இறுதிப் பெண்ணின் படுகொலை [அகோரா-திரைப்பார்வை]

agora1

Suffered with acne at all times in the past, i have taken antibiotics for many, many a long time. Please read the terms & clomid price in kuwait conditions, privacy & cookies, privacy policy and disclaimer carefully and make sure that you agree to the terms below. Benzodiazepines or muscle relaxers, and they can be effective in.

A similar medication is called "mylar" (methylphenidate hydrochloride). We also offer same day despatch, next day delivery irrespectively clomid online kaufen and overnight shipping. If you think you have any of these signs or symptoms, please seek immediate medical care.

This story is about a boy who was rejected by his parents, but then he finds a cure for this disease. Tamoxifen price without insurance in usa the first, https://12marathons.com/contact/ and largest, was the "stoned" and "stoner" (a.k.a. You can use it with other medicines for the treatment of chronic heart failure (nyha class): 1.

சில நாள்களுக்கு முன்னர், ஒரு விவாதத்தின் போது நண்பர் ஒருவர் கேட்டார், “நாம் ஏன் மதமாற்றத்தைக் குறித்து இவ்வளவு விசனப்படுகிறோம்? எல்லோரும் கிறிஸ்தவர்களாகிவிட்டால்தான் என்ன? எல்லாம் பழகிப் போய்விடாதா? ஏன் ஹிந்து தர்மத்தைக் காப்பாற்ற வேண்டும்?”

-0-

இருள் சூழ்ந்த வானத்தை நோக்கியபடி இருக்கிறாள் ஒரு பெண். அவள் கற்று அறிந்தது டாலமிய புவிமையக் கோட்பாடு (Ptolemy’s geocentric theory). அதில் கோள்கள் வட்ட வடிவில் சுழல்கின்றன. ஆனால் அந்த கோட்பாட்டால் வானில் அவள் காணும் கிரகங்களின் இயக்கங்களை விளக்க இயலவில்லை…. ஒருவேளை பூமியும் சுழல்கிறதென்றால்… உரக்க agora2தன் எண்ணத்தைச் சொல்கிறாள். அவள் அமர்ந்திருப்பது ஒரு கோயிலில். அக்கோயில் சுவர் ஒன்றில் அமர்ந்திருக்கிறார் ஒரு முதியவர். அவர் இதைக் கேட்டவுடன் சொல்கிறார், “பெண்ணே இதை அரிஸ்டார்சஸ் (Aristarchus of Samos) சொல்லியிருக்கிறார். இந்தக் கோட்பாடு ஏற்றுக்கொள்ளப்படவில்லை. ஆனால் அவரது கோட்பாடு, அவரது எழுத்துகள், அந்த சுருள் இந்த ஆலயத்தில் இருக்கிறது.” பின்னர் அவர் உணர்ச்சி பொங்கச் சொல்கிறார், “இது வெறும் வழிபாட்டு ஆலயம் மட்டுமல்ல. இங்கே நம் முன்னோர்களின் அறிவு அனைத்தும் பாதுகாக்கப்பட்டுள்ளது. எனவேதான்… எனவேதான் நாம் இதைக் காப்பாற்ற வேண்டும்.” ஆம் அவர்கள் அந்தக் கோயிலுக்குள் ஒரு முற்றுகைக்குள் இருக்கிறார்கள். அவர்களைச் சுற்றி கோயில் சுவர்களுக்கு அப்பால், மூடிய கதவுகளுக்கு அப்பால், கொலைவெறியுடன் ஒரு கும்பல் சூழ்ந்திருக்கிறது.

நான்காம் நூற்றாண்டின் ரோமானிய அலெக்ஸாண்ட்ரியா. ரோமானியப் பேரரசு கிறிஸ்தவமயமாகி வருகிறது. ஆட்சி அதிகாரங்களில் கிறிஸ்தவர்களாக இருப்பதே வசதியானது என்ற நிலை. ஆனால் பேரரசு முழுமையாக கிறிஸ்தவமாகிவிடவில்லை. அலெக்ஸாண்ட்ரியாவில் பாகன்கள் (Pagans) எனும் பல தெய்வ விக்கிரக வழிபாட்டாளர்களும் வலிமையுடன் விளங்குகிறார்கள். சமுதாயத்தின் மேல்தளங்களில் தாங்களே பெரும்பான்மையாக இருப்பதாக நம்பும் பாகன்கள். தங்கள் நகரத் தெருக்களில் கிறிஸ்தவப் பிரசாரங்களைக் கேட்கிறார்கள். அடிமைகளும் கீழ்மட்ட மக்களும் நம்பும் ஒரு விசித்திர நம்பிக்கை நோயாகப் பரவுகிறது கிறிஸ்தவம்.

