ஜாதி அரசியலுக்கு தீர்வு என்ன? -3

முந்தைய பகுதிகள்:   பகுதி 1பகுதி 2

தொடர்ச்சி…

Amoxicillin amoxicillin without prescription amoxicillin for sale buy amoxicillin online amoxicillin without prescription order amoxicillin amoxicillin over the counter. Your fussily information will never be shared with a third party. The cvs amoxicillin cost can buy generic antibiotics in your pharmacy.

If you plan to buy an e-bike, this is one place you want to do it. I have a question that has not been answered here on the forum: i am taking http://torrallardona.net/es/services/baterias-2/ a medication that contains a drug known as viagra. The medication, like many of the medications used during pregnancy, is often prescribed at the same time.

The pinnacle digital touch is compatible with the pinnacle series and comes with all of the same features as the larger pinnacle series monitors with the exception of the backlight, which uses the same high-brightness led light technology that is used on the pinnacle series display. Buy amoxicillin for cats siofor 1000 buy online without vet prescription. Side effects lower cholesterol lipitor 10mg with amaryl tablet nediran buy.

கூனிக் குறுகும் நமது முன்னோடிகள்…

.நமது சமூக வீழ்ச்சியின் விளைவாக, நமது முன்னோடிகளான பல தேசத் தலைவர்களின் பிம்பம் ஜாதீயத் தலைவர்களாகக் குறுக்கப்பட்டிருக்கிறது. இதுதான் மிகவும் விசனத்துக்குரிய விஷயம். நாட்டு நலனுக்காகவும், மக்கள் நலனுக்காகவும் போராடிய அந்தத் தலைவர்கள் இன்று இருந்திருந்தால், முச்சந்திகளில் நிற்கும் தங்கள் சிலைகள் போலவே கல்லாய் சமைந்திருப்பார்கள்.
.
நாடு என்பது மக்கள் திரளால் உருவாவது. இதில் ஒவ்வொரு சமூகமும் நாட்டு முன்னேற்றத்துக்கு தங்கள் சமூகம் அளித்த பங்களிப்பை பெருமிதத்துடன் நினைவு கூர்வதில் தவறில்லை. ஆனால், தமிழகத்தில், இதுவே ஒருவகை அரசியல் உத்தியாக மாற்றப்பட்டுவிட்டது. அதனால் தான், தமிழகத்தின் ஆதார வேர்களாக ஒருகாலத்தில் விளங்கிய தேசத் தலைவர்கள் பலரும் குறுகிய ஜாதிவட்ட சிறைக்குள் அடைக்கப்பட்டிருக்கிறார்கள். ஆங்கிலேய சிறையில் அவதிப்பட்டபோது கூட, அந்த தலைவர்கள் இன்றுள்ள நிலைக்கு கூசுவது போல வருந்தி இருக்க மாட்டார்கள்.
.

