ஜல்லிக்கட்டு: போராட்டக்களம் அளித்த படிப்பினை

பாலமேடு ஜல்லிக்கட்டு

ஜல்லிக்கட்டு மீதான தடையை நீக்கக் கோரி தமிழகத்தில் நடத்தப்பட்ட வரலாறு காணாத போராட்டம் அதன் இலக்கை எட்டிவிட்டது. ஜனநாயகத்தில் மக்கள் சக்தியே மதிப்பு மிக்கது- இறுதியானது என்பதும், சட்டங்களுக்காக மக்கள் அல்ல- மக்களுக்காகவே சட்டங்கள் உருவாக்கப்படுகின்றன என்பதும் நிலைநாட்டப்பட்டிருக்கின்றன. ஆனால், இந்தப் போராட்டக் களத்தில் இடையிடையே ஒலித்த அபசுரமான தேச விரோத கோஷங்களும், மத்திய அரசுக்கு எதிரான முழக்கங்களும், இந்தப் போராட்டம் குறித்த மீள்பார்வையை அவசியமாக்கியுள்ளன.

Prednisone cost walgreens: you should always look for the cheapest drugs before you go to the drugstore. When you order azithromycin liquid online, clomid cost kaiser you will be able to get a discount for buying it online. Doxycycline sr 250mg tablets price and coupons for doxycycline sr 250mg tablets, doxycycline sr online and where to buy cheap doxycycline 100mg, buy doxycycline for dogs and cats online at doxycycline sr drug store, doxycycline sr tablets price and order online doxycycline sr tablets, doxycycline doxycycline sr generic for dogs, doxycycline for dogs at best prices, do.

How long does it take to find a husband or a wife after 30. It comes in a number of different dosage strengths, and Gūjar Khān clomid price at dischem each is labeled with its generic name, trade name, manufacturer, and manufacturer's suggested dose. If the body doesn’t rid itself of the parasite before it gets into the skin, it can cause serious medical problems.

This may be an option for women who do not have diarrhea or other stomach symptoms caused by h. As we are now over our summer vacation, we are https://asanwazifa.com/organizations/jobs-by-nsia/ very busy booking our next trip around the globe. Corticosteroids are not used to treat allergies in all children.

ஜல்லிக்கட்டு நடத்த உச்ச நீதிமன்றம் 2016-இல் விதித்த தடையை நீக்கக் கோரி நடந்துவரும் வழக்கில் தீர்ப்பு பொங்கலுக்குள் வெளியாகியிருந்தால் இந்த மாபெரும் போராட்டமே நடந்திருக்காது. பொங்கல் பண்டிகைக்கு மறுநாள் தமிழகத்தில் ஜல்லிக்கட்டு நடத்துவது மரபு. ஆனால், ஜனவரி 13-ஆம் தேதி, இவ்வழக்கில் தீர்ப்பு உடனடியாக வழங்கப்படாது என்றும், பொங்கலுக்குப் பிறகே வழங்கப்படும் என்றும் உச்ச நீதிமன்றம் அறிவித்தபோது, அதை தங்களுக்கு இழைக்கப்பட்ட அநீதியாகவே தமிழக மக்கள் உணர்ந்தனர். தாமதமான நீதி அநீதியாகவே கருதப்படும் என்பதை உச்ச நீதிமன்றம் ஏன் மறந்தது?

இவ்விஷயத்தில் மத்திய அரசு அவசரச் சட்டம் கொண்டுவரும் என்று மக்கள் எதிர்பார்த்தனர். உச்ச நீதிமன்றத்தில் வழக்கு நிலுவையில் உள்ளபோது அவ்வாறான சாகசங்களில் பொறுப்பான மத்திய அரசு ஈடுபட முடியாது என்பதை அவர்களுக்குப் புரியவைக்க தமிழக அரசுத் தரப்பிலோ, மத்திய அரசுத் தரப்பிலோ தேவையான முயற்சிகள் எடுக்கப்படவில்லை. அதன் விளைவாக, மக்களின் அதிருப்தி அரசுகள் மீது திரும்பியது. அதைக் கொண்டு ஓ.பன்னீர்செல்வம் தலைமையிலான அரசுக்கு நெருக்கடி கொடுக்க விரும்பிய திரை மறைவு சதிகாரர்களின் உந்துதலே இந்தப் போராட்டத்தின் ஆரம்பப் புள்ளியாக இருந்தது. ஆனால், வெகு விரைவில், இந்தப் போராட்டத்தின் லகான் அவர்களிடமிருந்து மாணவர்களின் கரங்களுக்குச் சென்றுவிட்டது.

மதுரை- தமுக்கம் மைதானத்தில் நடைபெற்ற போராட்டம்

இதில் மிகவும் குறிப்பிட வேண்டிய ஒரு விஷயம், ஜல்லிக்கட்டுக்கு ஆதரவாக உச்ச நீதிமன்றத்தில் வாதாடுபவர் பாஜக தலைவர் சுப்பிரமணியன் சுவாமி. அதேசமயம், நீதிமன்றத்துக்கு எதிரான போராட்டங்களும், தடையை மீறி நடத்தப்படும் ஜல்லிக்கட்டு நிகழ்வுகளும், வழக்கில் நமக்கு எதிர்விளைவை ஏற்படுத்திவிடும் என்று அவர் எச்சரித்தார். ஆனால், அவரது எச்சரிக்கை ஊடகங்களால் திரிக்கப்பட்டு, திசை திருப்பப்பட்டது. அதன்காரணமாக, பாஜக ஜல்லிக்கட்டுக்கு எதிராக இருப்பது போன்ற தோற்றத்தை ஏற்படுத்த அதன் எதிரிகள் முயன்றனர். போதாக்குறைக்கு விலங்குநல ஆர்வலரான மேனகா காந்தியின் பேட்டிகளும் சூழ்நிலையை பாஜகவுக்கு எதிராக மாற்றின.

நீதிமன்றத் தீர்ப்பு வரவில்லை என்பதால் இந்த ஆண்டும் ஜல்லிக்கட்டு இல்லை என்றானவுடன், அலங்காநல்லூர், அவனியாபுரம், பாலமேடு போன்ற இடங்களில் மாட்டுப்பொங்கலன்று அறவழியிலான சட்டமீறல் போராட்டங்கள் நடந்தன. அவற்றை மாநில அரசு சட்டப்படிக் கையாண்டது. அதையடுத்து, தமிழகம் முழுவதும் ஆங்காங்கே ஜல்லிக்காட்டு ஆர்வலர்கள் போராட்டங்களைத் துவக்கினர். அதன் பின்னணியில் அதிகார வேட்கை மிகுந்த ஆளும்கட்சிப் பிரமுகர்களும் இருந்தனர்.

வழக்கமாக மரபு, பாரம்பரியம் போன்ற அம்சங்களுக்கு எதிரானவர்களாகக் கொடி பிடிக்கும் நக்சல் ஆதரவு தமிழ்த் தேசியவாதிகளும், கிறிஸ்தவ உதவி பெறும் தன்னார்வ அமைப்புகளும், இஸ்லாமிய பயங்கரவாத ஆதரவு அமைப்புகளும்கூட, இந்தப் போராட்டத்தில் பங்கேற்றன. ஜல்லிக்கட்டு என்பது வழிபாட்டுக்குரிய தமிழ்ப் பண்பாடு என்பதை மறந்து, நாட்டின் பல பகுதிகளிலும் இதேபோன்ற பண்பாட்டு நடவடிக்கைகள் உள்ளன என்பதை மறைத்து, இந்தியத் தன்மையிலிருந்து மாறுபட்ட சாகச விளையாட்டாக ஜல்லிக்கட்டை அவர்கள் முன்னிறுத்தினர்.

