இந்தியாவில் இஸ்லாமிய பயங்கரவாதம் – 14

முந்தைய பகுதிகள் :

They believe in a future where everyone gets a fair shot, no matter who they are, and no one is left behind. I would recommend it to Bad Essen anyone with depression and. We will discuss the common causes of these problems and look at some ways of getting well fast.

This is made possible because of the very low prices online that the online pharmacies offer. In addition, certain prescriptions may be profanely subject to prior authorization or authorization by a third party, such as a third-party payer or other governmental agency. The number of deaths related to antibiotic-resistant bacteria is on the rise.

You may experience side effects, including drowsiness and dizziness. And when we say popular, we mean that it's also the macrobac 250 mg price Dharangaon most wildly popular. First, it’s not a big pill, and second, it contains everything in one pill, which is something you can’t get anywhere else.

சென்ற பகுதியில்  இஸ்லாமிய பயங்கரவாதம் எவ்வாறு தலைதூக்கியது என்றும், மகாராஷ்ட்ர மாநிலத்தில் உள்ள முக்கிய நகரங்களில் தங்களது தாக்குதல்களை நடத்துவதற்கு உதவிகரமாக சிமி எவ்வாறு செயல்பட்டது  என்பதைப் பற்றியும் எழுதப்பட்டுள்ளது.

இந்த கட்டுரையிலும் மகாராஷ்ட்ர மாநிலத்தில் நடந்த சில சம்பவங்கள் மூலம் பயங்கரவாதிகள் செயல்பட்டது பற்றிய விவரங்களை சிலவற்றை மட்டும் பார்க்கலாம். குறிப்பாக பூனாவில் ஜெர்மன் பேக்கரியில் நடத்திய குண்டுவெடிப்பு முக்கியமானதாகும்.  இந்தியாவில் நடைபெற்ற பயங்கரவாத தாக்குதலுக்கு பாகிஸ்தான் முக்கிய காரணம் என தெரிந்தும், இந்திய அரசு பாகிஸ்தானை தனிமை படுத்த எவ்விதமான நடவடிக்கையும் எடுக்கவில்லை என்கின்ற ஆதங்கம் நாட்டு மக்களிடையே அதிக அளவில் இருந்தது என்பதையும் மறுக்க இயலாது.

புனேயில் நடந்த குண்டு வெடிப்பைத் தொடாந்து இந்திய-பாகிஸ்தான் பேச்சுவார்த்தை தொடர வேண்டுமா என்கின்ற கேள்வி எழுந்தது.  நாட்டைச் சீர்குலைக்க பயங்கரவாதத்தை ஒரு ஆயுதமாகப் பயன்படுத்திவரும் சூழ்நிலையில் இது அவசியமா என பல்வேறு தரப்பினர் கேள்வியை எழுப்பினார்கள்.   1981-ஆம் ஆண்டு காலிஸ்தான் தீவிரவாதிகளை பாகிஸ்தான் ஆதரிக்க முன்வந்த போதும் இம்மாதிரியான கேள்விகள் எழுந்தன.  இது போன்ற  கேள்விகள் எழுவதற்கு முக்கியமான காரணங்கள் இருந்தன.  பாகிஸ்தானின் ஐ.எஸ்.ஐ தூண்டுதலின் பேரில் லஷ்கர்-இ-தொய்பா தாக்குதலை நடத்துகிறது, இவர்களுக்கு உதவி புரிவதற்காகவே இந்தியாவில் சிமி இயக்கத்திற்கு முழு ஆதரவை பாகிஸ்தான் கொடுத்து வருகிறது என்ற உண்மை தெரிந்ததால் இந்த கேள்வி எழுகிறது.

இந்த நாட்டின் துரதிர்ஷ்டம் குண்டுவெடிப்பு சம்பவங்கள் நடந்தவுடனே, ஆளும் கட்சியினர் சிறுபான்மையினரின் வாக்கு வங்கிக்காக குண்டுவெடிப்பின் காரணங்களைத் திசைதிருப்பக் கூடிய  செயலும் நடைபெறுகின்றது.  ஆனால் புனே குண்டு வெடிப்பு இஸ்லாமிய பயங்கரவாதிகளின் செயல்பாடுதான் என்று உள்துறை அமைச்சர் திரு ப.சிதம்பரம், மற்றும் அதிகாரிகளின் அறிக்கையும் கூட  இஸ்லாமிய பயங்கரவாதிகளின் செயல்பாடுகள் என உறுதிப்படுத்த பட்டன.  ஆனால், ஏன் ஜெர்மன் பேக்கரியில் மட்டும் குண்டு வைத்தார்கள்?  அதுவும் நேஷனல் இன்வெஸ்டிகேட்டிவ் ஏஜென்ஸி துவக்கப்பட்ட போது இந்த தாக்குதல் நடந்துள்ளது, என்பது ஆழ்ந்து சிந்திக்க வேண்டிய தருனமாகும்.

புனே குண்டு வெடிப்பு சம்பந்தமாக சில கேள்விகள் எழுகின்றன.  இந்த குண்டுவெடிப்பின் குற்றவாளிய லஷ்கர்-இ-தொய்பாவின் பொறுப்பாளர் பயங்கரவாதி ஹெட்லி மற்றும் அவனது கூட்டாளி ஹுசைன் ரானா ஆகியோரின் இந்திய பயனம் பற்றிய விசாரணை இன்னும் நடைபெறவில்லை.  இதற்கான காரணங்கள் அமெரிக்காவின் மீது சுமத்தினாலும் இந்திய அரசு இது சம்பந்தமாக எவ்வித முழு முயற்சியும் எடுக்கவில்லை.  புனேவில் உள்ள இஸ்ரேலியர்கள் மீது தாக்குதல் நடத்த வேண்டும் என ஹெட்லி கூறியதாக அமெரிக்காவின் உளவு நிறுவனம் தெரிவித்திருந்தது.  ஆனால் இஸ்ரோலியர்கள் அதிக அளவில் வந்து போகும் இடமான சத்பாத் ஹவுஸும் மேற்கத்தியர்கள் அதிக அளவில் வந்து போகும் ரஜ்னீஷ் ஆஸ்ரமும் ஜெர்மன் பேக்கரிக்கு அருகில் இருந்தும் அவை இரண்டும் தாக்கப்படவில்லை.  இஸ்ரேலியர்களை குறி வைக்க வேண்டும் என்ற நோக்கத்தை விட வேறு முக்கியமான நோக்கம் இருப்பதாக தெரிகிறது.  இது பற்றிய முழு விவரங்களும் முறையான விசாரணை நடத்தப்படும் போது தெரியவரும். 2002ஆம் ஆண்டு முதல் 2008ஆம் ஆண்டு வரை இஸ்லாமிய பயங்கரவாதிகள் நடத்திய தாக்குதல்களில் ஒரே நாளில் பல்வேறு இடங்களில் குண்டு வெடிப்பு சம்பவங்கள் நடைபெற்றுள்ளன.  அதாவது உத்திரப்பிரதேசம், ஜெய்பூர் பெங்களுர்,

அகமதாபாத், டெல்லி, மும்பை போன்ற இடங்களில் நடந்த தாக்குதல்கள் ஒரே நாளில் பல இடங்களில் குண்டு வெடிப்பு நடந்துள்ளது. ஆனால் புனேவில் நடந்த தாக்குதல் முற்றிலும் மாறுபட்டதாக இருக்கிறது.  இதற்குரிய காரணத்தைக் கண்டுபிடிக்க வேண்டும். இந்தச் சதி திட்டத்திற்குப் பின்னால் ஒருவர் மட்டும் இருந்தாரா அல்லது இதற்கு பல்வேறு அமைப்புகள் திட்டமிட்டதா என்பதையும் கண்டுபிடிக்க வேண்டும். 2008ஆம் ஆண்டு நவம்பர் மாதம் 26ஆம் தேதி மும்பையில் நடந்த பயங்கரவாதத் தாக்குதலை எளிதில் மறக்க இயலாது.  இந்த தாக்குதல் சம்பந்தமாக அமெரிக்காவில் ஹெட்லியும், ராணாவும் கைது செய்யப்பட்டதே ஒரு தனிக் கதையாகும்.  இந்தியாவில் நடந்த தாக்குதலில் தொடர்புடையவர்களை கைது செய்ய வேண்டிய அவசியம் அமெரிக்காவிற்கு ஏன் வந்தது. இந்தக் கேள்விக்கு சரியான பதில், மும்பை தாக்குதலில் 166 பேர்கள் கொல்லப்பட்டார்கள், கொல்லப்பட்டவர்களில் அமெரிக்காவைச் சார்ந்தவர்கள் ஆறு பேர்கள்.  இறந்து போன ஆறு பேர்களுக்காக சிகாகோவில் வழக்கு தொடரப்பட்டது.  இந்த வழக்கின் காரணமாக சிகாகோ காவல் துறையினர் தீவிர விசாரணையில் ஈடுபட்டார்கள்.

இந்தத் தீவிர விசாரணையில் 2009ஆம் ஆண்டு செம்டம்பர் மாதம் டேவிட் கோல்மென் ஹெட்லியும் அவனது கூட்டாளியான தகாவ்வுர் ஹுசைன் ராணா என்பவனையும் கைது செய்து சிறையில் அடைத்தார்கள். கைது செய்யப்பட்டு தொடர் விசாரணையின் போது, இந்தியாவில் அல்கொயிதாவினர் இருப்பதாகவும், அவர்களுக்குத் தேவையான அனைத்து உதவிகளையும் பாகிஸ்தானின் ஐ.எஸ்.ஐ கொடுப்பதாகவும் தெரியவந்தது.  அல்கொய்தா என்ற பயங்கரவாத அமைப்பின் தீவிர உறுப்பினராக இருந்து செயல்பட்டவன் ஹெட்லி, பலசரக்குக் கடை நடத்தி வந்த ராணாவுடன் நெருங்கிய தொடர்பு கொண்டதின் விளைவாக ராணாவும் அல்கொய்தா இயக்கத்தின் மீது அதி தீவிர ஈடுபாடு கொண்டதால், இருவரும் சேர்ந்து அல்கொய்தாவில் பயிற்சி பெற்றார்கள்.

இவர்கள் இருவரும் மும்பை தாக்குதலுக்கு திட்டம் வகுத்தவர்கள் மட்டுமில்லாமல், டென்மார்க்கில் இருந்து வெளிவரும் ஒரு தினப்பத்திரிகை மத ரீதியிலான சர்ச்சைக்குரிய கார்ட்டூனை வெளியிட, அது உலகம் முழுவதும் கொந்தளிப்பானது.  இதன் காரணமாக அந்தக் கேலிச்சித்திரத்தை வரைந்த பத்திரிக்கையைத் தாக்கிய சம்பவத்தில் இருவருக்கும் தொடர்ப்பு இருந்தது விசாரணையில் தெரியவந்தது.  இந்தத் தாக்குதலைப் போலவே லஷ்கர்-இ-தொய்பாவுடன் தொடர்பு கொண்டு பல்வேறு இடங்களில் நடந்த பயங்கரவாதத் தாக்குதலுக்குக் காரணமாக விளங்கியவர்கள் என்பதும் இவர்களது விசாரணையில் ஒப்புக் கொள்ளப்பட்ட வாக்குமூலமாகும்.

இவர்களது வாக்குமூலத்தின்படி இந்தியாவை சுக்கு நூறாக உடைக்க வேண்டும் என்பதுதான் லஷ்கர்-இ-தொய்பாவின் அடிப்படை நோக்கமாகும். இந்த நோக்கம்  பாகிஸ்தான் இந்தியாவின் மீது எந்த விதமான நோக்கத்தை கொண்டுள்ளதோ அதே நோக்கத்தை லஷ்கர் அமைப்பும் கொண்டுள்ளது.  மும்பை குண்டு வெடிப்பிற்காக 32 பேர்களுக்கு பயிற்சி கொடுக்கப்பட்டதாகவும், இவர்களில் 13 பேர்கள் லஷ்கர்-இ-தொய்பாவின் தலைமையிடமான முரிக்கேயில் பயிற்சி பெற்றவர்கள் என்றும், இவர்களில் 16 பேர்களுக்கு ஜாகியுர் ரஹ்மான் ரகசிய ஆப்ரேஷனுக்காக தனியாகப் பயிற்சி கொடுத்தான் என இவர்களில் ஒருவனான கசாப் மும்பை போலீசிடம் தெரிவித்தான்.  மும்பை தாக்குதலுக்கு ஒருங்கிணைப்பு நடந்த இடம் பொது மக்களின் பார்வையிலிருந்து வெகுவாக விலகியிருக்கும் பாகிஸ்தான் ஆக்கிரமிப்பு காஷ்மீர் பகுதியின் தலைநகரான முசாஃபராபாதின் ஷவாய் நாலா என்ற பகுதியாகும்.  இந்த பகுதி  லஷ்கர்-இ-தொய்பாவின் ஆயுதக் கிடங்கு உள்ள பகுதியாகும்.

இந்தியாவில் அல்காயிதா

மும்பை குண்டு வெடிப்பிற்கு பின் இந்தியாவில் அல் காயிதா அமைப்பினர் இருப்பதாக தகவல்கள் வெளி வரத் தொடங்கின. ஆனால் 1993லிருந்து அல் காயிதாவுக்கு ஆதரவான இயக்கங்கள் காஷ்மீர் மாநிலத்தில் இருந்தன.  அல் காயிதாவிற்கு ஆதரவான இயக்கங்களான ஹர்கத்-உல்-ஜிகாத்-அல்-இஸ்லாமி, லஷ்கர், ஹர்கத்-உல்-முஜாஹிதின் போன்ற அமைப்புகள் காஷ்மீரில் ஊடுருவ பாகிஸ்தானின் ஐ.எஸ்.ஐ. திட்டமிட்டு செயல்படுத்தியது.  2008 நவம்பர் மாதம் 26ந் தேதி மும்பையில் நடந்த தாக்குதல்களில் லஷ்கர்-இ-தொய்பாவின் நேரடி தொடர்ப்பு இருந்தாலும், இவர்களுக்கு முழு பயற்சி கொடுத்தது அல் காயிதா இயக்கத்தினர் என்பது கசாப்பின் விசாரணணயில் தெரியவந்தது.  மும்பைத் தாக்குதல்களுக்கு மூளையாக செயல்பட்ட ஹஃபீஸ் அகமது சயீத் அல் காயிதாவின் பயிற்சியாளர் என்பது முக்கியமான செய்தியாகும்.

அல் காயிதாவின் முதல் உறுப்பினர் முகமது நியாய் (Mohammad Niaz) என்பவன்.  இவன் திருச்சியைச் சார்ந்த பொறியாளர். இவன் தனது 21வது வயதில் சிமி இயக்கத்தில் தன்னை இணைத்துக்கொண்டவன்.  இவன் ஃபிரான்ஸ் நாட்டில் உள்ள Charles de Caulle Airport ல் மே மாதம் 10ஆம் தேதி கைது செய்யப்பட்டான். இந்தத் தகவல்களை 24.5.2011ஆம் தேதி டெல்லியில் உள்துறை அமைச்சர் ப.சிதம்பரம் பத்திரிக்கையாளர்கள் மத்தியில் வெளியிட்டார்.  2011ஆம் ஆண்டு ஏப்ரல் மாதம் ஃபிரான்ஸ் அரசு தேடப்படும் பயங்கரவாதிகளாக 7  நபர்களை அறிவித்திருந்தது, அறிவித்த ஏழு பேர்களில் முகமது நியாய் ஒருவன்.  ஹர்கத்-உல்-முஜாஹ_தின் மற்றும் பங்களாதேஷ் நாட்டிலிருந்து செயல்படும்  ஹர்கத்-உல்-ஜிகாத்-அல்-இஸ்லாமி, ஆகிய இரண்டு அமைப்புகளும் அல் ஜிகாத் என்ற பெயரில் தனியாக இயங்கின.  இந்த இயக்கத்தைத் துவக்கியவர்கள் அல் காயிதாவினர் என்பது முக்கியமானதாகும்.   இந்த இயக்கத்தின் திட்டமானது Jihad against the Crusaders என்பதாகும், இது பின்லேடனின் முக்கிய நோக்கமாகும்.  1999இல் இன்டர்நேஷனல் இஸ்லாமிக் ஃபரண்ட் என்ற அமைப்பில் ஹுஜி மற்றும் லஷ்கர் அமைப்பும் இணைந்தது.  ஆகவே இந்தியாவில் உள்ள அனைத்து இஸ்லாமிய பயங்கரவாத இயக்கங்களும் ஏதேனும் ஒரு வழியில் அல் காயிதாவுடன் தொடர்பு கொண்டு செயல்படுகின்றன.