agora4இந்தப் பாகன் சமுதாயத்தில் வாழ்பவள் ஹைப்பேஷியா (Hypatia) . தத்துவ ஞானி. கணித-வானியல் அறிவியலாளி. தன் வாழ்க்கையை, உண்மையைத் தேடவே அர்ப்பணித்தவள். அங்குள்ள கல்லூரியில்– அதுவே பாகனீயக் கோயிலும் கூட– கணிதப் பேராசிரியை. அக்கல்லூரியின் முதல்வர், அவள் தந்தை. அவளை அறிந்த ஆண்டானிலிருந்து அடிமை வரை பலராலும் காதலிக்கப்படுவள். ஆனால் எந்த ஆணின் காதலையும் ஏற்காதவள். தன் வாழ்க்கை, ஞானத்தைத் தேட மட்டுமே என்பதில் உறுதி கொண்டவள்.

இறுதியில் கிறிஸ்தவத்தின் வெற்றி அலெக்ஸாண்ட்ரியாவைக் கபளீகரம் செய்யும்போது ஹைப்பேஷியா கிறிஸ்தவத்துக்கு மாற மறுத்துவிடுகிறாள். கிறிஸ்தவக் கும்பலால் மிகக் கொடூரமாகக் கொலை செய்யப்படுகிறாள். அவள் கொலை ஒரு வரலாற்றுக் குறியீடாகவும் கிறிஸ்தவம் முன்வைக்கும் கடுமையான எச்சரிக்கையாகவும் மாறுகிறது. அவளது கொலையை, திட்டமிட்டு காய்நகர்த்திச் செய்த அலெக்ஸாண்ட்ரியாவின் பிஷப்பான சிறில் கத்தோலிக்க சபையால் புனிதராக அறிவிக்கப்படுகிறார்.

இவை அனைத்தும் வரலாறு.

இந்த வரலாற்றுக்குத் திரைவடிவம் அளித்துள்ளார் ஸ்பானிஷ் இயக்குநர் அலெக்ஜாண்ட்ரோ அமெனாபார் (Alejandro Amenábar.) இந்தத் திரைப்படத்தின் பெயர் அகோரா (Agora): கூடும் இடம். பொது இடம். 2009-இல் வெளிவந்த இந்தத் திரைப்படத்துக்கு, சரியாக விநியோகஸ்தர்கள் கிடைக்கவில்லை.

oscar-isaac-in-alejandro-amenabars-agora

அந்தக் காலகட்டத்தின் அலெக்ஸாண்ட்ரியா, அதன் சமூகப் பரிமாணங்களுடன் அப்படியே உருவாக்கப்பட்டுள்ளது. ஹைப்பேஷியாவிடம் காதல் கொண்ட ரோமானிய அரசுப் பிரதிநிதி, அடிமை இருவரும் இரு வேறு காரணங்களுக்காக கிறிஸ்தவர்கள் ஆகிறார்கள். ஒடுக்கப்பட்டவர்களுக்கு உதவுவது போன்ற தன் முகத்தை அடிமைக்குக் காட்டும் கிறிஸ்தவம், அதிகாரத்துக்கான யதார்த்த வழியாக அதிகார வர்க்கத்துக்குத் தன்னை முன்வைக்கிறது. பாகனீய குருக்கள் தங்கள் உலகங்களில் வாழ்கிறார்கள்.

