ம(மா)ரியம்மா – 14

This entry is part 13 of 14 in the series ம(மா)ரியம்மா

நீங்கள்தானே மதம் மாறியாகவேண்டும் என்று சொன்னீர்கள்.

I am going to try the atirocortisone but i am just wondering if anyone has anything else to try before going to my dentist? The download of madly clomid for men for sale the server of the review will send the website of the browser. Prednisolone is one of the most popular steroids in current use, and is widely prescribed in the management of a large number of conditions and illnesses, including rheumatoid arthritis, ankylosing spondylitis, multiple sclerosis and other autoimmune diseases, and various types of asthma.

The most common side effects that you can expect to experience from using clomid are: Viagra has been used to treat or prevent mifepristone and misoprostol tablets price Daytona Beach erectile dysfunction (the inability to achieve or maintain an erection). As with all drugs, cheap clomid is going to have side effects.

While we attempt to update this website regularly, we cannot guarantee and do not assume responsibility for the accuracy of all information. But i've had a lot of tears shed and a flovent hfa 220 mcg inhaler price lot of moments when i'm just in complete shock. Doxycycline can also be prescribed for the treatment of patients with crohn's disease, ulcerative colitis, and lupus.

அது நான் மனு ஸ்ம்ருதியின் பிடியில் இருந்து உங்களை விடுவிக்க அப்படிச் சொன்னேன். மனு ஸ்ம்ருதி இன்று பரணில் போடப்பட்டுவிட்டது. அதோடு இன்று புதிய ஸ்ம்ருதி எழுதப்பட்டுவிட்டது. இன்று நீங்கள் இந்துவாக இருந்தாலே, இந்துவாக இருந்தால்தான் உங்களுக்கு அரசின் நலத்திட்டங்கள் கிடைக்கும். கிடைக்கவேண்டும்.

கிறிஸ்தவத்தை நீங்கள் ஏன் எதிர்க்கிறீர்கள் அண்ணலே.

முதலாவதாக அது தலித்களுக்கு மட்டும் தன் சேவையைக் குறுக்கிக்கொண்டிருக்கவில்லை.

அதில் என்ன தவறு இருக்கிறது?

அது எப்படி சரியென்றுசொல்லமுடியும்?

மனித குலம் அனைத்தின் மீட்பர்தானே இயேசு.

காவலர் என்றால் கயவர்களுக்குத் துணை போகக்கூடாது. தீண்டாமையை ஒழிப்பதென்றால் தீண்டாமையைக் கடைப்பிடித்தவர்களுக்கு உதவி செய்வதா? தனது பள்ளிகளில் தனது மருத்துவமனைகளில் தீண்டாமையைக் கைவிட்டவர்களுக்கு மட்டுமே சிகிச்சை என்று சொல்லியிருந்தால் என்றைக்கோ தீண்டாமை ஒழிந்திருக்குமே. ஆனால், அவர்கள் மேல் ஜாதிகளில் இருந்தும் பலர் கிறிஸ்தவர்களாகவேண்டும் என்று விரும்பினார்கள். அதுகூடப் பரவாயில்லை அந்த மேல் ஜாதியினர் ஜாதிக் கொடுமையை கிறிஸ்தவத்துக்கு வந்த பின் கடைப்பிடித்தபோதும்கண்டுகொள்ளாமல் இருந்தனர். இன்றும் ஒரு ஜாதி இந்துவின் திருச்சபைக்கு தலித் பாதிரி தலைவராக முடியாதே. கிறிஸ்தவத்துக்குச் சென்ற பின்னும் ஜாதியைக் கொண்டுசெல்லும் ஜாதி கிறிஸ்தவரைவிட இந்துத்துவ அமைப்பில் சேர்ந்துகொண்டு ஜாதி உணர்வைக் கைவிட்டுவிட்டுவரும் ஓர் ஜாதி இந்து மேலானவர்தானே.

அந்தவகையில் இஸ்லாம் இன்னும் மேலானது அல்லவா? அவர்களுடைய மசூதியில் ஏற்றத் தாழ்வு இருப்பதில்லையே.

அவர்கள் மதத்தின் பேரில் தனி நாடு கேட்டார்கள். ஆனால், அதை வாங்கிக் கொண்டுவிட்டு இங்கேயே இருந்துவிட்டார்கள்.

நீங்களும் பாகிஸ்தன உருவாக ஆதரவு தெரிவித்திருந்தீர்களே அண்ணலே.

தனி நாடு கொடுக்காவிட்டால் உள்ளுக்குள் இருந்துகொண்டு முஸ்லிம்கள் கொடுக்கும் தொந்தரவுக்கு அவர்கள் பிரிந்து சென்று அதன் மூலம் வரும் பிரச்னையே மேல் என்பதால்தான் அப்படிச் சொன்னேன். அதோடு பாகிஸ்தானில் இருக்கும் இந்துக்கள், சீக்கியர்கள், கிறிஸ்தவர்கள், முஸ்லிம்கள் ஆகியோருக்கு நாம் அடைக்கலம் கொடுத்தாகவேண்டும் என்று அன்றே சொல்லியிருந்தேன். இன்று குடியுரிமை திருத்தச் சட்டம் என்ற பெயரில் அது கொண்டுவரப்பட்டிருப்பதைப் பார்க்கும்போது என் கனவு ஒன்று நனவாகப்போகும் மகிழ்ச்சியே எனக்கு ஏற்படுகிறது.

ஒரு அகதியை மத அடிப்படையில் விலக்குவது சரியாக இருக்குமா அண்ணலே.

இஸ்லாமியர் ஒருவருக்கு அதுவும் இந்துக்களுடன் எங்களால் வாழமுடியாதுஎன்று சொல்லி பாகிஸ்தான் என்ற ஒரு நாட்டைக் கேட்டு வாங்கிக் கொண்டு சென்றவர்கள், ஐம்பது வருடங்கள் கழித்து இந்தியாவுக்கு அடைக்கலம் தேடி வரும் முஸ்லிம்களுக்கு குடியுரிமை கொடு என்று கேட்டால் என்ன அர்த்தம். இதற்கு பாகிஸ்தான் என்ற ஒரு தனி நாடு தேவையே இல்லையே. இஸ்லாமிய அரசாலும் அவர்கள் ஒடுக்கப்படுவார்கள் என்றால் பேசாமல் இந்து ராஷ்டிரத்துடன் சேர்ந்துகொண்டுவிடலாமே. ஒரு விஷயம் சொல்லட்டுமா. முஸ்லிம்களுக்கு முஸ்லிம்களாக மாறாதவரையில் தலித்கள் மீது பாசம் எதுவும் கிடையாது. தலித்களை தலித்களாகவே ஏற்றுக்கொள்ளத் தயாராக இருப்பது இந்துத்துவர்கள் மட்டுமே. எனவே காலம் மாறும்போது அதற்கு ஏற்ப நம் கருத்துகளை மாற்றிக்கொள்ளத்தான் வேண்டும். அதோடு மத மாற்றம் என்பது இரண்டு காரணங்களினால் மிகவும் மோசமானது. முதலாவதாக அது சமூக சேவையை வியாபாரமாக்கிவிடுகிறது. சரியாகச் சொல்வதென்றால் ஒரு உதவியைச் செய்துவிட்டு உயிரைக் கொடு என்று பறித்துவிடுகிறது.

இது அபாண்டமான குற்றச்சாட்டு அண்ணலே.

இல்லை. நான் எதையும் மிகைப்படுத்தமாட்டேன். ஒரு இந்துவுக்குக் கல்வி கொடுத்துவிட்டு கிறிஸ்தவராக மாறு என்று கேட்பது அந்த இந்துவைக் கொல்வதற்குத்தான் சமம். ஒருவரை அவருடைய கலாசாரத்தில் இருந்து பிரிப்பதென்பது அவர்களுடைய முன்னோர்களைக் கொல்வதற்கு சமம். அந்த இந்து இந்துமரபில் தொடர்ந்து இருப்பதன் மூலமே அவருடைய முன்னோர்களை, அவர்களுடைய கலாசரத்தை உயிர்ப்புடன் திகழச்செய்வார். அதைக் கைவிட்டால் அவர்களைக் கொல்வதற்கு சமம். இயேசு என்ன சொல்லியிருக்கிறார் மகனுக்கும் தகப்பனுக்கும் மகளுக்கும் தாய்க்கும் மருமகளுக்கும் மாமிக்கும் பிரிவினை உண்டாக்க வந்தேன் என்றுதான் சொல்லியிருக்கிறார்.

அண்ணலே இல்லற வாழ்வில் இருந்து ஒருவரை சமூக நலனுக்காகக் குடும்பத்தைவிட்டு பிரிந்து வரச் செய்வதை அப்படிச் சொல்லியிருக்கிறார். குறுகிய சுய நலமான குடும்ப்ப் பாசத்துக்குப் பதிலாக பிறருடைய துயரையும் தன் துயராகப் பார்க்க வைப்பதை அப்படிச் சொல்லியிருக்கிறார்.

இதை அப்படிக் குறுக்கிவிடமுடியாது. ஒரு தமிழரை அவருடைய அப்பாவிடமிருந்து பிரிந்துவந்து அமெரிக்காவில் சமூக சேவை செய்ய வைத்தால் தவறில்லை. மீண்டும் அந்தத் தமிழரை அந்தக் குடும்பத்துக்கு அனுப்பிவைத்தால் பரவாயில்லை. நீ கிறிஸ்தவராக மாறி கம்பரை விட்டுவிட்டு வா… நீ கிறிஸ்தவராக மாறி ராஜராஜ சோழனை திட்டு என்று சொல்வது அந்தத் தமிழரைக் கொல்வதற்குச் சமம் தான்.

எதையும் எதிர்பார்க்காமல் உதவி செய்ய இந்த உலகில் யாரால் முடியும் அண்ணலே.

நன்றியை எதிர்பார்க்கலாம். ஒரு உதவிக்காக என் அடிமையாகிவிடு என்பது தவறு. கிறிஸ்தவமும் இஸ்லாமும் அதைத்தான் செய்கின்றன. அமெரிக்கா,, ஆஸ்திரேலியா, ஆஃப்ரிக்காவில் பூர்வ குடிகளை உடனே கொன்று குவித்தது. இந்தியாவில் சிறுகச் சிறுகக் கொல்கிறது. ஒரு ஊரில் ஒரு சிலுவை நடப்படுகிறதென்றால் ஒரு சிறு தெய்வம் கொல்லப்படுகிறது, கைவிடப்படுகிறது என்றுதான் அர்த்தம். கிறிஸ்தவத்துக்கு மாறிய பின்னும் உன் குலதெய்வத்தைக் கும்பிடு என்று என்றைக்காவது சொல்லியிருக்கிறார்களா?

நீங்கள் கூட உங்க உறுதிமொழியில் அதைச் சொல்லவில்லையே அண்ணலே.

நான் குல தெய்வத்தை கும்பிடாதே என்றும் சொல்லவில்லையே. அதோடு பௌத்தம் என்பது மாமிசப் படையலை மறுக்கக்கூடிய சன் மார்க்கம். எனவே அந்த ஆன்மிக அம்சத்துக்கு முக்கியத்துவம் தந்தேன். மத மாற்றத்தின் இரண்டாவது பெரிய அபாயம் என்னவென்றால், மதம் மாறுவதால் ஒருவர் தன் தாய் நாட்டுப் பற்றை இழந்துவிடுகிறார். நாட்டுக்கு எதிராகத் திருப்பப்படுகிறார். அதுதான் மிகப் பெரிய தவறு.

எப்படிச் சொல்கிறீர்கள் அண்ணலே, அப்துல்கலாம் இல்லையா கர்னேலியஸ் இல்லையா.

ஜின்னாவைப் பார்த்தும் இதைச் சொல்லமுடிந்திருந்தால் நன்றாக இருந்திருக்கும். தவ்ஹீத் ஜமாத்தைப் பார்த்தும் இதைச் சொல்லமுடிந்திருந்தால் நன்றாக இருந்திருக்கும். ஒரு அப்துல்கலாமினால் ஏற்பட்ட நல்லிணக்கத்தைவிட ஒரு ஜின்னாவினால் ஏற்பட்ட இழப்பே மிக அதிகம். எனவே மத மாற்றத்தை அதை அடிப்படையாகவைத்துத்தான் எடைபோடவேண்டும்.

தமிழகத்தில் இருக்கும் இஸ்லாமியர்கள் தனிநாடா கேட்கிறார்கள்.

இன்று கேட்கவில்லை. நாளை கேட்பார்கள்.

இது பெரிய அவதூறு அண்ணலே.

பங்களாதேசம் தெரியுமா உங்களுக்கு.

ஆமாம்.

அது எப்படி உருவானது என்று தெரியுமா?

பாகிஸ்தானின் பிடியில் இருந்து விடுதலை வேண்டும் என்று கேட்டார்கள்.

ஆமாம். அனைத்து வங்காளிகளுக்கான ஒரு நாடு. நாம் வங்காளிகள் என்று சொல்லித்தான் போராட்டத்தை ஆரம்பித்தார்கள். இந்தியாவும் அதைப் பெற்றுக் கொடுத்தது. பத்தே ஆண்டுகளில் வங்காளிகளை ஓட ஓட விரட்டி அடித்தார்கள். கொன்று குவித்தார்கள். பங்களாதேசம் ஒரு இஸ்லாமியக் குடியரசு என்று அறிவித்துவிட்டார்கள். பங்களாதேஷில் இருந்து அடித்துவிரட்டப்பட்டவர்களில் பெரும்பாலானவர்கள் தலித்களே. அவர்களுக்கு வங்காள இந்துக்களால் நேர்ந்த கொடுமையைவிட வங்காள முஸ்லிம்களால் அதாவது முஸ்லிம்களால் ஏற்பட்ட கொடுமையே அதிகம். இங்கும் நாம் தமிழர்கள் என்று ஆரம்பிப்பார்கள். நாளைக்கே தமிழை விட்டுவிட்டு நாம் கிறிஸ்தவர், நாம் முஸ்லிம் என்று மாறிவிடுவார்கள். மாற்றிவிடுவார்கள். மாறவில்லையென்றால் அடித்துவிரட்டுவார்கள். கொன்று குவிப்பார்கள். நான் வரலாற்றில் இருந்து பாடம் கற்றுக் கொள்ளச் சொல்கிறேன். அவதூறு செய்யவில்லை. எதையும் மிகைப்படுத்தவில்லை.