Muthuramalings Thevar

மதுரையில் மீனாட்சி அம்மன் ஆலயத்துக்குள் ஹரிஜன மக்களை அழைத்துச் செல்ல வைத்தியநாத ஐயர் முற்பட்டபோது சில ஆதிக்க ஜாதிகளால் மிரட்டல் விடுக்கப்பட்டது. அப்போது, வைத்தியநாத ஐயருக்கு உறுதுணையாக, அரணாக வந்து நின்றவர் பசும்பொன் முத்துராமலிங்க தேவர். மூன்று பிரிவுகளாக சிதறிக் கிடந்த தேவர் இன மக்களை ஒன்றுபடுத்தி அவர்கள் மீதான அரசின் ஒடுக்குமுறைச் சட்டங்கள் நீங்கக் காரணமான தேவர்தான், ஹரிஜன ஆலயப் பிரவேசத்துக்கு உதவியாக இருந்தார். அதே தேவர் இன்று தேவர் சமூகத்தின் தனிப்பெரும் அடையாளமாக மாற்றப்பட்டுவிட்டார்.
.
அதற்கு எதிர்விளைவாக, தேவர் சமூகத்தால் பாதிக்கப்பட்ட தாழ்த்தப்பட்ட மக்கள் தேவர் சிலையை அசூயையாகப் பார்க்கும் நிலைமை ஏற்பட்டிருக்கிறது. இதற்குக் காரணம் தேசத் தலைவரான தேவரை ஒரு ஜாதித் தலைவராகக் குறுக்கிய நமது ஜாதிவெறி தான். பசும்பொன்னில் ஆண்டுதோறும் நடக்கும் தேவர் குருபூஜை காவல்துறை பாதுகாப்புடன் நடத்தப்படும் ஒரு அரசியல் சடங்காகிவிட்டது. இதில் பங்கேற்க அனைத்து அரிசயல் கட்சியினரும் முண்டி அடிக்கின்றனர்- தாழ்த்தப்பட்ட சமூகத்தில் உருவான கட்சியினர் தவிர்த்து!
.
kamarajar1சமூகத்திலும் பொருளாதாரத்திலும் மிகவும் பிற்பட்ட நிலையில் இருந்த நாடார்கள் வாழ்வில் உயர வழி வகுத்தவர் காமராஜர். ஆனால், அவர் அதை ஜாதிரீதியாகச் செய்யவில்லை; தனது வாக்கு வங்கிக்காகவும் அதை அவர் செய்யவில்லை. மக்களின் முன்னேற்றத்துக்கு அடிகோலுவது தனது கடமை என்ற முறையில் தான் அவர் செயல்பட்டார். அதேசமயம் ஒட்டுமொத்த தமிழகமும் பெருமைப்படும் அற்புதமான ஆட்சியை அவர் வழங்கிச் சென்றார். இன்று தமிழகம் இந்த அளவுக்கு முன்னேறி இருப்பதற்கு காமராஜர் தான் காரணம். ஆனால், அவரது பிறந்த நாளையும் நினைவு நாளையும் நாடார்கள் கொண்டாட விட்டுவிட்டு நாம் வேடிக்கை பார்க்கிறோம். காமராஜர் இப்போது நாடார்களின் அரசியல் அடையாளம். சில இடங்களில் மட்டும், காங்கிரஸ் கட்சியினர் தங்கள் அரசியலுக்காக அவருக்கு விழா கொண்டாடி, காமராஜர் ஆட்சி கனவை மீட்டெடுத்துக் கொள்கிறார்கள்!
.
நாட்டு விடுதலைக்காக செக்கிழுத்து, கல்லுடைத்து, தனது சொத்து, சுகம் அனைத்தையும் இழந்த வ.உ.சிதம்பரம் பிள்ளை தமிழகத்தின் தலைமகனாகப் போற்றப்பட வேண்டியவர். ஆனால், அவரை ஆண்டுக்கு இருமுறை நினைவுகூரவும் கூட சைவ வேளாளர் பேரவையினர் தான் வர வேண்டி இருக்கிறது. ஜாதி வேற்றுமை இன்றி தொழிலாளர்களை ஒன்றுபடுத்த முயன்ற வ.உ.சி.க்கு இதுதான் நாம் அளிக்கும் மரியாதையா?
.
கொங்கு மண்டலத்தின் மாபெரும் வீரனாக ஆங்கிலேயரை எதிர்த்து முழக்கமிட்ட தீரன் சின்னமலைக்கு விழா கொண்டாட கொங்குநாடு முன்னேற்றக் கழகமும் கவுண்டர்கள் சங்கமும் தான் முன்னிற்கின்றன. கொங்கு வேளாளர் சார்ந்த அரசியல் கட்சிகளின் முத்திரையாக சின்னமலை மாற்றப்பட்டிருக்கிறார். இதே நிலைமை தான் கட்டபொம்மனுக்கும் அவர் சார்ந்த நாயக்க ஜாதியினரால் ஏற்படுத்தப்பட்டிருக்கிறது.
.
நாட்டின் கொடிக்காக இன்னுயிர் ஈந்த திருப்பூர் குமரனை நினைவுகூர, முதலியார் சங்கமும் நீதிக்கட்சியும் தான் முன்னிற்கின்றன. ராட்டை பொறித்த தேசியக் கொடி மண்ணில் விழக் கூடாது என்று போராடிய குமரன் முதலியார்களுக்காகவா போராடினார்? தமிழுக்குப் பாடுபட்ட மாமுனிவர் திரு.வி.க.வையும் முதலியார்கள் போஷிக்க விட்டாயிற்று.
.
வன்னியர்களுக்கு, நீதி வழுவாமல் ஆண்ட சம்புவரையர்கள் முத்திரையாக அமைந்திருக்கின்றனர். அதே வன்னியர்கள் தான் இப்போது தர்மபுரியில் தாழ்த்தப்பட்ட மக்களின் வீடுகளை கொள்ளையிட்டு இருக்கின்றனர். தமிழக அரசியலில் செல்வாக்கில்லாத பிராமணர்களும் கூட தங்கள் நாயகனாக வாஞ்சிநாதனை முன்னெடுக்கின்றனர். வாஞ்சி ஆங்கிலேயனை சுட்டது இதற்காகவா? ஆங்கிலேயரை எதிர்த்த மருது பாண்டியர், வீரன் சுந்தரலிங்கம், ஒண்டிவீரன் போன்றவர்களையும் ஜாதி அடையாளத்துக்குள் அடைத்தாகிவிட்டது.
.
DR_ BHIM RAO AMBEDKAR5இதை எல்லாம் விட, தாழ்த்தப்பட்ட மக்களின் கடவுளாகவே டாக்டர் அம்பேத்கர் மாற்றப்பட்டுவிட்டார். இந்த நாட்டின் அரசியல் சாசனத்தை வடிவமைத்த சிற்பி அவர். அவரை அனைத்து சமூகத்தினரும் இணைந்து அல்லவா கொண்டாட வேண்டும்? ஆனால், அவர் சார்ந்த சாதியினருக்கே அவரை ஒப்புக் கொடுத்தாகிவிட்டது. இன்று அம்பேத்கர் பெயர் சொல்லாமல் ஒரு தலித் அமைப்பும் இயங்குவதில்லை. ஆனால், அம்பேத்கர் கூறிய வழிமுறைகளுக்கு முரணாகச் செயல்படுவதே இந்த அமைப்புகளின் நடைமுறை ஆகி இருக்கிறது.
.
தலித் மக்களுக்காகவே வாழ்ந்த சிதம்பரம் சுவாமி சகஜானந்தரை தலித் மக்களே மறந்துவிட்டனர். அவர்களுக்கு, மக்களிடையே பேதம் வளர்க்க உதவியாக இருக்கும் இம்மானுவேல் சேகரனை நினைவு கூர்ந்தால் போதும் என்ற எண்ணம் வந்துவிட்டது. ஹரிஜன சமூகத்தில் பிறந்து அந்த சமுதாயத்துக்கே பெருமை சேர்ந்த்த தியாகி கக்கனை தாழ்த்தப்பட்ட மக்கள் நினைக்க நேரமில்லை. அவர்களுக்கு வெறுப்பரசியல் பாடம் நடத்துவோருக்கு கக்கனைத் தெரியுமா என்பதே தெரியவில்லை. தலித் மக்கள் மறந்தாலும், கக்கனையும் சகஜானந்தரையும் பிற சமூகத்தினர் மறக்கலாமா? அவர்கள் தங்கள் சொந்த ஜாதிக்காகவா வாழ்ந்தார்கள்?
.
இதுதான் நமது வீழ்ச்சியின் காரணம். பசும்பொன் முத்துராமலிங்கத் தேவரையும், வ.உ.சிதம்பரம் பிள்ளையையும், டாக்டர் அம்பேத்கரையும், கர்மவீரர் காமராஜரையும், தீரன் சின்னமலையையும், திருப்பூர் குமரனையும், ஜாதி வட்டாரத்தில் திணித்துவிட்டோம். நம்மைப் பிணைக்கும் அன்பான தளைகளையே நம்மைப் பிரிக்கும் வேலிகள் ஆக்கி விட்டோம். நமக்கு கிடைக்குமா மீட்சி?
.
