிக்ஸ் மாநாட்டிற்காக பிரேசில் நாட்டிற்கு (2014, ஜூலை 13-16) மோடி சென்றார். பிரேசில், ரஷ்யா, இந்தியா, சீனா, தென் ஆப்பிரிக்கா ஆகிய வளரும் பொருளாதார நாடுகளின் கூட்டமைப்பான பிரிக்ஸ் (BRICS) மாநாட்டில் மோடியின் பேச்சுகள் அனைத்தும் உலக கவனத்தைக் கவர்வதாக இருந்தன. மோடியின் ஆலோசனைப்படி, பிரிக்ஸ் வளர்ச்சி வங்கி துவங்குவதாக அறிவிக்கப்பட்டது. உலகின் வல்லரசு மனோபாவத்திற்கு வலுவான தடையாக இந்திய- பிரேசில் உறவு இருக்கும் என்பதை உலகுக்கு அந்த மாநாடு உணர்த்தியது. தென் அமெரிக்க நாடுகளின் கூட்டமைப்பின் (UNASUR) பல தலைவர்கள் இந்த மாநாட்டிற்கு வந்ததும், அவர்கள் இந்திய பிரதமர் மோடியைச் சந்தித்ததும் முக்கியமான நிகழ்வுகளாக அமைந்தன.

காண்க: பிரிக்ஸ்: சாதித்தது பாரதம்!

நேபாள நாடாளுமன்றத்தில்  மோடி
நேபாள நாடாளுமன்றத்தில் மோடி

 

அதையடுத்து, இந்தியாவின் மிக நெருக்கமான கூட்டாளியாக இருந்திருக்க வேண்டிய, அதேசமயம் (2014 ஆக. 3-4) நம்மிடம் இருந்து வெகுவாக விலகிப் போயிருக்கும் நேபாளத்திற்கு மோடியின் பயணம் அமைந்தது. நேபாள நாட்டிற்கு இந்தியா அறிவித்த பல கோடி கடனுதவிகள், பல்வேறு வளர்ச்சித் திட்டங்களின் பங்களிப்பிற்கான ஒப்பந்தங்கள் ஆகியவை, நேபாளத்துடனான நமது உறவை வலுப்படுத்தின. குறிப்பாக இந்திய எதிர்ப்பையே நோக்கமாகக் கொண்ட மாவோயிஸ்ட் தலைவர் பிரசாண்டாவே கூட மோடியின் வருகையையும் அதனால் விளைந்த நன்மைகளையும் வரவேற்றார்.

இந்தப் பயணத்தில் மோடியின் இலக்காக ‘4-சி’ (4 Cs — cooperation, connectivity, culture, constitution) என்ற கோட்பாடு முன்வைக்கப்பட்டது. அதாவது, பிராந்தியக் கூட்டுறவு, இருதரப்பு போக்குவரத்து இணைப்பு, கலாச்சார உறவு, அரசியல் சாசன உருவாக்கம் ஆகியவையே அவை. நேபாளம் மீது இந்தியா ஆதிக்கம் செலுத்தாது என்று அந்த நாட்டின் நாடாளுமன்றத்திலேயே குறிப்பிட்ட மோடி, கலாச்சார ரீதியாக இரு நாடுகளிடையிலான உறவை மேம்படுத்த வேண்டியதன் தேவையை சுட்டிக்காட்டினார்.

இந்தியாவில் உள்ள தெளிவான அரசியல் சாசனம் போல நேபாளத்திலும் வரையறுக்கப்பட்ட அரசியல் சாசனம் அமைய வேண்டும் என்ற மோடியின் அறிவுரையை நேபாள அரசியல்வாதிகள் ஏற்றனர். இதற்கு உதவுவதாக இந்தியா அறிவித்தது.

நேபாளத்துடன் மோடியின் பயணம் அத்துடன் முடியவில்லை. அதே 2014-ஆம் ஆண்டில் நவம்பர் 25-27-இல் காத்மண்டுவில் நடைபெற்ற தென் கிழக்காசிய நாடுகளின் கூட்டமைப்பின் (SAARC) மாநாட்டிலும் மோடி கலந்து கொண்டார். அப்போது இருதரப்பு உறவை வலுப்படுத்தும் பல்வேறு ஒப்பந்தங்கள் செய்யப்பட்டன. காத்மண்டிலிருது புதுதில்லி வரையிலான ‘பசுபதி எக்ஸ்பிரஸ்’ என்ற பேருந்து சேவை துவக்கிவைக்கப்பட்டது. தவிர, மின்னுற்பத்தித் திட்டங்களில் முதலீடு, தொழில்நுட்ப உதவி, பாதுகாபு விவகாரங்களில் ஒத்துழைப்பு, நேபாளத்தில் இந்திய நாணயப் பயன்பாடு ஆகியவை தொடர்பான ஒப்பந்தங்களும் கையெழுத்தாகின.

ஜப்பான் பிரதமருடன் மோடி
ஜப்பான் பிரதமருடன் மோடி

நான்காவதாக மோடி பயணம் செய்த நாடு ஜப்பான் (2014, ஆக 30- செப். 3). இந்தியாவுக்கும் ஜப்பானுக்கும் சீனா தொடர்ந்து நெருடலான அண்டை நாடாக உள்ள நிலையில், ஜப்பான் பயணத்தை சீனாவுக்கு எதிரான ராஜதந்திரப் பயணமாக மோடி அமைத்துக் கொண்டார். அவரது பயணத்தின் முக்கிய நோக்கம், இந்தியாவில் ஜப்பானின் முதலீட்டை அதிகரிப்பதே. ‘இந்தியாவில் தயாரிப்போம்’ திட்டத்தில் ஜப்பானின் பங்களிப்பை அதிகப்படுத்துமாறு மோடி வேண்டுகோள் விடுத்தார். ஜனநாயகம், மக்கள் பெருக்கம், பொருள்களின் தேவை ஆகிய (3D- Democracy, Demography, Demand) வர்த்தகத்தின் மூன்று அடிப்படைத் தேவைகளும் இந்தியாவில் உள்ளன என்றார் மோடி. இந்தியாவின் ‘புல்லட் ரயில்’ திட்டங்களில் பல்லாயிரம் கோடி முதலீட்டுடன் தொழில்நுட்ப உறவை அளிக்க ஜப்பான் சம்மதம் தெரிவித்தது.

இந்தியாவில் நேரடி அன்னிய முதலீட்டை இரண்டு மடங்காக அதிகப்படுத்தவும், பாதுகாப்பு, பிராந்திய ஒத்துழைப்பு ஆகிவற்றில் தேவையான உதவிகளைச் செய்யவும் ஜப்பான் உறுதி அளித்தது. இதன்மூலமாக இந்தியாவின் வியூக அடிப்படையிலான உலக பங்குதாரராக ஜப்பான் மாறியுள்ளது.

அடுத்து ஐ.நா.சபைக் கூட்டத்தை முன்னிட்டு அமெரிக்க ஐக்கிய நாடுகள் சென்ற பிரதமர் மோடியின் அமெரிக்கப் பயணம் (2014, செப் 26- 30) இரு நாடுகடையிலான உறவில் பல பாய்ச்சல்களை நிகழ்த்தியது. அமெரிக்க விசா மறுக்கப்பட்ட நபரான மோடிக்கு அமெரிக்காவில அளிக்கப்பட்ட பிரமாண்டமான சிவப்புக் கம்பள வரவேற்பு, இந்தியாவின் எதிர்கால முக்கியத்துவத்தை உலகிற்கு வெளிப்படுத்துவதாக இருந்த்து. குறிப்பாக இந்தியப் பிரதமர் மோடிக்கு நியூயார்க்கில் அமெரிக்க வாழ் இந்தியர்கள் அளித்த மகத்தான வரவேற்பு அமெரிக்கர்களே நம்ப முடியாததாக இருந்தது. அதை அமெரிக்க அதிபர் ஒபாமாவே ஒப்புக்கொண்டார். மோடியின் அமெரிக்கப் பயணத்தின் போது, அந்நாட்டு அதிபர் ஒபாமாவுடன் இணைந்து மோடி எழுதிய கட்டுரை ‘வாஷிங்டன் போஸ்ட்’ பத்திரிகையில் வெளியானது.

ஐ.நா.சபையில் மோடி
ஐ.நா.சபையில் மோடி

இரு நாடுகளிடையிலான வர்த்தக ஒத்துழைப்பு, இரு நாட்டுத் தொழிலதிபர்களிடையிலான கூட்டுறவு, இந்திய வம்சாவளியினருக்கு வாழ்நாள் விசா, பசிபிக் பிராந்தியத்தின் பாதுகாப்பில் ஒருங்கிணைப்பு, இந்தியாவில் முதலீட்டை அதிகரித்தல் ஆகிய அம்சங்களில் மோடியின் பயணம் இதுவரையில்லாத பல சிகரங்களை எட்டியது.

அடுத்து 18 நாடுகள் அங்கம் வகிக்கும் கிழக்காசிய நாடுகளின் கூட்டமைப்பு (East Asia Summit -EAS) ) மாநாட்டிற்காக மியான்மர் சென்றார் மோடி (2014, நவ. 11- 13). இந்தியாவின் மிக நெருங்கிய அண்டை நாடான மியான்மர் (பர்மா) சில காலமாக சீனாவுடன் அதிக உறவு பாராட்டி வருகிறது. இந்தியாவின் வடகிழக்கு மாநிலங்களில் இயங்கும் பல பிரிவினைவாதிகளின் தளமாகவும் மியான்மார் மாறிவிட்டது. இந்த நிலையை மாற்ற மோடி தனது பயணத்தைப் பயன்படுத்திக் கொண்டார். கலாச்சார ரீதியிலான இரு நாடுகளின் பிணைப்பைச் சுட்டிக்காட்டிய மோடி, அந்நாட்டு அதிபர் தெயின் செயின் உடன் இருதரப்பு நல்லுறவு கருத்துகளைப் பரிமாறிக் கொண்டார். இரு நாடுகளிடையிலான போக்குவரத்து மேம்பாடு, பௌத்த அடிப்படையிலான கலாசாரப் புத்துணர்வு, வர்த்தக அபிவிருத்தி தொடர்பாக இரு நாட்டுத் தலைவர்களும் உரையாடினர். மியான்மரின் இயற்கை எரிவாயு சுரங்கங்களில் இந்திய முதலீடு குறித்தும் விவாதிக்கப்பட்டது.

மோடிக்கு அமெரிக்கா வாழ் இந்தியர்களின் வரவேற்பு
மோடிக்கு அமெரிக்கா வாழ் இந்தியர்களின் வரவேற்பு

அடுத்து ஆஸ்திரேலியாவில் நடைபெற்ற ஜி-20 (Group of Twenty Countries- G-20) நாடுகளின் மாநாட்டிற்காக பிரிஸ்பேன் சென்ற மோடி (2014, நவ. 14- 18) அங்குள்ள இந்திய வம்சாளியினரிடையே சிட்னியில் நிகழ்த்திய உரை ஆஸி. மக்களின் கவனத்தை வெகுவாகக் கவர்ந்தது. இரு தரப்பு வர்த்தகத்தை இரு மடங்கு அதிகரிப்பது, இந்தியாவின் ‘ஸ்மார்ட் சிட்டி’ திட்டங்களில் ஆஸ்திரேலியாவின் முதலீட்டை அதிகரிப்பது, ஆஸி.யின் இயற்கை வளங்களைப் பயன்படுத்த சுரங்கங்கள் அமைப்பது, தகவல் தொழில்நுட்ப நிறுவனங்களின் கூட்டுறவு, சுற்றுலா போன்ற 10 அம்சங்கள் தொடர்பாக ஆஸ்திரேலியாவுடன் உறவை மேம்படுத்த மோடி முயற்சி மேற்கொண்டார். 30 ஆண்டுகளுக்குப் பிறகு ஆஸ்திரேலியா சென்ற இந்தியத் தலைவர் மோடி என்பது குறிப்பிடத்தக்கது. உலக அளவில் ஜி-20 நாடுகள் மேற்கொள்ள வேண்டிய பணிகள் குறித்து இந்தியாவின் கருத்துகளை மோடி பிரிஸ்பேனில் தெரிவித்தார்.

