சுதேசி விழிப்புணர்வு பாதயாத்திரை

சுதேசி விழிப்புணர்வு இயக்கத்திலிருந்து நமக்கு வந்த செய்தியை வாசகர்களுடன் பகிர்ந்து கொள்கிறோம்.

This is without a doubt one the most beneficial medicines for clomiphene for sale treatment and infertility. Atarax was detected in 1 h to reach the prednisone 5mg cost peak, and the auc of atarax in plasma increased with the addition of atarax hidroxizina (10 mg/kg) gradually reached a maximal. In both situations the body's immune system overreacts, making antibodies that do no good.

It is the equivalent of two days in a hospital setting and a lot of money for the amount of time that you’re out of your bed. This https://keranova.fr/sab/ralph-chu/ will only help you if you are already experiencing the symptoms. And prevent the diseases of the scalp, and as a lotion for softing and.

These symptoms can often be present with a variety of infections which cause fatigue, joint pain, muscle pain and even anemia. It can also be helpful to talk with your doctor if you experience symptoms of depression or suicidal thoughts while https://12marathons.com/laravel/_ignition/health-check/ you are taking these medications. The free software foundation's gnu hurd, with the latest version(s) of every gnu software project listed in.

இந்த இயக்கத்தைச் சேர்ந்த இராம. நம்பி நாராயணன் அவர்கள் இது தொடர்பாக அளித்த நேர்காணல் இங்கே.

*******

அன்புக்குரிய தேசபக்தர்களுக்கு,

இனிய வணக்கங்கள்.

சுதேசி விழிப்புணர்வு இயக்கம், இந்திய நாட்டை உலக அரங்கில் உன்னத நிலைக்கு இட்டுச் செல்லும் பல்வேறு முயற்சிகளில் ஈடுபட்டு வரும் ஓர் அகில பாரத அமைப்பு என்பதை அறிவீர்கள்.

கடந்த சில மாதங்களாக, மத்திய, மாநில அரசுகளின் கொள்கைகள், திட்டங்கள் ஆகியவை நாம் பாடுபட்டு பெற்ற சுதந்திரத்தை இழக்கும் வகையிலும், நமது அடிப்படை வாழ்வாதரங்களை அந்நிய நிறுவனங்களுக்கும், அரசுகளுக்கும் தாரை வார்க்கும் வகையிலும் இருந்து வருகின்றன என்பது கண்கூடு. இந்த பிரசினையை மையப் படுத்தி சுதேசி விழிப்புணர்வு இயக்கத்தின் சார்பாக ஒரு விழிப்புணர்வு பாத யாத்திரை மேற்கொள்ளப் படுகிறது.

மூன்று முக்கிய குறிக்கோள்களைக் கொண்டதாக யாத்திரை அமையும்.

1) சில்லறை வர்த்தகத்தில் நேரடி அந்நிய மூதலீடு என்ற ஆபத்திலிருந்து நமது வர்த்தகத்தக் காப்பாற்ற..
2) முழுமையாக அந்நியரின் கைகளுக்குள் சென்று கொண்டிருக்கும் நமது விவசாயத்தை மீட்டெடுக்க…
3) வெளிநாட்டு வங்கிகளில் உள்ள இந்திய கருப்புப் பணத்தை திருப்பிக் கொண்டுவர…

சுதேசி விழிப்புணர்வு இயக்கம்- பாத யாத்திரை ஏன்?

– சேக்கிழான் கட்டுரை

இந்த சுதேசி விழிப்புணர்வு யாத்திரை மார்ச், 5, 2012 அன்று கோயம்புத்தூரில் தொடங்கி, திருப்பூர், ஈரோடு, சேலம், நாமக்கல், கரூர், குளித்தலை, திருச்சி, விழுப்புரம், திருவண்ணாமலை, வேலூர், காஞ்சிபுரம், தாம்பரம் வழியாக ஏப்ரல், 5, 2012 அன்று சென்னையை வந்தடையும். விரிவான விவரம் கீழே தரப்பட்டுள்ளது.

யாத்திரை நோக்கத்தின் முக்கியத்துவம் கருதி, அந்தந்தப் பகுதிகளில் உள்ள தேசபக்தர்க அன்பர்கள், விவசாயிகள் வர்த்தகர்கள் சிறு உற்பத்தியாளர்கள் உறவினர்கள் நண்பர்கள் ஆகியோரை அழைத்து கொண்டு வந்து, அதிக அளவில் பங்கேற்க வேண்டும் என அன்புடன் கேட்டுக் கொள்கிறோம்.

யாத்திரை வழித்தட விவரம்

தேதி

தொடக்கம்

நிறைவு

கிலோமீட்டர்

பொதுக்கூட்டம் / இரவு தங்கல்

05.03.12

கோயம்புத்தூர்

நகரினுள்

20

1

06.03.12

கோயம்புத்தூர்

சூலூர்

23

07.03.12

சூலூர்

பல்லடம்

21

08.03.12

பல்லடம்

திருப்பூர்

17

2

09.03.12

திருப்பூர்

நகரினுள்

20

10.03.12

மக்கள் கருத்துக் கேட்பு, காரில் பெருந்துறை பயணம் (101 கி.மீ)

11.03.12

பெருந்துறை

ஈரோடு

18

12.03.12

ஈரோடு

நகரினுள்

20

3

13.03.12

ஈரோடு

திருச்செங்கோடு

21

அட்டயம்பட்டி பயணம் காரில்

14.03.12

அட்டயம்பட்டி

சேலம்

22

15.03.12

சேலம்

நகரினுள்

20

4 (ராசிபுரம் பயணம் காரில்)

16.03.12

ராசிபுரம்

நாமக்கல்

32 (கார் & பாதயாத்திரை)

17.03.12

நாமக்கல்

பரமாத்தி

18

18.03.12

பரமாத்தி

கரூர்

32 (கார் & பாதயாத்திரை)

19.03.12

கரூர்

நகரினுள்

20

20.03.12

கரூர்

குளித்தலை

40 (கார் & பாதயாத்திரை)

21.03.12

குளித்தலை

திருபராய்த்துறை

20

22.03.12

மக்கள் கருத்துக் கேட்பு, திருச்சி பயணம் (10 கி.மீ)

23.03.12

திருச்சி

நகரினுள்

20

5 (விழுப்புரம் பயணம் காரில்)

24.03.12

விழுப்புரம்

திருக்கோவிலூர்

39 (கார் & பாதயாத்திரை)

25.03.12

திருக்கோவிலூர்

திருவண்ணாமலை

36 (கார் & பாதயாத்திரை)

26.03.12

திருவண்ணாமலை

போளூர்

35 (கார் & பாதயாத்திரை)

27.03.12

போளூர்

ஆரணி

25

28.03.12

ஆரணி

வேலூர்

25

6

29.03.12

வேலூர்

ராணிப்பேட்டை

25

காஞ்சிபுரம் பயணம் காரில்

30.03.12

காஞ்சிபுரம்

நகரினுள்

20

7

31.03.12

மக்கள் கருத்துக் கேட்பு, ஸ்ரீபெரும்புதூர் பயணம் (33 கி.மீ)

01.04.12

ஸ்ரீபெரும்புதூர்

பூந்தமல்லி

24

02.04.12

பூந்தமல்லி

தாம்பரம்

19

8

03.04.12

மக்கள் கருத்துக் கேட்பு, சென்னை பயணம் (20 கி.மீ)

04.04.12

சென்னை

நகரினுள்

20

05.04.12

சென்னை

நிறைவு விழா

 

சுதேசி பொருளாதாரம் – ஒரு நேர்காணல்

அகில பாரத அமைப்பான சுதேசி விழிப்புணர்வு இயக்கத்தின் (சுதேசி ஜாக்ரன் மஞ்ச்) சார்பாக மாபெரும் பாதயாத்திரை ஒன்று வரும் மார்ச் மாதம் முதல் வாரம் கோயம்புத்தூரில் துவங்கி ஏப்ரல் மாதம் சென்னையில் முடிவடையுமாறு நிகழ உள்ளது. இச்சமயத்தில் இந்த இயக்கத்தின் மாநில அமைப்புச் செயலாளரும், யாத்திரைக் குழு ஒருங்கிணைப்பாளருமான திரு. இராம. நம்பி நாராயணன் அவர்களை கண்டு உரையாடினோம். சுதேசி விழிப்புணர்வு இயக்கம் நடத்தும் பாதயாத்திரை பற்றி மட்டும் அல்லாது சுதேசிப் பொருளாதாரம், கம்யூனிசம், ஹிந்துத்துவம் என்று பல சுவாரசியமான தகவல்களை இக்கட்டுரையில் தருகிறோம்.

சுதேசி ஜாக்ரன் மஞ்ச் இயக்கத்தின் குறிக்கோள் பற்றி சிறிது விளக்கமாக சொல்லுங்களேன்?

1991 ல் புதிய பொருளாதார கொள்கை செயலாக்கத்திற்கு வந்த பொழுது அதனால் வரும் ஆபத்துகளை எதிர் நோக்க வேண்டும் என்ற நோக்கத்தில், சுதந்திர போராட்ட காலத்தில் இருந்த அதே சுதேசிய உணர்வை துண்ட வேண்டும் என்ற சிந்தனையில் சிறந்த சிந்தனைவாதியும் தேசபக்தருமான திரு தேங்கடி அவர்களினால் உருவாக்கப்பட்டது தான் சுதேசி விழிப்புணர்வு இயக்கம்.

