இந்துமதம், சாதி, வறுமை, மதமாற்றம் : ஒரு பார்வை

இன்றைய சூழலில் சிலர் “இந்துமதத்தில்” இருந்த தீண்டாமையும், சாதிக்கொடுமையும்தான் மதம் மாற முக்கிய காரணமாக இருந்தது என்றும், இந்துமதத்தில்தான் கட்டாய மதமாற்றம் முதன் முதலில் நடந்தது என்றும் உருட்டுகிறார்கள். இவர்கள் யாரென்று பார்த்தால் நேற்றுவரை இந்து என்றொரு மதமே இல்லை, வெள்ளைக்காரன்தான் இந்து என்று பெயர் வைத்தான். தமிழர்களுக்கு மதமே இல்லைனு கத்திக்கிட்டு திரிந்தவர்களாவர். இந்த வாயை வாடகைக்கு விட்டுட்டுதான் இந்துமதத்தில் சாதி, தீண்டாமை இருந்ததால்தான் மதம் மாறினார்கள் என்று உபதேசம் பண்ணிக்கிட்டு திரியுறானுக.

A number of factors can contribute to an increased chance of a heart attack or stroke such as the presence of high blood pressure, smoking or diabetes, a family history, and being female. The most important Hermiston uses are in the treatment of tuberculosis and leprosy. You can buy any prescription medicine from our secure online store.

To avoid the side effects, do not take any other medication with it. There are over 1.5 https://vietnamhairs.vn/coolest-trendiest-chin-length-bob-ideas.html million users of the product and it is one of the most widely used antidepressants, especially for patients suffering from depression. The website is offering dapoxetine.com at the very cheap rate.

I don’t think she is ready yet to take on the challenge. Levofloxacin-like antibiotics are not recommended for use in patients who may be allergic to an antibiotic, which may also react with http://jualah.id/cara-promosi/ an ingredient in levaquin. Doxycycline hyclate 100mg buy online australia the study was presented yesterday by the department of energy at an american medical association conference in chicago.

மக்கள் சாதிக்கொடுமைகளாலும், வறுமையினாலும் மதம் மாறினார்கள் என்பதை மறுக்கவே முடியாது. அதே சமயம் இந்த சாதிக்கொடுமைகளுக்கும், வறுமைகளுக்கும் அதிகாரவர்க்கத்தின் ஆளுமைகளே காரணமாக இருக்க முடியுமே அன்றி இந்துமதமோ, இந்து மதத்தின் தர்ம நூல்களோ இவற்றை முன்மொழியவே இல்லை. என்னைக்கேட்டால் இந்த மதமாற்றங்களுக்கு கூட இந்த அதிகாரவர்க்கம்தான் துணைநின்றது என்பேன். 18, 19 ஆம் நூற்றாண்டுகளின் ஆரம்பத்தில் நடந்த மதமாற்ற விகிதங்களை விட இந்தியா சுதந்திரம் பெற்ற பிறகு நடந்த மதமாற்றங்களின் விகிதமே அதிகம் என்பேன்….!

எங்கள் ஊர்ப்பகுதிகளில் 1980 களுக்கு பிறகே பெருவாரியான மதமாற்றங்கள் நிகழ்ந்திருக்கின்றன. ஒடுக்குமுறைகள் இருந்த காலத்தில் மதமாறியதை சுயமரியாதைக்காக மாறினோம் என்று கூறுபவர்கள் சமீப காலங்களில் நடக்கும் மதமாற்றத்தை, இது இந்திய அரசியலமைப்பு சட்டம் எங்களுக்குத் தந்துள்ள உரிமை என்ற பெயரில் கடந்து செல்கின்றனர். இன்றைய காலத்தில் அவர்களால் சாதி, தீண்டாமை போன்ற காரணங்களை முன்னிறுத்தி மதம் மாற்றவோ மாறவோ முடியவில்லை என்பது நிதர்சனமான உண்மை. ஆனால் கடந்த காலங்களுக்காக மட்டுமே இந்த வார்த்தைகளை பயன்படுத்துகின்றனர். இந்நிலையைப் பார்த்தால் ஒரு கதை ஞாபகம் வருகிறது அதாவது,

