இசைஞானியை வசைபாடும் திமுகவினர்: பதிலடி

Amex ventolin for children amex ventolin for dogs. It is usually doxycycline online pharmacy twice as doxycyclien oe that a prescription is required in the event of a repeat Andria adverse experience. It does not require a prescription to buy generic orlistat australia.

We could go on and on about the negative effects of the american dream being taken away from americans, but let's just get on with discussing how it is that the united states of america had the greatest, most profitable, most lucrative, and most productive economy of all time. They were not based on the ‘one-size-fits-all’ recommendations cost of clomid in uganda of the world health organization or the institute of medicine, and in fact have been criticized for that very reason. The first week of therapy is typically the longest as it takes time for the condition to return to a normal level.

Faye is a freelance writer living in new jersey and a stay at home dad raising his kids. Amoxicillin may also be used in the treatment of infections of Tulungagung generic clomid price the respiratory system. Priligy - the world's best-rated, most effective & best-selling natural priligy for men & women.

“‘புளூ கிராப்ட் டிஜிட்டல் பவுண்டேஷன்’ என்ற நிறுவனத்தின், ‘அம்பேத்கரும் மோடியும்;- சீர்திருத்தவாதிகளின் சிந்தனையும், செயல் வீரர்களின் நடவடிக்கையும்‘ என்ற நுாலுக்கு இளையராஜா அணிந்துரை எழுதி உள்ளார். அதில், ‘பிரதமர் மோடி தலைமையில், நாடு வளர்ச்சிப் பாதையில் செல்கிறது. அனைத்திலும் முன்னேற்றம் கண்டு வருகிறது. இந்தியாவின் உள்கட்டமைப்புகள் சிறப்பாக அமைக்கப்பட்டுள்ளன. சமூக நீதி விஷயத்தில், மோடி பல்வேறு நடவடிக்கைகளை எடுத்து வருகிறார். ‘முத்தலாக் தடை போன்ற பல்வேறு சமூகப் பாதுகாப்பு திட்டங்களை கண்டு, அம்பேத்கர் பெருமிதம் கொள்வார். அம்பேத்கரும், மோடியும் இந்தியா குறித்து பெரிய கனவு கண்டவர்கள்’ என, கூறியிருந்தார். இதையடுத்து, எதிர்க்கட்சியினர் இளையராஜாவை கடுமையாக விமர்சித்தனர். ஆனாலும், தன் கருத்தை வாபஸ் பெற, அவர் மறுத்து விட்டார்..”

தினமலர் செய்தி (ஏப்ரல் 19, 2022)

இங்க நீங்க வச்சது தான் சட்டம். நீங்க சொல்ற ஆளைத்தான் புகழனும். அப்படி இல்லாம உங்களுக்கு பிடிக்காதவங்க யாரையாவது புகழ்ந்து பேசினா அவரைப்பத்தி தப்பா பேசுவீங்க.

நீங்க யாரை புகழ்ந்து பேசுனாலும் சரி. ஆனால் ராஜா மோடியை புகழ்ந்து பேசுனா தப்பு.

நல்லாருக்குடா உங்க நியாயம். ஒரு அரசியல்வாதியை சுயநலத்துக்காக நீங்க புகழ்ந்து பேசலாம் தப்பில்லை. அனால் அதுவே எங்க ராஜா, எந்தவித சுயநலமும் இல்லாம, தேசத்துக்காக பேசினா “இது சரி இது தப்பு” ன்னு மீட்டிங் போட்டு பேசுவீங்க. இல்ல! உங்களுக்கு பிடிச்சதை நீங்க செய்யலாம், ஆனால் ராஜா செய்யக்கூடாது. இல்ல?

யாரு கொடுத்தா உங்களுக்கு அதிகாரம்?

இது ராஜாடா. தொட்டுப்பாரு!

ராஜாதிராஜா இளையராஜா.


ஆரென்று நினைத்தீர் ராஜாவை!

தொடமுடியாத சிகரம் தொட்டு, தனியாக ஒரு ராஜ்யம் அமைத்து இசை உலகை ஆளுபவர் எங்கள் ராஜா.

திராவிட நாத்திக, தேச விரோத கொள்கைக்கும், ஒருபொழுதும் இடம் கொடுக்காதவர் ராஜா.

மாணிக்கவாசகரையும், ஞானசம்பந்தரையும், தியாகராஜரையும், தீக்ஷிதரையும், பாரதியையும் போற்றி வணங்குபவர். இந்த தேசத்தின் மாண்புகளை என்றும் போற்றத் தவறியதில்லை, என்றும், இன்றும்.

திராவிட நாத்திக பேர்வழிகளுக்கு என்றுமே அவர் நேரெதிர்.

அவர் என்றும் திராவிடக் கொள்கைக்கு ஆதரவு அளித்தவரில்லை, ஏனென்றால் அவருக்கு சுய மரியாதை இருக்கிறது. அரசியவாதிகள் போல பிறரின் விரல்களை நம்பி பிழைப்பு நடத்துபவரில்லை. தன் விரல்களால் தனி பிரபஞ்சம் ஏற்படுத்திய இசை இறைவன்.

இன்றைய கோழைவுட் போல சுயலாபத்துக்காக அரசியல்வாதிகளுக்கு சலாம் போட்டு காரியம் சாதிப்பவர் அல்ல. சரியான ஆண்மகன் எங்கள் ராஜா.

மீனாக்ஷிக்கு மூக்குத்தி எதுக்கு என்று ஒரு அரசியல்வாதி எள்ளி நகையாடிக்கொண்டிருந்த வேளையில் லலிதா ஸஹஸ்ரநாமம் சொல்லி “ஜனனி ஜனனி” பாடி அகம் கரைந்தவர்.

ஒட்டுமொத்த கோழைவுட்டும் பாசத்தலைவனுக்கு பாராட்டு விழா எடுத்து குத்தாட்டம் போட்டுக் கொண்டிருந்த வேளையில் திருவாசகத்தை சிம்பொனி வடிவில் கொண்டு வந்தவர்.

“பிச்சைப் பாத்திரம் ஏந்தி வந்தேன் ஐயனே என் ஐயனே” என்று சிவ பெருமானிடம் மட்டுமே வேண்டிக் கொள்பவர்.

தமிழக மீடியாக்கள் beep songல் மூழ்கித் திளைத்துக்கொண்டிருந்த பொழுது 70+ வயதிலும் படகில் சென்று வெள்ளத்தால் பாதிக்கப்பட்டவர்களுக்கு உதவி வழங்கியவர்.

இது பெரியார் மண் என்று கொக்கரித்துக்கொண்டிருந்த பொழுது, ஒவ்வொரு முறையும் “குருர் பிரம்மா குருர் விஷ்ணு” ஸ்லோகம் ஒலிக்க விட்டே மேடையேறிய புனிதன் எங்கள் ராஜா.

உள்ளூர் அரசியல்வாதிகளுக்கு கோழைவுட் சாமரம் வீசிக்கொண்டிருந்த பொழுது, உலகின் “சிறந்த 10” இசையமைப்பாளர் பட்டியலில் இடம் பிடித்து முடி சூட்டிக்கொண்டவர்.

சாதியின் பெயரைச் சொல்லி சோம்பிக் கிடக்காமல், சாஸ்த்ரிய சங்கீதம் பயின்று உச்சம் தொட்டவர்.

தேர்தல் நேரத்தில் அறிவாலய வாசலில் சீட்டுக்கு யாசகம் செய்யும் மனிதரல்ல அவர். கம்பீரமான திருவரங்கக் கோவிலுக்கு ராஜகோபுரம் எழுப்பி கோபுரமாய் உயர்ந்தவர்.

அவர் தமிழரின் கிரீடம்.

இசை அரசன், அவருக்கு சரி என்று தோன்றியதை பேசினால் அவரைத் தூற்றுகிறது திராவிடம். இசை அரசனுக்கே இப்படி என்றால் சாமானியன் என்னென்ன பாடு பட வேண்டியிருக்கிறது.

தான் நினைப்பதையே ராஜாவும் பேச வேண்டும் என்ற பாசிச மனநிலை எங்கிருந்து வருகிறது இந்த கேடுகெட்ட மனிதர்களுக்கு? அவர் நாவில் சரஸ்வதி குடி இருக்கிறாள். திராவிட அரசியல்வாதிகளின் கூற்று ஒரு நாளும் ராஜாவின் நாவில் ஏறாது.

உங்களுக்கு பிடிப்பதை மட்டுமே பேச அவர் ஒன்றும் கோபாலபுரத்து அடிமை கிடையாது, பண்ணைபுரத்து ராஜா அவர்.

அவர் எப்பொழுதும் போல ஸ்ருதி தப்பாமல் தான் பேசி இருக்கிறார், மோடியின் நற்குணங்களைப் பற்றி. விளக்குமாருக்கு ஸ்ருதி ஞானம் இல்லை என்றால் அவர் என்ன செய்வார்.

என்றும் ராஜா இளையராஜா.

(ச.சண்முகநாதன் தனது ஃபேஸ்புக் பக்கத்தில் எழுதியது)

காலா: திரைப்பார்வை

பொதுவாக ரஜினியின் திரைப்படத்துக்குப் பெரிய அளவில் யோசித்து விமர்சனம் எழுதும் வேலையெல்லாம் செய்ததில்லை. ரஜினியின் படம் என்றாலே அது கொண்டாட்டத்துக்குரியது. முதல் நாள் முதல் காட்சி தரும் கொண்டாட்ட மனநிலையைப் புரிந்துகொள்ள நீங்கள் தொடர்ந்து இருபது வருடங்களாக ரஜினியின் திரைப்படங்களை முதல் நாள் முதல் காட்சியில் திரையில் பார்த்திருந்தால்தான் புரியும். திடீரெனப் பார்ப்பவர்களுக்கு இது ஒரு அபத்தம். பொதுவாகவே இது அபத்தம் என்பது சரிதான். ஆனால் ஒரு கொண்டாட்ட மனநிலைக்கு ஒரு நாள் மட்டும் போய்வரும் இந்த அபத்தம் எனக்குப் பிடித்தமானது. ரஜினி எனக்குத் தலைவரோ சூப்பர் ஸ்டாரோ இல்லை. எனக்கும் ரஜினிக்குமான ஈர்ப்பு உற்சாகம் சார்ந்தது. கொண்டாட்ட மனநிலை சார்ந்தது. தமிழின் மிகச் சிறந்த நடிகர் ஒருவரின் திறமை சார்ந்தது. ஆனால் கடந்த சில ரஜினியின் படங்கள் வெற்றுக் கொண்டாட்டங்களை மீறியவையாக அமைந்திருக்கின்றன. சிவாஜி திரைப்படத்திலேயே இப்போக்கு துவங்கினாலும் ஷங்கர் அதை ஒருவிதமாகக் கையாண்டார். கபாலியில் இது துலக்கம் பெற்றது. காலாவில் அரசியல் படமாகவே மையம் கொண்டிருக்கிறது. எனவே ஒரு கொண்டாட்டமான திரைப்படத்தை மட்டும் அணுகும் நோக்கில் இனி ரஜினியின் படங்களை அணுகமுடியாது. அத்திரைப்படத்தை எடுப்பவர்கள் யார், அவர்களது அரசியல் என்ன என்பதைக்கொண்டே தீர்மானிக்கமுடியும்.

ஒரு திரைப்படமாக காலா மிக நன்றாகவே உள்ளது. முதல் 30 நிமிடங்களில் நெளிய வைத்துவிட்டார்கள். கிட்டத்தட்ட கதறும் அளவுக்கு. பின்னர் படம் வேகம் கொள்கிறது. இறுதி நிமிடம் வரை வேகம் குறையவே இல்லை. இனியும் வயதான மனைவிக்கும் கணவனுக்குமான காதலைச் சொல்வதை ரஞ்சித் நிறுத்திக்கொள்வது நல்லது. சில ரசனையான காட்சிகள் இருந்தாலும் மொத்தத்தில் இவை கழுத்தறுக்கின்றன. இக்காட்சிகள் எல்லாம் மறைந்து காலாவின் அரசியலுக்குள் படம் செல்லும் நொடியில்தான் உண்மையான திரைப்படம் தொடங்குகிறது. நானே படேகர் அறிமுகாகும் காட்சியில் இருந்து இறுதிக்காட்சி வரை வேகம் குறைவதே இல்லை.

படத்தில் மிக முக்கியமான காட்சிகள் நான்கைந்தாவது இருக்கின்றன. இடைவேளை அரும் காட்சி அட்டகாசம். அந்தக் காட்சியில் நிகல் நிகல் சல்தேரே பாடலை முழுமையாக ஓடவிட்டிருக்கவேண்டும். சட்டென முடித்தது, அட்டகாசமான அந்தப் பாடலுக்கும் அந்தப்பாடல் மிகக் கச்சிதமாகப் பொருந்தி வந்த அந்தக் காட்சிக்கும் அநியாயம் செய்வதைப் போலத் தோன்றியது. இடைவேளைக்குப் பிறகு ரஜினியும் நானாபடேகரும் சந்திக்கும் இரண்டு காட்சிகளுமே அபாரம். வசனங்கள் மிகக் கூர்மை. நானா படேகர் இந்தப் படத்தை வேறொரு உயரத்துக்குக் கொண்டு போகிறார்.

ரஜினியின் நடிப்பைத் தனியே சொல்லவேண்டியதில்லை. தனக்கான இடம் இனி என்னவாக இருக்கும் என்பதைப் புரிந்துகொண்டிருக்கிறார். சண்டைக் காட்சிகளில் உடல் ஒத்துழைப்பதில்லை என்பதை ஏற்றுக்கொண்டிருக்கிறார். கதையற்ற திரைப்படங்கள் இனி வேலைக்காகாது என்ற முடிவுக்கு வந்திருக்கிறார். முதல் காட்சியில் இருந்து இறுதிக்காட்சி வரை எவ்விதக் குறையுமின்றி மிக நன்றாக நடித்திருக்கிறார். அதீத நடிப்பு என்கிற குழிக்குள் என்றுமே ரஜினி விழுவதில்லை. இப்படத்திலும் அப்படியே. எங்கே அதீதமாக நடிக்கக்கூடாது என்பதைப் புரிந்துகொண்டிருப்பதே ரஜினியின் நிஜமான பலம்.

ஈஸ்வரி ராவின் கதாபாத்திரம் ஆரம்பக் காட்சிகளில் அலட்டுவது போலத் தோன்றினாலும், என்னையும் லவ் பண்ணாங்க என்று தியேட்டரையே அதிர வைத்த காட்சியில் மனசுக்குள் நுழைகிறார். சமுத்திரக்கனிக்கு வித்தியாசமான வேடம். செவ்வனே செய்கிறார்.