அடுத்து ஃபிஜி தீவுகளுக்கு (2014 நவ. 19) சென்ற மோடி, அந்நாட்டின் நாடாளுமன்றத்தில் உரையாற்றினார். இந்த நாட்டின் மொத்த மக்கள் தொகையில் இந்திய வம்சாவளியினர் 37 சதவிகிதம் உள்ளனர். இரு நாடுகளிடையே கடந்த 30 ஆண்டுகளாக கனத்த மௌனத்துடன் கூடிய முறுக்கம் இருந்து வந்த நிலையில், அதை மாற்ற தனது பயணத்தை மோடி பயன்படுத்திக்கொண்டார். சீனாவின் நெருங்கிய அண்டை நாடான, பசிபிக் பிராந்தியத் தீவான ஃபிஜியுடனான இந்தியாவின் உறவு பலவகைகளில் முக்கியத்துவம் வாய்ந்தது. அங்குள்ள சர்க்கரை ஆலைகளின் மேம்பாட்டிற்காக 75 மில்லிய டாலர் கடன், ‘டிஜிட்டல் ஃபிஜி’ திட்டத்திற்கு 70 மில்லியன் டாலர் (மொத்தம் ரூ. 145 கோடி) கடனுடன் தொழில்நுட்ப உதவி ஆகியவற்றை அறிவித்த மோடி, அந்த நாட்டின் நாடாளுமன்றத்திலும் உரையாற்றினார். மோடியின் வருகை இருதரப்பிடையே ஆக்கப்பூர்வமான நல்லுறவுக்கு வித்திட்டுள்ளதாக, அந்நாட்டு அதிபர் பைனிமராமா குறிப்பிட்டுள்ளார்.

பிஜி தீவில் மோடி
ஃபிஜி தீவில் மோடி

இந்த வெளியுறவுப் பயணங்களின் தொடர்ச்சியாக, 2015-இல் பிரதமர் மோடி சென்ற நாடுகள் செஷல்ஸ், மொரீசியஸ், இலங்கை. இம்மூன்று நாடுகளும் ஹிந்து மகா சமுத்திரத்திலுள்ள தீவு நாடுகள். மோடியின் பயணத் திட்ட்த்தில் இருந்த மாலத்தீவு, அந்நாட்டில் நிலவும் அரசியல் குழப்பங்கள் காரணமாக ரத்தானது. இதனை, மாலத்தீவு அரசு மீதான கண்டனமாகவே அந்நாட்டு ஊடகங்கள் மதிப்பிட்டுள்ளன. மோடியின் பயணம் ரத்தானது, மாலத்தீவின் தற்போதைய ஆட்சியாளர்களுக்கு இந்தியா அளித்துள்ள அதிர்ச்சி வைத்தியமாகக் கருதப்படுகிறது.

செஷல்ஸ் நாட்டில் (2015 மார்ச் 10-11) பிரதமர் மோடிக்கு உற்சாக வரவேற்பு அளிக்கப்பட்டது. அங்கு அவர், பாதுகாப்பு ஒத்துழைப்பு, நீர்வள ஆய்வு, வர்த்தக மேம்பாடு, ரூ. 450 கோடி கடனுதவி உள்ளிட்ட ஒப்பந்தங்கள் செய்துகொள்ளப்பட்டன. இந்திப் பெருங்கடல் பகுதியில் பாதுகாப்பை உறுதிப்படுத்த இரு நாடுகளும் இணைந்து செயபட உறுதி ஏற்றன. ஆளில்லா உளவு விமானம் ஒன்றையும் தனது பயணத்தின்போது செஷல்ஸ் நாட்டிற்கு வழங்கினார் மோடி. தவிர இந்திய அரசால் வழங்கப்பட்ட கடலோரக் கண்காணிப்பு ரேடாரின் செயல்பாட்டையும் மோடி துவக்கிவைத்தார்.

ஆஸ்திரேலியாவில் மோடி
ஆஸ்திரேலியாவில் மோடி

அடுத்து இந்தியாவுடன் மிகவும் இணக்கமான நாடான மொரீசியஸ் (2015 மார்ச் 11-13) சென்றார் மோடி. அங்கு மொரீசியஸின் கடலோரப் பாதுகாப்பிற்காக இந்தியாவில் வடிவமைக்கப்பட்ட ”பாராகுடா’ ரோந்துக் கப்பலின் சேவையை மோடி துவக்கி வைத்தார். அந்நாட்டின் நாடாளுமன்றத்தில் உரையாற்றிய மோடி, மொரீசியஸில் இந்தியாவால் ஏற்கனவே அமைக்கப்பட்ட கணினித் தொழில்நுட்ப நகரம் போல மற்றொரு நகர உருவாக்கப்படும் என்று அறிவித்தார்.

இந்தியா- மொரீசியஸ் நாடுகளிடையிலான வர்த்தக உறவை மேம்படுத்த உருவாக்கப்பட்ட இரட்டை வரிவிதிப்பு தவிர்ப்பு ஒப்பந்தம் தவறாகப் பயன்படுத்தப்படுவதை அந்நாட்டு அரசுக்கு நாடாளுமன்ற உரையில் சுட்டிக்காட்டிய பிரதமர் மோடி, கருப்புப்பண முதலைகளின் புறவழிச்சாலையாக இத்திட்டம் மாறிவிட அனுமதிக்கக் கூடாது. அதற்கு இரு நாடுகளும் இணைந்து செயல்பட வேண்டும் என்றார்.

மொரீசியஸ் நட்டின் பிரசித்தி பெற்ற கங்காதால்கோ மலையிலுள்ள சிவன் கோயிலுக்கு சென்று வழிபட்ட மோடி, இத்தீஈவிலுள்ல இந்திய வம்சாவளியினரின் நலன்கள் பாதுகாக்கப்படும் என்று உறுதி அளித்தார். அந்நாடில் ஹிந்தி மொழியை ஊக்குவிக்கும் அரசையும் மோடி பாராட்டினார்.

இலங்கை அதிபர் சிறிசேனாவுடன் மோடி .
இலங்கை அதிபர் சிறிசேனாவுடன் மோடி .

இறுதியாக அவர் நமது தொப்புள் கொடி உறவு நாடான இலங்கைக்கு (2015 மார்ச் 13-14) சென்றார். அவருக்கு அநாட்டு அரசால் மிகச் சிறப்பான வரவேற்பு அளிக்கப்பட்டது. தொடர்ந்த உள்நாட்டுப் போரால் பாதிக்கப்பட்ட இலங்கைக்கு 28 ஆண்டுகளுக்குப் பிறகு இந்திய பிரதமர் சென்றுள்ளார். இலங்கை அதிபர் மைத்ரிபால சிறிசேனா, பிரதமர் ரணில் விக்கிரம சிங்க ஆகியோருடனான மோடியின் சந்திப்பு எளிமையாகவும், ஆத்மார்த்தமாகவும் அமைந்திருந்தது.

உலகின் எந்த நாட்டிற்குச் சென்றாலும் அந்த நாட்டிற்கும் இந்தியாவுக்கும் உள்ள கலாச்சார உறவை மேம்படுத்துவதில் அதிக கவனம் கொடுப்பவரான மோடி, இலங்கை வாழ் புத்த மத மக்களின் பெருமிதங்களுள் ஒன்றான அநுராதபுரம் பௌத்த விகாரத்திற்கு சென்று வழிபட்டார். பேரரசர் அசோகனின் மகள் சங்கமித்திரையால் அங்கு நடப்பட்ட போதி மரத்தையும் அவர் வழிபட்டார். புத்த பிக்குகளின் ஆசியையும் அவர் பெற்றார். இது அந்நாட்டு பௌத்த மக்களிடையே புதிய எதிர்பார்ப்பை ஏற்படுதியுள்ளது.

அந்நாட்டு நாடாளுமன்றத்தில் உரையாற்றிய பிரதமர் மோடி, உள்நாட்டுப்போரில் வென்ற இலங்கை அரசைப் பாராட்டினார். அதேசமயம், போரினால் வெகுவாகப் பாதிக்கப்பட்ட தமிழ் மக்களின் நலத்தைக் காக்க வேண்டிய பொறுப்பை அந்நாட்டு அரசுக்கு மோடி நினைவுபடுத்தினார். ‘இலங்கை வாழ் தமிழர்கள் கண்ணியத்துடன் வாழ வழி செய்யுங்கள்’ என்று அந்நாட்டு மன்றத்தில் வெளிப்படையாகப் பேசிய மோடியின் உரையை ஈழத் தமிழ்த் தலைவர்கள் பலரும் பெரு மகிழ்வுடன் வரவேற்றுள்ளனர்.

யாழ்ப்பாணத்தில் மோடிக்கு உற்சாக varavERpu
யாழ்ப்பாணத்தில் மோடிக்கு உற்சாக வரவேற்பு.

ராஜீவ்- ஜெயவர்த்தனே ஒப்பந்தம் (1989) வலியுறுத்திய இலங்கை அரசமைப்பில் 13-வது சட்டத் திருத்தத்தை விரைவில் அமலுக்குக் கொண்டுவர வேண்டும்; கூட்டாட்சியே நாட்டை உயர்த்தும் என்று தனது சொந்த அனுபவத்தின் அடிப்படையில் இந்தியப் பிரதமர் பேசியதை அநாட்டு சிங்கள அரசியல்வாதிகளும் வரவேற்றுள்ளனர். இலங்கையுடன் வர்த்தக மேம்பாடு, பாதுகாப்பு நல்லுறவு, தமிழ் மக்கள் வாழ்க்கை மேம்பாடு உள்ளிட்ட பல அம்சங்கள் தொடர்பாக அதிகாரப்பூர்வமற்ற வகையிலும் மோடி பேச்சு நடத்தினார். இதன் எதிரொலிகள் வரும் நாட்களில் தொடரும் என நம்பலாம்.

இலங்கைப் பயணத்தின் முக்கிய அங்கமாக யாழ்ப்பாணம் சென்ற பிரதமர் மோடி, அங்கு இந்தியாவால் கட்டப்பட்ட 27,000 வீடுகளை பயனாளிகளுக்கு ஒப்படைக்கும் விழாவில் பங்கேற்றார். அப்போது மேலும் 47,000 வீடுகள் அங்கு கட்டித் தரப்படும் என்று மோடி அறிவித்தது தமிழ் மக்களுக்கு பெருமகிழ்ச்சி ஏற்படுத்தியது. யாழ்ப்பாணத்தில் இந்தியா அளித்த ரூ. 60 கோடியில் கட்டப்பட்ட கலாச்சார மையத்தையும் மோடி திறந்துவைத்தார். பிறகு நகுலேஸ்வரத்திலுள்ள கோயிலிலும் மோடி வழிபாடு நடத்தினார்.

சீன அதிபர் ஜி ஜிங்பிங் உடன் மோடி.
சீன அதிபர் ஜி ஜிங்பிங் உடன் மோடி.

இலங்கையிலுள்ள தமிழ் மக்களின் தலைவர்கள், வடக்கு மாகான முதல்வர் விக்னேஸ்வரன் ஆகியோருடனும் மோடி ஆலோசனை நடத்தினார். உள்நாட்டுப்பொறின்போது சிதிலமடைந்த 250 கிமி. நீளமுள்ள வடக்கு பிராந்திய ரயில்பாதை இந்திய அரசால் புதுப்பிக்கப்பட்டுள்ளது அதில் மதுசாலை- தலைமன்னாரிடையிலான ரயில் போக்குவரத்தை மோடி கொடியசைத்துத் துவக்கி வைத்தார்.