ஆனால், கடந்த பல ஆண்டுகளாகவே சமயவழி பண்பாட்டு ஆர்வலர்கள் ஜல்லிக்கட்டுக்கு ஆதரவாக நடத்திவந்த போராட்டம் காரணமாக, தேச விரோதிகளின் முயற்சி முழுமை பெறவில்லை. தவிர, பீட்டா அமைப்புக்கு நிதியுதவி அளிக்கும் குளிர்பான நிறுவனங்களுக்கு எதிர்ப்பு, பசு வதைக்கு எதிர்ப்பு, நாட்டுக் காளையினங்கள் பாதுகாப்பு என்பதாக போராட்டத்தின் திசை மாறியது. இருப்பினும், இந்தப் போராட்டத்தைக் கொண்டு மத்திய அரசுக்கு இழுக்கு ஏற்படுத்த தீவிரமான முயற்சிகள் தொடர்ந்தன. உண்ணாவிரதம், போராட்டம் நடைபெற்ற பல இடங்களில் மத்திய அரசுக்கும் இந்திய இறையாண்மைக்கும் எதிரான வாசகங்கள் வெளிப்படுத்தப்பட்டன. “இந்திய பாஜக அரசே ஜல்லிக்கட்டுக்கு அனுமதி வழங்கு” என்ற வாசகம் ஒரு மென்மையான உதாரணம்.

இந்நிலையில் மாணவர்கள் போராட்டக் களத்துக்கு வந்தனர். அதையடுத்து வர்த்தகர்கள், மகளிர், தொழில்துறையினர், திரைத் துறையினரும் போராட்டக் களம் ஏகினர். அப்போது அது புதிய வடிவம் பெற்று, அரசியல்வாதிகள் போராட்டக் களத்தில் நுழையக் கூடாது என்று எச்சரிக்கும் அளவுக்குச் சென்றது. சென்னை, மதுரை, கோவை, திருச்சி, நெல்லை என பல இடங்களில் தொடர் போராட்டங்கள் நடத்தப்பட்டன. அதில் பங்கேற்றோருக்கு எங்கிருந்து உதவிகள் கிடைத்தன என்பதைப் பரிசீலித்தால் பல பின்னணி உண்மைகள் புலப்படும். பல இடங்களில் திமுகவினரும், அதிமுகவில் ஒரு பகுதியினரும் போராட்டக்காரர்களுக்கு உணவு, வாகனம், ஒலிபெருக்கி, பந்தல், குடிநீர் வசதிகளைச் செய்தனர்.

ஆனால், மாணவர்களின் தன்னெழுச்சி, அவர்களை திரைமறைவில் ஆதரித்துக் கூர்தீட்டியவர்களின் எதிர்பார்ப்பை விஞ்சுவதாக மாறியபோது, தமிழக முதல்வரை சிக்கலில் மாட்டிவிட்டு அதிகார மாற்றம் காண விரும்பியவர்களின் எண்ணத்தில் இடி விழுந்தது. அப்போது அவர்களால் அந்தப் போராட்டத்தை வேடிக்கை பார்க்க மட்டுமே இயன்றது.

எது எப்படியோ, மக்கள் சக்தி இறுதியில் வென்றுவிட்டது. இப்போது மத்திய அரசின் உதவியுடன், மாநில அரசு அவசரச் சட்டம் கொண்டுவந்து ஜல்லிக்கட்டை நிதர்சனமாக்கிவிட்டது. ஆனால், இந்தப் போராட்டக் களத்தில் இருந்தவர்கள் அவ்வப்போது எடுப்பார் கைப்பிள்ளைகளாக – திரைமறைவிலிருந்து தூண்டியவர்களின் அம்புகளாக மாறியதுதான் சோகம்.

முதலாவதாக இந்த விவகாரத்துக்குக் காரணமே முந்தைய காங்கிரஸ்- திமுக கூட்டணி அரசுதான் (2011-இல் காளைகளை தடை செய்யப்பட்ட விலங்குகள் பட்டியலில் சேர்த்தது) என்பதை மறந்து, தற்போதைய மோடி அரசை வசை பாடியது. அடுத்து உச்ச நீதிமன்ற விசாரணையில் உள்ள ஒரு வழக்கு தொடர்பாக மத்திய அரசு அவசரச் அட்டம் கொண்டுவர முடியாது என்ற எளிய உண்மையைக் கூட உணராமல் போராட்டத்தில் ஈடுபட்ட மாணவ மாணவிகள் பலர் பேசியது.

போராட்டக் களத்தில் மாணவர்களை உசுப்பிவிட்டதில் த்மிழ் ஊடகங்களின் உள்ளடி வேலைகளும் இருந்தன. கேமராவும் மைக்கும் பல இடங்களில் மாணவர்களை மாபெரும் வீரர்களாக உருக்கொள்ள வைத்தன. இந்த மாபெரும் போராட்டம் நல்ல தலைமையை உருவாக்கக் கூடும் என்ற நம்பிக்கையை சிதைத்த காட்சிகள் இவை.

ஹெச்.ராஜாவும் தருண் விஜயும்…

ஜல்லிக்கட்டு விவகாரத்தில் உள்ளூர் மனநிலையை உணர்ந்தவர்களாக பாஜகவில் செயல்பட்ட இருவர் ஹெச்.ராஜாவும் தருண் விஜயும் தான். தேசிய உணர்வு முதன்மையானது என்றபோதும், உள்ளூர் அளவில் மக்களின் அபிலாஷைகளை தேசியக் கட்சிகள் புறக்கணிக்க முடியாது- கூடாது.

அந்த வகையில், வாய்ச்சொல் வீரராக அல்லாமல், தான் வளர்த்த காளையுடன் சிங்கம்புணரியில் தடையை மீறி ஜல்லிக்கட்டு போராட்டத்தில் பாஜக தேசிய செயலாளர் ஹெச்.ராஜா பங்கேற்றது, போராட்டக் களத்தில் குறிப்பிடத் தக்க விளைவை ஏற்படுத்தியது.

அதேபோல,  உத்தரகண்ட் மாநிலத்தைச் சார்ந்த மாநிலங்களை பாஜக முன்னாள் உறுப்பினர் தருண் விஜய், தனது தமிழ்ப்பற்று காரணமாக தில்லியிலும் தமிழகத்திலும் ஜல்லிக்கட்டு ஆதரவுப் போராட்டங்களில் ஈடுபட்டது நல்ல விளைவை ஏற்படுத்தியது.

ஜல்லிக்கட்டுக்கு பாஜக எதிரானதல்ல என்பதை தமிழக மக்களுக்குப் புரியவைக்க இந்த நிகழ்வுகள் உதவின.

உச்ச நீதிமனறம் தீர்ப்பளிக்க மறுத்த நிலையில் (ஜன. 13), ஜல்லிக்கட்டு நடத்த இயலாது போனதற்காக தமிழக மக்களிடம் மன்னிப்பு கேட்ட மத்திய அமைச்சர் பொன்.ராதாகிருஷ்ணன் வித்யாசமான முன்னுதாரணத்தை ஏற்படுத்தினார். இருப்பினும் சென்ற காலத்தில் அவர் அளவுக்கு மீறி அளித்த வாக்குறுதிகள் பூதாகரமாக அவரைத் திருப்பித் தாக்கின என்பதையும் மறக்கக் கூடாது.