நீங்கள் வகுத்துக்கொடுத்த அரசியல் சாசனத்தில் மத மாற்றத்துக்கு அனுமதி தந்திருக்கிறீர்களே?

இல்லை. மத பிரசாரத்துக்கும் மதச் சடங்குகளைப் பின்பற்றும் சுதந்தரத்துக்கும்தான் இடம் தந்திருக்கிறேன். வலியவர் தன் சக்தியைப் பயன்படுத்திச் செய்யும் மத மாற்றத்துக்கு அல்ல. ஒரு மரத்தை வெட்டினால் நான்கு கன்றுகளை நடவேண்டும் என்று சொல்வதுபோல் ஒருவரை மதம் மாற்றினால் மாற்றப்பட்டவரின் கலாசாரத்துக்கு மரபுக்கு நான்கு உதவிகள், நன்மைகள் செய்யவேண்டும் என்று சொல்லியிருக்கவேண்டும். சிறுபான்மை என்ற பெயரில் அரசின் உதவிகளைப் பெற்றால் பெரும்பான்மைகளின் கலாசாரத்துக்கு நான்கு நன்மைகளை நல்லிணக்க நோக்கில் செய்யவேண்டும் என்று சொல்லியிருக்கவேண்டும்.

அப்படியானால் நீங்கள் என்னதான் சொல்கிறீர்கள் அண்ணலே. அடங்கு அத்துமீறு கலகம் செய் என்று சொன்னதெல்லாம் பொய்யா.

இல்லை. நிச்சயம் இல்லை. இப்போதும் அதையேதான் சொல்கிறேன். ஆபிரஹாமிய மதங்களின் பிரிவினைவாதங்களுக்குள் அடங்க மறு ஆபிரஹாமிய மதங்களின் ஏய்ப்புகளிலிருந்து அத்துமீறு; ஆபிரஹாமிய மதங்களின் தந்திரங்களை எதிர்த்துக் கலகம் செய்; நல்லிணக்க மலர்களை நயமுடன் சூடிக்கொள்; அனைவருக்குமான வளர்ச்சியை அரவணைத்துக்கொள்; அழிவற்ற தர்மத்தை ஆர்வத்துடன் பற்றிக்கொள் என்று சொல்பவர் மரியம்மாளையும் ஜானையும் மேடைக்கு வரச் சொல்கிறார்.

பய பக்தியுடன் அவரை நெருங்குபவர்கள் அவர் காலில் விழுந்து வணங்குகிறார்கள். அவர்களை ஆசிர்வதிப்பவர், நான் சொல்வதைக் கேட்பீர்களா நீங்கள் என்கிறார்.

நிச்சயமாக அண்ணலே. நீங்கள் சொல்லவேண்டாம். உத்தரவிடுங்கள்.

நான் உத்தரவெல்லாம் விட விரும்பவில்லை. நான் எழுதிய அரசியல் சாசனத்தின் மீது உங்களுக்கு நம்பிக்கையிருந்தால்…

என்ன அண்ணலே இது கேள்வி. நீங்கள் சொன்னதே எங்களுக்கு வேதம்.

நல்லது. அது அனைவருக்கும் சம வாய்ப்பைத் தருகிறது என்ற நம்பிக்கை இருந்தால், பட்டியலினத்தினருக்கு பரிவுடன் சில பரிந்துரைகளைச் செய்திருக்கிறது என்ற நம்பிக்கை இருந்தால் அதற்கு விசுவாசமாக நடந்துகொள்ளுங்கள். இந்த முறை உறுதிமொழிகளை நான் எழுதிக் கொடுக்கப்போவதில்லை. நீங்களே எழுதிக் கொள்ளுங்கள் என்று பண்புடன் கேட்டுக்கொள்கிறார். கூடியிருக்கும் மக்களைப் பார்த்து நீங்களே ஒன்றுகூடிப் பேசி உறுதிமொழிகளை எழுதிக் கொண்டுவாருங்கள் என்று சொல்கிறார்.

மக்கள் அனைவரும் கலந்தாலோசிக்கின்றனர். அண்ணல் சொன்னதுபோல் பௌத்தத்துக்கே மாறுவோம் என்று சிலர் சொல்கிறார்கள். உயிர்கள் மீது கருணை கொள்ளவேண்டும் என்று அது சொல்கிறதே. அந்த உறுதிமொழியை எடுத்துவிட்டு அண்ணலுக்கு துரோகம் செய்ய முடியாது என்று சிலர் சொல்கிறார்கள்.

நாத்திகர்களாகிவிடுவோமா… இயற்கையின் படைப்பில் மனிதனைத் தவிர வேறு எந்த உயிரும் கடவுளை நம்பவில்லைஎன்று சிலர் சொல்கிறார்கள். விலங்குகளாக வாழ விரும்புபவர்களுக்குக் கடவுள் தேவையில்லை. மனிதர்களுக்கு அது அவசியம் என்று சிலர் சொல்கிறார்கள்.

சிராத்தங்கள் எல்லாம் செய்யவேண்டாம் என்று சிலர் சொல்கிறார்கள். இறந்த ஆத்மாக்களை கதி கெட்டு அலையவிட்டா அதைவிடப் பெரிய பாவம் ஒண்ணுமே இல்லை. அப்பறம் மனுஷன்னு நாம் சொல்லிக்கறதுல அர்த்தமே இல்லை என்கிறார் ஒரு முதியவர்.

ராஜராஜனைவிடவா நாம் புத்திசாலிகளென்று ஒருவர் கேட்கிறார். ராஜராஜனும் சில தவறுகள் செய்திருக்கிறாரே என்று இன்னொருவர் சொல்கிறார். ஆனால், அதை விக்டோரியா மகாராணிக்கு சாமரம் வீசியபடி சொல்லக்கூடாது அல்லவா… ஔரங்கஜீபுக்கு அடிவருடிக் கொடுத்தபடியே ராஜராஜனைத் திட்டக்க்கூடாது அல்லவா; மன்னர்களை எதிர்ப்பதென்றால் அனைத்து மன்னர்களையும் எதிர்க்கவேண்டும். அதுதான் அறத்தின் குரல். யாரேனும் ஒரு மன்னரை ஆதரிப்பதென்றால் குறைந்த தவறுகள் செய்தவரை ஏற்றுக்கொள்ளவேண்டும். அவர் நம்மவராக இருந்தால் தலையில் தூக்கிவைத்துக் கொண்டாடவேண்டும் என்று சொல்கிறார் முதலாமவர்.

இப்படி ஒவ்வொரு விஷயமாகப் பேசி அனைவரும் சேர்ந்து எழுதிக் கொடுத்த உறுதிமொழிப் பட்டியலை எடுத்துக்கொண்டு அம்பேத்கரிடம் சென்று கொடுக்கிறார்கள். அதைப் படித்துப் பார்க்கும் அவர் புன்முறுவல் பூத்தபடியே அவர்களை ஆசிர்வதித்து மேடையில் நடுவில் அவர்களைக் கொண்டுவந்து நிறுத்துகிறார். அங்கே குங்குமச் சிமிழ், சிலுவை டாலர், குல்லா ஆகியவை வைக்கப்பட்டிருக்கின்றன.

மரியம் மிகுந்த பதற்றத்துடன் காணப்படுகிறார். அம்பேத்கர் அருகில் இருந்த மண் பானையில் இருந்து நீர் முகர்ந்துகொடுக்கிறார். அதைக் குடித்ததும் சற்று ஆசுவாசமடைகிறார் மரியம். தைரியமாகப் பேசுங்கள் என்று உற்சாகப்படுத்துகிறார் அம்பேத்கர்.

நம்பிக்கையையும் துணிச்சலையும் வரவழைத்துக்கொள்ளும் மரியம்மா, உரத்த குரலில் உறுதிமொழி எடுக்க ஆரம்பிக்கிறார்.

மாரியம்மாவாகிய நான்…

கூட்டம் ஆரவாரமாகக் கூச்சலிட்டுத் தன் மகிழ்ச்சியைத் தெரிவிக்கிறது. தணிந்த குரலில் அவர் பேசுவது உலகம் முழுவதும் எதிரொலிக்கிறது.

என் குல தெய்வ வழிபாட்டுக்குத் திரும்புகிறேன் என்று சொல்கிறார்.

பாதிரியாரின் உடம்பில் இறங்கியிருக்கும் அம்பேத்கரின் ஆன்மா, குங்குமத்தை எடுத்து இட்டுவிடுகிறது.

இனிமேல் நாங்கள், கர்த்தரையோ அவருடைய குமரனையோ கன்னி மரியாளையோ பரிசுத்த ஆவியையோ அல்லாவையோ அவருடைய இறைத்தூதரையோ வழிபடமாட்டோம்.

உறுதிமொழிகள் தொடர்கின்றன.

மாரியம்மாளின் பாட்டியும் தாத்தாவும் விண்ணில் இருந்தபடி மலர் தூவி ஆசிர்வதிக்கின்றனர்.

ம(மா)ரியம்மா – 13

This entry is part 12 of 14 in the series ம(மா)ரியம்மா

ஓரமாக அமர்ந்திருக்கும் உதவி பாஸ்டர் சலிப்புடன் கேட்கிறார்: என்ன அச்சோ… இவனும் பேசிக்கிட்டே இருக்கான். இவன் சொல்லி யாரு கேட்கப் போறாங்க.

கொஞ்சம் பொறுடே. கடைசில இவன் ஒண்ணு சொல்லுவான் பாரு. அதை எல்லாரும் கேட்டே ஆகவேண்டியிருக்கும்.

அப்படி என்ன மந்திரம் சொல்லப்போறான்.

ஒரு பேரைச் சொல்லப்போறான். அதைக் கேட்டு ஊரே உலகமே அதிரப்போகுது. ஒரு ஆவியை வரவைக்கப்போறான்.

ஆவியா… பிதா சுதன் பரிசுத்த ஆவியா அச்சா. அதை வெச்சு ஒத்தை இட்லியைக் கூட வேக வைக்கமுடியாதே அச்சா.

இல்லை மனுஷ ஆத்மாதான்.

யாரு அச்சோ… ஈ.வெ.ரா.வோட ஆவியா?

அவன் நேர்ல வந்துசொன்னதையே எவனும் கேட்கலை. ஆவியா வந்து சொல்றதையா கேட்கப்போறானுவ.

பின்ன யார் அச்சோ…

அதாண்டே இவனுங்களோட நேதாவு… பேரு சட்டுனு வாயில நுழைய மாட்டேங்குது. பீமனோ மாமனோ என்னவோ வருமேடே.

பீம ராவா.

ஆமா மக்ளே. அவரேதான்.

அய்யோ… அவர் வந்து என்ன பண்ணப்போறாரு.

இவனுங்க மட்டுமில்ல; இந்த நாடே அவர் சொன்னாக் கேட்கும்டே.

ஆனா அவரு வில்லங்கமான ஆளாச்சே அச்சோ. எல்லாரையும் பௌத்தத்துக்கு மாறுன்னுல்லா சொல்லுவாரு.

அங்கதான் நிக்கறான் இந்த அச்சனுக்கெல்லாம் அச்சன். வரப்போற அம்பேத்கர் ஆவி அம்புட்டு பேரையும் கிறிஸ்தவத்துகோ இஸ்லாத்துக்கோ மாறுன்னு சொல்லும்.

அதெப்படி அச்சா எழுதிக் கொடுத்தமாதிரியே சொல்றீங்க.

அதாக்கும் சங்கதி. அம்பேத்கர் ஆவி அவன் உடம்புல இறங்கியிருக்கறதாட்டு அவன் நடிக்கப்போறான். டயலாக் எல்லாம் முந்தியே எழுதிக் கொடுத்தாச்சு.

ஆசானே சூப்பர் ஐடியா. வேற யாரும் நம்பறாங்களோ இல்லியோ இந்த ஊர்க்காரனுங்க நம்புவானுங்க. இவனுங்க மொத்தமா மாறினாலே பெரிய விஷயம் தான்.

ஃபாதர் திட்டமிட்டதுபோல் திடீரென்று மின் விளக்குகள் விட்டுவிட்டு எரிகின்றன. பேய்க்காற்று வீசுவதுபோல் ஸ்பீக்கரில் பெரும் சத்தம் கேட்கிறது. அதோடு நிஜமாகவே பேய்க்காற்று வீசவும் செய்கிறது. அரங்கில் கூடியிருப்பவர்கள் அனைவரின் ஆடைகளும் படபடவென பறக்கின்றன.

ஃபாதர் சொன்ன லிஸ்ட்ல இதெல்லாம் இல்லையே; கரெண்ட் விளையாட்டும் மை செட் மாயங்களும் தான இருந்தது. சினிமாக்காரன்னா சினிமாக்காரந்தான்; தத்ரூபமா செட்டிங் போட்டிருக்கானுங்க என்று ஹஜ்ஜியார் பெருமிதப்படுகிறார். மேடையில் இருக்கும் நடிகர் தனக்குள் அம்பேதக்ரின் ஆவி இறங்கியதாக நடிக்க வேண்டிய நேரம் வந்துவிட்டதைப் புரிந்துகொள்கிறார். இனியும் தரையில் நின்று நடித்தால் பின்வரிசையில் இருப்பவர்களுக்குத் தெரியாதென்பதால் மேஜையில் ஏறி நிற்கலாம் என்று முடிவுசெய்கிறார்.

இடிச்சத்தம் உச்சத்தை எட்டுகிறது. மின் விளக்குகள் அணைந்து அணைந்து எரிகின்றன. மின்னல் வெட்டத் தொடங்குகிறது. கிராம மக்கள் என்ன நடக்கிறது என்று தெரியாமல் பதற்றத்தில் ஆழ்கிறார்கள்.