இப்படத்தில் மிக முக்கியமாகக் குறிப்பிடப்படவேண்டிய நடிகர் – மணிகண்டன். அட்டகாசம், ஆசம். இவருக்கு மிக பிரகாசமான எதிர்காலம் நிச்சயம். படத்தில் மனத்தைக் கொள்ளை கொண்ட நடிகர் இவரே.

பின்னணி இசையில் காதைக் கிழிக்காமல் அதேசமயம் பிரம்மாண்டமான இசையைத் தந்த சந்தோஷ் நாராயண் பாராட்டப்படவேண்டியவர். இந்தப் படத்துக்கென அவர் இசையமைத்த பல பாடல்கள் இப்படத்தில் வரவில்லை. யார் வெச்சது யார் வெச்சது பாடல் காட்சிகளூடாகக் கடந்து சென்றதையெல்லாம் ஜீரணிக்கவே முடியவில்லை. படத்துக்கு இது நல்லதுதான் என்றாலும், அந்தப் பாடலின் தன்மையை இப்படி வீணடித்துவிட்டாரே ரஞ்சித் என்ற வருத்தம் இப்போதும் இருக்கிறது. அதேபோல் பாடலுக்கு நடனம் என்றாலே யாராவது தரையில் கிடந்து சுற்றுவது என்கிற எண்ணத்தை ரஞ்சித் கைவிடுவது நல்லது.

இனி…

இப்படத்தில் தமிழர்களை ராவணனாக மாற்றுகிறார் ரஞ்சித். ராமனை எதிரியாக்குகிறார். வெளிப்படையாகவே. நானே படேகர் ஒரு ஹிந்துக் கட்சியின் தலைவர். பாஜகவாகவோ சிவசேனையாகவோ அல்லது இரண்டுமோ அல்லது கொள்கையாகவோ இருக்கலாம். ராமனே நானா படேகரின் நாயகன். ஒருவகையில் ராவணனான காலாவை அழிக்கப் போகும் ராமன் நானா படேகரே. தலித் அரசியல்வாதிகளின் ஹிந்து மத எதிர்ப்பும் காழ்ப்பும் உலகறிந்த ஒன்றே. ராவணன் உண்மையில் தீமையின் வடிவம். சிவபக்தனாக இருந்தும் அவன் தீமையின் வடிவமே. ராவணன் பிராமணன் என்பதை மறந்து (அல்லது தங்கள் தேவைக்காக மறைத்து) அவனைத் தமிழனின் அடையாளமாக மாற்றி நெடுநாளாகிறது. இந்தக் குழப்பத்துக்கே இவர்களிடம் விடை இல்லை. இந்நிலையில் ஹிந்து மதத்தின் புராணங்களின் ஆழம் தெரியாமல் அதன் வீச்சும் புரியாமல் ராவணனை, தீமையின் வடிவத்தை, திரைப்படத்தில் காலாவுக்கு இணை வைத்துவிட்டார்கள். இதனால் ராவணை ஒழிக்க நினைக்கும் நானா படேகர் என்ற மோசமான அரசியல்வாதியை, உண்மையில் அறத்தின் வடிவான ராமனுக்கு இணை வைத்துவிட்டார்கள். ராமாயணத்தின் கதாகாலக்ஷேபத்தின் வரிகளுக்கு இணையாக ராவணன் ஒழிக்கப்படும் காட்சி மிக பிரமாண்டமாக மனதைப் பதற வைக்கும் அளவுக்குப் படமாக்கப்பட்டுள்ளது. (படத்தில் அசரடிக்கும் காட்சி இதுதான்.) நல்லவன் ராவணன் காலா தீய ராமனால் அழிக்கப்படுகிறான். ஆனால் ராவணன் என்னும் மாயன் மீண்டும் ராமனை அழிக்கிறான்.

மிகத் தெளிவாக தமிழர்களை, ராவணனை ஹிந்துக்களுக்கு எதிரானவர்கள் என்று காட்டுகிறார்கள். அதற்கான காரணமாக ராமனைக் கெட்டவனாகச் சித்திரிக்கிறார்கள். இந்த அரசியலுக்கு அப்படியே தன்னை ஒப்புக்கொடுத்திருக்கிறார் ரஜினி. ஆனால் இதில் ஆச்சரியப்பட ஒன்றுமில்லை. ரஜினி என்றுமே திரைப்படத்தில் எடுப்பார் கைப்பிள்ளைதான். இயக்குநரைத் தீர்மானித்துவிட்டால் அவர் என்ன சொன்னாலும் செய்வார். செய்திருக்கிறார்.

இங்கே நாம் சமீபத்தில் நடந்த சில நிகழ்வுகளையும் சேர்த்துப் பார்க்கவேண்டிய தேவை இருக்கிறது. தனது எந்த ஒரு திரைப்படமும் வெளி வருவதற்கு முன்பாக அத்திரைப்படத்துக்கு எதிரான எந்த ஒரு செயலையும் செய்யாதவர் ரஜினி என்ற பிம்பம் இங்கே இருக்கிறது. ஆனால் தூத்துக்குடி ஸ்டெர்லைட் கலவரத்தை ஒட்டி ரஜினி பேசியது, இத்திரைப்படத்தில் தான் செய்திருக்கும் கதாபாத்திரத்தை மனத்தில் வைத்துத்தான் என்பதைப் புரிந்துகொள்ளலாம். இப்படத்தில் ரஜினி காவல்துறையை அடிக்கிறார். கொல்லுகிறார். கொல்லத் துணை நிற்கிறார். புரட்சிக்குத் துணை போகிறார். ஒட்டுமொத்த அரசுக்கு எதிரான போராட்டங்களை ஆதரிக்கிறார். ஆனால் நிஜத்தில் ரஜினி இவை அத்தனையும் மறுத்தார். காவல்துறை போட்டிருக்கும் சீருடை என்பது மரியாதைக்குரியது என்ற ஒரு அரசு சார்ந்த கருத்தை வெளிப்படையாக முன் வைத்தார். தான் வேறு தன் திரைப்படம் வேறு என்பதை உணர்த்தவே ரஜினி இப்படி வெளிப்படையாகப் பேசி இருக்கிறார் என்று இப்போது புரிகிறது.

இத்திரைப்படத்தில் சட்டத்தை எரிக்கலாம் என்றொரு வாசகம் வருகிறது. ஆனால் அது ம்யூட் செய்யப்பட்டிருக்கிறது. ஆனால் உண்மையான ரஜினி இப்படிப்பட்டவர்களைச் சமூக விரோதிகள் என்றும் விஷக் கிருமிகள் என்று சொல்லிவிட்டார். அதாவது திரைப்படத்தில் ரஜினி நடித்திருப்பது, ராவணனாக சித்திரிக்கப்பட்டிருப்பது, உண்மையான ரஜினியின் கருத்தின்படி ஒரு விஷக்கிருமியின் பாத்திரமே, ஒரு சமூக விரோதியின் பாத்திரமே. அத்தனை நியாயங்கள் காலாவின் பக்கம் இருந்தாலும் உண்மையான ரஜினியின் கருத்தின்படி சட்டத்துக்கு எதிராக வன்முறைக்குத் துணை போகும் எந்த ஒரு போட்டாரமும் சமூக விரோதியின் செயலே. இதைப் புரிய வைக்கவே ரஜினி அப்படிப் பேசி இருக்கிறார். இதனால்தான் ரஞ்சித்தின் ஆதரவாளர்கள் எந்நிலை எடுப்பது என்று புரியாமல் தத்தளித்திருக்கிறார்கள். ரஜினி இப்படி வெளிப்படையாகப் பேசுவார் என்று அவர்கள் எதிர்பார்த்திருக்கவில்லை.

ஹிந்தி பேசும் ராமனே தமிழ் ராவணர்களின் எதிரி என்று மிகத் திறமையாக, வெளிப்படையாக இத்திரைப்படம் முன்வைக்கிறது. படம் தாராவியின் பிரச்சினை என்றாலும் உள்ளூர இப்படம் சொல்ல விரும்புவது இதையே. அதாவது தாராவி பற்றி எப்புரிதலும் இல்லாத தமிழர்கள் இப்படத்தை இப்படியே சென்று அடைவார்கள். (இதில் பாதி பேர் எந்த அரசியல் புரிதலும் இன்றி நன்மைக்கும் தீமைக்குமான சண்டை என்று கருப்பு வெள்ளையாகக் காண்பார்கள், அந்த அப்பாவிகளை விட்டுவிடலாம்.) நானா படேகர் ஷெரினாவைக் காலில் விழச் சொல்லும் காட்சியில் ஒரு நொடி ராமர் சிலை காண்பிக்கப்படுகிறது. நானா படேகர் வரும் இன்னும் சில காட்சிகளிலும் ராமர் சிலை வருகிறது. நானா படேகர் வரும் காட்சிகள் எல்லாமே காவி வண்ண மயம். இறுதிக் காட்சியில் திரையில் வரும் கதாபாத்திரங்களின் உடல் கருமை நிறத்துக்கு மாறுகிறது. கருமை நிறம் வீறுகொண்டு எதிரியைக் கொல்கிறது. திரையின் நிறம் சிவப்பாகிறது. கூட்டம் ஆர்ப்பரிக்கிறது. எங்கும் காலாவின் முகமாகிறது. திரையின் நிறம் நீலமாகிறது. இந்த நிற விளையாட்டு இனியும் எத்தனை படங்களுக்குத் தொடரும் எனத் தெரியவில்லை. கருமை சிவப்பு நீலம் என்ற நிறங்களை காவிக்கு எதிராக நிறுத்துகிறது இத்திரைப்படம். அந்தக் காவி கொடிய அரசியல்வாதியின் முகம். கருமையும் சிவப்பும் நீலமும் (ஏன் திடீரென்று நீலம் வருகிறது என்பதற்கு ஒரே காரணம் இது ரஞ்சிதி படம் என்பதால்தான்) உண்மைக்கும் ஏழ்மைக்கும் புரட்சிக்குமான முகமாகிறது.

ஏழைகளுக்கான நிலம் என்பதை மையமாக வைத்து அதன் அரசியல் கருத்துகளை முன் வைத்திருக்கிறார் ரஞ்சித். அதையும் பிறப்பால் மராட்டியரான ஒருவரைக் கொண்டே பேச வைத்திருக்கிறார். அதிலும் தேவையே இல்லாமல் ஒருவர் தன் பெயர் சிவாஜிராவ் கெய்க்வாட் என்று சொல்லிக் குண்டடி பட்டுச் சாகிறார். ரஜினியின் மகன் பெயரை லெனின் என்று வைத்து சிவப்பின் ஈர்ப்பைக் காண்பிக்கிறார். (ஆனால் ரஜினி லெனினை நன்றாகத் திட்டித் தீர்க்கிறார்.) இத்தனைக்கும் நடுவில் தொடரும் ரஞ்சித்தின் முக்கியமான விஷயம் – புத்தரும் அம்பேத்கரும் வருகிறார்கள், ஈவெரா எங்கும் வரவில்லை. ஒரு காட்சியின் பின்னணியில் ஈவெரா சிலை ஒன்றின் தாடி போலத் தெரிந்தது. ஆனால் ஈவெராவின் முகம்தானா என்று காண்பிக்கவில்லை. ஆனால் அடுத்தடுத்த பேட்டிகளில் ஈவெரா எப்படித் தன்னை மெருகேற்றினார் என்று ரஞ்சித் உருகக்கூடும். திரைப்படங்களில் மட்டும் அம்பேத்கரோடு நின்றுவிடுகிறார். திரைப்படங்களில் மட்டும் தொடர்கிறது ரஞ்சித்தின் ஈவெராவை மறைக்கும் அரசியல். இதற்காகவே ரஞ்சித்தைப் பாராட்டலாம்.

இத்திரைப்படத்தின் சாதனை என்ன? ஒரு ரஜினி படத்துக்கு இப்படி மண்டையைப் பிய்த்துக் கொள்ளும் அளவுக்கு இரண்டாம் முறையாகவும் யோசிக்க வைத்ததுதான் ரஞ்சித்தின் சாதனை. ரஜினி தூத்துக்குடி கலவரத்தை ஒட்டித் தன் கருத்துகளை வெளிப்படையாகக் கூறாத நிலையில் இப்படம் வந்திருந்தால் ரஜினியின் அரசியலில் பெரிய கேள்விகள் எழுந்திருக்கும். மிகத் தெளிவாகத் திட்டமிட்டு இதைத் தவிடுபொடியாக்கி இருக்கிறார் ரஜினி. தலித் கட்சிகளின் தேவைகள் மிக முக்கியமானவை. இக்கட்சிகள் இல்லாவிட்டால் ஒரு பொதுக்கட்சியால் இக்கருத்துகளை இத்தனை தீவிரமாக முன்னெடுக்கவோ மாற்றங்களைக் கொண்டு வரவோ முடியாது. ஒவ்வொரு ஜாதிக்கட்சிக்கும் இது பொருந்தும் என்றாலும் தலித் கட்சிகளின் தேவைக்கு இவை அதிகம் பொருந்தும். அதேசமயம் யதார்த்தத்தில் ஒரு தலித் கட்சியே (அல்லது எந்த ஒரு ஜாதிக்கட்சியும்) பொதுவான பிரதானமான அரசியல் கட்சியாகிவிடமுடியாது. ரஜினியின் அரசியல் தலித் கட்சிகளின் தேவைகளை ஏற்றுக்கொண்ட ஒரு பொதுக்கட்சியாகவே இருக்கமுடியும் என்பதை ரஜினி உணர்ந்திருக்கிறார். அதனால்தான் திரைப்படத்தில் தன்னை அரசியலுக்குப் பயன்படுத்திக்கொண்டவர்களுக்கு, அத்திரைப்படம் வருவதற்கு முன்பாகவே, தன் கருத்துக்களைச் சொல்வதன் மூலம் தான் யார் என்பதை புரியவைத்திருக்கிறார். இது பெரிய திட்டம்தான் என்றாலும் இத்தகைய விஷப் பரிட்சைகளில் இனி ரஜினி சிக்காமல் இருப்பது அவரது அரசியல் எதிர்காலத்துக்கு நல்லது.

ஒரே வரியில், ஒரு திரைப்படமாக (மட்டும்) அட்டகாசம்.

*****

(ஹரன்பிரசன்னா தனது ஃபேஸ்புக் பக்கத்தில் எழுதியது

 

‘திராவிட இயக்கத்தின் இந்துமத வெறுப்பு’ கருத்தரங்கம்: வீடியோ

சென்னை ஐ.ஐ.டி. வளாகத்தில் 2017 டிசம்பர் 22,23,24 மூன்று நாட்களும் சுதேசிய இந்தியவியல் – 3 (Swadeshi Indology – 3) மாநாடு நடைபெற்றது.