தென் மாவட்டங்களில் ஒருகாலத்தில் நாயக்கர்களை எதிர்கொள்ள போர்ச்சிகீசியர்களிடம் உதவி கேட்ட வேணாட்டு அரசிடம், நயவஞ்சகமாக இங்குள்ள மக்களை மதம் மாற்றுவதற்கு அனுமதி தந்தால் நாயக்கர்களை ஒன்றாக எதிர்ப்போம் என்று கேட்டதும் வேணாட்டு அரசு அதற்கு ஒப்புதல் அளித்தது போன்று, தனக்கு சாதகமான இடங்களிலெல்லம் அப்பகுதியை ஆளும் மன்னர்களை கைக்குள் போட்டுக்கொண்டு பிரிட்டிஷ் அரசு நிகழ்த்திய மதமாற்றங்கள் ஏராளம். அதோடு இங்கே ஆட்சியாளர்களிடையே காழ்ப்புணர்சசிகளால் நடந்த ஒருசில கசப்பான நிகழ்வுகளையும் பிரிட்டிஷ் அரசு மதமாற்றம் செய்வதற்கு பயன்படுத்திக்கொண்டனர் என்பதை மறுக்க முடியாது.

அதுபோல வறுமைகளுக்கும், குறிப்பாக தென் மாவட்டங்களில்18 ஆம் நூற்றாண்டிற்கு பிற்பகுதியில் ஆங்கிலேயர்களுக்கு வருடத்திற்கு 8 லட்சம் ரூபாய் கப்பம் கட்ட வேண்டிய கட்டாயத்தில் திருவிதாங்கூர் அரசு இருந்த காரணத்தால், ஆளும் வர்க்கமானதது அந்த வரிச்சுமையை மக்களின் மீது சுமத்தி மக்களை சுரண்டியது என்பதையும் மறுக்க முடியாது. இதன் காரணமாகவே அக்காலங்களில் மதமாற்றம் அதிகமாக நடந்தது. இதனால் தன்னை பொருளாதார ரீதியாக உயர்ந்த சமூகமாக மாற்றிக்கொண்ட சமுகங்கள் ஏராளம். தான் பொருளாதார ரீதியாக வளர்ச்சி பெற்ற பிறகும் மதம் மாறும் மக்களை என்னவென்று சொல்வது?

சரி பதிவின் முதற்பகுதிக்கு வருவோம். இந்த சாதிக்கொடுமைகளுக்கும், வறுமைக்கும் அதிகாரவர்க்கமே காரணமாக இருக்க முடியுமே அன்றி இந்துமதம் இதற்கு காரணமாக இருக்க முடியாது. ஆகவே இந்துமதம் என்ற ஒன்று இல்லை என்று உருட்டும் அண்ணன்மார்களே, இந்துமதம் என்ற ஒன்று இல்லைனா இந்துமதத்தில் சாதிக்கொடுமைகளும், வறுமைகளும் இருந்தது என்று கூற உங்களுக்கு வெட்கமாக இல்லையா? சரி, இந்து என்ற பெயரே வெள்ளைக்காரன் வைத்ததாக உருட்டுகிறீர்களே? ஒருவேளை வெள்ளைக்காரன் இந்த பெயரை வைத்திருந்தால் 15 ஆம் நூற்றாண்டில் வாழ்ந்த மன்னர்கள் தங்களை இந்து மன்னர்களாக எப்படி அழைத்திருக்க முடியும்?