இந்தியப் பிரதமர் நரேந்திர மோடியின் விஜயம் இலங்கை மக்களிடையே பெரும் நம்பிக்கையை ஏற்படுத்தியுள்ளது. இனப் பிரச்னையால் தத்தளிக்கும் இலங்கைக்கு இந்திய முன்னுதாரணத்துடன் கூடிய நல்லுறவுப் பண்பாட்டை விளக்குவதாக மோடியின் பயணம் அமைந்தது என்று அந்நாட்டுப் பத்திரிகைகள் புகழ்ந்துள்ளன.

இவ்வாறாக, மோடியின் வெளிநாட்டுப் பயணங்கள் ஒவ்வொன்றும் குறிப்பிட்ட இலக்குடன் கூடியதாகவும், ஒட்டுமொத்தத்தில் இந்தியாவின் நிலைப்பாட்டை மேலும் உலக அரங்கில் வலுப்படுத்துவதாகவுமே அமைந்து வருகின்றன.

இந்த ஆண்டில் பிரான்ஸ், ஜெர்மனி, கனடா, சீனா, ரஷ்யா, சிங்கப்பூர், துருக்கி நாடுகளுக்கு மோடி செல்லவுள்ளார். இரு தரப்பு வர்த்தகம், பாரதீய கலாச்சார உறவு, பாதுகாப்பை மேம்படுத்துதல், இந்தியாவில் செல்வந்த நாடுகளின் முதலீடு, சிறிய நாடுகளுக்கு இந்தியாவின் உதவி என மோடியின் பயணத் திட்டத்தில் தெளிவான வரையறைகள் காணப்படுகின்றன.

நாட்டின் முதல் பிரதமர் ஜவஹர்லால் நேருவுக்குப் பிறகு வெளியுறவுக் கொள்கையை முன்னிலைப்படுத்தி தேசத்தின் கௌரவத்தை உயர்த்தும் முயற்சியில் ஈடுபட்ட பிரதமர் அடல் பிகாரி வாஜ்பாய் மட்டுமே. அவரது அடியொற்றி நரேந்திர மோடியின் வெளியுறவுப் பயணங்கள் அமைந்து வருகின்றன. ‘வசுதைவ குடும்பகம்’ என்ற குறிக்கோளுடன் செல்லும் இந்தியத் தலைவரின் எண்ணங்கள் பலிதமாகும் நாள் வரும்போது, உலகிற்கே வழிகாட்டும் திறனும் இந்தியாவுக்கு வாய்க்கும்.

அணு மின்சக்தி நமது அத்தியாவசியத் தேவை

எச்சரிக்கை-1:

“நாங்கள்ளாம் அந்த காலத்திலே” என்று கவுண்டமணி நீட்டி முழக்கி கிண்டல் அடிக்கும் “அந்த காலத்தில்” நாம் வாழ வில்லை. வீட்டு உபயோகத்திற்காக தண்ணீர் தொட்டிக்கு தண்ணீரை ஏற்றுவதிலிருந்து, சமையல், பொழுதுபோக்கு என்று நம் வாழ்வின் அனைத்து படிகளும் இன்று மின்சாரத்தின் அடிப்படையில்தான் நடக்கின்றன.

தமிழ்நாட்டில் சென்னை தவிர்த்த பிராந்தியங்களில் தினமும் 3 மணிநேரம் மின்தடை அதிகாரபூர்வமாக அறிவிக்கப் பட்டாலும், நான் வாழும் தஞ்சாவூர் மாவட்டத்தில் தினமும் 4 முதல் 5 மணிநேரம் மின்தடை அமலில் உள்ளது. சுட்டெரிக்கும் இந்த கோடை வெயிலில் மின்சாரம் இல்லாமல் வாழ்வதன் துயரத்தை எழுத வேண்டியதில்லை. “மின்சாரம் அன்றி ஒரு அணுவும் அசையாது” என்ற நிலையில்தான் இன்றைய வாழ்க்கையை நாம் கழிக்க வேண்டியுள்ளது.

எச்சரிக்கை-2:

சமீபத்தில் ஜப்பானின் ஃபுக்குஷீமா அணு உலைகளில் ஏற்பட்ட நிகழ்வுகள் அணுமின்சக்தியின் அவசியம் பற்றிய விவாதங்களை உலகம் முழுவதும் ஆரம்பித்து வைத்துள்ளது. விவாதங்கள் ஜனநாயகத்தில் அவசியமான ஒரு வழிமுறையாக இருந்தாலும், முன் அனுமானங்களுடனும் முன் முடிவுகளுடனும், உணர்ச்சி வேகத்திலும் இந்த விவாதத்தை அணுகுபவர்கள், ஏற்கெனவே உணர்ச்சி வசத்தில் உள்ள மக்களை மேலும் குழப்பி உலகை வேறு திசையில் கொண்டு செல்ல முயல்கின்றனர். தற்பொழுதைய நிலவரப்படி ஃபுக்குஷீமா அணு உலைகள் 6 முதல் 9 மாதங்களுக்குள் முழுமையாக கட்டுப்பாட்டிற்குள் வரும் என்று அணு நிலைய அதிகாரிகள் நம்பிக்கை தெரிவித்துள்ளனர்.

ஆனாலும் சில வார்த்தைகள் உலகில் உள்ள அனைத்து விவரம் அறிந்த மக்களுக்கிடையேயும் அதிர்வுகளையும், பயத்தையும் உண்டாக்கி உள்ளன. Meltdown, Radiation, Radio Active Leakage போன்றவை.

எச்சரிக்கை-3:

அணு சக்தியின் மூலம் மின்சாரத்தை உருவாக்குவது மிகவும் அபாயகரமானது. இது மனித சமுதாயத்திற்கு மிகவும் ஆபத்தானது. இந்த துறையைப் பற்றின வேறு விவாதங்கள் அவசியமில்லை என்பவர்களுக்காக இந்த கட்டுரை எழுதப்பட வில்லை.”தூங்குபவர்களை எழுப்பி விடலாம்.ஆனால் தூங்குபவர்களைப் போல் பாசாங்கு செய்பவர்களை எழுப்ப முடியாது என்பது நம் முன்னோர் மொழி.”

அணு சக்தியின் மூலம் மனித சமுதாயத்திற்கு தேவையான மின்சக்தியில் ஒரு பகுதியை பெறுவது புத்திசாலித்தனமானது. அணு உலைகளின் நம்பகத்தன்மை, பாதுகாப்பு உள்ளிட்ட சந்தேகங்கள் இருந்தாலும் நிபுணர்களின் கருத்துகளின் படியும், Transparency and Accountabilityஐ அதிகாரிகளின் மேல் திணிப்பதன் மூலமும் அறிவுபூர்வமான முடிவுகளை எடுத்தால் மின்சாரத்தை பாதுகாப்பாக உருவாக்க முடியும் என்று சிந்திப்பவர்களுக்காகவும், சரியான தொனியிலும் இந்த கட்டுரை எழுதப்படுகிறது.

எச்சரிக்கை-4:

நான் ஒரு அறிவியலாளர் இல்லை. ஆகவே இந்த கட்டுரையில் அணுத்துறையின் சொல்லாடல்கள் இருக்காது. ஒரு சாதாரண பார்வையாளன் என்ற முறையிலும், என் உலக அனுபவங்களின் அடிப்படையிலும் மட்டுமே இந்த கட்டுரை எழுதப்பட்டுள்ளது. வெற்றுப் புனைவுகளை (Myths) மறுதலித்து, அறிவியல் உண்மைகளின் படியும், நடைமுறை யதார்த்தத்தின் படியும், எந்த நவீன மின்சார உருவாக்க முறைகளும் ஆபத்துக்களை உள்ளடக்கியுள்ளது என்பதை உணர்ந்தும் இக்கட்டுரை எழுதப்பட்டுள்ளது.

முன்னுரை:

orangemoonபௌர்ணமியில், சந்திரனை தொடுவானில் (Horizon) காண்பவர்கள் அது அளவில் பெரியதாக இருப்பதாக உணர்வார்கள். ஆனால் அதே சந்திரன் சில மணிநேரம் கழித்து வானத்தின் நடு உச்சியில் வரும்பொழுது அளவில் சிறியதாக நம் கண்களுக்கு தோன்றும். உண்மையில் சந்திரனுக்கும் பூமிக்கும் உள்ள தூரம் சில மணி நேரங்களில் மாறுவதில்லை. சந்திரனின் அளவு மாறுபடுவதை Optical Illusion என்று அழைப்பார்கள்.

இதே போன்று மனிதர்களுக்கு “Cognitive Illusion“ம் ஏற்படுகிறது. ஒவ்வொரு முறையும் இரயில் விபத்து ஏற்படுகையில் அது ஊடகங்களில் மிக அதிக முக்கியத்துவம் பெறுகிறது. உயிர் இழப்பு ஏற்படுத்தும் இரயில் விபத்துக்கள் வருடத்திற்கு ஒன்றோ அல்லது இரண்டோதான். அதிகபட்சமாக 200 முதல் 300 பேர் வரை வருடத்திற்கு இறக்கலாம். ஆனால் சாலை விபத்துகளில் மட்டும் இந்தியாவில் வருடத்திற்கு 1,30,000 பேர் இறக்கிறார்கள். ஒவ்வொரு நாளும் சராசரியாக 350 பேர் சாலை விபத்துகளில் இறக்கிறார்கள். ஆயிரக்கணக்கானோர் காயம் அடைகின்றனர்.

சாலையில் செல்லும் வாகனங்களை விட இரயில் பயணம் பற்பல மடங்கு பாதுகாப்பானது. இதைப் போன்றே விமானப் பயணமும்அதிக பாதுகாப்பு உடையதுதான்.

இக்கட்டுரை மேலே கூறிய அணுசக்தியைப் பற்றின Cognitive Illusionஐ போக்க முயற்சி செய்யும்.

மின்சாரத்தின் தேவை:

மின்சாரத்தைப் பற்றின புரிதலில் சில விவரங்களை நாம் அறிவது அவசியம்.

(1) எண்ணெய், எரிவாயு, நிலக்கரி, அணு சக்தி போன்றவற்றின் மூலமாகவே உலகின் பெரும்பான்மையான மின்சாரத்தேவை பூர்த்தி செய்யப் படுகிறது.

(2) நீர்மின்சக்தி உலகின் எல்லா பிராந்தியங்களிலும், எல்லா பருவங்களிலும் கிடைப்பதில்லை.

(3) காற்றாலைகள் மூலம் மின்சாரம் எடுப்பதிலும் பருவகால சிக்கல்கள் உள்ளன. மேலும் முதலீடுகளும் மிக அதிகம்.

உதாரணமாக தமிழகத்தில் காற்றாலைகள் மூலம் மின்சாரம் எடுக்கப்படக் கூடிய அனைத்து தெற்கு மாவட்ட பிராந்தியங்களிலும் காற்றாலைகள் பொருத்தப்பட்டு விட்டன. கடற்கரையின் ஓரங்களில் வீசும் காற்றில் இருந்து மின்சாரம் எடுப்பது எல்லாம் ஆராய்ச்சி அளவிலேயே உள்ளன. மேலும் தமிழகத்தில் காற்றாலை மூலம் உற்பத்தி செய்யப்படும் மின்சாரம் ஒரு யூனிட்டிற்கு 11 ரூபாய்கள் என்ற அளவில் விற்கப்படுகிறது.

windmills-in-tamilnadu

(4) சூரிய ஒளியின் மூலம் கிடைக்கும் மின்சாரத்தின் அளவு மிகவும் குறைவு. கால்குலேட்டர்கள் போன்ற சிறிய உபகரணங்கள் இந்த சக்தியைக் கொண்டு உருவாக்கப்பட்டன. தற்காலத்தில் வீடுகளில் குளிக்கத் தேவைப்படும் வெந்நீருக்காக சூரிய சக்தி பயன்பட்டாலும், பெரிய அலுவலகங்கள், பெரிய தொழிற்சாலைகளில் தேவைப்படும் பெரிய உபகரணங்கள் போன்றவற்றை சூரியசக்தியின் மூலம் இயக்க முடியவில்லை.