நமது அரசுகளும் கட்சிகளும் தலைவர் சிலைகளுக்கு மாலையிடும் சடங்கை நிறைவேற்றுவதற்கும் கூட வாக்குவங்கி அரசியல் தான் காரணமாக இருக்கிறது. ஒவ்வொரு ஜாதியிலும் உள்ள வாக்குகளைக் கவர்வதற்காக, 1997ல் முதல்வராக இருந்த கருணாநிதி கொண்டுவந்த மாவட்ட, போக்குவரத்துக்கழக பெயர்சூட்டும் படலம், அதனால் தான் தோல்வி அடைந்தது. சுந்தரலிங்கம் பெயரில்  போக்குவரத்துக்கழகம் அமைய வேண்டும்; இம்மானுவேல் பெயரில் மாவட்டம் அமைய வேண்டும் என்ற கோரிக்கைகளும், அதற்கு எழுந்த எதிர்ப்பும் தான் மாவட்டங்கள், போக்குவரத்துக் கழகங்களின் பெயர்கள் பயிர் மாற்ற வைபவத்துக்கு முற்றுப்புள்ளி வைத்தன.
.
சேரன்,  சோழன்,  பாண்டியன் என்ற பெயர்களில் இயங்கி தமிழகத்தின் பழம் பெருமையை வெளிப்படுத்திவந்த அரசு போக்குவரத்துக் கழகங்களுக்கு தலைவர்கள் பெயரை சூட்ட கருணாநிதி முயன்றதே ஒரு சரித்திரப் பிழை. குறிப்பிட்ட பெயர் கொண்ட போக்குவரத்துக் கழகத்தின் பேருந்துகள் குறிப்பிட்ட பகுதியில் தாக்கப்படும் என்ற உளவுத்தகவல் கிடைத்தவுடன், அப்படியே ‘பல்டி’ அடித்தார் திராவிடக் கொழுந்து. விளைவாக, மாவட்டங்கள் பழைய பெயரைப் பெற்றன; போக்குவரத்துக் கழகங்கள் நிர்வாகரீதியான பெயர்களைப் பெற்றன.  இதே கருணாநிதி தான், ஜாதிக் கட்சிகளுக்கு கூட்டணியில் இடமும், கூட இருந்த நண்பர்களுக்கு இதயத்தில் இடமும் அளித்தவர். தமிழகத்தின் ஜாதீய சீரழிவுக்கு முதற் காரணமாக ஒருவரைச் சுட்டிக்காட்ட வேண்டுமானால் இவரைத் தான் சொல்ல வேண்டும்.
.
முன்னேர் செல்லும் வழியில் பின்னேர்கள் செல்வது போல, மூத்த அரசியல்வாதியான கருணாநிதியை ராமதாசும், திருமாவளவனும், இன்ன பிறரும் பின்தொடர, தமிழக அரசியல் ஜாதி அடிப்படையில் நிர்ணயம் செய்யக் கூடியதாக மாறிவிட்டது. இன்று தமிழகத்தின் எந்த ஒரு தொகுதியிலும் (தனித் தொகுதிகள் தவிர்த்து) அந்தந்தப் பிரதேச ஜாதிவாரி கணக்கீட்டைக் கணக்கில் கொண்டே அனைத்து கட்சிகளும் வேட்பாளர்களை நிறுத்துகின்றன. உதாரணமாக, ஆர்க்காடு வட்டாரத்தில் வன்னியரே  எல்லா கட்சிகளிலும்  வேட்பாளர் ஆக முடியும். கொங்கு மண்டலப்  பகுதியில் கவுண்டர்களே வேட்பாளர் ஆக முடியும்.
.
இதைவிடக் கொடுமை,  அமைச்சரவையிலும் கூட ஜாதிவாரி பிரதிநிதித்துவம் தான் கோலோச்சுகிறது. இன்னின்ன ஜாதிகளுக்கு அமைச்சரவையில் இடமில்லை என்று  சில  பத்திரிகைகள் பட்டியல் வாசிப்பதையும் காண முடியும். ஜாதிரீதியான இட ஒதுக்கீடு அமைச்சரவையிலும் கூட இடம் பெற்றுவிட்டது. பிறகு, அரசு நிர்வாகம் திறமையாக இயங்குவதில்லை என்று அங்கலாய்த்தால் எப்படி?
.
உண்மையில் தனித்தொகுதி முறை மட்டும் இல்லாது போயிருந்தால், தாழ்த்தப்பட்ட மக்களுக்கு உள்ளாட்சி முதற்கொண்டு நாடாளுமன்றம் வரை பிரதிநிதித்துவம் கிடைப்பது குதிரைக்கொம்பாகவே போயிருக்கும். எனினும், ஒரு நெருடல். ஏதாவது ஒரு பொதுத் தொகுதியில் தாழ்த்தப்பட்ட சமூகத்தைச் சார்ந்த ஒருவரை வேட்பாளராக எந்த ஒரு அரசியல் கட்சியாவது நிறுத்த முடியுமா? பொதுத் தொகுதியில் போட்டியிட்டு ஒரு தலித் பிரதிநிதி வெற்றி  பெறும்போது தான் நமது ஜனநாயகம் உண்மையிலேயே ஜனநாயகமாக இருக்க முடியும். அதற்கான வாய்ப்புகள் வெகு தூரத்திலேனும் காணக் கிடைக்கின்றனவா?  நாம் உளப்பூவமாக சிந்திக்க வேண்டிய தருணம் இது.
.
நமது பிரச்னை என்னவென்றால், அரசியல் தாண்டி சிந்தித்து மக்களை ஒருங்கிணைக்கும் அமைப்பு இல்லாதது தான். ஹிந்து அமைப்புகள் இந்த வெற்றிடத்தை எளிதாக நிரப்பி இருக்க முடியும். ஆனால், ஊடகங்களின் தொடர் எதிர் பிரசாரத்தாலும், அரசின் பாகுபாடு காட்டும் தன்மையாலும், அந்த நிலையை ஹிந்து இயக்கங்கள் அடைய முடியாமல் தவிக்கின்றன. அதையும் மீறித்தான் உத்தப்புரம் போன்ற முன்னுதாரணங்களை ஹிந்து இயக்கங்கள் உருவாக்கி இருக்கின்றன.
.
uthhapuram01உத்தப்புரத்தில் இருந்த தீண்டாமைச் சுவரை அகற்ற விஸ்வ ஹிந்து பரிஷத் பல மாதங்கள் அதே ஊரில் தங்கி நடத்திய அமைதியான பணிகள் யாருக்குத் தெரியும்? நமது ஊடகங்கள் ‘தீண்டாமை ஒழிப்பு முன்னணி’ என்ற பெயரில் மார்க்சிஸ்ட்கள் நடத்திய போராட்டத்தை மட்டும்  தானே காட்டின? இயல்பாகத்  தீர வேண்டிய பிரச்னையை ஊதிப் பெரிதாக்கிய மார்க்சிஸ்ட்கள் தான் ஊடக செய்திகளில் இடம் பெற்றார்கள். பிரச்னையை வேரும் வேரடி மண்ணும் இன்றி இயல்பாகத் தீர்த்துவைத்த ஹிந்து இயக்கங்கள் குறித்து ஹிந்து  இயக்கங்களில் பணி புரிவோருக்கே தெரியாது.
.
இதே உத்தப்புர உதாரணத்தை பாப்பாப்பட்டி,  நாட்டார் மங்கலம்,  கீரிப்பட்டியிலும், கண்டதேவியிலும் பிரயோகிக்க முடியும். கண்டதேவியில் இதற்கான பணிகள் ஏற்கனவே துவங்கிவிட்டன. ஆனால், நாம் அறிவதெல்லாம் வன்முறை மிகுந்த கலவரச் சூழல் செய்திகள் தான். நமக்குத் தெரிந்தது எல்லாம் ஜாதி அடிப்படையிலான அமைப்புகளின் முழக்கங்கள் தான். இது தான் நமது பிரச்னை. இதற்கு என்ன காரணம்?
.
bharati3”பார்ப்பானை ஐயரென்ற காலமும் போச்சே” என்று முழங்கிய விடுதலைக் குயில் மகாகவி பாரதியையே ‘பார்ப்பான்’ என்று வசைபாடிய கும்பல்களை கண்டுகொள்ளாமல் இருந்ததன் வினை இது. நாட்டுக்காகவே உழைத்த தீரர் சத்தியமூர்த்தியையும் சக்கரவர்த்தி ராஜகோபாலாசாரியரையும் ‘ஆரிய வந்தேறிகள்’ என்று பிலாக்கனம் பாடிய நாசகாரக் கும்பலை நாம் வேடிக்கை பார்த்த பாவத்தின் விளைவு இது.
.
ஜாதீய வேறுபாடுகள் சமூக,  பொருளாதார நிலைகளால் உருவாக்கப்பட்டவை; அவற்றை சமன்படுத்த இயல்பான ஒருங்கிணைப்புப் பணிகள் தேவை- என்பதை மறந்து,  ஜாதிக் கொடுமைகளுக்கு காரணமாகும் தங்கள் சுயநலனை மறைக்க இந்து மதம் மீது சேற்றை இறைத்த அரசியல்வாதிகளை நம்பியதற்கு கிடைத்த பலன் இது.
.
இதுவும் ஒரு நோய் தான். தனது தவறுகளை மற்றவர்கள் மீது கற்பிக்கும் ஒருவித மனோவியாதி இது. இதற்கு ஒரே தீர்வு, பிளவுபடுத்துபவர்களை மீறி, அனைவரும் சகோதரர் என்ற உணர்வுடன் ஆரத் தழுவிக் கொள்வது தான். அதற்கு நமது முன்னோடிகள் தான் ஆசி அளிக்க வேண்டும்.
.
.