இந்தியப் பண்பாட்டையும் கலாசாரத்தையும் வரலாற்றையும் குறித்து கல்விப் புலங்களிலும் ஆய்வாளர்களிடையிலும்  பரவியுள்ள  திரிபுகளையும், உள்நோக்கங்களும் வெறுப்புகளும் முன்முடிவுகளும்  கொண்ட கருத்தாக்கங்களையும் கேள்விக்கு உட்படுத்துவதும், உண்மையான கருத்தாக்கங்களை வெளிக்கொணர்வதும் இந்த மாநாட்டுத் தொடரின் நோக்கம். ஏற்கனவே இரண்டு மாநாடுகள் கடந்த வருடங்களில் நிகழ்ந்துள்ளன. 2017ம் ஆண்டின் மாநாடு, ‘தமிழ்நாடு – தர்மத்தின் நிலம்’ (Tamil Nadu – Land of Dharma) என்பதை மையக் கருத்தாகக் கொண்டு நடைபெற்றது. சமகால இந்து அறிவியக்கத்தின் முக்கியமான சிந்தனையாளர்களில் ஒருவரும், காத்திரமான நூல்களின் ஆசிரியருமான ராஜீவ் மல்ஹோத்ரா தலைமையில் செயல்படும் Infinity Foundation என்ற அமைப்பு இத்தகைய ஆய்வரங்குகளையும் மாநாடுகளையும் தொடர்ந்து நடத்தி வருகிறது.

இந்த மாநாட்டில் அறிஞர்களின் உரைகளும் கருத்தரங்குகளும் இடம் பெற்றன. ஆய்வுக் கட்டுரைகள் வாசித்து விவாதிக்கப் பட்டன. இதன் ஒரு பகுதியாக,  22-டிசம்பர் மாலை ‘திராவிட இயக்கத்தின் இந்துமத வெறுப்பு‘ (Dravidian Hinduphobia) என்ற தலைப்பில் சிறப்பான கருத்தரங்கம் நிகழ்ந்தது.

இந்தக் கருத்தரங்கத்திற்கு டாக்டர். பேராசிரியர் கனகராஜ் ஈஸ்வரன் (சமூகப் பணித் துறை தலைவர், மிசோரம் பல்கலைக் கழகம்) தலைமை தாங்கினார்.   ஈ.வெ.ராவின்  சமூக அழிப்புக் கொள்கைகளை,  குறிப்பாக பிராமண, தலித் வெறுப்பு பிராசரங்களைக் குறித்து ம.வெங்கடேசன் (எழுத்தாளர், செயலர் – தமிழ்நாடு பா.ஜ.க தாழ்த்தப்  பட்டோர் அணி) உரையாற்றினார்.  தமிழ் ஊடகங்களில் இந்துமத எதிர்ப்பு மனநிலை எவ்வளவு ஆழமாக ஊருவியுள்ளது என்பதைக் குறித்துப் பல ஆதாரங்களை முன்வைத்து  பத்திரிகையாளர் பத்மன் பேசினார்.   தமிழின் மகத்தான் இலக்கியச் செழுமையைக் குறிப்பிட்டு,  எப்படி அந்த இலக்கியச் செல்வங்கள் திராவிட இயக்க அரைவேக்காடுகளாலும் வெறுப்புணர்வாளர்களாலும் திரிக்கப் பட்டு, அவற்றில் உள்ள இந்துத் தன்மை  திட்டமிட்டு இருட்டடிக்கவும் மறைக்கவும் பட்டது (Dehinduization of Tamil Literature) என்பது குறித்து ஜடாயு (சிந்தனையாளர், இலக்கிய ஆர்வலர்)  உரையாற்றினார்.  தேவப்ரியா என்ற பெயரில் சமூக வலைத்தளங்களில் எழுதிவரும் ஏ.வி.கோபாலகிருஷ்ணன், கிறிஸ்தவ மிஷநரிகள் எவ்வாறு திருக்குறளையும் திருவள்ளுவரையும் மற்ற தமிழ்ப் பண்பாட்டுக் கூறுகளையும் திரித்து பிரசாரம் செய்து, திராவிட இயக்க இந்து எதிர்ப்புணர்வுக்கு உறுதுணையாக செயல்பட்டனர் என்பதைக் குறித்துப் பேசினார்.  இந்த உரைகள் ஆங்கிலத்திலும் தமிழிலும் கலந்து அமைந்திருந்தன.  பிறகு பார்வையாளர்களுடனான கேள்வி பதில் பகுதியில் எழுப்பப் பட்ட கேள்விகளுக்கு பேச்சாளர்கள் சிறப்பாகவும்  நேர்த்தியாகவும் விடையளித்தனர்.

இந்த நிகழ்ச்சியின் முழுமையான வீடியோ பதிவை இங்கே காணலாம்.

தெய்வத்தின் குரலில் திராவிடர் கழகத்தின் திருமண மந்திர திரிபுவாதம்

(21-4-2015) இமயம் தொலைக்காட்சியில் திராவிடர் கழகத்தை தடை செய்வது பற்றிய ஒரு விவாதம் நடைபெற்றது. அதில் நான், வே.மதிமாறன், பாஜகவைச் சார்ந்த வழக்கறிஞர் ராமநாதன், திராவிடர் கழகத்தைச் சார்ந்த மஞ்சை வசந்தன் ஆகியோர் கலந்துகொண்டோம்.

அந்நிகழ்ச்சியில் மஞ்சை வசந்தன் சதி என்கிற உடன்கட்டை ஏறுதல் வேண்டும் என்று தெய்வத்தின் குரலில் காஞ்சிப் பெரியவர் சொன்னதாகச் சொன்னார். உடனே நான் ஆதாரம் இருக்கிறதா என்று கேட்டபோது தெய்வத்தின் குரல் புத்தகத்தை படியுங்கள். அதில் இருக்கிறது என்று கூறினார்.

நான் எப்போதுமே திராவிடர் கழக எழுத்தாளர்கள், கம்யூனிச எழுத்தாளர்கள் சொல்வதை முதலில் ஏற்பதில்லை. ஏனென்றால் அதில் எப்போதுமே திரிபுவாதமே மேலோங்கியிருக்கும். மஞ்சை வசந்தன் அப்படிப்பட்ட ஒரு திரிபுவாதத்தை ஏற்கனவே தன்னுடைய புத்தகத்தில் செய்திருக்கிறார்.

marriage

மஞ்சை வசந்தன், ‘தமிழா! நீ ஓர் இந்துவா?’ என்ற புத்தகத்தை எழுதியுள்ளார். அந்நூலில் 69ஆம் பக்கத்தில் இப்படி எழுதுகிறார் :

‘பார்ப்பான் மந்திரஞ்சொல்லி தாலி எடுத்துக்கொடுத்து நடத்தப்பட்டால்தான் அது திருமணமாகும் என்கிறது இந்துமதம். திருமணத்தின்போது பார்ப்பான் சொல்லுகின்ற மந்திரத்தின் பொருள் என்ன தெரியுமா?

சோமஹ பரதமே விவித கந்தர்வ

விதித உத்ரஹ த்ருதியோ அக்னிஷ்டே

பதி ஸதுரியஸ்தே மனுஷ்ய ஜாஹ

மணமகளாக இருக்கிற பெண்ணை முதலில் சோமனும், அடுத்து கந்தர்வனும் அடுத்து உத்திரனும் நான்காவதாக புரோகிதப் பார்ப்பானும் வைத்திருந்து, இறுதியில் பார்ப்பான் தன் விருப்பத்தின்பேரில் மணமகனுக்கு மணப்பெண்ணை தாரைவார்த்துக் கொடுக்கின்றானாம்.

இந்துமதப்படி திருமணம் செய்துக் கொள்கின்ற சூத்திரனின் மனைவி பலரால் அனுபவிக்கப்பட்ட ஒரு பரத்தை (விபச்சாரி) என்று இந்துமதம் கூறுவதைப் பார்த்தாயா?……..

(இந்த மந்திரத்தையும் இதற்குரிய அர்த்தத்தையும் காஞ்சி சங்கராச்சாரியாரே தனது நூலில் (தெய்வத்தின் குரல் – வானதி பதிப்பக வெளியீடு) குறிப்பிட்டுள்ளார். எனவே, நான் மேலே குறிப்பிட்டுள்ளது உண்மையாக இருக்குமோ? என்று யாரும் சந்தேகப்படத் தேவையில்லை)

என்று மஞ்சை வசந்தன் எழுதியிருக்கிறார்.

நானும் பலநாள் இப்படித்தான் இருக்குமோ என்று நினைத்திருந்தேன் தெய்வத்தின் குரல் புத்தகத்தை படிக்கும்வரை. ஆனால் என்னிடம் அந்த புத்தகங்கள் இல்லாத காரணத்தால் உடனே படிக்கக் கூடிய வாய்ப்பு இல்லாமல் போனது. எப்போதுமே நான் மூலநூலை படிக்க வேண்டும் என்ற எண்ணம் உடையவன். சிலநாள் கழித்து ஒரு நூலகத்தில் தெய்வத்தின் குரல் புத்தகம் படிக்கக்கூடிய வாய்ப்பு கிடைத்தது.

kanchi periyavarதெய்வத்தின் குரல் இரண்டாம் பகுதியில்தான் இந்த மந்திரங்களைப் பற்றி காஞ்சி சங்கராச்சாரியார் சொல்லியிருக்கும் தகவல்கள் வருகின்றன. மஞ்சை வசந்தன் குறிப்பிடுகிற மாதிரிதான் காஞ்சி சங்கராச்சாரியார் சொல்லியிருக்கிறாரா என்று பார்த்தால் அதற்கு முற்றிலும் நேர்எதிராக அவர் சொல்லியிருக்கிறார்.

இதோ காஞ்சி சங்கராச்சாரியார் சொல்கிறார் :

நம் ஒவ்வொரு தேஹத்திலும், அங்கங்களுக்குள்ளே அவை ஒவ்வொன்றுக்கும் அதிதேவதையாக ஒரு தேவன் இருக்கிறான். கண்ணில் ஸூரியன், கையில் இந்திரன் என்றிப்படி நமக்குள் ஆத்யாத்மிகமாக தேவ சக்திகள் இருக்கின்றன. இது தவிர ஒவ்வொரு வயோவஸ்தையிலும் (வயசுக் கட்டத்திலும்) ஒவ்வொரு தேவதைக்கு நம் மேல் ஆதிக்கம் இருக்கிறது.

இவ்விதத்திலே ஒரு பெண்ணானவள் பிறந்ததிலிருந்து வஸ்திரம் கட்டிக் கொள்ளத் தெரிகிற வரையில் ‘ஸோமன்’ என்ற தேவதையின் ஆதீனத்தில் இருக்கிறாள். (புருஷர்கள் கட்டிக்கொள்ளும் வேஷ்டிக்கே ‘சோமன்’ என்று பேர் இருக்கிறது) அதற்கப்புறம் ரிதுவாகும் வரையில் அவள் கந்தர்வனின் ஆதீனத்தில் இருக்கிறாள். வசது வந்த திலிருந்து மூன்று வருஷம் அக்னியின் ஆதிக்கத்தில் இருக்கிறாள். ஸோமன் என்றால் சந்திரன். ஸோமன் ஒரு பெண்ணை ஸ்வீகரித்துக் கொண்டிருக்கிற குழந்தைப் பிராயத்தில் அதனிடம் நிலா மாதிரியான குளிர்ச்சி இருக்கிறது. அப்புறம் கந்தர்வன் என்ற உல்லாஸ ஜீவியான, நல்ல ஸுந்தரமான தேவதையிடம் இருக்கிற சிறுமிக்கு லாவண்யம் விசேஷமாக இருக்கிறது. பிறகு அக்னியின் அதிகார காலம் உண்டான போது காமாக்னியை ஏற்படுத்தும் சக்தி உண்டாகிறது. மூன்று தேவதைகளுடைய அதிகாரத்துக்கு இப்படி லௌகீகமாக அர்த்தம் பண்ணுவதுண்டு. இது இருக்கட்டும்.

சீர்திருத்தக்காரர்கள் சான்று காட்டும் வேதமந்திரங்களின் அர்த்தம் என்ன?

வரன் எனப்படும் கல்யாணப்பிள்ளை வதூ எனப்படும் கல்யாணப் பெண்ணைப் பார்த்துச் சொல்லும் இந்த வேத வாக்கியங்களுக்கு என்ன அர்த்தம் என்றால், ‘முதலில் ஸோமன் உன்னை அடைந்தான்; இரண்டாவதாக கந்தர்வன் அடைந்தான்; மூன்றாவதாக அக்னி உனக்கு அதிபதி ஆனான். மநுஷ்ய வர்க்கத்தைச்சேர்ந்த நான் நான்காமவனாக உன்னை ஆளுவதற்கு வந்திருக்கிறேன். உன்னை ஸோமன் கந்தர்வனிடம் கொடுத்தான். கந்தர்வன் அக்னியிடம் கொடுத்தான். அக்னி என்னிடம் இப்போது கொடுத்திருக்கிறான்’ என்று அர்த்தம்.

விவாஹத்தின்போதே சொல்லப்படுகிற மந்திரத்தில் இப்படி வருவதால் கல்யாணப் பெண்ணானவள் ரிதுமதியாகி அக்னியின் ஆதினத்தில் மூன்று வருஷம் இருந்த பிறகுதான் அவளை ஒருத்தன் கல்யாணம் பண்ணிக் கொள்கிறான் என்றுதானே அர்த்தமாகிறது?

இதைச் சொல்லித்தான் சீர்திருத்தக்காரர்கள் ‘நாங்கள் ஒன்றும் சாஸ்திர விரோதமான reform (சீர்திருத்தம்) கொண்டுவரவில்லை. ஆதியிலிருந்த சாஸ்திரத்துக்கு விரோதமாகத் துருக்க ராஜ்யத்தில் ஏற்பட்ட வழக்கத்தை மாற்றிப் பழையபடி சாஸ்திரோக்தமாகப் பண்ண வேண்டும் என்று தான் சொல்கிறோம். வேத வாக்கியத்தைவிடப் பெரிய பிரமாணம் இருப்பதாக எந்த ஸநாதனியும் சொல்ல முடியாதே! அதைத்தான் நாங்கள் ‘அதாரிடி’யாகக் காட்டுகிறோம்’ என்று சொன்னார்கள்.

தெய்வத்தின் குரல், இரண்டாம் பகுதி, பக்கம்.865-866

(காஞ்சிப் பெரியவர் சீர்திருத்தக்காரர்கள் என்று இங்கு சொல்வது இந்து சீர்திருத்தக்காரர்களையே)

மஞ்சை வசந்தன் குறிப்பிட்டமாதிரி திருமணம் செய்துக் கொள்கின்ற சூத்திரனின் மனைவி பலரால் அனுபவிக்கப்பட்ட ஒரு பரத்தை (விபச்சாரி) என்று எங்கே இப்புத்தகத்தில் வருகிறது?

பார்ப்பான் நான்காவதாக வைத்திருந்தான் என்று எங்கே இதில் வருகிறது? முதலில் இங்கே சூத்திரன் என்கிற சொற்றொடரே வரவில்லை.