(5) Alternative Energy என்று கூறப்படும் இம்முறைகளால் மக்களின் மின்சாரத்தேவை முழுவதையும் பூர்த்தி செய்ய இயலவில்லை. வரும் காலங்களில் அறிவியல் மேலும் முன்னேறி இந்த நிலை மாறலாம். ஆனால் தற்பொழுதைய நிலவரப்படி நிலக்கரி போன்றவற்றை முற்றும் முழுவதுமாக நம்மால் ஒதுக்க முடியாது.

(6) இந்தியா போன்ற வளரும் நாடுகளில் நம்மால் மிகப்பெரிய அளவில் முதலீடுகளை செய்து நம் மின் தேவையின் ஒரு சிறிய பங்கை பூர்த்தி செய்து கொள்வது நடைமுறை சாத்தியமல்ல.

(7) மனிதருக்கோ, நம் புவி கிரகத்திற்கோ ஒரு துளியும் சேதம் விளைவிக்காத மின் உற்பத்தி முறைகள் தற்பொழுதைய சூழலில் உருவாகவில்லை.

குறைந்த அளவிலாவது இயற்கையை துவம்சம் செய்தால் மட்டுமே மனிதர்கள் வாழ முடியும் என்ற நிலைதான் இன்று உள்ளது. இந்த நடைமுறை யதார்த்தத்தை ஒப்புக்கொண்டு மேலே பயணிக்கலாம்.

ஒரு அறிவியல் பூர்வமான ஒப்பீடு: சாலை விபத்துகளையும், இரயில் விபத்துகளையும் ஒப்பீடு செய்ததைப் போலவே, அணு மின்சக்தியையும், மற்ற மின் உற்பத்தி முறைகளையும் அலசலாம்.

எண்ணெய் மற்றும் நிலக்கரியின் வாயிலாக நாம் உருவாக்கும் மின்சக்தி எவ்வித ஆபத்துகளை உள்ளடக்கி உள்ளது என்பதை நாம் முழுமையாக உணருவதில்லை.

(1) கடந்த வருடம் ஏப்ரல் மாதத்தில், அமேரிக்காவில் பிரிட்டிஷ் பெட்ரோலியம் (BP) நிறுவனத்தின் ஒரு எண்ணெய் உற்பத்திக்கிடங்கில் ஏற்பட்ட விபத்தை நாம் மறந்திருக்க வாய்ப்பில்லை. தீவிபத்து ஏற்பட்ட உடனேயே 11 தொழிலாளர்கள் உடல் கருகி உயிரிழந்தனர். 17 பேர் காயமுற்றனர். மேலும் முக்கியமாக சுமார் மூன்று மாத காலத்தில் 4.9 மில்லியன் பேரல் எண்ணெய் கடலுக்குள் கலந்தது.

birds-ducked-in-oilஇதனால் நேரடியாக சுற்றுலாத்துறை, மீன் பிடிப்பு போன்ற அப்பிராந்திய மக்களின் வாழ்வாதாரங்கள் பாதிக்கப்பட்டன. மறைமுகமாக அக்கடல் பகுதியில் வாழ்ந்த உயிரினங்கள் பெரும் சேதத்திற்கு ஆளாகின. விளிம்பு நிலையில் வாழ்ந்து வந்த சில உயிரினங்கள் முற்றும் முழுவதுமாக அழிந்திருக்கலாம் என்று நம்பப் படுகிறது. அக்கடல் பகுதி இன்னும் பல நூற்றாண்டுகளுக்கு இயல்பு நிலைக்கு திரும்பாது என்றும் கணிக்கப்படுகிறது. வரும் காலங்களில் கடல்வாழ் உயிரினங்களுக்கும் அக்கடல் பகுதியை சுற்றி வாழும் மனிதர்களுக்கும் ஏற்படப்போகும் பாதிப்புகள் குறித்து முழுமையாக கணிக்க முடியவில்லை என்பது நிபுணர்களின் கருத்து.

இந்த விபத்தைத் தொடர்ந்து அமேரிக்க அரசாங்கம் புதியதாக 6 மாதத்திற்கு எண்ணெய் உற்பத்தி தொழில் தொடங்க அனுமதி அளிப்பதை நிறுத்தி வைத்தது. சரியாக 6 மாதம் கழித்து அனுமதியை வழங்க ஆரம்பித்தது. விபத்து ஏற்பட்டது அல்லது ஏற்படலாம் என்பதற்காக எண்ணெய் உற்பத்தியை நிறுத்துவது சிறுபிள்ளைத்தனமாகவும்
யதார்த்தத்திற்கு விரோதமாகவும் அமையும். புதிய கடினமான விதிமுறைகளுடன் எண்ணெயை தோண்டி எடுப்பதுதான் நம்மால் செய்யக்கூடியது. அதைத்தான் அமேரிக்க அரசாங்கமும் செய்தது.

(2) சுவிட்சர்லாந்து நாட்டில் உள்ள Paul Scherrer Instituteன் கணக்குகளின் படி, 1969 முதல் 2000 வரையிலான 32 ஆண்டுகளில் மட்டும் 20,000க்கும் அதிகமான மக்கள் எண்ணெய் சம்பந்தப்பட்ட விபத்துகளால் உயிரிழந்தனர். 15,000க்கும் அதிகமானவர்கள் நிலக்கரி சம்பந்தப்பட்ட விபத்துகளில் இறந்துள்ளனர். (Oil and Coal Supply Chains). இதில் 11,000 பேர் சீனாவில் மட்டும் இறந்துள்ளனர்.

ஒவ்வொரு யூனிட் மின்சார தயாரிப்பிலும் இறக்கும் மனிதர்களை கணக்கில் கொண்டால், எண்ணெய் மற்றும் நிலக்கரியினால் ஏற்படும் உயிரிழப்புகள் அணுசக்தியினால் ஏற்படும் உயிரிழப்புகளை விட 18 மடங்கு அதிகம்.

பொருளாதார கூட்டுறவு மற்றும் முன்னேற்றத்திற்கான 34 நாடுகளின் கூட்டமைப்பு OECDன் கணக்கின் படி, மாசடைந்த வளி மண்டலத்தினால், வருடம் 2000த்தில் மட்டும் 10 இலட்சம் பேர் இறந்திருக்கலாம் என்று கணித்துள்ளனர். ஒரு ஒப்பீட்டளவில் இந்த உயிர் இழப்புகள் 500 செர்னோபில் அணு விபத்துகளை விட அதிகமானது.

(3) நம் போன்றவர்களுக்கு வரும் அடுத்த சந்தேகம் உடல் பாதிப்புகளைப் பற்றியது. விபத்துகளால் ஏற்படும் உயிரிழப்புகள் அணுசக்தியில் குறைவாக இருந்தாலும் தலைமுறைகளாக தொடரும் உடல் ரீதியான பாதிப்புகள் கண்டிப்பாக நம்மை அச்சுருத்துகின்றன.

இதிலும் எண்ணெய் மற்றும் நிலக்கரியின் பங்கு சிறிய அளவில் இல்லை. மனிதர்களால் உருவாகியிருக்கும் மாசடைந்த வளி மண்டலத்தினால் பல இலட்சம் மக்களுக்கு, (குழந்தைகளுக்கும்தான்) சுவாசக்குழாய் சம்பந்தமான பல வியாதிகள் ஏற்படுகின்றன. சுரங்கங்களில் வேலை செய்பவர்களுக்கும், அதை சுற்றி வாழும் மக்களுக்கும் நுரையீரல் சம்பந்தமான நோய்கள் வரத்தான் செய்கின்றன. ஆகவே உயிரிழப்பானாலும் சரி, உடல்ரீதியான பாதிப்புகளாக இருந்தாலும் சரி, ஒப்பீட்டளவில் அணுசக்தியினால் ஏற்படும் பாதிப்புகள் குறைவுதான்.

மனிதர்களுக்கு துளியும் சேதம் விளைவிக்காத மின் உற்பத்தி முறைகள் இன்றைய நிலையில் நம் வசம் இல்லை. அதற்கான தொழில்நுட்பம் வரும்வரை விபத்துகளினால் கிடைக்கும் படிப்பினைகளை கொண்டு மேலும் விதிமுறைகளை கடினப்படுத்துவதுதான் நாம் செய்யக்கூடியது.

Kundankulam Nuclear Reactor Interior
Kundankulam Nuclear Reactor Interior

அணு விபத்துகள்:

கடந்த 50 வருடங்களாக இரண்டு விபத்துகளைத் தவிர உலகம் முழுவதிலும் (இந்தியா உட்பட) பல நூறு அணு உலைகள் பாதுகாப்பாகவும், அமைதியாகவும் இயங்கிக் கொண்டிருக்கின்றன.

அணு விபத்துகள் என்றவுடன் நமக்கு ஹிரோஷீமா மற்றும் நாகசாகி போன்ற பெயர்கள்தான் ஞாபகத்துக்கு வரும். ஆனால் அது 2ம் உலகப் போரின் போது நாடுகளுக்கு இடையேயான வேண்டுமென்றே உருவாக்கப் பட்ட நிகழ்வு. அதையும் அணு விபத்துகளையும் ஒன்றாக ஒப்பிட முடியாது.

கடந்த 50 ஆண்டுகளில் 2 மிகப்பெரும் அணு விபத்துகள் ஏற்பட்டுள்ளன. உக்ரேய்ன் நாட்டின் செர்னோபில் மற்றும் அமேரிக்காவின் “த்ரீ மைல் ஐலேந்து“.

அமேரிக்காவில் நடந்த விபத்தில் ஒருவரும் உயிரிழக்க வில்லை. ஆனால் செர்னோபில்லில் நடந்த அணு விபத்தில் 31 பேர் நேரடியாக உயிரிழந்தனர். மேலும் அதைத் தொடர்ந்த கதிர்வீச்சின் தாக்கத்தினால் 9000த்திலிருந்து 31000 பேர் வரை இறந்திருக்கலாம் என்று ஒரு கணிப்பீட்டிலிருந்து தெரிகிறது.

இதில் பல கணிப்பீடுகள் வெளி வந்துள்ளன. புற்று நோய் ஏற்பட காரணங்கள் தற்காலத்தில் அதிகமாக உள்ளதால் கதிர்வீச்சினால் ஏற்படும் புற்றுநோயை வகைப்படுத்தி கணிப்பதில் சிரமங்கள் ஏற்படுகின்றன.மேலும் உலகின் மற்ற பிராந்தியங்களில் ஏற்படும் புற்றுநோய் ஏற்படும் மனிதர்களின் எண்ணிக்கையும் செர்னோபில் பிராந்தியத்தில் ஏற்படும் புற்றுநோய்க்கும் வித்தியாசம் இல்லாததாலும் இந்த ஆய்வினால் சரியான எண்ணிக்கையை எதிர்காலத்திலும் தர இயலாது என்பதே இன்றைய நிலை.

ஜப்பானில் ஏற்பட்டிருக்கும் அணு நெருக்கடியைத் தொடர்ந்து இந்தியாவின் மகாராஷ்ட்ரா மாநிலத்தின் ஜைட்டாபூரில் அமையவிருக்கும் அணு உலைகளுக்கு எதிர்ப்பு வலுத்து வருகிறது.

இந்த 3 விபத்துகளின் சம்பந்தப் பட்ட அணு உலைகளும் ஒன்றுக்கொன்று வித்தியாசம் கொண்டவை. ஒன்றைவிட மற்றொன்று அதிக பாதுகாப்பை உள்ளடக்கிய வடிவமைப்பை கொண்டவை (Better Design).