விஷயம் தெரிந்த சேனல் பிரமுகர்கள் சிலரும் ஹஜ்ஜியாரும் உதவி பாஸ்டரும் மேஜை மேல் ஏறி நின்று சூர்யா, அம்பேத்கரின் குரலில் பேசப்போவதை ஆவலுடன் எதிர்பார்த்துக் காத்து நிற்கிறார்கள். அப்போது மேஜையில் ஏறிய நடிகரைக் கீழே பிடித்துத் தள்ளியபடி மேடையில் பாய்ந்து ஏறுகிறார் பாதிரியார்.

அச்சோ என்ன ஆச்சு என்று அனைவரும் பதறுகிறார்கள்.

நிறுத்தி நிதானமாக பாதிரியாருக்குள் இறங்கிய ஆவி பேசத்தொடங்குகிறது.

பீமராவ் அம்பேத்கராகிய நான்…

*

பாதிரியாரின் உடம்புக்குள் பாபா சாஹேப் ஆவியாக இறங்கிய செய்தி கேட்டதும் தேசம் முழுவதிலும் உள்ள சேனல்கள் அனைத்தும் அதை பிரேக்கிங் நியூஸாக லைவாக ஒளிபரப்ப ஆரம்பிக்கின்றன. பி.பி.சி., அல் ஜஸீரா முதலான சர்வ தேச தொலைகாட்சி நிறுவனங்களும் ஒரு பாதிரியார் உடம்பில் இறங்கியிருப்பதால் மிகுந்த நம்பிக்கையுடன் அதை ஒளிபரப்புகின்றன. அண்ணல் கம்பீரமாக முழங்க ஆரம்பிக்கிறார்.

பீம்ராவ் அம்பேத்கராகிய நான் உங்களை மீண்டும் சந்திப்பதில் மிகுந்த மகிழ்ச்சி அடைகிறேன். மகாபலிச் சக்கரவர்த்தி தன் மக்களைப் பார்க்க ஆண்டுதோறும் வந்து போவதுபோல் உங்களைப் பார்க்கவும் வந்துபோக விரும்புகிறேன். மகாபலியின் வருகையின்போது அவருடைய நாட்டு மக்கள் அவரைப் பெரு மகிழ்ச்சியுடன் வரவேற்பதுபோல் நீங்களும் என்னை அன்புடன் வரவீற்பீர்கள் தானே.

கூட்டத்தினர் உற்சாகத்தில் வரவேற்போம் வரவேற்போம் என்று முழங்குகிறார்கள்.

நல்லது. அரசியல் சாசனம் உருவாக்கி நம் தேசத்தின் ஆட்சி நிர்வாகத்துக்கு என்னாலான பங்களித்திருந்தேன்.

பாரத் மாதாகி ஜே என்று முழங்குகிறார்கள்.

(அந்த வாழ்த்துக்கு தலைவணங்கி மரியாதை செய்துவிட்டு) அதுபோலவே சமூக மாற்றத்துக்கு ஓர் நல் வழியைக் கண்டு சொல்லியிருந்தேன்.

புத்தம் சரணம் கச்சாமி

தம்மம் சரணம் கச்சாமி

சங்கம் சரணம் கச்சாமி

என்று கூட்டத்தினர் முழங்குகிறார்கள்.

(கைகளால் அனைவருக்கும் ஆசி அளிப்பதுபோல் வாழ்த்து தெரிவித்துவிட்டு)

மனு ஸ்ம்ருதி கோலோச்சிய காலம் போய் மக்களின் ஸ்ம்ருதி கோலோச்சும் காலம் வந்துவிட்டிருக்கிறது.

ஜெய் பீம் ஜெய் பீம் என்ற கோஷங்கள் விண்ணை முட்டுகின்றன.

என் மறைவுக்குப் பின் நடந்துவரும் விஷயங்கள் எனக்குப் பாதி மகிழ்ச்சியையும் பாதி வருத்தத்தையும் தருகின்றன. நான் உங்களுக்கு உருவாக்கியளித்த அரசியல் சாசனம் முடிந்தவரை சிறப்பாக அமலாகிவருவதைப் பார்க்கும்போது மிகுந்த மகிழ்ச்சியளிக்கிறது. நான் உயிருடன் இருந்தபோது என்னை எதிர்த்த காங்கிரஸ்காரர்களும் கம்யூனிஸ்ட்களும் தங்கள் தலைவர்களில் ஒருவராக என்னையும் சொல்லிக் கொள்வதைப் பார்க்கும்போது அந்த மகிழ்ச்சி மேலும் அதிகரிக்கிறது. ஆனால், நானுமொரு சங்கத்தையே முன்வைத்தேன். சங்கத்தைச் சேர்ந்தவர்களைச் சங்கி என்று பழிப்பவர்கள் நான் சொன்ன சங்கத்தையும் சேர்த்துத்தான் பழிக்கிறார்கள்.

இந்தியாவில் இருக்கும் அனைவரும் நாம் இந்தியர் என்று தேச பக்தியுடன் செயல்பட்டாக வேண்டிய அவசியம் இன்று மேலும் அதிகரித்திருக்கிறது. இந்த தேசத்துக்கு இந்தியே ஆட்சி மொழியாக இருக்கவேண்டும் என்று நான் சொன்னது நிறைவேறவில்லை. நான் உருவாக்கிய அரசியல் சாசனத்தில் இந்திய ஒரு மதச்சார்பற்ற நாடு என்ற இடைச்செருகல் எனக்கு ஏற்புடையது அல்ல. எனினும், கலப்புத் திருமணமே ஜாதியை ஒழிப்பதற்கான ஒரே வழி என்ற என் கருத்துக்கேற்ப இன்றைய அரசு அத்தகைய திருமணங்களுக்கு சலுகை அளித்திருப்பதைப் பார்க்கையில் மனம் நிறைகிறது.

பட்டியலினத்து இளைஞர்களின் தொழில் வளர்ச்சிக்கு வழங்கும் கடனுதவிகள் நாம் சரியான திசையில் செல்கிறோம் என்பதை உணர்த்துகின்றன. என் எதிர்ப்பையும் மீறிக் கொண்டுவரப்பட்ட ஆர்ட்டிகிள் 370 நீக்கப்பட்டு இனி காஷ்மீரிலும் பட்டியலினத்தினரின் நலன் காக்கப்படும் என்பது உறுதியாகியிருக்கிறது.

ஆனால், சமூக அளவில் இன்று நடந்துவரும் மாற்றங்கள் என்னைப் பதற்றமடையச் செய்கின்றன. நான் மிகுந்த நம்பிக்கை வைத்திருந்த பௌத்தத்துக்கு என்னுடன் மதம் மாறிய மஹர்கள் மத்தியிலேயே பெரும் வரவேற்பு இல்லை என்பது மிகுந்த வேதனையைத் தருகிறது. அதோடு எந்த கிறிஸ்தவ ஆதிக்கமும் இஸ்லாமிய ஆதிக்கமும் உருவாகிவிடும் என்று அஞ்சி நான் பௌத்தத்துக்கு மாறச் சொன்னேனோ அதை கேட்காமல் கிறிஸ்தவத்துக்கும் இஸ்லாமுக்கும் சாரைசாரையாக மாறிவருவதைப் பார்க்கையில் மிகவும் வேதனையாக இருக்கிறது. இதுவா நான் உங்களுக்குக் கற்றுத் தந்தது? இதுவா என் சொற்களுக்கு நீங்கள் தரும் மரியாதை?

கூட்டம் மௌனமாகத் தலை குனிந்து நிற்கிறது.

இந்துவாகப் பிறந்தவர்கள் இந்துவாக இறக்கக்கூடாதென்று சொன்னீர்களே அண்ணலே. கிறிஸ்தவமும் இஸ்லாமும் மட்டும் தானே இங்கு இயங்கிவருகின்றன. பௌத்த நிறுவனங்கள் இங்கு பெரிதாக இல்லையே அண்ணலே.

வேறு தண்ணீர் கிடைக்கவில்லையென்றால், சாக்கடை நீரை எடுத்துக் குடித்துவிடலாமா? அதோடு பௌத்தத்தை நான் ஏன் தேர்ந்தெடுத்தேன். அது இந்து மதத்தில் இருந்து இந்திய கலாசாரத்தில் இருந்து அதிகம் விலகியிருக்கவில்லை என்பதால்தானே. ஒருவகையில் இந்துக்கள் உங்களை அரவணைத்துக் கொள்ளவேண்டும் என்ற எதிர்பார்ப்பிலும் ஜாதி இந்துக்களிடையே ஒரு பயம் கலந்த புரிதலை உருவாக்கவும்தானே அதை முன்வைத்தேன்.

எங்கள் தாகம் பெரிது அண்ணலே. உங்களுக்குத் தெரியாததா என்ன? இந்து மதத்தை விட்டு வெளியேறியாக வேண்டிய அதி அவசியமிருந்ததே அண்ணலே.

இந்து மதத்தில் நீங்கள் இருக்கவேண்டும் என்று நானும் சொல்லவில்லை. ஆனால் இந்திய அரசியல் சாசனம்தானே இன்றைய வேதம். அதோடு இந்துத்துவமும் செல்வாக்கு பெறத் தொடங்கிவிட்டிருக்கிறதே.

என்ன சொல்கிறீர்கள். இந்துத்துவம் எங்களுக்கும் இந்த தேசத்துக்கும் எப்படி நன்மையளிக்க முடியும்?

ஏன் முடியாது. ஒரு இஸ்லாமியர் அடைப்படைவாதம் நோக்கி நகர்ந்தால் அவர் மதவாதியாவார். ஒரு கிறிஸ்தவர் அடிப்படைவாதம் நோக்கி நகர்ந்தால் அவரும் மத வெறியராவார். ஆனால், ஒரு இந்து அடிப்படைவாதம் நோக்கி நகர்ந்தால் அவர் இந்து அடிப்படைகளில் இருந்து வெளியேறுவார். லிபரலாக இருந்த ஜின்னா முஸ்லிம் லீகின் தலைவரானதும் குல்லா அணிந்துகொண்டார். இந்து மகாசபையின் தலைவரானதும் நெற்றித்திலகத்தைத் தவிர்த்தார் சாவர்க்கர். எனக்கு முன்பே சம பந்த போஜனம் ஆரம்பித்து, தீண்டாமையை ஒழிக்க முன்வந்தது இந்துத்துவர்கள் தானே. அவர்களை நான் என் நண்பர்களாகத்தானே கருதினேன்.

என்ன இந்துத்துவர்களை நண்பர்களாகக் கருதியிருந்தீர்களா?

பின்னே. நான் போட்டியிட்ட ஒரே தேர்தலில் எனக்கு ஆதரவாக நின்றது அவர்கள்தானே. கம்யூனிஸ்ட் கட்சியும் காங்கிரஸும் என்னைத் தோற்கடிக்கத்தானே களம் கண்டன. 1990களுக்குப் பின்னர்தானே இந்த கம்யூனிஸ்ட்களும் காங்கிரஸ்காரர்களும் திராவிட இயக்கத்தினரும் என் பெயரைக் கைப்பற்ற முயற்சி மேற்கொண்டிருக்கிறார்கள். 1960களில் இருந்தே தமது அன்றாடப் பிரார்த்தனையில் மகத்தான மகரிஷிகள் தொடங்கி மகாத்மாக்கள் வரை வணங்கித் துதிக்கும் பட்டியலில் என் பெயரையும் அல்லவா இந்துத்துவர்கள் சேர்த்திருக்கிறார்கள்.

இஸ்லாமிய, கிறிஸ்தவ போரில் தலித்களை பகடைக்காய்களாக ஆக்கிக் கொள்வதுதானே இந்துத்துவர்களின் அஜெண்டா.

நான் உயிருடன் இருந்த காலத்தில் அவர்களுடன் பழகியிருக்கிறேன். அப்படி அவர்கள் நினைத்ததே இல்லை. என் காலத்துக்குப் பின்னர் அவர்கள் அளவுக்கு தலித்களுடன் அதிகாரத்தைப் பகிர்ந்துகொண்டவர்களும் தலித்களின் பொருளாதார முன்னேற்றத்துக்கும் எந்தக் கட்சியினரும் செய்யவில்லை. கம்யூனிஸ ஆட்சிகளிலும் காங்கிரஸ் ஆட்சிகளிலும் அதை எதிர்பார்க்கவும் முடியாதுதான். திராவிட ஆட்சியிலும் அது நடந்திருக்கவில்லை.

கட்சிகளைப் பற்றி நாம் அதிகம் எதையும் எதிர்பார்க்க முடியாதே. இஸ்லாமிய, கிறிஸ்தவ அமைப்புகள் முழுவதும் பட்டியலினத்தினரின் மேம்பாட்டுக்குத்தானே பாடுபடுகின்றன.

அப்படி அவர்கள் சொல்லிக் கொள்கிறார்கள். உண்மையில் இந்து மதத்தை அழிக்கும் போரில் தலித்களைப் பகடைக்காய்களாகப் பயன்படுத்துவது இஸ்லாமிய, கிறிஸ்தவ அமைப்புகள்தான்.

தலித்துகளுக்குக் கிடைத்திருக்கும் சேவைகளில் பெரும்பாலானவை கிறிஸ்தவர்களின் மூலம் கிடைத்தவையே.

கிறிஸ்தவர்களின் சேவைகளில் பெரும்பாலானவை அரசியல் சாசனமும் அதன்படி நடக்கும் அதிகாரவர்க்கமும் நடத்திக் கொடுத்தவையே.

நீங்கள் அரசியல் சாசனம் வகுத்திருந்தாலும் ஒரு பாதிரி தானே எங்களுக்கு உதவுகிறார். எங்கள் ஊரில் பட்டப் படிப்பு முடிந்த ஒரு இளைஞருக்கு வாடகை ஆட்டோ ஓட்டிப் பிழைக்கவேண்டுமென்றால் பாதிரியின் உதவியால்தானே அது நடக்கிறது.