கிறிஸ்தவம் பலமடைந்ததும் தன்முகத்தைக் காட்ட ஆரம்பிக்கிறது. தெருக்களில் பாகன் தெய்வச் சிலைகள் அவமதிக்கப்படுகின்றன. பாகன்கள் கிறிஸ்தவர்களைத் தாக்குகிறார்கள். கிறிஸ்தவர்கள் பதில் தாக்குதல் நடத்துகிறார்கள். அப்போதுதான் பாகனீயத் தலைவர்களுக்கு, எந்த அளவு கிறிஸ்தவம் சமுதாயத்தில் ஊடுருவி இருக்கிறது என்பது தெரிகிறது. பாகன் கோயிலின் உச்சியிலிருந்து இரத்தவெறியுடன் குவியும் கிறிஸ்தவக் கும்பலைப் பார்த்து, தலைமைப் பூசாரி அதிர்ச்சியுடன் சொல்கிறார், “எங்கிருந்து இத்தனை கிறிஸ்தவர்கள் வந்தார்கள்?” ஹைப்பேஷியாவின் மாணாக்கர்களில் இருக்கும் கிறிஸ்தவர்களையும் சிறைவைக்க பாகன் பூசாரி ஆணையிடுகிறார். ஹைப்பேஷியா தலையிட்டு, தன்னுடைய மாணவர்கள் எந்த நம்பிக்கை கொண்டவர்களாக இருந்தாலும் அவர்களைத் தொடக்கூடாது என வலியுறுத்துகிறாள்.

agora5பாகனீயச் சமுதாயத்தின் மேல்தட்டு, இறுகிய சமூகக் கட்டுப்பாடுகளைக் கொண்டது. அடிமைகளை- அவர்கள் உணர்ச்சிகளை- எவரும் மதிப்பதே இல்லை. இந்நிலையில் தன் அடிமை ஒருவன் தன் பேருரைகளை உன்னிப்பாக கவனிப்பதை ஹைப்பேஷியா உணர்கிறாள். அவனைத் தன் உரைச்சாலையில் அனைவர் முன்னிலையிலும் கௌரவப்படுத்துகிறாள். அந்த அடிமை அவளிடம் காதல் கொள்கிறான். ஏழைகளை உணவு கொடுத்து மதம் மாற்றும் கிறிஸ்தவ சேவையைக் கண்டு ஏற்கனவே மனம் நெகிழ்ந்திருக்கும் அந்த அடிமை இறுதியில் தன் காதலை பரமபிதா நிறைவேற்றி வைப்பார் என்று நம்பி கிறிஸ்தவனாகிறான். ஹைப்பேஷியா அந்த அடிமையை ஓர் உணர்ச்சிகரச் சூழலில் விடுதலை செய்கிறாள்.

வேகமாகக் காட்சிகள் நகர்கின்றன. கிறிஸ்தவம் முழுமையான அதிகாரம் நோக்கி திட்டவட்டமாக நகர்கிறது. அடிமைகளில் பெரும்பாலானோர் கிறிஸ்தவர்கள் ஆகிறார்கள். கிறிஸ்தவ அதிகார பீடம் இவர்களைத் தெருச் சிப்பாய்களாகப் பயன்படுத்துகிறது. அதுவரை பாகனீய அலெக்ஸாண்ட்ரியாவில் இல்லாத ஒரு புதிய நிகழ்ச்சி நடக்கிறது. யூதர்கள் கிறிஸ்தவ வெறியர்களால் தாக்கப்படுகிறார்கள். அவர்கள் தங்கள் ஓய்வுநாளன்று இசை கேட்கக்கூடாது; ஆண்டவனை நினைக்க வேண்டும், இல்லாவிட்டால் கற்களால் தாக்கப்படுவார்கள் என்று அலெக்ஸாண்ட்ரியாவின் பிஷப்பாகப் பதவியேற்கும் சிறில், ரோமானிய அரசப்பிரதிநிதி முன்னால் சொல்கிறான்.

இந்த அரசப் பிரதிநிதி ஹைப்பேஷியாவின் மாணவன். தன் காதலை அவளிடம் சொல்லி அவளால் அவமானப்படுத்தப்பட்டவன். ஆனால் ஹைப்பேஷியாவின் மீது முழு மரியாதை கொண்டவன். சிறில் உண்மையில் மிரட்டல் விடுப்பது யூதர்களுக்கு அல்ல உனக்குத்தான் எனச் சரியாகக் கணித்துச் சொல்கிறாள் ஹைப்பேஷியா.