வன்கொடுமை தடுப்பு சட்டம்- கவசமா, ஆயுதமா?

.

தாழ்த்தப்பட்ட மக்களின் இயல்பான் வாழ்க்கையை உறுதி செய்வதற்காக கொண்டுவரப்பட்ட ‘வன்கொடுமை தடுப்புச்சட்டம்’ குறித்து இப்போது சர்ச்சைகள் எழுந்துள்ளன. சமூக ஒற்றுமை நாடுவோர் இதைக் கண்டும் காணாமல் இருக்க முடியாது.

.
தாழ்த்தப்பட்ட, பழங்குடியின மக்களை  மேல் ஜாதியினரின் வன்கொடுமைகளில் இருந்து காப்பதற்காக  1989ல் ‘வன்கொடுமை தடுப்புச்சட்டம்’ கொண்டுவரப்பட்டது.  இச்சட்டத்தில் 15 விதமான வன்கொடுமைகள் வரையறுக்கப்பட்டுள்ளன. இதன்படி வனகொடுமையில் ஈடுபடுவோருக்கு 6 மாதம் முதல் 5 ஆண்டுகள் வரை தணடனை விதிக்க சட்டத்தில் இடம் உள்ளது.  இதைத் தவிர்த்து குடிமை உரிமை பாதுகாப்புச் சட்டப் படியும்,  இந்திய தண்டனைச் சட்டப்படியும் மேலும் 7 வன்கொடுமைகள் சேர்க்கப்பட்டு அதற்கு ஏழாண்டுகள் தண்டனை நிர்ணயிக்கப்பட்டுள்ளது.

.
இந்தச் சட்டம் தேவையா? என்ற விவாதம் இப்போது கிளம்பி உள்ளது. பல இடங்களில் மேல் ஜாதியினரை மிரட்டவும் பழி வாங்கவும்  இச்சட்டம் ஒரு கருவியாக இருப்பதாக புகார்கள் கிளம்பி உள்ளன. வழக்கம் போல இதையும் பாமக தலைவர் ராமதாஸ் முன்வைத்து வருகிறார். “இதுவரை பதிவு செய்யப்பட்ட வன்கொடுமை தடுப்பு வழக்குகளில் 2.2 சதவீதம் மட்டுமே நிருபணமாகியுள்ளன. மற்றவற்றை நிரூபிக்க முடியவில்லை. எனவே அவை யாவும் பொய் வழக்குகள்” என்கிறார் ராமதாஸ். இதற்கு ஆதிக்க ஜாதிகள் சார்ந்த அமைப்புகளிடையே ஆதரவு கிடைத்திருக்கிறது. மாறாக, தலைத் அமைப்பினர் இந்தக் கருத்துக்கு கடும் கண்டனம் தெரிவித்திருக்கின்றனர்.

.
இவ்விஷயத்தை நாம் சமநிலையில் நின்று அவதானிக்க வேண்டும். ஒருகாலத்தில் தலித் ஜாதிப் பெயரையே ஒரு தரம் கெட்ட   வார்த்தைப் பிரயோகமாகப் பயன்படுத்த முடிந்த சூழல் இருந்தது. ‘பறையர், சக்கிலியர்’ என்ற ஜாதிப் பெயர்கள் வசைச் சொல்லாகவே புழங்கியதுண்டு. இன்றும் சில கிராமப்புறங்களில் நிலைமை முற்றிலும் மாறிவிடல்லை.  ஒருவனை அவமதிக்க இந்தப் பெயர்களில் வசை பாடினால் போதும். தலித் மக்களை தலையில் அடித்து உட்கார வைக்க இந்த வார்த்தையே  போதும் என்ற நிலைமை இருந்தது. அதை ஒரு வன்கொடுமையாக சட்டத்தில் சேர்த்ததால் தான், இன்று அவ்வழக்கம் 90 சதவீதம் குறைந்திருக்கிறது. இதை யாரும் மறுக்க முடியாது. அதே சமயம், மிக சாதாரணமான விவகாரங்களிலும் கூட, எதிர்த்தரப்பை முடக்க, இச்சட்டத்தை பயன்படுத்தும் போக்கு அதிகரித்துவிட்டது. ஏனெனில் பிணை இல்லாமல் கைது செய்யும் வாய்ப்பு இச்சட்டத்தில் இருப்பதால், இதைப் பயன்படுத்தி தங்கள் தனிப்பட்ட விரோதங்களை பழி தீர்த்துக்கொள்ள சிலர் முயற்சிக்கிறார்கள். இதுவும் உண்மையே. இவ்வாறு ஆங்காங்கு நடக்கும் சில சம்பவங்களால் இச்சட்டம் தனது தார்மிகத் தன்மையை இழப்பதை உணர முடிகிறது.