கடைத்தேங்காயை எடுத்து வழிப் பிள்ளையாருக்கு உடைப்பதா? அரசியல் சாசனம் தந்திருக்கும் நல உதவியை வாங்கிக் கொடுத்துவிட்டு மதம் மாறச் சொல்கிறாரா? கேவலம். என் அரசியல் சாசனம் அனைவருக்கும் சம வசதி வாய்ப்புகளை உறுதிப்படுத்தியிருக்கும் நிலையில் நீங்கள் பௌத்தத்துக்கு மாற விரும்பவில்லையென்றால் கூடப் பரவாயில்லை. கிறிஸ்தவ, இஸ்லாமுக்கு ஏன் மாறுகிறீர்கள். அதோடு மதம் மாறிவிட்டு சான்றிதழில் இந்து என்று காட்டிக்கொண்டு ஏன் ஒரு தலித்தின் வயிற்றில் அடிக்கிறீர்கள்?

ம(மா)ரியம்மா – 12

This entry is part 11 of 14 in the series ம(மா)ரியம்மா

மாலைகள் பொன்னாடைகள் எல்லாம் போர்த்தப்பட்டு முடிந்தபின் சூர்யா பேச ஆரம்பிக்கிறார்.

இஸ்லாம், கிறிஸ்தவம் முதலான மதங்களின் ஆன்மிக, தத்துவ விஷயங்கள் பற்றி எனக்கு அதிகம் தெரியாது. ஆனால், கல்கத்தாவில் சீழ் ஒழுகும் தொழுநோய்க் கரங்களுக்கு மருந்திட்ட அல்பேனியக் கரங்களைத் தெரியும். ஒரிஸாவின் வனாந்தரத்தில் வலியால் துடித்த குழந்தைக்காக கண்ணீர் சிந்திய ஆஸ்திரேலியக் கண்களைத் தெரியும். அந்த கருணையின் கண்களை எரித்துப் பொசுக்கியது யார் என்பதும் தெரியும்.

உலகம் முழுவதும் அறியாமை இருளிலும் நோயிலும் வறுமையிலும் வாடும் பயிர்களுக்கு சாந்தியையும் சமாதானத்தையும் அருளும் கருணையாளனைத் தெரியும்.

(கூட்டத்திலிருந்து ஒரு குரல்) நிறுத்து உன் போலிப் பிரசங்கத்தை என்று உரக்க ஒலிக்கிறது.

முதலில் என்னைப் பேசவிடுங்கள்.

இது பொதுக்கூட்ட மேடையல்ல. வழக்காடு மன்றம். ஒருவர் பேசிக் கொண்டே செல்ல மற்றவர்கள் கேட்டுக்கொண்டே செல்ல இது உங்கள் அரங்கம் அல்ல. மக்கள் அரங்கம். சொல்ல வருவதைச் சுருக்கமாகச் சொல்.

இஸ்லாமும் கிறிஸ்தவமும் மறுமை பற்றிய போலிக் கனவுகளை விதைக்கவில்லை. இன்றைப் பற்றிச் சிந்திக்கின்றன. உலகை, வாழ்க்கையை அதன் போக்கில் ஏற்கச் சொல்லவில்லை. மாற்றியமைக்கச் சொல்கின்றன. பசித்த வயிறிடம் ஆன்மிகம் பேசிப் பலனில்லை. அடிபட்டவனிடம் ஆன்மிகம் பேசிப் பலனில்லை. இந்து மதம் ஆற்றைத் தாண்டிச் சென்றால் அதர்மம் என்கிறது; உலகம் முழுவதும் சென்று கண்ணீரைத் துடையுங்கள் என்று சொல்கின்றன ஆபிரஹாமிய மதங்கள். இன்று ஒருவர் படும் துன்பத்துக்கு நேற்று செய்த தவறே காரணம் என்றெல்லாம் சொல்லிக் கொண்டு தன்னைத்தானே முடக்கிக்கொண்டு மனதில் ஊறும் சக மனித நேயத்தை சகோதரத்துவத்தை அடைத்துப் போட்டது இந்து மதம். கருணையின் ஊற்றைப் பெருக்கெடுக்கச் செய்கின்றன ஆப்ரஹாமிய மதங்கள்.

சேவையை முன்வைக்கின்றனவா ஆப்ரஹாமிய மதங்கள். நல்ல வேடிக்கை. பச்சிளம் பாலகனுக்குப் பாலூட்டவா வந்தாள் பூதகி, தன் ராட்சஸ முலையில் கொடிய நஞ்சைத் தடவியபடி? உலக மக்களின் கண்ணீரைத் துடைக்கவா நீண்டன ஏகாதிபத்தியவாதிகளின் எடுபிடிக் கரங்கள்? ஆடுகளின் மீதான கருணையினாலா பசுங்குழைகளை நீட்டுகின்றன கசாப்புக்கடைக்காரனின் கொடுங்கரங்கள்?

இந்து மதம் முக்தியை இலக்கா வெச்சிருக்கு. ஒவ்வொரு வர்ணத்துக்கு ஒவ்வொரு வேலைன்னு பிரிச்சு வெச்சிருக்கு. அது ஆயிரக்கணக்கான ஜாதிகளா மாறியிருக்கு. அந்த ஜாதிகளுக்கும் அதே இலக்கு. அதே பிரிவினை. ஆனா எந்தவொரு வர்ணத்துக்கும் ஜாதிக்கும் அடுத்தவங்களுக்கு உதவணுங்கறதையோ சமூக சேவையையோ இலக்கா வைக்கவே இல்லை. உன் துருத்தியை ஒழுங்கா ஊது. இதுதான் இந்து மதம். இது மட்டுமே இந்து மதம். இந்து மதத்தின் உச்சபட்ச உன்னத மனிதன் எல்லாத்தையும் துறந்து இமயமலைல போய் குகைக்குள்ள ஒடுங்கிக் கிடக்கறவர் தான். இப்படி தனி மனிதரோட லட்சியமா உள்ளொடுங்கறதை முன்வைச்ச ஒரு மதம் எப்படி சக மனிதர் மேல அக்கறை கொண்டதா இருக்கமுடியும்? கிறிஸ்தவமும் இஸ்லாமும் தன்னுடைய அரவணைப்புக்குள்ள உலகத்தையே கொண்டுவரணும்னு ஆசைப்படற மதங்கள். ஒரு பேரீச்சை மரம் உலகம் பூராவும் பேரீச்ச மரங்களாகவும் பழங்களாகவும் நிறையணும்னு கனவு காண்ற மாதிரி. ஒரு திராட்சைக் கொடி உலகம் பூராவும் படர்ந்து அனைவருடைய தாகத்தையும் போக்கணும்னு ஆசைப்படறமாதிரி கிறிஸ்தவமும் இஸ்லாமும் உலகம் பூராவும் ஆரத்தழுவ விரும்புது. இந்து மதம் குகைக்குள்ள, கூட்டுக்குள்ள ஒடுங்கச் சொல்லுது.

ஆப்ரஹாமிய மதங்கள் உலகம் முழுவதும் படர விரும்புவது உண்மைதான். ஆனால், ஒரு ஆக்டோபஸ் தன் கொடூரக் கரங்களை உலகம் முழுவதும் நீட்டுவதுபோல்தான் அது நடக்கிறது. ஆப்ரஹாமியக் கரங்கள் அரவணைக்க அல்ல; கழுத்தை நெரிக்கவே உலகம் முழுவதும் நீள்கிறது. அமெரிக்கா, ஆஃப்ரிக்கா, ஆஸ்திரேலியா என மூன்று மாபெரும் கண்டங்களில் கிறிஸ்தவம் திராட்சைக் கொடியாக அல்ல… மீன்களை நீரில் இருந்து பறித்து தரையிலிட்டுக் கொல்லும் வலை போலவே படர்ந்திருக்கிறது. சிலுவையின் நிழல் நீரின் மேல் படரும் வல்லூறின் நிழலாகவே படர்ந்திருக்கிறது. எளிய மக்களுக்குக் கிடைத்த தேவாலயத்தின் நிழலானது பயந்து பதுங்கிய தவளைகளுக்குக் கிடைத்த பாம்புப்படத்தின் நிழலைப்போலவே இருந்திருக்கிறது. கிறிஸ்து வாக்களித்த பூமியானது பூர்வகுடி கலாசாரங்களுக்கு மீட்சிக்கு வழியில்லாத புதைமணல் வெளியாகவே இருந்திருக்கிறது.

அவர்கள் எங்கள் நாட்டில் கால் வைத்தபோது நிலங்கள் எங்களிடம் இருந்தன. அவர்கள் கைகளில் பைபிள் இருந்த்து. கண்ணை மூடிப் பிரார்த்தனை செய்யச் சொன்னார்கள். கண்ணைத் திறந்து பார்த்தால், எங்கள் கைகளில் பைபிள் இருந்தன. நிலங்கள் அவர்களிடம் போயிருந்தன. இது யாருடைய வேதனைக்குரல் தெரியுமா..?

அதுதான் அவர்களுக்கு பைபிள் கிடைத்துவிட்டதே. அதைவிடப் பெரிய சொத்து, சுகம் வேறென்ன வேண்டும்?

நல்ல கதையாக இருக்கிறதே. உங்கள் சொத்துக்களை எனக்கு எழுதித் தருகிறீர்களா… நான் ஒன்றல்ல ஒன்பது பைபிள் தருகிறேன்.

தலை குனிந்து நிற்கிறார்.

அந்தப் பூர்வகுடி மூப்பன் சொல்லத் தவறிய வேறு சில வாக்கியங்களும் உண்டு. அவர்கள் எங்கள் நாட்டில் கால் பதித்தபோது எங்களிடம் ஒரு நூறு தெய்வங்கள் இருந்தன. அவர்களிடம் சிலுவை இருந்தது. கண்ணை மூடிக்கொள்ளச் சொன்னார்கள். கண் திறந்து பார்த்தால் எங்கள் குல தெய்வக் கோவில்கள் இருந்த இடங்களில் எல்லாம் சிலுவை ஊன்றப்பட்டிருந்தன. அவர்கள் எங்கள் நாட்டில் கால் பதித்தபோது நாங்கள் எங்கள் மொழிகளுடன் எங்கள் அடையாளங்களுடன் எங்கள் கலாசாரங்களுடன் இருந்தோம். கையில் பைபிளைக் கொடுத்தனர். கண் திறந்து பார்த்தபோது எங்கள் அடையாளங்கள், கலாசாரங்கள், மொழிகள் அனைத்தும் அழிந்துபோயிருந்தன. எதற்கு மாற்றாக எது இருக்கமுடியும்?

எந்த அடையாளமாக இருந்தாலும் சுய மரியாதை இருக்கவேண்டும். கௌரவமான வாழ்க்கைக்கான வழி இருக்கவேண்டும்.

சுய மரியாதை என்றால் என்ன..? சுய நம்பிக்கை அதுதானே. உண்மையில் நம் முன்னோர்களுக்கு அது போதுமான அளவுக்கு இருக்கத்தான் செய்தது. சுயமரியாதையை ஊட்டுகிறேன் என்று ஆரம்பித்தவர்களால்தான் அது இல்லாமல் போயிருக்கிறது.

அதெல்லாம் இல்லை. இன்று நீங்களும் நானும் இப்படி நிமிர்ந்து நின்று பேச அந்த இயக்கமே காரணம்.

அந்த இயக்கம் என்ன சொன்னது. பிராமணரல்லாதவர்களை பிராமணர்கள் ஒடுக்கினார்கள். இழிவுபடுத்தினார்கள். அடிமைப்படுத்தினார்கள். அப்படித்தானே.

ஆமாம். பிராமணரல்லாத நம் முன்னோர்களை இழிவான வேலையைச் செய்ய வைத்து சுயமரியாதையை இழக்கச் செய்துவிட்டார்கள். நீதிக்கட்சி இயக்கம், திக, திராவிர முன்னேற்றக் கழகங்கள் எல்லாம் நம் முன்னோர்களுக்கு சுயமரியாதையை ஊட்டின.

யார் அந்த முன்னோர்கள். அவர்களுடைய ஜாதி என்னென்ன?

பிராமாணரல்லாத அனைவரும் அந்த வகைக்குள் வருவார்கள்.

அதாவது நேற்று மன்னர்களாக இருந்த அனைவரும் அதில் வருவார்கள். அப்படித்தானே.

அது வந்து…

அதாவது நேற்று உள் நாட்டு வணிகம், கடல் வாணிபம் செய்துபெரும் செல்வந்தர்களாக இருந்த அனைவரும் அதில் வருவார்கள் அப்படித்தானே.

மௌனம்.

மூப்பனார்கள், முதலியார்கள், கவுண்டர்கள், பிள்ளைகள், தேவர்கள் என பண்ணையார்களாக இருந்த அனைவரும் அந்த சுயமரியாதை இல்லாதவர்கள் பட்டியலில் வருவார்கள் அப்படித்தானே.

மௌனம்.

துருப்பிடிக்காத இரும்புத்தூணைச் செய்தவரும் தீப்பெட்டிக்குள் அடங்கும்படியான மெல்லிய புடவையை நெய்தவரும் விண் முட்டும் கோபுரங்கள் கட்டியவரும் களிமண் போல் கருங்கல்லில் சிற்பங்கள் செதுக்கியவரும் சுய மரியாதை இல்லாதவர்கள் அப்படித்தானே.

அது வந்து… நில உடமை இல்லாத நாவிதர், வெட்டியார், வண்ணார், தோட்டி போன்ற இழிவான வேலை செய்தவர்களை சுயமரியாதை இல்லாமல் ஒடுக்கினார்கள்.

அந்த வேலையைச் செய்தவர்களுக்கு சுயமரியாதை குறைவாக இருந்ததற்கு அந்த வேலைகளை எளிமையாக்கும் தொழில்நுட்ப அறிவு அன்றைய காலகட்டத்தில் வளர்ந்திருக்கவில்லை.