இதே மந்திரத்தைத்தான் பிராமணர்களும் தங்கள் திருமணங்களில் பயன்படுத்துகிறார்கள் என்பதையும் ஞாபகத்தில் வைத்துக்கொள்ள வேண்டும். சூத்திரனை கேவலப்படுத்த வேண்டும் என்ற நோக்கம் இருந்தால் அல்லது இந்த மந்திரம் கேவலமாக இருந்தால் பிராமணர்கள் தங்கள் திருமணங்களில் பயன்படுத்துவார்களா? சூத்திரனைக் கேவலப்படுத்த வேண்டும் என்று நினைத்திருந்தால் சூத்திரனுக்கு மட்டுமே அந்த மந்திரத்தை சொல்வார்கள். தங்களுக்கு வேறொரு மந்திரத்தை பயன்படுத்துவார்கள். ஆனால் நடைமுறையில் எல்லோருக்கும் அதே மந்திரம்தான் பயன்படுத்தப்படுகிறது.

காஞ்சி சங்கராச்சாரியார் சொல்லாத ஒன்றை காஞ்சி சங்கராச்சாரியார் சொல்லியிருக்கிறார் என்று சொல்வது கடைந்தெடுத்தப் பொய்தானே! இப்படி திரிபுவாதம் செய்பவர்கள்தான் திராவிட இயக்க எழுத்தாளர்கள் என்பதை புரியவைக்கவே இதை எழுதினேன்.

இந்த விளக்கத்தை இமயம் தொலைக்காட்சி விவாதத்திலும் தெய்வத்தின் குரல் புத்தகத்தோடு விளக்கினேன். மஞ்சை வசந்தன் அவர்களால் பதில் சொல்ல முடியவில்லை. இதை வேறொருநாளில் விவாதமாக வைத்துக்கொள்ளலாம் என்று மழுப்பினாரே தவிர பதில் சொல்லவில்லை.

இந்த விவாதம் பற்றி வே.மதிமாறன் தன்னுடைய மூஞ்சிப்(?) புத்தகத்தில் ‘டீ கடையில் டீ குடிக்கும்போது தற்செயலா இரண்டு வார்த்தைக்கூட பேசுவதற்கு லாயக்கற்றவர்களோடு டீவியில் எல்லாம் பேச நேரிடுவது கொடுமை’ என்று எழுதியிருந்தார். இது நானும் வே.மதிமாறனும் கலந்துகொண்ட இந்த நிகழ்ச்சியைப் பற்றியதுதானா என்ற சந்தேகம் இருந்தது. இந்த நிகழ்ச்சியைப் பற்றியதுதான் என்று அவருக்கு ஸ்டேடஸ் போட்டவர்கள் உறுதிபடுத்தினார்கள். மிக மோசமான வார்த்தை பயன்படுத்தி என்னை வசைபாடியிருக்கிறார்கள். இந்த மனநிலையை நாம் எப்படி புரிந்துகொள்வது?

mathimaran
இதுதான் ‘திராவிடர் கழக எழுத்தாளர்களின் ஆதிக்க சாதிய மனநிலை.

தாழ்ந்த சாதிக்காரன்கூட உனக்கு என்ன பேச்சு வேண்டிக்கிடக்கு, அவனுங்கல்லாம் ஒரு மனுசனா மதிச்சு பேசக்கூட லாயக்கற்றவனுங்க என்று இரட்டை டம்ளர் டீ கடையில சில்வர் கிளாசில டீ குடிச்சிக்கிட்டு பேசுற தொனி ஆதிக்க சாதிய மனநிலையில் எழுகிற தொனி.

அவனுங்க எல்லாம் எப்ப பார்த்தாலும் குடிச்சிக்கிட்டு இருப்பானுங்க.முட்டாளுங்க, வேசிமகனுங்க என்று ஆதிக்க சாதி திமிரில் பேசிய பேச்சு ஆதிக்க சாதிய மனநிலையில் பேசுகிற பேச்சு.’

இந்த ஆதிக்க சாதி மனநிலையில் இருந்துதான் இப்படிகேவலமாக எழுதியிருக்கிறார்கள். இதுதான் அவர்களுடைய இயல்பே. திராவிட இயக்க எழுத்தாளர்கள் மற்றும் அடிப்பொடிகள் தங்களுடைய மனநிலையை தெள்ளத் தெளிவாக நமக்கு காட்டியிருக்கிறார்கள். ஏன் இப்படி கொந்தளிக்க வேண்டும் என்று நினைப்பவர்களுக்கு அந்த தொலைக்காட்சி விவாத நிகழ்ச்சியில் நான் பேசிய பேச்சைப் பார்த்தவர்களுக்குப் புரிந்திருக்கும்.

கொஞ்சம் கவனியுங்க நண்பர்களே : நான் எழுதிய இந்த பதிவை படித்துவிட்டு காஞ்சி பெரியவர் சொல்கிற அனைத்தையும் நான் ஆதரிக்கிறேன் என்று யாரும் முடிவுகட்டிவிட வேண்டும். அவருடைய பல கருத்துக்களை, முக்கியமாக தலித்துகள் கோயில் நுழைவு, பெண்கள் பற்றிய அவருடைய கருத்துக்களை மிக மிக வன்மையாக கண்டிக்கிறேன்.

சிறு குறிப்பு : பல தொகுதிகளாக தெய்வத்தின் குரல் புத்தகம் வந்திருக்கிறது. பயன்படுத்தாமல் அலமாரிகளில் நானும் அந்தப் புத்தகங்களை பத்திரமாக, ஆனால் அதேசமயம் தூசு படிந்து வைத்திருக்கிறேன் என்று சொல்லும் நண்பர்கள் மட்டும் எனக்கு கொடுக்கலாம்.

திராவிட இயக்கங்களை ஏன் எதிர்க்க வேண்டும்.?

சுதந்திர இந்தியாவில் திராவிட பிழைப்பு வாதம் என்பது துவங்கி ஏறக்குறைய 100 ஆண்டுகள் ஆகப்போகிறது. இந்த 100 ஆண்டுகளில் தமிழ் இனவாதத்தை விறகாக்கி மக்களின் அறிவை பெட்ரோலாக்கி எரித்து குளிர் காய்ந்து கொண்டிருக்கும் பிழைப்பு வாதிகள் எவ்வளவு தீமைகளை செய்திருக்கிறார்கள் என்பதை எண்ணிப்பார்த்தால் அறுவெறுப்பும் அசூயையும் தான் மிஞ்சுகிறது. ஒரு பெரும் ஜனத்திரளையே சாராயத்திற்கும், மலினமான ஆபாச சிந்தனைக்கும், கலாச்சார சீர்கேடுகளுக்கும் ஆளாக்கி கலாச்சார அனாதைகளாக்கி இருக்கிறது திராவிட இயக்கங்கள். தின்னும் உணவுக்கு கூட இலவசமாக பிச்சை எடுப்பதை பெருமைக்குரிய அடையாளமாக்கி இருக்கிறது திராவிட இன அரசியல்.

மக்கள் திரளை மதி மயக்கி, அறிவுச்செயல்பாடுகளை முற்றிலும் இல்லாமலாக்கி அடி முட்டாள்களாக ஆக்கி இருக்கிறது திராவிட இயக்கங்கள். கழைக்கூத்தாடிகளை மட்டும் கொண்டாடிக்கொண்டு ஏனைய சுய சிந்தனைகளையும் அறிவுச்செயல் பாடுகள் அனைத்தையும் எள்ளி நகையாட செய்துள்ளது தான் கடந்த 100 ஆண்டுகளில் திராவிட இயக்கம் சாதித்தது. அறிவு சார், வரலாற்று சார் பண்பாட்டு அறிவு ஓட்டத்தில் மிகப்பெரிய அகழியை வெட்டி தமிழ் மக்களை கலாச்சார, பண்பாட்டு அனாதைகளாக்கி இருக்கிறது திராவிட அரசியல். எளிய ,முட்டாள் தனமான அற்ப சிந்தனை ஒரு சமூகத்தையே இவ்வளவு தூரம் பின் தள்ளும் என்றோ, அடி மடையர்களாகவும் , அடிமைகளாகவும் இருப்பதை பெருமையாகவும் எடுத்துக்கொள்ளும் என்றோ மானுடவியலாளர்களோ, கலாச்சார ஆய்வாளர்களோ சொல்லியிருந்தால் கூட நாம் நம்பி இருக்க மாட்டோம்.

துவக்க புள்ளி

திராவிட இனவாத அரசியலின் ஆரம்பப்புள்ளி என்பது 18ம் நூற்றாண்டில் மக்களை பிரித்து ஆள வேண்டும் என்பதற்காகவும், பாலைவன மத விஷத்தை பரப்புவதற்காகவும்,ஐரோப்பிய கீழ்மைகளை மறைத்து கொள்வதற்காகவும் திட்டமிட்டு மாக்ஸ்முல்லர், பெஸ்கி பாதிரியார் மற்றும் ஜோஸப் கால்டுவெல் உள்ளிட்ட ஐரோப்பிய இனவெறியர்களும், மதவிபசாரம் (வியாபாரம் என்பது விபசாரம் என தப்பாக அச்சிடப்படவில்லை, சரியாக விபச்சாரம் தான் . மங்கல வழக்கில் வேண்டுமானால் ஆன்ம அறுவடை )செய்யவும், இந்த தேசத்தின் மக்களை ஆக்ரமித்து சுரண்டவும் செயல் படுத்திய அரசியல் ஆயுதம் தான் திராவிட ஆபாசத்தின் துவக்கம். 19ம் நூற்றாண்டில் அயோத்தி தாச பண்டிதர் இந்த நோயால் சில காலம் மனம் பிறழ்ந்து இந்த வீண் பிரச்சாரத்தை செய்து கொண்டிருந்தார். உச்ச கட்டமாக 1916 ல் தேர்தல் என்பது திருடர் பாதை என்று சொல்லி வயிறு வளர்த்துக்கொண்டிருக்கும் சுரண்டல் திராவிடர் கழக கும்பலின் மூலமான  நீதிக்கட்சியின் துவக்கத்திலிருந்து பார்க்கலாம்.

kumudam_cartoon_dmk1இப்போதுள்ள மக்களிடம் திராவிட இயக்கத்தின் கொடை  என்றால் என்ன? என்று கேட்டால் சாராயம் விற்று மக்களின் வாழ்க்கையில் மண்ண அள்ளி போட்டது. தினம் உண்ணும் உணவிற்கு கூட அரசின் இலவசத்தை எதிர்பார்த்து தட்டேந்தி நிற்க வைத்தது.750 ரூபாய் மதிப்புள்ள ஃபேனை கூட தன் உழைப்பில் சம்பாதித்து வாங்க வக்கில்லாமல் பிச்சையாக பெற வைத்தது. விவசாயத்தை துடைத்தெறிய பாடு படுவது, 47 ஆண்டுகளில் எந்த விதமான வளர்ச்சி திட்டங்களோ, தொலை நோக்கு திட்டங்களோ இல்லாமலேயே மக்களை தொடர்ந்து ஏமாற்றுவது. புரட்சிகரமாக மக்களுக்கு புது புது வழிகளில் லஞ்சம் கொடுப்பது. தேர்தல்களில் மக்களை ஏமாற்றி ஓட்டு வாங்குவதை ஒரு செவ்வியல் கலையாக வளர்த்தெடுத்து இருப்பது. மாற்று கருத்து சொல்பவர்களை கொன்றொழிப்பதை கம்யூனிஸ்ட்களிடமிருந்து பெற்று அதை மிகவும் நுட்பத்தோடும் ரசனையோடும் செதுக்கி எடுத்துள்ளது. தனிமனித ஒழுக்கம், பிறன் மனை விழையாமையில் துவங்கி கூட்டு கற்பழிப்பு வரை அனைத்தையும் நியாயம் என்பதாக மக்களை நம்ப வைத்தது.

தொட்டில் குழந்தை முதல் சுடுகாடு வரை அனைத்திலும் ஊழல் செய்தும் திருடியும் சொத்து சேர்ப்பது மட்டுமே பெருமை என மக்களை மழுங்கடித்தது, சொரணை என்பதும், வெட்கம் , மானம் என்பதெல்லாம் ஏதோ அயல் கிரக வாசிகளின் மொழி என்பதாக மக்களை நம்ப செய்தது. சிந்திப்பது, வாசிப்பது எல்லாம் பாவச்செயல் என்று மக்களுக்கு போதித்தது. கட் அவுட் கலாச்சாரம். அறுவெறுப்பு வரும் வகையில் மற்றவர்களை புகழ்வது, சுய மரியாதை என்பதை தன் கட்சி தலைவனின் பேரன் முதற்கொண்டு அனைவரின் காலையும் அருகில் தரிசனம் செய்வது என்பது மாதிரியான அகராதிகளை ஏற்படுத்தியது. தமிழ் மொழியை பற்றி ஒன்றுமே தெரியாமலும் , அதன் வளர்ச்சிக்கு ஒன்றும் செய்யாமல் வாய் சவடாலில் அதை அழிப்பது….. இன்னும் ஒரு 1,76,000 கோடி சாதனைகள் இருப்பதால் நாகரீகம் கருதி இதோடு நிறுத்தி கொண்டு 1860-70 கால கட்டத்திற்கு செல்லலாம்.

1850 களுக்கு பிறகு பிரிட்டிஷ் இந்தியாவில் நாராயண குரு, சட்டம்பி சாமிகள் உள்ளிட்ட ஞான குருமார்கள், சாது திரு அருட்பிரகாச வள்ளலார், துவங்கி ஜோதிராவ் புலே, ராஜாராம் மோகன் ராய் , ஈஸ்வர் சந்திர வித்யாசாகர் சுவாமி விவேகானந்தர் துவங்கி நெடிய அறிஞர் மரபு இந்து பண்பாட்டில் இடையில் புகுந்த வெற்று அரசியல் சடங்குகளையும், தேவையற்ற அடுக்கு முறைகளை களைந்து இந்து பண்பாடு அதன் பரிபூர்ண ஒளியில் ஒளிர தேவையான நடவடிக்கைகளை தங்கள் ஞானத்தால் செயல் படுத்தினார்கள்.