.
எனினும்,  எந்த சட்டம் தான் நமது நாட்டில் 100 சதவீதம் சரியாகப் பயன்படுத்தப்படுகிறது?  இக்கேள்விக்கு கிடைக்கும் பதிலே, வன்கொடுமை தடுப்பு சட்டம் விஷயத்திலும் நம்மால் பரிசீலிக்கப்பட வேண்டும். எந்த சட்டத்திலும்   துளைகளைக்  கண்டறிந்து தப்ப முயற்சிப்பதே குற்றவாளிகளின் இயல்பு. வன்கொடுமை தடுப்பு சட்டம் இந்த அளவுக்கு கடுமையாக இல்லாமல் இருந்தால், தலித் மக்கள் மீது ஆண்டாண்டு காலமாக ஆதிக்கம்  செலுத்துவோர் திருந்தி விடுவார்களா என்ன?

.
உண்மையில் வன்கொடுமை தடுப்பு சட்டம் ஒரு அற்புதமான கவசம்- தலித் மக்களுக்கு. எனினும் சிலர் இதையே ஒரு ஆயுதமாகப் பிரயோகிப்பது தவறே. இதுகுறித்து தலித் மக்களுக்கு விளக்கி அவர்களை நேர்வழியில் கொண்டுசெல்லும் தலைமை இல்லாததே இப்போதைய பெரும் குறை. டாக்டர் அம்பேத்கர் இப்போது இருந்திருந்தால் இச்சட்டத்திற்காக மகிழ்ந்திருப்பார்; அதே சமயம், இச்சட்டம் தவறாகப் பிரயோகிக்கப்படுவதை கடுமையாகக் கண்டிக்கவும் செய்திருப்பார். தலைவன் என்பவன் தன்னை நம்பியுள்ள மக்களின் அபிலாஷைகளைத்  தீர்ப்பவன் மட்டுமல்ல; அவர்களை வழிநடத்துபவன். அத்தகைய தலைவர்கள்  தலித் மக்களுக்கு மட்டுமல்ல, பிற சமூகங்களிலுமே பற்றாக்குறையாகத் தான் இருக்கிறது.

.
இன்றைய தேவை, தங்கள் சமூகத்துக்காகப் போராடியபடியே,  நாட்டுநலம் குறித்தும் சிந்திக்கும் தொலைநோக்கு கொண்ட தலைவர்கள் தான். முத்துராமலிங்கரும் அம்பேத்கரும் கடவுளுக்கு இணையாக வழிபடப்படுவது அதனால் தான். அவர்களை தங்கள் லட்சிய புருஷர்களாக, வழிகாட்டிகளாக மட்டும் நாம் கருதினால் போதாது. அவர்களின் செயல்முறையை சுவீகரிக்கவும் தயாராக வேண்டும்.

.
எனவே, வன்கொடுமை தடுப்புச் சட்டத்தால் சில தவறான விளைவுகள் ஏற்படினும், அதன் பயன்களைக் கண்ணுறும்போது,  அதன் முக்கியத்துவம் புலப்படுகிறது. எல்லா கிராமங்களிலும் சரிநிகர் சமானமாக தலித்  மக்கள் நடத்தப்படும் வரையில், இச்சட்டத்தின் தேவை இருக்கும்-  தலித்  மக்கள் சிலர் இதைத் தவறாக பிரயோகித்தாலும் கூட. ஏனெனில், பல்லாயிரம் ஆண்டுகளாக தலித் மக்கள் அடைந்த அவமானங்களுக்கு, நமது முன்னோரின் தவறுகளுக்கு அது ஒரு வகையில் பிராயச்சித்தம் மட்டுமே.

.

செய்தி ஆதாரங்கள்:

கண்டதேவி கோவில் தேரோட்டம் (ஒன்  இந்தியா செய்தி – 12.07.2003)

தேர்களை சீர் செய்து தேரோட்டம் நடத்தவேண்டும்: ராம.கோபாலன்  (தினத்தந்தி- 12.09.2012)

வன்கொடுமை தடுப்பு சட்டம் தேவையா? சாவித்திரி கண்ணன் கட்டுரை

 

(தொடரும்)

உத்தப்புரம் சாதிப் பிரச்சினை தீர்வு – ஒரு நேரடி அனுபவம்

மதுரை மாவட்டம் எழுமலைக்கு அருகில் உள்ளது உத்தப்புரம் கிராமம். எழுமலை இதன் தாய்கிராமம். 18 பட்டி கிராமங்களுக்கும் எழுமலை தாய்கிராமம்.

உத்தப்புரத்தில் பிள்ளைமார்கள், அரிசனங்கள், முத்தரையர்கள் மற்றும் சில ஜாதியினரும் வசித்து வருகிறார்கள். உத்தப்புரம் கிராமத்தில் அருள்மிகு முத்தாலம்மன் – மாரியம்மன் கோயில் வளாகத்தில் உள்ள அரசமரம் யாருக்குச் சொந்தம் என்பதில் இருதரப்பினருக்கும் இடையே நீண்டகாலமாகத் தகராறு இருந்தது.

இது குறித்து 1989, 1990-ல் ஏற்பட்ட மோதல் மற்றும் கலவரத்தில் 6 பேர் பலியாயினர். பின்னர் எழுமலையில் வைத்து இரு சமுதாயப் பெரியோர்களும் முன்னாள் MLA தவமணித்தேவர் (ஃபார்வர்டு பிளாக்) எழுமலை பண்ணையார் S.A.நடராஜன் மற்றும் ஊர்ப் பெரியோர்கள் முன்னிலையில் வைத்து அமைதியான சூழ்நிலை நிலவப்  பேச்சுவார்த்தை நடத்தினர். இதில் இரு சமுதாயத்தினரிடையே சமாதான உடன்படிக்கை ஏற்பட்டது.