“சுபமஸ்து ஸ்வஸ்திஸரீ ஸரீமன் மகா மண்டலேசுவர அரி ராய விபாடன் பாஷைக்குத் தப்புவராய கண்டன் மூவராய கண்டன் கண்டநாடு கொண்டு கொண்டநாடு கொடாதான் – இந்து ராய சுரத்ராண இராசாதி ராசன் இராச பரமேசுவரன் பூர்வ தட்சிண பச்சிம உத்தர சமுத்ராதிபதி ஸரீவீர கசவேட்டை கண்டருளிய பிரதாப இம்மடி தேவராய மகாராயர் பிருதிவி ராச்சியம் பண்ணியருளா நின்ற சகாப்தம் 1373 ன் மேல் செல்லா நின்ற பிரசாபதி வருஷத்து மீனஞாயிற்று அமரபட்சத்து நவமியும் வியாழக் கிழமையும் பெற்ற திருவொணத்து நாள்”

– இரண்டாம் தேவராய மகாராயரின் மெய்க்கீர்த்தி(1426-1452)

அதாவது தன்னை “இந்து ராய சுரத்ராண” என்று அழைக்கும் அவ்வார்த்தைக்கு பொருளாவது இந்து ராஜ்யத்தின் சுல்தான் என்பதாகும். 15 ஆம் நூற்றாண்டில் தன்னை இந்து ராஜ்யத்தின் சுல்தான் என்று அழைக்கும் மன்னர்கள் இருந்திருந்தால் 18 ஆம் நூற்றாண்டில் வெள்ளைக்காரன் எப்படி இந்து என்ற பெயரை தந்திருப்பான் என்று சிந்திப்பீர்களா?

[பி.கு: “சுரத்ராண” என்ற சொல்லை “சுல்தான்” என்பதன் சம்ஸ்கிருத சொல் வடிவம் என்று எண்ணி கல்வெட்டு ஆய்வாளர்கள் எழுதியிருக்கிறார்கள். இது சரியான கருத்தாகத் தோன்றவில்லை. சுர+த்ராண = தேவர்களுக்கும் பாதுகாப்பாக இருப்பவர் என்பதே இதன் பொருள். அதாவது விஜயநகர அரசு தெய்வங்களின் கோயில்களைப் பாதுகாக்கும் என்ற அர்த்தத்தில் இச்சொல் பயன்படுத்தப் பட்டிருக்கலாம் – தமிழ்ஹிந்து ஆசிரியர் குழு]

(பா. இந்துவன் தனது ஃபேஸ்புக் பக்கத்தில் எழுதியது)

லாவண்யா மரணமும் “நடுநிலை” பாசாங்குகளும்

கிறிஸ்தவ மதமாற்ற அழுத்தத்தால் தனது உயிரையே மாய்த்துக்கொண்ட மாணவி லாவண்யாவின் மரணம் தேசிய அளவில் அதிர்வலைகளை ஏற்படுத்தி வருகையில், தமிழ்நாட்டின் சமூக ஊடகங்களிலும் பொதுவெளியிலும் “நடுநிலை” என்ற பெயரில் இந்தப் பிரசினையை முன்வைத்து கூறப்படும் கருத்துக்களின் வக்கிரமும் போலித்தனமும் குமட்டலை ஏற்படுத்துகிறது.

அரட்டை என்ற சொல்லையே தனது சுய அறிமுகமாகக் கொண்டுள்ள Sowmya Ragavan என்ற இந்த ஃபேஸ்புக்கருக்கு, ஒரு இந்து மாணவியின் உயிரோ, அந்தக் குடும்பத்தின் பெருந்துயரமோ, அந்த மாணவியைத் தற்கொலைக்குத் தூண்டிய கிறிஸ்தவ மதமாற்ற வெறியின் கொடுங்கரங்களோ எதுவுமே ஒரு பொருட்டாக இல்லாதிருக்கலாம்… லாம். ஆனால், இப்படிப் பட்ட ஒரு “ஜோக்”கை உருவாக்கி ஏளனம் செய்து மகிழும் மனநிலை எப்படிப்பட்டது என்று புரிந்துகொள்ள முயல்கிறேன்.

இதற்குப் பின்னால் எத்தனை அடுக்குகள் பொய்மையும், Dumbo தன்மையும், கடும் இந்துமத வெறுப்பும், அதை உருவாக்கிய மூளைச்சலவையும் இருந்திருக்கிறது என்று யோசித்தால் மூச்சடைக்கிறது.

