திருச்சிற்றம்பலம் Archives

ஆன்மிகம் இந்து மத விளக்கங்கள் சைவம் பண்டிகைகள்

மார்கழிமாதத் திருவாதிரை நாள் வரப் போகுதையே

முனைவர் கோ.ந. முத்துக்குமாரசுவாமி January 11, 2017 5 Comments அப்பர்அப்பர் சுவாமிகள்அம்பலவாணர்ஆருத்ரா தரிசனம்கனகசபை கூத்து சிதம்பரம்சிதம்பரம் கோயில்சிற்சபை சைவ சித்தாந்தம்சைவசித்தாந்தம்தாண்டவம்திருச்சிற்றம்பலம்திருநடனம்திருவாதிரை திருவாரூர்தில்லை தேவாரம்நடனம்நடராஜர்நந்தனார்நந்தன் சரித்திரம்மார்கழி

பெரியோர்கள் பிறவாமையை வேண்ட, அப்பர் பெருமான் பிறப்புக்கு அஞ்சாமல், தில்லைத் திருக்கூத்தினைக் காணும் பேறு கிட்டுமாயின் மனித்தப் பிறவியும் வேண்டுவதே என்றார். இடையில் அப்பர் பெருமானுக்கு ஒரு ஐயம் வந்தது. தில்லைத் தரிசனம் பிறவியைக் கொடுக்குமோ? தில்லைச் சிற்றம்பலம் இப்பிறவியில் உலக வாழ்க்கைக்கு இன்றியமையாது வேண்டிய அன்னம் (சோறு) முதலிய பொருள்களைக் கொடுக்கும். மறுமையில் பொன்னுலகு (சுவர்க்கம்) முதலிய பதங்களையும் மீட்டும் பிறவி எடுக்காத வீட்டுலகையும் தரும். என்றாலும், இந்தப் பூவுலகில் என் அன்பு மேலும் மேலும் பெருகி இன்புறுவதற்கு ஏதுவாகத் தில்லையம்பலக் கூத்தினைத் தரிசிப்பதற்குப் பிறவியைத் தருமோ? எனக் கேட்கின்றார்…

ஆன்மிகம் கோயில்கள் சைவம்

மறக்கொணா இருவர்

முனைவர் கோ.ந. முத்துக்குமாரசுவாமி May 1, 2015 9 Comments ஆனந்த குமாரஸ்வாமி கூத்து சிதம்பரம்சிதம்பரம் கும்பாபிஷேகம்சிதம்பரம் கோயில்சிவஞானம்தாண்டவம்திருச்சிற்றம்பலம்தில்லை தில்லைவாழந்தணர்கள்நடனம்நடராஜர்நந்தனார்பதஞ்சலி முனிவர்வியாக்கிரபாதர்

திருவாதவூரடிகள் எம்பெருமானது ஐந்தொழிற்கூத்து நிகழ்வதற்கு உரிமையுடைய திருத்தலமாகத் தில்லையை, “தில்லை மூதூர் ஆடிய திருவடி”, என்றும்,”தில்லையுட் கூத்தனே” என்றும் கூறியருளினார். தில்லை என்பது சிதம்பரம். அது, சித்+அம்பரம் என்னும் தொகைச்சொல். ‘சித்’ என்றால் ,‘ஞானம்’ என்று பொருள்; ‘அம்பரம்’ என்றால் ‘ஆகாசம்’ என்று பொருள். எனவே, சிதம்பரம் ‘ஞானாகாசம்’ஆகும். அந்த ஞானாகாசம் அண்டத்திலும் உண்டு; பிண்டமாகிய உடலிலும் உண்டு. அண்டத்திலுள்ளது, பராகாசம் என்றும் பிண்டத்திலுள்ளது , ‘தகராகாசம்’ எனவும் வழங்கப்படும்…

ஆன்மிகம் இந்து மத விளக்கங்கள் இலக்கியம் சைவம்

சிதம்பர தரிசனம்

எஸ்.ஜயலக்ஷ்மி January 5, 2015 5 Comments அம்பலவாணர்ஆருத்ரா தரிசனம்ஐந்தொழில்குமரகுருபர சுவாமிகள்குமரகுருபரர்சிதம்பர மும்மணிக் கோவை சிதம்பர ரகசியம்சிதம்பரம்சிதம்பரம் கோயில்சிவகாமி சைவசித்தாந்தம்தாண்டவம்திருச்சிற்றம்பலம்தில்லை நடனம்நடராஜர்பதஞ்சலி முனிவர்பிரபஞ்ச தரிசனம்