புனா தாக்குதல் நடந்து சில நாட்கள் கழிந்த பின் அல் காயிதாவின் முக்கிய கமாண்டரான இலியாஸ் காஷ்மீரி என்பவன் விடுத்த செய்தி முக்கியமானதாகும்.  மீடியாவிற்கு கொடுத்த செய்தியில் காஷ்மீர் மாநிலத்தில் 313 பிரிகேட்கள் அல் காயிதாவின் பிரிவுகளாக செயல்படுகின்றன, இந்திய ராணுவம் காஷ்மீரிலிருந்து வெளியேறவில்லை எனில் நாட்டின் பிற பகுதிகளில் தாக்குதல் தொடரும் என செய்தி கொடுக்கப்பட்டது. இதற்காக டெல்லியில் நடந்த காமன்வெல்த் விளையாட்டுப் போட்டியையும் சீர்குலைக்கும் நோக்கத்துடன் செயல்படுவதாகவும் செய்தியில் குறிப்பிடப்பட்டிருந்தது.  இதற்காகவே உலக நாடுகளுக்கு எச்சரிக்கை விடுக்கும் விதமாக 2010இல் இந்தியாவில் நடக்கும் உலக ஹாக்கி போட்டி,  இந்தியன் பிரிமியர் லீக் விளையாட்டு போட்டி, காமன்வெல்த் விளையாட்டு போட்டியில் எவரும் கலந்து கொள்ள கூடாது, மீறிக் கலந்து கொண்டால் ஏற்படும் விளைவுகளுக்கு நாங்கள் பொறுப்பில்லை என்பது போல் எச்சரிக்கை விடுக்கப்பட்டது.  ( “ We warn the international community not to send their people to the 2010 Hockey World Cup, the Indian Premier League and Commonwealth Games – to be held inNew Delhilater this year.  Nor should their people visitIndia-if they do, they will be responsible for the consequences.”)  புனோ குண்டு வெடிப்பிற்கு பின் இந்திய அரசானது, இந்தக் குண்டுவெடிப்பில் பாகிஸ்தானிலிருந்து இயங்கும் ஜமாத்-உத்-தவா என்ற அமைப்பும் லஷ்கர்-இ-தொய்பாவும் கூட்டு சதி செய்தது, இவர்களுக்கு மூளையாக இருந்து  செயல்பட்டது அல் காயிதா என்ற இயக்கம் என தனது அறிக்கையில் வெளியிட்டார்கள்.

2010ஆம் ஆண்டு பிப்ரவரி 4ஆம் தேதி பாகிஸ்தான் ஆக்கிமித்த காஷ்மீர் பகுதியில் காஷ்மீர் ஒற்றுமை தினம் (Kashmir Solidarity Day) கொண்டாடப்பட்டது.  இந்த கொண்டாடத்தில் கலந்து கொண்டவர்கள் பேசியது: “அல்காயிதா, லஷ்கர்-இ-தொய்பா, ஜமாத்-உத்-தவா ஆகிய மூன்றும் இணைந்துதான் இந்தியாவில் நடக்கும் பயங்கரவாதத் தாக்குதல்களைத் திட்டமிட்டன.”

இதற்கு வலு சேர்க்கும் விதமாக பின்லேடனின் இயக்கமான அல்காயிதாவில் வெளிநாடுகளில் நடத்தும் தாக்குதலுக்கு என தனியாக ஒரு அமைப்பு உள்ளது, அதற்கு இன்டர்நேஷனல் இஸ்லாமிக் ஃப்ரண்ட் எனப் பெயர்;  இந்த அமைப்பில் நான்கு முக்கியப் பிரிவுகள் உள்ளன; அவை ஹர்கத்-உல்-முஜாஹ_தின், ஹர்கத்-உல்-ஜிகாத்-அல்-இஸ்லாமி, ஜெய்ஜி முகமது, லஷ்கர்-இ-தொய்பா என நான்கு பிரிவுகள் உள்ளது.  இந்த பிரிவுகள் அனைத்தும் ஜம்மு காஷ்மீர் உட்பட நாட்டின் பிற பகுதிகளில் செயல்பட்டு கொண்டு இருக்கின்றன.

மும்பை தாக்குதல்களில் பாகிஸ்தானைச் சார்ந்தவர்கள் அதிக அளவில் தாக்குதல்களில் ஈடுபட்டார்கள்.  பிடிப்பட்ட அஜ்மல் அமிர் கசாப் பாகிஸ்தானின் ஒகாரா என்ற ஊரைச் சார்ந்தவன். தாஜ் ஹோட்டலைத் தாக்கியவர்கள் அப்துல் ரஹ்மான் முல்தான் மாவட்டத்துக்காரன், ஒகாரவைச் சேர்ந்தவன் அபு அலி என்பவன், அபு சோயிப் பாகிஸ்தானின் சியால்கோட்டைச் சார்ந்தவன், அபு உமர் ஃபைஸாலாபாத்தைச் சேர்ந்தவன். தூஸ் ஹோட்டலை தாக்கியவர்கள் பாகிஸ்தானைச் சார்ந்தவர்கள்  என்றால் ட்ரைடன்டை தாக்கியவர்களும் நரிமன் ஹவுஸை தாக்கியவர்களும் பாகிஸ்தானை சார்ந்தவர்கள்.  ஆகவே அல்காயிதாவின் திட்டமான அமெரிக்காவிற்கும், இஸ்ரேலுக்கும் ஆதரவான நாடுகளை தாக்குவது என்ற திட்டத்தின் அடிப்படையில் இந்தியாவில் உள்ள முக்கிய நகரங்களை தாக்குகின்ற காரியங்களை செய்து வருகிறார்கள்.

பயங்கரவாதச் செயல்கள் செய்வதற்கு ஆட்களைத் தேர்வுசெய்வதில் கூட இவர்கள் கடைபிடிக்கும் வழிமுறைகள் வித்தியாசமானவையாகும்.  பாகிஸ்தான் முழுவதும் இவர்களுக்கு அலுவலங்கள் உள்ளன.  பஞ்சாபில் உள்ள ஜமாத் உத் தவா என்கிற அமைப்பின் அலுவலங்கள் மூலமாகவே ஆட்கள் எடுக்கப்படுகிறார்கள்.  அவ்வாறு தேர்வு செய்யப்படுபவர்களை பைதுல் முஜாகிதீனுக்கு அனுப்பப்பட்டு அங்கே அவர்களுக்கு அடையான அட்டை தரப்படுகிறது.  இந்த அடையான அட்டையின் மூலம் தேர்வு செய்யப்பட்டவர்களின் குடும்பங்களை ஐ.எஸ்.ஐ மற்றும் லஷ்கர் மூலமாக கண்காணிக்கப்படுகிறார்கள்.  தேர்வு செய்யப்பட்டவர்களுக்கு உம்மல்குரா எனும் அடர்ந்த காட்டுப்பகுதியில் பயிற்சி கொடுக்கப்படுகிறது.  இவர்களுக்கு முழுப் பயிற்சி என முக்கியமான ஏழு விதமான பயிற்சிகள் கொடுக்கப்படுகின்றன. இந்தப் பயிற்சிகளைக் கொடுப்பதற்காகவே பாகிஸ்தான் ராணுவத்திலிருந்து ஓய்வு பெற்ற முக்கியமான நம்பகமான ராணுவ அதிகாரிகள் இருக்கிறார்கள். இந்தப் பயிற்சியில் ஆயுதங்கள் கையாள்வது, சுடுவது, உளவு மற்றும் தொடர்பு பற்றிய நுட்பமான பாடங்கள் பயிற்சி அளிக்கப்படுகின்றன.  இந்தப் பயிற்சியுடன் பயங்கரவாதத் தாக்குதல் நடத்தும் இடத்தின் அமைப்புகள் மற்றும் அங்குள்ளவர்களின் மனநிலையைக் கூட பாடமாக போதிக்கிறார்கள்.

பயங்கரவாதத் தாக்குதலுக்கு ஆட்கள் கிடைத்தவுடன் அவர்களுக்குப் பயிற்சி கொடுப்பதில் கூட அல் காயிதாவின் போதனைகள் அதிக அளவில் உள்ளன.  ஜிகாதிகளுக்கு மூளைச்சலவை செய்வதற்காகவே காஷ்மீர் ஜல் ரஹா ஹை என்ற பிரசாரப்படம் காண்பிக்கப்படுகிறது; அதாவது காஷ்மீர் எரிந்து கொண்டிருக்கிறது என்ற படமாகும்.  இந்த பிரசாரப்படத்தைப் போலவே காஷ்மீரில் கொல்லப்படும் வீரர்களைப் போற்றிப் பாடுவது, இதன் மூலம் காஷ்மீர் பகுதியிலிருந்து தங்களின் பயங்கரவாதத் தாக்குதலுக்கு வருபவர்களின் மனநிலையை அதிகரிப்பதும் இந்த திட்டத்தின் ஒரு அம்சமாகும்.

இவர்களுக்கு ஏழுவிதமான பயிற்சிகள் கொடுக்கப்பட்டாலும், ஐந்து வகைப் பயிற்சிகள் முக்கியமாக இந்த பயங்கரவாத ஜிகாதிகளுக்கு பயிற்சி அளிக்கப்படுகிறது.  தௌர்-இ-ஆம்  இந்த பயிற்சி 21 நாட்கள் அடிப்படை பயிற்சியாகும், இதில் ஏகே.47 ரக துப்பாக்கி, 9 எம்.எம்.கைத் துப்பாக்கி இலகு ரக எந்திரத் துப்பாக்கி, கையெறி குண்டு கையாளுதல் போன்ற பயிற்சிகள் சொல்லித் தரப்படும்.  தௌர்-இ-காஸ் என்பது இரண்டாவது பயிற்சியாகும். இது மூன்று மாத சிறப்பப் பயிற்சி. துப்பாக்கிகளைக் கழற்றி மாட்டுதல், வரைபடங்கள், ஜி.பஜ.எஸ் பயன்படுத்துதல், கொரில்லா தாக்குதல் கற்றுத் தரப்படும், அதிரடித் தாக்குதல்கள், பதுங்கி நடத்தும் தாக்குதல், எவ்வாறு ஒளிந்து கொள்வது, உயிர் பிழைத்திருப்பது என்பது பற்றி கற்றுத் தரப்படும். மூன்றாவது பயிற்சியின் பெயர் பைதுல் ரிஸ்வான் என்பது, இது நதிகளைக் கடக்கவும், வெடிகுண்டுகளைக் கையாளவும் கற்றுத் தரப்படுகிறது.  நான்காவது பயிற்சியின் பெயர் தௌர்-இ-ரிபாத் என்பதாகும்.  இந்த நான்காவது பயிற்சியில் பிரசாரம், உளவு சேகரிப்பு, ஏஜென்டுகளைக் கையாளுதல், சதித் திட்டங்களைக் கையாளுதல் முதலிய துறைகளின் நுணக்கங்களைக் கொண்ட உளவுப் பயிற்சியாகும்.  இறுதியான ஐந்தாவது பயிற்சியின் பெயர் ஃபிதாயீன் பயிற்சி.  அதாவது 200 தன்னார்வல்களில் ஒருவன் மட்டும் தற்கொலைப் படையில் சேர முன்வருகிறான்.  மன உறுதி, உடல் உறுதியை ஏற்படுத்த அவனுக்கு பல்வேறு பயிற்சிப் பாடங்கள் கற்றுத்தரப்படுகின்றன.

ஆகவே பயங்கரவாதத் தாக்குதல் நடத்துவதற்கு தேர்வு செய்யப்படும் ஆட்களுக்கு முக்கியமான ஐந்து பயிற்சிகள் கட்டாயமாகக் கொடுக்கப்படுகிறது. 2006ஆம் ஆண்டு ஜூலை மாதம் 11ஆம் தேதி மும்பை குண்டுவெடிப்பு நடந்த அதே காலகட்டத்தில் அமெரிக்காவில் திரவ எரி பொருள் கொண்டு குண்டு வீசி 10 விமானங்கள் நாசம் செய்யப்பட்டன.  இந்த இரண்டு சம்பவங்களிலும் ஈடுபட்ட பயங்கரவாத அமைப்பு லஷ்கர்-இ-தொய்பாவாகும் என்பது விசாரனையில் தெரியவந்தது.  இந்த விசாரணையில் செய்தி வெளிவந்தவுடன், பல்வேறு தரப்பிலிருந்து லஷ்கர்-இ-தொய்வாவிற்கும் அல்காயிதாவிற்கும் உள்ள தொடர்பு பற்றி கேள்விகளும், விசாரணணகளும் அதிக அளவில் எழத் துவங்கின.

ஓசாமா பின்லோடன் ஒரே சமயத்தில் இரண்டுவிதமான பொறுப்புகளை  வகித்து வந்தார்.  இதற்காக இஸ்லாமிய மயமாக்கும் முயற்சியில் ஈடுபட்டுள்ள அனைத்து விதமான இஸ்லாமிய இயக்கங்களை ஒருங்கிணைத்து இண்டர்நேஷனல் இஸ்லாமிக் ஃப்ராண்ட் என்ற அமைப்பும், இந்த அமைப்பின் கீழ் உலகில் உள்ள அனைத்து இஸ்லாமிய பயங்கரவாத அமைப்புகளும் உள்ளடக்கியது, இதன் தலைவர் ஒசாமம பின்லோடன், இதைப் போலவே அல்காயிதா இயக்கதின் தலைவரும் இவரே, என இரண்டு தலைமை பதவிகளையும் தன்னகத்தே வைத்திருந்தார்.

உண்மையில் அல் காயிதா இயக்கத்திற்கு இந்திய இஸ்லாமியர்கள் அதிக அளவில் தங்களை இணைத்துக் கொண்டார்களா என்பதை பற்றிய ஆய்வு செய்த போது, இன்னும் பல தகவல்கள் கிடைத்தன.  1980இல் ராஜீவ் காந்தி பிரதமராக இருந்த போதே, இந்திய இஸ்லாமியர்கள் மத்தியில் தீவிரமயமாதல் என்ற எண்ணம் தலைதூக்கத் துவங்கிவிட்டது.  ஜம்மு-காஷ்மீர் பகுதியிலிருந்து இஸ்லாமிய இளைஞர்களில் சில குழுக்கள் எல்லைக் கோட்டை தாண்டி பாகிஸ்தானுக்கு சென்றனர். பாகிஸ்தானில் உள்ள ஐ.எஸ்.ஐ மூலம் பயங்கரவாதப் பயிற்சி பெற்றவர்களில்  சிலர் மேலும் பயிற்சி பெறுவதற்கு ஆப்கானிஸ்தானில் உள்ள ஆப்கான் முஜாஹிதீனிடம்  பாகிஸ்தானின் ஐ.எஸ்.ஐ மூலம் அனுப்பிவைக்கப் பட்டார்கள். ஆப்கானிஸ்தானில் உள்ள உளவுத் துறையான முர்யுனு  இந்த செயல்பாடுகளைக் கண்டுபிடித்தது.  இந்த விஷயம் ஆப்கான் நாட்டின் குடியரசுத் தலைவர் நஜ்ஜிபுல்லா மூலம் ராஜீவ் காந்திக்கும் தெரிவிக்கப்பட்டது.