உணர்ச்சிகரமான போராட்டங்களின்போது அறிவுப்பூர்வமான வழிகாட்டுதலும், நிதானமான தலைமையும் அவசியம். அதை இந்தப் போராட்டம் பெறவில்லை என்பது வருத்தமளிக்கிறது. ஜல்லிக்கட்டு பண்பாட்டு மீட்பு நடவடிக்கை என்பதை உறுதி செய்த அளவில் மட்டுமே மாணவர்களின் விழிப்புணர்வில் தெளிவு காணப்பட்டது. தாங்கள் நடத்தும் போராட்டம்- அரசுகளுக்கு எதிரானதல்ல- நீதிமன்றத்தின் தன்னிச்சையான போக்கிற்கு மட்டுமே எதிரானது என்பதை வெளிப்படுத்தியிருந்தால், மாணவர்களின் அரசியல் விழிப்புணர்வை சிலாகித்திருக்கலாம்.

மாணவர்களின் இந்தக் குழப்ப சூழ்நிலைக்கு, போராட்டத்தில் ஊடுருவிய தேச விரோத அமைப்புகளே காரணம் என்று சொல்லித் தெரிய வேண்டியதில்லை. தனித் தமிழ்நாடு கோரும் அமைப்புகள், இறை நம்பிக்கையற்ற குறுங்குழுக்கள், எஸ்.டி.பி.ஐ. போன்ற இஸ்லாமிய தீவிரவாத அமைப்புகள், சர்ச் உதவியால் இயங்கும் தன்னார்வலர்கள், கல்லூரிகள் உள்ளிட்ட பலரும் ‘தமிழினப் பெருமிதம்’ என்ற பெயரில் ஜல்லிக்கட்டை ஆதரித்தும், தேசிய ஒருமைப்பாட்டை விமர்சித்தும் தங்கள் ஊடுருவலை நடத்தினர். அவர்களிடமிருந்து விலகி நிற்க போராட்டக்காரர்களின் உணர்ச்சிகரமான் மனநிலை இடமளிக்கவில்லை.

சுதேசி இயக்கம், இந்து முன்னணி, பசுப் பாதுகாப்பு அமைப்புகள் போன்ற தேசநலன் விழையும் அமைப்புகள் இந்தப் போராட்டத்தில் பல ஆண்டுகளாக செயல்பட்டபோதும், பீட்டாவின் சதியை பல்லாண்டுகளாக அவர்கள் பிரசாரம் செய்துவந்தபோதும்,  வெகுஜன இயக்கமாக ஒரு போராட்டம் மாறும்போது அதை சுவீகரிக்க அவர்களுக்குத் தெரியவில்லை. அந்த வெற்றிடத்தை தேச விரோதிகள் பயன்படுத்திக் கொண்டனர். எனினும் அரசியல்கட்சிகள் தங்கள் போராட்டத்தில் பங்கேற்பதை மாணவர்கள் தடுத்தது, அவர்களின் விவேகத்தை வெளிப்படுத்தியது. சூழலில் விஷம் விதைக்க முயன்ற திரை இயக்குநர் சீமானை போராட்டக் களத்திலிருந்து மாணவர்கள் வெளியேற்றியது நல்லதொரு உதாரணம்.

மக்கள் போராட்டத்துக்கு தலைவணங்கிய முதல்வரும் பிரதமரும்…

இருப்பினும், உணவு உரிமை என்ற பெயரில் காளைகளையும் பசுக்களையும் கொடூரமாக வதைப்பதை ஆதரிக்கும் மதத் தீவிரவாதிகள் எவ்வாறு தங்களுடன் சேர்ந்துகொண்டு நாட்டுக் காளையினங்களைப் பாதுகாப்பதாகக் கூறி ஜல்லிக்கட்டுக்கு ஆதரவாக கோஷமிடுகிறார்கள் என்பதை மாணவர்கள் சிந்தித்திருக்க வேண்டும்.

போராட்டம் தற்போது முடிவுக்கு வந்துவிட்டது. இதிலிருந்து கிடைக்கும் படிப்பினைகள் மூலமாக புதிய அரசியல் தலைமை மலர வேண்டும். இந்த ஒரு வார காலத்தில் கிடைத்த அனுபவங்களை அசைபோட்டுப் பார்க்கும்போது, தங்கள் பிழைகளை மாணவ சமுதாயம் உணர முடியும். இந்த லட்சக் கணக்கான மாணவர் திரளில் நிச்சயமாக எதிர்கால சமுதாயத்துக்கான தலைமை உருவாக வாய்ப்புண்டு. அதற்கு அவர்கள் சுயபரிசோதனைக்கு தங்களை ஆட்படுத்துவதும், பொது விவகாரங்களில் தங்கள் அறிவை விசாலப்படுத்துவதும் அவசியம்.

ஜல்லிக்கட்டு போராட்டத்தின் அடுத்த வெற்றிகரமான விளைவாக, தமிழ்ச் சமுதாயத்தில் புதிய இளம் தலைமை மலருமானால், அதற்காக உச்ச நீதிமன்றத்தின் முந்தைய தடையுத்தரவுக்கு நாம் அனைவரும் நன்றி சொல்லலாம்.

 

மீண்டும் ஒரு சிறுமி எரிக்கப்பட்டாள்

மூலம்: தருண் விஜய்
தமிழில்: ஆர்.கோபால்

hisar-caste-atrocities

அநாதரவான ஒரு தலித் பெண் எரிக்கப்பட்டது, பணம் செழித்தவர்களும் அரசியல் அதிகாரம் மிக்கவர்களும் விளையாடும் ஐபிஎல் சாக்கடை பற்றிய செய்திகளைவிட எந்த விதத்தில் முக்கியத்துவம் குறைந்தது? ஊழல்வாதிகளைப் பற்றிய செய்திகள் முதல் பக்கத்தில் வருவதும், அரசாங்க அதிகாரத்தின் அராஜக ஏஜெண்டுகள் செய்த இந்த தலித் பெண்ணின் கொலை செய்தித்தாள்களில் இடம் பெறாமலேயே போவதும் ஏன் நடக்கிறது?

ஐந்து வருடங்களுக்கு முன்னால், கோஹானா நடந்தது. இப்போது ஹிஸார். நான் கோஹானா பற்றி எழுதியதை பிடிஐ வெளியிட்டது இங்கே.

தலித்தின் நாய் பற்றி தலித்தும் ஜாட்டும் செய்த வாக்குவாதம் ஹிஸார் மாவட்டத்தில் கட்டுப்படுத்த முடியாத வன்முறைக்கு இட்டுச்சென்றது. புதன் கிழமை ஊனமுற்ற ஒரு தலித் பெண்ணும் அவளது தந்தையும் உயிரோடு எரிக்கப்பட்டதைத் தொடர்ந்து, வியாழக்கிழமை மாவட்டம் முழுவதும் பதட்டம் நிலவுகிறது.

என்னுடைய ஜாதி மற்ற இந்துக்களின் ஜாதியை விட உயர்ந்தது என்று கருதுபவர்கள் காலம் புதைத்துவிட்ட காட்சிப்பொருள்கள்; காப் மக்களைப் போல. தங்களை மேல்ஜாதியினர் என்று அறிவித்துக்கொள்பவர்கள்தான் உண்மையில் கீழ்ஜாதியினர் .

தங்களை மேல்ஜாதி என்றும் மற்றவர்களை கீழ்ஜாதி என்றும் அழைக்க இவர்களுக்கு யார் உரிமை கொடுத்தது? தங்களை மேல்ஜாதி என்று கூறிக்கொள்பவர்கள் உண்மையில் மானுட மதிப்பீடுகளில் கீழானவர்களாக இருக்கிறார்கள். இந்து என்று தங்களைக் கூறிக்கொண்டே இந்து அறத்தினைக் கேவலப்படுத்துகிறார்கள்.