1947 க்கு முன்பு நமது பொருளாதாரத்தை இங்கிலாந்து முடிவு செய்தது. 1947 க்கு பின் சுதந்திரம் பெற்று இருந்தாலும் கூட நமது ஆட்சி காலங்களில் சோஸலிச பித்தின் காரணமாக நமது பொருளாதாரத்தை ரஷ்யா முடிவு செய்ய நாம் அனுமதித்தோம். USSR என்ற ரஷ்யா 15 நாடுகளாக சிதறுண்ட பொழுது கூட நாம் நமது வேர்களை தேடாமல் மீண்டும் நமது பொருளாதாரத்தை முடிவு செய்யும் பணியை முதலாளித்துவ நாடுகளிடம் ஒப்படைத்து விட்டோம். ஆக இன்று வரை இந்திய பொருளாதாரத்தை இந்தியர்கள் முடிவு செய்யவில்லை. இந்த இழிவான நிலையை அகற்ற வேண்டும். நமது பொருளாதாரத்தை நாம் தான் முடிவு செய்ய வேண்டும் என்பது தான் சுதேசி விழிப்புணர்வு இயத்தின் முக்கியமான குறிக்கோள்.

இந்த விழிப்புணர்வு இயக்கத்தின் பணிகள் என்ன?

சுதேசி இயக்கம் மக்களிடையே சுதேசி விழிப்புணர்வை ஏற்படுத்தி வருகிறது. எல்லா துறைகளிலும் இந்தியர்கள் தங்கள் முத்திரையை பதிக்க வேண்டும் என்ற சிந்தனையை விதைத்து வருகிறது. இந்தியர்களால் உற்பத்தியில் உலகத்தோடு போட்டி போட முடியும் என்பதை ஆதாரத்தோடு எடுத்து காட்டி வருகிறது. இன்று இருக்கும் சூழலில் பொருளாதார முன்னேற்றம் என்றால் மேற்கத்திய நாடுகள் தான் என்ற அடிமை சிந்தனையை மாற்றி சுய தர்மம், சுய மரியாதை, சுய தொழில், சுய பாஷை, சுய ராஷ்ட்ரம், சுய ராஜ்யம் என்று சுய சார்ப்பான ஆறு கருத்துகளை மக்களிடையே எடுத்து செல்கிறது. இதற்கு அவசியம் என்ன என்று கேட்டால் சுதர்மத்தை எடுத்து செல்வதும் சுய மரியாதையை மீட்பதும் தான்.

சுதேசி என்ற கோட்பாடு ஒரு தனியான கோட்பாடு அல்ல. தனியான பொருளாதார கோட்பாடு அல்ல. சமூக பொருளாதார கோட்பாடு தான் சுதேசி. ஆகவே சமூகங்களிடையே ஒருங்கிணைப்பையும் செய்து வருகிறது. சுதேசி என்பது உற்பத்தியாளர் வியாபாரிகள் நுகர்வோர் மூவரும் இணக்கமாக பணி செய்தால் தான் வெற்றி பெறக் கூடிய கோட்பாடு. எனவே இந்த மூவரிடமும் ஒருவரை ஒருவர் புரிந்து செயலாற்ற தகுந்த களம் அமைத்து வருகிறது சுதேசி இயக்கம்.

தமிழ் நாட்டில், இந்தியாவில் உங்கள் இயக்கத்தினால் விளைந்த  நல்ல பலன்கள் என்ன?

1991 ல் புதிய பொருளாதார கொள்கை வந்த பொழுது இந்திய உற்பத்தியாளர்களிடம் எல்லாம் உங்களுக்கு உற்பத்தி தெரியாது உற்பத்தியை மேற்கத்திய நாடுகளிடம் விட்டு விடுங்கள். வியாபாரத்தை மற்றும் கவனியுங்கள் என்று மத்திய அரசாங்கமும் பல்வேறு தொழில் அமைப்புகளால் அமர்த்தப்பட்ட ’வழிக்காட்டும் குழுக்களும்’ கூறின. அப்படி அல்ல என்பதை இந்திய கம்பெனிகள் மூலம் நிருபிக்க வைத்த அமைப்பு சுதேசி இயக்கம். உதாரணமாக டாடா மோட்டாரை சொல்லலாம். இந்திய கடல்களில் ஆழ்கடல் மீன் பிடிப்புக்கு வெளி நாட்டு கம்பெனிகளுக்கு மத்திய அரசு அனுமதி அளித்த பொழுது இந்தியாவில் கல்கத்தாவில் தொடங்கி கொச்சி வரையிலும் குஜராத்தில் தொடங்கி கொச்சி வரையிலும் கப்பல் யாத்திரை நடத்தி அதன் மூலம் மிகப் பெரிய விழிப்புணர்வை ஏற்படுத்தி அதன் மூலம் மத்திய அரசின் இந்த திட்டத்தை முடக்கி அதனை ரத்து செய்ய வைத்தது சுதேசி விழிப்புணர்வு இயக்கத்தின் சாதானை.

என்ரான் என்ற கம்பெனி இந்தியாவிற்கு மின்சாரம் தயாரிக்கிறேன் என்ற வந்த பொழுது அதனை ஆதாரங்களுடன் எதிர்த்து உண்மையை மக்களுக்கு புரிய வைத்தது சுதேசி இயக்கம். தொடக்கத்தில் மத்திய மாநில அரசு இதை ஏற்று கொள்ளவில்லை. என்ராட் கம்பெனியே திவால் நோட்டிஸ் கொடுத்த பின்பு தான் மத்திய மாநில அரசுகளுக்கு சுதேசி விழிப்புணர்வு இயக்கதின் போராட்டத்திற்கான காரணம் புரிந்தது. அயோடின் உப்பு, பெரிய கம்பெனிகள் தீ பெட்டி தயாரிப்பு போன்றவற்றை எல்லாம் மாற்றி அமைத்து சிறு தொழில்களுக்கு பாதுகாப்பு ஏற்படுத்தியது சுதேசி இயக்கம் .இந்த பட்டியல் நீளும். அதற்கும் மேலாக இந்திய உற்பத்தியாளர்களிடம் நம்பிக்கை விதைக்க வேண்டும் என்ற நோக்கத்தில் பாரத நாட்டின் 80க்கும் மேற்பட்ட நகரங்களில் ” SWADASHI INDUSTRIAL FAIR ‘ என்ற பெயரில் சுதேசி தொழில் கண்காட்சிகள் நடத்தி வருகிறது.

தமிழகத்தில் 2001 பிப்ரவரி 6 முதல் 11 வரை கோவையில் நடைபெற்ற சுதேசி தொழிற் கண்காட்சி அப்பொழுது கோவை குண்டு வெடிப்பால் சோர்ந்து போயிருந்த கோவை தொழில் முனைவோர்களிடம் ஊக்கத்தையும் மறுமலர்ச்சியை ஏற்படுத்தியது என்பது இன்று வரை தொழில் முனைவோர்கள் சொல்லபடும் ஒன்று. தமிழகத்தில் சுதேசி இயக்கம் கல்வி நிறுவனங்கள் மற்றும் தொழிற் நிறுவனங்கள் இடையே இணைப்பை ஏற்படுத்தி கல்வி நிறுவனங்கள் மூலம் தொழிற் நிறுவனங்களுக்கான ஆய்வுகளை மேற் கொண்டு பிரச்சனைகளுக்கு தீர்வு வழங்கி வருகிறது. இதனால் அதிக அளவில் கல்வி நிறுவனங்களும் சிறு தொழிற் நிறுவனங்களும் சுதேசி இயக்கத்தோடு தங்களை இணைத்து கொண்டு உள்ளன. சுதேசி இயக்கம் நடத்தும் சுதேசி செய்தி என்ற மாதந்திர பத்திரிக்கை இவர்களிடையே நல்ல வரவேற்பை பெற்று இருக்கிறது.

இப்போதைய பாதயாத்திரை எதற்காக?

சுதேசி இயக்கம் ஒரு பாத யாத்திரையை நடத்த திட்டமிடப்பட்டு உள்ளது. இந்த பாத யாத்திரை எதற்காக வென்றால்

  1. பன்முக சில்லரை வர்த்தகத்தில் 51% அன்னிய முதலீட்டை அனுமதிக்கும் மத்திய அரசின் கொள்கை முடிவை முற்றிலுமாக திரும்ப பெற வேண்டும்
  2. பல்வேறு திட்டங்கள் மற்றும் மசோதாக்கள் மூலமாக பாரத நாட்டின் விவசாயத்தை அன்னிய நாட்டு கம்பெனிகளுக்கு விற்கும் தனது மேற்கத்திய சார்பு விவசாய கொள்கைகளை கை விட வேண்டும்.
  3. வெளி நாடுகளில் இருப்பதாக கணக்கிடப்படும் 70 இலட்சம் கோடி கருப்பு பணத்தை மீண்டும் இந்தியாவுக்கு கொண்டு வர வேண்டும்.

அது மட்டும் அல்லாது மத்திய அரசு கொண்டு வர முனைந்து இருக்கும் அனைத்து சட்டங்கள் பற்றிய விழிப்புணர்வு பிரச்சாரமும் யாத்திரையில் மேற்கொள்ளபடும்.

குறிப்பாக இது விஷயமாக அதிக அளவில் ஊடங்களால் விவாதிக்கப்பட்டதால் இந்த நேர்காணலில் அவை பற்றி எதுவும் குறிப்பிட நான் விரும்பவில்லை. குறிப்பாக ஒபாமா போன்றவர்கள், “இந்தியாவின் கல்வி சிறந்து இருக்கிறது. நாம் சோம்பேறிகளாக இருந்தால் நமது குழந்தைகளின் எதிர் காலம் பறி கொடுக்க நேரிடும்” என்று சொல்லிவரும் வேளையில், நமது மத்திய கல்வி அமைச்சர் நமது கல்வி நிலையங்களை வெளி நாடுகளுக்கு விற்க வகை செய்யும் வகையில் சட்டம் கொண்டு வர முயற்சி செய்கிறார்.

வெளி நாட்டு கம்பெனிகள் தங்கள் சரக்குகளை இந்தியாவில் எளிதாக எல்லா பகுதிகளிலும் கொண்டு செல்லும் வகையில் சாலை மற்றும் போக்குவரத்து விதிகளில் சட்ட திருத்தம் கொண்டு வர முயற்சி செய்கிறார்கள்.