அதாவது, “எங்கள படிக்க வேண்டாம்” என்பதற்காகத் தான், நாகர்கோவிலிலும், திருநெல்வேலியிலும், சென்னை பட்டாபிராமிலும் திருவல்லிக்கேணியிலும் இன்னும் பற்பல ஊர்களிலும் இந்து காலேஜ், இந்து ஹை ஸ்கூல், நேஷனல் காலேஜ் மேலும் பற்பல பெயர்களில் இந்த மண்ணின் குப்பனும், சுப்பனும் கருப்பாயியும் மீனாட்சியும் கல்வி கற்பதற்காக உயிரையும் உழைப்பையும் நிதியையும் கொடுத்து ஏகப்பட்ட கல்வி நிலையங்களை உருவாக்கினார்கள். அவர்கள் எல்லாம் “சங்கிகள்”.

பிரிட்டிஷ் காலனியம் வருவதற்கு முன்பே இங்கிருந்த சுதேசிக்கல்வி குறித்து, காந்தியர் (“சங்கி” அல்ல) தரம்பால் எழுதிய “அழகிய மரம்” முதலான புத்தகங்களை மாங்கு மாங்கென்று B. R.மகாதேவன் உயிரைக் கொடுத்து மொழிபெயர்த்து, அவை கிழக்கு பதிப்பகம் போன்ற பிரபல பதிப்பகம் மூலமே வெளிவந்துள்ளன. இதெல்லாம் தமிழ்ச் சமூகத்தின் ஒரு சிறுபரப்பில் சிறு சலனத்தைக் கூட ஏற்படுத்தவில்லை என்று தோன்றுகிறது. காந்தியரான ராஜாஜி (“சங்கி” அல்ல) கொண்டுவந்த “குலக்கல்வி” திட்டம் என்பதும் உண்மையில் எளிய மக்களை நசுக்குவதற்காக அல்ல, மாறாக அவர்களது பள்ளிக்கல்வியை நீடித்ததாக, துரிதமாக்குவதற்காக உருவாக்கப்பட்டது என்று பல ஆய்வாளர்கள் தெளிவுபடுத்தியிருக்கின்றனர்.

இந்த வரலாற்று பிரக்ஞை எல்லாம் அந்தக் குருவி மண்டைக்கு ரொம்பப் பெரிதாக இருக்கலாம். ஆனால், கிறிஸ்தவ பள்ளிகளில் நடக்கும் மதமாற்ற “டார்ச்சர்” என்பது தமிழ்நாட்டின் சமூக யதார்த்தம், சாதாரண அரட்டையர்களுக்குக் கூட புலப்படும் அந்த விஷயத்தைக் கூட இருட்டடிப்பதன், மூடி மறைப்பதன் உள்நோக்கம் என்ன?

ஒரு பாவமும் அறியாத #லாவண்யா மரணத்திற்கு நீதிகேட்டு இன்று தேசம் முழுவதும் குரல்கள் வலுத்து வருகையில், தமிழ் ஊடகங்கள் இதைப்பேச மறுத்து கள்ள மௌனத்தில் ஆழ்ந்துள்ளன என்பதை எப்படி எடுத்துக்கொள்வது? இந்த “ஜோக்கை” எழுதியவர் ஒரு திமுக கொத்தடிமையாக, இந்து முகமூடியில் உலவும் ஒரு கிறிஸ்தவ வெறியராக, எப்படியும் இருக்கக் கூடும். ஆனால் இந்த பிரசினையில் ஒரு கணிசமான தரப்பின் எதிர்வினை இப்படித்தான் இருக்கும் என்றால், தமிழ்நாட்டின் நிலைமை மிகவும் கவலைக்குரியதாகிறது.

பி.கு: லாவண்யாவின் தந்தை ஒரு திமுக கட்சி அபிமானியாக இருந்தவர், “சங்கி” அல்ல.