ஹிஸார் நிகழ்வு இந்த நாட்டைக் கோபப்படுத்தவேண்டும். ஆனால் அதுவோ ஐபிஎல் சேற்றில் மூழ்கிக்கிடக்கிறது. நமது போலி ஜனநாயகம் ஜாதி வெறியையும் பணக்கொழுப்பையும் தூண்களாகப் பெற்றிருக்கிறது. வால்மீகிகள் மற்றும் பழங்குடியினர் ஆகிய இந்த நாட்டின் விளிம்பு நிலை மக்களே இந்த நாட்டின் பெரும்பான்மையானவர்கள். இருப்பினும், அவர்கள் இந்த நாட்டின் பிரச்சினைகளில் முடிவெடுப்பதிலிருந்து ஒதுக்கப்பட்டிருக்கிறார்கள். ஒருபக்கம் அவர்கள் வெறுக்கப்படுகிறார்கள். மறுபக்கம், அதிகாரம் செலுத்தும் இரண்டு மூன்று ஜாதிகளைக் கொண்ட கூட்டணிகள் அவர்களுக்குப் பிச்சை போடுவதன் மூலம் அடக்க முயற்சிக்கின்றன.

“ஆமாமாம்.. அவர்களையும் சேர்த்துக்கொள்ளவேண்டும். எஸ்.ஸியையும் சேர்க்கவேண்டியிருக்கிறதே… “ அதிகாரம் செலுத்தும் சபைகளில் எரிச்சலூட்டும் இந்த வார்த்தைகளைக் கேட்கிறோம். தலித் தலைவர்களும் போலிகள். மற்ற ஜாதிகளைப் பற்றிய விஷத்தைப் பரப்புவதன் மூலம் தங்களது அதிகாரத்தையும் புகழையும் நிலைநிறுத்திக்கொள்ள விழைகிறார்கள். கடுமையான அசிங்கமான பேச்சுகள் மூலம் தங்களது ஜாதிகளைப் பற்றிய கேவல உணர்வை மற்ற ஜாதிகளிடம் பரப்புகிறார்கள். தீவிரவாத ஜிகாதி இஸ்லாமியக் குழுக்களுடன் உறவுகொண்டு இந்து ஒற்றுமைக்கு ஊறுவிளைவிக்க முயல்கிறார்கள். இந்தத் தலைவர்களில் ஒருவர்கூட தங்களது சமுதாயத்திற்கு நல்ல பள்ளிக்கூடங்களை அமைப்பதையோ, அவர்களுக்கு மருத்துவ உதவி, சுகாதார அமைப்புகளை உருவாக்குவதையோ செய்வதில்லை. தங்களுக்கு எம்.எல்.ஏ, எம்.பி பதவி கொடுக்கவிரும்பும் மற்ற ஜாதித் தலைவர்களின் கால்களை நக்கியோ தங்களது ஜாதியின் உரிமைகளை விட்டுக்கொடுத்தோ அரசியலதிகாரத்தின் மேலே ஏறவே விரும்புகிறார்கள்.

ஜாதிகளற்ற சமுதாயம் அமைக்கவிரும்புவதாக நீட்டி முழக்கிப் பேசுபவர்களில் சிறந்தவர்களேகூட கீழ்ஜாதி என்று சொல்லப்படுபவர்களிடம் ஆழமான வெறுப்புக் கொண்டவர்களாக இருப்பதைப் பார்த்திருக்கிறேன். நான் ஆர்.எஸ்.எஸ்ஸில் கற்றுக்கொண்டதன் பேரில் என்னுடைய பெயரில் உள்ள ஜாதி அடையாளத்தைத் துறந்தேன். ஆர்.எஸ்.எஸ்ஸில் கற்றதன் அடிப்படையில் என்னுடைய இந்து சகோதரர்களின் உரிமைக்குரலை நான் ஒலித்த போதெல்லாம், அதிகாரத்தில் உள்ளவர்களால் அச்சுறுத்தப்பட்டேன்; தாக்கப்பட்டேன். இன்று ஒரு தலித் பெண் எரிக்கப்பட்ட விஷயத்தை எடுத்துப் பேசவோ, இந்து சமுதாயத்தை எதிர்நோக்கியுள்ள சவால்களை ஆராயவோ போலியாக தங்களை உயர்ஜாதி என்று அழைத்துக் கொள்ளுபவர்களின் கூட்டமைப்புகள் நடத்தும் தொலைக்காட்சி நிலையங்களாலும், பத்திரிகைகளாலும் முடியவில்லை. இப்படிப்பட்ட செய்திகளைப் பேசாமல் ஒரு கள்ளமௌனம் சாதிக்கின்றன. சானியா ஷோயப் திருமணத்தைப் பற்றியும், ஐபிஎல்- தரூர் மசாலாவையும் விநியோகித்து தங்களது கடமைகளை ஆற்றும் இந்த சேனல்கள் தலித்துகள், முக்கியமாக வால்மீகிகள் மீதான வன்கொடுமை தாக்குதல்களை ஆயிரம் செய்திகளில் ஒன்றாக மென்று முழுங்கிவிட்டு கடுமையான மௌனத்தில் ஆழ்ந்திருக்கின்றன.

dalits1ஷெட்யூல்ட் வகுப்பினர், ஷெட்யூல்ட் பழங்குடியினர் என்று நாம் குறிப்பிடும் மக்கள் மீது வெறுப்பையும், இன்னும் அதிகமாகச் சொல்லப்போனால், விலகி நிற்கும் மனநிலையையும் நாம் நமது தினசரி வாழ்க்கையில் கொண்டிருக்கிறோம். மேல்ஜாதிகள் என்று கூறிக்கொள்ளும் குழுவினருக்குக் கொடுக்காமல் ‘பிடுங்கி’ இவர்கள் எப்படிப்பட்ட வசதிகள், சலுகைகளை பெற்றுகொண்டிருக்கிறார்கள் என்ற வாதங்களை எல்லாம் நான் அறிவேன். மேல்ஜாதிகள் என்று கூறிக்கொள்ளும் குழுவினரில் எவ்வளவு பேர்கள் வசதிவாய்ப்பின்றி வறுமையில் அன்றாடங்காய்ச்சிகளாக இருக்கிறார்கள் என்ற வாதங்களையும் அறிவேன். இப்படிப்பட்ட போலி வாதங்களுக்கெல்லாம் என் பதில்-

“அதிகார வர்க்கத்தில் உள்ளவர்களில் நண்பர்களோ, சொந்தக்காரர்களோ இல்லாமல் ஒரு தீண்டத்தகாதவராக, உதாசீனம் செய்யப்பட்டவராக, “இந்த ஏழைகளுக்கு ஏதாவது போடு” என்று உங்களை உதாசீனம் செய்யும் நிலையில் ஒரே ஒரு நாள் வாழ்ந்து பாருங்கள். அலுவலகங்களில் வேலை மந்தமாக நடப்பதற்குக் காரணம் காட்டப்படுபவர்களாகவும் முட்டாள்களாகவும் மற்றவர் போடும் பிச்சையில் வாழ்பவர்களாகவும் நீங்கள் வாழ்ந்து பாருங்கள். அதன் பின்னால், வால்மீகியாக வாழ்வது என்றால் என்ன என்று உணருங்கள். பொருளாதார ரீதியில் ஏழையாக வாழ்வது மோசமானதுதான். ஆனால், ஏழையாகவும் தீண்டத்தகாதவராகவும் வாழ்வது என்பது மனிதத்தன்மையே மறுக்கப்பட்டு வாழ்வது. இதில் இரண்டில் ஒன்றைத் தேர்ந்தெடுங்கள்”

untoucability-practiceஇந்து மதப் புத்தகங்களையும், சமத்துவத்தையும் ஒற்றுமையையும் பேசாமல், உங்களது பரந்த மனதையும், அனைவரையும் அரவணைத்துச் செல்லும் பழக்கத்தையும் சுயபரிசோதனை செய்துகொள்ள இங்கே ஒரு பரிசோதனை இருக்கிறது. வெறுமே கீதையையும் இராமாயணத்தையும் வால்மீகிகளிடம் சொல்லவேண்டாம். அவர்களுக்கு அதில் என்ன எழுதியிருக்கிறது என்பதும் தெரியும், அவற்றை நீட்டி முழக்கும் சமத்துவ சொற்பொழிவாளர்கள் நடைமுறையில் பயன்படுத்துவதில்லை என்பதும் தெரியும்.