பிராமணர்கள் தத்துவ விசாரம், ஆன்மிகம், மறுபிறவின்னு இருந்தாங்களே ஒழிய இதற்கு ஒரு தீர்வைக் கண்டுபிடிக்க முயற்சி செய்யவே இல்லை. எனவே இந்த இழிவுக்குக் காரணம் அவர்கள்தான்.

உலகம் பூராவுமே அந்த வேலைகளுக்கான விஞ்ஞான கண்டுபிடிப்புகள் 100-200 வருஷங்களுக்கு முன்னாலதான் வந்திருக்கு. உலகத்துல எல்லா இடங்கள்லயும் அந்த வேலைகள் தலைமுறை தலைமுறையா குலத்தொழிலாத்தான் கைமாறி வந்திருக்கு.

அதை மாத்தினது கிறிஸ்தவர்களும் அவங்களோட விஞ்ஞானக் கண்டுபிடிப்புகளும்தான.

அதுனால?

அப்ப அவங்களோட மதம் தான அந்த கஷ்டங்கள்ல இருந்து விடுதலை கொடுத்திருக்கு.

ஒரு விஞ்ஞானி கண்டுபிடிச்ச கருவிக்கு ஒரு மதவாதி எப்படி உரிமை கொண்டாடமுடியும்? கடந்த காலத்துல விஞ்ஞானிகளையெல்லாம் மிகக் கொடூரமா நட்த்தினதுதான் கிறிஸ்தவத்தோட வரலாறு. பைபிள்ல சொன்னதுக்கு எதிரா பேசினதாச் சொல்லிக் கொன்னதுதான் கிறிஸ்தவத்தோட வரலாறு.

ஆனா 18-19 நூற்றாண்டுகளுக்கு அப்பறம் விஞ்ஞானத்தை கிறிஸ்தவம் எதிர்க்கலியே.

அதனால

அந்தக் கண்டுபிடிப்புகளைச் செஞ்சவங்க கிறிஸ்தவங்கதான. அப்ப அந்தப் பெருமைக்கு கிறிஸ்தவ மதம்தான காரணம். 2000 வருஷமா மனுஷ மலத்தை மனுஷனே அள்ளியிருக்கான். ஃப்ளெஷ் அவுட் டாய்லெட் கண்டுபிடிச்சது ஒரு கிறிஸ்தவர்தான. அப்ப அதுக்கான நன்றியை மதம் மாறறதுமூலம் காட்டலாம். காட்டணும்.

விஞ்ஞானம், இசை, விளையாட்டு இதெல்லாம் தேச, மத எல்லைகளைத் தாண்டினது. மதச்சார்பற்ற அறிவுத்துறைகளை மதச் சிமிழ்ல அடைக்கறதும் மத மாற்றத்துக்கு அதைப் பயன்படுத்தறதும் தப்பு. மேற்கத்திய கண்டுபிடிப்புகளுக்கு கிறிஸ்தவர்கள் காரணம்னு சொல்றீங்க. முஸ்லிம்கள் அதைப் பயன்படுத்தறாங்க. அப்படின்னா முஸ்லிம்களையும் கிறிஸ்தவத்துக்கு மாறச் சொல்வீங்களா?

இஸ்லாம் மனிதர்களிடையே சகோதரத்துவத்தை போதிக்குது. அதனால அவங்க மதம் மாறத் தேவையில்லை.

எது சகோதரத்துவம்? மேற்கத்திய கிறிஸ்தவர்களால்ல் கொல்லப்படறது தப்பு. ஷியாக்கள் வைக்கற குண்டுல சன்னிகள் செத்தா சுவனத்துல இடம் உண்டுன்னு செயல்படறாங்களே அந்த சகோதரத்துவத்தைச் சொல்றீங்களா?

இதெல்லாம் நம்ம நாட்டு முஸ்லிம்களுக்கு இடையில நடக்கலியே. உலகம் பூராவும் கிறிஸ்தவர்கள் தமக்குள்ள அடிச்சுக்கறாங்க. முஸ்லிம்கள் தமக்குள்ள அடிச்சுக்கறாங்க. முஸ்லிமும் கிறிஸ்தவர்களும் அடிச்சுக்கறாங்க. ஆனா இந்தியால அவங்க எல்லாரும் ஒண்ணா இருக்காங்க. அதனால வெளியில நடக்கற தப்புகளுக்கு இந்திய கிறிஸ்தவர்களும் முஸ்லிம்களும் பதில் சொல்லவேண்டிய அவசியமில்லை.

நாளைக்கு இவங்க பெரும்பான்மையானா அந்தச் சண்டையை இங்க போடமாட்டாங்கன்னு என்ன நிச்சயம்?

அது வரும்போது பாத்துக்கலாம்.

சில கதவுகளைத் திறந்துட்டா மீண்டு வரவே முடியாது. கோடைக்காலத்துலயே மழைக்காலத்துக்கான உணவைச் சேமித்துக்கொண்டாகவேண்டும். கோடைக்காலத்திலேயே மேற்கூரைகளைச் சரி செய்துகொண்டாகவேண்டும். அதிலும் வரப்போவது புயல் மழை என்றால் முன்னேற்பாடுகள் முன்பே செய்துகொண்டாகவேண்டும்.

விவாதம் தொடர்ந்து நடக்கிறது.

 ம(மா)ரியம்மா – 10

This entry is part 10 of 14 in the series ம(மா)ரியம்மா

அதைக் கேட்டதும் உற்சாக மிகுதியில் துள்ளும் உதவி பாஸ்டர் கேட்கிறார் : யாரு அச்சோ… நயன்தாரா, சமந்தா, அசின், த்ரிஷாவா..?

இங்க என்ன ஐட்டம் சாங்கா எடுக்கப்போறோம்?

அது சரி அவங்கள்லாம் இந்தப் பொட்டல் காட்டுக்கு எப்படி வருவாங்க..? ஊட்டி, கொடைக்கானல், ஃபைஸ்டார் ஹோட்டல்ல மீட்டிங் வெச்சா வருவாங்க. அப்ப இங்க யாரு வரப்போறாங்க..?

இப்ப சும்மாத்தான் இருக்கேன். நான் வர்றேன்னு பிரகாஷ் சொன்னான்.

அவரு சொன்னா யார் அச்சோ ஏத்துக்கப் போறாங்க?

அதான் நானே, நீ எப்ப சோலியா இருந்த? மோதியை எதிர்த்து நாலு ட்வீட் போட்டோமா நாலு காசு தேத்தினோமான்னு இருந்துக்கன்னு சொல்லிட்டேன்.

அதுவும் போக இப்பல்லாம் சினிமாக்காரனுங்களோட சாயம் வெளுக்க ஆரம்பிச்சாச்சு அச்சோ. பாகுபலின்னு ஒரு சர்ஜிக்கல் ஸ்ட்ரைக் அடிச்சானுங்க. அப்பறம் ஆர்.ஆர்.ஆர்.னு மிரட்டினானுங்க. அகண்டா அகோரில்லாம் வேற லெவல்.

தெலுங்கு படங்களை விடு மக்கா. அது பாட்டுக்கு ஒரு ஓரமா கொஞ்ச நாள் எரிஞ்சுட்டு அணைஞ்சு போயிரும். அதோட, ரெட்டியை வெச்சு திருமலைல நாம பதிச்சு வெக்கற கண்ணி வெடிகள், ஆந்திர முழுக்க நடக்கற குருசு நடவு இதெல்லாம் நியூஸ்ல வராம பார்த்துக்க இந்த மாதிரியான நாலைஞ்சு படங்கள் வர்றது நமக்கு நல்லதுதான்.

ஆனா, அந்தப் படங்களைப் பார்த்து மக்கள் மத்தியில வர்ற இந்து உணர்வு நமக்கு எதிராத்தான ஃபாதர் திரும்பும்.

அதெல்லாம் திரும்பாது. அந்தப் படத்துலயே கூட நம்ம கைவேலை உண்டு தெரியுமா..?

அதுல எங்க அச்சோ நம்ம டூல் கிட் இருக்கு? புள்ளையாரு, கிருஷ்ணரு, ராமரு, சிவன்னு வளைச்சு வளைச்சு இந்து ராஜ்ஜியத்தைல்ல அதுல காட்டியிருக்கானுங்க.

அங்க தான் தப்பு பண்ற… நுட்பமா நம்ம ஊசியைச் செருகியிருக்கோம். அந்தப் படத்துல வில்லன் பரமேஸ்வரன் சாட்சியான்னு சொல்லி பதவி ஏத்துப்பான். ஆனா பாகுபலியோ அம்மா மேல சத்தியமான்னு சொல்லித்தான் பதவி ஏத்துப்பான்.

ஆனா வனவாசியா இருந்தப்போ சிவ லிங்கத்தைத் தூக்கிட்டு டேன்ஸ்லாம் ஆடுவாரே.

அம்மாதான் சிவனுக்கு அபிஷேகம் செய்யணும்னு ஆசைப்படுவாங்க. அம்மாவோட ஆசையை நிறைவேத்தத்தான் சிவ லிங்கத்தைத் தூக்கி அருவிக்கு கீழ வைப்பாரு. அப்பக்கூட உன் சிவனோட உச்சி குளிரும்னு தான் சொல்லுவாரு. நம்ம சிவன்னு சொல்லமாட்டாரு. எவன் இந்து கடவுள் கிட்ட இருந்து விலகி அம்மாவே தெய்வம், ஆட்டுக்குட்டியே தெய்வம், சாய் பாபாவே தெய்வம், எம்மதமும் சம்மதம்னு சொல்லிட்டு நிக்கறானோ அவனை நம்ம பக்கம் கொண்டு வர்றது ரொம்ப ஈஸி. அந்தக் கதை நடந்ததா சொல்ற காலகட்டத்துல ஒண்ணு வெற்றி வேல் வீர வேல்னு கோஷம் போட்டிருப்பானுங்க. ஹரஹர மஹாதேவ்னு கோஷம் போட்டிருப்பானுங்க… ஜெய் ஸ்ரீராம்னு கோஷம் போட்ருப்பானுங்க. ஓம் காளி ஜெய் காளின்னு முழங்கியிருப்பானுங்க. ஆனா பாகுபலில என்ன சொன்னானுங்க பார்த்தியா..?

ஜெய் மகிழ்மதி…!

ஆமாம். அந்தக் கண்றாவி கோஷத்துக்கு என்னடே அர்த்தம்?

அது தேசப்பற்று அச்சோ.

என்ன தேசப்பற்றுடே? சோழர்கள் ஜெய் தஞ்சாவூர்ன்னா கோஷம் போட்டானுவ. பாண்டியன் ஜெய் மதுரைன்னா கோஷம் போட்டானுவ. ஒரு இந்துவுக்கு அவன் கும்பிடற சாமி தானடே எல்லாம்.

அப்போ நேஷன் ஃபர்ஸ்டும் நம்ம வேலைதானா?

பின்ன..? தளபதி கட்டப்பாவை அடிமைன்னு காட்டியிருந்தானுங்க. முஸ்லிம் தளபதியை அடிமைகளை விடுதலை செய்யறவனா காட்டியிருப்பானுங்க.

ஆர்.ஆர்.ஆர்ல வனவாசிக்கு அடைக்கலம் தர்றது ஒரு முஸ்லிம்னு காட்டினானுங்க. அவருமே குல்லா போட்டுக்கிட்டுத்தான் படத்துல நிறைய சீன்ல வருவாரு அச்சோ.

அது மட்டுமா ஜல், ஜமீன் ஜங்கல் (நீர், நிலம், காடு) இதைக் காப்பாத்த நடந்த போராகத்தான் அதையும் காட்ட வெச்சிருப்போம். பிரிட்டிஷ் காலகட்டக் கதையில ஒரு பாதிரியைக்கூட காட்டவிடாம செஞ்சிருக்கோம் பாரு; அங்க நாம நிக்கறோம். அடுத்ததா திப்பு சுல்தான் படம் மட்டுமில்ல… ஔரங்கஜீப்பை ஹீரோவா வெச்சுக்கூட படம் எடுக்கவைக்க முடியும். கவலையே படவேண்டாம். இந்த உலகத்துல நடக்கற எல்லாமே நாம நடத்தி வைக்கறதாத்தான் இருக்கும். நம்மை மீறி எதுனாச்சும் நடந்தா அதை நம்ம பக்கம் கொண்டுவரவும் நம்மால முடியும். ‘

இப்ப காஷ்மீர் ஃபைல்ஸ்னு ஒரு படத்துல இஸ்லாமியத் தீவிரவாதத்தை அப்படியே காட்டிட்டானுங்களே.

அதான் பிளானே. இந்துக்களை ஒரு பக்கம் இந்திரன் சந்திரன்னு கொம்பு சீவி விடணும். ஐய்யோ முஸ்லீமை விரட்டியடிக்கப்போறானுங்கன்னு அந்தப் பக்கமும் கிளப்பிவிடணும். ரெண்டு பேரும் கெடந்து முட்டிக்கிட்டு சாகணும். நாம வந்து அன்பா இருங்க… அமைதியா இருங்கன்னு நற்செய்தி சொல்லி நாட்டையே முழுங்கிடணும்.

ஆனா அவனுங்க கேரளால ட்ரான்ஸ் மாதிரியான படங்களை எடுத்து நம்மளை எதிர்க்க ஆரம்பிச்சுட்டானுங்களே. அது தமிழ்ல வேற வரப்போகுது.

இதெல்லாம் சும்மா கொசுக்கடி மாதிரி. நம்ம க்ரூப்லயும் நிறைய நடுநிலைகள் உண்டு பார்த்துக்கோ. ஐரோப்பா அமெரிக்காலல்லாம் நம்மை அண்டர்வேர் கூட இல்லாம நடுத்தெருல ஓடவிட்டு அடிப்பானுங்க. நாம அதையெல்லாம் கண்டுக்காம இங்க இயேசுவே மீட்பர்னு இறங்கி அடிக்கணும். 200 வருஷமா அடிமைப்படுத்தின பிரிட்டிஷாருக்கே எடுபிடிகளா எக்கச்சக்க உருப்படிகளை உருவாக்கி வெச்சிருக்கோம். உலகத்துல சர்ச் செஞ்சதெல்லாம் இங்க எவனுக்கும் தெரியாது. வெளிநாட்டுல இருந்து நமக்கு ஆதரவு கிடைக்கறவரை இங்க நாமதான் கிங். கிங் மேக்கரும் நாமதான்.