“மதம் மாறாமல் இருக்கும் லட்சக்கணக்கான கான்வெண்ட் மாணவிகளில் ஒருத்தி” – Kirthika Tharan என்பவர் எழுதிய பதிவின் கடைசிவரி. இதே போன்று “இன்னும் பாலியல் தாக்குதலுக்கு ஆளாகாமல் இருக்கும் இரவு நேரத்தில் பேருந்தில் பயணிக்கும் லட்சக்கணக்கான பெண்களில் ஒருத்தி” என்ற வாசகத்தை நிர்ப்பயா வன்புணர்வு என்னும் குரூர சம்பவத்திற்குப் பின்பு ஒரு பெண் எழுதினால் எப்படி இருந்திருக்கும் என்று யோசித்துப் பாருங்கள். அதற்குச் சற்றும் குறையாத உணர்வின்மை இந்த வரிகளில் உள்ளது என்பதையாவது இப்பதிவர் உணர்கிறாரா?

லாவண்யா என்ற இந்து மாணவியிடம் இருந்தது ஒரு vulnerability. அதைக் குறிவைத்துத் தான் அவர்மீதான உளவியல் சித்ரவதைகள், மதமாற்ற அழுத்தங்கள் சம்பந்தப்பட்ட கிறிஸ்தப் பள்ளியால் தரப்பட்டன. இந்த அடிப்படை புரிதல் கூட ஆயிரக்கணக்கில் ஃபாலோயர்களைக் கொண்டுள்ள இந்தப் பதிவருக்கு இல்லையா அல்லது வேண்டுமென்றே விஷயத்தின் தீவிரத்தை trivialize செய்கிறாரா?

லாவண்யாவின் மரணத்தை முன்வைத்து ஒரு உண்மையான சீரியசான மக்கள் பிரசினையைப் பேசிக்கொண்டிருக்கும் பாஜக, தமிழ்நாட்டில் கசப்புகளை “மத அரசியலை” கொண்டுவருகிறதாம். எப்படியெல்லாம் சீன் போடுகிறார்கள் பாருங்கள். உண்மை என்னவென்றால், இவ்வளவு நாள் இங்கு நடந்துவரும் மத அரசியலில் இந்துவெறுப்பு, இந்து எதிர்ப்பு கொடிகட்டிப்பறந்து கொண்டிருக்கிறது. அது தரும் தெனாவட்டில் தான் கிறிஸ்தவ மதமாற்ற வல்லூறுகள் இங்கு திரிந்துகொண்டிருக்கின்றன. ஒரு மாற்றமாக, இந்து வாழ்வுரிமைப் பிரசினையை ஒரு கட்சி அழுத்தமாக பேச ஆரம்பித்த உடனேயே திமுக என்ற கட்சிக்கும் அதன் ஆதரவாளர்களுக்கும் ஏற்படும் பதற்றத்தையே இது காட்டுகிறது.

கட்சியும் அரசியலும் ஒருபுறம் இருக்கட்டும். ஒரு பெண்ணாக, ஒரு மனிதராக, தற்கொலை செய்துகொண்ட மாணவி மீது ஒரு குறைந்தபட்ச பரிவு காட்டும் மனசாட்சி கூடவா மரத்துப் போய்விட்டது? 🙁


அரியலூர் மாணவி விவகாரம்: `பாஜக-வினர் கிராமத்துக்குள் வரக் கூடாது!’ – மைக்கேல்பட்டி மக்கள் மனு என்கிறது விகடன் செய்தி.