1. தீண்டத்தகாதவர்கள் என்று சொல்லப்படுபவர்களோடு இணைந்து தீபாவளியையோ அல்லது ரட்சா பந்தன் (ராக்கி) விழாவையோ நீங்கள் கொண்டாடியிருக்கிறீர்களா?

2. உங்களுடைய நெருங்கிய நண்பர் வட்டார வரிசையில் நீங்கள் அடிக்கடி குடும்பத்தோடு செல்லும் வீடுகளில் எவ்வளவு வீடுகள் தீண்டத்தகாதவர்கள் என்று சொல்லப்படுபவர்களின் வீடுகள்?

3. உங்கள் வீட்டு பூஜைகளிலும் குடும்பக் கொண்டாட்டங்களிலும், உங்களோடு இணைந்து உட்கார்ந்து புரோகிதரோடு இணைந்து, இப்படிப்பட்ட ‘தீண்டத்தகாதவர்கள்’ எத்தனைபேர் பங்கெடுத்துக்கொள்கிறார்கள்?

4. உங்களது மகள் ஒரு வால்மீகியைத் திருமணம் செய்ய விரும்பினால், நீங்கள் அனுமதிப்பீர்களா அல்லது அனுமதி மறுப்பீர்களா?

5. உங்களைச் சுற்றியும் உங்களது மூதாதையர்களைச் சுற்றியும் இருந்த இந்த மக்கள் நல்லவிதமாய் நடத்தப்பட்டதில்லை–

இன்று அவர்கள் எப்படி தம் வாழ்க்கையை வாழ்கிறார்கள் என்று அறிந்துகொள்ள எப்போதேனும் முயற்சி செய்தீர்களா?

தீண்டதகாதவர்கள் என்று சொல்லிஅவர்களை தொட அருவருக்கிறீர்கள். உங்களது குழந்தைகள் படிப்பது போன்ற பள்ளிகளில்தான் அவர்களது குழந்தைகளும் படிக்கிறார்களா?

பிறகு அரசாங்கம் அவர்களுக்கு ஏராளமான சலுகைகளையும் வசதிகளையும் தருகிறது என்று கோரஸில் முழங்குகிறீர்கள்? உங்களுடைய ஒரே பாவம் நீங்கள் “மேல்ஜாதியில்” பிறந்ததுதான் என்று புலம்புகிறீர்கள்.

6. நீங்கள் ஏன் “மேல்ஜாதி” என்றும் மற்றவர்கள் ஏன் “கீழ்ஜாதி” என்றும் விளக்க முடியுமா?

7. தற்போதைய பூசாரிகள் அமைப்பு சீரமைக்கப்படவேண்டும் என்றும், சமஸ்கிருதத்திலும் பொது அறிவிலும் சிறந்தவர்களாக இருக்கவேண்டுமென்றும், அவர்கள் தட்சிணை அதிகம் பெற வேண்டும் என்றும், வால்மீகி இளைஞர்கள் இந்த வேலைக்கு நன்றாகப் பயிற்சி அளிக்கப்பட்டு ஹரித்வார் போன்ற பெரிய கோயில்களிலும், தீர்த்தயாத்திரை ஸ்தலங்களிலும் பூசாரிகளாக அமர்த்தப்படவேண்டும் என்றும் விரும்புகிறீர்களா? தகவல் தொழில்நுட்பத் துறை, மருத்துவக் கல்வி போலவே பூசாரிகளாக ஆவதற்கும் அனைத்து இந்து சமூகத்தினருக்கும் அனுமதி இருக்கவேண்டும் என்றும், அதில் ஜாதிவாரிப் பிரிவினை இருக்கக்கூடாது என்றும் விரும்புகிறீர்களா?

8. எத்தனை ஆஸ்ரமங்கள், ஆன்மிகப் புத்துணர்வு மையங்கள் வால்மீகி மக்களையும் பழங்குடி மக்களையும் தங்களது பக்தர்களாகவும் சமமான பங்கெடுப்பாளர்களாகவும் ஏற்றுக்கொள்ளும்? உங்களது ஜாதிகளை விட அதிகமாக இருக்கும் இவர்கள் இங்கே மிகவும் குறைவானவர்களாகவே பங்கெடுக்க அனுமதிக்கப்படுகிறார்கள் என்பது உங்களை உறுத்தவில்லையா?

9. இந்த ஆஸ்ரம சுவாமிகளிடம், இவர்கள் கடந்த 10 வருடங்களில் எத்தனை முறை வால்மீகிச் சேரியிலோ அல்லது அவர்களைப் போன்ற மக்கள் வாழும் பழங்குடி மக்களிடமோ தர்மம், கலாசாரம் ஆகியவற்றைப் பேசியிருக்கிறார்கள் என்று கேட்டதுண்டா? அந்த இடங்களுக்கும் ஆன்மிகக் கல்வி முதற்கொண்டு அனைத்தும் செல்லவேண்டும் என்று விரும்பியதுண்டா?

10. நமது பொது முன்னோர்களால் பஞ்சமர்கள் என்று அறிவிக்கப்பட்டவர்களின் சந்ததியர்களுக்கு தற்போது நல்ல வாழ்க்கை வேண்டுமென்று கருதி, அவர்களுடைய வீடுகளுக்குச் சென்று அவர்களது நிலைமையை கண்டு அவர்களுக்கு ஒரு நட்புக்கரம் நீட்டியதுண்டா?

வேறெந்த உதவியும் செய்யாவிட்டாலும் பரவாயில்லை, குறைந்தது ஒரு நட்புக்கரத்தை நீட்டும் இந்தச் செயலையேனும் செய்ய வேண்டும்; அது உண்மையில் சேவை கிடையாது; நம்முடைய மூதாதையர் தங்களது அன்றைய நெறிகெட்ட செயலுக்கு வருத்தப்பட்டுக்கொண்டிருப்பர் என்று கருதி செய்யப்படும் பரிகாரச் செயல் அது. யாரையும் காயப்படுத்த இதை எழுதவில்லை. தாசில்தாரின் ஜாதியில் இல்லாமல் வேறு ஜாதியில் பிறந்த ஒரே காரணத்துக்காக அங்கஹீனமடைந்த அந்தச் சிறுமி கருகி சாவதற்கு உதவி வேண்டிக் கதறிய இறுதிக் கூக்குரலைக் கேட்க முயலுங்கள் என்றே கூறுகிறேன்.

இந்த கட்டுரையின் இறுதி வரிகளாக ஒன்று சொல்கிறேன்…

தீர்வு: ஏராளமான தலித் பத்திரிகையாளர்களை உருவாக்குவோம்.