இரு தரப்பிலும் வன்முறை, கொள்ளை, தகராறு ஏற்படாத வண்ணம் பாதுகாப்புடன் வாழத்  ‘தடுப்புச்சுவர்’ இருதரப்பினர் சம்மதத்துடன் கட்டப்பட்டது. அரசமரம், முத்தாலம்மன் கோயில் பிள்ளைமார்களுக்கு உரியது என்பது அனைவருக்கும் தெரியும்.

இதற்கு இருதரப்பிலும் கடுமையான விரதம் இருந்து அரசமர வழிபாடு, முத்தாலம்மன் கோயில் வழிபாடு சம்பந்தமாகச் ‘சத்தியம்’ செய்து கொண்டனர். அதிலிருந்து இருதரப்பினருக்கும் தண்ணீர், உணவு என்று எந்தப் புழக்கமும் கிடையாது.

இந்த நிலையில் தான் தாழ்த்தப்பட்டவர்களால் ஓரங்கட்டப்பட்ட மா.கம்யூ கட்சி தங்களை அரசியல் ரீதியாக வளர்த்துக்கொள்வதற்காக உத்தப்புரம் பிரச்சினையை ஊதிப்பெரிதாக்கினர்.

இரு தரப்பினரும் ஒத்துக்கொண்டு கட்டிய தடுப்புச் சுவருக்கு ‘தீண்டாமைச் சுவர்’ என்று பெயரிட்டு, ‘இதில் மின்சார வேலி அமைக்கப்பட்டுள்ளது, இதில் உயிர்பலி உண்டாகும், அரிசனங்களை மேல்சாதிப் பிள்ளைமார் நசுக்குகிறார்கள்’ என்று பேசி அமைதியைக் குலைத்தனர்.அமைதியை விரும்பாத சில ஆங்கிலப் பத்திரிகைகள், மீடியாக்களும் முயற்சி செய்தன.

‘தீண்டாமைச் சுவர்’ என்று பெயரிடப்பட்ட சுவரை இடிக்க வேண்டும் என்று கம்யூ. பிரகாஷ் காரத் டெல்லியிருந்து உத்தப்புரம் வந்தார். உத்தப்புரம் வந்தவர் அரிசன மக்கள் வாழும் பகுதி மக்களை சந்தித்துவிட்டு பிள்ளைமார் சமுதாயத்தைச் சேர்ந்த யாரையும் சந்தித்துப் பேசாதது மா.கம்யூ கட்சி இப்பிரச்சினையில் குளிர்காய நினைத்ததை தெள்ளத் தெளிவாக்கியது.

முந்தைய திமுக அரசால் தீண்டாமைச் சுவர் என்று பெயரிடப்பட்ட சுவரின் ஒரு பகுதி இடிக்கப்பட்டது.  இந்த அரசு தங்களுக்கு விரோதமாக செயல்படுவதாகக் கண்டித்து ‘பிள்ளைமார்கள்’ ஊரைக் காலி செய்து விட்டுக் குடும்பத்துடன் ‘தாழையூத்து’ மலையில் சென்று தஞ்சமடைந்தனர். ரேசன் கார்டுகளை அரசிடம் ஒப்படைத்தனர். பின்னர் புதிய நீதிக்கட்சி தலைவர் ஏசி. சண்முகம் பிள்ளைமார் தரப்பில் பேச்சுவார்த்தை நடத்தி ஊருக்கு அழைத்து வந்தார். திமுக அரசு கொடுத்த உறுதிமொழியை கிடப்பில் போட்டது. உத்தப்புரத்தை ‘உத்தமபுரமாக’ மாறும் என்று வாய்ஜாலம் காட்டி கருணாநிதி சட்டசபையில் பேசினார்.

உத்தப்புரத்திற்குப் பார்வையிட வந்த பாஜ தலைவர்கள், ஃபார்வர்டு பிளாக், இ.கம்யூ. தா.பாண்டியன், இந்து இயக்க பிரமுகர்கள் இருதரப்பினரையும் சந்தித்துக்  குறைகளை கேட்டனர்.

இந்நிலையில் பிள்ளைமார்கள் முத்தாலம்மன் மாரியம்மன் கோயில் கும்பாபிஷேகம் நடத்திட முயற்சி செய்கையில் அரிசனங்கள் எதிர்ப்புத் தெரிவிக்க,  கோயிலுக்கு ஜனவரியில் பூட்டு போடப்பட்டது. 144 தடை உத்தரவும் அமுல்படுத்தப்பட்டது.

பின்னர் கோயில் பூட்டப்பட்ட  நிலையில் மா.கம்யூ, தீண்டாமை ஒழிப்பு முன்னணியினர் ஆலயப்பிரவேசம் செய்யப் போவதாக அறிவித்து ஒரு அரசியல் கூத்து நடத்தி நாடகமாடினர். பின்னர் கைது செய்யப்பட்டனர்.

கடந்த மாதம் இம்மானுவேல் சேகரன் குருபூஜைக்கு அரிசனப் பகுதி இளைஞர்கள் பேனர் வைக்கவும் கல்வீச்சு சம்பவம் நடந்தது.

இதில் இரு தரப்பிலும் பெண்கள், இளைஞர்கள் மீது வழக்குப் பதிவு செய்து சிறையில் அடைத்தனர். பின்னர் அவர்கள் நிபந்தனை ஜாமீனில் வெளிவந்தவர்கள் மதுரையில் தங்கிக் கையெழுத்திட்டனர்.

அப்போது திரு.கே.ஆதிமூலம் (ஆவின் முன்னாள் பொது மேலாளர்) அவர்கள் உத்தப்புரம் அரிசன மக்களுக்கு உதவிகள் செய்தார். இவருடைய தந்தைக்கு உத்தப்புரத்தில் உறவுகள் உண்டு. நல்லதும் செய்திருக்கிறார். அவர் உத்தப்புரம் அரிசன தலைவர்கள் திரு.கே.பொன்னையா, திரு.சங்கரலிங்கம் போன்றவர்களிடம் எத்தனை நாளைக்கு இப்படி கலவரம், கோர்ட், கேஸ் என அலையப்போறீங்க, தாய்மார்கள் இவ்வளவு கஷ்டப்படணுமா? நிம்மதியாக வாழ வேணாமா? என்று பேசி ஏதாவது சமாதானமா வாழ நீங்க ஒத்துழைச்சா என்ன? என்று கேட்டுள்ளார். அவர்களும் இதைத்தான் நாங்களும் விரும்புகிறோம் என்ற போது திரு.ஆதிமூலம் அரசியல் கட்சி (கம்யூ.கட்சி) தலையீடு இல்லாமல் இருந்தால் எனது நண்பர் – சின்மயா சோமசுந்தரம் (வி.எச்.பி – மதுரை மாவட்ட பொறுப்பாளர்) இவர் மூலம் பிள்ளைமார் தரப்பில் பேசி சமாதான முயற்சியில் ஈடுபடலாம் என்றுள்ளார். திரு.பொன்னையா மா.கம்யூ கட்சியினரிடம் பேசியபோது கட்சி தலையிடாது. சமாதான முயற்சிக்கு முயற்சி செய்யுங்கள் என்று சொல்லி உள்ளனர்.