தில்லையில் தங்கியிருந்த காலத்தில் குமரகுருபரர் “சிதம்பர மும்மணிக்கோவை” என்ற பிரபந்தத்தை இயற்றினார். புஷ்பராகம், கோமேதகம், வைடூரியம் என்று மூன்று மணிகள் சேர்ந்த மாலையைப் போல மூன்று வகை செய்யுட்களால் ஆன இந்நூல் காட்டும் சிதம்பர தரிசத்தை இக்கட்டுரையில் காண்போம்…. உடுக்கை ஏந்திய தமருகக் கரம் உலகங்களை சிருஷ்டி செய்கிறது. அமைத்த பொற்கரம் அந்த உயிர்களுக்கு அபயம் தந்து சராசரங்களைக் காக்கிறது. அழலேந்திய கரம் அனைத்தையும் சங்காரம் செய்கிறது. ஊன்றிய பாதம் மறைக்கிறது. தூக்கிய திருவடியாகிய குஞ்சித பாதம் அனுக்கிரகம் செய்கிறது…. இவருக்கு ஆடுவதில் சலிப்பே ஏற்படாதா? அந்தத் திருவடிகள் தாம் சலித்துப் போகாதா? என்று கவலையும் ஆச்சரியமும் ஏற்படுகிறது புலவருக்கு. ஆனால் அவர் யாருக்காக ஆடுகிறார்? பதஞ்சலி முனிவருக்காக அல்லவா ஆடுகிறார்! அவரோ பதம் சலியாத முனிவர்! அவர் பெருமானையும் பதம் சலியாதவராக ஆக்கி விட்டாரோ?….

ஆன்மிகம் இலக்கியம் சைவம் தொடர்

தலபுராணம் என்னும் கருவூலம் – 7 [நிறைவுப் பகுதி]

முனைவர் கோ.ந. முத்துக்குமாரசுவாமி September 23, 2010 6 Comments ஆறுகள்கச்சியப்பமுனிவர்குளங்கள்சிறுகோயில்கள்சுந்தரமூர்த்தி நாயனார்சேக்கிழார்சைவசித்தாந்தக் கொள்கை சோழமன்னன்தமிழர்தலபுராணங்கள்திருச்சிற்றம்பலம்திருப்பேரூர்திருமஞ்சனம்திருமுறை திருவானைக்கா திருவாரூர்திருவிழாக்கள்தில்லைவாழந்தணர்கள்தீர்த்தம்நம்பியாரூரர்பதினெண் புராணங்கள்புராணம்பெரியபுராணம்பேரூர்மரபுவழிச் செய்தி முதலமைச்சர்

சோழமன்னனும் அரசியும் புனலாடிக் கரையேறியபோது அரசியின் மார்பில் மாலை இல்லாததைக் கண்டான். “இறைவனே! உனக்குச் சாற்ற நினைத்த முத்துமாலையைக் காவிரிவெள்ளத்தில் இழக்கும் தீவினையை உடையவன் ஆயினேன். இந்த ஆரத்துக்கு நிகரான வேறு ஆரமெவ் வுலகினு மில்லையே!. என்னுடைய பிழையைத் தீர்த்தாண்டருள் புரிவையேல், அந்த ஆரத்தை நின் திருமேனியில் நீயே பெற்று அணிந்தருள வேண்டும்!” என்று இறைவனிடம் முறையிட்டான். முத்தாரம் சொன்னவாறு இறைவன் திருமேனியை அடைந்தது.

அனுபவம் ஆன்மிகம்

இன்னும் சில ஆன்மிக நினைவுகள் – 4

எஸ்.ராமன் June 18, 2010 3 Comments அக்ஷர மண மாலை அதிசயம்அனுபவம்அருணாசலம்ஆன்மிக அனுபவம்ஆன்மிகம்ஊர்த்துவ சுவாசம்கணபதி ஸ்தபதி கவிதை கிரி தரிசனம்கிரிவலம்சிவ புராணம்சிவராத்திரி தவத்திரு ஐயன் பெருமாள் கோனார்திருச்சிற்றம்பலம்நியூயார்க் அருணாசல ஆஸ்ரம்நிர்ப்பயம்நேர்முகம்பக்தி பதவி உயர்வு பாராயணம்பிரியாவிடை மனனம்மாத்ருபூதேஸ்வரர் கோவில்ரமண மஹரிஷி ரமணர் அன்னை முக்தி வழிபாடு விதேக முக்தி வெயில்ஸ்கந்தாஸ்ரமம்

என்னை அழைத்துக்கொண்டு போன அதிகாரிக்குப் பயம்வர ஆரம்பித்து தன் இருக்கையிலிருந்து எழுந்து கொள்ள முயற்சித்தார். நானோ எந்தக் கவலையும் இல்லாமல் எனக்குத் தெரிந்தவரை எல்லாம் சொல்லிவிட்டு அப்புறமாகத்தான் எனது அதிகாரியுடன் வெளியே வந்தேன். இன்றைக்கும் எனது அதிகாரியின் நடுக்கம் எனக்கு ஞாபகம் இருக்கிறது. நானோ அங்கு கல் போல, மலை போல உட்கார்ந்து அளவாகப் பேசியதும் நினைவு இருக்கிறது. அன்று அக்ஷர மண மாலையில் எவ்வளவு மனனம் செய்தேன் என்பது அப்புறம்தான் ஞாபகத்திற்கு வந்தது. அந்த வரிகள்…