திமுக அரசு இந்த விவகாரத்தில் தனது வழக்கமான குயுக்திகள் எல்லாவற்றையும் ஏற்கனவே பிரயோகிக்க ஆரம்பித்துவிட்டது. இந்த அரசில் அதீத செல்வாக்கு செலுத்தும் கிறிஸ்தவ மிஷநரி மாஃபியாவும் இதில் முழுமூச்சாக இறங்கியுள்ளது. அதில் முக்கியமான புள்ளி – மாணவியின் மரணத்தை முற்றிலுமாகக் குறுக்கி “உள்ளூர்” லோக்கல் விவகாரம் போலக் காண்பிக்க முயற்சிப்பது. அதன் ஒரு பகுதி தான் மைக்கேல்பட்டி என்ற ஊர்மக்கள் எல்லாரும் சேர்ந்து மாவட்ட ஆட்சியரிடம் மனு கொடுக்க வைப்பது என்ற திட்டமிடப்பட்ட நாடகம். அதாவது ஊர்மக்களே அந்த இடம் ஒரு “அமைதி பூங்கா” என்றும் அங்கு “முழு மத நல்லிணக்கம் நிலவுகிறது” என்றும் “கிறிஸ்தவ மதமாற்ற பிரசினை எதுவும் இல்லை” என்றும் “தூய இருதய பள்ளி மக்களுக்கு மாபெரும் சேவை செய்து வருகிறது” என்றும் ஆட்சியருக்கு எழுத்து மூலம் தெரிவிக்கிறார்களாம். அதுவும் எப்படி? அங்கு அதிக எண்ணிக்கையில் வாழும் “இந்துக்கள்” இப்படி கூறுகிறார்களாம். இப்படி ஒரு நாடகத்தை அரங்கேற்றி “அமைதிப்பூங்கா”வில் அனாவசியமாக பாஜக காரர்களும் இந்து இயக்கங்களும் பிரசினை செய்கிறார்கள் என்ற பிம்பத்தை உண்டாக்குவது தான் இதன் நோக்கம்.

இப்படித்தான் தமிழ்நாடும் ஒரே “அமைதிப்பூங்கா”வாக இருக்கிறது என்று வழக்கமாகக் கதைவிட்டுக் கொண்டிருக்கிறார்கள். அதாவது இவர்கள் உருவாக்கியுள்ள அகராதியில் “அமைதிப்பூங்கா” என்றால் அங்கு கிறிஸ்தவ மதமாற்றமும், கிறிஸ்தவ ஆக்கிரமிப்பு அராஜகங்களும், இஸ்லாமிய மதவெறி – ஜிகாதி பிரசாரங்களும் ஜகஜ்ஜோதியாக எந்த இடையூறுமில்லாமல் அரசு ஆதரவுடன் ஏகபோகமாக நடக்கும் என்று பொருள். எப்போதும் அசட்டையாகவும் திராவிட கட்சி கொத்தடிமைகளாகவுமே இந்துக்களை வைத்திருந்து பழக்கிவிட்ட இந்த மாநிலத்தில் இந்தக் கொடுமைகளையும் அராஜகங்களையும் எதிர்த்து இந்துத் தரப்பிலிருந்து திடீரென்று ஒரு சிறு குரல் எழுந்தால் கூட “அமைதி” குலைந்து விட்டது ஐயோ குய்யோ முறையோ என்று அலறுகிறார்கள்.

தமிழ்நாடு பாஜகவும், அதன் தொண்டர்களும் இந்தப் பொறியில் சிக்கிவிடாமல் கவனமாக இருக்க வேண்டும். இந்தப் பிரசினையை வைத்து இப்போது எழுந்திருக்கும் இந்து அறச்சீற்றக் கனல் அணையாமல், இந்த பிரசினையின் அனைத்து பரிமாணங்களையும் பேசுவதற்கான களமாக இதை மாற்றவேண்டும். கீழ்க்கண்ட விஷயங்கள் அனைத்தும் பேசப்பட வேண்டும்.