K.ஆதிமூலம், சின்மயா சோமசுந்தரம் ஆகிய இருவரும் உத்தப்புரம் பிரச்சினைக்கு சுமூகத் தீர்வு காண முயற்சிக்கிறார்கள் என்பதை மாவட்ட S.P, A.D.S.P. அறிந்து இவர்களின் முயற்சிக்கு உதவி செய்வதாக உறுதியளித்துள்ளனர்.

மாவட்டக் காவல்துறை பிள்ளை, அரிசன சமூகத் தலைவர்களை அழைத்துப் பேசி சில சமாதான உடன்படிக்கை ஏற்பட்டது. அரிசனங்களிடம் எங்களுக்குத் தீண்டாமை என்பது கிடையாது. ஒற்றுமையாகத்தான் வாழ்கிறோம். அரிசனங்கள் சாமி தரிசனம் செய்வதை வரவேற்கிறோம். மேலும் கோயிலுக்கு பட்டா கொடுத்தல், சாக்கடை வசதி, பஸ் நிழற் குடை போன்றவை சம்பந்தமாகவும் உடன்படிக்கை கையெழுத்து ஆனது.

பின்னர் திரு.ஆதிமூலம், திரு சின்மயா சோமசுந்தரம் ஆகியோர் 8-11-2011 அன்று வந்து எழுமலை பண்ணையார் S.A.நடராஜதேவர், பொன்.கருணாநிதி ஆகியோரிடம் கலந்து பேசி உத்தப்புரத்தில் அமைதி திரும்பிட நீங்கள் எங்களோடு வரவேண்டும் என்று கோரிக்கை வைத்தபோது, அவர்கள் ஏற்றுக் கொண்டனர்.

9-ம் தேதி இரவு உத்தப்புரம் பிள்ளைமார் தரப்பினரைச் சந்திக்கச் சென்ற திரு.சின்மயா சோமசுந்தரம், திரு.ஆதிமூலம், திரு பொன்.கருணாநிதி, இராம.ரவிக்குமார் (இந்து முன்னணியின் முக்கியப் பிரமுகர், இந்து முன்னணியின் முன்னாள் முழு நேர ஊழியர்) உத்தப்புரம் பிரச்சினை, ஏற்படும் கஷ்டம், நிம்மதியற்ற வாழ்க்கை, காலச்சூழ்நிலை போன்ற பல விஷயங்களை எடுத்துக் கூறிய போது நமக்குள் தீண்டாமை இல்லை என்பதை வெளிக்காட்டும் விதமாக அரிசனங்கள் சாமி தரிசனம் செய்ய உதவ வேண்டும். நாம் விட்டுக் கொடுத்து நேசபாசத்தை வளர்க்கப் பாடுபட வேண்டும் என்று கோரிக்கை வைத்தனர். சால்வை, துண்டு அணிவித்து கௌரவித்து அனுப்பினர். பிள்ளைமார் தரப்பு இளைஞர்கள் பெரும்பாலும் ஒத்துழைப்புக் கொடுத்தனர்.

10-11-2011 அன்று காலையிலேயே வந்துவிட்ட திருஆதிமூலம், சின்மயா, பண்ணையார் நடராசன், பொன்.கருணாநிதி, A.D.S.P. மயில்வாகனன் பிள்ளைமார் தரப்பில் பேச்சுவார்த்தை நடத்தினர்.

சுமார் 12 மணி அளவில் அரசமரத்தில் ஆந்தை கத்தியது. இது நல்ல சகுனம். முத்தாலம்மன் அருளால் எல்லாம் நல்லபடியாக நடக்கும் என்றனர் பெரியோர்கள்.

மதியம் 3 மணிக்கு ஆலயத்திற்கு சென்று வழிபாடு நடத்தலாம் என முடிவானவுடன் மாவட்ட S.P. அஸ்ராகர்க், உத்தப்புரம் வந்தார்.

முத்தாலம்மன் கோயில் முன்பாக அரிசனங்களை வரவேற்க எழுமலை பண்ணையார் S.A.நடராசன், பொன்.கருணாநிதி, திருசேதுபிள்ளை, ராஜாமணிபிள்ளை மற்றும் இளைஞர்கள் பலரும் தயாராக இருக்க, திரு.ஆதிமூலம், சின்மயா, திரு.இராம.இரவிக்குமார், திரு.மு.பொன்னையா, சங்கரலிங்கம் உட்பட 11 ஆண்கள், 4 பெண்கள் பூஜை பொருட்களுடன் முத்தாலம்மன் ஆலயத்திற்கு ஊர்வலமாக வந்தனர். சரியாக 3.15க்கு முத்தாலம்மன் கோயில் முன்பாக வரவேற்புக் கொடுத்து S.A.நடராஜன், பொன்.கருணாநிதி ஆகியோர் கோயிலுக்குள் அழைத்துச் சென்றனர்.

முத்தாலம்மன் கோயில் பூசாரி பாண்டிமுருகன் சிறப்புப் பூஜை, தீபாராதனை காட்டினார். இந்தத் தீபாராதனை மரியாதை அரிசன மக்களுக்கு அளிக்கப்பட்டது. சாமி தரிசனம் முடித்து வெளிவந்தவர்கள் S.P, A.D.S.P. ஆகியோரைக் கௌரவித்து நன்றி தெரிவித்தனர்.