இப்பத்தான் வெளிநாட்டுல இருந்து வர்ற பணத்தை முடக்கிட்டானுங்களே அச்சோ. முந்தி மாதிரி நாம எதையும் செய்யவே முடியாதே.

யார் சொன்னா? அதுவும்போக நமக்கு வெளிநாட்டுப் பணம் எதுக்கு? ஒவ்வொரு இந்து அரசும் சிறுபான்மைக்குன்னு அள்ளி அள்ளிக் கொடுக்குது. கொடுக்கவெச்சிருக்கோம். மதச் சார்பின்மைன்னா என்ன அர்த்தம் தெரியுமுல்ல…. இந்து மதச் சார்பின்மை. அப்பறம் தலித்துக்குன்னு கொடுக்கற அம்புட்டையும் நம்ம தலித் கிறிஸ்டியனுக்கு கிடைக்க எல்லா ஏற்பாடும் செஞ்சிருக்கோம். நலிவடைந்தவர்களுக்கு, இளைஞர்களுக்கு, ஜல் சக்தி, ஆத்ம நிர்பர்னு என்ன திட்டம் கொண்டுவந்தாலும் அதிகாரவர்க்கத்துல இருக்கற நொட்டாங்கைகள், திராவிட அல்லக்கைகள் எல்லாம் எல்லாத்தையும் நம்மளுக்குத்தான் தருவானுங்க. இது மட்டுமா… இந்து கோவில் சொத்து முழுசும் அப்படியே நாமதான் சுருட்டிக்கிட்டிருக்கோம். இது ஈ.வெ.ரா மண்ணு இல்லைன்னு ஒவ்வொரு கோவில் திருவிழா கூட்டத்தையும் காட்டி கெக்கெ பிக்கேன்னு சிரிப்பானுங்க… இவனுங்க கோவிலுக்குக் கொண்டு கொட்ற பணமெல்லாம் நேரா நம்ம பாக்கெட்டுக்குத்தான் வருது. அது தெரியாது இந்த ஈர வெங்காயங்களுக்கு. கிறிஸ்தவரா இருந்து தர்றது தசம பாகம். இந்துவா இருந்து தர்றது பச்சாஸ் பாகம். பீஸ் தீஸ் சாலிஸ்லாம் இல்லை. கோவில்கள் மூலமா இந்துக்கள் நமக்குத் தர்றது ஃபிப்டிக்கு மேல மக்கா. வெளிநாட்டுல இருந்து வர்ற பணத்தைவிட இது பல மடங்கு இருக்கும்.

அப்பறமும் ஏன் நம்ம ஆளுங்க குய்யோ முய்யோன்னு கத்துறானுங்க.

அதெல்லாம் சும்மா ஆக்டிங். அவனுங்க என்னமோ நம்மளைக் கட்டம் கட்டி மட்டம் தட்டி வெச்சிட்டதா ஒரு பொய்யான நம்பிக்கையை அவனுங்களுக்குத் தந்துட்டுவர்றோம். இப்ப பத்து வருஷமா அவனுங்க எது செஞ்சாலும் எதிர்க்க ஆரம்பிச்சிட்டோம்ல. அடி பலம்னு அவனுங்க மெதப்புல இருக்கானுங்க. இருந்துட்டுப் போகட்டும்னு விட்டுவெச்சிருக்கோம். மத்தபடி நம்ம கால்ல இருக்கற மசுரைக்கூட அவனுங்களால பிடுங்கமுடியாது. இவ்வளவு ஏன் தமிழ் நாட்டுல இன்னிக்கு சினிமால இருக்கறவனுங்கள்ள விஜய், விக்ரம், விஷால், சித்தார்த், பிரகாஷ் ராஜ், விஜய் சேதுபதி, அஜீத், சீமான், ரஞ்சித், நெல்சன், அட்லி, கமல், ரஜினின்னு அத்தனை பேருமே நம்ம ஆளுங்கதான். எவனுக்காவது எந்த சந்தேகமாவது இதுவரை வந்திருக்கா..?

ரஜினியுமா..?

ஏன். என்ன சந்தேகம். திமுகவுக்கு ஆதரவுன்னா நமக்கு ஆதரவுன்னு தான அர்த்தம்.

ஆனா அவரும் படங்கள்ல இந்துவா தான வர்றாரு? அண்ணாமலை, அருணாச்சலம், படையப்பான்னு பக்திப் பழமாத்தான இருந்தாரு. இப்ப ஒரு டி.விசீரியல்ல நடிச்சாரே. அது கூட ஒரே இந்து மயம் தான.

அங்கதான் தப்பு பண்ற நீ. கபாலி, காலா, பேட்டைல என்ன பண்ணினாரு பார்த்தல்ல. இவ்வளவு ஏன் அவர் பாபான்னு கும்பிடறது வேற யாருமில்லை. இயேசுவைத்தான். அவர் வீட்ல இயேசு படம் மாட்டியிருப்பாரு பாத்திருக்கியா?

அது ராகவேந்திரர், ரமணர்ன்னு ஏகப்பட்ட படங்கள் இருக்கும். ஆன்மிகத்துல ரொம்பவே ஆர்வம் அதிகம்.

அவரோட ஆன்மிகம் நமக்குத் தேவையே இல்லை. அவரோட அரசியல்தான் நமக்கு வேணும். அது நம்ம பக்கம் தான் இருக்கு.

மோதியையும் அமீத்ஷாவையும் கிருஷ்ணர் அர்ஜுனர்னு புகழ்றாரு.

இப்ப இளையராஜா விவகாரத்துல என்ன பேசினாரு?

அது வந்து… அவரு எல்லாத்துக்கும் பதில் சொல்லிட்டு இருக்கறதில்லையே.

இளையராஜா சொன்னது சரின்னு சொல்லத்தான் தில்லு இல்லை. இளையராஜாவுக்கு தன் கருத்தைச் சொல்ல உரிமை உண்டுன்னு சொல்லக்கூட முடியாதா என்ன?

அவரு எந்தப் பக்கமும் சாயாத பாபவா இருக்காரு.

நன்மைக்கு ஆதரவா இல்லைன்னா தீமைக்கு ஆதரவுன்னுதான் அர்த்தம். அவங்க பக்கம் இல்லைன்னா நம்ம பக்கம்னுதான் அர்த்தம்.

சரி… இப்ப என்ன பிளான் வெச்சிருக்கீங்க. அவரா நாளைக்கு நம்ம சார்புல விவாதத்துல கலந்துக்கப் போறாரு.

நினைச்சா அவரையும் வரவைக்கமுடியும். ஆனா இப்போதைக்கு அவரோட ஆசியோட அவரோட அன்புத் தம்பி வந்து பேசப்போறாரு.

இந்திய மதப்பிரிவினை சட்டம் = பண்பாட்டு அழிவு ? – 1

மூலம்: டாக்டர். மூர்த்தி முத்துசுவாமி
தமிழில்: ஜடாயு

இறுதியாக, இந்தியாவுக்கான தருணம் வந்திருக்கிறது. முதலில் மேற்காசிய படையெடுப்பாளர்கள், பின்னர் பிரிட்டிஷ் காலனியம் என்று ஆயிரம் ஆண்டு அன்னிய அரசாட்சியிலிருந்து விடுபட்டு இந்தியா வெளிவந்திருக்கிறது.

1947ல் இந்தியா சுதந்திரமடைந்த வுடனேயே, பொறியியல், தொழில்நுட்பம், மேலாண்மை, கட்டமைப்பு ஆகிய துறைகளில் புதிய கல்வி நிறுவனங்களைத் தொலைநோக்குடன் உருவாக்கியதன் பயனாக, பின்வந்த காலங்களில் செல்வப் பெருக்கமும், அதோடு கூடிய சமூக-பொருளாதார முன்னேற்றங்களும் சாத்தியமானது.

1940களில் உருவான இந்திய அரசியல் அமைப்புச் சட்டம் அப்போதைய தேசத்தைப் பிரதிபலித்தது – ஒட்டுமொத்தக் கல்வியறிவு 12 சதவீதமே இருந்த தேசம்; [1] இன்னும் பிரிட்டிஷ் காலனியத்தால் ஆளப் படும் தேசம். இந்தச் சூழலில் உருவாக்கப் பட்ட அரசியல் சட்டத்தில், அது பிரிட்டிஷ் அரசியல் சட்டத்தை முன்மாதிரியாகக் கொண்டிருந்தும் கூட, சில குறைகளும், தவறுகளும் உண்டாவது சகஜமே. இத்தகைய ஒரு குறைபாடு, இன்றைக்கு பட்டவர்த்தனமாகத் தெரியக் கூடிய மதரீதியான பாரபட்சங்களுக்கு வழிவகுத்திருக்கிறது. அதைப் பற்றி விளக்குவதே இக்கட்டுரையின் நோக்கம்.

வளர்ந்துவரும் ஒரு நவீன தேசம் தனது குடிமக்களின் ஒரு பிரிவினருக்கு எதிராக, அதுவும் பெரும்பான்மையினருக்கு எதிராக இப்படி பாரபட்சமாக நடந்து கொள்வது என்பது நினைத்துப் பார்க்க முடியாத விஷயம். மிகவும் வெட்கக் கேடான ஒரு விஷயம்.

எல்லாவற்றையும் விட, இந்திய தேசத்தில் இத்தகைய பாரபட்ச நடைமுறைகள் செயல்பாட்டில் இருக்கின்றன என்பது உலக அளவில் பலருக்கும் ஆச்சரியமளிக்கும். ஆனால் அது தான் உண்மை.

கல்வியிலும், வேலைவாய்ப்பிலும் மதப்பிரிவினைக் கொள்கை (Religious Apartheid):

st_stephens_college_stampசமீபத்தில், தில்லியில் கிறிஸ்தவ மிஷனரிகளின் கட்டுப் பாட்டில் உள்ள உயர்தர உயர்கல்வி நிறுவனமான செயிண்ட் ஸ்டீபன்ஸ் கல்லூரி வெளியிட்ட ஒரு அறிவிப்பு பலரையும் கடும் அதிர்ச்சிக்குள்ளாக்கியது. அந்தக் கல்வி நிறுவனத்தின் 50 சதவீத இடங்கள் கிறிஸ்தவர்களுக்கு மட்டுமே ஒதுக்கீடு செய்யப் படுகின்றன என்ற அறிவிப்பு தான் அது. உயர்தர கல்லூரிகளில் பயில்வதை வாழ்க்கைக் கனவாகவே கொண்டிருக்கும் ஜனத்திரள் மிகுந்த ஒரு தேசத்தில், இத்தகைய அறிவிப்பு ஒரு பேரழிவுச் செய்தியாயிற்று.

“ஏற்கனவே ஸ்டீபன்சில் இடம் கிடைப்பது குதிரைக் கொம்பாக இருக்கும்போது, அவர்கள் பொது மாணவர்களுக்கான இடங்களை இந்த அளவுக்குக் குறைத்து விட்டால் நாங்கள் எங்கே போவோம்? இது அநியாயம், அக்கிரமம்”

என்றார் ஆர்ய பிரக்ரிதி [3]. தில்லியில் கல்லூரியில் சேரத் துடித்துக் கொண்டிருக்கும் ஒரு இளம் இந்து மாணவர் இவர்.

ஒரு அதிர்ச்சிகர தகவல்: இந்தக் கல்லூரி இயங்குவதற்கான நிதியில் 95 சதவீதம் மத்திய அரசிடமிருந்து, அதாவது இந்திய மக்களின் வரிப்பணத்திலிருந்து வருகிறது. அந்த வரிப்பணத்தில் மிகப்பெரும் பகுதி பெரும்பான்மை இந்து சமூகத்தால் செலுத்தப் படுகிறது [4]. இன்னொரு கவனிக்க வேண்டிய தகவல்: புது தில்லி நகரத்தில் கிறிஸ்தவர்களின் மக்கள் தொகை ஒரு சதவீதம், அதாவது 1% மட்டுமே [5].

என்ன நடக்கிறது இங்கே? முற்றிலும் தகுதி வாய்ந்த, கிறிஸ்தவர் அல்லாதவர்களைப் புறக்கணித்து விட்டு, செயின்ட் ஸ்டீபன் கல்லூரியின் மூலமாக கிறிஸ்தவர்களைப் பொறுக்கி எடுத்து முன்னேற்றுவதற்காக இந்திய மக்களின் வரிப்பணம் மானியமாக செலவாகிக் கொண்டிருக்கிறது. அது தான் நடந்து கொண்டிருக்கிறது.

எப்படி நடக்கிறது இது? இந்திய அரசியல் சட்டத்தின் 30வது சட்டப்பிரிவின் (Article 30) அடிப்படையில் உச்சநீதி மன்றம் வழங்கிய ஒரு தீர்ப்பைச் சுட்டிக் காட்டி செயிண்ட் ஸ்டீபன்ஸ் கல்லூரி நிர்வாகம் தங்களது மதரீதியான பாரபட்ச நடவடிக்கை சட்டபூர்வமானது தான் என்று நியாயப் படுத்துகிறது [6].