அணு உலைகளினால் கிடைக்கும் மின்சாரத்தைப் போன்றே அதன் வெப்பமும் அதிகமாகவே இருக்கும். அணு உலைகளின் இயக்கத்தை தடாலடியாக நிறுத்த முடியாது. படிப்படியாகவே நிறுத்த முடியும். வெப்பத்தின் அளவும் படிப்படியாகவே குறையும்.

(1) 1ம் தலைமுறை அணு உலை:

செர்னோபில் அணு உலை 1ம் தலைமுறை தொழில்நுட்பத்தை சார்ந்தது. அணு சக்தியின் மூலம் மின்சார உற்பத்தி செய்த பிறகு உருவாகும் கதிர்வீச்சு பொருட்களை விபத்தின் பொழுது வெளியில் கசியவிடாத பாதுகாப்பு அரண் இல்லாதது. எனவேதான் 1986ல் விபத்து ஏற்பட்ட உடனேயே கதிரியக்கம் நாற்புறங்களிலும் பரவி அழிவை ஏற்படுத்தியது.

(2) 2ம் தலைமுறை அணு உலை:

அமேரிக்காவின் “த்ரீ மைல் ஐலேந்தில்” இருந்த அணு உலையில் 1979ல் விபத்து ஏற்பட்டது. ஆனால் அணு உலையைச்சுற்றி எஃகு மற்றும் கான்க்ரீட் கலவையிலான பாதுகாப்பு அரண் இருந்ததால் கதிரியக்கம் குறைந்த அளவே வெளியில் விடப்பட்டது. இந்தக் கதிர் வீச்சினாலும் மனிதர்களுக்கு எந்த கெடுதலும் ஏற்பட வில்லை.

ஜப்பானின் ஃபுக்குஷீமா அணு உலையிலும் இந்த பாதுகாப்பு அரண் உள்ளது. அதனால்தான் கதிரியக்க வீச்சு இன்னும் முழுவதுமாக வெளியேற வில்லை. இங்கே இன்னொரு விஷயத்தையும் குறிப்பிட்டாக வேண்டும்.

2ம் தலைமுறை அணு உலைகள் பூகம்பம், சுனாமி போன்றவற்றை உத்தேசித்துத்தான் அமைக்கப் படுகின்றன. பூகம்பம் ஏற்பட்ட சில நிமிடங்களில் ஃபுக்குஷீமா அணு உலைகள் தானாகவே இயக்கத்தை நிறுத்தி விட்டன. வெப்ப அளவு 100லிருந்து 6 சதவிகிதமாக குறைந்து விட்டது. ஆனால் இந்த 6 சதவிகித வெப்பமும் படிப்படியாக குறைக்கப்பட வேண்டும்.

the-damaged-fukushima-daiichi-power-plant

பூகம்பத்தினால் குளிரூட்டிகளுக்கு தேவையான மின்சாரம் செயல் இழந்தது. ஆனால் ஜெனரேட்டர்கள் மின்சாரத்தை அளிக்கத் தொடங்கின. பிறகு வந்த சுனாமி ஜெனரேட்டர்களை செயலிழக்க செய்தது. உடனே பேட்டரிகளைக் கொண்டு குளிரூட்டிகள் செயல்பட ஆரம்பித்தன. ஆனால் அந்த பேட்டரிகள் 8 மணி நேரம் மட்டுமே செயல்பட முடியும். 8 மணி நேரம் கழித்துதான் பிரச்சினை ஆரம்பமானது.

இந்த நிகழ்வில் நாம் கவனிக்க வேண்டிய விஷயங்கள். ஜெனரேட்டர்கள் பூமி மட்டத்தில் தாழ்வாகவே அமைக்கப் பட்டதால் சுனாமியால் செயலிழந்தன. பேட்டரிகள் வெறும் 8 மணி நேரங்களுக்காகவே உருவாக்கப் பட்டன. இந்த 2 அம்சங்களும் சரி செய்யப்பட்டால் அணு உலை வெப்பமடையும் பிரச்சினையிலிருந்து தப்ப முடியும் என்பது நிபுணர்களின் கருத்து.

1ம் தலைமுறை அணு உலையை விட 2ம் தலைமுறை அணு உலை 1600 மடங்கு பாதுகாப்பானது. பின் ஏன் ஜப்பானில் பிரச்சினை ஏற்பட்டது? இந்தியாவில் ஏற்படுமா?

(3) 3ம் தலைமுறை அணு உலை:

ஜப்பானின் அணு உலை பிரச்சினை ஆரம்பிப்பதற்கு முன்னரே 3ம் தலைமுறை அணு உலை வடிவமைப்புக்கான தொழில்நுட்பம் வந்து விட்டது. இந்த விபத்து மேலும் பாதுகாப்பு ஏற்பாடுகளை நம்மை எடுக்கத் தூண்டும்.

3ம் தலைமுறை அணு உலைகள் குளிரூட்டிகள் செயல் இழந்தாலும் தானாகவே படிப்படியாக வெப்பத்தை குறைத்து கொண்டு தன் இயக்கத்தை நிறுத்தும் வல்லமை வாய்ந்தவை. ஆகவே மின்சாரம் இல்லை. ஜெனரேட்டர்கள் இல்லை. பேட்டரிகள் இல்லை என்றெல்லாம் நாம் கவலைப் பட வேண்டியதில்லை.

இந்தியாவில் கட்டப்பட இருக்கும் புதிய அணு உலைகள் 3ம் தலைமுறை தொழில்நுட்பத்தின் அடிப்படையில்தான் உருவாகப் போகின்றன. ஜைட்டாப்பூரில் மட்டுமல்லாது இந்திய-அமேரிக்க அணு ஒப்பந்தத்திற்கு பிறகு உருவாகப்போகும் 20க்கும் அதிகமான அணு உலைகள் 3ம் தலைமுறை தொழில் நுட்பத்துடன்தான் அமையப் போகின்றன.

ஜைட்டாப்பூரில் சில அமைப்புகள் தாங்களும் முழுமையான புரிதல் இல்லாமல், அப்பாவி மக்களையும் பயத்தில் ஆழ்த்தி இந்த அணு உலைகள் கட்டப்படுவதை தடுக்க முயல்கின்றன. சிலர் சொந்த மற்றும் அரசியல் ஆதாயத்திற்காகவும் எதிர்க்கின்றனர்.

jaitapurmarch

வளரும் இந்தியாவிற்கு அடுத்த 25 ஆண்டுகளில் தற்பொழுதைய அளவை விட 2 மடங்கு மின்சக்தியை அதிகப்படுத்த வேண்டிய அவசியம் உள்ளது. இந்நிலையில் நாம் எண்ணெய், எரிவாயு, நிலக்கரி, அணு சக்தி என்று அனைத்து முறைகளிலும் மின்சாரத்தை உற்பத்தி செய்ய வேண்டிய கட்டாயத்தில் உள்ளோம். நம் அனைத்து மின் தேவையையும் ஒரு முறை நிரப்ப முடியாது.

சில தகவல் துளிகள்:

  • ஜப்பானின் அணு உலைகளிலிருந்து வெளியேறிய கதிர் வீச்சு அமேரிக்காவின் மேற்கு கடற்கரைப் பகுதி வரை வந்து விட்டது. ஒரு வருடம் முழுவதும் இந்த கதிர்வீச்சின் பாதையில் இருப்பவர்களுக்கு,ஒரு C.T. Scan செய்யும் போது உடலில் ஏற்படும் கதிர்வீச்சின் அளவு இருக்கும்.
  • ஃபுக்குஷீமா அணு உலைகளிலிருந்து கதிர்வீச்சுடன் கூடிய கடல் நீர் பசிபிக் பெருங்கடலில் கலக்கப்பட்டுள்ளது. இது 5 நீச்சல் குளத்தில் இருக்கும் தண்ணீரின் அளவு. பசிபிக் பெருங்கடல் 300 ட்ரில்லியன் நீச்சல் குளங்கள் அளவிற்கு பெரியது. கடலில் கரைந்த பெருங்காயம் போல இந்த கதிர்வீச்சு தண்ணீர் உருத்தெரியாமல் மறைந்து விடும்.(பொழுது போகவில்லையென்றால் தினமும் கதிர்வீச்சு தண்ணீரை கலக்க வேண்டும் என்று கூற வில்லை. ஒப்பீட்டை நிதானமாக புரிந்து கொள்ள வேண்டும் என்பதற்காக எழுதினேன்.)
  • அணு உலைகளின் கதிர்வீச்சு குறிப்பாக இரண்டு தனிமங்களால் ஆனது. ஒன்று Iodine-131. இரண்டு Caesium-137. ஜப்பானின் அணு உலைகளில் இருந்து வெளியேறும் கதிர்வீச்சில் அதிகமாக Iodine-131தான் உள்ளது. இதன் ஆயுள் 8 நாட்கள் மட்டுமே. அணு உலைகளின் பிரச்சினைகள் தீர்ந்தவுடன், 8 நாட்கள் கழித்து மக்கள் குடியேறலாம். ஆனால் குறைந்த அளவில் Caesium-137ம் வெளியேறியுள்ளது. இதன் ஆயுட்காலம் 30 வருடங்கள். ஆகவே பாதிக்கப்பட்ட இடங்களிலிருந்து முழுவதுமாக நீக்கப்பட்டவுடன்தான் மக்கள் குடியேற முடியும். தற்பொழுதைய நிலவரப்படி மிகக் குறைந்த அளவே இது வெளியேறி உள்ளது.

படிப்பினைகள்:

எந்த விபத்தும் சில படிப்பினைகளை மனிதனுக்கு அளிக்கும். அதிலிருந்து தொழில் நுட்பத்தை மேம்படுத்திக் கொண்டுதான் மனித சமுதாயம் முன்னேறியுள்ளது. ஜப்பானில் ஏற்பட்ட விபத்தும் நமக்கு பல படிப்பினைகளை அளித்துள்ளது.

(1) விபத்து நடந்ததாக அறிவிக்கப் பட்டு பல நாட்களுக்கு உண்மையான தகவல்கள் வெளிவரவில்லை.

(2) எந்த தனியார் கம்பெனியும் இலாப நோக்குடன்தான் செயல்படும். அமேரிக்காவில் எண்ணெய் விபத்தை ஏற்படுத்திய British Petroleum ஆக இருந்தாலும் சரி, ஜப்பானில் விபத்தை ஏற்படுத்திய TEPCO நிறுவனமாக இருந்தாலும் சரி, விபத்திற்கு பிறகு அளிக்கப்பட வேண்டிய இழப்பீட்டின் பயம்தான் கம்பெனிகளுக்கு இருக்கும்.

bp-oil-spill-underwaterBP நிறுவனம் எண்ணெய் விபத்து நடந்த பல வாரங்களுக்கு சரியான தகவல்களை தரவில்லை. ஒவ்வொரு நாளும் 1000 பேரல்கள்தான் எண்ணெய் வெளியேறுகிறது என்று கூறி வந்தது. கடைசியாகத்தான் 50000 முதல் 75000 பேரல்கள் வெளியேறுகிறது என்று ஒப்புக்கொண்டது. இதற்கு காரணம் சுலபமானது. ஒரு பேரல் எண்ணெயை கடலில் கலந்தால் அதற்கு ஒவ்வொரு நாளும் 1000 டாலர்கள் நஷ்ட ஈடு தர வேண்டும் என்பது ஒப்பந்தம்.

இதே நிலைதான் ஜப்பானிலும் ஏற்படுகிறது. கதிர்வீச்சின் அளவை குறைத்து காண்பிக்கவே அந்த கம்பெனி முற்பட்டது. ஆனால் சில வாரங்களுக்கு பிறகு உண்மையான அளவு வெளிவர ஆரம்பித்தது.

அமேரிக்காவிலும் ஜப்பானிலும் ஜனநாயகம் வலுவாக உள்ளதால் மக்களை ஏமாற்ற முடியாது. சில நாட்கள் தவறான தகவல்கள் வெளிவந்தாலும் முடிவில் சுயாதீன நிபுணர்களின் குரல் ஓங்கி விடும்.