இந்த சம்பவம் நடந்த போதே காஷ்மீர் மாநிலத்திற்கு வெளியிலிருந்து அதாவது கேரளத்திலிருந்து சிமி இயக்கத்தின் பொறுப்பாளரான பஷீர் கள்ளத்தனமாக பாகிஸ்தான் சென்று ஜமாத்-இ-இஸ்லாமியின் தலைவரான காஸி ஹுசைன் அகமது (Qazi Hussain Ahmed) என்பவனைச் சந்தித்தான்.  மேலும் ஜமாத்-இ-இஸ்லாமிய அமைப்பின் பயிற்சி முகாமில் கலந்து பயிற்சி பெற்றான்; இவனுக்குப் பயிற்சி கொடுத்தவர் சூடான் நாட்டைச் சார்ந்தவர்.  இந்த பயிற்சி முகாமில் கலந்து கொண்ட போது  ஐ.எஸ்.ஐ, மற்றும் ஜமாத்-இ-இஸ்லாமிய அமைப்பினர் இந்தியாவில் காஷ்மீரில் உள்ள இஸ்லாமிய பயங்கரவாதிகளுக்கும் பஞ்சாபில் உள்ள காலிஸ்தான் பிரிவினைவாதிகளுக்கும் சிமி அமைப்பினர் உதவி புரிய வேண்டும் என்று முடிவு செய்யப்பட்டது.  இந்தத் தகவல்கள் உத்திரபிரதேச மாநிலத்தில் உள்ள சிமி அமைப்பினரைக் கைது செய்து விசாரித்த போது தெரியவந்தது.  மறைமுகமாக சிமி இயக்கத்தினர் பாகிஸ்தான் சென்று பயிற்சி எடுத்த விவரம் கூட இந்தியாவில் உள்ள உளவு அமைப்புகளுக்குத் தெரியவில்லை என்பது ஆச்சரியமான ஒன்றாகும்.  1992இல் உத்திரபிரதேசத்திலும் நாட்டின் மற்ற பகுதிகளிலும் நடந்த ரயில் குண்டு வெடிப்பு சம்பவத்தின் குற்றவாளியைக் கைதுசெய்து விசாரித்த போது தெரியவந்த செய்தியாகும்.  இந்த விசாரனையில் ஜலாலுதீன் என்பவருடன் ஜமாத்-இ-இஸ்லாமிய அமைப்பின் முக்கிய பொறுப்பாளரும் சேர்ந்து கள்ளத்தனமாக உத்திர பிரதேசத்தில் உள்ள சிமி இயக்க பொறுப்பாளர்களுடன் வருங்கால திட்டங்கள் பற்றிய விவாதம் நடைபெற்றது.

1993ஆம் ஆண்டிலிருந்தே பாகிஸ்தானின் ஐ.எஸ்.ஐ யின் துணையுடன் உருவாக்கப்பட்ட பயங்கரவாத ஜிகாதிகள் இந்தியாவில் ஊடுருவத் துவங்கினார்கள்.  முதலில் ஜம்மு-காஷ்மீர் பகுதியில் ஊடுருவினாலும், பின்னர் நாடு முழுவதும் ஊடுருவினார்கள்.  இவ்வாறு ஊடுருவிய ஜிகாதிகளுக்கு மூன்றுவிதமான கட்டளைகளை ஐ.எஸ்.ஐ அல்காயிதாவின் ஆலோசனையின் படி வழங்கியது.  காஷ்மீர் அஜென்டா அதாவது காஷ்மீர் பகுதியை பாகிஸ்தானுடன் இணைப்பது, இரண்டாவது இந்தியாவில் உள்ள இந்துக்களுக்கும் இஸ்லாமியர்களுக்கும் இடையே பகையை மூட்டி வடக்கு மற்றும் தெற்கு பகுதியில் உள்ள இஸ்லாமியர்கள் மூலம் மேலும் இரண்டு சுதந்திர இஸ்லாமிய நாடுகளை உருவாக்க வேண்டும்; இத்திட்டத்திற்கு இந்திய அஜென்டா எனப் பெயரிட்டார்கள்.  மூன்றாவது, இதன் மூலம் இன்டர்நேஷனல் இஸ்லாமிக் கலிப்பா என்ற திட்டத்தைச் செயல்படுத்துவது.  ஆகவே ஐ.எஸ்.ஐ  இந்தியாவில் உள்ள இஸ்லாமியர்களுக்கு தெளிவாக தங்களது திட்டங்களை வெளிப்படுத்தியது .

அல்காயிதாவின் அடிப்படைச் சித்தாந்தங்களை செயல்படுத்துவதுதான் இந்த திட்டத்தின் அடிப்படை நோக்கமாகும்.  இந்த திட்டத்திற்காக முதலில் இந்தியாவில் உள்ள இஸ்லாமியர்கள் நேரடியாக இதில் தங்களை இணைத்துக் கொள்ளவில்லை.  இந்தியாவிலிருந்து புலம் பெயர்ந்த இஸ்லாமியர்கள்- அதாவது அரபு நாடுகளில் பணியின் நிமித்தமாகச் சென்றவர்கள், இத்திட்டத்திற்கு இசைந்து,  இதில் தங்களை இணைத்துக் கொண்டார்கள்.  இஸ்லாமியர்களுக்கு எதிரான அமெரிக்க நிலைப்பாட்டை எடுத்து கூறியே இவர்கள் மூளைச்சலவை செய்யப்பட்டார்கள்.

இதற்காகவே லஷ்கர்-இ-தொய்பாவின் கிளைகளை துபாய், சௌதி அரேபியாவிலும், ஹுஜியை துபாயிலும் துவக்கப்பட்டது. இந்த கிளைகளின் முக்கிய நோக்கமே இந்திய முஸ்லிம்களிடையே தாக்கத்தை ஏற்படுத்தி இந்தியாவிற்கு எதிரான மனோபாவத்தை உருவாக்குவது என்பதாகும்.

(அரசுகள் உறங்கும் வரை …தொடரும் )

இந்தியாவில் இஸ்லாமிய பயங்கரவாதம்-13

முந்தைய பகுதிகள் :

பூனா நகரத்தை குறி வைக்க வேண்டிய அவசியம் என்ன?

பொருளாதார வளர்ச்சியில் மும்பை நகரத்திற்கு அடுத்த வளர்ச்சியுள்ள நகரம் பூனாவாகும். பொருளாதர வளர்ச்சிக்குறிய தொழில் வளங்கள் நிறைந்த பகுதியாகும். குறிப்பாக ஐ.டி தொழில் மிகப் பெரிய அளவில் வளரும் பகுதி, பல பெரிய நிறுவனங்கள் கடந்த சில ஆண்டுகளாகவே தொழில் துவங்க உகந்த இடமாக தேர்வு செய்ததது பூனாவாகும். 2005-2006ல் மட்டும் 110 புதிய சாப்ட்வேர் நிறுவனங்கள் தங்களது தொழிலை துவங்கியுள்ளது. 1990ல் வெறும் ஆண்டு வருமானம் ரூ9 கோடியாக இருந்த பூனா நகரின் இன்றைய ஆண்டு வருமானம் ரூ9,000 கோடியாகும். இவ்வாறு அதிக அளவில் வருமானம் கொடுக்கும் சாபட்வேர் தொழில் கொடி கட்டி பறக்கும் பகுதியாகும். ஊலகின் முன்னணி நிறுவனமான Infosys, Wipro, IBM , Hewlett Packard, TATA Consultancy Services, Cognizant உட்பட தனியார் நிறுவனங்கள் உள்ள நான்கு ஐ.டி பார்க்குகளும், அரசின் சார்பில் உள்ள ஐ.டி. பார்க்குகள் மூன்றும் செயல்படுகின்றன.

இவ்வளவு விஷயங்களை கூற வேண்டிய அவசியம் ஏன் ஏற்படுகிறது. பாகிஸ்தான் இந்தியாவுடன் நடத்தி இரண்டு யுத்தங்களின் விளைவாக. இனி இந்தியாவுடன் ராணுவ ரீதியாக யுத்தம் புரிந்தால் வெல்ல இயலாது என்ற முடிவிற்கு வந்தது. பாகிஸ்தான் அதிபாராக இருந்த ஜியா உல் ஹக் வேறு திட்டத்தை அறிவித்தார். ஆபரேஷன் டோபக் என்ற திட்டத்தின் அடிப்படையில் இந்தியாவின் பொருளாதாரத்தை சீர்குலைக்கும் முயற்சியில் ஈடுபட்டால் பாகிஸ்தானின் எண்ணம் நிறைவேறும் என்ற கருத்தில் இஸ்லாமிய பயங்கரவாதிகள் மும்பைக்கு அடுத்ததாக பூனாவிலும் தங்களது பயங்கரவாத தாக்குதலை நடத்த முடிவு செய்தார்கள்.

எனவே மகாராஷ்ட்ர மாநிலத்தில் உள்ள முக்கிய நகரங்களில் தாக்குதல் நடத்தும் திட்டத்தை செயல்படுத்த லஷ்கர்-இ-தொய்பாவின் மேற்கத்திய கமாண்டர் Faisal Seikh நியமிக்கப்பட்டான். 27.7.2006ந் தேதி Faisal Seikh கைது செய்து விசாரணை நடத்திய போது பாகிஸ்தானின் திட்டம் என்ன என்பது வெளிச்சத்திற்கு வந்தது. முழு விசாரணையின் முடிவில் மகாராஷ்ட்ர மாநிலத்தில் உள்ள நாக்பூர், நாசிக், அவுரங்காபாத், பீட்() மலோகன், மற்றும் கோல்கபூர் போன்ற நகரங்களிலிருந்து பயங்கரவாத தாக்குதலுக்கான ஆட்கள் தேர்வு செய்ப்பட்டார்கள். இந்த நகரங்களில் உள்ள வறுமை கோட்டிற்கு கீழ் உள்ள இஸ்லாமியர்களிடம் ஆசை வார்த்தை கூறி 200 க்கு மேற்பட்ட இளைஞர்கள் இந்த ஜிகாதிற்கு சேர்க்கப்பட்டார்கள். இவர்களுக்கு பயிற்சி கொடுப்பதற்காகவே Faisal Seikh 2004,2005 ஆகிய ஆண்டுகளில் ஆயுத பயிற்சி பெறுவும், பயங்கரவாத தாக்குதல் நடத்துபவர்களுக்கு பயிற்சி கொடுக்க பயிற்சியும் பெற்றான். இந்த பயிற்சியின் போது லஷ்கர் இ தொய்பாவின் முக்கிய பயிற்சியாளரும் ஐ.எஸ்.ஐயின் பொருப்பாளருமான Azam Chima என்பவன் நட்பு கிடைத்து. இந்த நட்பின் காரணமாக தாக்குதல் நடத்துவதற்கு ஐ.எஸ்.ஐயின் முழு உதவியும் பெறப்பட்டது.

தொடரும் கதறல்கள்!

பூனா நகரில் நடந்த பல்வேறு மதக் கலவரங்களில் முக்கிய குற்றவாளியான Sajid Sundke என்பவன் கைது செய்யப்பட்டான். இவனுடன் இவனது கூட்டாளிகள் நான்கு பேரும் கைது செய்யப்பட்டார்கள். கைது செய்யப்பட்ட இவன் பூனா நகர் சிமி இயக்கத்தின் தலைவராவான். பூனா நகரில் நடந்த பல்வேறு பயங்கரவாத தாக்குதலுக்கு முழு உதவி புரிந்தவன் என்பது விசாரனையில் தெரிய வந்தது.

பூனா நகரத்தின் மீது இஸ்லாமியர்களின் தாக்குதல் நடக்க இருக்கிறது என்கின்ற செய்தியே, 2006ம் ஆண்டு ஜீலை மாதம் 11ந் தேதி மும்பை தாக்குதல் சம்பந்தமாக கைது செய்யப்பட்ட Sohail Shaikh என்வன் கொடுத்த வாக்குமூலத்தின் மூலம் தெரிய வந்தது. இவனை முழுவதும் விசாரித்த போது பூனா நகருக்கு அருகில் Bhimpura என்ற பகுதியில் சிமி இயக்கத்தின் பயிற்சி முகாம் இருந்ததாகவும், இந்த பயிற்சி முகாம் 2003லிருந்து செயல்பட்டு வருவதாகவும் தெரிவித்தான். இவனைப் போலவே 1993ல் Mulund குண்டு வெடிப்பு சம்பந்தமாக கைது செய்யப்பட்டவர்கள் கொடுத்த வாக்குமூலமும், லஷ்கர்-இ-தொய்வாவின் முக்கிய பொறுப்பாளர்கள் பலர் பூனாவில் தங்கியிருந்ததாகவும், இவர்கள் சிமி பயிற்சி முகாமில் பயிற்சி கொடுத்தார்கள் என்ற தகவல்களையும் கொடுத்தார்கள். ஆகவே இந்தியாவின் பொருளாதாரத்தை சீர்குலைப்பதில் பாகிஸ்தானின் ஈடுபாடு தெள்ள தெளிவாக தெரிகிறது.

ஜலகான் (Jalgaon)

மகாராஷ்ட்ர மாநிலத்தில் அவுரங்காபாத், மும்பை, பூனா, மலோகான், போன்ற பயங்கரவாத தாக்குதல் நடத்தப்படும் இடமாகவும், இஸ்லாமிய பயங்கரவாதிகளின் செல்கள் இயங்கும் இடமாகவும் விளங்குவது போல் ஜலகான் மாவட்டமும் இஸ்லாமிய பயங்கரவாதிகளின் புகலிடமாகவும், பயங்கரவாதிகளை உருவாக்கும் இடமாகவும் உள்ளது. 2000ம் ஆண்டில் தனது நன்பர்களுடன் உல்லாச பயனம் சென்ற ஜலகான் பகுதியை சார்ந்த ஷேக் அசீப் சுப்டு (Sheikh Asif Supdu) என்பவன் மர்மமான முறையில் 2001ம் ஆண்டு செப்டம்பர் மாதம் இறந்து, அவனது உடல் ஜம்மு காஷ்மீர் மாநிலத்தில் புதைக்கப்பட்டது. இந்த நிகழ்விற்கு பின் மீடியாக்களில் ஜலகான் மாவட்டம் இஸ்லாமிய பயங்கரவாதிகளின் செல் இருப்பதாக விசாரனையில் தெரியவந்தது.

.
குலுங்கியது கோவை! ஃபிப்ரவரி 14ம் தேதி 1998! மறக்க முடியுமா?

2001ம் ஆண்டு மே மாதம் நாக்பூரில் உள்ள ஆர்.எஸ்.எஸ். தலைமை அலுவகத்திலும், அருகில் உள்ள விஷ்வ ஹிந்து பரிஷத்தின் அலுவலகத்திலும் குண்டு வைத்த செயலுக்காக ஜலகான் மாவட்டத்தை சார்ந்த 9பேர்களை மகாராஷ்ட்ர காவல் துறையின் 2001ம் ஆண்டு ஆகஸ்ட் மாதம் கைது செய்தார்கள். கைது செய்யப்பட்ட நான்கு பேர்கள் ஷேக் அசீப் என்பவனுடன் சேர்ந்து காஷ்மீர் மாநிலத்தில் உள்ள தோடா பகுதியில் ஹிஸ்புல் முஜாஹிதீன் அமைப்பினரின் பயிற்சியில் கலந்து கொண்டவர்கள். மேலும் பல்வேறு குண்டு வெடிப்பு சம்பவங்களுக்காக ஜலகான் மாவட்டத்தைச் சார்ந்த மேலும் 14 பேர்களை காவல் துறையினர் கைது செய்தார்கள். இவர்கள் கான்பூர், புது டெல்லி, ஹைதராபாத், போன்ற நகரங்களில் கைது செய்யப்பட்டார்கள். புது டெல்லியில் உள்ள ராணுவ தலைமையிடத்தின் மீது வெடி குண்டு தாக்குதல் நடத்தியவர்கள் இவர்கள்தான் என்பது கைதுக்கு காரணமாகும்.