1993ம் ஆண்டு இந்திய அரசு முஸ்லிம்கள், கிறிஸ்தவர்கள், சீக்கியர்கள், பௌத்தர்கள், பார்சிகள் ஆகியோர் “சிறுபான்மையினர்” என்ற வரையறையின் கீழ் வருவார்கள் என்று அறிவித்தது [7]. இந்த சிறுபான்மையினர் சமூகங்கள் சமூக பொருளாதார ரீதியாக எந்த நிலையில் இருந்தாலும், அவை நடத்தும் கல்வி நிறுவனங்களில், அவை அரசு நிதி பெறும் நிறுவனங்களாக இருந்தாலும் கூட, தங்கள் சமூகத்தவர்களுக்கு என்று 50 சதவிகிதம் கல்வியிடங்களையும், வேலைவாய்ப்புகளையும் ஒதுக்கீடு செய்து கொள்ளலாம் என்று 30வது சட்டப் பிரிவு கூறுகிறது [8]. இங்கு “சிறுபான்மையினர்” என்பது முன்பு சொன்னபடி தேசிய அளவில் ஒட்டுமொத்தமாகத் தான் வரையறை செய்யப் பட்டிருக்கிறது, ஒவ்வொரு பிரதேசத்தின் மக்கள் தொகையையும் கணக்கில் கொண்டு அல்ல என்பதைக் கவனிக்க வேண்டும். உதாரணமாக, பஞ்சாபிலும், மிசோரத்திலும் முறையே சீக்கியர்களும், கிறிஸ்தவர்களும் பெரும்பான்மையினர்; இந்துக்கள் சிறுபான்மையினர். ஆனால், 30-வது சட்டப் பிரிவின் பிடி, இந்த மாநிலங்களிலும் கூட, கிறிஸ்தவர்களும், சீக்கியர்களுமே “சிறுபான்மையினர்” என்று கருதப் படுவார்கள். அங்குள்ள இந்துக்கள் “பெரும்பான்மையினர்” என்றே கருதப் படுவார்கள்!

கல்வியிடங்களில் மட்டுமல்ல, கிறிஸ்தவ மிஷநரிகளின் கட்டுப்பாட்டில் இருக்கும் கல்வி நிறுவனங்களில் கிறிஸ்தவர்களுக்கு வேலைவாய்ப்புகளிலும் ஒதுக்கீடும், முன்னுரிமையும் உண்டு. ஏனென்றால், இதையும் 30வது சட்டப் பிரிவு அனுமதிக்கிறது. உதாரணமாக, மிஷநரிகள் கட்டுப்பாட்டில் இருக்கும் மூன்று கல்லூரிகளை எடுத்துக் கொள்வோம். மதுரை அமெரிக்கன் கல்லூரி பணியாளர்களில் 66 சதவீதம் கிறிஸ்தவர்கள். யூனியன் கிறிஸ்தவ கல்லூரி பணியாளர்களில் 83 சதவீதம் கிறிஸ்தவர்கள். மும்பை செயிண்ட் சேவியர்ஸ் கல்லூரி பணியாளர்களில் 42 சதவீதம் கிறிஸ்தவர்கள் [9]. ஆனால், இந்தக் கல்லூரிகள் அமைந்துள்ள தமிழ்நாடு, கேரளம், மகாராஷ்டிரம் ஆகிய மாநிலங்களை எடுத்துக் கொண்டால் அங்கு கிறிஸ்தவர்களின் சதவீதம் முறையே 7, 19 மற்றும் 1 ஆகும். [10]. பணியாளர்களை அமர்த்துவதில் மதரீதியான பாரபட்சம் உள்ளது என்று தெள்ளத் தெளிவாக இந்த விவரங்கள் தெரிவிக்கின்றன. இந்த சட்டபூர்வமான மதப் பாரபட்ச நடைமுறைகள் இந்தியா முழுவதிலும் உள்ள எல்லாவிதமான கிறிஸ்தவ கல்வி நிறுவனங்களிலும் செயல்படுத்தப் படுகின்றன என்பது கண்கூடு. சலுகைகளின் கவர்ச்சி ஒருபுறம், இவை சட்டபூர்வமானவை தான் என்பது இன்னொரு புறம். பின்னர் ஏன் மதரீதியாக பாரபட்சம் காட்டத் துடிக்க மாட்டார்கள்?

christian_dental_collegeமிஷநரிகளின் கட்டுப்பாட்டில் இருக்கும் கல்வி நிறுவன்ங்களின் விகிதம், “சிறுபான்மை” கிறிஸ்தவர்களின் விகிதத்திற்கு சரிசமமாக இருந்தால், இந்த மதரீதியான பாரபட்சங்கள் ”மதச்சார்பற்ற” என்ற அடைமொழி கொடுத்துத் தன்னை அழைத்துக் கொள்ளும் நாட்டுக்குப் பொருந்தாவிட்டாலும், பெரிய அளவில் பாதிப்பை ஏற்படுத்தி விடாது என்று கருதலாம். ஆனால் பிரசினையின் மையமே அங்கு தான் இருக்கிறது. இந்திய மக்கள் தொகையில் 2.3 சதவீதம் (2001 சென்சஸ் படி) உள்ள கிறிஸ்தவர்கள், இந்தியாவிலுள்ள 22 சதவீதம் கல்வி நிறுவனங்களைத் தங்கள் கட்டுப் பாட்டில் வைத்துள்ளார்கள். அதாவது தங்கள் எண்ணிக்கையைப் போல 10 மடங்கு கல்வி நிறுவனங்கள். மொத்தம் 40,000க்கும் மேற்பட்ட நிறுவனங்கள் [11, 12, 13].

30வது சட்டப் பிரிவையும், மேற்கண்ட விவரங்களையும் இணைத்துப் பார்த்தால், வெளிப்படையாகத் தெரிய வருவது – கிறிஸ்தவர்கள் இந்தியாவில் விசேஷ உரிமைகளும், சலுகைகளும் பெற்ற சிறுபான்மையினர். அவர்களை மட்டும் பொறுக்கி எடுத்து முன்னேற்றுவதற்காக அரசின் வளங்கள் ஒதுக்கீடு செய்யப் படுகின்றன – வேண்டுமென்றே திட்டமிட்டு அப்படிச் செய்யப் படவில்லை என்று தோன்றினாலும் கூட. எனவே, கிறிஸ்தவர்களில் கல்வியறிவு பெற்றவர்கள், சராசரிக்கும் அதிகமாக 80 சதவீதம் இருப்பது ஆச்சரியமே அல்ல (தேசிய அளவில் சராசரிக் கல்வியறிவு 65 சதவீதம்). [14,15]. இந்தியாவிலுள்ள மருத்துவமனைகளில் 30 சதவீதம் மிஷநரிகள் கையில் உள்ளதால் [16], கிறிஸ்தவர்கள் அல்லாதவர்களை விட, கிறிஸ்தவர்களாக மதம் மாறுபவர்களுக்கான வேலை வாய்ப்பு சாத்தியங்கள் அங்கும் மிக அதிகமாக இருக்கும். இதுபோக, சிறுபான்மையினர் என்பதை வைத்து, மிகப் பெரிய அளவில் வரிவிலக்கு, நில ஒதுக்கீடு மற்றும் வேறு பலவிதமான சலுகைகளும் மிஷநரி நிறுவனங்களுக்குக் கிடைக்கின்றன. [17].

சிறுபான்மையினரான கிறிஸ்தவர்கள் பிற்பட்டவர்கள் என்று கோருவதை எந்த வகையிலும் நியாயப் படுத்தவே முடியாது என்பது நிதர்சனமான உண்மை. ஏனென்றால் கிறிஸ்வத சமூக நிறுவனங்களின் கூட்டமைப்பே சமீபத்தில் வெளியிட்ட ஒரு அறிக்கையில் [18] இவ்வாறு கூறியிருக்கிறது – “தற்போது ஆசிரியர்கள், மருத்துவப் பணியாளர்கள், எழுத்தர்கள், ஜூனியர் தலைமை நிர்வாக அதிகாரிகள் (CEO) ஆகிய பல பணிகளில் கிறிஸ்தவர்களின் பங்கு, அவர்களது எண்ணிக்கையை விட மிக அதிகமாக இருக்கிறது”. ஆனால் அதே அறிக்கை அடுத்த வரியில் சொல்கிறது – “இதற்குக் காரணம் கிறிஸ்தவர்களது சிரத்தை, நேர்மை, நல்ல கல்வி ஆகியவை தான்”. ஆனால் முக்கியமாக, 30வது சட்டப் பிரிவு ஏற்கனவே கிறிஸ்தவர்களுக்கு வெகுமதியான இட ஒதுக்கீடுகளையும், பிற வாய்ப்புக்களையும் அள்ளிக் கொடுத்து விட்டிருக்கிறது என்ற உண்மையை அந்த அறிக்கை, வருத்தமளிக்கும் வகையில், கண்டுகொள்ளவே இல்லை.

இத்தகைய பாரபட்சத்தின் பரிமாணமும், வீச்சும் நிலைகுலையவைப்பவை. மிஷநரிகளின் கட்டுப்பாட்டிலுள்ள ஒவ்வொரு நிறுவனத்திலும் மாணவர்களும், பணியாளர்களுமாக சேர்த்து சராசரியாக 300 இடங்கள் உள்ளன என்று வைத்துக் கொள்வோம். சராசரியாக, ஒவ்வொரு வருடமும் மாணவர் சேர்க்கையிலும், பணியிடங்களிலும் கிறிஸ்தவரல்லாத 10 பேர் இந்த பாரபட்ச நடைமுறையின் காரணமாக நிராகரிக்கப் படுகிறார்கள் என்று கொள்வோம். ஒட்டுமொத்தமாக தேசிய அளவில் ஒவ்வொரு வருடமும் இரண்டரை லட்சம் நிராகரிப்புக்கள்! உதாரணமாக, ஒவ்வொரு வருடமும் 400 மாணவர்கள் உள்ளே வரும் [19] செயிண்ட் ஸ்டீபன்ஸ் கல்லுரியில், 200 இடங்கள் ஏகபோகமாக கிறிஸ்தவர்களுக்கு மட்டுமாக ஒதுக்கீடு செய்யப் படுகிறது – இதன் பொருள் ஒவ்வொரு வருடமும், 200 நிராகரிப்புகள் நிகழ்கின்றன என்பது தான்.

இந்த இடத்தில், நிறவெறிக் காலகட்டத்தின் போது வெள்ளையர்களால் ஆளப்பட்ட தென்னாப்பிரிக்காவில் (அங்கு வெள்ளையர் சிறுபான்மையினர்) செயல்படுத்தப் பட்ட நடைமுறையுடன் இதை ஒப்பிட்டுப் பார்ப்பது பயன் தரும். அந்தக் காலகட்டத்தில் இனரீதியாக, வெள்ளையர்களுக்கே சாதகமாக அமையும் அரசு சட்டங்களின் மூலம், பெரும்பான்மையினரான கறுப்பின மக்களுக்கு கல்வியும், வேலை வாய்ப்புகளும் மறுக்கப் பட்டன. [20]. இதனால், தங்கள் மண்ணின்மீது கறுப்பர்களுக்கு உரிமையும், அதிகாரமும் இல்லாமலாயிற்று. தென்னாப்பிரிக்கா விஷயத்தில், அரசாட்சியில் இருந்த வெள்ளையரின் நிறவெறி, இனப்பிரிவினை நடவடிக்கைகள் கறுப்பர்களை அரசு அதிகாரத்திலிருந்து ஒதுக்கி வைக்க வேண்டும் என்ற ஒரு குறிப்பிட்ட நோக்கத்துடன் திட்டமிட்டு உருவாக்கப் பட்டவை. ஆனால், இந்தியா விஷயத்தில், இப்போது வெளிப்படையாகத் தெரியும் இந்த மதரீதியான பாரபட்ச நடவடிக்கைகள், அரசியல் சட்டத்தின் 30வது சட்டப் பிரிவின் காரணமாக எதிர்பாராமல் உருவாகி விட்டிருப்பவை. அல்லது நமக்கு அப்படித் தோன்றுகிறது.

உலகெங்கும் மக்கள் தென்னாப்பிரிக்காவின் இனப்பிரிவினை நடவடிக்கைகள் விளைவித்த அநீதியையும், கொடூரத்தையும் எதிர்த்துக் குரல் கொடுத்தார்கள். ஆனால், இந்தியாவில் அதே போன்ற நடவடிக்கைகளினால் உருவாகும் பூதாகாரமான விளைவுகளைப் பற்றிய புரிதலே முழுமையாக ஏற்படவில்லை. அப்புறம் தானே குரல் கொடுப்பதற்கு! விற்பனையைக் குவிக்கும் புத்தகங்களை எழுதும் எழுத்தாளர் ராமச்சந்திர குஹா இதே செயின்ட் ஸ்டீபன் கல்லூரியின் முன்னாள் மாணவர் தான். ஆனால் தனது முன்னாள் கல்லூரியின் இட ஒதுக்கீடுக் கொள்கைகளை “நெறிகளுக்கு எதிரானவை” (unethical) என்று மிகவும் மென்மையான தொனியில் அவர் குறிப்பிடும்போது, அவரது பார்வையில் உள்ள குறைபாடு நமக்குத் தெளிவாகத் தெரிய வருகிறது.

un_declaration_human_rightsஉள்ளபடி பார்த்தால், இந்திய அரசியல் சட்டத்தின் 30வது சட்டப் பிரிவு விளைவித்திருக்கும் இந்த பாரபட்சமான கொள்கைகள், இந்தியா கையெழுத்திட்டு ஏற்றிருக்கும் ஐ.நா சபையின் ”உலக மனித உரிமைப் பிரகடனத்தின்” 23 மற்றும் 26வது ஷரத்துக்களை மீறுகின்றன என்று நாம் வாதிடலாம் [22]. குறிப்பாக, ”பணி புரிவதற்கான உரிமை மற்றும் சுதந்திரமான பணித் தேர்வுக்கான உரிமை” (23வது ஷரத்து), “உயர்கல்வியானது திறமையின் அடிப்படையில்அனைவரும் சம உரிமையுடன் பெற வாய்ப்புள்ளதாக இருக்க வேண்டும்” (26வது ஷரத்து) ஆகிய கொள்கைகளை மீறுவதாகத் தோன்றுகிறது. எனவே, 30வது சட்டப் பிரிவு விளைவித்துள்ள பாரபட்சங்கள் ”மனித உரிமை மீறல்கள்” என்று அழைக்கப் படவும் தகுதியுடையதாகின்றன.