அறிவோ, ஞானமோ கைகூடாத எளிய மனிதர்கள் இவர்களின் மறு சீரமைப்பை வெறும் பிராமண எதிர்ப்பாக மட்டும் எளிமைப்படுத்தி கொண்டும் தங்களின் அதிகார சமன்பாடுகளில் வரும் பிழைகளுக்கு மேல் நிலை சாதி என நம்பப்படுபவர்களை குற்றம் சாட்டிக்கொண்டு மிஷனரிகளின் கவனமாக பின்னப்பட்ட சதி வலைகளின் முக்கிய கண்ணிகளாக மாறிப்போயினர். அப்படித்தான் பிராமணர்களுக்கு எதிரான இயக்கம் கேரளாவில் 1880 களில் துவங்குகிறது. நம்பூதிகளுக்கும் நாயர்களுக்கும் இருந்த அரசியல் சமன்பாடுகளில் ஏற்பட்ட முரண்பாடு நாயர்களை ஒரு அரசியல் இயக்கமாக அதை முன்னெடுக்க தூண்டியது. ஒடுக்கப்பட்ட புலையர்களுக்கும், ஈழவர்களுக்கும் நாராயண குரு சமூக அரசியல் மீட்சிக்கான நிஜமான காரியங்களை ஆத்மார்த்தமாக முன்னெடுத்ததால் அந்த சமூகங்கள் மீட்சியை நோக்கி சென்றன. சாதாரண அரசியல் சதிகளுக்கு மேல் செல்லத்தெரியாத எளிய மனிதர்களின் கையில் இனவாத அரசியல் வந்து சேர்ந்தது இப்படித்தான். அவர்களுக்கு நாராயண குரு சட்டம்பி சாமிகள் போல ஞானம் இல்லை என்ற தாழ்வு மனப்பான்மையில் அவர்கள் அரசியல் அதிகாரத்தை குறி வைத்து இந்த வலைக்குள் விழுகிறார்கள்.

இதன் பின் தொடர்ச்சியாக அன்றைய சென்னை ராஜதானியில் நடக்கும் பிரீமியர் தேர்தலில் டி.எம். நாயர், சர்.பி.டி. தியாக ராஜன், பொப்பிலி மகராஜா உள்ளிட்டோர் தேர்தலில் தோல்வியை தழுவுகிறார்கள். இந்த மக்கள் ஆதரவில்லாத தோல்விக்கு பிராமணர்களே காரணம் என ஒரு கண்ணுக்கு தெரியாத காரணத்தை கற்பிக்கிறார்கள். அப்போது பிராமண சமூகமே அதிகம் கல்வி அறிவு பெற்ற சமுகமாக இருந்தது. வேலை வாய்ப்பிலும் அவர்களே முண்ணனியில் இருந்தனர். இது அப்போது பெரும் நிலச்சுவாந்தார்களாகவும், ஜமீந்தார்களாகவும் இருந்த பிற ஜாதியவர்களுக்கு கவலைக்குரியதாக இருந்தது. அப்போது உலகம் முழுக்க ஒரு ஜனநாயகம், தனி மனித சுதந்திரம் பற்றிய விழிப்புணர்வை ஃப்ரென்ச் மறுமலர்ச்சி தோற்றுவித்திருந்தது. 19ம் நூற்றாண்டின் இறுதியில் உலகை பிச்சைக்காரர்களாக தொடர்ந்து வைத்திருக்க விரும்பும் சர்வாதிகார கம்யூனிஸ சிந்தனை உலகம் முழுக்க தப்பும் தவறுமாக புரிந்து கொள்ளப்பட்டு வந்த காலம். கல்வி அறிவு பெற்றவர்கள் சுதந்திர சிந்தனைக்கும், ஜன நாயகத்திற்கும் ஆட்பட்டு தங்களுடைய நில உடைமைக்கு எதிராக ஜனத்திரளை திருப்பி விட்டு விட்டால் என்ன செய்வது என்ற பயம் இருந்தது. பாமர மக்களுக்கு நடுவில் படித்தவர்கள் ஊடுருவி அவர்களை சுரண்டுவதை பற்றிய விழிப்புணர்வை மக்களிடம் ஏற்படுத்தி விட்டால் தங்களின் நில உடைமைக்கும் வரி வசூலிப்பிற்கும், ஆடம்பர வாழ்விற்கும் ஊறு விளைந்து விடுமோ என்று பதட்டப்பட்டனர். இந்த சிந்தனை சாக்கடை சென்னை ராஜதானியில் மட்டுமின்றி, திருவனந்தபுரம் வரை ஓடியது. ஒருங்கிணைந்த ஆந்திரா, கேரளா, தமிழகத்தில் இருந்த நிலக்கிழார்கள் இதை தடுக்க பிராமண சமூகத்திற்கும் ஏனைய பிற சமூகத்திற்கும் இடையே ஒரு நச்சு ஏரியை வெட்டினர்.

அதை முழுக்க தங்களின் வெறுப்பு பிரச்சாரத்தால்  நிரப்பினர். சில எளிய பிராமண துறவிகளின் சடங்காச்சார பற்றையும், தீண்டாமையையும் கொண்டு பிராமண எதிர்ப்பு கரையை பலப்படுத்தினார்கள். பிளவு படுத்தப்பட்ட மக்களை வெறியேற்ற இத்தாலிய மிஷனரியான ராபர்ட் டி நொபிலி கண்டு பிடித்து கொடுத்துள்ள இனவாதத்தையும், மாக்ஸ்முல்லரின் மொழிசார் அடையாளத்தையும், தூய இன சிந்தனைகளையும் தங்களின் சாதனங்களாக ஏற்றுக்கொள்கின்றனர். இந்த களவாணித்தனத்தை ஒருங்கிணைக்க ஒரு நாளிதழ் துவங்குகின்றனர். அதன் பெயர் ஜஸ்டிஸ் . நீதி என்று பெயர் வைத்து கொண்டு அநீதி இழைத்த கும்பல் அன்பின் மார்க்கம் என்று சொல்லிக்கொண்டு அதிக கொலைகள் செய்யும் மார்க்கத்தின் வழியை அப்படியே பின்பற்றியது. ஏமாந்த தென் இந்திய ஆட்டுக்கூட்டம் திராவிட இனவாத ஓநாய்களின் பின்னே அப்படியே மே…, மே  என்று ஓடியது…ஓடிக்கொண்டிருக்கிறது.

justice-katchiபின்னர் அது அரசியல் இயக்க அவதாரம் எடுத்தது. ஜஸ்டிஸ்பார்ட்டி ஆனது. கறையான் புற்றுக்குள் பாம்பு குடியேறுவது போல நாய்க்கர் அதை கைப்பற்றினார். தமிழ் பெயரால் திராவிடத்தின் பெயரால் தங்களின் ஜமீந்தாரிமுறையை அங்கீகரிக்க மறுத்த அல்லது தங்களின் நில உடைமையை கேள்வி கேட்ட பிராமண சமூகத்தையும், பிராமணர்கள் சொல்கேட்டு செய்யும் வேலைக்கு கூலி கேட்டும், உழைப்பிற்கு தகுந்த ஊதியம் வேண்டும் என்றும் கேட்ட சூத்திரர்களை பழி தீர்ப்பதோடு காலம் காலமாக இவர்களின் வளர்ச்சியை அழிக்க சூளுரைத்த இயக்கமாக திராவிட இயக்கம் பரிணாம வளர்ச்சி அடைந்தது.

பொப்பிலி மகராஜா, சர்.பிடி தியாகராஜர், டி எம் நாயரில் துவங்கி அனைத்து நீதிக்கட்சி தலைவர்களும் எப்படி பெரும் நில உடைமையாளர்களாக இருந்தார்கள் என்பதையும் அவர்கள் அனைவருக்கும் எதிராக தொழிலாளர் போராட்டங்கள் ஏன் நடந்தது என்பது பற்றியும் தெரிய வரும் ஒருவருக்கு அவர்கள் ஏன் அரசியல் இயக்கம் துவங்கி மக்களை மண்ணாந்தைகளாக ஆக்க பாடு பட்டார்கள் என்பது புரிய வரும். மக்கள் மீது தீராத குரோதம் உள்ளவர்கள் மட்டுமே செய்யகூடிய தீமைகளை திராவிட இயக்கம் 100 ஆண்டுகளில் தமிழ் மக்கள் மீது செய்துள்ளது. தெலுங்கு, கன்னடம், மலையாளம் பேசும் தாய் மொழிப்பற்று மிக்க திராவிட இயக்க முன்னோடிகள் ஏன் மொழி சார் வெறியை வளர்த்தெடுக்கிறார்கள் என்பதை யோசிக்கும் யாருக்கும் அதன் உள்ளரசியல் புரியும்.

ஆனால் இந்த இனவாத, மொழிவாத பிரிவினை பொருள் ஆந்திராவிலோ, கர்னாடகவிலோ, கேரளாவிலோ பெருமளவில் விற்பனையில் சூடு பிடிக்க வில்லை. இயல்பிலேயே கொஞ்சம் மந்தமான மன நிலையும், சோம்பேறித்தனமும் உள்ள தமிழ் ஆடுகள் இதற்கு அதிகமாக பலியாகின. சாதாரண அறிவு இருக்க கூடிய சிந்திக்க வாய்ப்பிருக்கும் யாரும் திராவிட இயக்க வரலாறை படித்தாலே அதன் முரண் பாட்டை தெளிவாக உணர்ந்து கொள்ள முடியும். அனைத்து நில உடைமையாளர்களும் சேர்ந்து எளிய மக்களின் நில உரிமைக்காக போராடுகிறார்களாமே? தெலுங்கு, கன்னடம், மலையாளம் பேசுபவர்கள் தமிழ் மோழியை தூய்மைப்படுத்தவும் அதன் மேன்மைக்காக வாழ்வை ஒப்புக்கொடுக்கவும் இருக்கிறார்களாமே? இது போன்ற கேள்வித்தொடர்களை வரிசைப்படுத்தினாலே அதில் உள்ள முரண் மெய் நம்மை அச்சப்படுத்தும். ஆனால் எந்த கேள்வியும் கேட்காமல் வாயையும் அறிவையும் மூடி வைத்து வாய்பிளந்து வேடிக்கை பார்த்து இன்னும் திராவிட இயக்கங்களுக்கு நிதி கொடுத்தும் அந்த இயக்கத்தில் உறுப்பினராகவும் தொடரும் சோகத்திலிருந்தே தெரிந்து கொள்ளலாம் எவ்வளவு மட்டிகளாக இந்த மக்கள் இருக்கிறார்கள் என்பதை. இதை சொல்ல வரும் யாரையும் விஞ்ஞானிகளை திருச்சபை கொலைசெய்வது போல தமிழர்கள் தண்டனை தந்து விடுகிறார்கள். தெரியாமல் கூட இவர்கள் விழிப்புணர்வு அடைந்து விடக்கூடாது எனும் சதியின் கண்ணிகளை இன்னும் மக்கள் புரிந்து கொள்ளாமல் இருக்கிறார்கள்.

ஒழுக்க கேடு எனும் தூண்டில்

திராவிட சதித்திட்டம் தேர்ச்சியாக தீட்டப்பட்டு ஒரு மாயாஜாலக்காரன்,குறளிவித்தைக்காரனின் நேர்த்தியோடு வடிவமைக்கப்பட்டு மக்களுக்கு வழங்கப்படுகிறது.தமிழ் மக்கள் மீதான தீச்சொல்லாக அப்படியே அது நிற்கிறது. குறளி வித்தை காட்டுபவர்களுக்கும் சர்க்கஸ் சாகஸகாரர்களுக்கும் அதன் முழு பரிமாணமும் தெரிந்திருக்க வேண்டியதில்லை அல்லவா? அது போல திராவிட சதியை நடித்து நிறைவேற்றும் சிலருக்கு அதை பற்றி முழு விழிப்புணர்வு இல்லாமல் கூட இருக்கும். திரைப்படங்களில் நடிக்கும் நடிகர்களுக்கு கதை பற்றிய முழுமையான புரிதல் இல்லாமலே கூட நன்றாக நடித்து கொடுத்து விட்டு செல்வது போலத்தான். பல பாத்திரங்கள் தேர்ந்து அதை முழுமையாக்குவது போல. திரைப்படத்தை முழுமையாக பார்க்கும் போது தான் தெரியும் சிறு பாத்திரம் ஏந்தி இருக்கும் அந்த நடிகனின் பாத்திரம் எப்படி துல்லியமாக கதைக்குள் பொருந்தி வருகிறது என்று. இதெல்லாம் நம் வீட்டில் இருக்கும் திராவிட இயக்க உறுப்பினர்களுக்கு தெரியாமலே கூட அவர்கள் இந்த சதியின் பாகமாக இருக்கலாம். “ நள தமயந்தி திரைப்படத்தில் பெண் கதாபாத்திரம் ஆண் பாத்திரத்திடம் ஒரு விரல் செய்கையை குடியேற்ற துறை அதிகாரிகளிடம் காட்ட சொல்வார். என்ன என்று கமல்கேட்பதற்கு உனக்கு தெரியவேண்டாம் அவருக்கு புரியும் என்பார்.

திராவிட இயக்கத்திற்கு ஆள் சேர்க்க அவர்கள் விரித்த தூண்டில் எதிர்கலாச்சாரம் எனும் கேடு. எந்த ஒழுக்க விதியையும் மீறலாம். யார் வேண்டுமானாலும் யாரோடு வேண்டுமானாலும் பாலுறவு கொள்ளலாம். அம்மா, அக்கா, தங்கை, அடுத்தவன் மனைவி,மகள் என்பதெல்லாம் சமூகம் நம் மேல் இட்ட குறியீடு தான் பாலியல் சிந்தனைகளுக்கும் செய்கைகளுக்கும் அது தடையாக இருக்க கூடாது. என்பதாக துவங்கி சாராயம் குடிப்பது எப்போதும் நல்லது. குடித்து விட்டு வந்து பெண்டாட்டி பிள்ளைகளை உதைப்பது நாகரீகம். முட்டாள்கள் தான் படிக்க வேண்டும். யாரையும் மதிக்க வேண்டியதில்லை. அனைவரையும் உன்னை விட கீழானவர்களாகே நினைத்து பழகு. அடிமையைபோல நடத்து. அறிவுச்செயல்பாடுகளை முற்றிலும் தடை செய். ஜனநாயகம் மட்டமானது, மன்னராட்சி முறையே சிறந்தது . தினம் குளிப்பது பாவம், பல் துலக்குவது பெருங்குற்றம். அடி முட்டாளாக இருப்பது உன் அடிப்படை உரிமை . ஆபாச வசை சொல் தான் இயல்பானது, நாகரீக மொழியில் மரியாதையாக பேசுவது பெரும் பாவம். குடும்பம் குழந்தை குட்டிகள் என சமூகத்தோடு இணைந்து வாழ்வது தண்டனைக்குரிய செயலாக முன்வைத்தது. இந்த எதிர் கலாச்சாரமே பாமரர்களையும் சில அறிவுள்ளவர்களையும் ஈர்த்து அவர்களின் வாழ்க்கையை அழித்து சமூகத்திலும் பேரழிவை ஏற்படுத்தியது. திராவிட சிந்தனையை தற்கொலை குண்டுகளோடு ஒப்பிட்டு கேள்விப்பட்டிருப்பீர்கள் அதன் நிஜப்பொருள் தானும் அழிந்து சமூகத்திலும் பேரழிவை நிகழ்த்தும் போராளியாக திராவிட இயக்கம் இருக்கிரது. என்பதை புரிந்து கொண்டு அந்த மன நலம் பாதிக்கப்பட்ட மக்களை நல்வழிப்படுத்த வேண்டியது நம் கடமையாகும்.