விவசாயத்தில் பல்வேறு சட்ட மசோதாக்கள், வரி விதிப்பில் பல்வேறு சட்ட மசோதக்கள், கல்வி துறையில் பல்வேறு சட்ட மசோதாக்கள் மட்டும் இல்லாமல் இந்திய இறையாண்மைக்கு கேடு விளைவிக்கும் வகையில் மத வன்முறை தடுப்பு சட்டம் என்ற பெயரில் மத வன்முறையை துண்ட கூடிய சட்ட மசோதக்களை மத்திய அரசாங்கம் கொண்டு வருவது இந்தியாவை யாரோ ஒரு சிலருக்கு அடமானமாக வைக்க கொண்டு வரப்படும் சட்ட மசோதாக்களாக சுதேசி இயக்கம் பார்க்கிறது.

  • Bio Technology Regulatory Authoritative Bill
  • Mines and Mineral Bill
  • Seed Bill 2010 (modified)
  • Goods and Service tax amendment Bill
  • Pension fund regulatory and authority Bill
  • Land acquisition Rehabilitation and Resettlement Bill
  • Foreign University Bill

ஆகிய மசோதாக்கள் பற்றியும், உணவுப் பாதுகாப்பு மற்றும் தரக்கட்டுப்பாடு சட்டம், ( Food safety and Standard act ) தேசிய நீர் கொள்கை ( National Water policy ) ஆகியன பற்றியும் யாத்திரையில் விழிப்புணர்வு ஏற்படுத்தப் படும்.

இந்த மசோதாக்களை எதிர்த்து இந்த பிரச்சாரம் செய்யபடுகிறது. யாத்திரையின் நோக்கம் இதோடு நின்று விடவில்லை. பிரச்சாரத்திலேயே ஒரு ஆய்வு குழுவும் செல்கிறது. பிரச்சாரம் செல்லும் பகுதிகளில் உள்ள இடங்களில் பாரம்பரிய வளங்கள் மற்றும் தொழில் நுட்பங்களை பற்றிய தகவல்களையும் சேகரிக்கிறது.

கம்யூனிஸ்ட்டுகளின் விதேசி எதிர்ப்புக்கும் சுதேசிகளின் எதிர்ப்புக்கும் என்ன வித்தியாசம்?

கம்யூனிஸ்டுகள் தனது மைய புள்ளியை வேறு தேசத்தில் வைத்து ஒரு வட்டத்தை வரைகிறது. இவ்வாறு வரையப்படும் வட்டம் இந்தியாவின் பல பகுதிகளை வெட்டுகிறது. ஆனால் சுதேசி இயக்கம் தனது வட்டத்தை இந்தியாவை மைய புள்ளியாக கொண்டு வரைகிறது. கம்யூனிஸ்டுகளின் கொள்கை அனைத்தும் பாரம்பரிய எதிர்ப்பாகவும் இயற்கையோடு இணைந்த மண்ணின் மணம் கூடிய தொழில் நுட்ப விசயங்களை புறம் தள்ளி விட்டு குடும்ப வாழ்வியல் ஊழியங்களை உடைப்பதாகவும் தான் இருக்கிறது. சமுதாயத்தனிடையே வர்க்க பேதங்களை உருவாக்கி அமைதிக்கு பதிலாக அமைதியின்மையை தோற்றுவிக்கிறது. முதலாளித்துவ பொருளாதார கட்டமைப்பாலும் சரி கம்யூனிஸ பொருளாதார கட்டமைப்பாலும் சரி இங்கே இருக்க கூடிய பாரம்பரிய இயற்கையை ஒட்டிய தொழில் நுட்பத்தை ஞானத்தை அழித்து விட்டு மக்களுக்கு எந்த நன்மையையும் கொடுக்க இயலாது.

இந்த நாட்டில் இருக்க கூடிய பாரம்பரிய தொழில் அறிவையும் அந்தந்த பகுதிகளின் வாழ்வாதாரத்தை பாதுகாக்கும் வகையிலும் அமைந்துள்ள தொழில் நுட்பங்களை பாதுகாத்து அதை வெளி கொண்டு வரும் பணியை சுதேசி இயக்கம் செய்து வருகிறது. கம்யூனிஸ வரலாறே அழிப்பது தான். இதன் காரணமாக சோவியத் ரஷ்யா 15 நாடுகளாக சிதறுண்டு போனது. கம்யூனிஸம் என்ற பெயரில் ஆட்சிக்கு வந்த சீனா தனது பாரம்பரிய செல்வங்களை எல்லாம் அழித்து விட்டு இன்று பரிதாபமாக முதலாளித்துவத்தை நோக்கி ஓடி கொண்டு இருக்கிறது. மியன்மார் என்று அழைக்கபடும் பர்மா வளர்ச்சி ஒன்றும் இல்லாமல் மோசமான நிலைக்கு தள்ளப்பட்டு உள்ளது. அழித்தல் கம்யூனிசம் என்றால் ஆக்கல் சுதேசி இயக்கமாக இருக்கும்.

கம்யூனிச முழக்கங்களில் மயங்கி அதன் பின் செல்லும் இளைஞர்களுக்கு நீங்கள் சொல்வது என்ன?

கம்யூனிஸம் ஒரு மாய மான் என்பது நிருபிக்கப்பட்டு உள்ளது. 90 களின் துவக்கத்தில் எந்தந்த கம்யூனிஸ்டு நாடுகள் கம்யூனிஸ நிலையை தூக்கி எறிந்து விட்டு தங்கள் இயல்புக்கு திரும்பின என்பது ஒரு பெரிய விவாதமாகவே இருந்தது. கம்யூனிஸ சிந்தாந்தை தூக்கி எறிந்த நாடுகள் ஏறாலம். இன்று முதாலிதுவத்தை எதிர்த்து போராடும் வால் ஸ்ட்ரீட் போராட்டத்தில் கூட சொஸ்லிசத்தின் குரலோ அல்லது கம்யூனிஸத்தின் குரலோ ஒலிக்கவில்லை. அவர்கள் எல்லாம் முதலாளித்துவத்திற்கு எதிராக இருக்கிறார்களே தவிர கம்யூனிஸத்திற்கு ஆதரவாக இல்லை. கம்யூனிஸம் இளைஞர்களை ஈர்க்க கூடியது என்பதில் மாற்று கருத்து இல்லை. ஆனால் அந்த சிந்தாந்தத்தின் வறட்சி பசுமை காலங்கள் மறைந்தவுடன் கண்ணுக்கு தெரிந்து விடும். இது தான் உலகத்தின் அனுபவம். இளைஞர்கள் குறிப்பாக தேசபக்தி கொண்ட இளைஞர்கள் சர்வ தேசியத்தின் பின் போகாமல் இந்திய தேசியத்தின் அதாவது சுதேசி இயக்கத்தோடு இணைந்து கொள்ள வேண்டும். இது தான் சரியான அணுமுறையாக இருக்கும்.

சுதேசி இயக்கத்துடன் கம்யூனிஸ்டுகளும் இணைந்து செயல்படுவது பற்றி?

நம்மை பொருத்த வரை ஒரு கொடையின் கீழ் உலகத்தை கொண்டு வர முயற்சிக்கும் எந்த ஒரு தத்துவமும் வெற்றி பெறாது. அது பொருளாதார தத்துவமாக இருந்தாலும் சரி மத அடிப்படையிலான தத்துவமாக இருந்தாலும் (கிறித்துவம், இஸ்லாம் முதலாளித்துவம் மற்றும் கம்யூனிசம்) ஒரு குடையின் கீழ் கொண்டு வரும் தத்துவங்கள் அனைத்தும் தோல்வி அடைந்து இருக்கின்றன என்பது தான் உண்மை. அந்தந்த பகுதிகளுக்கு என்று உள்ள சிறப்பு அதை சார்ந்த வாழ்க்கை முறை, பொருளாதாரம் என்பது கூட ஒரு தனிப்பட்ட விசயம் அல்ல. அது அந்த நாட்டின் சமூக கலாச்சாரத்தோடு இணைந்த ஒன்றாக தான் பொருளாதாரம் இருக்க முடியும். எனவே இந்த நாட்டின் கலாச்சாரத்தையும் வாழ்வியல் மூலியங்களையும் ஏற்று கொள்ளும் ஒருவர் கம்யூனிஸ்டுகளாக இருக்க முடியாது. அவ்வாறு இருந்தாலும் கூட சுதேசியுடன் இணைந்து போராடுவது தான் நாட்டுக்கு உகந்ததாக இருக்கும்.

நவீன யுகத்தில் சுதேசி கோட்பாடுகள் சாத்தியமா?

கண்டிப்பாக சாத்தியமே, நவீன யுகத்தில் சுதேசி என்பது ஒரு சர்வதேச கோட்பாடு (universal phenomena). ஒவ்வொரு நாடும் தனது சொந்த வளத்தில் சொந்த தொழில் நுட்பத்தில் சுய சார்போடு இருக்க தான் முயற்சி செய்யும். எந்த நாடும் தனது இறையாண்மையை அடுத்த நாட்டிற்கு அடமானம் வைக்காது. சர்வதேசம் பேசிய ரஷ்யா கூட உலக போரின் போது தேசியம் பேசி தான் தனது மக்களை இணைக்க முடிந்தது. ஆக தேசியம் இல்லாமல் சர்வ தேசியம் உருவாக முடியாது. ஆகவே எந்த யுகம் ஆனாலும் சுதேசி மட்டும் தான் எந்த நாட்டுக்கு ஆக்கபூர்வமான பொருளாதார கொள்கையாக இருக்க முடியும்.

நவீன காலத்தில் இந்துத்துவம் தரும் மாற்றுகள் என்ன?