(3) விபத்து நடந்த சில வாரங்களுக்கு சர்வதேச நிபுணர்களை TEPCO நிறுவனம் அனுமதிக்க வில்லை.

(4) சில விஷயங்களை கடினமாக இருந்தாலும் எழுதித்தான் தீர வேண்டும்.

அமேரிக்காவில் எண்ணெய் விபத்து ஏற்பட்டவுடன் அதிபர் ஒபாமா BP கம்பெனியுடன் பேசி 20 பில்லியன் டாலர்களை இழப்பீட்டிற்கு முன்தொகையாக செலுத்த வைத்தார். ஒரு அதிகாரியை இந்த தொகை சரியாக பாதிக்கப்பட்ட மக்களை சென்றடைய நியமித்தார். இந்த அதிகாரி கிட்டத்தட்ட 8 இலட்சம் மக்களின் மனுக்களை விசாரித்து இழப்பீட்டு தொகையை அளித்து வருகிறார்.

இந்த நிகழ்ச்சியை நம் நாட்டில் 80களில் நடந்த போபால் விஷவாயு விபத்துடன் ஒப்பிட்டு பார்த்தால் நமக்கே நம் வலு புரிந்து விடும்.

ஜப்பானிய அரசும் முதல்கட்டமாக 640 மில்லியன் டாலர்களை பாதிக்கப்பட்ட மக்களுக்கு TEPCO நிறுவனத்தை அளிக்க வைத்துள்ளது.

(5) ஆனால் இதற்கு தீர்வாக, இடதுசாரிகள் முன்வைக்கும் அரசாங்கமே கம்பெனிகளை நடத்துவதை ஒப்புக்கொள்வது சிக்கல் தீர்வதை விட மேலும் அதிக சிக்கல்களுக்குத்தான் வழிவகுக்கும்.

தனியார் நிறுவனங்களாவது சில நாட்களுக்குத்தான் மக்களை ஏமாற்ற முடியும். சுயாதீன நிபுணர்களும் ஊடகங்களும் ஏற்படுத்தும் அழுத்தம் அரசாங்கத்தை சரியான முடிவை நோக்கி நகர்த்தி விடும். ஆனால் கம்பெனி அரசாங்கத்தால் நடத்தப் பட்டால் அந்த பிராந்தியத்திற்கே யாரையும் உள்ளே விடாமல் தகவல்களை இருட்டடிப்பு செய்து விடுவார்கள்.

வலி தனக்கு வந்தால்தான் தெரியும்:

இந்திய-அமேரிக்க அணுமின்சக்தி ஒப்பந்தத்தை முழுமையாக ஆதரிப்பவன் நான். ஒரு நண்பரிடம் பேசிக்கொண்டிருந்த போது, உன்னால் ஜைட்டாப்பூரில் தைரியமாக வாழ முடியுமா என்று வினவினார். சில விஷயங்கள் நடந்தால் அங்கு வாழ எனக்கு எந்த பயமும் இல்லை என்றேன்.

  • முதலில் அந்த அணு உலையை ஒரு தனியார் கம்பெனிதான் நடத்த வேண்டும்.
  • அரசாங்கத்திற்கும் அந்த கம்பெனிக்கும் இடையிலான ஒப்பந்தம் மக்கள் மன்றத்தில் சமர்பிக்கப்பட வேண்டும்.
  • விபத்து ஏற்படுகையில் உடனடியாக சுற்றி வாழும் மக்களுக்கு அபாய சங்கு போன்ற வசதிகள் வேண்டும்.
  • விபத்து ஏற்பட்டவுடன் அற்பமான திமிரை விட்டு மேற்கத்திய நிபுணர்களை உதவிக்கு அழைக்க ஒப்பந்தம் வழி செய்ய வேண்டும்.
  • விபத்தின் அளவிற்கேற்ப இழப்பீடுகள் வழங்கப்பட ஒப்பந்தத்தில் இடம் இருக்க வேண்டும்.
  • அப்பிராந்தியத்தில் உள்ள வீடுகள் மற்றும் பிற சொத்துகளுக்கு காப்பீடு வழங்குவதை மறுப்பது, காப்பீட்டு நிறுவனங்களுக்கு எதிரான குற்றமாக கருதப் பட வேண்டும்.
  • விபத்து ஏற்படின் விளைநிலங்களை வைத்துள்ளவர்களுக்கு வேறு பகுதியில் விளைநிலங்களை அளிக்க ஒப்பந்தம் வழி செய்ய வேண்டும்.

மேற்கூறிய விஷயங்கள் ஒப்பந்தத்தில் இருந்தால் ஜைட்டாப்பூரிலோ அல்லது வேறு அணு உலைகள் இருக்கும் இடத்திற்கு அருகிலோ வாழ எனக்கு எந்த பயமும் இல்லை.

முடிவுரை:

“நினைப்புதான் பிழைப்பை கெடுக்கும்” என்பது முதுமொழி.

Alternative Energy என்றழைக்கப் படும் சூரிய, காற்று போன்றவற்றிலிருந்து மின்சாரம் உற்பத்தியை நம் தேவைக்கேற்ற அளவில் செய்ய இன்னும் பல காலம் பிடிக்கலாம். தற்பொழுதே இதற்கான தொழில்நுட்பம் உலகில் உள்ளது என்று நம்புவது வெறும் நினைப்புதான்.

அணுசக்தியின் மூலம் நாம் பெறும் மின் உற்பத்தியில் (மட்டுமே) ஆபத்து உள்ளது என்பது வெறும் நினைப்புதான்.

இந்த நினைப்புகள் நம் பிழைப்பை கெடுப்பதற்கு முன் நம் சந்தேகங்களுக்கு சரியான புத்தகங்களிலிருந்தும், நிபுணர்களிடமிருந்தும் தகவல்களைப் பெற்று அணு சக்தியின் மூலமும், நம் மின்சக்தி தேவையின் ஒரு பகுதியைப் பெற்று வளமுடன் வாழ்வோம்.

கட்டுரையை முடிக்கும் முன்பாக ஜெர்மானிய அதிபர் அஞ்செலா மர்கல் ஜப்பானில் ஏற்பட்ட விபத்தைப் பற்றி கூறியதை அவதானிக்கலாம் –

“The disaster in Japan means that not only Germany, but the entire world, is suddenly confronted with an entirely different situation. We should take this as an opportunity to review the situation with an entirely open mind.”

அவர் கூறிய “Open Mind” என்னும் பதத்தை மறக்காமல் இருப்பதுவே நாளைய தலைமுறைக்கு நாம் அளிக்கும் கொடை.

ஒரு நிபுணர் குழு ஜைட்டாபூரில் அணு உலை வருவதை அறிவியல் பூர்வமாக ஆதாரங்களுடன் எதிர்த்து, அதை அரசாங்கம் ஏற்று கொண்டால் அது சரியான முடிவுதான்.

ஆனால் இந்தியா முழுவதும் எந்த இடத்திலும் அணு உலைகள் வரக் கூடாது என்று முழங்குபவர்கள் தயவுசெய்து சத்தியமங்கலம் காடுகளுக்கோ முதுமலை காடுகளுக்கோ சென்று விடட்டும்.

மின்சாரம் ஆடம்பரம் அல்ல, அது அடிப்படை மனித உரிமை.

மக்கள் மனங்களைக் கெடுக்க வேண்டும்

im08793

இந்தியச் சுதந்திரத்தின் ஆயுள் இப்போது 63 ஆண்டுகள். பணி ஓய்வு பெற்றுவிட்ட வயது. வாழ்வின் மேடு பள்ளங்களை நன்கு உணர்ந்து பண்பட்ட வாழ்க்கையை நடத்துகின்ற வயது. குறித்த வயதுக்குள் நல்ல கல்வி, நடுத்தர வயதில் தேடிய செல்வம், ஓய்வு பெறும் வயதில் நல்ல சேமிப்பு, குறைகளைக் களைந்து, வாழ்வாதாராத்துக்கு நல்ல வாய்ப்புக்களைக் கொண்ட வாரிசுகள், நல்ல வளமான வாழ்வு- இதுதான் வாழ்க்கைத் தத்துவம். இது தனிப்பட்ட வாழ்க்கைக்கு மட்டுமல்ல ஒரு குடும்பத்துக்கு, நாட்டுக்குத் தேவையான வாழ்க்கைத் தத்துவம். இதனை இந்தியச் சுதந்திரம் பின்பற்றியிருக்கிறதா என்கிற கேள்வி நம்முள் ஏற்படுவது இயற்கைதானே.

கடந்த 63 ஆண்டுகளில் இந்திய நாடு முன்னேறவே இல்லை, நாட்டின் வளம் பெருகவே இல்லை, தனிநபர் வாழ்வு வளமானதாக ஆகவே இல்லை என்றெல்லாம் சொல்லக்கூடிய அளவுக்கு நாமெல்லாம் கருத்துக் குருடர்கள் அல்ல. முன்னேற்றம் அடைந்திருப்பது உண்மை, முன்னேற்றம் அடைந்திருக்கிறோம். அப்படி அடைந்த முன்னேற்றம் எல்லா மட்டங்களுக்கும் சரிசமமாகப் போய்ச்சேரவில்லை. செல்வம் ஓரிடத்தில் சேரவும், அடிமட்டத்தில் பலர் அவதிப்படவும் செய்திருக்கிறது. ஊழலும் தவறுகளும் நமது முன்னேற்றத்தின் தடைக்கற்களாக இருந்து சரிசமமான முன்னேற்றத்தை முட்டுக்கட்டைப் போடுகிறது என்பதுதான் நிதர்சனமான உண்மை. முன்னேற்றம் எதிர்பார்த்த அளவுக்கு இல்லை என்பதுதான் குறையே தவிர, முன்னேற்றமே இல்லை என்பது நமது வாதம் அல்ல.

1944-இல் இரண்டாம் உலகப் போரின் முழு அழிவுக்கு ஆளான ஜப்பான் அழிவிலிருந்து மீண்டு இன்று உலகப் பொருளாதாரத்துக்கு ஆதாரமான நாடாக இருப்பதைப் பார்க்கிறோமே. ஹிரோஷிமா நாகசாகியின் அழிவு உலகில் வேறு எந்த நாட்டுக்கும் ஏற்பட்டிருக்குமா என்பது கேள்விக் குறிதான். அப்படிப்பட்ட சூழ்நிலையில் ஜப்பானைப் போல நாம் ஏன் முன்னேறவில்லை? இந்தக் கேள்விக்குச் சரியான விடையை நாம் கண்டுபிடித்து விட்டோமானால், நாம் விழித்துக் கொண்டு விட்டோம் என்று பொருள்.

சீறிப்பாய்ந்து முன்னேற்றம் (Great Leap Forward) அடைந்தது சீனாவின் சாதனை. பழமையெனும் அடிமைத் தளையிலினின்றும் மாவோவின் தலைமையில் சீனா சீறிப் பாய்ந்தது. நமக்குப் பின்னால் தவழ்ந்து வந்த அந்த நாடு இன்று அமெரிக்கா எனும் வல்லரசுக்கே அச்சுறுத்தலாக விளங்குவதைப் பார்க்கிறோம். இது எதனால் சாத்தியம் ஆயிற்று? நமக்குப் பின்னால் சுதந்திரம் பெற்ற பல கிழக்காசிய நாடுகள் கூட செல்வத்திலும் தொழில் துறையிலும் தனி நபர் முன்னேற்றத்திலும் பல காத தூரம் முன்னேறிப் போய்விட்டதைப் பார்க்கிறோம். நூறு கோடிக்கும் அதிகமான மக்கள் தொகையும் அளவிடற்கரிய இயற்கைச் செல்வ வளங்களும் நிறைந்த நாம் மட்டும் ஏன் அப்படிப்பட்டதொரு முன்னேற்றத்தைக் காண முடியவில்லை. இதனை எப்போதாவது நாம் சிறிது சிந்திக்க வேண்டாமா?