2000ம் ஆண்டு ஆகஸ்ட் மாதம் புது டெல்லியில் நடந்த சிமியின் மாநாட்டில் (biennial ijtema) நடந்த நிகழ்சிகளிலிருந்து ஹிஸ்புல் முஜாஹ_தீன் அமைப்பினர் சற்றே ஒதுங்கியிருந்தார்கள் இவ்வாறு ஒதுங்கியதற்கு முக்கிய காரணமாக காஷ்மீர் மாநிலத்தை தவிர இந்திய நாட்டின் வேறு மாநிலங்களில் இஸ்லாமியர்கள் சந்திக்கும் அவலங்களை பற்றி கவலை கொள்வதில்லை என்பதை சுட்டிக் காட்டி ஒதுங்கியிருந்தார்கள். இந்த மாநாட்டில் சிமியின் தலைவராக சப்தார் நகோரி நியமிக்கப்பட்டார். ஜலகான் மாவட்டத்தில் உள்ள பள்ளியின் ஆசிரியரும், சிமியின் பொறுப்பாளருமான ஷகீல் ஹன்னன் (Shakeel Hannan) ஜம்மு காஷ்மீர் மாநிலத்தில் மட்டுமே ஜிகாதிகள் தங்களது பயங்கரவாத தாக்குதல்களை நடத்தி வருகிறார்கள். இந்தியா இஸ்லாமிய நாடாக மாற்றுவதற்கு நாட்டின் பிற பகுதிகளிலும் ஜிகாதிகள் தங்களது பயங்கரவாத தாக்குதல்களை நடத்த வேண்டும், அதற்காக பல்வேறு மாநிலங்களில் ஜிகாதி அமைப்புகளை துவங்க வேண்டும் என அறைகூவல் விடுத்தார். இந்த மாநாட்டில் கலந்து கொண்ட கான்பூர் மற்றும் ஹைதராபாத் சிமி இயக்கத்தின் பொறுப்பாளர்கள் தங்களது முழு ஆதரவை தெரிவித்தார்கள்.

ஹன்னானின் அறைகூவலுக்கு செவிசாய்கும் விதமாக சிமியின் பொறுப்பாளர்களான கலீத் ஆஸாத் கான் (Khalid Asad Khan) ஷேக் ரிஸ்வான் (Sheikh Rizwan) என இருவரும் மற்ற மாநிலங்களில் பயங்கரவாத தாக்குதல்களை நடத்த தேவையான ஆட்களை நியமிக்கவும், அவர்களுக்கு முழு பயிற்சி கொடுக்கவும் முன்வந்தார்கள். இந்த பயங்கரவாத தாக்குதல் பயிற்சி ஜலகான் மாவட்டத்திலிருந்து அதிக அளவில் ஆட்கள் தேர்வு செய்யப்பட்டார்கள். இவ்வாறு தேர்வு செய்யப்பட்டவர்கள் ஜம்மு காஷ்மீர் மாநிலத்தில் உள்ள தோடா பகுதியில் குண்டுகள் தயாரிப்பு பயிற்சி, வெடி குண்டுகளை கையாளுவது சம்பந்தமான பயிற்சி, ஆயுதங்களை இயக்குவது, தற்காப்பு பயிற்சி போன்ற பயிற்சிகளை பெறுவதற்கு மும்பை, பாட்னா வழியாக தோடா பகுதிக்கு அழைத்து செல்லப்பட்டார்கள்.

.
தன் உயிரைக் குடிக்க வந்த குண்டுகள் அப்பவிகள் உயிரைக் குடித்ததால் மனமுடைந்த அத்வானி!

இவ்வாறு பயங்கரவாத பயிற்சி பெறுவதற்கு அழைத்து செல்லப்பட்டவர்களில் நான்கு பேர்கள் தகுதியின்மையின் காரணமாக ஜலகானுக்கே திருப்பி அனுப்பபட்டார்கள் ஆனால் பயிற்சிக்கு சென்ற பலர் மர்மமான முறையில் இறந்து விட்டதாக செய்தி ஜலகான் மாவட்டத்திற்கு கிடைத்தால், பயிற்சிக்கு அனுப்பிய இஸ்லாமியர்களின் பெற்றோர்கள் தங்கள் மகனை கண்டு பிடித்து தருமாறு ஜலகான் மாவட்ட நீதி மன்றத்தில் முறையிட்டார்கள். இவ்வாறு இவர்கள் நீதி மன்றத்தில் முறையிட செல்வார்கள் என தெரிந்தவுடன் பயங்கரவாத அமைப்பினரிடமிருந்து இவர்களுக்கு மிரட்டல் வந்ததாகவும் தகவல்கள் தெரிவிக்கின்றன. மாவட்ட மாஜிஸ்ட்ரேட்டிடம் வாக்குமூலம் கொடுத்தவர்கள் அனைவரும் ஒரு விஷயத்தை வலியுறுத்தினார்கள். அதாவது ஜலகான் மாவட்ட சிமி இயக்கத்தின் செயலாளரான வக்கூர்-உல்-ஹசன்(Waqar-ul-Hassan) என்பவர் எக்காரணத்தை கொண்டும் காவல் நிலையத்தில் மட்டும் எவ்வித புகாரும் கொடுக்க கூடாது என எங்களை மிரட்டியதாக தெரிவித்தார்கள்.

கோயம்புத்தூரில் தொடர் குண்டு வெடிப்பு. 58 பேர் பலி, 200க்கும் மேல் காயம். காரணகர்த்தா என கைது செய்யப்பட்டு பின்னர் சிறுபான்மை ஓட்டு வங்கிக்காகவே தமிழக அரசியல் வாதிகளால் வழியனுப்பி வைக்கப்பட்ட அப்துல் நாசர் மதானி!

ஆனாலும் கூட கலீத் ஆஸாத் கான் பயங்கரவாத தாக்குதல்களுக்கு பயிற்சி கொடுக்க புதியவர்களை ஜலகான் மாவட்டத்தில் கண்டுபிடித்து ஆட்கள் சேர்க்கும் பணியை செய்து கொண்டு இருந்தான். ஆகவே வெளியிலிருந்து பயிற்சி பெற்றவர்கள் மூலம் வெடி குண்டு தாக்குதல் நடத்துவதற்கு பதிலாக ஜலகான் மாவட்டத்தை சார்ந்தவர்களை கொண்டு Improvised Explosive Devices (IED) குண்டு தயாரிக்க முற்பட்டார்கள். இதற்காகவே சிமி இயக்கத்தைச் சார்ந்தவர்களின் பெற்றோர்கள் எவராவது லேத் வைத்திருந்தால் அவர்களை கண்டு பிடித்து அவர்கள் மூலமாக வெடி குண்டுகள் தயாரிக்க துவங்கினார்கள். இந்த ஒர்க் ஷப்பிலிருந்து கலீத் ஆஸாத் கான் (Khalid Asad Khan ஷேக் ரிஸ்வான் (Sheikh Rizwan) ஐ.இ.டி தயாரிக்க முழு அளவில் உதவி புரிந்தார்கள். இவ்வாறு தயாரித்த Improvised Explosive Devices (IED) குண்டுகளை கொண்டு 2001ம் ஆண்டு மே மாதம் 20ந் தேதி இவர்களுடன் Irban Abdul Rauf என்பவனும் கூட்டு சேர்ந்து ஆர்.எஸ்.எஸ். மற்றும் விஷ்வ இந்து பரிஷத் அலுவலகத்தில் குண்டு வைத்தார்கள். ஆனால் குண்டு வைக்கும் முன்னரே தகவல்கள் தெரிந்ததால் வைக்கப்பட்ட குண்டுகள் அப்புறப்படுத்தப்பட்டன. மீண்டும் அதே இடத்தில் ஜூன் மாதம் 9ந் தேதி குண்டுகள் வைக்கப்பட்டன, இம்முறை வைத்த குண்டுகள் வேலை செய்யவில்லை என்பதால் பெரும் சேதம் தவிர்க்கப்பட்டது.

2001ம் ஆண்டு ஜீலை மாதம் 31ந் தேதி ஹிஸ்புல் முஜாஹிதின் அமைப்பைச் சார்ந்த குல்சார் அகமது வானி (Gulzar Ahmed Wani) என்பவன் கைது செய்யப்பட்டான். காவல்துறையினரின் விசாரனையில் பெருவாரியான பயங்கரவாத குண்டு வெடிப்பு சம்பவங்களில் ஜலகான் மாவட்டத்தைச் சார்ந்தவர்கள் பயங்கரவாத செயலுக்கு பயிற்சி கொடுக்கும் இஸ்லாமிய பயங்கரவாத செல் அமைப்பில் பயிற்சி பெற்றவர்கள் அதிக அளவில் ஈடுபட்டதாகவும், ஆனால் அவர்களுக்கு இந்த தாக்குதல் காரணமாக ஏற்படும் பாதிப்பு பற்றி எதுவும் தெரியாது என்றும் தெரிவித்தான். இந்த அமைப்பைச் சார்ந்தவர்கள் டெல்லியிலும் இருப்பதாகவும் தெரிவித்தவன், 2000 ம் ஆண்டிலிருந்து ஹிஸ்புல் முஜாஹிதின் அமைப்பிற்கு சிமியிலிருந்தும் பயங்கரவாத பயிற்சி பெறுவதற்கு தொடர்ச்சியாக ஆட்கள் அனுப்பி வைப்பதாகவும் தெரிவித்தான். இந்த பணிக்கு துணையாக காஷ்மீரில் குடியிருக்கும் குலாம் மொய்தீன் ஷா நேரடியாக இவருக்கு துணை புரிந்தான். இவனை போலவே கான்பூரில் உள்ள மும்தாஜ் அகமதுவும் உறுதுணையாக இருந்தான்.

கலமஸரி (கொச்சிக்குத் தொலைவில்) என்ற இடத்தில் தமிழக பேருந்து எரிக்கப்பட்டது. கோயம்புத்தூர் சிறையில் மதானி துன்புறுத்தப்பட்டதாக, தமிழகத்தைப் பழிவாங்க இவ்வாறு செய்யப்பட்டது. இதற்கு அவனுடைய மனைவியே காரணம் என்று சொல்லப்பட்டது. அவர் தான் இந்த சூஃபியா!

சிமி இயக்கம் 2001ல் தடை செய்யப்பட்ட பின் மகாராஷ்ட்ர மாநிலத்தில் உள்ள முக்கிய நகரங்களில் சிமி இயக்கத்தினர் பெண்கள் மூலமாக ஜிகாதி பயிற்சி கொடுக்க கூடிய சூழ்நிலையை ஏற்படுத்தினார்கள் . இஸ்லாமிய பெண்கள் மூலமாக 5 வயது முதல் 15 வயது வரை உள்ள குழந்தைகளுக்கு ஜிகாதி பாடம் புகட்டுகின்ற காரியங்களை செய்தார்கள். இதற்காகவே சிமி பெண்கள் ஸ்லீப்பர் செல் இரண்டு புதிய அமைப்புகளை உருவாக்கினார்கள், அதாவது Shaheen Force என்கின்ற அமைப்பு குழந்தைகளுக்காவும் Tehreek Tulbae-Arabiya என்கின்ற அமைப்பு மாணவர்களுக்காவும் துவங்கப்பட்டது. இந்த இரண்டு அமைப்புகளும் சிமியின் வழிகாட்டுதலின் படி உருவாக்கப்பட்டது. எனவே இந்த நோக்கத்தை நிறைவேற்ற மதரஸாக்கள் அதிக அளவில் உதவின, மேலும் பல கல்லூரிகள், பள்ளிகளில் உள்ள முஸ்லீம் ஆசிரியர்கள் இதற்கு முழு உதவிகளை செய்தார்கள். இஸ்லாமிய மாணவர்களுக்கு ஜிகாத் சம்பந்தமான கட்டுரைகள், இலக்கியங்கள், பல பயங்கரவாதிகள் ஆற்றிய உரைகள் போன்றவற்றை கொடுத்து ஜிகாதிகாள மாற்றினார்கள்.

மகாராஷ்ட்ர மாநிலத்தில் இஸ்லாமிய பயங்கரவாதிகளின் புகலிடமாக மாறியதற்கு ஏ.ஆர்.அந்துலே முக்கிய காரணமாகும். மாநிலத்தின் முதல்வராக இருந்த போது தாவூத் இப்ரஹிம் தனது கடத்தல் தொழிலை வெற்றிகரமாக நடத்த முழு அளவில் உதவி செய்தவர் அந்துலே என்றால் அது மிகையாகாது. பலமுறை ஜிகாதிகளுக்கு வெளிப்படையாக தனது ஆதரவை தெரிவித்தவர். (the progenitor of the under world mafia in Mumbai).

மத்திய மாநில அரசுகளின் செயலற்ற தன்மை

மும்பையின் குற்றச் சூழலே பயங்கரவாதிகள் இயங்க இடம் தருகிறது. 1993ல் நடந்த குண்டு வெடிப்பிற்கு முன்பே பாகிஸ்தானின் ஐ.எஸ்.ஐ. அமைப்பிற்கு ஆளெடுக்கும் மையமாக மும்பை மாறியது. தினசரி மும்பை முழுவதும் சுமார் 20 லட்சம் பேர் புழங்குவதால் அடையாளம் தெரியாமல் இயங்க பயங்கரவாதிகளுக்கும், பயங்கரவாத இயக்கத்திற்கும் மும்பை பாதுகாப்பான இடமாக மாறிவிட்டது. ஆகவே பயங்கரவாதிகளை நசுக்கவும், பயங்கரவாத அமைப்புகளை ஒடுக்கவும் மத்திய மாநில அரசுகளிடம் பொறுப்புணர்வு கிடையாது. இந்த சமயத்தில் மணிப்பூர் ஜார்கண்ட், மிஜோராம் முன்னாள் ஆளுநர் திரு. வேத் மார்வா கூறியதை சற்றே நினைத்துப் பார்க்க வேண்டும். பயங்கரவாதிகளுக்கு உதவி புரியும் களப்பணியாளர்களின் ஆதரவு தேவை. அவர்களை எல்லோருக்கும் தெரியும். ஆனால் அரசியல் காரணங்களுக்காக அவர்களை நாம் வேவு பார்க்க முடியவில்லை என்ற கூற்று முற்றிலும் சரியானதாகும்.

பயங்கரவாதத்தை தடுப்பதற்காக பல திட்டங்களை ஐக்கிய முற்போக்கு கூட்டணி அரசு குண்டு வெடிப்பு நடக்கும் போது மக்களின் கவனத்தை திசை திருப்புவதற்காகவே சில அறிவிப்புகளை செய்கிறார்கள். அறிவித்த திட்டங்களை செயல்படுத்த கூட இந்த அரசால் முடியவில்லை, முதலில் அறிவிக்கின்ற திட்டங்களுக்கு கொள்கை அளவிலான ஒப்பதல் கூட கிடைப்பதில்லை.

தூங்கும் அரசுகள்!