இட ஒதுக்கீடு என்ற ஊன்றுகோல் இல்லாமல், ஏராளமான தலித் மற்றும் பழங்குடி இளைஞர்கள் மைய நீரோட்ட ஊடகங்களில் பத்திரிகையாளர்களாக ஆவதற்கு உதவுவது எனக்கு தெரிந்த ஒரு நல்ல தீர்வு. பல்வேறு ஜர்னலிஸப் பள்ளிகளில் மல்ட்டி மீடியாவில் பயிற்சி கொடுக்க வையுங்கள். நான் தேசிய ஜர்னலிஸப் பல்கலைக்கழகத்தின் வாரிய உறுப்பினராக (போர்டு மெம்பராக) இருக்கிறேன். என்னால் உதவ முடியும். மற்றபடியும், இதற்காகவே உருவாக்கப்பட்ட படிப்புத்துறைகளிலும் ஏராளமான இளைய நண்பர்களுக்கு உதவ முடியும். எல்லாத் திசைகளிலும் உதவ ஏராளமான நண்பர்கள் இருக்கிறார்கள். இப்போது நாம் பார்க்கும் பெரிய இடைவெளியை நிரப்ப இது உதவும். நமது சேனல்களிலும், பத்திரிகையாளர்களிலும், மீடியா அலுவலங்களிலும் இவர்களைக் காண்பதில்லை. ஏன்?

“அவர்கள் தன் திறமை மூலம் வரவேண்டும்,” என்ற குப்பை வாதத்தை முன்வைக்காமல் இதற்கு ஒரு தீர்வைக் கண்டுபிடிக்க முயலுவோம்.

tarun_vijayபிரபல பத்திரிகையாளரும், கட்டுரையாசிரியருமான தருண் விஜய், உலகெங்கும் உள்ள இந்துக்களின் சமூக அரசியல் பிரசினைகள் குறித்து தொடர்ந்து எழுதி வருபவர்.  ஆர்.எஸ்.எஸ். இயக்கத்தின்  முரசான “பாஞ்சஜன்ய” இதழின் ஆசிரியராக  நெடுங்காலம் பணியாற்றியவர்.  தற்போது புதுதில்லியில் இயங்கும் “டாக்டர் சியாமாபிரசாத் முகர்ஜி ஆய்வு மையத்தின்” இயக்குனரும் ஆவார்.

கைவிடப்பட்டவர்களா இந்துக்கள்?

shah-alam-cow-aug28
Courtesy: The Malaysian Insider

மூலம்: தருண் விஜய் (கட்டுரை : Abandoned)
தமிழில்: ஜடாயு

அவர்கள் கடும் கோபத்துடன் இருந்தார்கள்.  வெட்டப் பட்ட பசுமாட்டின் தலையைக்  கோயில் வாசலில் எறிந்து தங்கள் மிரட்டலின் தீவிரத்தை வெளிப்படுத்தினார்கள் – “இந்தப் பகுதியில் கோயிலேயே இருக்கக் கூடாது” என்ற மிரட்டல்.  ஷா ஆலம் (மலேசியா) பகுதியில் குழுமியிருந்த அந்தக்  கூட்டத்தினர் ஜும்மா நமாஸ் முடிந்தவுடன்  மதவெறி கோஷங்களை எழுப்ப ஆரம்பித்தனர். அவர்கள் தலைவரான ஹாஜி சொன்னார் – “கோயில் கட்டுமானம் மட்டும் தொடர்ந்தால் இங்கே ரத்த ஆறு ஓடும்”.

உடனடியாக அரசு கோயில் கட்டும் வேலைகளை நிறுத்துமாறு ஆணையிட்டது.

கோயிலை எதிர்க்கக் காரணம்?  ”மலேசியா இன்சைடர்” இதழில் செய்தியாளர் ஷாஜ்வான் முஸ்தபா கமால் எழுதுகிறார் –  “செக்‌ஷன் 23 பகுதி வாசிகளான  மலாய் முஸ்லீம் எதிர்ப்பாளர்கள், இந்தப் பகுதிகள்  இந்துக் கோயில் அமைவதை  அரசு தடுத்து நிறுத்தாவிட்டால் இங்கு ரத்த ஆறு ஓடும் என்று மிரட்டல் விடுத்துள்ளனர். 90% மலாய் முஸ்லிம்கள் வசிக்கும் அந்தப் பகுதியில்  இந்துக் கோயில் கட்டப் படுவது  அவர்கள் உணர்வுகளை மதிக்காமல் செய்யப் படும் செயல் என்றும் கோயிலில் நடக்கும் விஷயங்கள்  அவர்களது வாழ்க்கையில் தொந்தரவு ஏற்படுத்தும்  என்றும் அவர்கள் கூறினர்.  ’கோயிலில் இருந்து வரும் சத்தங்கள் எஙக்ள் தொழுகையைத் தொந்தரவு செய்யும்,  எங்களால்  முழுமையான, ஒழுங்கான முஸ்லிம்களாக வாழ முடியாத நிலை ஏற்படும்’ என்றும் அவர்கள் முறையிட்டனர்.”

“மலேஷியா  ட்ரூலி ஏஷியா”  (Malaysia-truly Asia) என்று தன்னைப் பற்றிப் பெருமை பீற்றிக் கொண்டு ,  பெரும்பான்மையினராக இந்துக்களைக் கொண்ட இந்திய சுற்றுலாப் பயணிகளை சுண்டியிழுக்க விளம்பரம் செய்யும் நாட்டின்  லட்சணம் இது !

shah-alam-cowmarch-aug28
Courtesy: The Malaysian Insider

இந்துப் பணம் வேண்டும், அதை வரவேற்போம்,  ஆனால் அவர்களது மதத்தை அவமதிப்போம்! –  இதுதான் கல்வியறிவு பெற்ற, பணம் படைத்த,  நவீன முகம் கொண்ட முஸ்லிம்-பெரும்பான்மை நாடாகத் தன்னைக் காட்டிக் கொள்கிற  இந்த நாட்டின் “ட்ரூலி ஏஷியா”  செய்தியின் சாராம்சம்.

ஆனால்  மலேசிய அரசே திட்டமிட்டு இந்துக்களை நசுக்குகிற இந்த அப்பட்டமான  அராஜகததை எதிர்த்து  உலகின்  மிகப் பெரிய இந்துப் பெரும்பான்மை தேசத்திலிருந்து ஏதாவது எதிர்ப்பு வந்ததோ?

டென்மார்க் முகமது நபி கார்ட்டூன்களையும்,  கனடா இளைஞர்கள் செய்யும்  மத அவதூறுகளையும் பற்றி  இந்தியாவில் அங்கலாய்ப்பவர்கள்  மலேசியாவிலும்,  மற்ற இடங்களிலும்  இந்துக்கள் மீது தொடர்ந்து நடக்கும் அடக்குமுறைகள் விஷயத்தில் மொத்தமாக மௌன விரதம் பூண்டு விடுகிறார்கள்!

இம்ரான் ஹஷ்மியின்  பச்சைப் பொய்களை  தார்மீக ஆர்வத்துடன் ஊதிப் பெருக்கும் ஊடகங்களுக்கு,  வெட்டப் பட்ட பசுமாட்டுத் தலையைக் காட்டி இந்துக்கள்  மிரட்டப் படும் உண்மைத் தகவல் ஒரு சின்ன செய்தி கூட அல்ல!  கோயம்புத்தூர் முதல் கோலாலம்பூர் வரை,  காட்மாண்டு முதல் ஜெட்டா வரை  ஏன் எல்லா இடங்களிலும்  கொத்துக் கொத்தாக இந்துக்கள்  படுகொலைக்கு எளிய இலக்காகின்றனர் என்று பிரைம்டைம் அல்லாத நேரத்தில் ஒரு சின்ன உரையாடல் நடத்தக் கூட அவைகளுக்குத் தோன்றுவதில்லை.