இந்தியாவில் அறிவுக்குப் பஞ்சம் இல்லை. உழைக்க ஆள்களுக்குப் பஞ்சமில்லை. தோண்டி எடுக்க எடுக்கக் கொடுக்கும் இயற்கை வளங்களுக்கும் குறைவு இல்லை. மூலதனம் ஒரு சிலர் கரங்களில் குவிந்து கிடக்கின்றன. அவர்கள் மட்டும் பல மடங்கு தொழில்களை அதிகரித்துக் கொண்டு மிகப் பெரிய தொழிலதிபர்களாக முடிகிறது. என்றாலும் சாதாரண- உழைக்கும், அடிமட்ட, நடுத்தர மக்களின் வாழ்க்கைத் தரம் ஓரளவுதான் உயர்ந்ததே தவிர, மற்றவர்களுக்கு இணையாக வளர முடியவில்லையே ஏன்?

அன்று கிராமங்களில் கிராம அதிகாரிகள் பரம்பரையாக வேலை பார்த்து வந்தனர். அவர்களுக்குக் கிடைத்த ஊதியம் எனப்படுவது ஒரு நாள் செலவுக்குக் கூட போதுமானதாக இருந்ததில்லை. இருந்தாலும் அவர்களுக்குத் தாங்கள் இருக்கும் இடத்தில் நல்ல மரியாதையும் தொழிலில் காட்டிய அக்கறை, நேர்மை இவற்றால் மக்களிடம் அன்பும் கிடைத்தன. ஊதியத்தை நம்பி வாழாமால் அவர்களது சொந்த வருமானத்தில் கெளரவமான வாழ்க்கையை நடத்தி வந்தனர். அவர்களுக்கு சமூக அந்தஸ்து கிடைத்திருந்தது. அப்படிப்பட்ட நிலையில் அவர்கள் ஒரே ஒரு கையெழுத்தால் வெளியே தூக்கி எறியப்பட்டு விட்டனர். புதிது புதிதாக தாலுகா அலுவலகத்துக்கு ஆள்களை நியமிப்பது போல புதிய ஆள்களை கிராம அதிகாரிகளாக நியமிக்க உத்தரவிட்டார் எம்.ஜி.ஆர். இது ஆர்.எம்.வீரப்பன் என்பவரின் மூளையில் உதித்த புதிய சிந்தனை என்பாரும் உண்டு. எது எப்படியோ, வழிவழி வந்த பாரம்பரியத் தொண்டு, செல்வத்தை அள்ளிக் குவிக்க ஒரு புதிய பாதையை வகுத்துக் கொடுத்து விட்டது.

அன்றைய கணக்குப் பிள்ளைக்கு ஊரில் எங்கெல்லாம் புறம்போக்கு நிலங்கள் உண்டு; அவை எத்தனை ஏக்கர்; கோயில் புறம்போக்கு, நத்தம் புறம்போக்கு என்று அவைகளைப் பிரித்தும் அவை இருக்கும் இடங்களையும் தெரிந்து வைத்திருந்தனர். அவர்களுக்குத் தெரியாமல் யாரும் ஒரு அங்குல நிலத்தையும் ஆக்கிரமித்துவிட முடியாது. தன் வீட்டில் வறுமை இருந்தாலும் பொதுச்சொத்தை எவரும் அபகரித்துவிடக் கூடாது என்ற ராஜவிசுவாசம் அவர்களிடம் இருந்தது. இன்று லஞ்ச ஊழல் தடுப்புத் துறையால் அதிக அளவில் கைது செய்யப்பட்டவர்கள் கிராம அதிகாரிகள் என்ற செய்தி நம் நெஞ்சங்களை வாட்டுகிறது. காரணம் இந்த லஞ்ச ஊழல்களால் பாதிக்கப்படுவோர் சாதாரண image31ஏழை விவசாயி, உழைப்பாளிகள்தான். வசதியற்ற மக்களுக்குப் பல சலுகைகளை அரசு அறிவிக்கிறது. அவற்றையெல்லாம் பயன்படுத்திக் கொள்ள அவர்களுக்குப் பல சான்றிதழ்கள், குறிப்பாகச் சாதிச் சான்றிதழ், பிறப்புச் சான்றிதழ், வருமானச் சான்றிதழ் போன்றவை தேவைப் படுகின்றன. இவற்றைச் சர்வ சாதாரணமாக மக்களால் வாங்க முடிகின்றதா? ஒவ்வொன்றுக்கும் ஒரு ‘ரேட்’ உண்டு. நியாயமாகக் கிடைப்பதானால் பல நாள்கள், வாரங்கள், மாதங்கள் கூட தாமதம் ஆகும். ஆனால் கொடுப்பதைக் கொடுத்தால் வாங்குவது சுலபம். இந்த நிலை யாருக்கு? மேல் தட்டு மக்களுக்கா? அவர்களுக்கு இதெல்லாம் ஒரு பொருட்டே இல்லை. அன்றாடம் காய்ச்சிகளுக்குத்தான் இந்த அவல நிலை. அவர்கள் கொடுக்க எங்கே போவார்கள். ஏழைகளின் ரத்தத்தை உறிஞ்சி சாப்பிட வசதி படைத்த, நல்ல வருமானம் உள்ளவர்கள் நினைப்பது சரியா? அல்லது அப்படி வாங்காமல் கொடுத்தால் இவர்களுக்கு ஏதாவது இழப்பு ஏற்பட்டு விடுமா? இல்லை, வெறி; மேலும் மேலும் பணம் காசு தேவை என்ற வெறி. ஆடம்பரம் தேவை என்பதால்தான் இதெல்லாம் நடக்கின்றன. லஞ்சம் வாங்குபவன் ஏழை இல்லை என்பதை நாம் உணர வேண்டும்.

1965-இல், எனது 27-ஆவது வயதில் எனக்குப் பிறப்புச் சான்றிதழ் தேவைப் பட்டது. அப்போது திருச்சி மாவட்டத்தில் ஒரு ஊரில் பணியாற்றிக் கொண்டிருந்தேன். நான் பிறந்த, இப்போதைய நாகை மாவட்டத்திலுள்ள ஒரு கிராமத்துக் கர்ணம் அவர்களுக்கு ஒரு கடிதம் எழுதினேன். மூன்றாவது நாள் எனக்குத் தபாலில் அந்தச் சான்றிதழ் வந்தது. தபால் செலவு கூட அவருடையது என்பதை கவனிக்க வேண்டும். இது சாத்தியப்பட்டது எங்கே? இங்கேதான், நமது தமிழ்த்திரு நாட்டில்தான். அன்று முடிந்தது, இன்று முடியுமா?

லஞ்சம் எனும் பேயை விரட்ட, அடியோடு ஒழிக்க நாமும் என்னென்னவெல்லாமோ செய்து பார்க்கிறோம். லஞ்ச ஊழலுக்கு எதிராக ஒரு வாரம் கொண்டாடி லஞ்சத்தை எதிர்ப்பதாக வானை எட்டுமளவுக்கு உரத்த குரல் எழுப்புகிறோம். அதன் பயன் எங்காவது ஒரு நல்ல விளைவை ஏற்படுத்தியிருக்கிறதா?

tuklak-cover-cartoon

வறுமையின் காரணமாக ஒரு வேளை உணவுக்காகத் திருடியவனைப் பிடித்து அடித்து உதைத்து சிறையில் தள்ளி, வாழ்நாள் முழுவதும் அவனை திருடன் என்ற பெயர் சூட்டி சமுதாயத்தில் ஒரு புதிய சாதியை உருவாக்கும் நமக்கு, நமக்கு முன்னால், எல்லா வசதிகளோடும், நல்ல பதவியிலும், நல்ல சம்பளம் வாங்கிக் கொண்டு லஞ்சம் வாங்கி நாய்ப்பிழைப்புப் பிழைக்கும் சிலரை நாம் அப்படி இழிவாகப் பார்ப்பதில்லை. வாங்கும் லஞ்சத்தில், செய்யும் ஊழலில் எல்லை என்பதே இல்லை. கோடி ரூபாய் என்பதை ஒரு ரூபாயாக மாற்றிக் கொடுத்தால் எண்ணக்கூடத் தெரியாத சில தற்குறிகள் பெரிய பதவிகளில் உட்கார்ந்துகொண்டு பல லட்சம் கோடிகளைச் சுருட்டிக் கொள்வதை, பொறுமையாக, எந்தவித எதிர்ப்புமின்றி இந்தச் சமுதாயம் பார்த்துக் கொண்டு இருப்பதோடு மட்டுமல்ல, அந்த ஊழல் பெருச்சாளிகளுக்கு மதிப்பு, மரியாதை கொடுத்து மாலை போட்டு பாராட்டிக் கொண்டிருக்கும் அசிங்கம் இந்த நாட்டில் மட்டும்தான் நடந்து கொண்டிருக்கிறது. இப்படி மக்களைச் சுரண்டும் சுதந்திரத்துக்காகவா மகாத்மா முதல் அடிமட்ட தொண்டன் வரை அனைத்தையும் இழந்து தியாகம் செய்தார்கள்? சற்று சிந்தித்துப் பார்க்க வேண்டாமா?

முன்னேற்றத்துக்கு இடையூறாக இருக்கும் மற்றொரு காரணம் மக்களிடையே பிரிவுகள், விரோதம், எதிர்ப்பு ஆகியவைகளாகும். இவற்றுக்கு யார் காரணம்? மக்கள் அனைவரும் ஒற்றுமையாக இருந்து விட்டால் கண்ணெதிரே நடக்கும் அக்கிரமங்களை ஒன்றுபட்டு எதிர்ப்பார்கள். ஆனால் அவர்களைப் பல்வேறு காரணங்களைச் சொல்லி பிரித்து விட்டால் ஒற்றுமை ஏற்படாதே! அவர்களால் எந்த ஆபத்தும் எவருக்கும் ஏற்படாதே! இது பிரிட்டிஷார் கடைப்பிடித்து வந்த தந்திரம். வேறு எதைக் காப்பி அடித்தார்களோ இல்லையோ, இந்தப் பிரித்தாளும் சூழ்ச்சியை நம்மவர்கள் நன்றாகக் கடைப்பிடித்து கொண்டு வருகிறார்கள். பத்தொன்பதாம் நூற்றாண்டின் இறுதி வரையில் சாதிகளுக்குள் விரோதம் இல்லை, வெறுப்பு இல்லை, சண்டை இல்லை. அப்படி இருந்தால் சரிவராது என்றோ என்னவோ, இருபதாம் நூற்றாண்டின் முற்பகுதியிலிருந்து சாதிப் பிரிவினைகளைச் சொல்லி பிளவுகள், விரோதங்கள், சண்டைகள். நல்ல பிள்ளை போல் சமத்துவம் பேசிக் கொண்டே பிரிவினைகளுக்குத் தூபம் போட்டுக் கொண்டு வருவது ஒரு சாமர்த்தியம். இரண்டு பூனைகளுக்குள் ரொட்டியைப் பிரித்துக் கொடுப்பதாக வந்த குரங்கு எப்படி அவற்றை ஏமாற்றி அனைத்தையும் தானே சாப்பிட்டதோ அது போல இன்றைக்கு மக்களைப் பிரித்து வைத்து ஆதாயங்களைத் தானே அனுபவிக்கும் மொள்ளைமாறித்தனம் நடைபெற்றுக் கொண்டிருக்கிறது. இதற்கும் விடிவு இல்லையா?