Image Source: hindujagruti

2008ம் ஆண்டு நவம்பர் மாதம் 26ந் தேதி நடந்த தாக்குதலுக்கு பின் மத்திய அரசும் மாநில அரசும் பல்வேறு தடுப்பு நடவடிக்கைகள் எடுப்பதாக மிகப் பெரிய அறிவிப்புகளை செய்தார்கள். வுpளம்பரப்படுத்திய அளவிற்கு அதன் பணிகள் நிறைவு பெறவில்லை. மும்பை மாநகரத்திலுள்ள 480 முக்கிய டிராஃபிக் சந்திப்புகளில் என்ன நடக்கிறத என்பதை அறிய, 5000 சி.சி.டி.விகளின் வலைப்பின்னலை அமைப்பது, நகாவுமானிகள், இரவுப்பார்வை வசதிகள், வெப்ப படிம கருவிகள், வாகன எண் பதிவுக் கருவிகள், ஆகியவற்றை அமைப்பது என ரூ157 கோடியில் திட்டங்கள் தீட்டப்பட்டன. வருடங்கள் மூன்று முடிந்த பின்னும் அமைச்சரவையில் இந்தத் திட்டத்திற்கு கொள்கை அளவிலான ஒப்புதல் கூட கிடைக்கவில்லை என்பது வேதனைக்குறிய செய்தியாகும்.

இரண்டாவது மகாராஷ்ட்ர மாநிலத்தில் 40,000 போலீஸ் பதவிகள் காலியாக இருக்கின்றன. சுமார் 900 பேரை வேலைக்கு எடுக்க ஏற்பு இருந்தும் , மகாராஷ்ட்ரா பயங்கரவாத எதிர்ப்புப் படையில் 300 பேரைத்தான் வேலைக்கு எடுத்திருக்கிறார்கள். மேலும் பயங்கரவாத செயல்களை செய்கிற பயங்கரவாதிகள் மனதில் அச்சம் ஏற்படுத்தும் விதமாக மாநில காவல் துறையினர் தொடர் செயல்களை எதுவும் செய்யவில்லை. குறிப்பாக கூற வேண்டுமானால் காவல் துறையினரின் செயல்பாடு பயங்கரவாதிகளுக்கு ஊக்கம் கொடுப்பதாகவே இருக்கிறது.

(அரசுகள் உறங்கும் வரை… தொடரும்)

இந்தியாவில் இஸ்லாமிய பயங்கரவாதம் – 12

முந்தைய பகுதிகள் :

சென்ற கட்டுரையில் டேவில் கோல்மன் ஹெட்லி சம்பந்தமாக அமெரிக்காவின் உளவு நிறுவனமான FBI யின் அறிக்கையில் உள்ள சில தகவல்களை பார்த்தோம்.  மேலும் இந்தியாவில் இஸ்லாமிய பங்கரவாத செயல்களை தொடர்ந்து செய்வதற்காகவே பாகிஸ்தான் கராச்சி புராஜெக்ட் எனும் ஒரு புதிய செயல் திட்டத்தை வகுத்துள்ளது.

கராச்சி புராஜெக்ட்

இந்தியாவின் ராணுவ மற்றும் பொருளாதார சாதகங்களை குலைக்கும் வியூகத்தின் அங்கமாகவே செயல்படுத்த ஐ.எஸ்.ஐ., மற்றும் பாகிஸ்தான் ராணுவம், லஷ்கர்-ஈ-தொய்பா, ஹூஜி ஆகிய இயக்கங்கள் 2003ல் தீட்டப்பட்ட திட்டத்திற்கு கராச்சி புராஜெக்ட் என பெயர் வைத்தார்கள்.  இந்த சதி திட்டத்தின் படி பாகிஸ்தானில் பயிற்சி பெற்ற இந்தியர்கள் இந்தியாவில் உள்ள முக்கியமான நகரங்களில் பயங்கரவாத தாக்குதல்களை நடத்தப் பயன் படுத்தப்படுத்தப்படுவார்கள்.  மகாராஷ்ட்ர மாநிலத்தில் பூனேயில்  ஜெர்மன் பேக்கரியில் நடந்த குண்டு வெடிப்பு இந்த சதி திட்டத்தின் ஒரு அங்கமாகும் என உள்துறைச் செயலாளர் திரு.ஜி.கே.பிள்ளை தெரிவித்தார்.  இந்த குண்டு வெடிப்பு சம்பவத்தில் இந்தியன் முஜாஹிதீன் மற்றும் லஷ்கர்-ஈ-தொய்பாவின் தொடர்பு நிரூபிக்கப்பட்டுள்ளது.  இந்த தாக்குதலுக்குரிய இடங்களை படமெடுக்க எல்.இ.டி அனுப்பிய நபர் தான் டேவிட் ஹெட்லி என்பதும் புலனாகியது.

பாகிஸ்தானின் துறைமுக நகரமும் குற்றங்கள் மலிந்த இடமுமான கராச்சியில்தான் 1993ல் மும்பையில் நடந்த குண்டு வெடிப்பின் சூத்திரதாரியும், இந்தியாவின் நிழலுலக தாதாக்களான தாவூத் இப்ராகிம், டைகர் மேமன் போன்றவர்கள் தஞ்சம் புகுந்துள்ள இடமாகும். ஆகவே கிரிமினல் குற்றவாளிகள் நிறைந்த இடமான கராச்சியை இந்த திட்டத்திற்கு கராச்சி புராஜெக்ட் என பெயர் வைத்திருக்கிறார்கள்.  இந்தியாவில் பயங்கரவாத தாக்குதல்களை நடத்த இந்தியாவிலிருந்து ஆட்களை அனுப்பி வைக்க நிழலுலகினரும், இந்தியாவில் தேடப்படும் குற்றவாளிகளான ரியாஸ், இக்பால் பட்கல் போன்ற நபர்களும் இந்த திட்டத்திற்கு பயன்படுத்திக் கொண்டார்கள்.  இந்தியாவிலிருந்து வந்த பயிற்சி பெற்ற பயங்கரவாதிகளை இந்தியாவுக்கே திருப்பி அனுப்பி, முக்கியமாக பொது இடங்களில் வெடிகுண்டுப் பைகளை வைப்பதே கராச்சி புராஜெக்ட்டின் அசல் நோக்கமாகும்.  இந்திய உளவாளிகள்  2009ம் வருடத்தின்  இறுதியில் பங்களாதேஷில் கைது செய்யப்பட்ட அப்துல் க்வாஜாவிடம் (பிலாலின் நெ.2 கையாள்) விசாரணை நடத்தியதில் கிடைத்த தகவலின் அடிப்படையில் கராச்சி புராஜெக்ட் பற்றிய முழு விவரம்  தெரிய வந்தது.  அமெரிக்க எஃப்.பி.ஐ விசாரித்து வரும் டேவிட் ஹெட்லியிடமும் சதி பற்றியும் அதில் அவனது பங்கு பற்றியும் தகவல் கிடைத்துள்ளன.  இந்த தகவலின் அடிப்படையிலும் கராச்சி புராஜெக்ட் பற்றிய விவரமும்  தெரியவந்தது.

பாகிஸ்தானில் பயங்கரவாத பயிற்சிகளை முடித்தவர்கள் பல்வேறு சட்டவிரோதமான வழிகளில் இந்தியாவிற்குள் ஊடுருவி காத்திருப்பார்கள்.  பாகிஸ்தானின் ஐ.எஸ்.ஐ. அல்லது லஷ்கர்-ஈ-தொய்பாவிடமிருந்து உத்திரவு வந்ததும் பயங்கரவாத தாக்குதல்களை நடத்துவார்கள்.  இவ்வாறு காத்திருப்பவர்களை ஸ்லீப்பர் செல் என்கிறார்கள்.   இந்த ஸ்லீப்பர் செல்லுக்கு ஆட்களை தேர்வு செய்வதும் ஒரு விசித்திரமான வழியாகும்.  திசைமாறிய இந்திய இஸ்லாமிய இளைஞர்களையும், உள்ளுரிலேயே கிடைக்கும் வெடி மருந்துகளை கொண்டு தயாரித்த குண்டகளை  பயன்படுத்துவது, இந்தியாவின் இதயப் பகுதிகளைத் தாக்குவது, பாகிஸ்தானின் தொடர்பு குறித்து எவ்விதமான சந்தேகங்களும் வராமல் பார்த்துக் கொள்வது என்பதுதான் இந்த திட்டத்தின் முக்கிய நோக்கமாகும் என உளவுத்துறை அதிகாரி தெரிவித்தார்.  இத் திட்டத்தின் படி இந்த சிலீப்பர் செல்லுக்கு தேர்வு செய்யும் இஸ்லாமிய இளைஞர்களை பாகிஸ்தான் அல்லது பங்களாதேஷில் உள்ள லஷ்கரின் ஆட்களிடம் அனுப்பி வைப்பார்கள்.  இந்த இளைஞர்களை பாபர் மசூதி இடிப்பு மற்றும் குஜராத் கலவர வீடியோக்களை காட்டி இந்தியாவிற்கு எதிராக பயங்கரவாத தாக்குதல் நடத்த முளைச் சலவை செய்யப்படுவார்கள்.  2003ல் ஆரம்பித்த இந்தப் பயிற்சி முகாமிலிருந்து இரண்டு வருடங்களில் 40 அல்லது 50 ஜிகாதிகள் பயிற்சி பெற்று இந்தியாவுக்குள் நுழைந்திருக்கலாம் என உளவுத் துறையினர் தெரிவித்தனர்.

2005ம் ஆண்டு முதல் நடந்த 10 பயங்கரவாத வெடிகுண்டு தாக்குதல்களில் 500க்கு மேற்பட்ட இந்தியர்கள் கொல்லப்பட்டதில் கராச்சி புராஜக்டிற்கு நேரடிப் பொறுப்பு உண்டு.  இந்த சதி திட்டத்தின் படி பல்வேறு சம்பவங்கள் நடந்தததை அமெரிக்காவில் பிடிப்பட்டு முழுவிசாரனையில் உள்ள டேவில் ஹெட்லியின் மூலம் தெரியவந்தது.  இவனது வாக்குமூலத்தின் படி லஷ்கர்-ஈ-தொய்பாவும், பாகிஸ்தானின் ஐ.எஸ்.ஐயும் இந்தியாவில் தேடப்படும் பயங்கரவாதிகளான இந்தியன் முஜாஹிதீன் எனும் பயங்கரவாத அமைப்பை நிறுவிய ரியாஸ், இக்பால்பட்கல் சகோதரர்கள், முஃப்தி சுஃப்பியான் மற்றும் நிழலுலக தாதாவான யாகூப் கான் ஆகியோருக்கு பாதுகாப்பு அளித்திருப்பது தெரியவந்தது.  இந்த சதித் திட்டத்தை தீட்டியது கராச்சியில் உள்ள இந்திய ஜிகாதிகள் என்றும், இந்திய ஜிகாதிகளை ஒன்று திரட்டியது பாகிஸ்தானின் ஐ.எஸ்.ஐ என்பதையும் ஹெட்லி தெரிவித்தான்.

இந்த திட்டத்தின் அடிப்படையில் 1993ல் மும்பையில் நடந்த குண்டு வெடிப்பு சம்பவமாகும்.  1970 முதல் 1980 வரை இப்ராஹீமின் கும்பல் கடத்தல் தொழில் நடத்தியதை முழுவதும் கண்காணித்து தங்களில் பயங்கரவாத தாக்குதலுக்கு இப்ரஹிம் சரியான நபர் என்ற முடிவுக்கு வந்தார்கள்.  இவன் நடத்திய கடத்தல் மூலமாக ஐ.எஸ்.ஐ ஆர்.டி.எக்ஸ் மருந்துகளை அனுப்பி வைத்தது.  அனுப்பிய பின் இப்ரஹீம் ஆட்களுக்கு அதை கையாளவும், சேகரித்து வைக்கவும் பயிற்சி கொடுத்தார்கள்.  2010ம் ஆண்டு பிப்ரவரி மாதம் அமெரிக்க நாடாளுமன்ற ஆராய்ச்சி சேவை அறிக்கை கூறுவது “ ஒரு லாப நோக்குள்ள கிரிமினல் கும்பல் எப்படி கிரிமினல்- பயங்கரவாதம் கலந்த கலவையாக மாறியது என்பதற்கு இப்ரஹீமின் கும்பல் ஒரு உதராணம்.  ஆகவே பாகிஸ்தானின் திட்டத்தின்படி கராச்சி புராஜெகட் என்பது இந்தியாவின் இறையான்மைக்கு வைத்த வெடிகுண்டு என்பது உலகறிந்த உண்மையாகும்.

2008ம் ஆண்டு நடந்த தாக்குதல்களில் லஷ்கர்-இ-தொய்பாவின் திட்டத்தின் படி இந்தியன் முஜாஹிதீன் அமைப்பினர் சிமி இயக்கத்தின் உதவியுடன் தாக்குதல்களை நடத்தினார்கள்.  தூக்குதல்கள் நடக்க போகிறது என்பது நன்கு தெரிந்தும் உளவுத் துறையினரின் பொறுப்பின்மையின் காரணமாக தாக்குதல் நடந்தது.  18.9.2008ந் தேதி Research and Analysis Wing (RAW) ஒரு சேடிலைட் தொலை பேசி உரையாடலை வழிமறித்து கேட்ட போது  கேட்வே ஆப் இந்தியா க்கு அருகில் உள்ள ஒரு விடுதியை தாக்கப்போவதாக தகவல்கள் பரிமாறிக் கொண்டார்கள்.  இதை போலவே 24.9.2008ந் தேதியும் RAW இது போன்ற உரையாடலை கேட்டுள்ளார்கள், அதாவது தாஜ் ஹோட்டல்,(Taj Hotel) சீ ராக் ஹோட்டல்,(Sea Rock Hotel), Marriott Hotel  போன்ற ஹோட்டல்கள் தாக்கப்படும் என்ற தகவல்களை கேட்டார்கள்.  ஆனால் மும்பையில் உள்ள ஹோட்டல்கள் தாக்கப்படலாம் என்பது தெளிவாக தெரிந்தும் உளவுத் துறையோ அல்லது அரசோ எவ்வித முன் எச்சரிக்கை நடவடிக்கை எதுவும் எடுக்கவில்லை.  இந்த உரையாடலில் கடல் வழியாக ஆயுதங்கள் மற்றும் தாக்குதல் நடத்துபவர்கள் வருவார்கள் என்பதையும் தகவல்கள் பரிமாறியுள்ளது.  இந்த தகவல்களின் அடிப்படையில் இந்திய உளவு துறை தடுப்பதற்கு முன்பே பயங்கரவாதிகள் MV Kuber என்ற படகை கடத்தி தங்களது பயங்கரவாத தாக்குதல்களை நடத்தி முடித்துவிட்டார்கள்.

இந்த சம்பவங்களை போலவே தகவல்கள் பரிமாறிக் கொள்ள பயங்கரவாதிகள் அதிக அளவில் பயன்படுத்தும் சாதனம் செல் போன் மட்டுமே.  பாகிஸ்தான் கைப்பற்றப்பட்ட காஷ்மீர் பகுதியில் உள்ள பயங்கரவாதிகளுக்கு இந்தியாவில் உள்ள லஷ்கர்-இ-தொய்பாவினருடன் தகவல்கள் பரிமாற்றம் செய்து கொள்ள இந்தியாவிலிருந்து 35 சிம் கார்டுகள் கள்ளத் தனமாக அனுப்பபட்டுள்ளன.  இந்தியாவில் உள்ள லஷ்கர் இ தொய்பாவின் மறைந்து பணி செய்கின்ற தொழிலாளர்கள் மூலமாக இந்த காரியங்கள் நடந்துள்ளன.  அனுப்ப பட்ட 35 சிம் கார்டுகளில் 32 சிம் கார்டுகள் கொல்கத்தாவில் வாங்கப்பட்டுள்ளது, டெல்லியில் மூன்று சிம் கார்டுகள் வாங்கப்பட்டுள்ளன.  இந்த சிம் கார்டுகளில் மூன்று சிம் கார்டுகளிலிருந்து மும்பைக்கு தொடர்ச்சியாக தொடர்ப்பு நடந்துள்ளது என்பது தெரியவருகிறது.