எதிர்கலாசார உத்தியாக அதன் தலைவர்கள்குறைந்த பட்சம் 3 அதிகாரபூர்வ திருமணம் செய்வது, வேசைகளுடன் கூத்தடிப்பது, பாலியல் வக்கிர சேஷ்ட்டைகளை பெருமையாக மற்றவர்களுக்கு சொல்வது. பொது இடங்களில் ஆபாச இரட்டை அர்த்தமுள்ள வக்கிரங்களை சொல்லி மற்றவர்களை நெளியச்செய்வது. போலீஸ் கார தகப்பன் தன் பெற்ற மகளோடு பாலியல் வல்லுறவு கொள்வது இலக்கியம் என்று பிதற்றுவது. ஜனநாயக நெறிமுறைகளை கடை பிடிக்காமல் தன் சந்ததிகளை மட்டும் பதவியில் அமர்த்துவது. அனைவரையும் காலில் விழச்செய்வது. படித்து கொண்டிருக்கும் தன் மகளின் தோழியை பாலியல் பலாத்காரம் செய்து திருமணம் செய்வது இதில் நான் அன்பழகனையும், கருணாவை மட்டும் சொல்ல வில்லை. அனைத்து திராவிட இயக்க தலைவர்களுக்கும் இந்த குணங்கள் பொருந்தி வருவதை ஒப்பிட்டு பார்த்தாலே தெரிய வரும். எந்த குடும்பப்பெண்ணையும் தன்னுடன் படுக்கையறையை பகிர்ந்து கொள்ள வெக்கமில்லாமல் அழைப்பது, குடும்ப பெண்களை “ அவள் பத்தினியில்லை, நான் உத்தமனில்லை” என்று அடுக்கு மொழியில் தன் அழுகிப்போன மன நிலையை வெளியில் ஜோடித்து சொல்வது , சிறுமிகளை திருமணம் செய்வது, என்று எழுதகூசுமளவுக்கு கலாச்சார சீர்கேட்டின் வடிகாலாக இந்த நிறுவனம் இருக்கிறது.இது போன்ற எதிர்கலாச்சார நிகழ்வுகளுக்கு முன்மாதிரியாக இருப்பதை உலகிற்கு உணர்த்தவே ஈவேரா துவங்கி கருணா வரை நிர்வாண கிளப்களில் பங்கேற்பது, 3 திருமணம் துவங்கி குஷ்பூ, நமீதாவை அருகில் இருந்து காட்சி இன்பம் பெரும் வரைக்கும், மேலும் நார்சிஸ உச்சமாக செயல்படும் ஜெயலலிதா வரை இதை நீங்கள் பொருத்தி பார்க்கலாம்.

தமிழ் பொழி வியாபாரம்: இவர்களின் இன்னொரு வியாபார சாதனம் தமிழ் மொழி மேம்பாடு. எனும் பொய். இதை பற்றி விரிவாக அடுத்த பாகத்தில் பார்க்கலாம்.

(தொடரும்)

கட்டுரை ஆசிரியர் வீர.ராஜமாணிக்கம்   ஒரு கட்டுமானப் பொறியாளர்.   தமிழ்நாடு  மாநில பா.ஜ.க  இளைஞர் அணி  செயற்குழு உறுப்பினர்; பொறியாளர் அணி செயலாளர்.  நல்ல இலக்கிய வாசகரும் சமூகத் தொண்டரும்  ஆவார்.

அஞ்சலி – டோண்டு ராகவன்


நானும், நாமும்தான், இழந்துவிட்ட இரு பெரியவர்கள்
 என்ற கட்டுரையின் இரண்டாம் பகுதி.

முதல் பகுதி இங்கே

எனது இரண்டாவது இழப்பு டோண்டு என்னும் விசித்திரமான பெயரில் உலவிய ராகவன் அவர்கள். அவரை எனக்கு அறிமுகப் படுத்தியதே திருமலை ராஜன் தான். நான் சென்னை  புற நகர் மடிப்பாக்கத்தில் இருந்த போது ஒரு நாள் திடீரென திருமலை ராஜன் கேட்டைத் திறந்து கொண்டு உள்ளே வருகிறார். அவரை அன்று தான் முதலில் பார்க்கிறேன். உடன் டோண்டு ராகவனும். வயதானவர் ஆனால் என்னிலும் இளையவர்.  நல்ல தாட்டியான உடம்பு. திருமலை ராஜனை சில இணைய குழுமங்கள் மூலம் தான் தெரியும். எனக்கு கம்ப்யூட்டர் வாங்கி அதில் கொஞ்சம் தட்டுத் தடுமாறி கற்றுக்கொண்டு பின்னர் இணைய தளங்களில் அலைய ஆரம்பித்து அரவிந்தன் தான் என்று நினைக்கிறேன், சில இணைய குழுமங்களில் அறிமுகப்படுத்தி, பின்னர் தான் திருமலை ராஜனைத் தெரியும். ஆனால் இணையத்தில் தனக்கென ஒரு சாம்ராயத்தையே உருவாக்கி ஒரு மாதிரியான சர்வாதிகார ஆட்சி செய்து கொண்டிருந்த டோண்டு வைத் தெரியாது. அன்றைய சந்திப்பு மிக முக்கியமான சந்திப்பாக அப்போது தெரியாவிட்டாலும் பின்னாட்களில் விரிந்த உறவும் நட்பும் அதன் முக்கியத்துவத்தைப் பின்னர் உணர்த்தியது.

dondu_raghavanடோண்டு ராகவனுக்கு மடிப்பாக்கத்தை அடுத்த நங்கநல்லூரில் வீடு. வந்த முதல் நாளே அவரை எனக்கு கம்ப்யூட்டரில் ஏற்பட்ட சிக்கல்களைச் சொல்லி ஒரு அரை மணிநேரம் அவரிடம் பாடம் கற்றேன். அப்படியெல்லாம் ஒரு தடவை சொல்லி விளங்கிக் கொள்கிறவன் இல்லை நான். இதற்கு முன் அரவிந்தனிடமும்  பாடம் கேட்டிருக்கிறேன். ”என்னடா இது?, அவர் அப்பாவையும், அவருடன் வந்த நண்பரையும் உட்கார்த்தி வைத்துவிட்டு அரவிந்தனை அழைத்துக்கொண்டு கம்ப்யூட்டரின் முன் உடகார்ந்து விட்ட குற்ற உணர்வு இருந்த போதிலும், அதைக் கொஞ்சம் தட்டித் துடைத்தேன்.  அதே காரியம் தான் திருமலை ராஜனுடன் டோண்டு வந்த போதும். இது எப்போதும் யார் வந்தாலும் ஒவ்வொருத்தரிடமிருந்தும் கொஞ்சம் கற்றுக் கொள்ளும் அல்லது கற்றதை நினைவு படுத்திக் கொள்ளும் காரியம் தொடர்ந்து நடந்து வந்துள்ளது.

முதல் சந்திப்பிற்குப் பின் கொஞ்சநாள் கழித்து ஒரு முன் காலை நேரம் டோண்டு மறுப்டியும் தரிசனம் தந்தார்  ”சும்மா இப்படி வாக்கிங் வந்தேன். அப்படியே உங்களையும் பாத்துட்டுப் போலாம்னு” என்றார். அப்போதிருந்து அந்த கணத்திலிருந்து நான் அவரை மிக நெருக்கமானவராக உணர்ந்தேன். நங்க நல்லூரி லிருந்து வாக்கிங் போகிறவர்கள் மடிப்பாக்கம் வருவதென்றால் அது வாக்கிங் என்கிற காரியத்தை அதன் இயல்புக்கு மீறி இழுக்கும் காரியம்.  வாக்கிங் போன உற்சாகத்துப் பதிலாக மனிதம் கால்களைத் துவள வைத்துவிடும். ஆனால் அதை அவர் வெகு அனாயாசமாகச் செய்பவர். அனேகமாக தினம் செய்பவர். அதிலும் பார்க்க அவர் கொஞ்சம் கனத்த சரீரி. ஒரு வேளை அதற்காகவே அப்படி  ஒரு காலை நடைபயணத்தை மேற் கொண்டாரோ என்னவோ. அப்போது தான் அவர் வாக்கிங் பற்றிப் பேச்செடுத்தேன். “என்ன ஸ்வாமி இது, காலாற நடக்கிற நடையா இது? எப்படி ஸ்வாமி உம்மால் இது முடிகிறது? என்று கேட்டால், அதை “அதொன்னும் பெரிய விஷயமில்லை என்று ஒதுக்கி விடுவார்.

அப்போது முதலாக அவர் வரும்போதெல்லாம் கொஞ்சம் கொஞ்சமாக அவர் பற்றியும் நான் அறிந்தேன். எதுவும் துருவிக் கேட்டதில்லை. பேச்சு வாக்கில் வந்து விழும் செய்திகள் தான். ஆனால் ஆர்வமுடன் எங்கள் சம்பாஷணைகள் தொடரும். அவர் எங்கெங்கோ வெல்லாம் வேலை செய்திருக்கிறார். எங்கெங்கெல்லாமோ சுற்றி இருக்கிறார். அதெல்லாம் எனக்கு இப்போது நினைவில் இல்லை. இப்போது அவர் இத்தாலியன், ப்ரெஞ்ச், ஜெர்மன் மொழிகளிலிருந்து இங்கிலீஷ் மொழிக்கு எதானாலும், technical papers, projects, reports எல்லாம் மொழி பெயர்த்துத் தருகிறார்.  பணம் வருகிறது. குடும்ப க்ஷேமம் நடக்கிறது. எப்படி இவ்வளவு மொழிகள் கற்றுக்கொள்ள முடிந்தது. என்ன அவசியம் பற்றி? தெரியாது. நான் கேட்க வில்லை. இதெல்லாம் போக அவர் தன் பெயரில் ஒரு தளம் இணையத்தில் வைத்திருக்கிறார். Dondu.blogspot.com Dos and Don’ts of Dondu சொன்னார். அதில் வேறு நிறைய, உலக விஷயங்கள், அரசியல் நிகழ்வுகள், குறிப்பாக தமிழ் நாட்டு அரசியல் அலங்கோலங்கள் பற்றியெல்லாம்.  நிறைய எழுதுவார். டோண்டு என்று பெயர் வைத்துக்கொண்டு அதற்கேற்றாற் போல் தான் அவருடைய மொழியும், அதுக்கு வரும் பின்னூட்டங்களும் அந்த பின்னூட்டங்களின் மொழியும். உண்மையில் அவர் தொடாத விஷயம் கிடையாது. தன்னைத் தாக்கி வன்முறையில் நாகரீகமற்ற மொழியில் எழுதுபவர்கள் அனைவருக்கும் இவரும் சளைக்காது பதில் சொல்லிக்கொண்டிருப்பார். இவருக்கு ஏன் இந்த வீண் வேலை என்று எனக்குத் தோன்றும்.

இடையில் ஒரு நாள், ”நான் நேத்திக்கு எழுதினதைப் படித்தேளா?” என்பார். ”இல்லை சார் இனிமேல் தான் படிக்கணும்,” என்பேன். ”ஆமாம் படிக்கறேளா,” என்று என் பதிலில் சந்தேகம் வந்து கேட்பார். ”எல்லாத்தையும் படிக்கிறதில்லை சார். நீங்க எழுதறது அத்தனையும் படிக்க நேரம் வேண்டும். அதோட நீங்க ஊரில் இருக்கற கழிசடைகளுக்கெல்லாம் பதில் சொல்லிக்கொண் டிருக்கிறீர்களே, உங்களுக்கு நேரம் எங்கேயிருந்து கிடைக்கிறது?” என்று கேட்பேன். “ஜனங்கள் இப்படித்தான் இருக்கான்னா அவாளோட தானே நாம் காலம் தள்ளியாகணும். பதிலுக்குப் பதில் கொடுத்துடணும். இல்லாட்டா, ”பாரு, வாயடைச்சுப் போச்சு பாரு பாப்பானுக்கு”ன்னு கும்மாளம் போடுவாணுங்க” என்றார்.

”இருந்தாலும் சார் வேறு உருப்படியான காரியம் நிக்கக் கூடிய காரியமா செய்யலாம். இப்ப இவங்களுக்கு உங்களைச் சீண்டறதிலே தான் குறி. இவனுகள்ளே ஒத்தனாவது உங்க பேச்சைக் கேட்டு மாறியிருக்கானோ?” என்று கேட்பேன். பாவம் மனுஷன் அனாவசியமா தன் நேரத்தை வீணாக்குகிறாரே என்று எனக்குத் தோன்றும்.

ஒரு நாள் இந்த ஆளை நம்பிப் பயனில்லை என்று என் ப்ளாக்கை சரி செய்து கொடுக்கறேன் பேர்வழி என்று, என் ப்ளாக்கின் ஃபார்மாட்டை மாற்றி, (எனக்கு என்று ப்ளாக் ஒன்று ஆரம்பித்துக் கொடுத்ததே அவர் தான் Ve saa Musings என்றும் என்னை வெ.சா என்றும் வெங்கட் சாமிநாதன் என்றும் அழைப்பார்கள் என்றும் என்னை விமர்சகன் என்றும் சொல்வார்கள் என்றெல்லாம் எழுதிக்கொடுத்ததும் அவர் தான். அத்தோடு என் ப்ளாகிலேயே தன் ப்ளாக், இட்லிவடை ப்ளாக்கையும் சேர்த்து என் ப்ளாகைத் திறந்தாலேயே இட்லிவடையும் டோண்டுவையும் திறக்கத் தூண்டும் வகை செய்து கொடுத்துவிட்டுப் போனார். “உங்களுக்கு சிரமமில்லாமல் செய்து கொடுத்து விட்டேன்,” என்றார்.

அவர் மாதிரி ஒருவர் சளைக்காமல் சலித்துக்கொள்ளாமல், அவரைச் சீண்டும் சில்லுண்டிகளின் மொழியிலேயே அவர்களுக்கு பதில் கொடுத்துக்கொண்டும் இருப்பவரை எங்கு பார்க்கமுடியும்?