உலக மதங்களுக்கு இல்லாத உலக வாழ்வியலுக்கு இல்லாத சிறப்பு இந்து துவ வாழ்வியல் முறைக்கு இருக்கிறது. குறிப்பாக இருபாலர் கடவுள் கொண்ட மதம் இந்து மதம். கடவுள்களையே குடும்பமாக பார்க்க கூடிய மதம் இந்து மதம். ஹிந்து தர்மத்தில் தான் மீனாட்சி கல்யாணம், ஸ்ரீனிவாஸ கல்யாணம், சீதா கல்யாணம், ராதா கல்யாணம், வள்ளி திருமணம் என்று இறைவனுக்கே திருமணம் செய்து வைக்கும் முறை உள்ளது. எனவே குடும்பம் தான் இந்த நாட்டுடைய பொருளாதாரத்தின் ஆணி வேர். குடும்பங்களின் சீரழிவால் தான் மேற்கத்திய நாடுகளும் கம்யூனிஸ நாடுகளும் மிக பெரிய பொருளாதார சீரழிவை சந்திக்க நேரிட்டது. அப்பேற்பட்ட குடும்பங்களை பாதுகாக்கும் ஹிந்து மதம் தான் இன்றைக்கு இருக்க கூடிய பொருளாதார வீழ்ச்சிக்கு தீர்வாக இருக்க முடியும். இதை நான் மாற்று என்று கூற வில்லை. இது தான் அடிப்படை. கடந்த சில காலமாக மேற்கத்திய தாக்கத்தால் அடிப்படையில் இருந்து மாறி வருகிறோம். நாம் அடிப்படையை நோக்கி தற்பொழுது திரும்ப வேண்டும். கேள்வி மாற்று என்று இருந்தாலும் கூட மாற்று என்று சொல்லாமல் அடிப்படைக்கு திரும்புகிறோம் என்று தான் சொல்ல வேண்டும்.

எனவே தான் சுதேசி இயக்கும் மாற்றத்தை எற்றிடும் பாரம்பரியம், பாரமரியத்தை கை விடாத மாற்றம், காலத்தால் அழியாத பாரதிய பாரம்பரியம் என்பதை அடிப்படை குறிக்கோளாக கொண்டு இயங்கி வருகிறது.

வளம்குன்றா வளர்ச்சி எனும் இந்துத்துவக் கோரிக்கை சாத்தியம் என்பதற்கு ஆதாரங்கள் உண்டா?

வளம் குன்றா வளர்ச்சி என்பதை ஆங்கிலத்தில் sustainable development என்று சொல்கிறார்கள். அதாவது இயற்கை அழிக்காமல் இயற்கையோடு ஒன்றி வாழ்வது தான் வளம் குன்றா வளர்ச்சி. ஹிந்து தர்மம அதை தான் போதிக்கிறது. இந்த நாட்டின் நாகரீகமும் கலாச்சாரமும் இயற்கையை ஒட்டி தான் வளர்ந்து வந்து இருக்கின்றன. இதுவே இந்துவத்தின் மைய கருத்து இதை கோரிக்கை என்று கருத முடியாது. இயற்கையோடு இணைந்த வாழ்க்கை முறையில் மட்டுமே வளம் குன்றா வளர்ச்சி சாத்தியம்.

சுதேசி பொருளாதாரம் என்றால் என்ன? அதை வைத்து மக்கள் செல்வ செழிப்பு அடைய முடியுமா?

NATRUE HAS GIVEN WEALTH TO EVERYBODYS NEED NOT GREED என்று ஆங்கிலத்தில் சொல்வார்கள். மக்களுக்கு தேவையான விசயத்தை சுதேசியால் கண்டிப்பாக கொடுக்க முடியும். ஆனால் பேராசைகாரர்களுக்கு தேவையானதை சுதேசியால் கொடுக்க முடியாது. இன்றைய பொருளாதாரம் என்பது பேராசைகாரர்களின் பொருளாதாரமாக மாறி இருக்கிறது. குறிப்பாக செலவு செய்வதை மையமாக பொருளாதாரம் (spending driven economy) என்பது மற்றும் செலிப்ரெடி பின்னாள் போகும் வாழ்வியல் என்பதும் பேராசைகாரர்களின் பொருளாதார குறியீடுகள். வாழ்வதற்கு தேவையான அனைத்து ஆதாரங்களையும் சுதேசியால் தர இயலும். ஆங்கிலத்திலே ஒரு பழமொழி உண்டு. Everybody would become rich if nobody wants to become rich. என்று சொல்வார்கள்.

“அளவுக்கு மீறி பணம் வைத்து இருந்தால் அவனும் திருடனும் ஒன்று “ என்று சொல்வார்கள். ஒவ்வொருவரும் அளவுக்கு மீறி பணம் வைத்து கொள்வதில்லை என்று முடிவு செய்தாலே செல்வ செழிப்பு பரவலாக்கப்பட்டு விடும்.சுதேசி அதை தான் சொல்கிறது.

காந்தியின் சுதேசி கொள்கையைத் தான்  இந்துத்துவர்களான நீங்கள் எடுத்து உங்களுடைய கொள்கை என்று கூறுகிறீர்கள் என்று கூறப் படுவது பற்றி ?

தாகூர் என்ற மாமனிதனுக்கு கீதாஞ்சலி என்ற படைப்புக்கு நோபல் பரிசு கிடைத்தது. அந்த கீதாஞ்சலியில்…

Where the mind is without fear and the head is held high
Where knowledge is free
Where the world has not been broken up into fragments
By narrow domestic walls
Where words come out from the depth of truth
Where tireless striving stretches its arms towards perfection
Where the clear stream of reason has not lost its way
Into the dreary desert sand of dead habit
Where the mind is led forward by thee
Into ever-widening thought and action
Into that heaven of freedom, my Father, let my country awake.

என்று கூறியுள்ளார். பாரத மண்ணில் பிறந்ததால் தான் ‘ where the knowledge is free’ என்று அவரால் எழுத முடிந்தது. நமது ரிஷிகளின் முனிகளின் சிந்தனை தாக்கம் என்பது மனத்தின் ஆழத்தில் இருந்த உண்மையில் (Where words come out from the depth of truth) இருந்து வந்தது. அவர்கள் அவற்றை எதையும் காப்புரிமை செய்யவில்லை. அவர்களே சொன்னதை தான் காந்தியும் சொன்னர். இந்திய ஞான மரபில் கருத்து செறிவு என்பது திருடப்படுவது அல்ல. வளங்கப்படுவது. முனிவர்கள் வழங்கியதை அவர்கள் பின் வந்த நவீன தலைவர்கள் வழங்கினர். அதை நாம் தற்பொழுது வழங்குகின்றோம். காந்தியிடம் இருந்து திருடி விட்டீர்களா என்று கேள்வியே மேற்கத்திய சிந்தனையின் தாக்கதால் எழுந்த கேள்வி என்று தான் நான் பார்க்கிறேன்.

மகாத்மா காந்தி அவர்கள் ஹிந்த் சுவராஜ் என்ற புத்தகம் எழுதியிறுக்கிறார். வரலாற்று ஆய்வாளர்கள் அவர் இலண்டன் சென்று மதன்லால் திங்கராவை சந்தித்து விட்டு ஆப்பிரிக்கா திரும்பும் போது, திங்கரா ஏற்பத்திய தாக்கதினால் தான் ஹிந்த் சுவராஜ் புத்தகத்தை எழுதியதாக கூறுகிறார்கள்.

தமிழ்ஹிந்து.காம் மகாத்மா காந்தி அவர்களின் ஹிந்த்சுவராஜ் புத்தகத்தை தனது வலைதளத்தில் வெளியிட வேண்டும் என்பது எனது கோரிக்கை. காந்தி அற்புதமாக நமது முன்னோர்கள் கற்பித்த பாரம்பரிய முறையை எப்படி காப்பாற்ற வேண்டும், இந்த நவீனதுவம் எந்த மாதிரியான கேடுகளை விளைவிக்கும் என்பதை பற்றி விரிவாக எடுத்து சொல்லி இருக்கிறார். ஆனால் அது அவர் கருத்து அல்ல. நமது முன்னோர்கள் சொன்னதை காந்தி சொல்கிறார். நமது முன்னோர்கள் சொன்னதை நாமும் சொல்கிறோம். இதை காந்தியோடும் இணைக்கலாம். அல்லது முன்னோர்களுடனும் இணைக்கலாம். கேட்பவரின் பார்வையை பொருத்தது.

அதே நேரத்தில் முக்கியமான ஒரு விசயத்தை இங்கு பதிவு செய்ய விரும்புகிறேன். ஹிந்து துவ இயக்கங்களுக்கும் காங்கிரஸ் கட்சிக்கும் என்ன வித்தியாசம் என்று கேட்டால் காந்தி சொன்ன கருத்துகளில் முஸ்லீம்களை தாஜா செய்வதை மட்டும் வைத்து கொண்டு மற்ற எல்லா விசயத்தையும் கைவிட்ட அமைப்பு காங்கிரஸ் கட்சி. மாறாக காந்தி சொன்ன கருத்துகளில் முஸ்லீம்களை தாஜா செய்வதை மட்டும் விட்டுவிட்டு மற்ற எல்லா கருத்துகளையும் ஏற்று கொண்டது இந்துதுவ இயக்கங்கள். ஆகவே காந்தியின் ஹிந்து சுவராஜ்யத்தை நேரு ஏற்று கொள்ளவில்லை. காங்கிரஸ் தலைவர்கள் ஏற்று கொள்ளவில்லை. காந்தி கிராம பொருளாதாரத்தை பற்றி விவாதிக்க தயாராக இருக்கிறேன் என்று சொன்ன பிறகும் கடைசி நாள் வரை நேரு தவிர்த்து கொண்டு தான் வந்து இருக்கிறார்.