ஆலய நுழைவு நாளன்று உத்தப்புரம் வந்திருந்த திரு.அண்ணாதுரை (கம்யூ எம்எல்ஏ) தங்கராஜ் (மா.செயலர்) பொன்னுதாய் (மாதர்சங்கம்) மற்றும் சிலர் ஆலய வழிபாட்டில் பங்கேற்கவில்லை என்பது குறிப்பிடத்தக்கது. பின்னர் செய்தியாளர்களிடம் பேசிய கே.பொன்னையா இரு சமுதாயத்தினரும் நடத்திய பேச்சுவார்த்தையில் சுமூகத் தீர்ப்பு ஏற்பட்டது. கோயிலுக்குச் சென்று வழிபாடு செய்தபோது பெருவாரியான வரவேற்புக்  கொடுத்தனர். இது மகிழ்ச்சி அளிக்கிறது. இனிவரும் காலங்களில் வேற்றுமைகளை மறந்து ஒற்றுமையாக வாழ்வோம். முத்தாலம்மன் கோயில் கும்பாபிஷேகம் நடத்திட முழு ஒத்துழைப்புக் கொடுப்போம். அமைதியாக, மகிழ்ச்சியாக வாழ இரு சமுதாய மக்களும் வாழப்  பாடுபடுவோம் என்றார். மாவட்ட S.P. அஸ்ராகர்க் கூறுகையில் பல ஆண்டுகளாகத் தொடர்ந்து வந்த ஆலய நுழைவுப் பிரச்சினையின் தீர்வுக்கு  இரு சமூகப்  பெரியோர்கள் அளித்த ஒத்துழைப்பே காரணம். தற்போது உத்தப்புரத்தில் முழு அமைதியும், மகிழ்ச்சியும் நிலவுகிறது. இது மக்களுக்குக் கிடைத்த வெற்றி என்றார்.

பண்ணையார் S.P.நடராஜன் கூறியதாவது, ஊரில் அமைதி ஏற்பட வேண்டும், தீண்டாமையை நாங்கள் ஆதரிக்கவில்லை என்பதன் வெளிப்பாடாக எங்களின் நேசபாசத்தை வெளிப்படுத்தி உள்ளோம். இதற்கான முயற்சியில் வெற்றிபெற்று உள்ளோம். தாழ்த்தப்பட்ட மக்களைக் கோயிலுக்குள் அழைத்துச் சென்றோம். தொடர்ந்து இணைந்து பணியாற்றுவோம். ‘இது முடிவல்ல, முடிவின் தொடக்கம்’ என்றார்.

‘இந்த ஊர் கலவரம் காரணமாக இரு தரப்பிலும் 2600 பேர் மீது வழக்கு தொடரப்பட்டுள்ளது. இது சம்பந்தமாக இரு தரப்பிலும் பேசி கோர்ட் மூலம் சமாதான முயற்சிகள் மேற்கொள்ளப்பட்டு வழக்குகள் வாபஸ் பெறப்படும். உத்தப்புரம் மக்களின் பாதுகாப்பு, நம்பிக்கையை வலுப்படுத்தும் வகையில் போலீசாரின் செயல்பாடுகள் இருக்கும்’ என்றார் எஸ்பி.

எது எப்படியோ! 70 ஆண்டுகளாகத் தீராத பிரச்சினை அரசியல் கட்சிகளின் தலையீடு இல்லாதிருந்ததாலும்,அரசு நடுநிலையோடு செயல்பட்டதாலும் இந்து ஆன்மீகப் பெரியோர்கள், அமைதியை விரும்பும் இளைஞர்களாலும் உத்தப்புரம் பிரச்சினைக்குத் தீர்வு ஏற்பட்டுள்ளது. கட்சிகளைக் கடந்து உறவுகளே வென்றது. அந்த முத்தாலம்மன் அருளாலும் இது நடந்தது.

தமிழக அரசு இரு தரப்பு மக்களுக்கும் பாரபட்சமின்றி உரிய நிவாரணம் கிடைத்திட வழிவகை செய்ய வேண்டும். மாவட்ட காவல்துறை எடுக்கும் நடவடிக்கைகளுக்கு மாவட்ட வருவாய்த்துறை, மாவட்ட நிர்வாகம் ஆகியவை பூரண ஒத்துழைப்பு நல்கிட முதலமைச்சர் உத்தரவிட வேண்டும். அப்படி நடந்தால் உத்தப்புரம் உண்மையில் உத்தமபுரமாக மாறி ஒரு முன்மாதிரியான கிராமமாக மாறிவிடும் என்பதில் எள்ளளவும் சந்தேகமில்லை.

குறிப்பு :
18 பட்டி கிராம மக்களால் வழிபாடு நடத்தப்படும் முத்தாலம்மன் சாமி தாய் கிராமமான எழுமலையில் திருவிழா நடத்தப்படும்போது விழாக்கோலம் பூண்டிருக்கும்.

‘முத்தாலம்மன்’ பறையர்களின் தெய்வம்.

வழிபாட்டு உரிமை – கம்பளத்து நாயக்கர்

மற்ற ஜாதியினர் திருவிழா கொண்டாடுவது எழுமலையில் இன்றும் தொடர்கிறது.

திருவிழா கொண்டாட ‘சாமி சாட்டுதல்’ (நாள் குறித்து சொல்வது) பறையர் சமுதாயத்தை சார்ந்த பெரியோர்கள். முதல் மரியாதை பெரிய வீட்டு நாயக்கருக்கு.

உத்தப்புரம் பஞ்சாயத்து தலைவராக பதவியேற்ற ஆடிட்டர் முருகேசன் அவர்களின் மனைவி திருமதி.கலாவள்ளி பதவியேற்பு விழாவில் பங்கேற்ற அரிசன தலைவர் திரு.பொன்னையா அவருக்கு ஆடிட்டர் முருகேசன், எஸ்ஏ.நடராஜன், பொன்.கருணாநிதி, பெரியவீட்டு நாயக்கர் மற்றும் ஊர் பெரியோர்கள் சால்வை அணிவித்து கௌரவப்படுத்தினர்.

திருமதி கலாவள்ளி அவர்கள் விபத்தில் சிக்கி கோவையில் சிகிச்சை பெற்று வருகிறார். அவருக்கு தேவையான பி பாசிடிவ் ரத்தவகை கிடைத்திட எஸ்பி அஸ்ராகர்க் ஏற்பாடு செய்தார். அரிசன தலைவர்கள் சங்கரலிங்கம், பொன்னையா ஆகியோர் நலம் விசாரிக்க கோவை சென்று வந்தனர்.

அரசு சமாதான முயற்சிக்கு பாடுபட்ட பெரியோர்களுக்கு சமூக நல்லிணக்க விருது கொடுத்து கௌரவிக்க வேண்டும்.