இந்தியாவின் எழுச்சி பற்றி நாம் எவ்வளவு பேசினாலும், உலக அளவில் மிகவும் ஏழ்மைப் பட்ட நாடுகளில் ஒன்றாகத் தான் இந்தியா இன்னமும் இருக்கிறது. 2006ம் வருடத்திய குடும்ப நல கணக்கெடுப்புப் படி, மூன்று வயதுக்குள் உள்ள குழந்தைகளில் 46 சதவீதம் மிகவும் எடைகுறைவானவர்களாக உள்ளார்கள் (சஹாரா பாலைவனத்தை ஒட்டிய ஆப்பிரிக்க தேசங்களில் கூட இது 28 சதவீதம் தான்). இந்தியக் குழந்தைகளில், சத்துக் குறைவால் ஏற்படும் சோகை நோய் (அனீமியா) அதிகரித்து 79 சதவீதத்தை எட்டியிருக்கிறது (1999ல் இது 74 சதவீதம் தான்) [23]. சத்துக் குறைவு எந்த அளவுக்கு தீவிரமாக உள்ளது என்றால், ஒவ்வொரு வருடமும் சுமார் 20 லட்சம் குழந்தைகள் (அதாவது ஒவ்வொரு நாளும் 6000 குழந்தைகள்) இதனால் மடிகிறார்கள். [24].

பெரும்பான்மையினரான இந்துக்கள் பிற்படுத்தப் பட்டு, உரிமை இழந்ததற்கு நூற்றாண்டுகளாகத் தொடர்ந்த அன்னிய ஆட்சியில் அவர்கள் அதிகாரத்திலிருந்து ஒதுக்கப் பட்டு, நிராகரிக்கப் பட்டதும் ஒரு காரணம். மேலும், தற்போதைய நிலவரங்களின் படி, சிறுபான்மையினரான முஸ்லிம்கள் ஒப்பீட்டில் இந்துக்களை விடவும் அதிகம் பிற்பட்டு இருக்கிறார்கள் என்பதும் ஓரளவு உண்மையே [25]. ஆயினும், இதில் எவ்வளவு தூரம் முஸ்லிம்கள் தாங்களே விளைவித்துக் கொண்டது என்பதையும் நாம் கணக்கில் கொள்ளவேண்டும். ஏனென்றால், இந்திய முஸ்லீம் சமூகங்கள் நவீனக் கல்வியை அணைத்துக் கொள்வதில் பெரும் தயக்கம் காட்டி வருவதும், மதரஸா கல்வியையே அதிகம் தெரிவு செய்து படிப்பதும் ஆவணப் படுத்தப்பட்டுள்ளது [26]. இந்தியாவைப் போன்று அதே சாத்தியங்கள் கொண்டிருந்த, ஆனால் முஸ்லிம் பெரும்பான்மை தேசமான பாகிஸ்தான் எப்படி சமூக, பொருளாத பரிணாம வளர்ச்சியில் பின்னோக்கிச் சென்றிருக்கிறது என்பதை வைத்துப் பார்த்தால் “முஸ்லிம்கள் தாங்களே விளைவித்துக் கொண்டது” என்ற கருத்திற்கு அது வலு சேர்க்கிறது [27].

சிறுபான்மையினரான கிறிஸ்தவர்கள் இந்தியாவின் மிக உரிமை பெற்ற, மிக முன்னேறிய வர்க்கத்தினரில் அடங்குவர் என்பதற்கு அவர்களே அளித்திருக்கும் வாக்குமூலங்களே சாட்சி. கணிசமான அளவிலுள்ள மற்றொரு சிறுபான்மையினரான சீக்கியர்களும், பெரும்பான்மையினரை விட மிக நல்ல நிலையில் தான் உள்ளனர்; வளம் கொழிக்கும் மாநிலமான பஞ்சாபில் தான் அவர்கள் அதிகபட்சமாக வசிக்கின்றனர். இந்தச் சூழலில், 30வது சட்டப் பிரிவை என்ன சொல்லியும் நியாயப் படுத்த முடியாது. அது மட்டுமல்ல, நூற்றாண்டுகளாக பெரும்பான்மை சமூகம் அனுபவித்து வந்த இன்னல்களை இந்த சட்டப் பிரிவு இன்னும் நீட்டிக்கிறது. அதுவும் அந்த சமூகமே வாக்களித்துத் தேர்ந்தெடுத்த அடுத்தடுத்த அரசுகளே இதற்கு உதவியும் உள்ளன.

கல்வியும் வேலைவாய்ப்புகளுமே வறுமையிலிருந்து மீள்வதற்கும், சுய உரிமை பெறுவதற்குமான வாசல்கள். ஆனால், இந்திய அரசியலமைப்புச் சட்டமே விளைவித்திருக்கும் மேற்கூறிய பாரபட்ச நடவடிக்கைகள், தகுதியைப் பின்னுக்குத் தள்ளி, அந்த இடத்தில் மதச்சார்பு நிலைகள் ஆதிக்கம் செலுத்த வகை செய்துள்ளன. லட்சக்கணக்கான தகுதிவாய்ந்த குழந்தைகளும், இளைஞர்களும் வறுமையின் கோரப் பிடியிலிருந்து வெளிவர வழிசெய்யும் வாய்ப்புக்கள் அநியாயமாக அவர்களுக்கு மறுக்கப் படுகின்றன.

இந்த தேசத்தின் மக்கள் தொகையில் 95 சதவீதம் உள்ள மக்களைப் பாரபட்சத்துடன் நிராகரிப்பதைக் கொள்கையாகவே கொண்டுள்ள மிஷநரிகளின் கட்டுப் பாட்டில் தான் தேசத்தின் தலைசிறந்த பள்ளிகளும் கல்லூரிகளும் உள்ளன. இதை மனதில் வைத்துப் பார்த்தால் சமீபத்தில் இந்தியப் பாராளுமன்றம் இயற்றியிருக்கும் கல்வி உரிமைச் சட்டம் [28] எவ்வளவு முட்டாள்தனமானது என்று விளங்கும்.

இந்தியாவில் மிஷநரி பணிகளுக்காக பெரும் தொகை வெளிநாடுகளிலிருந்து பாய்கிறது. உதாரணமாக, 2006-2007 வருடத்தில் 100 மில்லியன் டாலர்களுக்கும் (10 கோடி) அதிகமான பணம் வந்துள்ளது. [29]. தேவைப் படுபவர்களுக்கு உதவுவதற்கே இந்தப் பணம் முழுவதும் செலவழிக்கப் படுவதாக சொல்லப் படுகிறது, அதில் ஓரளவு உண்மையும் இருக்கலாம். ஆனால், மிஷநரி கல்வி நிறுவனங்களின் பாரபட்ச அணுகுமுறைகள், அவர்கள் புரியும் பாராட்டுக்குரிய சேவைப் பணிகளை முற்றிலும் மதிப்பிழக்கச் செய்கின்றன. மிஷநரி நிறுவனங்களின் பாரபட்சமான இட ஒதுக்கீடுகள் பெரும்பான்மையினர் மத்தியில் பெரும் கசப்புணர்வை ஏற்படுத்துகின்றன [30] என்று நன்கு தெரிந்திருந்தும் கூட, இவற்றை ரத்து செய்வதையோ குறைப்பதையோ பற்றிய எண்ணம் சிறிது கூட அவர்களிடம் இல்லை. மாறாக, செயிண்ட் ஸ்டீபன் கல்லூரி செய்தது போல, ஒவ்வொரு வருடமும் இந்த நிறுவனங்களில் கிறிஸ்தவர்களுக்கான இட ஒதுக்கீடுகள் அதிகரித்துக் கொண்டே தான் வருகின்றன [31].

நீண்டகால நோக்கில், இதனால் பாதிக்கப் படுவது இந்தியாவின் வளர்ச்சி விகிதமும், மனித உரிமைகளும் மட்டுமல்ல, அதைவிட மேலும் பெரியதான அபாயங்களும் ஏற்படும் சாத்தியம் உள்ளது.

30வது சட்டப் பிரிவு உருவாக்கும் மதப் பாரபட்சங்கள், கல்வி நிறுவனங்கள் மீது மிஷநரிகளின் அளவுக்கதிகமான கட்டுப்பாடு – இவை உருவாக்கும் நீண்டகால விளைவுகளை “பிரிவினைகளின் தொடர் இயங்குமுறைக் கோட்பாடு” (Dynamic Models of Segregation) என்கிற அறிவியல்பூர்வமான முறை கொண்டு அடுத்த பகுதியில் ஆராய்வோம். இந்த அறிவியல் முறை நோபல் பரிசு பெற்ற பொருளாதார நிபுணர் தாமஸ் ஷெல்லிங் உருவாக்கியது.

(தொடரும்)

அடுத்த பகுதி >> 

moorthy-muthuswamyடாக்டர். மூர்த்தி முத்துசுவாமி அமெரிக்காவில் வசிக்கும் அணு இயற்பியலாளர். 1979ல் இந்தியாவின் பிர்லா அறிவியல் தொழில்நுட்பக் கழகத்தில் (BITS, Pilani) தனது பட்டப் படிப்பை முடித்தார். 1989ல் நியூயார்க் ஸ்டோனி ப்ரூக் பல்கலைக் கழகத்தில் அணு இயற்பியலில் ஆய்வுகள் செய்து டாக்டர் பட்டம் பெற்றார். அமெரிக்காவின் பல கல்வி நிறுவனங்களில் பதவி வகித்தும் உள்ளார். அண்மைக் காலமாக உலக அரசியல், சமூகவியல் ஆகிய துறைகள் குறித்து எழுதி வருகிறார். உலகளாகிய இஸ்லாமிய பயங்கரவாதம் குறித்து இவர் எழுதியுள்ள Defeating Political Islam என்ற நூல் இந்தப் பிரசினை குறித்த முழுமையான பார்வையை முன்வைப்பதாக விமர்சகர்களால் மதிப்பிடப் பட்டுள்ளது.

சான்றுகள்:

[1] “Literacy in India,” Wikipedia, http://en.wikipedia.org/wiki/Literacy_in_India (accessed Nov. 12, 2010).

[2] NDTV, June 09, 2008, http://www.ndtv.com/convergence/ndtv/story.aspx?id=NEWEN20080052488 (accessed Nov. 11, 2010).

[3] Ibid.

[4] Outlook India, June 25, 2007, http://www.outlookindia.com/article.aspx?234958 (accessed Nov. 11, 2010).

[5] “2001 Census India – State-wide Population Breakdown by Religion,” http://www.censusindia.gov.in/Census_Data_2001/Census_data_finder/C_Series/Population_by_religious_communities.htm (accessed Nov. 13, 2010).

[6] Outlook India.

[7] “National Commission for Minorities – Genesis,” http://ncm.nic.in/genesis.html (accessed Nov. 14, 2010).

[8] “National Commission for Minorities – Constitutional Provisions,” http://ncm.nic.in/constitutional_prov.html (accessed Nov. 13, 2010); see also, “Minority Rights – The Judicial Approach,” http://www.legalservicesindia.com/articles/judi.htm (accessed Nov. 12, 2010).

[9] “Indian Constitution, Religious Discrimination and USCIRF,” South Asia Analysis Group, May 19, 2005, http://www.southasiaanalysis.org/%5Cpapers14%5Cpaper1386.html (accessed Nov. 12, 2010).

[10] “2001 Census India – State-wide Population Breakdown by Religion.”

[11] Ibid.

[12] India Currents, July 17-23, 2008, http://www.hvk.org/articles/0708/138.html (accessed Nov. 12, 2010).

[13] The New York Times, August 28, 2008, http://www.nytimes.com/2008/08/29/world/asia/29india.html (accessed Nov. 13, 2010).

[14] “National Commission for Minorities – Minority Literacy Rates,” http://ncm.nic.in/minority_population.pdf (accessed Nov. 13, 2010).

[15] “2001 Census India – Literacy Rates,” http://www.censusindia.gov.in/Census_Data_2001/India_at_glance/literates1.aspx (accessed Nov. 13, 2010).

[16] India Currents.

[17] “National Commission for Minorities – Constitutional Provisions.”

[18] Free Press Release, Dec. 18, 2009, http://www.free-press-release.com/news-christians-oppose-rangnath-mishra-report-1261137900.html (accessed Nov. 13, 2010).

[19] “St. Stephen’s College – Delhi,” Wikipedia, http://en.wikipedia.org/wiki/St._Stephen’s_College,_Delhi (accessed Nov. 17, 2010).

[20] “South Africa under Apartheid,” Wikipedia, http://en.wikipedia.org/wiki/South_Africa_under_apartheid (accessed Nov. 13, 2010).

[21] Outlook India.

[22] “The Universal Declaration of Human Rights,” http://www.un.org/Overview/rights.html (accessed Nov. 13, 2010).

[23] Peter Wonacott, “Lawless Legislators Thwart Social Progress in India,” Wall Street Journal, May 4, 2007.

[24] CNN-IBN, Mar. 29, 2008, http://ibnlive.in.com/news/in-booming-india-hunger-kills-6000-kidsdaily/62220-17.html (accessed Nov. 13, 2010).

[25] “National Commission for Minorities – Minority Literacy Rates.”

[26] Sadanand Dhume, “Is India an Ally?” Commentary Magazine, Jan. 2008.

[27] “Why have Pakistan and India Evolved so differently?” South Asia Analysis Group, Nov. 1, 2010, http://www.southasiaanalysis.org/papers42/paper4138.html (accessed Nov. 13, 2010).

[28] “Right to Education Act,” http://www.indg.in/primary-education/policiesandschemes/right-to-education-bill (accessed Nov. 13, 2010).

[29] “Receipt and Utilization of Foreign Contribution by Voluntary Associations,” http://www.mha.gov.in/fcra/annual/ar2006-07.pdf (accessed Nov. 14, 2010).

[30] NDTV.

[31] Outlook India.