எப்படி இவரால் இவ்வளவும் செய்ய முடிகிறது? வியந்து வியந்து நான் ஒன்றுக்கும் மேற்ப்ட்ட தடவைகள் கேட்டுவிட்டேன். சரியல்ல தான். ஆனாலும் கேட்டுவிட்டேன். ஒரு தடவை சிரித்துக்கொண்டே, “உங்களுக்குத் தெரியுமோ, நான் இப்போ திருக்குறளுக்குப் பரிமேலழகரின் உரையின்  ஆங்கில மொழிபெயர்ப்பைத் திருத்தி சரி செய்துகொண்டிருக்கிறேன்.” என்றார். எனக்கு பொட்டில் அறைந்த மாதிரி இருந்தது. “என்ன ஸ்வாமி இது, இப்படி ஒரு வேலையா?. பரிமேலழகர் உரை, அதை ஆங்கிலத்தில்?” எதற்கு?” என்று கேட்டேன். “ஆச்சரியமா இருக்கு இல்லையா? யார் என்ன பண்ணினா எனக்கென்ன வந்தது?. என் சொந்தக்காரன் ஒருத்தன் தில்லிலே இருக்கான். அவன் பண்ணீண்டு இருக்கான். திருத்திக் கொடூன்னான். ”அப்பா, நான் இந்த வேலையெல்லாம் காசுக்குத் தான் பண்ணுவேன். இவ்வளவு ஆகும். முதல்லே காசு கொடுன்னேன். அனுப்பினான். பண்றேன். அவ்வளவு தான்”: என்றார். எனக்கு அவர் சொன்ன பெயரைத் தெரியும். ஒரு மாதிரியான உறைந்த பண்டிதத் தனம். ஆங்கில அறிவு பற்றி எதுவும் சொல்வதற்கில்லை. இன்னொரு சுயப்ரதாப கல்லறைத் தமிழ்ப் பண்டிதத்திடம் நீண்ட கால சிக்ஷை.  எப்படி இருக்கும் எல்லாம்?. “ஸ்வாமி அந்த ஆளுக்கு என்ன ஆங்கிலம் தெரியும்ணு நிச்சயமா ஒண்ணும் சொல்றதுக்கில்லை. அதிலும் பரிமேலழகர் உரையை என்னத்து இப்போ ஆங்கிலத்தில்? அதுக்குப் போய் உங்கள் நேரத்தைச் செலவிடுவானேன்?”

”எதானால் என்ன? அவன் உறவுக்காரன். கேக்கறான். நான் எல்லா வேலையையும் போல காசு வாங்கிண்டு பண்றேன். என்னவோ பண்ணீட்டுப் போறான்.” என்றார்.

ஆர்வத்துடன் குறிப்பெடுக்கும் டோண்டு ராகவன்
ஆர்வத்துடன் குறிப்பெடுக்கும் டோண்டு ராகவன்

அவர் நேரம் இப்போது எழுதும் முக்கியமானவர்களின் எழுத்துக்களையும் படித்துத் தான் வந்திருக்கிறார். ஜெயமோகன், பி.ஏ. கிருஷ்ணன் உட்பட.  ஒரு முறை திண்ணையில் தான், நான் எழுதும் நினைவுகளின் சுவட்டில் தொடரைப் படித்து வந்தவர், பொறுமை இழந்து “எப்போது இவர் ஹிராகுட்டை விட்டு நகரப்போகிறார்?” என்று ஒரு பின்னூட்டம் எழுதியிருந்தார். யாரையும் விட்டு வைப்பதில்லை. அவரையும் மலர்மன்னனையும் சென்னையில், வாதம், விவாதம்” வெளியீட்டு அரங்கத்தில் பார்த்தேன். டிபிகல் டோண்டு தான்.

துரதிர்ஷ்டம் தான். என் துர்ப்பாக்கியம். நான் ஹிராகுட்டை விட்டு நகர்வதற்கு முன் டோண்டு நம்மை விட்டே ந்கர்ந்து விட்டார். அவர் அளவில் ஒரு போராளி தான். எல்லா அராஜக சிந்தனைகள் செயல்களுக்கும் தார்மீகமற்ற சொல்லாடல்களுக்கு அயராது தன் எதிர்ப்பைப் பதிவு செய்து வந்திருக்கிறார். ஒரே குறை. அவர்கள் எல்லோரும் நான் பார்த்த வரை நாகரீகமும் பண்பும் அற்றவர்களாகவே இருந்திருக்கிறார்கள். அது ஒரு சோகம் தான். நல்ல மனிதர். பழகுவதற்கு இனிமையானவர். தன்னை அநாகரீமாகச் சாடியவர்களுக்கு அவர் நட்புக் கரம் நீட்டியவர். ஆனால் அந்த நட்புக் கரம் பற்றியவர்களோ  “ பார்ப்பன “ என்ற துவேஷ அடைமொழி இல்லாது எந்த உறவையும் பேணத் தெரியாதவர்கள். இவர்களுடன் போராடித் தான் அவர் காலம் பெரும்பாலும் கழிந்தது என்பது ஒரு சோகம்.

 

vesa-150x1501

வெங்கட் சாமிநாதன் ஐம்பது வருடங்களாகத் தமிழில் எழுதிவரும் கலை, இலக்கிய விமர்சகர். இலக்கியம், இசை, ஒவியம், நாடகம், திரைப்படம், நாட்டார் கலை போன்ற பல்வேறு துறைகளிலும் ஆழ்ந்த ரசனையும், விமர்சிக்கும் திறனும் கொண்டவர். இலக்கியம் வாழ்க்கையின் முழுமையை வெளிப்படுத்துவதன் மூலமாக உன்னதத்தை உணர்த்தும் முயற்சி என நம்பிச் செயல்டுபவர் வெங்கட் சாமிநாதன். மேலும் விவரங்கள்

இங்கே.

 

ஜாதி அரசியலுக்கு தீர்வு என்ன? – 1

மீண்டும் கிளர்ந்தெழும் ஜாதிக் கலவரங்கள்…

தமிழகத்தில் அவ்வப்போது ஜாதிக் கலவரங்கள் நடப்பது வாடிக்கையாகி விட்டது.  பகுத்தறிவை வளர்ப்பதாக முழங்கிக்கொண்டு,  ஜாதி வேற்றுமையை ஒழிப்பதாக முழங்கிக்கொண்டு 60 ஆண்டுகளுக்கு மேலாக ஆதிக்கம் செலுத்திவரும் திராவிடக் கட்சிகளின் காலத்தில் தான் ஜாதி மிகவும் வெறுப்பூட்டும் கருவியாக மாறி இருக்கிறது. . இதன் காரணங்களை சமூக வளர்சசிக் கண்ணோட்டத்தில் ஆராய்ந்து தீர்வு காண்பதற்குப் பதிலாக, வாக்குவங்கி அரசியலில் கட்சிகள் ஈடுபடுவதன் காரணமாகவே, ஏற்கனவே சமூகத்தில் புரையோடி இருக்கும் ஜாதிக் காழ்ப்புணர்வு மேலும் வேகமடைந்து வன்முறைகளை உருவாக்கி வருகிறது.  இதற்கு என்ன தீர்வு?

ஒரு நோய்க்கு மருந்து அளிக்க வேண்டுமானால், அந்த நோயை முதலில் கண்டறிந்தாக வேண்டும். அந்த நோய் தாக்கி இருப்பதை நோயாளி முதலில் ஒப்புக்கொள்ள வேண்டும். பிறகு நோய்க்கான மருந்தை நோயாளி உட்கொண்டாக வேண்டும்.  கண்ணை மூடிக்கொண்டு,  நோய் எதுவும் இல்லை என்று கூறிக் கொண்டிருக்கும் நோயாளியால் அந்த நோய் பிறரையும் தொற்றலாம். அதற்கு முன்,  தடுப்பு நடவடிக்கைகளை பலவந்தமாகவேனும் செய்தாக வேண்டும். இப்போது தமிழகத்தில் நிலவும் எரிமலை நிலை, உடனடியாக மருந்து கொடுக்கப்பட வேண்டிய, அறுவைச் சிகிச்சைக்கு ஆயத்தமாக வேண்டிய கட்டாயத்தை உருவாக்கி இருக்கிறது.

caste02  இதற்கு முக்கியமான ஆதாரம், கடந்த 60 நாட்களுக்குள் தமிழகத்தின் மூன்று பகுதிகளில் நடந்த தாக்குதல்  சம்பவங்கள். இந்தத் தாக்குதல் சம்பவங்களில் 7 பேர் உயிரிழந்திருக்கின்றனர்.  பல கோடி மதிப்பிலான சொத்துக்கள் சூறையாடப்பட்டுள்ளன. இந்த மூன்று நிகழ்வுகளிலும் ஆதிக்க ஜாதியினரும் தாழ்த்தப்பட்ட ஜாதியினரும் மோதிக்கொண்டு ஒற்றுமை வேரில் அமிலத்தைப் பாய்ச்சி இருக்கின்றனர்.

பசும்பொன் முத்துராமலிங்க தேவர் குருபூஜையில் பங்கேற்றுவிட்டுத் திரும்பிய மதுரை, எஸ்.புளியகுளத்தைச் சேர்ந்த தேவர் சமூகத்தைச் சார்ந்தவர்கள் வந்த வாகனம் மீது கடந்த அக். 30ம் தேதி மதுரை சுற்றுச்சாலையில் பெட்ரோல் குண்டு வீசி தாக்குதல் நடத்தப்பட்டது. இத்தாக்குதலில் 20க்கு மேற்பட்டவர்கள் காயம் அடைந்தனர்;  அதில் 7 பேர் பலியாகி இருக்கின்றனர்.  இது தொடர்பாக இதுவரை 15 பேர் கைது செய்யப்பட்டிருக்கின்றனர்.  கைதாகியுள்ள பலரும் தாழ்த்தப்பட்ட சமூகத்தைச் சேர்ந்தவர்கள்.

தேவர் ஜெயந்தி (அக். 30) வந்தாலே தென் மாவட்டங்கள் கலவர பீதிக்குள் சிக்கிக் கொள்வது வழக்கமாகி இருக்கிறது. தேவர் ஜெயந்திக்கு பசும்பொன் செல்லும் தேவர் சமூக மக்கள் செல்லும் வழிகளில் பெரும்பான்மையாக இருப்பவர்கள் தாழ்த்தப்பட்ட வகுப்பினர். குறிப்பாக தேவர் சமூகத்தின் எதிரிகளாக தங்களை கூறிக்கொள்ளும் தேவேந்திர  குல வேளாளர் சமூகத்தினர். தேவர் ஜெயந்திக்குப் போட்டியாக, தேவேந்திர குல வேளாளர் சமூகம் சார்ந்த அமைப்புகள் சார்பில், இம்மானுவேல் சேகரன் நினைவுநாள் (செப். 11) சமீப காலமாக அனுசரிக்கப்பட்டு வருகிறது. இந்தக் காலகட்டத்திலும், காவல்துறையினர்  நெருப்பின் மீது நின்றுகொண்டு பணியாற்றுவது போலத்தான்  காணப்படுகின்றனர்.

பல நூற்றாண்டுகளாக ஜாதிய கட்டுமானத்தில், அடிமைகளாக இருந்த தாழ்த்தப்பட்ட மக்கள் இப்போது  தாங்கள் யாருக்கும் அடிமைகள் இல்லை என்பதை உணர்ந்து வருகிறார்கள்.  இது நல்ல விஷயம். ஆனால், அந்த சமுதாயத்திற்கு தலைமை தாங்கும் பலர், இதுநாள் வரை தாங்கள் அடைந்த அவமானங்களுக்கு பழிவாங்க வேண்டும் என்று தங்கள் மக்களைத் தூண்டி விடுகிறார்கள். இதற்கு, இதுவரை ஆதிக்கம் செலுத்தி வந்த தேவர் சமூகத்தைச் சேர்ந்தவர்களும் காரணமாகிறார்கள். பசும்பொன் செல்லும் வழியில் தேவர் இன இளைஞர்கள் இடும் கோஷங்கள் தாழ்த்தப்பட்ட சமூக இளைஞர்களைக் கொந்தளிக்கச் செய்கிறது. இருதரப்பும் உரசிக் கொள்ள பசும்பொன் குருபூஜை வாய்ப்பை ஏற்படுத்துகிறது. அதனால் தான், தேவர் குருபூஜை என்றாலே தென் மாவட்டங்களில் காவல் துறையை குவிக்க வேண்டிய கட்டாயம் ஏற்படுகிறது. ”தேசியமும் தெய்வீகமும் எனது இரு கண்கள்” என்று சொன்ன முத்துராமலிங்கரை அவமானப்படுத்தும் விஷயம் இது.

தேவர் ஜெயந்திக்கு சென்றுவந்த வாகனம் மீது பெட்ரோல் குண்டு வீசுவதும் அதில் 7 பேர் உயிரிழப்பதும், நாம் எந்தக் காலகட்டத்தில் வாழ்கிறோம் என்பதை வெளிப்படுத்துகின்றன. ஜாதிவெறி எந்த அளவுக்கு மக்களை சிறுமைப்படுத்தி இருக்கிறது என்பதற்கு இந்நிகழ்வு மிக மோசமான உதாரணம்.  இதை அடுத்து தென் மாவட்டங்களில் பதிலடி கலவரம் நடக்காமல் தடுக்க காவல்துறையினர் இன்னமும் பல இடங்களில் காவல் காத்துக் கொண்டிருக்கின்றனர். அதையும் மீறி சில இடங்களில் தாக்குதல்களும் நடந்துள்ளன. தேவர் சமூக மக்களிடையே வன்முறையைத் தூண்டிவிட்டதாக தேவர் இனக் கூட்டமைப்பின் தலைவர் சண்முகையா பாண்டியன் கைது செய்யப்பட்டிருக்கிறார்.

இதேபோல, தாழ்த்தப்பட்ட மக்கள் மீது தருமபுரி மாவட்டத்தில் நடந்துள்ள தாக்குதலும்  நாம் அனைவரும் வெட்கித் தலை குனிய வேண்டிய விஷயம். தருமபுரி மாவட்டத்தில் நாயக்கன் கொட்டாய்  என்ற இடத்தில் நடந்த காதல் திருமணம் இரு சமூகங்களிடையே பெரும் மோதலை உருவாக்கி 288 வீடுகள் எரிக்கப்பட காரணமாகி இருக்கிறது.

caste04

நாயக்கன் கொட்டாய் கிராமத்தில் வசிக்கும் வன்னிய சமுகத்தைச் சேர்ந்த ஒருவரது மகள் தாழ்த்தப்பட்ட சமூகத்தைச் சார்ந்த இளைஞர் ஒருவரை கடந்த அக். 14 ம் தேதி காதல் திருமணம் செய்துகொண்டார். இதை எதிர்த்து காவல்துறையில் புகார் செய்த பெண் வீட்டாரின் கவலை கண்டுகொள்ளப்படவில்லை. திருமணம் செய்துகொண்ட ஆண் திருமண வயதை எட்டாதவர் எனபது பெண் வீட்டாரின் குற்றச்சாட்டு. இந்நிலையில் காதல் திருமணம் செய்துகொண்ட பெண்ணின் தந்தை மனமுடைந்து தற்கொலை செய்துகொள்ள, வெறுப்பு ஆவேசம் பரவிக் கிடந்த நிலத்தில் குபீரென தீ பற்றிக்கொண்டது.