2011ல் நடந்த வெடி குண்டு தாக்குதல்

2011ம் வருடம் ஜூலை மாதம் 13ந் தேதி மாலை 6.54க்கு நடந்த குண்டு வெடிப்பு 150 வருட பழமை மிகுந்த ஜாவேரி பஜாரையும் விட்டு வைக்கவில்லை.  மோட்டார் சைக்கிளிலிருந்து வெடித்துச் சிதறிய ஒரு குண்டு தாக்கியதில் ஐந்து பேர் உடனடியாக கொல்லப்பட்டார்கள், ஒரு நிமிட இடைவெளியில் மாலை வேலையில் வைர வியாபாரிகள் அதிக அளவில் கூடும் இடமான ஒபரா ஹவுஸிலுள்ள் பிரசாத் சேம்பர்ஸ் பகுதியில்  அந்த பகுதியே அதிரும்படியாக டிபன் பாக்ஸ் குண்டு வெடித்து ஒன்பது மேற்பட்டவர்கள் கொல்லப்பட்டார்கள்.  7.05க்கு மக்கள் வீட்டு உபயோகப் பொருள்களை வாங்குமிடமான தாதரின் கபுதர்கானாவிலுள்ள ஹனுமான் மந்திரிலும் ஒரு குண்டு வெடித்தது.  இந்த சம்பவத்திற்கு காரணமான பயங்கரவாத அமைப்பை கண்டு பிடிப்பதற்கு பதிலாக உள்துறை அமைச்சர் உதிர்த்த முத்துக்கள் வேடிக்கையானது.  பயங்கரவாதிகளின் ஒருங்கிணைந்த தாக்குதலுக்கு இலக்காகும் பலவீனமான நிலையில்தான் இந்தியாவின் ஒவ்வொரு நகரமும் இருக்கின்றன என திருவாய் மலர்ந்தார்.

ஜாவேரி பஜாரில் மூன்று காவல் தடுப்பு நிலையங்கள் இருந்தும் காவலுக்கு வர போலீசுக்கு ஏன் அரை மணி நேரத்திற்கு மேல் பிடித்தது என்பது இன்று வரை புரியாத புதிராகவே இருக்கிறது.  மேலும் ஜாவேரி பஜாரில் தொடர்ச்சியாக தாக்குதல்கள் நடக்கின்றன.  1993 மார்ச்சு மாதம் நடந்த தாக்குதலும், 2003 ஆகஸ்ட் மாதம் நடந்த தொடர் தாக்குதலிலும் இந்த பகுதி தப்பவில்லை.

மத்திய அரசின் உளவு பிரிவினர் குண்டு வெடிப்பு சம்பந்தமாக எந்தவிதமான அறிகுறியும் தெரியவில்லை, இப்படி ஒரு தாக்குதல் வரும் என்பதற்கு எந்த முகாந்திரமும் இல்லை, என உளவு பிரிவு கூறுவது இந்தியாவில் உள்ள உளவு அமைப்புகள் தூங்கி வழிகிறது என்பதற்கு நல்ல உதாரணமாகும்.  இந்த குண்டு வெடிப்பு சம்பந்தமான நடந்த முழு விசாரணையில் பாகிஸ்தான் நாட்டைச் சார்ந்த இருவர் சம்பந்தப்பட்டிருப்பதாக தகவல்கள் வெளியாகின. பாகிஸ்தான் நாட்டைச் சார்ந்த Bakas, Taurez என்கின்ற இருவரும் வெடி குண்டுகளை கையாளுவதில் வல்லவர்கள்.  இவர்கள் 2011ம் ஆண்டு பிப்ரவரி மாதமே மும்பையில் தங்க நேரிட்டது.  இவர்களுக்கு முழு உதவி செய்தது இந்தியன் முஜாஹிதீனின் யாசின் பட்கல்(Yasin Bhatkal)   யாசின் பட்கல் ஜூலை மாதம் 13ந் தேதியின் பயங்கரவாத செயலின் முக்கிய தளபதியாகும்.

Bakas, Taurez இருவரும் தங்குவதற்கு பைகுல்லா(Byculla) எனுமிடத்தில் ரூபினா(Rubina) என்பவருக்கு சொந்தமான கட்டிடத்தில் ரூ60,000 முன்பணமாக கொடுத்து தங்க வைக்கப்பட்டது. இதற்காக உதவி செய்தவன் மீர்ஸா எனும் உள்ளுர் இஸ்லாமியன்.  குண்டு வெடிப்பு நடந்த பின்னும் அதாவது 2011ம் ஆண்டு டிசம்பர் மாதம் வரை இருவரும் மும்பையிலேயே தங்கியிருந்தார்கள். டீசம்பர் மாதம் முதல்வாரத்தில் குண்டு வெடிப்பு சம்பவத்தில் தொடர்புடையவர்கள் என இந்தியன் முஜாஹிதீனின் பயங்கரவாத அமைப்பைச் சார்ந்த ஒன்பது நபர்களை காவல் துறையினர் கைது செய்த பின் இவர்கள் இருவரும் பாகிஸ்தானுக்கு தப்பி சென்றார்கள்.

பூனாவில் ஜெர்மன் பேக்கரியில் குண்டு வெடிப்பு சம்பவங்கள் நடந்தவுடன் மத்திய அரசும் மாநில அரசும் கூட்டாக விசாரணையை துவக்க முடிவு செய்தார்கள்.  இந்த முடிவு படி மத்திய அரசின் தேசிய புலானய்வு பிரிவினர் டெல்லியிலிருந்து பூனாவிற்கு உடனடியாக அனுப்பப் பட்டார்கள்.  மத்திய அரசும் மாநில அரசும் கூட்டாக நடத்திய விசாரணையில், பூனாவில் உள்ள ஜிகாதிகள் இந்த தாக்குதல் நடத்த திட்டமிட்டதாகவும், திட்டத்தை உருவாக்கியவர்கள் இந்தியன் முஜாஹிதின் அமைப்பைச் சார்நத முகமது பீர்பாய் என்பவன் என்பதையும் தங்களது விசாரணையின் மூலம் கண்டு பிடித்தார்கள்.

வெறும் ரூ200க்கு அடிபனிந்து ஜெர்மன் பேக்கரியில் வைட்டராக பணிபுரிந்த Paras Rimal என்பவன் ஜிகாதிகள் குண்டு நிரம்பிய பையை வைக்க அனுமதித்தான் என்கின்ற உண்மையையும் கண்டு பிடித்தார்கள். விசாரனையின் அடிப்படையில்  புலனாய்வு பிரிவினர் இந்த வழக்கு சம்பந்தமாக பெங்களுரூ மற்றும் மும்பையில் பலரை விசாரித்தார்கள்.  இதன் காரணமாக சந்தேகத்தின் அடிப்படையில் 40 நபர்களை கைது செய்தார்கள்.  கர்நாடக மாநிலத்தில் உள்ள ஹம்பியில் காஷ்மீர் மாநிலத்தை சார்ந்த நான்கு பேரூம்,   16.2.2010ந் தேதி பூனாவில் புறநகர் பகுதியில் இரண்டு பேரும், அவுரங்காபாத்தில் இருவரும் ஜெர்மன் பேக்கரி குண்டு வெடிப்பு சம்பந்தமாக கைது செய்யப்பட்டவர்கள்.

இந்த குண்டு வெடிப்பிற்கு பாகிஸ்தானால் ஏற்படுத்தப்பட்ட ஜிகாதிகள் பொறுப்பு ஏற்றுக் கொண்டார்கள்.  பொறுப்பு ஏற்றுக் கொண்டு அமைப்பு லஷ்கர் ஈ தொய்பா அல் அல்மி என்பதாகும்.  இந்த அமைப்பில் உள்ளவர்கள் பயன்படுத்தும் ரகசிய பெயர் அபு ஜின்டால். காஷ்மீர் பிரச்சனையை தீர்க்க பாகிஸ்தானுடன் இந்தியா பேச முன்வரவில்லை என்ற காரணத்திற்காக பூனாவில் உள்ள ஜெர்மன் பேக்கரியில் குண்டு வைத்தாக இந்த அமைப்பினர் தெரிவித்தார்கள்.

பூனா நகரத்தை குறி வைக்க வேண்டிய அவசியம் என்ன?

(தொடரும்)

இந்தியாவில் இஸ்லாமிய பயங்கரவாதம் -11

முந்தைய பகுதிகள் :

முன் கட்டுரையில் மஹாராஷ்டிர மாநிலத்தில் இஸ்லாமியப் பயங்கரவாதத்தின் பரிணாம வளர்ச்சி என்பது பல்வேறு தாக்குதல்கள் மூலம் காணப்பட்டது. 12.3.1993-ல் நடத்தப்பட்ட தாக்குதல் மிகவும் மோசமான தாக்குதலாகும். பாரத தேசத்தில் இது வரை நடந்த தாக்குதல்கள் அனைத்திலும் ஈடுபட்ட பயங்கரவாத அமைப்பு சிமி என்பது எல்லோரின் ஒருமித்த கருத்தாகும். ஆனால் சிமி அமைப்பினர் நேரடியாக ஈடுபடாமல், மற்ற இயக்கங்களுக்குத் தேவையான அனைத்து வசதிகளையும், பாதுகாப்பினையும் கொடுத்து வந்துள்ளார்கள்.

விநாயகர் சதுர்த்தி விழா மற்றும் மஹாராஷ்டிர மாநிலத்தில் நடக்கும் முக்கிய பண்டிகைக் காலங்களில் தாக்குதல் நடத்தப்பட வேண்டும் என்பதற்காகவே ஒரு திட்டம் தீட்டப்பட்டது. இந்தத் திட்டத்திற்கு அவுரங்காபாத் நகரைச் சார்ந்த முகமது அஸ்லம் என்கிற சலீம் தேர்வு செய்யப்பட்டான். இவன் பாகிஸ்தானால் ஆக்கிரமிக்கப்பட்ட பகுதியில் பயிற்சி பெறுவதற்காகவே அனுப்பப்பட்டவன். இவ்வாறு பயிற்சி பெற்று இந்தியா திரும்பும்போது நான்டெட் ரயில் நிலையத்தில் Sachkand Express ரயிலுக்குக் காத்திருக்கும்போது டெல்லி காவல் துறையினரால் கைது செய்யப்பட்டான். இவன் குஜராத் மாநிலத்திலும், மஹாராஷ்டிர மாநிலத்திலும் இஸ்லாமியப் பயங்கரவாதத் தாக்குதலில் சம்பந்தப்பட்டவன். பல்வேறு பெயர்களில் அடையாள அட்டை வைத்திருந்தான். சலீம் முஹமது எனும் பெயரில் காஷ்மீர் மாநில அடையாள அட்டையும், யூசுப் எனும் பெயரில் பாகிஸ்தான் பாஸ்போர்ட்டும் வைத்திருந்தான்.

மும்பைப் பங்குச் சந்தையின் மீது தாக்குதல் தொடுக்க வேண்டும் என்பதற்காகவே ஷமீர் ஷேக் என்கின்ற பெயரில் ஒரு ஓட்டுநர் உரிமம் பெற்று, பின்னர் அதையே பயன்படுத்திக் கம்ப்யூட்டர் இன்ஸ்டிட்யூட்டில் சேர்ந்து கணினிப் பயிற்சி பெறுவதற்குச் சேர்ந்தான். இந்த நிறுவனம் பங்குச் சந்தைக்கு அருகில் உள்ளது. ஆகவே பங்குச் சந்தையின் மீது தாக்குதல் நடத்துவதற்காகவே பங்குச் சந்தையின் அமைப்பு, சூழ்நிலை போன்றவற்றை ஆய்வு செய்வதற்கு பாகிஸ்தான் நாட்டைச் சேர்ந்த ஜக்கு உர் ரகுமான் என்ற வேறு பெயரில் அந்த இன்ஸ்டிட்யூட்டில் சேர்ந்தான். இவனைப் போல் பாகிஸ்தான் நாட்டைச் சார்ந்த பலர் வேறு பெயர்களில் மும்பையில் இருப்பதாக உளவுத் துறையினர் தெரிவித்தார்கள்.

ஹாராஷ்டிரா மாநிலத்தில் குறிப்பாக மும்பையில் மட்டும் நடந்த 18 ஆண்டுகளில் 14 முறை வெடி குண்டுத் தாக்குதல்கள் நடந்துள்ளன. நடந்த அனைத்துக் குண்டு வெடிப்புச் சம்பவங்களிலும் பல்வேறு இயக்கங்கள் பொறுப்பு ஏற்றுக் கொண்டாலும், இந்த அமைப்புகள் அனைத்தும் ஒன்றோடொன்று நெருங்கிய தொடர்பு கொண்டவை. குண்டு வைக்கப்பட்ட நேரம், வைக்கப்பட்ட முறை ஆகியவை இந்திய மாணவர் இஸ்லாமிய அமைப்பிலிருந்து ( சிமி ) உருவான இந்தியன் முஜாஹிதீன் குழுவைக் கை நீட்டிக் காட்டுகிறது. இந்தியன் முஜாஹிதீன் அமைப்பினர் சிமியின் மறு அவதாரமாகக் கருதப்பட்டாலும், இவர்களுக்குப் பின்பலமாக இருந்து செயல்பட வைத்தவர்கள் சிமி அமைப்பினரே.  தாக்குதல் நடத்துவதற்குரிய நேரத்தை நிர்ணயிப்பது, இடத்தைத் தேர்வு செய்வது, வெடி பொருட்களைப் பாதுகாப்பாகக் கொண்டு செல்வது, இவை, சிமி இயக்கத்தின் மிக முக்கியப் பொறுப்புக்களாகும்.

2003-ம் ஆண்டு ஆகஸ்ட் மாதம் 25-ம் தேதி நடந்த தாக்குதல் 1993-ம் ஆண்டு நடந்த தாக்குதலை விடக் கொடூரமானது. 15 நிமிடங்களில் மும்பை நகரை அதிர வைத்த தாக்குதல். இத்தாக்குதல் துல்லியமாகத் திட்டமிட்டுத் தந்திரமாக நடத்தப்பட்டுள்ளது. இந்தத் தாக்குதல் மூலம் பயங்கரவாதத்தையும், பயத்தையும் பரப்ப நினைத்தவர்கள் திட்டமிட்டதை சாதித்தார்கள் என்றால் அது மிகையாகாது. இந்தக் குண்டு வெடிப்பு ஜிகாதிக் குழுக்களின் கூட்டமைப்பு இதைச் செய்திருக்கலாம் என்றும் காவல் துறையினர் தெரிவித்தார்கள்.

ந்தத் தாக்குதல்களை நடத்தியவர்கள் எனக் காவல்துறையினர் பட்டியலில் உள்ள முதல் நபர் ஜலீஸ் அன்சாரி. இவன் மும்பை வி.என்.தேசாய் மருத்துவமனையில் மருத்துவராகப் பணிபுரிபவன். டைம் பாம்கள் செய்வதில் கில்லாடி. 1993-ம் வருடம் டிசம்பர் மாதம் 5-ம் தேதி நீண்ட தூர ரயில்களில் பாம் வைத்தது இவனது கோஷ்டியாகும். இரண்டாவதாகச் சந்தேகப்படும் நபர், சி.எ.எம்.பஷீர் என்பவந். இவன் கேரளத்தில் உள்ள ஆலுவாவைச் சார்ந்தவன்; ஏரோநாட்டிகல் எஞ்சினியர். சிமி இயக்கத்தின் கேரளத் தலைவராக இருந்தவன். 1980ல-ல் பயங்கரவாதப் பயிற்சி பெறுவதற்குப் பாகிஸ்தான் சென்றவன். மும்பை காட்கோபர் தாக்குதல் திட்டத்தைத் தீட்டியவன். மூன்றாவதாக உளவுத்துறையினர் சந்தேகப்படும் நபர் சாக்யுப் நச்சன். இவன் 2003-ம் வருடம் மார்ச்சில் முலுந்த் வெடிகுண்டுச் சம்பவத்தின் சூத்ரதாரி. தொடர் வெடிகுண்டுத் தாக்குதல் நடத்துவது சம்பந்தமான பயிற்சி பெறுவதற்கு அடிக்கடி பாகிஸ்தான் சென்று பயிற்சி பெற்றவன். தனது சொந்த ஊரான பட்காவில் முஸ்லீம் இளைஞர்களைப் பயங்கரவாதப் பயிற்சி பெற ஊஉக்குவித்தது மட்டுமில்லாமல் அவர்களை அனுப்பி பயிற்சி பெற அனைத்து உதவிகளையும் செய்தவன். இவர்களுக்கு உதவி செய்தவர்கள் சிமி இயக்கத்தைச் சார்ந்தவர்கள்.