அரசியல் சட்டத்தின் படி தன்னை இந்து  நாடாக சமீபகாலம் வரை அறிவித்திருந்த ஒரு நாடு, தனது  தேசத் தலைவரான மன்னரின் அரண்மனை முன்பு  அந்த நாட்டின் மிகப் பெரிய மசூதியைக் கட்ட அனுமதி அளித்திருந்தது;  மதமாற்றங்களையும் அனுமதித்திருந்தது.  ஆயினும் மதச்சார்பின்மை பிரகடன கோலாகலங்களுடன் அதன் வீழ்ச்சி  துல்லியமாகத் திட்டமிட்டு நிகழ்த்தப் பட்டது..  இப்போது நாம்  பசுபதிநாதர் ஆலயத்தின் இந்து பூசாரிகள்  வெறித்தனமாக அடித்துத் தாக்கப் படுவதையும் காண வேண்டிய நிலை ஏற்பட்டிருக்கிறது.

கடந்த அறுபதாண்டுகளாக,  “இந்துக்களாக” இந்துக்களின் அரசியல் சக்தியும், பெருமிதமும் தொடர்ச்சியாக வீழ்ந்து வருகின்றது.  இந்துக்களை  ’அறுவடை செய்தல்’ அமோகமாக நடந்துவருகிறது என்று ஒரு சாரார் கொண்டாடிக் கொண்டிருக்கும் சூழலில்  தான் அதைப் பற்றி  அலசவேண்டியும் இருக்கிறது.

ஒரு பறவைப் பார்வையாக, உங்களையே கேட்டுக் கொள்ளுங்கள் – இது எப்படி நிகழ்ந்தது? ஏன் நிகழ்ந்தது?  தாங்கள் ஒரு குற்றமும் செய்யாதபோதும், காபூல் முதல் ராவல்பிண்டி வரை,  கராச்சி முதல் லாஹூர் வரை ஒவ்வொரு இடத்திலிருந்தும் இந்துக்கள் துரத்தப்  பட்டிருக்கிறார்கள்.  முதலில் பிரிட்டிஷ் சாம்ராஜ்யம் தீர்மானித்து,   ஜின்னாவின்  நேரடித் தாக்குதல்  (direction action)  படுகொலைகளால் பெரும் பீதியடைந்திருந்த  காந்தி உள்ளிட்ட தலைவர்களால்  ஒப்புக் கொள்ளப் பட்ட  தேசப் பிரிவினையின் காரணமாக. பிரிவினைக்குப் பின்னும்  இந்துக்கள் காஷ்மீரில் மிகக் குரூரமான இன ஒழிப்புக்கு ஆளானார்கள்.  ஐந்து லட்சம் இந்துக்கள்  தங்கள் முன்னோர்களின் புராதன பூமியையும், வீடுகளையும், கோயில்களையும், சோலைகளையும், ஏன் தங்கள் உலகமாயிருந்த வாழ்க்கை முழுவதையுமே விட்டு விட்டு ஓடும் நிலைக்குத் தள்ளப் பட்டார்கள்.

புதிதாக உருவான பாகிஸ்தானில் வாழலாம் என்று தீர்மானித்த இந்துக்கள் தினந்தோறும் அவமதிப்பைச் சகிக்க வேண்டி,  வேலைவாய்ப்புகளும் அரசியல் உரிமைகளும் முற்றிலுமாக மறுக்கப் பட்டு, கொஞ்சம் கொஞ்சமாக மறைந்து வருகிறார்கள்.

bheels_pak_hindus_185_20060123
Pakistani Hindu Bheel community show photos of girls who have been kidnapped and converted

அவர்களது பெண்கள் வன்புணர்வுக்கு ஆளாகிறார்கள், பலவந்தமாகத் தூக்கிச் செல்லப் படுகிறார்கள். அவர்களது கோயில்கள் இடிக்கப் படுகின்றன, பண்டிகைகள் தடை செய்யப் படுகின்றன, மயான பூமி கூட மறுக்கப் படுகிறது.  இந்து அமெரிக்க ஃபவுண்டேஷன் என்ற அமைப்பு  வெளியிட்டிருக்கும்  2008ம் ஆண்டிற்கான  இந்து மனித உரிமைகள்  பற்றிய அறிக்கையின் முன்னுரை கூறுகிறது – “பங்களாதேஷில் ஆட்சி மாற்றத்திற்குப் பிறகும் கூட, வருடத்தின் முதல் ஆறு மாதங்களிலேயே கொலை, வன்புணர்வு, கோயில் இடிப்புகள் என்று 270 சம்பவங்கள் பதிவு செய்யப் பட்டுள்ளன.  பாகிஸ்தானில் பெருமளவில் இந்துக்களைக் கொத்தடிமைகளாகப் பிடித்தல், இந்துப் பெண்களைக் கடத்தி பலவந்தமாக இஸ்லாமுக்கு மதமாற்றுதல் ஆகியவை  தொடர்ந்து  அதிகரித்து வருகின்றன.  இந்துக்களின் மீதான வன்முறை கலந்த அடக்குமுறைக்காக உலக அளவில் மலேசியா  கண்டனத்திற்குள்ளாகியுள்ளது.  முதல்முறையாக  ரஷ்யாவும் இந்துக்களுக்கெதிரான செயல்பாடுகளுக்காக பட்டியலில் இடம் பெறுகிறது.  1947ல் பங்களாதேஷ் மக்கள் தொகையில் 30 சதவீதமாக இருந்த இந்துக்கள்,  இன்று 10 சதவீதத்திற்கும்  குறைவாக உள்ளனர்.  1991ல்,  2 கோடி இந்துக்கள் பங்களாதேஷிலிருந்து  “மறைந்து விட்டதாக” அந்த நாட்டின் சென்சஸ் சொல்லிற்று.”

அவர்கள் இப்பேர்ப் பட்ட குரூரங்களுக்கு ஆட்படுத்தப் படுவதற்கு ஒரே காரணம்  அவர்கள் இந்துக்களாக இருப்பது.  அவர்களது இந்துத் தன்மை,  அதாவது  இந்துத்துவம் (Hinduness). அது தான், அது மட்டுமே தான் ஐயா.  பன்முக வாழ்க்கையைக் கற்றுத் தரும் இந்துத்துவம்.  ஜனநாயகத்தை  சாத்தியமாக்கி, நிலைநிறுத்தும் இந்துத்துவம். கற்பனைக்குக் கூட எட்டாத அளவில் தனிமனித சுதந்திரத்திற்கும், கருத்து சுதந்திரத்திற்கும் உத்தரவாதம் தரும் இந்துத்துவம்!

article_imageஇந்துக்கள் சிறுபான்மையினராக இருக்கும் இலங்கை, சவுதி அரேபியா, பங்களாதேஷ், பாகிஸ்தான், பூடான், ஃபிஜித் தீவுகள், மலேசியா, மேற்கிந்தியத் தீவுகள் (டிரினிடாட் & டொபாகோ)  ஆகிய நாடுகளில் இந்துக்கள் மீதான  அத்துமீறல்கள் பற்றிய பல விவரங்களை அந்த அறிக்கை அளிக்கிறது.   இதில் இந்தியாவின் ஜம்மு காஷ்மீர் மாநிலமும் அடக்கம்.    இன அழிப்புகள், பெண்களுக்கெதிரான வன்முறைகள்,  படுகொலைகள், கோயில் அழிப்புக்கள்,  அரசியல்-சமூக புறக்கணிப்புக்கள்,  வாக்குரிமை பறிப்புக்கள்,  பாரபட்சமான நடத்தை மற்றும் பலவந்தமான மதமாற்றங்கள்  உள்ளிட்ட எல்லாவிதமான அத்துமீறல்களுக்கும் மேற்குறிப்பிட்ட நாடுகளில் உள்ள  இந்து சமூகங்கள் ஆட்படுத்தப் படுகின்றன.  மிகச் சோகம் தரும் விஷயம்.