  • கிறிஸ்தவ கல்வி நிலையங்களின் மதமாற்ற அழுத்தத்தால் ஏற்கனவே நிகழ்ந்த “மர்ம” மரணங்களை தமிழக காவல்துறை ஊத்திமூடியது எப்படி – உசிலம்பட்டி சிவசக்தி (2015), சென்னை ரஞ்சிதா (2009), ஓமலூர் சுகன்யா ஆகியோர் மரணங்களுக்கான நீதி.
  • தமிழ்நாடு மாநில அரசின் கல்வித் துறையை கிறிஸ்தவர்கள் முழுமையாக ஆக்கிரமித்துள்ள கொடுமை, அதற்கான தீர்வு
  • அரசு நிதி உதவி பெறும் கல்வி நிறுவனங்கள் என்ற வகையில் ஏன் மிக அதிக % நிதி கிறிஸ்தவ பள்ளி, கல்லூரிகளுக்கு போகிறது, ஏன் அவை இந்துக்கள் சிறப்பாக சேவை மனப்பான்மையுடன் நடத்தும் கல்வி நிலையங்களுக்குப் போவதில்லை என்று அரசுக்கு கோரிக்கை
  • அப்பாவி இந்து, கிறிஸ்தவ பெண்கள், சிறார்கள் மீதான கிறிஸ்தவ சர்ச்கள், கூடுகைகள், மதப்பிரசார அமைப்புகளின் பாலியல் அத்துமீறல்கள்
  • தமிழ்நாட்டில் இந்திய தேசிய விரோதத்தையும், இந்துமத வெறுப்பையும், பிரிவினைவாதத்தையும் தூபம் போட்டு வளர்க்கும் கிறிஸ்தவ மத அமைப்புகளின் மீது நடவடிக்கை
  • கிறிஸ்தவத்திற்கு மாறியபின்னரும் அதிகாரபூர்வமாக அறிவிக்காமல் இந்து என்று பொய் கூறி சாதிச்சான்றிழ் பெற்று சட்டவிரோதமாக இடஒதுக்கீடை பெறும் “முகமூடி கிறிஸ்தவர்கள்” மீதான நடவடிக்கை

இந்த அனைத்து விஷயங்களையும் முன்வைத்து பாஜக தனது போராட்டத்தை முன் எடுத்துச்செல்ல வேண்டும்.

(ஜடாயு தனது ஃபேஸ்புக் பக்கத்தில் எழுதியது)

லாவண்யா: கிறிஸ்தவ மதமாற்ற வெறிக்கு பலியான இன்னொரு இந்து மாணவி

அரியலூர் மாவட்டத்தைச் சேர்ந்த முருகானந்தம் (47) என்ற ஏழை விவசாயியின் 17-வயது மகள் லாவண்யா. தஞ்சாவூர் மாவட்டம் திருக்காட்டுப்பள்ளி அருகே மைக்கேல்பட்டி தூய இருதய மேல்நிலைபள்ளியில் விடுதியில் தங்கி 12-ம் வகுப்பு படித்து வந்தார். பள்ளியில் தொடர்ந்து கிறிஸ்தவ மதமாற்ற வற்புத்தல், அழுத்தம் காரணமாக மன உளைச்சலுக்கு ஆட்பட்டு தற்கொலை செய்ய முடிவெடுத்து விஷமருந்தி, மருத்துவமனையில் சிகிச்சை பயனின்றி 2022 ஜனவரி 20ம் நாள் உயிரிழந்தார். பள்ளி ஆசிரியைகள் மற்றும் விடுதிக்காப்பாளர்கள் கிறிஸ்தவ மதத்திற்கு மாறிவிடுமாறு தொடர்ந்து உளவியல் ரீதியாக சித்திரவதை செய்ததும், மதம் மாற மறுத்ததால் கழிவறையை சுத்தம் செய்தல் உட்பட தண்டனை அளித்ததும் தான் தன்னை இந்த முடிவை நோக்கித் தள்ளியது என்று மரணத்திற்கு முன் அளித்த வீடியோ வாக்குமூலத்தில் தெளிவாக லாவண்யா குறிப்பிட்டுள்ளார் என்று செய்திக் குறிப்புகள் கூறுகின்றன.

இந்த மாணவியின் மரணம் தமிழகம் முழுவதும் அதிர்வலைகளை ஏற்படுத்தியுள்ளது. தங்கள் மகளின் மரணத்திற்கு நீதிகேட்டு லாவண்யாவின் பெற்றோர்கள் மத்திய, மாநில அரசுகளிடம் ஊடகங்கள் வாயிலாக கோரிக்கை வைத்துள்ளனர். அவர்களுக்கு ஆதரவாக இந்து அமைப்புகள் போராட்டத்தில் குதித்துள்ளன.