காதல் திருமணம் செய்த இளைஞரின் சொந்த ஊரான நத்தம் காலனியிலும், அதை அடுத்த அண்ணாநகர், கொண்டம்பட்டி பகுதிகளிலும், 2,000க்கு மேற்பட்ட ஆதிக்க ஜாதியினர் திரண்டு சென்று  நவ. 7 ம் தேதி காட்டுமிராண்டித்தனமான தாக்குதல் நடத்தி இருக்கின்றனர். அந்த நேரத்தில்  அங்கிருந்த ஆடவர் அனைவரும் தப்பி ஓடிவிட, தாழ்த்தப்பட்ட சமூகப் பெண்கள் நிர்கதியாக சிக்கி கொண்டார்கள். கும்பலின் கோபம் வீடுகள் மீது திரும்பியதில் அப்பகுதிகளில் இருந்த 288 வீடுகள் கொள்ளை அடிக்கப்பட்டிருக்கின்றன; பல வீடுகள் தீக்கு இரையாக்கப்பட்டுள்ளன. தாழ்த்தப்பட்ட மக்களின் அடிப்படை வாழ்வாதாரமே குலைந்துபோகும் வகையில் தாக்குதல் நடத்தப்பட்டிருக்கிறது. பல வீடுகளில் நகைகள், பணம் கொள்ளை போயிருக்கிறது. டிவி, பிரிட்ஜ், கட்டில் உள்பட அனைத்து உடைமைகளும் சாம்பலாக்கப்பட்டுள்ளன.  பல வீடுகளில் காஸ் சிலிண்டர்கள் திருடப்பட்டுள்ளன.

ஆண்கள் இல்லாத சமயத்தில், ஆதரவற்ற சூழலில் பெண்கள் அனைவரும் ஓடி ஒளிந்த நிலையில்,  ஆதிக்க ஜாதியினரின் ஆவேசம் எவ்வளவு கேவலமாக வெளிப்பட்டிருக்கிறது என்பதைப் பார்த்தால் நமது முதுகெலும்பே சில்லிடுகிறது. பாதிக்கப்பட்ட மக்களுக்கு தலா ரூ. 50 ஆயிரம் நிவாரண உதவி தற்போது அரசால் வழங்கப்பட்டுள்ளது. இரு குடும்பங்களிடையிலான மோதல் இரு சமூகங்களிடையிலான மோதலாக மாற்றம் பெற்றது எப்படி?  இப்போது இக்கலவரம் தொடர்பாக சுமார் 100 பேர் கைது செய்யப்பட்டிருக்கின்றனர். அவர்கள் தண்டிக்கப்படலாம். ஆனால், இழந்த பொருள்களும் இழந்த நம்பிக்கையும் மீண்டும் திரும்புமா?

கேரளத்தில் இஸ்லாமிய தீவிரவாதிகள் நடத்தும் ‘லவ் ஜிகாத்’ போலவே தர்மபுரி பகுதியில் தாழ்த்தப்பட்ட சமூகத்தில் உள்ள சிலர் வன்னிய சமூக பெண்களை திட்டமிட்டு காதலித்து ஏமாற்றுவதாக, தாக்கியவர்கள் தரப்பில் கூறப்படுகிறது. பாமக தலைவர் ராமதாஸ் இதை வெளிப்படையாகவே கூறி இருக்கிறார். இதற்கு தாழ்த்தப்பட்ட சமூக மக்களுக்காக என்று இயங்கும்  சில இயக்கங்களும் காரணமாக உள்ளதை மறுக்க முடியாது. வன்னிய ஜாதியைச் சார்ந்த பெண்களை திருமணம் செய்ய வேண்டும் என்று வெளிப்படையாகவே அவர்கள் தரப்பில்  அறைகூவல்கள் விடுக்கப்பட்டுள்ளன.

ஆனால், தாழ்த்தப்பட்ட மக்கள் தரப்பில் ‘இந்தக் கலவரத்துக்கே பாமக தான் காரணம்’ என்று குற்றம் சாட்டுகிறார்கள். ராமதாசுடன் இணைந்து  பல அரசியல் நிகழ்வுகளை நடத்தியுள்ள திருமாவளவனே பாமக மீது (குறிப்பாக காடுவெட்டி  குரு மீது)தான் குற்றம் சாட்டுகிறார். மக்களிடையே பரப்பப்படும் வதந்திகள், அவர்களிடையே ஏற்கனவே சுமுக சூழல் இல்லாத நிலையில் பூதாகரமாக்கப்படுகின்றன. பரஸ்பர அவநம்பிக்கையும் வெறுப்பூட்டும் பிரசாரமும்  இணைந்து மக்களை காவு வாங்குகின்றன.  இங்கும்,  முந்தைய பல்லாண்டுகால ஆதிக்கத்தால்  பாதிக்கப்பட்ட தாழ்த்தப்பட்ட மக்களை உசுப்பேற்றும் கும்பலும், ஆதிக்கம் தளர்ந்துபோன வன்னியர்களை உசுப்பேற்றும் கும்பலும் தான் இதற்குக் காரணமாகின்றன.

ramdoss01

கடலூர் மாவட்டம், வடலூர் அருகே குறிஞ்சிப்பாடியில், பாச்சரம்பாளையத்தில்  நடந்துள்ள மற்றொரு மோதல், கலவரத்தின் வித்து எங்கிருக்கிறது என்பதை தெளிவாகக் காட்டுகிறது. ஆதிக்க ஜாதியைச் சார்ந்த ஒருவரது மகளிடம்  கையைப் பிடித்து வம்பு செய்த தாழ்த்தப்பட்ட சமூகத்தைச் சார்ந்த ஒரு இளைஞனால், அங்கு கலவரம்  பற்றிக் கொண்டிருக்கிறது. கடந்த நவ. 27ம் தேதி, குறிஞ்சிப்பாடியில் தாழ்த்தப்பட்ட மக்களின் ஆறு வீடுகள் தீயிட்டுக் கொளுத்தப்பட்டுள்ளன. இந்தக் கலவரத்தில் ஏழு பேர் காயம் அடைந்திருக்கின்றனர். இச்சம்பவம்  இரு தரப்பிலும் சிலர் கைதாகி இருக்கின்றனர்.

இதே ஊரில் மூன்று ஆண்டுகளுக்கு முன்னரே பெரும் ஜாதிக் கலவரம் நடந்திருக்கிறது. அங்கு ஜாதிகளிடையே நிலவும்  வெறுப்புணர்வும் காழ்ப்புணர்வும் தான், ஒரு பெண்ணை இழிவுபடுத்துவதில் கொண்டுசென்று சேர்த்திருக்கிறது. இதை பெண்கள் மீதான வன்கொடுமையாகக்  கருதாமல் ஜாதீய தாக்குதலாக கருதியதால் தான், கலவரம் நடந்திருக்கிறது. ஆக ஒரு கலவரத்தை ஆரம்பிக்க எதிர்த்தரப்பு பெண்ணை கேவலப்படுத்தினால் போதும் என்ற நிலை இப்போது ஏற்பட்டிருக்கிறது. பெண்களை தாயாகவும் சகோதரியாகவும் கருதும் தமிழ்ப் பண்பாடு எந்த கீழ்நிலைக்கு ஆட்பட்டிருக்கிறது என்பது வெறும் துன்பியல் நிகழ்வல்ல. நமது பாரம்பரிய மதிப்பீடுகளை வெட்டிச் சாய்த்த திராவிட இயக்கக் கண்மணிகளுக்கு இதில் பெரும் பங்குண்டு.

ஆயிரம் ஆண்டுகளுக்கு முன்னரே, ஜாதிய ஒற்றுமைக்கு அற்புத உதாரணங்களை உருவாக்கிய நாயன்மாரும் ஆழ்வாரும் ஜாதி வேறுபாடுகளை வென்று பக்திப்பயிர் வளர்த்த தமிழகத்தில், இன்று நிலவும் ஜாதி மோதல்கள், நாம் எங்கு சென்று கொண்டிருக்கிறோம் என்ற கவலையை ஏற்படுத்துகின்றன. இதற்கு அடிப்படை, ஜாதியை மூலதனமாகக் கொண்டு வயிறு வளர்க்கும் அரசியல்வாதிகள்  தான் என்று சொல்லித் தெரிய வேண்டியதில்லை.

இந்த சமூக வேற்றுமை உணர்வை அதிகரித்து சமூகத்தைப் பிளக்கும் சதிகளில் பிற சமயம் சார்ந்த கும்பல்கள் ஈடுபடுவதாகக்  கூறப்படுவதிலும் உண்மை இல்லாமல் இல்லை. எனினும் அதற்கு வித்திடும் நம்மிடையே உள்ள ஜாதிய கொடுமைகளைப்  புறக்கணிக்க முடியாது. நம்மிடையே உள்ள வேற்றுமையைக் கொண்டுதான் நம்மிடையே சண்டை மூட்ட முடிகிறது. எனவே, நம்மிடையே உள்ள வேற்றுமையைக் களைவதே நமது முதல் கடமையாக இருக்க வேண்டும். அதை விடுத்து புற சமயத்தவரின் சதிகள் புலப்படுவது கண்டு ஒப்பாரி வைப்பதில் அர்த்தமில்லை.

 

ஏனெனில் நோயை அறிந்தால் தான் அதனை குணமாக்க மருந்தளிக்க முடியும். இது வள்ளுவன் சொன்ன அமுதமொழி. ”பிறப்பொக்கும் எல்லா உயிர்க்கும்” என்றும் அதே வள்ளுவர் தான் மருந்தையும் சொல்லிச் சென்றிருக்கிறார். நாட்டுநலனுக்காகப் பாடுபடும் சங்க குடும்ப இயக்கங்களுக்கு இவ்விஷயத்தில் அதிமுக்கியமான கடமைகள்  காத்திருக்கின்றன. ஏனெனில், வெறுப்பூட்டும் பிரசாரத்தை வெல்ல அன்பு ஒன்றே மருந்து. அதை வழங்குவதற்கான தகுதி எல்லோருக்கும் வாய்த்து விடுவதில்லை. இதற்கு அற்புதமான உத்தப்புர உதாரணம் நம் முன் ஏற்கனவே உள்ளது.

 anticaste01

காதல் திருமணத்தால் ஜாதி வேற்றுமை ஒழியுமா?

திருமணம் என்பது இரு மனம் இணைவது. காதல் திருமணமோ, பெற்றோர் ஏற்பாட்டில் நடக்கும் திருமணமோ எதுவாயினும், அது அவ்விருவர் மட்டுமே தொடர்புடைய ஒரு புனிதமான விஷயம். இதை தங்கள் ஜாதீய ஆதிக்கத்தை நிலைநாட்டுவதற்கான கருவியாக ஒருவர் நினைக்கும்போதே தரம் தாழ்ந்துவிடுகிறார். அதேபோலத் தான்  காதல் திருமணத்தால் ஜாதி ஒழியும் என்ற சிந்தனையும். ஏனெனில் காதலர்கள் எவரும் சமூக மாற்றத்துக்காக காதலித்து ஏங்குவதில்லை.

காதல் திருமணங்கள் பல தோல்வியில் முடிவதையும் நாம் கண்டுவருகிறோம் (பெற்றோர் செய்துவைக்கும் திருமணங்களிலும் மணமுறிவு இல்லாமல் இல்லை. ஆனால், அங்கு ஒரு சமூகப் பாதுகாப்பும் குடும்பப் பாதுகாப்பும் இருக்கிறது என்பது உண்மை). காதலர்களில்  யாராவது ஒருவர் குடும்பத்தில் அனுசரித்துச் செல்வதால் தான் காதல் திருமணங்கள் நிலைக்கின்றன. அங்கு சென்று சமூகத்தைக் காக்கும் போராளிகளாக அவர்களை சித்தரிப்பது குடும்பத்தில் குறுக்குசால் ஓட்டும் வேலை.

காதல் திருமணங்களால் ஜாதி வேறுபாடுகள் ஒழியும் என்று சில சமூக சிந்தனையாளர்கள் கருதலாம். ஆனால், அது தானாகக் கனிந்த கனியாக அமைய வேண்டுமே அல்லாது, தடியால் அடிக்க வைத்து கனியவைப்பது இனிய சுவையைத் தராது. தவிர நமது சமூகம் குடும்பத்தை மையமாகக் கொண்டது. எனவே காதல் திருமணமே ஆயினும், குடும்ப நலம் கருதி செயல்படுவதும் அவசியம். இங்கு தான் நாயக்கன் கோட்டை ஒரு எச்சரிக்கையை ஏற்படுத்தி இருக்கிறது. தாழ்த்தப்பட்ட வகுப்பினருக்கு ஆதரவு என்று கூறிக்கொண்டு, இந்த விஷயத்தை மூடி மறைக்க்க கூடாது. எந்த சமூகமாயினும், காதலுக்காக பெற்றோரையே துறக்கும் ஆணோ, பெண்ணோ, நாளை நாட்டுக்கு ஒரு ஆபத்து என்று வரும்போது என்ன முடிவு எடுப்பார்கள்?

காதல் திருமணம் மட்டுமே ஜாதி வெறியைப் போக்கும் என்பதற்காக, அதை வலிந்து திணிப்பதோ, பெற்றோர் சம்மதமின்றி உடன்போக்கில் ஓடுவதோ பல சமூகச் சீரழிவுகளை ஏற்படுத்தும். இதற்கு பல நேரடி உதாரணங்கள் உள்ளன. இப்போது விஷயம் அதுவல்ல. இருவரது காதல் திருமணம் இரு சமூகத்தையும் மேலும் பிளவு படுத்தி இருக்கிறது என்பது தான். இதற்கு அப்பகுதியில் நிலவும் பல சமூகக் காரணங்கள் இருக்கலாம். பல்லாண்டுகால ஆதிக்க மனப்பான்மையையும், அடிமைத்தனத்தையும் ஒரு திருமணத்தால் மாற்றிவிட முடியாது. அதற்கு நாம் இன்னமும் பல படிகள் முன்னேற வேண்டி இருக்கிறது.

(தொடரும்)

ஆதார செய்திகள்:

தர்மபுரியில் தலித்களுக்கு எதிரான கூட்டு வன்முறை (தமிழ் ஹிந்து கட்டுரை- 11.11.2012)
காதல் திருமணம் செய்த வாலிபருக்கு 19 வயதா? (தினத்தந்தி செய்தி- 23.11.2012)
கலப்புத் திருமணத்தால் கலவரம் (தினகரன் செய்தி – 08.11.2012)
மதுரையில் பெட்ரோல் குண்டுவீச்சு (தினமணி செய்தி- 05.11.2012)
மதுரை: பெட்ரோல் குடுவீசில் சாவு எண்ணிக்கை ஆறாக உயர்வு (தினமணி செய்தி – 06.11.2012)
இம்மானுவேல் சேகரன் நினைவுநாள்- போலீஸ் குவிப்பு (மாலை மலர் செய்தி- 09.09.2012)
குறிஞ்சிப்பாடியில் 8 வீடுகளுக்கு தீவைப்பு (தினத்தந்தி செய்தி – 28.11.2012)