ஆகவே தொடர்ந்து காங்கிரஸ் அரசுகள் காந்தியை ரூபாய் நோட்டில் மட்டும் அச்சடித்து வைத்து விட்டு அவரது கொள்கைகளை எல்லாம் குழி தோண்டி புதைத்து விட்டார்கள். இன்றைக்கு தேவை காந்திய பொருளாதார கொள்கை என்று சொல்லப்படும் நமது முன்னோர்களின் கொள்கை. அதில் நமக்கு மாற்று கருத்து இல்லை. அதை எந்த பெயரில் வேண்டுமானாலும் வைத்து கொள்ளலாம்.

ஸமத்வம் தழைக்கும் ஹிந்து ஸமூகக் கொண்டாட்டங்கள்

ஜலாசயங்களில் மராமத்து இல்லெங்கில் தேங்கி நிற்பதனால் ஜலம் மாசு படலாம். ஆனால் வற்றாத ஜீவ நதிகளில் நில்லாது ஓயாமல் ஓடிக்கொண்டிருக்கும் ஜலம் கழிவுகளைக் களைந்து தன்னைத்தானே சுத்திகரித்துக்கொள்ளும் தன்மையதாய் இருக்கிறது என சொல்லப்படுகிறது.

அது போல் ஒரு புஸ்தகம அதுவும் காலத்தினால் மாற்றப்படக்கூடாததான வாழ்க்கை முறைகளை விதிக்கும் புஸ்தகம் அறவே ஸஹிப்புத்தன்மையில்லாத போதும் கடவுள் என்று பயமுறுத்தும் ஒரு தத்வம் போன்ற கூண்டுகளில் அடைபடாது தன்னைத்தானே சுத்திகரித்துக்கொள்ளும் ஜீவநதியாய் நித்ய நூதனமாய் இருக்கிறது சிர புராதன ஹிந்து மதம்.

சைக்கிள் ஓட்ட அனுமதி மறுத்தல், குப்பையையை புஜிக்கச்செய்தது போன்ற ம்ருக துல்யமான க்ருத்யங்களைச் செய்த சில மனுஷ்யர்களை ஒரு புறம் கொண்டாலும் மறுபுறம் உயர்வு தாழ்வுகளை பேதிக்கும் பல மனுஷ்யர்களையும் கொண்டது நம் மதம். முன்னதை மறைக்கவேண்டி பின்னதை இயம்பவில்லை. பின்னதின் மூலம் ப்ரோத்ஸாஹமடைந்து முன் சொல்லப்பட்ட துஷ்க்ருத்யங்கள் களையப்படவேண்டி இதை எழுதுகிறேன்.

இந்த ஜீவநதியில் வந்து சேரும் உயர்வு தாழ்வு என்னும் கழிவுகளை இது பலவிதத்தில் கழித்துக்கொண்டே இருக்கிறது. இந்த மதத்தில் காலம் காலமாக கொண்டாடப்படுவதான மற்றும் மதத்தைக் கட்டிக் காப்பதில் அக்கறை உள்ள பெரியோர்களால் அவ்வப்போது உருவாக்கப்படும் (இக்கழிவுகளைக் களையெடுப்பதற்காகவே) விழாக்கள் மற்றும் தீர்த்த யாத்ரைகள் இந்தக்கழிவுகளை களைவதில் பெரும்பங்கு வகிக்கின்றன. ஜாதிகளின் உயர்வு தாழ்வுகள் பேதிக்கப்பட்டதாகவும் மற்றும் ஒருங்கிணைந்து ஒளிரும் ஹிந்து ஸமூஹத்தின் ஒரு முகமாகவும் பரிச்சயம் தெரிவிக்கும் இந்த கொண்டாட்டங்களில் கலந்து கொண்ட மற்றும் பார்த்து ரசித்த என் அனுபவங்கள் தக்ஷிண பாரதத்திலிருந்து உத்தர பாரதம் வரைக்குமாய் கீழே:-

படி பூசை பழனி பாத யாத்ரை

இந்த யாத்ரைக்குமுன் யாத்ரைக்கான சூழலை தெரிவித்தல் நன்று. மின்னம் பிறிதொரு இழையில் பகிர்ந்த விஷயத்தை கீழே தருகிறேன்.

“எமது பள்ளிப்பருவத்தில் ஸ்ரீமான்கள் சேலம் காங்க்ரஸ் த்யாகி கோபால ஐயர், பாலசுப்ரமணிய செட்டியார், சுப்பையா செட்டியார், வையாபுரி கவுண்டர் ( தயவு செய்து சாதி குறிப்பிடுகிறேன் என்று என்ன வேண்டாம்; அக்காலத்தில் இவ்வாறே அந்த சான்றோர் தம் பெயர் எழுதினர்) போன்ற சான்றோர்கள் தம் திருப்புகழ் சபை மூலம் ஊர்க்குழந்தைகளுக்கு திருப்புகழ் அமுதம் உட்டினர். அந்த சான்றோர் ஊட்டிய அமுதத்தில் இதயத்தில் அமிழ்ந்த சில துளிகளும் அவர்களோடு சேர்ந்து திரு செங்கோட்டு வேலவனின் படி பூசையில் கலந்ததாலும் அவர்கள் கையால் செங்கோட்டு வேலனின் திருநாமம் கலந்த பிரசாதம் உண்டதாலும் அவர்கள் இட்ட பிச்சையான திருப்புகழ் எங்கள் நாவில் இன்று மட்டும் உள்ளது.”

பசுமரத்தாணி போன்று எங்களுக்கு திருப்புகழ் அமுதமூட்டிய சான்றோர் புகட்டிய ஸம்ஸ்காரங்களில் சில படி பூசை மற்றும் பழனி பாத யாத்ரை. படி பூசை ஒரு நாள் வைபவம். பழனி பாத யாத்ரை மூன்றிலிருந்து ஐந்து நாட்கள் எடுக்கும் வைபவம். சபையிலே எங்களது மூன்றாந்தலைமுறை.

வட சென்னிமலை மற்றும் நாககிரியெனும் திருச்செங்கோடு போன்ற ஸ்தலங்களில் படிபூசை. இதிலே பெண்டு பிள்ளைகளுடன் குடும்பம் குடும்பமாக கலந்து கொள்வோம். மிகக்களிப்போடு உகப்போடு. காலை வேளையில் திருச்செங்கோடு சென்றதுமே படிபூசைக்கு வரும் மக்கள் அனைவரையும் அன்புடனும் பரிவுடனும் கூப்பிட்டழைத்து ( நீ என்ன ஜாதி என்றெல்லாம் கேழ்க்க மாட்டார்கள்) ஆதித்யம் செய்யும் கொங்கு வேளாளர்களின் சத்திரத்திற்கு சென்று நாஷ்டா எடுத்துக்கொண்டு திருப்புகழ் ஓதிய படியே படியேறுவோம். இந்த வைபவத்தில் ஜாதி ஒழிந்தது என்று சொல்லேன். பேதம் ஒழிந்தது என சொல்லலாம். தவறு நாவிலே திருப்புகழ் மனதிலே செங்கோட்டுவேலவன் கால்கள் படியேற கைகள் கரதாளம் போட பேதம் என்று ஒன்று இருந்ததாக நினைவில்லை. மலைமேல் சென்றதும் வேலவனின் அபிஷேகத்தின் போது “சீரான கோல கால நவமணி மாலாபிஷேகபார வெகுவித” என்ற திருப்புகழை வெகு விஸ்தாரமாகப் பாடி தூப தீப தரிசனங்கள் கண்டு ஆலயத்தின் வெளியே மண்டபம் வந்து சேருவோம். அங்கே அவரவர் வீடுகளிலிருந்து நைவேத்யம் செய்து கொணர்ந்த சர்க்கரைப்பொங்கல், புளிசாதம் மற்றும் தயிர் சாதம் ஒருவருடன் ஒருவர் பகிர்ந்து உண்போம் கிட்டத்தட்ட ஒரு குடும்பம் போல். பேச்செல்லாம் திருப்புகழ்.

பழனி யாத்திரை

திருப்புகழிலே ராமாயணம், பாரதம், பாகவதம், சைவம், வைஷ்ணவம், சாக்தம், வேதாந்தம், நீதி சாஸ்த்ரம், அத்வைதம் என பெரியோர் சொல்லச்சொல்ல பிளந்த வாய் மூடாது கேழ்ப்போம்.

சாதுஸ்ரீ குஹானந்தபாரதி ஸ்வாமிகள் ( மதுரை சோமு ப்ராபல்யப்படுத்திய ”என்ன கவி பாடினாலும்” பாடல் மற்றும் பல அற்புத பாடல்கள் எழுதிய மஹான்) சொல்லிவைத்தபடி கந்தர் அலங்காரம் மற்றும் திருப்புகழ் வழியாகவே த்யான, ஆவாஹன, அர்க்ய, பாத்ய அபிஷேகாதி ஷோடசோபசார பூஜை ஞாயிறு தோறும் மற்றும் இந்த வைபவங்களிலும் நடாத்தப்பெறும். பெரியவர் சிறியவர் பெண்டுகள் குழந்தைகள் என சபையோர் அனைவருக்கும் திருப்புகழ்களும், அனுபூதியும் உபயுக்தமாக அலங்காரமும் கண்டஸ்தம். இதிலே ஜாதி பற்றிய பேச்சு எங்களுக்குள் மிக அபூர்வமாகவே இருந்ததுண்டு.