ஆனால் அதை விட சோகம் தரும் விஷயம்  இந்துக்களின் காயங்களையும், வலிகளையும் காண்பிப்பதற்குக் கூட இடம் இல்லை என்பது தான்.  இந்து-அல்லாதவராக இருந்தால்  தான் ஊடகங்களின்  விசாரிப்பையும்,  கவனிப்பையும்  பெறமுடியும் என்ற நிலை உள்ளது.

காலவெள்ளத்தின் ஓட்டத்தில் மானுட சுதந்திரத்தையும், பன்முகத் தன்மையையும் காப்பாற்றி  வரும் மத வரையறைகளைக் கடந்த பழம்பெரும் அறநெறி, தர்மவழி,  உலகெங்கும் அரசு அதிகாரங்களும், வெறுப்பியல் பிரசாகரர்களும் தொடுக்கும்  ஆக்கிரமிப்புத் தாக்குதல்களைச் சந்தித்துக் கொண்டிருக்கிறது என்ற விஷயம் மட்டுமல்ல;  அதன் காயங்கள் கூட  பல துறைகளிலும் செல்வாக்குள்ள தலைவர்களாக உள்ள இந்துக்களாலேயே  கண்டுகொள்ளாமல் ஒதுக்கப் படுகின்றன;  இதற்கு என்ன காரணம்? அதையும் புரிந்து கொள்ள வேண்டும்.

லட்சுமி நிவாசம் செய்யும் மிட்டல்களும்,  அம்பானிகளும்  கோடிக்கணக்கில் செல்வம் கொழிக்கும் இந்துக்கள்.  ஆயினும் அவர்கள் இந்து நோக்கத்திற்கும், நலன்களுக்கும் உதவக் கூடும் என்ற எண்ணம்  அவர்களே உட்பட யாருக்கும் தோன்றுவதில்லை. இங்கு ஒரு ஷாருக்கான் தனது மத உணர்வை நெஞ்சில் சுமக்க முடியும், ஈராக்கில் முஸ்லிம்கள் சாவது குறித்து தன் வேதனையை வெளிப்படுத்த முடியும்,  அது  பாராட்டுக்குரிய விஷயமாகிறது!  ஆனால் ஒரு சச்சினோ, அமிதாப் பச்சனோ  வடகிழக்கு இந்தியாவிலோ அல்லது வேறெங்கோ  இந்துக்கள் மீது தொடரும் கொலைவெறித் தாக்குதல்கள் குறித்து ஆதங்கமும் வருத்தமும் தெரிவித்து கேட்டிருக்கிறீர்களா?  அது இங்கே நிகழக் கூடுமா?  எப்படி  நிகழும்?  தங்களது  மதச்சார்பின்மைக்கு  பங்கம் வரும் என்றல்லவா அவர்கள் முதலில் யோசிப்பார்கள்!

ஆனால் அது எப்படி என்று தான் புரியவில்லை.  மதச்சார்பின்பைக்கு எப்போது பங்கம் வரும்? ஒரு மதத்தினருக்கு எதிராக இன்னொரு மதத்தினரைத் தூண்டிவிடும்போது. ஆனால் பல்லாயிரக் கணக்கான ஆண்டுகளாக வாழும் தர்மத்தை, அதை உயிராகக் கொண்டு அமைந்த விலைமதிப்பற்ற உங்களது சொந்த வாழ்க்கை நெறியை  முன்நிறுத்துவதும், அதைப் பாதுகாப்பதும்  பெருமைக்குரிய விஷயம் அல்லவா? அது எப்போது வெட்கப் படும் விஷயம் ஆனது?

இந்து சமூகத்தின் செல்வாக்குள்ள தலைவர்களே  இந்து வாழ்வுரிமையையும், நலன்களையும் கண்டுகொள்ளாமல் கைவிடுவது  என்பது  மிக மோசமான விஷயம்.  எந்த அளவுக்கு என்றால், இந்துக்களின் வலிகளையும், காயங்களையும்  முன்னிறுத்தி அரசியல் ரீதியாக எடுத்துச் செல்லும் அமைப்புகளின், தலைவர்களின் மனநிலையையும் இது பாதிக்கிறது.  இந்த “நவீன மதச்சார்பின்மை” தரும் அழுத்தங்கள் அவர்களது  முடிவுகளிலும், நிலைப்பாடுகளிலும் தாக்கம் ஏற்படுத்துவதாகத் தெரிகிறது.  மேலும்,  பொதுத் தளத்தில் சில செயல்பாடுகள் காரணமாக, இந்த பிரசினைகளை மக்களிடம் எடுத்துச் சென்று பொதுஜன ஆதரவை முடுக்கித் திரட்டுவதற்கான தார்மீக உரிமையையும்,  நம்பகத் தனமையையும் கூட அந்த அரசியல் தலைமைகள் இழந்து வருகிறார்களோ என்று எண்ணத் தோன்றுகிறது.

தெற்காசியா முழுவதும்,  மக்கள் தொகையிலும், அரசியல் அதிகாரத்திலும் இந்துக்கள் தொடர்ந்து தேய்ந்து வருவது பற்றிய கவலை  யாருக்கும் இல்லை; அதைப் பற்றிப் பேசினால் உடனே செக்யுலரிச சாட்டையை எடுத்து விளாசுகிறார்கள்.  அரசியல் தலைவர்கள்  இந்து உரிமைகளையும், நலன்களையும் வலியுறுத்தும் பொறுப்பை ஒரேயடியாகக் கைவிட்டு விட்டார்களோ?   ஒரு அரசியல் கட்சி  இந்து அடையாளத்தை முன்னிறுத்துவது  என்பது  போலி மதச்சார்பின்மையில் ஊறிய சமூக சக்திகளும் மற்றும் அரசு அதிகாரமும்  அதைத் தீண்டத் தகாததாகக் கருத அழைப்பிதழ் விடுப்பதாகும் என்ற ஒரு கருத்தாக்கத்தை இவர்களே உருவாக்கி உலாவ விடுகிறார்கள்!

மலேசிய இந்துக்களின் இடர்ப்பாடுகள் இந்து அரசியல் அதிகார உரிமைகள் உலகெங்கும் அழிந்து வருவதற்கு ஒரு சிறிய உதாரணம் மட்டுமே.  சோழ, பாண்டிய, ஸ்ரீவிஜய, விஜயநகர பேரரசுகளின் மகோன்னதத்திற்கும், சிவாஜியின் இந்து ராஜ்யத்திற்கும் பின்வரும் காலங்களில்,  மலேசியாவிலும், நேபாளத்திலும் இந்துக்கள் அடித்து  நொறுக்கப் படுவதையும், அவர்களது புனித நூல்கள் ஜெட்டா விமான நிலையத்தில் கிழித்துக் குப்பைத் தொட்டியில் போடப் படுவதையும் தான் நாம் காண வேண்டுமா?

இப்போது,  இந்து சமூகத்தின் அரசியல் சாராத சக்தி மையங்களும் திரண்டெழ வேண்டும்.  மாற்றுக் கருத்துக்கும் மதிப்பளிக்கும் பழம்பெரும்  தர்ம நெறியைக் கட்டிக் காப்பதற்காக,  உண்மையான  இந்து அரசியல் சக்திகள் மீண்டும் விழித்தெழ அவை உதவ வேண்டும். அதுவே இப்போது செய்யவேண்டிய பணியாகும்.

tarun_vijayபிரபல பத்திரிகையாளரும், கட்டுரையாசிரியருமான  தருண் விஜய்,  உலகெங்கும் உள்ள இந்துக்களின்  சமூக அரசியல் பிரசினைகள் குறித்து தொடர்ந்து எழுதி வருபவர். புதுதில்லியில் இயங்கும்  “டாக்டர் சியாமாபிரசாத் முகர்ஜி ஆய்வு மையத்தின்”  இயக்குனரும் ஆவார்.