2006-ம் ஆண்டு ஜூன் மாதம் 1-ம் தேதி ஆர்.எஸ்.எஸ் தலைமை அலுவலகம் அமைந்துள்ள நாக்பூரில் உள்ள கட்டிடத்ததைத் தகர்க்கத் திட்டமிட்டுத் தாக்குதல் நடத்த முற்பட்டபோது நடந்த துப்பாக்கிச் சூட்டில் மூன்று லஷ்கர்-இ-தொய்பாவைச் சார்ந்தவர்கள் சுட்டுக் கொல்லப்பட்டார்கள்.

2006-ம் ஆண்டு ஜூலை மாதம் 11-ம் தேதி நடந்த குண்டு வெடிப்பிற்கு ஏப்ரல் மாதமே இந்தியன் முஜாஹிதீன் அமைப்பினர் நன்கு திட்டமிட்டார்கள். ஆகவே இந்தத் தாக்குதலுக்குத் தேவையான வெடி பொருட்கள் ஏப்ரல் மாதமே மும்பையின் பாதுகாக்கப்பட்டன. எந்தத் திட்டத்தையும் ஒருவரைக் கொண்டு செயல்படுத்த லஷ்கர்-இ-தொய்பாவினர் முடிவு எடுப்பதில்லை. எவ்வாறு 1993-ல் நடந்த குண்டு வெடிப்பிற்குத்  தாவூத் இப்ராஹிம் சூத்திரதாரியோ, அதே போல் 2008-ல் நடந்த குண்டு வெடிப்பிற்கு ரகீல் அப்துல் ரகுமான் ஷேக்(Raheel Abdul Rehman Sheikh) என்பவனை லஷ்கர் அமைப்பின் தலைவர் நியமித்தார். ஆகவே இத்திட்டத்தைச் செயல்படுத்த ரகுமான் ஷேக் தனக்குத் துணையாக அவுரங்காபாத் நகரைச் சார்ந்த ஷபியுதீன் அன்சாரி(Zabiuddin Ansari) என்பவனும் அவனுடன் சுல்ஃபிகர்  ஃபயாஸ் காஸி(Zulfiqar  Fayyaz Qaji) என்பவனுடன் சேர்ந்து திட்டங்கள் வகுக்கப்பட்டன. இதில்  வேடிக்கை என்னவென்றால் துவக்க கால கட்டத்தில் அப்துல் ரகுமான் ஷேக் சிமி இயக்கத்தினருடன் அதிகத் தொடர்பு கொண்டவன். ஆகவே இவ்வாறு திட்டமிட்டுக் காரியத்தை நடத்திக் காட்டியிருக்கிறார்கள்.

2006-ம் ஆண்டு ஜூலை மாதம் 11-ம் தேதி 11 நிமிடங்களில் புற நகர் ரயில் நிலையங்களில் 7 இடங்களில் குண்டு வெடித்தது. இதில் 209 பேர்கள் கொல்லப்பட்டார்கள். 700-க்கும் அதிகமானவர்கள் படுகாயமடைந்தார்கள். இந்தப் பயங்கரவாதச் சதித் திட்டத்தை நிறைவேற்றியவர்கள் லஷ்கர்-இ-தொய்பாவினரும், சிமி இயக்கத்தினரும் எனக் காவல்துறை தெரிவித்தது. ப்ரெஷர் குக்கரில் குண்டு வைக்கப்பட்டிருந்தது. 2.5 கிலோ எடையுள்ள ஆர்.டி.எக்ஸ்சும் உடன் அமோனியம் நைட்ரேட்டும் அடைக்கப்பட்டதாக  ஆய்வு செய்தவர்கள் தெரிவித்தார்கள். இவ்வாறு குண்டு வெடிக்கப்போவதாக  உளவுத் துறையினர் தகவல்களை முன்கூட்டியே தெரிவித்திருந்தார்கள். ஆனால் இது சம்பந்தமாக உள்துறை அமைச்சர் சிவராஜ் பாட்டீல் கூறும்போது “தகவல்கள் கிடைத்தன, ஆனால் எப்போது எந்த நேரத்தில் என்பது தெரியாத காரணத்தால் பாதுகாப்பு ஏற்பாடுகள் செய்ய இயலவில்லை ” எனக் கூறியது வெட்கக்கேடான செயலாகும்.

1999-ல் அவுரங்காபாத்தில் நடந்த சிமி இயக்கத்தின் கூட்டத்தில் கலந்து கொண்டவன். அந்தக் கூட்டத்தில் பேசிய அசிம் கௌரியின் பேச்சைக் கேட்டு லஷ்கர்-இ-தொய்பாவின் மீது அதிக ஆர்வம் கொண்டவனாகக் காட்டிக் கொண்டதால் இவனது ஆர்வத்தை நன்கு பயன்படுத்திக் கொண்டார்கள்.  இவனது ஆர்வத்தின் காரணமாக 2003-ல் ஶ்ரீநகரில் நடந்த Ahl-e-Hdis பிரதிநிதிகள் மாநாட்டில் கலந்து கொள்ளும் வாய்ப்புக் கிடைத்தது.  இந்த மாநாட்டில் கலந்து கொண்ட பல பிரதிநிதிகளின் நட்பும் கிடைத்தது. இதில் கலந்து கொண்ட லஷ்கர்-இ-தொய்பாவின் பொறுப்பாளர்களைச் சந்தித்துத் தனது எண்ணத்தை வெளிப்படுத்தினான். தனது நோக்கத்திற்கு ஏதுவாகப் பலர் இருந்ததால் தன்னை லஷ்கர்-இ-தொய்பாவுடன் இணைத்துக் கொண்டான்.

2006-ல் நடத்திய குண்டு வெடிப்பு சம்பந்தமாக மகாராஷ்டிரக் காவல்துறையினர் பிகாரில் இருவரையும், நவீ மும்பையில் ஒருவரையும் இது தொடர்பாகக் கைது செய்தார்கள். பீகார் மாநிலத்தில் இந்தியா நேபாள எல்லையில் அமைந்துள்ள மாவட்டமான மதுபானியில் உள்ள Basupatigaon  எனும் பகுதியிலிருந்து காலித் அசீஸ் ரௌனக் அசீஸ் ஷேக்(Khaled Aziz Raunak Aziz Sheik) என்பவனும் கமல் அஹ்மத் மொஹம்மத் வகில் அன்சாரி(Kamal Ahmad Mohammad Vakil Ansari)  என்கிற சிமி இயக்கத்தை சார்ந்தவர்கள் கைது செய்யப்பட்டவர்கள்.  இவர்களைப்  போலவே மத்திய மும்பையில் யூனானி மருத்துவராக பணிபுரியும் தன்வீர் அன்சாரி (Tanvir Ansari)  என்பவனையும் கைது செய்தார்கள்.  இவர்களைப் போலவே 2006ம் ஆண்டு குண்டு வெடிப்பில் முக்கியப் பங்காற்றிய சிமி இயக்கத்தைச் சார்ந்த மூன்று பேர்கள் ஷகீல் வாசி, ஷகிர் அஹ்மத் நாசி, முகம்மது ரேஹான் கான் ஆகியவர்கள் நாக்பூரில் கைது செய்யப்பட்டார்கள்.

காராஷ்ட்ர மாநிலத்தில் இஸ்லாமிய பயங்கரவாதிகள் தங்களது திட்டங்களை எவ்விதச் சிக்கலும் இல்லாமல் வகுப்பதற்கு மாநிலத்தில் சில இடங்களைத் தேர்வு செய்து உள்ளார்கள்.  அவ்வாறு தேர்வு செய்யப்பட்ட இடங்களில் அவுரங்காபாத் ஒன்றாகும்.  9.5.2005-ம் தேதி மகாராஷ்ட்ர மாநில காவல்துறையினர் அவுரங்காபாத் நகரில் சந்தேகப்படும்படியான நபர் ஒருவரைத் தேடும்போது நடந்த சோதனையில் 30 கிலோ ஆர்.டி.எக்ஸ் வெடி மருந்துப் பொருள்களும், ஏ.கே.47 ரகத் துப்பாக்கிகளும், பல்வேறு ஆயுதங்கள் தயாரிக்கத் தேவையான உபகரணங்களும் கண்டுபிடிக்கப்பட்டன.  இவ்வாறு கண்டுபிடிக்கப்பட்ட இடத்தில் லஷ்கர்-இ-தொய்பாவின் அவுரங்காபாத் பொறுப்பாளர் இருந்ததாக பின்னர் தகவல் வெளியானது.  இந்தச் சோதனையைப் போலவே மாலோகான் நகரில் 14.5.2006ஆம் தேதி நடந்த சோதனையிலும் ஏராளமான வெடிமருந்துப் பொருள்கள், துப்பாக்கிகள், கையெறி குண்டுகள் கைப்பற்றப்பட்டன.  2007ஆம் ஆண்டு ஜனவரி மாதம் மத்தியப் புலனாய்வுப் பிரிவினர் மகாராஷ்ட்ர மாநிலத்திற்கு அனுப்பிய இரகசியக் குறிப்பில் நன்கு பயிற்சிபெற்ற 600க்கும் அதிகமான லஷ்கர்-இ-தொய்பாவினர் கடற்கரை வழியாக மும்பைக்கு ஊடுருவி இருப்பதாகவும், எல்லைப் பகுதியில் நன்கு கண்காணிப்பு ஏற்பாடுகளை செய்ய வேண்டும் எனவும் தெரிவித்தார்கள்.  இவ்வாறு ஊடுருவியவர்கள் பூனாவில் சட்ட விரோதமாகத் தங்கியிருப்பதாகவும், சூடான் நாட்டைச் சேர்ந்த சர்வதேச பயங்கரவாதியின் கட்டளைப்படி பயங்கரவாதத் தாக்குதல் நடத்தத் திட்டமிட்டு இருப்பதாகவும் அந்தக் குறிப்பில் தகவல்கள் இடம் பெற்றிருந்தன.

2006ஆம் ஆண்டு கேரளத்தில் பிறந்து ஓமனில் கணினித் தொழிலில் ஈடுபட்டிருந்த Sarfaraz Nawaz-ம் இவருடன் மஸ்கட்டில் தொழில் புரியும் அலி அப்துல் அஸிஸ் அல் ஹொட்டி (Ali Abdul Aziz al-Hooti) யும் இணைந்து, இயற்கைக்கு மாறாக ஜிகாதிக்கு ஆட்கள் நியமித்தார்கள்.  இவ்வாறு ஜிகாதிக்கு ஆட்கள் தேர்வு செய்வது லஷ்கர் அமைப்பை வலுப்படுத்தவும், உலக நாடுகளில் இஸ்லாமியர்களுக்குப் பாதுகாப்பாக இருக்கவும் இந்த காரியத்தில் இருவரும் ஈடுபட்டார்கள்.  இவர்களில் ஹொட்டி இந்தியா, பாகிஸ்தான், பங்களாதேஷ், ஐக்கிய அரபு நாடுகள், மற்றும் மாலத்தீவுகளில் உள்ள இஸ்லாமிய பயங்கரவாதிகளுக்கு தேவையான நிதியை ஏற்பாடு செய்து கொடுப்பது முக்கிய பங்காகும்.  2005இல் இந்தியாவில் நடந்த இஸ்லாமிய பயங்கரவாதத் தாக்குதல்களிலும், 2008 நவம்பர் மாதம் மும்பையில் நடந்த தாக்குதலிலும் Sarfaraz Nawaz-ம் இவருடன் மஸ்கட்டில் தொழில்புரியும் அலி அப்துல் அஸிஸ் அல் ஹொட்டி (Ali Abdul Aziz al-Hooti)-க்கும் முக்கிய பங்கு இருப்பதாக உளவுத் துறையினர் தெரிவித்தார்கள் இந்தியாவில் இந்தியன் முஜாஹிதீன் என்கிற அமைப்பு ஏற்படுத்துவதற்கு இவர்கள் இருவரும் முக்கியமானவர்கள்.  2008 மும்பை தாக்குதலுக்குப் பின் இந்தியா இவர்கள் இருவரையும் தேடப்படும் குற்றவாளிகளாக அறிவித்தது.

இந்தியன் முஜாஹிதீன் அமைப்பு ஏற்படுத்திய பின் இந்தியாவில் நடந்த அனைத்து இஸ்லாமிய பயங்கரவாதத் தாக்குதல்களிலும் இந்த அமைப்பே ஈடுபட்டது. தூக்குதல் நடத்துவதற்கு முன் உள்ளுரில் உள்ள அனைத்து மீடியாவிற்கும் ஈ-மெயில் மூலம் தாக்குதல் நடத்தப் போவதாக அறிவித்து விடுவார்கள். அனுப்பப்படும் ஈமெயில் அனைத்து மகாராஷ்ட்ர மொழியில் இருக்கும்.  ஆகவே மும்பை பூனா, அகமாதாபாத், ஜெய்ப்பூர் ஆகிய நகரங்களில் தாக்குதல் தொடுப்பதற்கு 10 நிமிடங்கள் முன் ஈமெயில் அனுப்பப்படுகிறது. இந்தப் புதிய தந்திரம் இந்தியன் முஜாஹிதீன் அமைப்பினரின் புதிய நடவடிக்கையாகும். ஆகமாதாபாத் குண்டுவெடிப்பிற்குப் பயன்படுத்தப்பட்ட கார் நவீன மும்பையிலிருந்து வாடகைக்கு எடுத்துச் செல்லப்பட்டது.  உத்திர பிரதேசத்தில் உள்ள ஆஸம்காட் பகுதியில் இந்தியன் முஜாஹிதீன் துவக்கப்பட்டதாக இருந்தாலும், இவர்களின் செயல்பாட்டின் முக்கியக் கேந்தரமே மும்பையாகும்.

பாகிஸ்தானைச் சேர்ந்த குழுக்கள் வெறுமனே ஆட்களைக் கொல்வதைவிட இந்தியப் பொருளாதாரத்தை நெரிக்கிற- உலகத்திற்கே தெரியும்படியான தாக்குதல்களில் ஈடுபடத்தான் அதிக வாய்ப்புள்ளதாக இந்திய உளவுத்துறை தெரிவித்தது.  பயங்கரவாதிகளின் ஒரே நோக்கம் பெரிய எண்ணிக்கையில் கொலை செய்வது அல்ல. நாட்டைப் பொருளாதார ரீதியில் பலவீனப்படுத்துவதுதான் என்றார் பாகிஸ்தானைச் சார்ந்த மூத்த பத்திரிகையாளர்.  இந்தக் கோணத்தின் அடிப்படையில் நடந்ததுதான் மும்பை தாக்குதல்.  அதில் நன்கு பயிற்சிபெற்ற தற்கொலைப் படை கமாண்டோக்கள் கடல் வழியே அனுப்பபட்டார்கள்.  லஷ்கர்-இ-தொய்பாவின் தீவிரவாதி டேவிட் கோல்மன் ஹெட்லி இந்தியப் புலனாய்வு அதிகாரிகளுக்குத் தந்த வாக்குமூலங்களில் தனது பாகிஸ்தானிய பொறுப்பாளர்களில் ஒருவர் மும்பை தாக்குதலுக்குத் திட்டமிடும் போது “வித்தியாசமான முறையில் தாக்குதல் நடத்தும்படி சிந்திக்கவும்!” எனக் கேட்டுக் கொண்டதாகத் தெரிவித்தான்.