பாதயாத்ரை நீண்ட பயணமாதலால் புருஷர்கள் மட்டிலும். யாரேனும் ஒரு அடியவர் க்ருஹத்திலிருந்து துவங்கி கோட்டை மாரியம்மன் கோவில் வரைக்கும் திருப்புகழ் ஓதிச்சென்று அம்பாளை தரிசித்து அங்கிருந்து யாத்ரை துவங்கும். இதிலும் நீள நெடுக திருப்புகழே. காங்கயம் அருகே சற்று அதிகம் விஸ்ராந்தி எடுப்போம். ஐந்து நாள் யாத்ரையென்றால் கிட்டத்தட்ட இரண்டு நாட்கள் மேல் ஆகியிருக்கும். அங்கே முட்டிக்குளங்கரை எண்ணை என்னும் வலி போக்கும் தைலம் ப்ரஸித்தி. அதை வாங்கி அடியவர் ஒருவருக்கொருவர் பாத சேவை செய்வர். நான் மிகப்பாவனமாக கருதும் சேவை இது. சிகை கச்சம் அணிபவருட்பட உகப்புடன் அடியவர் ஒருவருக்கொருவர் தைலத்தை தேய்த்து பாத சேவை செய்வர்

உருகியு மாடிப் பாடியு மிருகழல் நாடிச் சூடியு
முணர்வினோ டூடிக் கூடியும் …… வழிபாடுற்
றுலகினொ ராசைப் பாடற நிலைபெறு ஞானத் தாலினி
யுனதடி யாரைச் சேர்வது …… மொருநாளே

என்று வள்ளல் அருணகிரி சொல்லிக்கொடுத்திருக்கிறாரே!

வழி நெடுக ஜாதியெல்லாம் கேழ்க்காது அன்புடன் அன்னமளிப்போர் பலர். இப்படி வைபவங்களுடன் பழனியாண்டவரை தரிசிப்பது பாக்யமே. பேதங்கள் ஒழிந்தே விட்டது என்று சொல்லேன். பின்னும் பெருமளவு இல்லை என்பது எனதனுபவம்.

கொட்புற்றெழ நட்பற் றவுணரை
வெட்டிப்பலி யிட்டுக் குலகிரி
குத்துப்பட ஒத்துப் பொரவல பெருமாளை
தமிழ்ப்பெருமாளை முத்தமிழோனை தமிழ்த்ரய ஸ்வரூபனை

உயர்வு தாழ்வுகள் அழிக்க இறைஞ்சுகிறேன்.

உத்தரபாரதத்து காவடி யாத்ரை

ச்ராவண (ஸாவன்) ( ஆங்கல மாதப்படி ஜீலை-ஆகஸ்ட்) மாதத்தில் இந்த யாத்ரை கங்கை செல்லும் உத்தரப்ரதேசம், பீஹார், ஜார்கண்ட் மற்றும் உத்தராஞ்சல் ப்ரதேசங்களில் மற்றும் பஸ்சிம பங்காளத்தில் தாரகேஸ்வரத்திலும் மிக ப்ரஸித்தி. ச்ராவண மாதத்து அமாவசை வரை யாத்ரை நடைபெறும். ரிஷிகேசத்திலே நீல்கண்ட்மஹாதேவ், ஜார்கண்ட் வைத்யநாத ஸ்வாமி மற்றும் “சிவோ ராம ராமேதி ராமேதி காஸ்யாம்” என்றபடிக்கு வாராணசியில் விஸ்வநாதர் ஆலயம் மற்றும் பஸ்சிம பங்காளத்தில் தாரகேஸ்வரத்திலும் இதில் முக்ய ஸ்தலங்கள். உத்தர பாரதத்திலே ஜாதி பேதங்களை தகர்த்தெறியும் வைபவங்களிலே இது மிக முக்யமான வைபவம்.

அவரவர் இல்லங்களிலிருந்து சௌகர்யப்படி இந்த ஸ்தலங்களுக்கு வ்ரதமிருந்து வரும் அன்பர்கள் கங்கையில் ஸ்நானம் செய்து அந்தந்த ஆலயங்களிலிருந்து “போலே சங்கர்” எனப்படும் சிவபெருமானை தரிசித்து கங்கையில் குமபங்களில் நிரப்பிய பவித்ராதி பவித்ர கங்கா ஜலத்தை வித விதமாக அல்ங்காரம் செய்த காவடிகளில் ஆவாஹனம் செய்து தங்கள் புஜங்களில் ஏந்தி பாத யாத்ரையாக தங்கள் ஊர் வந்து சேருகிறார்கள். தங்களூரில் ஆங்காங்கே அமைந்த சிவாலயங்களில் காவடியில் ஏந்தி வந்த ஜலத்தை தங்கள் கையாலேயே அபிஷேகம் செய்து தங்கள் யாத்ரையையை பூர்த்தி செய்கிறார்கள்.

kanwar-yatra-haridwar-uttrakhand-india_398071

யாத்ரை மிகுந்த ச்ரத்தையுடன் செய்யப்படுகிறது. வ்ரதம் மற்றும் யாத்ரை சமயத்தில் சிற்றின்பம் துறப்பது, புலால் உண்ணாமை போன்ற நியமங்களை ஏற்கிறார்கள். தங்களூர் வந்து அபிஷேகம் செய்வது வரை கங்கா ஜலம் நிரம்பிய கும்பங்களை கீழே வைக்கக்கூடாது என்பதும் நியமம். ஸபரிமலை போகும் ஸ்வாமிமார்களைப் போல் இவர்களும் பெரும்பாலும் பாதரக்ஷை அணிவதில்லை. மிகப்பெரும்பாலும் புருஷர்களே யாத்ரையில் போனாலும் ஸ்வல்பமாக ஸ்த்ரீகளும் ஆங்காங்கு கலந்து கொள்கிறார்கள். ப்ரத்யேகமாக நிஷேதமேதுமில்லை. எப்படி நமது ஸபரிமலை யாத்ரை போவோரை ஸ்வாமி என்றழைக்கிறோமோ அதுபோல் ஜாதிவித்யாசமின்றி யாத்ரை போவோரை மிகுந்த அன்புடன் பூஜ்ய புத்தியுடன் விளிக்கிறார்கள் அணுகுகிறார்கள்.

kawarias

kavariyayatr

kanwar-yatra-haridwar-uttrakhand-india_398059

லக்ஷக்கணக்காக யாத்ரை போவோருக்கு சேவை செய்ய ஆங்காங்கே ஷாமியானா பந்தல் போட்டு பங்கா கூலர் வசதிகளுடன் விஸ்ராந்தி மையங்கள். காவடியை கீழே வைக்கலாகாது என்பதால் லோஹத்தினாலான பாரந்தாங்கிகளை விஸ்ராந்தி மையங்களில் வைக்கிறார்கள். விஸ்ராந்தி எடுக்கும் யாத்ரிகர்கள் அந்த பாரந்தாங்கிகளில் காவடியையை இருத்தி விஸ்ராந்தி எடுக்கிறார்கள். இவர்கள் ஸ்நானம் செய்ய படுத்துறங்க சுத்தமான ஸாகாஹார போஜனம் செய்ய இங்கே வசதி உண்டு.பாத சேவையும் செய்கிறார்கள். சரணமய்யப்பா என்பது போல் ஹிந்தி பாஷையிலான சிவ நாமமாகிய “பம் பம் போல்” என்று எங்கும் முழக்கம். போஜ்புரி, குமாவனி, கடுவாலி, ஹரியாண்வி மேரட் கடிபோலி (ஹிந்தி பாஷையின் சைலிகள்) மற்றும், பாங்க்ளா போன்ற பல ப்ராந்திய பாஷைகளில் போலே பாபா (சிவ பகவான்) மீது விதவிதமாக கானங்கள் அஹோராத்ரம் முழங்கித்தள்ளும்.

இதிலே முக்ய விஷயங்கள் :-

  • ஜாதி பேதங்கள் அறவே ஒழிக்கப்பெறும் வைபவம். உத்தர பாரதத்தில் தக்ஷிண பாரதத்தை விட ஜாதி கொடுமைகள் அதிகம். ஆனால் இந்த வைபவத்தின் போது பேதங்கள் தூக்கியெறியப்ப்டுகின்றன. Times of India பத்ரிக்கையில் இது ஸம்பந்தமாக பேட்டிகள் படித்திருக்கலாம். நானா ஜாதியினரும் ஒன்றாக கலந்து கொள்கிறார்கள். முன்னம் சொன்னது போல் ஜாதி வித்யாசமின்றி பூஜ்ய புத்தியுடன் பகவத் ஸ்வரூபமாக யாத்ரிகர்களுக்கு சேவை செய்கிறார்கள். தலித் ஸமூஹத்து இளைஞர்கள் சொல்கிறார்கள். ஐயா, இந்த யாத்ரை மிகுந்த மன நிறைவைத் தரும் யாத்ரை.எந்த இடத்திலும் நீ எந்த ஜாதி என்று யாரும் கேழ்ப்பதில்லை. எங்களை வெறுத்தொதுக்கும் மற்றைய ஜாதியினர் கூட எங்களை அன்புடனழைத்து உபசரித்து அன்னமிட்டு எங்களுக்கு பாத சேவை செய்யும் போது எங்களிடம் காட்டப்படும் த்வேஷத்தைத் தாத்காலிகமாக மறக்கிறோம். உத்ஸாஹமடைகிறோம். இறைவனுக்கு எங்கள் கையால் அபிஷேகம் செய்யும் போது மிகுந்த மன நிறைவை அடைகிறோம் என்கிறார்கள்.
  • பற்பல ஜாதியினரும் ஆங்காங்கே இணைந்து வைபவத்திற்கான ஏற்பாடுகளைச் செய்கிறார்கள். ஹிந்து ஸ்மூஹ ஒற்றுமை உச்சத்தில் இருக்கும் தருணங்கள். ஆகவே போலி மதசார்பின்மை வாதிகளுக்கான சிம்ம சொப்ன தருணங்களும் கூட. இடது சாரி போன்ற ஆப்ரஹாமிய மதவ்யாபாரிகள் போன்றோர் துண்டைக்காணோம் துணியைக்காணோம் என்று ஒடுங்கியிருக்கும் தருணங்கள்.
  • யாத்ரிகர்கள் ஆங்காக்கே யாத்ரைக்கு இடைஞ்சல் செய்வோரிடம் சண்டைகள் கூட போடுவதுண்டு. வெள்ளைக் க்றைஸ்தவ பணத்திற்கு விலை போகும் தொல்லைக்காட்சியினர் இந்த வைபவத்தை வைத்தும் பணம் பண்ணுவதுண்டு. மதமே வ்யாபாரம் என்பதால் பணமே இவர்களுக்கு தெய்வம் என்றால் மிகையோ?
  • ந்ம்மூர் ஹிந்து (விரோத) பத்ரிகை வைபவத்தின் அருமை பெருமையெலாம் செய்தியாகப் போடாமல் காவடி யாத்ரிகர்களின் ன்யூஸன்ஸ் என்றெல்லாம் சந்தடி சாக்கில் செய்தி போடும் கூத்தும் நிகழும்.