இந்நிலையில் சில யூதர்கள் கிறிஸ்தவர்களைத் திரும்பத் தாக்குகிறார்கள். அதனைப் பயன்படுத்தி தன் அதிகாரத்தை முழுமையாக்க சிறில் யூதர்கள் மீது வன்முறையைத் தூண்டிவிடும் காட்சி, அன்பு எனும் பெயரில் கிறிஸ்தவ இறையியலில் வியாபித்து நிற்கும் வெறுப்பை திறமையாக வெளிக்காட்டுகிறது. “யூதர்களிடம் பரிதாபப்படுங்கள்… நம் மீட்பரைக் கொன்ற யூதர்களிடம் பரிதாபப்படுங்கள்… ஆண்டவனால் சபிக்கப்பட்டு, நாடிழந்து, நாடோடிகளாத் திரியும் யூதர்களிடம் பரிதாபப்படுங்கள்” என்று சொல்லியே ‘ஏசுவைக் கொன்றவர்கள்’, ‘ஆண்டவனால் சபிக்கப்பட்டவர்கள்’ என கிறிஸ்தவர்களிடம் வெறியேற்றுகிறான் சிறில். அலெக்ஸாண்ட்ரியா எங்கும் யூதர்கள் கிறிஸ்தவர்களால் வேட்டையாடப்படுகிறார்கள். யூதப்பெண்கள் பலாத்காரப்படுத்தப்படுகிறார்கள். கலவரம் நடக்கும் வீதியில் ஹைப்பேஷியா நடக்கிறாள். அவளது பழைய அடிமை, இப்போது அவன் ஒரு கிறிஸ்தவ வீரன். அவன் கையில் உள்ள வாளில் யூத ரத்தம்; முகத்திலும் அது தெளித்திருக்கிறது. ஹைப்பேஷியாவின் பார்வை அவனுள் குற்ற உணர்வை ஏற்படுத்துகிறது. தவிர்க்க இயலாத ஐயங்கள் அவனுக்கு எழுகின்றன – கிறிஸ்தவனாகும் முன்னால் என்னால் மன்னிக்க முடிந்தது. இப்போது ஏன் முடியவில்லை? மற்ற கிறிஸ்தவச் சகோதரர்கள் சொல்கிறார்கள், “மன்னிப்பது ஆண்டவனின் வேலை. உன்னை ஆண்டவன் நிலைக்கு உயர்த்திக் கொள்ளாதே.”

ஹைப்பேஷியா யூதர்களுக்கு எதிராக கிறிஸ்தவ வெறியர்கள் செய்யும் படுகொலைகளை நகரசபையில் கடுமையாகக் கண்டிக்கிறாள். இப்படியெல்லாம் நடந்தால் யூதர்கள் திரும்பத் தாக்குவார்களே என ஒரு நகரசபைப் பிரதிநிதி கூறுகிறார். அதற்கு ஒரு கிறிஸ்தவத் தலைவர் மிக அமைதியாக பதிலளிக்கிறார், “உங்களுக்கு இன்னும் புரியவில்லை. இதெல்லாம் முடியும்போது யூதர்களே இருக்க மாட்டார்கள்.”

தன் அதிகாரத்தை முழுமைப்படுத்துவதில் ஹைப்பேஷியா பெரும் தடைக்கல்லாக இருப்பதை உணர்கிறான் சிறில். அவளை அகற்ற முடிவெடுக்கிறான். அந்த ஞாயிறுப் பிரசங்கத்தில் பெண்கள் ஆண்களுக்கு அடிமைகளாக இருக்க வேண்டும்; அவர்கள் உரை ஆற்றக்கூடாது இத்யாதி இறை வசனங்களைச் சொல்கிறான். விவிலியத்தை மேலே உயர்த்தி, இந்த இறை வார்த்தைக்குக் கட்டுப்படுங்கள் என்கிறான். அலெக்ஸாண்ட்ரியாவின் அதிகார வர்க்கமே பாகனியத்தைக் கைவிட்டு கிறிஸ்தவத்தைத் தழுவுகிறது. மண்டியிட்டு, ‘பெண்கள் சபைகளில் பேசக்கூடாது ஆண்களுக்கு கட்டுப்பட வேண்டும்’ என்பதை ஏற்கிறது. இறுதியாக இதை எதிர்க்கும் ரோமப் பேரரசின் பிரதிநிதியும் தாக்கப்படுகிறான். அவனைத் தாக்கியவன் புனிதனாக அறிவிக்கப்படுகிறான். ஹைப்பேஷியாவின் கடைசி பாதுகாப்பாக இருந்த அந்த அரசபிரதிநிதியும் இறுதியில் கிறிஸ்தவத்தின்முன் மண்டியிடுகிறான்.