ஒன்றுமில்லாத விஷயத்துக்கெல்லாம் தோண்டித் துருவி ஆராய்ச்சிகள் நடத்தும் இந்திய நாட்டின் பெரும் அறிவாளிகளுக்கு இமயமலை போல வளர்ந்து நம்மை அச்சுறுத்திக் கொண்டிருக்கும் ஊழல்கள் பற்றித் தெரியவில்லையா, அல்லது இதெல்லாம் அவர்களுக்கு ஒரு பொருட்டே இல்லையா? சரி, அறிவாளிகளுக்குத் தான் சிந்தனை இல்லை என்றால், இதற்கெல்லாம் பொறுப்பேற்றுக் கொள்ள வேண்டிய இடத்திலிருக்கும் ஆட்சியாளர்களுக்கு இவைகளெல்லாம் கவனத்துக்கு வரவில்லையா? வராமல் இருக்குமா! சரிதான் ‘இதெல்லாம் அரசியலில் சகஜமப்பா’ என்று கவுண்டமணி பாணியில் கண்டும் காணாமல் போய்விடுகிறார்களா? தெரியவில்லை.

தங்களது ஆடம்பரத் தேவைகளுக்காக, குறுக்கு வழியில் சம்பாதிக்க லஞ்சம் வாங்குகிறார்களா அல்லது வசதி பெருகப் பெருக மேலும் ஆடம்பரங்களை அதிகரித்துக் கொள்ளவும் தனக்கு மேலுள்ளவர்களுக்குக் கொடுப்பதற்காகவும் லஞ்சம் வாங்குகிறார்களா? இரண்டாவதாகச் சொன்ன வழிமுறைதான் லஞ்சத்துக்கு வழிவகுக்கிறது என்பது நிதர்சனமான உண்மை.

சுமார் ஐம்பதாண்டுகளுக்கு முன்பெல்லாம் அரசு அலுவலகங்களில் வேலை பார்க்கும் ஊழியர்கள் நேரம் கடந்தும் தங்களது பணிகளைச் செய்து முடித்துவிட்டு வீட்டுக்குக் கிளம்பும் நேரத்தில்தான் வீட்டில் மனைவி வாங்கி வரச்சொன்ன அரிசி அல்லது முக்கிய சாமான்களின் நினைவு வரும். அப்போது அருகிலுள்ள மற்ற நண்பர்களிடம் ஒரு பத்து ரூபாய் கடன் கேட்பார்கள். அவர்களிடமும் இருக்காது. யாரிடம் இருக்கிறதோ அவரிடம் போய் கேட்டு வாங்கி மறுநாள் சாப்பாட்டுக்கு ஏற்பாடு செய்து கொண்ட அரசு ஊழியர்களை எனக்குத் தெரியும். இப்படிப்பட்ட நிலைமை இருந்ததற்குக் காரணம் அன்று லஞ்சம் வாங்குவோர் காளான் போலப் பெருகி இருக்கவில்லை. இன்று என்ன ஆயிற்று?

tblcatroon

சமீபத்தில் செய்திகளில் அடிபட்ட ஒரு லஞ்சப் புகார். DRO என்ற கெசடெட் பதவியில் இருந்தவர். விரைவில் IAS அளிக்கப்படவிருந்தவர், லஞ்சம் வாங்கி மாட்டிக் கொண்டார். இவ்வளவு உயர்ந்த பதவியில் இருக்கும் இவருக்கு ஏன் இந்தக் கீழ்மையான புத்தி? இவருக்கு வசதி குறைவா? சாப்பாட்டுக்கு இல்லையா? அரசாங்கம் இவருக்கு ஊதியம் வழங்கவில்லையா?

மற்றொரு நிகழ்ச்சி. மருந்துகளுக்கு லைசென்ஸ் கொடுக்கும் ஒரு அரசாங்க அதிகாரி. இவர் லஞ்சம் வாங்குகையில் பிடிபட்டார். இவருக்குச் சென்னையில் பல மாளிகைகள், கோடிக்கணக்கில் சொத்து, இவையெல்லாம் எப்படிக் கிடைத்தது? இதற்கெல்லாம் அடிப்படைக் காரணம் என்ன என்பதைச் சற்று ஆழ்ந்து சிந்தித்துப் பார்க்க வேண்டும். இப்படி லஞ்சம் வாங்கி மாட்டிக் கொண்டவர்களுக்கு இருக்கும் சொத்து அன்றைய டாட்டா, பிர்லாக்களுக்கோ, நமது மாநிலத்தில் உயர்ந்த அந்தஸ்த்திலிருந்த பல நிலப்பிரபுக்களுக்கோ கூட கிடையாது.

இப்படி ஊழலில் சிக்கி மாட்டிக் கொண்டு அன்று முகங்களை மூடிக்கொண்டு போலீஸ் வண்டியில் ஏறிப் போனார்களே, அவர்கள் எல்லாம் என்ன ஆனார்கள், சிறையில் அடைக்கப்பட்டு விட்டார்களா? அவர்கள் லஞ்சத்தில் சேர்த்த சொத்துக்கள் பறிமுதல் செய்யப்பட்டனவா? ஒன்றும் தெரியவில்லையே. மக்களும் அன்றைய பரபரப்பை அன்றோடு மறந்து விடுகிறார்கள். இதையெல்லாம் நினைவுப்படுத்திப் பார்த்துக் கொண்டிருப்பதைத் தவிர நமக்கு வேறு வேலை இல்லயா என்ன? இவ்வளவு ஆன பின்பும் அந்த ஊழல் பெருச்சாளிகள் சமூகத்தில் வெள்ளையும் சள்ளையுமாக நடமாடுவதைக் கண்டு நாம் தலை குனிவதா? அவமானப்படுவதா? தெரியவில்லை.

அரசியல்வாதிகள் மேடை ஏறிப் பேசும்போது நமக்கு மனமெல்லாம் பால் பொங்குவது போல மகிழ்ச்சி பொங்கி வழிகிறது. இனி நமக்கு எந்தக் குறையுமில்லை. பாலும் தேனும் நாட்டில் பெருக்கெடுத்தோடப் போகிறது. தொழில் வளம் பெருகப் போகிறது. வேலையில்லா நிலை என்பதற்கு இனி வேலையே இல்லை. அவரவர்க்குச் சொந்தமாக வீடு, நிலம், வருமானம், கலர் டி.வி., காஸ் அடுப்பு, வீட்டு வாயிலில் மாப்பிள்ளைத் திண்டில் சாய்ந்து கொண்டு நிம்மதியான வாழ்க்கை என்று வண்ண வண்ணக் கனவுகளில் ஆழ்ந்து போகிறோம். அத்தனையும் கிடைத்து விடுகிறது. மக்களுக்கு அல்ல. வாய் கிழியப் பேசுபவர்களுக்கு. இத்தனைக்கும் இவர்கள் பதவிக்குப் போகும்முன்புவரை அன்றாடம் காய்ச்சிகள். இன்று பணம் காய்ச்சிகள். ஜனநாயகம் என்பது இதுதானா?

இவ்வளவு நடந்தும் எங்காவது ஒரு சிறு முணுமுணுப்பு.. அந்த ஊழல் பெருச்சாளிகள் வரும்போது ஒரு அலட்சியம். ஊகூம். கிடையாது. அவர்களுக்குத்தான் ராஜ மரியாதை. ஊர்வலம், மாலை மரியாதைகள். அட என்ன இது கேவலம்! அநீதி கோலோச்சினால், நேர்மையும் நியாயமும் சவக் குழிக்குள் படுக்க வேண்டியதுதானா? மக்களுக்கு மனச்சாட்சி இல்லாமல் போனது ஏன்? ஊழலைக் கண்டு கொதிக்க முடியாமல் போனது ஏன்? எதிர்ப்புத் தெரிவிக்க அச்சப்படுவது ஏன்? சிந்தித்துப் பாருங்கள். எதிர்ப்பைத் தெரிவிக்கவும் ஒரு தார்மிக உணர்வு வேண்டும். நாமே தப்பு செய்பவராக இருந்தால் யாருடைய தப்பை எதிர்த்துத் தட்டிக் கேட்க முடியும்?

dinamalar-photo-bribe

நம்மைச் சுற்றி நடக்கும் ஊழலுக்கும், தவறுகளுக்கும் நாமும் ஒரு வகையில் காரணமாக ஆகிப் போகிறோம். இலவசமாக ஏதாவது ஒரு மிட்டாய் பொட்டலத்தைக் கொடுத்தால் வாய் நிறைய பல்லாக அதனை வாங்கித் தின்று மகிழ்கிறோம். இலவசம் என்பது இழிவு என்ற உணர்வு இல்லை. பிச்சைப் பாத்திரம் ஏந்தி வரும் உரிமை எல்லோருக்கும் கிடையாது. யார் ஒருவர் தனக்கென்று எதையும் வைத்துக் கொள்வதில்லையோ, யார் ஒருவர் பிறருக்காகவே அனவரதமும் இறைவனை வேண்டிப் பிரார்த்தனை நடத்திக் கொண்டு தன் வயிற்றுப் பாட்டைப் பற்றிக் கவலைப் படாமல் பிறருக்காக மட்டும் வாழ்கிறார்களோ, அத்தகைய உத்தமர்களுக்குத்தான் யாசகம்/இனாம்/இலவசம் வாங்கிக் கொள்ளும் உரிமை உண்டு.

மாற்றான் உழைப்பில் வயிறு வளர்க்கும் எத்தர்கள், தன் தவற்றை மறைக்க இனாம் கொடுக்க முன்வரும்போது, அதனை வேண்டாம் என்று மறுக்கும் மனத் திண்மை நமக்கு வேண்டும். அது இல்லாமல் கொடுக்கும் இனாமுக்காக அலையோ அலையென்று அலைந்து, அவர் இவர் என்று எவர் காலிலும் விழுந்து, வாங்கும் போதே நாம் நம் சுயமரியாதையை இழந்து விடுகிறோம். எல்லாவற்றிலும் மேலான இழிவு ஜனநாயகம் நமக்களித்திருக்கும் மிகப் பெரும் உரிமையான “வாக்களித்தல்” எனும் உரிமைக்குப் பணம் வாங்கிக் கொண்டு வாக்கு அளித்தல். இது போல ஒரு கேவலமான போக்கு வேறு எதுவும் கிடையாது. இதற்கு என்னதான் வழி? முரசொலி மாறன் ஒரு திரைப்படத்தில் எழுதிய வசனம் நினைவுக்கு வருகிறது. அதில் புத்த பிட்சு ஒருவர் அசோகச் சக்கரவர்த்தியிடம் உரையாடிக் கொண்டிருக்கிறார்…

அசோகர் சொல்கிறார். “தெளிந்த நீரோடை போன்ற என் மனத்தை அறிவு எனும் கல்லெறிந்து கெடுத்துவிடாதீர் பிட்சுவே,” என்று.

idacஅதற்கு பிட்சு சொல்கிறார், “உலகில் கெடுக்க முடியாத நபர்களே இல்லையப்பா. கேவலம், வெள்ளிப் பணத்துக்காக உடலின்பத்தை அள்ளி அள்ளி வீசும் ஒரு விலைமாதைக் கூடக் கெடுத்து விடலாம், ஒருவன் நல்ல உள்ளத்தோடு அவளைத் திருமணம் செய்து கொள்வதால்” என்று.

இது ஒரு புதிய பார்வை. கெடுத்தல் என்பது நல்லவனைத் தீயவனாகக் கெடுப்பது மட்டுமல்ல. தீயவனை நன்மை செய்து நல்லவனாக மாற்றுவதும், அவன் போக்கிலிருந்து கெடுப்பதும்தான். இன்று நமக்குத் தேவை இந்த உணர்வுதான். தீமையே வாழ்க்கை, தவறுகளே தங்கள் வழி என்று இருக்கும் மக்கள் தங்களைக் கெடுத்துக் கொண்டு நல்லவர்களாக நேர்மையாளர்களாக மாறி நல்ல வழி நடப்பதுதான் நாட்டின் கேடுகளுக்கெல்லாம் அருமருந்து.