அந்த யாத்ரிகர்களின் முழக்கத்தை அவர்களை நமஸ்கரித்து நினைவிலிருத்தி நானும் முழங்குகிறேன்

“பம் பம் பம் பம் பம் பம் பம் பம் பம் பம் பம் பம் பம் பம் பம் பம் பம் பம் பம் பம் போல்”

ஆசுதோஷியான சங்கரனை உயர்வு தாழ்வு களைய இறைஞ்சுகிறேன்.

இது சம்பந்தமான சில படங்கள் (யாத்திரை 1, யாத்திரை 2)

கர்வா சௌத்

கார்த்திக மாஸத்து க்ருஷ்ண பக்ஷ சதுர்த்தியில் இந்த பண்டிகை கொண்டாடப்படுகிறது. சுமங்கலி ஸ்த்ரீகளால் தமது பதியின் நலம் மற்றும் தீர்க்க ஆயுஸ் வேண்டி உத்தர பாரதத்தில் கொண்ட்டாடப்படும் பண்டிகை இது. பண்டுகையன்று ஸூர்யோதயம் துவங்கி சந்த்ர தர்சனம் பர்யந்தம் உபவாஸம் பதியின் நலம் வேண்டி உபவாசம் இருக்கிறார்கள். தக்ஷிண பாரதம் அல்லது பஸ்சிம பங்காளம் ராஜஸ்தான் குஜராத் போல சுத்த உபவாஸமாக இல்லாமல் பல போஜ்ய வஸ்துக்களை வர்ஜித்து மிகச்சில வஸ்துக்களை மட்டும் புஜித்து இருப்பர். ச்ரத்தா பக்தி அதிகம் உள்ள சில நாரீமணிகள் சுத்த உபவாஸமும் இருப்பதுண்டு. நம்மூரில் மூன்றாம் பிறை தர்சனம் மிக ச்லாக்யமாக கருதப்படுகிறது. ஆனால் ஏனோ நாலாம் பிறையைப் பார்க்கக்கூடாது என் சொல்லக்கேட்டு இருக்கிறேன். நாலாம் பிறையைப் பார்ப்பவர் நாய் படாத பாடு படுவர் என்ற வசனம் கூட கேட்டு இருக்கிறேன். ஆனால் இங்கே உத்தர பாரதத்தில் இந்த கார்த்திக மாஸத்து க்ருஷ்ண பக்ஷ சதுர்த்தி மிக மங்களமான சுபகரமாக கருதப்படுகிறது.

ஸூர்யோதயம் முதல் சந்த்ரோதயம் பர்யந்தம் உபவாஸம் இருக்கும் ஸ்த்ரீகள் சந்த்ரோதயத்தின் போது தங்கள் பதி பரமேஸ்வரனை பூஜை செய்து தாம்பாளத்திலே பதியின் முகத்தையும் சந்த்ரனையும் ஒருங்கே தர்சனம் செய்கிறார்கள்.

இந்தப் பண்டிகையின் முன் தினமும் பண்டிகையன்றும் ஊர் முழுக்க கோலாஹலமாக இருக்கும். கண்ணாடி வளையல்கள், நெற்றிப்பொட்டு, குங்குமம், ஸிந்தூர், பூஜாபாத்ரங்கள், ஆபரணாதிகள், நல்ல புடவைகள் இத்யாதி சௌமங்கல்ய பூஷணாதிகள் இவற்றின் வ்யாபாரம் தீபாவளியின் ஸமயம் போல விறுவிறுப்பாக இருக்கும். மிக முக்யமாக வித விதமாக கையில் மருதாணி எழுதிக் கொள்வது. சுமங்கலி ஸ்த்ரீகளான பாட்டிமார் முதல் இளம் வயது ஸ்த்ரீகள் வரை தம்மை அலங்கரிப்பதில் அதிக கவனம் காட்டுகிறார்கள். பண்டிகையன்று நவ விவாஹித வது போல தம்மை பூர்ணாலங்கார பூஷிதையாக அலங்கரித்துக் கொள்கிறார்கள் தங்களை தங்கள் பதி பரமேஸ்வரனுக்கு சமர்ப்பிக்க.

இதில் ஸமூஹம் சார்ந்த உயர்வு தாழ்வு ஒழிக்கப் படும் விஷயங்கள் :-

  • உத்தர பாரதத்தில் தலித் ஸமூஹ மக்களை ஹிந்து க்ரியைகள் அடையாளங்கள் இவைகளிலிருந்து விலகச் சொல்லி சில குழுமங்கள் ஆங்காங்கே அவ்வப்போது முயற்சிப்பதுண்டு. பெந்தே கொஸ்தே போன்ற க்றைஸ்தவ மத வ்யாபாரிகளும் இது போல் ஹிந்து அடையாளங்களை அழிக்க முயற்சிப்பவர்கள். இப்பண்டிகை இவர்கள்து முயற்சிகளையெல்லாம் விபலமாக்கும் தருணம். அலங்காரத்தில் மயங்காத ஸ்த்ரீ பூலோகத்தில் குறைவேயன்றோ! சில குழுமங்கள் ஆகட்டும் பெந்தே கொஸ்தே ஆகட்டும் இவர்களது துர்போதனைகள் அலங்கார ஆசையால் காற்றில் பறக்கப்பட விட்டு இந்த தேசத்து அனாதி காலமான ஹிந்து விவாஹித ஸ்த்ரீயின் அடையாளங்கள் ஜாதி வித்யாசமின்றி எல்லோராலும் ஏற்க்ப்படும் தருணம். துர்மதங்களின் ப்ரபாவம் மங்கும் தருணம்.
  • ஜாதி ஏன் மதக்கட்டுப்பாடுகள் கூட மங்கும் தருணம். பூர்வி உத்தர ப்ரதேசம் மற்றும் பீஹார் ஜார்கண்ட் ராஜ்யங்களில் முஸல்மாணிய ஸ்த்ரீகளில் பலருக்கு (ராஜஸ்தான் குஜராத் உள்பட) நெற்றிப்பொட்டு மற்றும் வகிட்டில் ஸிந்தூர் அணியும் பழக்கம் உள்ளது. நான பனாரஸ் மற்றும் கயா போனற ஸ்தலங்களில் கண்டு இருக்கிறேன். ஆபாதி கேசாந்தம் பர்தா அணியும் பெண்மணிகள். ஆந்தி என்னும் பெருங்காற்றடிக்கும் போது அவ்ர்கள் முகத்திரை விலகியபோது நெற்றியில் மிளிரும் ஹிந்து மங்கலச்சின்னங்களான பிந்தி மற்றும் சிந்தூர் கண்டு ஆச்சரியப்பட்டதுண்டு. எனது உத்தரபாரதத்து முஸல்மாணிய மித்ரர்களிடம் விசாரிக்கையில் ஆங்காங்கே இம்மாதிரி பழக்கங்கள் உள்ளதை ஆமோதித்துள்ளார்கள்.
  • இம்மாதிரிப்பண்டிகைகளிலும் க்றைஸ்தவ மத வ்யாபாரத்திற்காக இயங்கும் தொல்லைக்காட்சி மற்றும் ஊடகங்கள் சந்தடி சாக்கில் பணம் பண்ண இப்பண்டிகைகளை முழுக்க முழுக்க வ்யாபார ரீதியில் ஒளிபரப்பு செய்வதுண்டு.
  • ஜாதி வித்யாசமின்றி பார்வதீ பரமேஸ்வர ஸ்வரூபமாய் நவ விவாஹித வதூ வரர்களாய் இப்பண்ண்டிகையின் போது திகழும் எம் ஸஹோதர ஸஹோதரிகளுக்கு அனந்த கோடி நமஸ்காரம்.

    karvachauth

    முக்யமாய் அனாதி காலமாய் இந்த தேசத்து நம்மதத்து நம் அடுத்த தலைமுறையை தயார் செய்யும் ரக்ஷக ஸ்தானத்தில் இருக்கும் நாரீமணிகளுக்கு ஜாதி வித்யாசமின்றி உத்தவன் கோபியருக்கு செய்ததான நமஸ்காரமே நினைவுக்கு வருகிறது.

    “வந்தே நந்த வ்ரஜஸ்த்ரீணாம் பாதரேணுமபீக்ஷ்ணச:”

    என்ற ரீதியில் இந்த தேசத்து நாரீமணிகளின் மிக உயர்ந்த ஸதிகளின் பாத தூளியை சிரசில் தரித்து இந்த தேசத்தில் உயர்வு தாழ்வு அகல நான் இப்போது இருக்கும் ஜம்மு காஷ்மீர ப்ரதேசத்தைக் காத்து ரக்ஷிக்கும் அன்னையான மாதா வைஷ்ணவி தேவியை இறைஞ்சுகிறேன்.