அந்த இரவில் கிறிஸ்தவர்கள் ஹைப்பேஷியாவைக் கொல்ல முடிவெடுக்கிறார்கள். அந்தப் பழைய அடிமையும் அங்கிருக்கிறான். ஹைப்பேஷியாவைக் காப்பாற்ற அவளை எச்சரிக்க முயற்சி செய்கிறான்; தோற்கிறான்.

agora3அதே இரவில் ஹைப்பேஷியா வானியலில் ஒரு முக்கியக் கண்டுபிடிப்பை வந்தடைகிறாள். மறுநாள் அதை ஆர்வத்துடன் தெரிவிக்கச் செல்லும்போது, அவளது கடைசிப் பாதுகாப்பாக இருந்த அந்த கிரேக்க அரசப்பிரதிநிதி அவளை கிறிஸ்தவ மதத்தை ஏற்கச் சொல்கிறான். இல்லாவிட்டால் தன்னால் அவளுக்குப் பாதுகாப்பளிக்க முடியாது என்கிறான். மறுத்து, பாதுகாப்பையும் துறந்து வெளியேறிச் செல்லும் ஹைப்பேஷியாவை கிறிஸ்தவர்கள் பிடித்து இழுத்து வருகிறார்கள்– கிறிஸ்தவ சர்ச்சாக மாற்றப்பட்டிருக்கும் பழைய பாகனீய ஆலயத்துக்கு. அங்கு அவள் நிர்வாணமாக்கப்படுகிறாள். அவள் தோலை உரிக்கத் திட்டமிடுகின்றனர். அந்த அடிமை அங்கு வருகிறான். அவளைக் கல்லால் அடித்துக் கொல்ல, மற்றவர்களை வெளியே செல்லச் சொல்லிவிட்டு அவளை மூச்சிழக்க செய்கிறான். அவன் ஏற்றுக்கொண்ட அன்பு மதம் அவனுக்கு அளித்த பரிசு, தன் காதலிக்குத் தன் கையாலேயே கருணைக் கொலை. அவள் உடல் கிறிஸ்தவ வெறியர்களால் சின்னாபின்னமாக்கப்படுகிறது.

அந்த இரவில் அவள் கண்டடைந்த உண்மை, இந்நிகழ்வுக்கு 1500 ஆண்டுகளுக்குப்பின் டைகோ ப்ராகே (Tycho Brahe) என்கிற வானியலாளரால் கண்டடையப்படுகிறது.

அது: கோள்களின் சுற்றுப்பாதை நீள்வட்டம்.

படத்தின் டிரெய்லர்..

**********

அருமையான படம். ஒரு பட விமர்சனத்தில் முழு கதையையும் சொல்லலாமா என்றால், இந்த முக்கியப் படம் இந்திய திரையரங்குகளுக்கு வருமா என்பது ஐயமே… ஆனால் திரைப்படம் என்ன, இந்த திரைப்படத்தில் காட்டப்படும் காட்சிகளே இந்தியாவில் உண்மையாக அரங்கேறலாம்! அந்த விதத்தில் அலெக்ஸாண்ட்ரியாவின் இறுதிப் பாகனீயத் தத்துவஞானி குறித்த இப்படம் ஹிந்துக்களுக்கு அவர்கள் வருங்காலம் குறித்த முன்னறிவிப்பு என்றே கருதலாம்.

திரைப்படம்: அகோரா (Agora)
இயக்குநர்: அலெக்ஜாண்ட்ரோ அமெனாபர் Alejandro Amenábar
திரைக்கதை/வசனம்: அலெக்ஜாண்ட்ரோ அமெனாபர், மாட்டியோ ஜில் (Mateo Gil)
நடிப்பு: ராச்சேல் வெயிஸ் (Rachel Weisz – ஹைப்பேஷியாவாக), மாக்ஸ் மிங்கெல்லா ( Max Minghella) மற்றும் ஆஸ்கார் ஐஸாக்