மகாராஷ்ட்ராவில் நடந்த பயங்கரவாத தாகுதல்களுக்கு வெடிமருந்துப் பொருள் கொண்டுவர குஜராத் கடற்கரையையும் பயங்கரவாதிகள் பயன்படுத்தியிருக்கிறார்கள்.  பாகிஸ்தானின் ஐ.எஸ்.ஐயும் லஷ்கர்-இ-தொய்பாவும் கராச்சியிலிருந்து வெடிமருந்துகளை மும்பைக்குக் கொண்டுவருவதற்கு பாதுகாப்பான வழி என குஜராத்தின் கடற்கரையைத் தேர்வுசெய்தார்கள்.  லஷ்கர்-இ-தொய்பாவின் மகாராஷ்ட்ரப் பொறுப்பாளரான ஷேக்(Sheikh) என்பவனுக்கு அகமதாபாத் நகரில் பயங்கரவாதத் தாக்குதல் நடத்துவதற்காகத் தேவையான 9 கிலோ ஆர்.டி.எக்ஸ். குஜராத்தின் கடற்கரை வழியாக அனுப்பப்பட்டது.  இந்தத் தாக்குதல்களுக்காக 2002ஆம் ஆண்டு முதல் 2003ஆம் ஆண்டு வரை காஷ்மீரில் பயங்கரவாதச் செயலுக்கு உடந்தையாக இருந்த முகமது இக்பால் தனது மாஃப்பியா கும்பலின் உதவியுடன் வெடிமருந்துப் பொருட்கள் ஷேக்குக்கு ஒப்படைக்கும் பணியைச் செய்துமுடித்தான்.  இந்தச் செயலுக்காக புதிதாக ஒருவனை லஷ்கர் அமைப்பினர் நியமித்தார்கள், அந்தப் பொறுப்பாளரின் பெயர் பெரோஸ் அப்துல் காஸ்வாலா(Feroze Abdul Ghaswala) என்பவன்.  இவன் ஆட்டோமோபைல் மெக்கானிக், இவன் தனக்கு உதவியாக இருக்க கம்யூட்டர் என்ஜினியரான முகமது அலி ஷிப்பா (Mohammad Ali Chippa) என்பவனையும் உடன் சேர்த்துக் கொண்டான்.

1993ஆம் ஆண்டு மும்பையில் நடந்த பயங்கரவாதத் தாக்குதலுக்கு முக்கியப் பொறுப்பாளராக இருந்த தாவூத் இப்ராஹிம்  எட்டாவது குற்றவாளியாக வழக்கு பதிவுசெய்யப்பட்டது.  இந்தியாவில் சட்டத்தின் பிடியிலிருந்து தப்பியோடியவர்கள் குறித்து பாகிஸ்தானிடம் கொடுக்கப்பட்டு தற்போது அந்த பட்டியலில் தவறுகள் இருப்பதாகக் கூறி உள்துறை அமைச்சகம் திரும்ப பெற்றுக் கொண்டது. இந்த பட்டியலில் லஷ்கர்-இ-தொய்பாவின் தவைலர் ஹஃபீஸ் முகமது சயீத், ஐ.எஸ்.ஐயின் மேஜர் சமீர் அலி முதலியவர்கள் முதல் முக்கியமான குற்றவாளியாக இந்திய அரசு குற்றப்பத்திரிகை தாக்கல் செய்துள்ளது.  ஆனால் இந்தக் குற்றவாளிகளை கைது செய்ய இதுவரை மத்திய அரசு எவ்வித நடவடிக்கையும் எடுக்கவில்லை.

பாகிஸ்தானுடன் இந்தியாவுக்கு கைதிகள் பரிமாற்றத்திற்கான ஒப்பந்தம் எதுவும் கிடையாது. ஆனால் தங்கள் நாட்டில் தாவூத் இப்ராஹிம்  இல்லை என் பாகிஸ்தான் திரும்ப திரும்ப பொய்கூறி வருகிறது.  தாவூத்தை நாடு கடத்தும் அளவுக்கு பாகிஸ்தான் மீது இந்தியா போதுமான அளவிற்கு நெருக்கடி கொடுக்கவில்லை.  மத்தியில் ஆட்சியில் பாரதீய ஜனதா கட்சி இருந்தபோது தாவூத் விவகாரத்தை அத்வானி அமெரிக்காவிடம் எடுத்துச் சென்றபோது 2003-2004இல் தாவூத் நாடு கடத்தும் அளவிற்கு அதற்கான வாய்ப்புகள் தெரிந்தது.  இதன் காரணமாக அமெரிக்கா தாவூத்தை உலகளாவிய பயங்கரவாதி என அறிவித்தது.  இதன் மூலம் அமெரிக்காவில் உள்ள தாவூத்தின் நிதி முடக்கப்பட்டது.  தாவூத்துடன் உள்ள அமெரிக்கர்களுக்கு உள்ள தொடர்புகளுக்கு தடை விதிக்கப்பட்டது.  இதன் காரணமாக பாகிஸ்தான் தாவூத் தங்கள் நாட்டில் இருப்பதாக ஒப்புக்கொள்ளக் கூடிய சூழ்நிலை ஏற்பட்டது.  ஆனால் 2004இல் ஐக்கிய முற்போக்குக் கூட்டணி ஆட்சி ஏற்பட்டதால், தாவூத் இந்தியா கொண்டுவரும் அனைத்து வழிகளும் அடைக்கப்பட்டன.  இந்தியாவில் தேடப்படும் குற்றவாளியான தாவூத் இப்ராஹிம், கராச்சியிலிருந்தபடி இந்தியாவில் தனது சாம்ராஜ்யத்தை விரிவுபடுத்துகிறான்.  அந்த நெட்வொர்க்கை ஒடுக்குவதில் மத்தியில் ஆளும் ஐக்கிய முற்போக்குக் கூட்டணி அரசு தயக்கம் காட்டுகிறது.

2008ஆம் ஆண்டு நவம்பர் மாதம் 26ஆம் தேதி மும்பை தாக்குதல் தொடர்பாக அவிழ்க்கப்படாத முடிச்சு தொக்கி நிற்கிறது.  அதாவது லஷ்கர்-இ-தொய்பாவின் தற்கொலைப் படை பயங்கரவாதக் குழுவைச் சார்ந்த 10 பேர்கள் மட்டுமே இந்தத் தாக்குதல்களை நடத்தினார்கள் என உளவுத் துறையினர் தெரிவித்தார்கள். ஆனால் தாக்குதல் நடத்திய 10 பேர்களில் ஒருவர் கூட மும்பைக்கு ஒருமுறைகூட வராமல், எல்லா இடங்களுக்கும்- குறிப்பாக தாக்குதல் நடத்தும் மையங்களுக்கு அவ்வளவு எளிமையாகச் சென்றடைந்தனர் என்றால் மிகப் பெரிய திட்டமிடல் நடந்துள்ளது என்பது புலனாகிறது.   இந்த தாக்குதலுக்கு ஏப்ரல் மாதமே வெடி குண்டுகள் பதுக்கி வைத்த போது, மே மாதம் மாகாரஷ்ட்ர காவல் துறையினரின் தொடர் கண்காணிப்பின் காரணமாக சில இடங்களில் நடத்திய சோதனையில் ஆர்.டி.எக்ஸ் வெடி மருந்து கண்டுபிடிக்ப்பட்டது. இந்த சோதனையின் போது இந்தியன் முஜாஹிதீன் பொறுப்பாளர் சைப்புதீன் அன்சாரி தப்பி ஓடிவிட்டான்.

 

புனே குண்டு வெடிப்பு

12.2.2010ஆம் தேதி புனேவில் உள்ள ஜெர்மன் பேக்கரியில் குண்டு வெடித்து 17 பேர்கள் கொல்லப்பட்டார்கள், 54க்கும் அதிகமானவர்கள் படுகாயமடைந்தார்கள், கொல்லப்பட்டவர்களில் சிலர் வெளிநாட்டைச் சார்ந்தவர்கள்.  ஜேர்மன் பேக்கரியில் ஏன் குண்டு வைக்க வேண்டும் என்கின்ற கேள்விக்கு இதுவரை சரியான பதில் கிடைக்கவில்லை.  இதற்கான விடை தெரிய வேண்டுமானால் சிக்காகோவில் உள்ள லஷ்கர்-ஈ-தொய்பா பயங்கரவாதி ஹெட்லி மற்றும் அவனது கூட்டாளியான ஹுசைன் ராணா என்பவனையும் முழுமையாக விசாரித்தால் மட்டுமே உண்மை வெளிவரும்.  ஹேட்லியின் குறிக்கோள் புனோவில் உள்ள இஸ்ரேலியர்கள் மீது என்றாலும், அல்லது மேற்கத்திய நாட்டைச் சார்ந்தவர்கள் என்றாலும், ஜெர்மன் பேக்கரியைத் தாக்க வேண்டியதில்லை.  அதிக அளவில் இஸ்ரேலியர்கள் வந்து போகும் சத்பாத் ஹவுஸும், மேற்கத்தியர்கள் வந்து போகும் ரஜ்னீஸ் ஆஸ்ரமும் ஜெர்மன் பேக்கரிக்கு அருகில் இருந்தும் அவை தாக்கப்படவில்லை என்பதால் இந்த கேள்வி எழுந்தது.

இந்தியா பாகிஸ்தான் பேச்சு வார்த்தை நடக்கும்போது குண்டு வைக்க வேண்டிய அவசியம் என்ன?  இதற்குமுன் உத்திரப் பிரதேசம், ஜெய்பூர், டெல்லி, அகமதாபாத், மும்பையில் கூட தொடர் குண்டுவெடிப்பு நடத்தப்பட்டன. ஆனால் புனேவில் ஜெர்மன் பேக்கரியில் ஒரே ஒரு குண்டு மட்டும் வைக்க வேண்டிய அவசியம் என்ன? என்பது போன்ற கேள்விகளுக்குக் கூட விடை கிடைக்கவில்லை.  ஏன் என்றால் 2002 முதல் 2008 வரை இந்தியன் முஜாஹிதீன்கள் நடத்திய தொடர் குண்டுவெடிப்புச் சம்பவங்கள் போல் நடக்கவில்லை என்பதால் இந்தக் கேள்வி எழுகிறது.

 

ஹெட்லி

சிகாகோவில் உள்ள லஷ்கர்-ஈ-தொய்பா செல்லின் பொறுப்பாளர்.  லஷ்கர்-ஈ-தொய்பாவின் ஐந்து பயிற்சிகளில் பாகிஸ்தானில் பங்கேற்றுள்ளான்.  ஜிகாதி போரை நடத்துவது தொடர்பான சித்தாந்த ரீதியான மூன்று வாரப் பயிற்சியை 2002 பிப்ரவரியில் முடித்திருக்கிறான்.  2002 ஆகஸ்ட் மாதம் ஆயுதங்கள் மற்றும் வெடிமருந்துகள் பயன்படுத்துவது எப்படி என்ற மூன்று வாரப் பயிற்சியிலும பங்கேற்றுள்ளான்.  2003இல் அருகில் நின்று போராடும் தந்திரம், ஆயுதங்கள், வெடி குண்டுகள் கையாளுவது, தாக்குதல் நடக்கும் போது தாக்குப்பிடித்து நிற்பது  உள்ளடக்கிய மூன்று மாதப் பயிற்சியை முடித்து இருக்கிறான்.  நான்காவதாக ஆகஸ்ட் 2003லேயே எதிரிகளை வேவு பார்ப்பது தொடர்பான பயிற்சியும், 2003 டிசம்பரில் போர்முறைப் பயிற்சியும், களத் தந்திரங்கள் பயிற்சியையும் பெற்றவன்.  ஆகவே லஷ்கர்-ஈ-தொய்பாவின் அனைத்துப் பயிற்சிகளையும் பெற்று முழு லஷ்கர் ஜிகாதியாக மாறியவன்.

ஹெட்லி 2006 செப்டம்பரில்தான் முதன்முதலில் இந்தியா வந்துள்ளான் என உளவுத் துறை தகவல் தெரிவித்தது.  இந்தப் பயனத்தின் போது ஹெட்லி இந்தியாவில் உள்ள முக்கியக் கட்டிடங்கள் குறிப்பாக தாஜ் ஹோட்டல் உட்பட மும்பையில் உள்ள முக்கிய இடங்களை வீடியோ எடுத்துள்ளான்.  தான் எடுத்த படங்களை லஷ்கர்-ஈ-தொய்பா உட்பட சில முக்கிய சதிகாரர்களிடம் கொடுத்துள்ளான்.  இதைத் தொடாந்து மேலும் சில படங்களை எடுக்க மீண்டும் மும்பைக்குத் திருப்பி அனுப்பப்பட்டான்.  ஆகவே இந்தத் தகவலின் படி மும்பையில் நவம்பர் மாதம் 26ஆம் தேதி நடந்த தாக்குதலுக்கு செப்டம்பர் 2006இல் திட்டம் தீட்டப்பட்டது தெரிய வருகிறது.  ஹெட்லி மும்பையில் எடுத்த படங்களை லஷ்கர்-ஈ-தொய்பாவின் இயக்க நிர்வாகிகளிடம் காட்டியதாகவும் அவர்களுடன் இன்னும் சிலர் இருந்ததாகவும் தனது வாக்குமூலத்தில் தெரிவித்திருப்பதாக அமெரிக்க உளவு நிறுவனம் தெரிவித்துள்ளது.  லஷ்கர்-ஈ-தொய்பாவுடன் இருந்த இன்னும் சிலர் என்பது பாகிஸ்தானின் ஆட்சியாளர்கள் மற்றும் ஒய்வு பெற்ற இராணுவ அதிகாரிகளாக இருக்கக்கூடும் என்கின்ற தகவல்களும் உள்ளன.

2007 வாக்கில் இரண்டாவது முறையாக ஹெட்லி இந்தியா வந்துள்ளான்.  மீன்டும் மும்பை வந்த ஹெட்லி முக்கியத் தளங்களை வீடியோ எடுத்துள்ளான்.  அதே நேரத்தில் தாஸ் ஹோட்டலின் இரண்டாவது மாடியை முழு அளவில் வீடியோ எடுத்துள்ளான் என்றும் அமெரிக்காவின் எப்.பி.ஐ தெரிவிக்கிறது.   இதனிடையே 2007 செப்டம்பர் மாத வாக்கில் மூன்றாம் முறையாக ஹெட்லி மும்பைக்கு வந்துள்ளான்.  அங்கிருந்து திரும்பி வந்து தன் கூட்டுச் சதியாளர்களுடன் வீடியோ படங்களை பகிர்ந்து கொண்டான்.  இதைத் தொடர்ந்து 2008 மார்ச் வாக்கில் கூட்டுச் சதியாளர்களுடன் சேர்ந்து மும்பையைத் தாக்கும் தீவிரவாதிகள் மும்பையில் எங்கு வந்து சேர வேண்டும் என்பது பற்றி விவாதித்தான்.  இதனால் அந்த லேண்டிங் சைட் எது என்பதைத் தேர்வு செய்ய ஹெட்லி மீன்டும் மும்பை வந்தான் என்றும் அறிக்கையில் குறிப்பிடப்பட்டுள்ளது. ஆகவே மும்பை தாக்குதலில் ஹெட்லியின் பங்கு முக்கியமானதாகத் தெரிகிறது.

(தொடரும்)