    இந்த ப்ரதேசத்து மக்கள் டோக்ரி / பஞ்சாபி பாஷையில் இடும் ஜெயகோஷத்தை நினைவு கூர்கிறேன்

    பண்டிகை ஸம்பந்தமான சுட்டிகள் (விக்கிபீடியா, கர்வா சௌத், மேலும் படங்கள்)

    “ஜெய் மாதா தீ”

    ஹோலி, ராதாஷ்டமி

    “ப்ருந்தாவனம் கோவர்த்தனம் யமுனா புளினானி ச”

    என த்வாதசாரண்யமாய் கோகுலம், ப்ருந்தாவனம், கோவர்த்தனம், பர்ஸானா, நந்த்க்ராமம், பாண்டீரவனம் இத்யாதி பன்னிரண்டு வனங்களில் எண்பத்துநாலு கோசங்களில் பரவிய ராதா க்ருஷ்ணர்களின் லீலாஸ்தலமான அந்த நித்ய நவ கிசோர கிசோரியாய் சோபிக்கும் நித்ய நவ தம்பதிகளின் ப்ரத்யேக ராஜதானியான வ்ரஜ மண்டலத்தை பேதங்களையென்ன ஜாதிகளையும் துர் மதங்களையும் கூட சேர்த்து ஒழிக்கும் வ்ரஜ தாமத்தை கலியையை தூஷிக்கும் தாமத்தை நமது தர்மத்தின் ஆதர்ச புருஷர்களாம் ராம க்ருஷ்ணர்களில் இரண்டாவதான “பச்சைமா மலை போல்மேனி பவளவாய் கமலச்செங்கண் அச்சுதனின் தாமத்தை ஸப்த மோக்ஷபுரிகளாம்

    “அயோத்யா மதுரா மாயா காசீ காஞ்சீ அவந்திகா
    புரீ த்வாரவதீ சைவ ஸப்தைதே மோக்ஷதாயிகா :”

    என் போற்றப்படுவதில் இரண்டாவதான மதுரா தாமத்தை நமஸ்கரித்து

    ஜகத்பிதாவின் பத்னியாம் பொறுமையே வடிவமான தரையின் ஸ்வரூபமாய் பரந்து விரிந்து ஸப்த த்வீபா வஸுந்தரா என போற்றப்படும் இந்தப் பேருலகில் அவ்வன்னையின் குழந்தைகளாய் எந்தெந்த ஜாதியிலிருந்தெல்லாமோ எந்தெந்த மதத்திலிருந்தெல்லாமோ நானா திக்குகளிலிருந்தும்

    “இற்றைக்கும் ஏழேழ் பிறவிக்கும் உந்தன்னோடே
    உற்றோமேயாவோம் உமக்கே நாம் ஆட்செய்வோம்
    மற்றை நம் காமங்கள் மாற்று”

    என்ற சூடிக்கொடுத்த சுடர்க்கொடியின் வாக்கையொத்து ஏழேழ் ஜென்மங்களுக்கும் கண்ணனுக்கென்றே தமது வாழ்க்கையை அர்ப்பணிக்க இந்த தாமத்திற்கு வரும் பரம பாகவதர்களின் பாத தூளியை சிரசில் தரித்து இந்த புனித தாமத்தில் ஜாதி, உயர்வு தாழ்வு, துர்மதம் என்பதையெல்லாம் கண்டனம் செய்யும் தாமத்து ப்ரத்யேக பண்டிகைகள் :-

    ராதாராணியின் ராஜ தானியாம் ப்ருந்தாவனத்தில் நுழைந்ததுமே ரிக்ஷா காரர் முதல் ஸப்ஜி விற்பவர் துகான்தாரர் பக்தர்கள் அனைவரின் வாயிலும் முக்கு மூலையெங்கும் கேழ்க்கும் நாமம் “ராதே ராதே”. இது ராதா தேவியின் ராஜதானி என்று இன்றும் ப்ரகடனம் செய்கிறது.

    radha-rani

    ஆங்க்ல மாதப்படி மார்ச் வாக்கில் வரும் இந்தப்பண்டிகையில் ஜாதியா மதமா எல்லாம் தூக்கியெறியப் படுகிறது. லட்மார்ஹோலி என பர்ஸானாவில் தோல்கேடயம் தாங்கிய புருஷர்களை வ்ரஜ ஸ்த்ரீகள் தடியால் அடிக்க அவர்கள் கேடயத்தால் தடுக்க என ஜாதியெல்லாம் மறந்து ஹோலி விளையாடப்படுகிறது. குலால் எனப்படும் வண்ணப்பொடிகளை ஒருவர் மேல் ஒருவர் தூவி விளையாடுகிறார்கள். பிச்காரி எனப்படும் குழலில் வண்ணநீர் நிரப்பி ஒருவர் மேல் ஒருவர் வண்ண நீர் பீய்ச்சி விளையாடுகிறார்கள். ஜாதி மதம் ஹிந்துஸ்தானி விதேசி என்ற வித்யாசமெல்லாம் ஆங்கே அந்த ஹோலி நீரில் கரைகிறது. ஆங்காங்கே உள்ள கண்ணனின் கோவில்களிலோ கண்ணனின் அர்ச்சா விக்ரஹத்தின் மீது கூட ஹோலி விளையாடுகிறார்கள். ராஜஸ்தானத்து ஸ்ரீநாதனின் மந்திரத்தில் புஷ்பங்களைத்தூவி ஹோலி விளையாடுகிறார்கள்.

    இந்த தாமத்தில் தான் ரஹீம், ரஸ்கான் போன்ற மதாந்தர பக்தர்களையும் கண்ணன் ஆட்கொண்டான்.

    அடுத்து ஜன்மாஷ்டமியை அடுத்து வரும் அஷ்டமியான ராதாஷ்டமி. இது ப்ரத்யேகமாக ப்ருந்தாவனத்திலும் பர்ஸானாவிலும் கொண்டாடப்படுகிறது. மிகச்சிறப்பன அம்சம். பண்டிகையன்று ஸாயங்காலம் குழந்தைகளை ராதா க்ருஷ்ணர்களாக அலங்கரித்து பூக்களால் ஜோடிக்கப்பட்ட ரதங்களில் ஏறி வீதியுலா செய்கிறார்கள். எந்த ஜாதியை சேர்ந்த குழந்தையாய் இருந்தாலும் ரதத்திலேறிய குழந்தைகளை ஸ்வயம் ராதா க்ருஷ்ணர்களாகவே வழிபடுகிறார்கள்.

    ஸர்வம் க்ருஷ்ணமயம் ஜகத்

    என்பதை வாழ்வில் மக்கள் அனுசரிக்கும் தருணமாய் மிளிர்கிறது.

    மிக விரிவாய்ச்செல்லும் இந்த வ்யாசத்தில் பால கங்காதர திலகரால் ஸ்மூஹத்தை ஒற்றுமைப்படுத்த மஹாராஷ்ட்ரத்தில் ஏற்படுத்தப்பட்டு ஹிந்துஸ்தானம் முழுதும் இன்று பரவியிருக்கும் விநாயக சதுர்த்தி வைபவம் பஸ்சிம பங்காளத்தில் கொண்டாடப்படும் துர்காபூஜை (இடது சாரிகளின் தெய்வ மறுப்புக் கொள்கையையை காற்றில் பறக்க விடும் பண்டிகை எனப்பல எழுத உள்ளது) விரிவஞ்சி முடிக்கிறேன்.

    ஒரு காலத்தில் ஸமூஹத்தில் உயர்ந்திருந்து பின்னர் பரங்கிக் கும்பினியாரின் மதவ்யாபார சதிகளாலும் பரஸ்பர சண்டைகளாலும் ஏதோ காலத்தில் தாழ்த்த்ப்பட்ட நமது பற்பல ஸஹோதர ஸஹோதரிகளின் ஜாதிக்குழுமங்களின் ஸமூஹங்கள் சரி சமமாய உயர்வில் இருந்த சமயத்து வரலாறுகளை மீட்டு அவர்களின் வரலாற்று மேன்மைகளையும்
    நிர்த்தாரணம் செய்ய வேண்டும்.

    ஹிந்து மதத்தில் எனக்கு பிடிப்பை உண்டாகியவர்களில் மிக உகப்போடு கருதும் சான்றோர், அந்த சான்றோர் குல மாணிக்கமான அமரர்   ஸ்ரீ ஸ்தாணுலிங்க நாடார். ராம லக்ஷ்மணர்களாய் எண்பதுகளில் வீரத்துறவி ஸ்ரீ ராமகோபால்ஜீ அவர்களுடன் ஹிந்து ஐக்யதையை பரப்பியவர் இவர். ராமனது வம்சத்தில் வந்த இந்த ஸமூஹத்திடமிருந்தே நிலம் வாங்கி அதிலேயே தங்கள் மத வ்யாபார ஸ்தலமான சர்ச்சைக்கட்டி பின்னர் இவர்களை தாழ்ந்தவர் என்று தாழ்த்திய பரங்கிக் கும்பினிய மதவ்யாபாரிகளின் பித்தலாட்டத்தை வெளிச்சத்திற்கு கொண்டுவந்து ஸமூஹ ஸ்தானத்தை நிர்த்தாரணம் செய்த சான்றோர்க்கு அனேக வந்தனம்.

    இதே போல் ஒவ்வொரு ஸமூஹத்தின் நிஜ வரலாறும் மீட்கப்பட வேண்டும்.

    இவையனைத்தும் நான் எழுதியது ம்ருக துல்யமான மனுஷ்யர்களின் க்ரூர க்ருதயங்களை மறைக்கவோ அல்லது மறக்கவோ அன்று. அல்லாது அவற்றை மாற்றவே. காலத்திற்கேற்றவாறு நம் ஊர்களிலும் ஐக்யதையை உறுதிப்படுத்த இருந்த ரதோத்ஸவம், தீர்த்தயாத்ரை, படி பூசை போன்றவற்றை எப்படி விஸ்தரிக்கலாம் என ஸமூஹத்து பெரியோர்கள் விவாதிக்க வேண்டும். கொண்டாடப்படும் நம் விழாக்கள் பண்டிகைகள் ஆகியவற்றில் எப்ப்டி காலத்திற்கேற்றவாறு மாற்றங்களைக் கொணர்ந்து ஐக்யதையை உறுதிப்படுத்தலாம் என விவாதிக்குமாறு பெரியோர்களிடமும் சான்றோர்களிடமும் விக்ஞாபித்துக் கொள்கிறேன்.

    வந்தே பாரத மாதரம்!