தமிழ்நாட்டில் இதுபோன்று நடப்பது முதன்முறையல்ல. 2006ல் ஓமலூர் சுகன்யா, சென்னையில் 2009ல் ரஞ்சிதா, 2011ல் ரம்யா, 2015ல் உசிலம்பட்டியில் சிவசக்தி ஆகிய மாணவிகள் தாங்கள் படிக்கும் கிறிஸ்தவ பள்ளிகளில் தரப்பட்ட மதமாற்ற அழுத்தம் மற்றும் உளவியல் சித்ரவதைகள் காரணமாக தற்கொலை செய்து கொண்டனர். இவை செய்திகளில் பரவலாக வந்து விவாதிக்கப்பட்டவை. இதுபோக இன்னும் எத்தனையோ? இவற்றை முன்பே கீழ்க்கண்ட கட்டுரைகளில் பேசியிருக்கிறோம்.

ஏசுவுக்கான இந்து நரபலிகள்

கிறிஸ்தவப் பள்ளியில் மாணவி பலி: தொடரும் அவலம்

இந்தக் கொடுமைகள் இன்னும் தமிழ்நாட்டில் தொடர்ந்து கொண்டிருக்கின்றன என்பதையே இந்த சமீபத்திய நிகழ்வு காட்டுகிறது.


அரவிந்தன் நீலகண்டன் தனது ஃபேஸ்புக் பக்கத்தில் எழுதியது:

அந்த குழந்தை மிக எளிதாக
முடிவெடுத்திருக்கலாம்.
மிகவும் சுலபமான முடிவு.
மிகவும் வசதியான முடிவு.

அந்த குழந்தை மதம் மாறியிருக்க சம்மதித்திருக்கலாம்.

சான்றிதழில் இந்துவாகவும் உண்மையில் மதம் மாறியும் வாழ்ந்திருக்கலாம்.

அதை இந்த சமுதாயத்தின் தலை சிறந்த அறிவுஜீவிகள், இலக்கிய வித்தகர்கள், நீதியரசர்கள், அரசியல்வாதிகள் என அனைவரும் நியாயப்படுத்தியிருப்பார்கள்.

ஏசி ரூம் அறிவுஜீவி இயக்குனர்கள் மூக்குத்தி அம்மனை வைத்தே அப்படி ஒரு மதமாற்றத்தை நியாயப்படுத்தியிருப்பார்கள்.

குறைந்த பட்சம் சரி என்று சொல்லியிருந்தால் ஒவ்வொருநாளும் அவமானத்தையும் சித்திரவதையையும் அனுபவிக்காமல் இருந்திருக்கலாம்.

ஆனால் அந்த பாதையை அந்த குழந்தை ஏற்கவில்லை.
அவள் தேர்ந்தெடுத்தது கடினமான பாதை.
அவள் இன்னும் சில நாட்களில் மறக்கப்பட்டுவிடக் கூடும்.
அவள் பெற்றோருக்கு மட்டும் நினைவில் வலியாக அவள் இருக்கக் கூடும்.
அவளைக் குறித்து எந்த எழுத்தாளனும் எழுதப் போவதில்லை. அவளது முடிவு எந்த திரைப்படத்திலும் சொல்லப்பட போவதில்லை.

ஆனால் அந்த குழந்தை தனது உயிரைக் கொடுத்தாள்.
தனது வாழ்க்கையை அர்ப்பணித்தாள்.
தர்மத்தை கைவிடவில்லை.
தர்மத்துக்கான பலிதானியாக அவள் என்றென்றும் தீபமாக நிற்கிறாள்.

உணர்வுடைய இந்து சமுதாயத்தில் ஒவ்வொருவருக்கும்
அவர்களுக்கான காவல்தேவதையாக அவள் நிற்கிறாள்.
தர்மத்தின் காவல் தேவதையாக அவள் நிற்கிறாள்.

அவள் நினைவு என்றென்றும் ஒவ்வொரு ஹிந்துவின் நினைவிலும் இருக்க வேண்டும் அவ்வாறு அந்நினைவு நின்று ஒளி கொடுக்க அக்குழந்தை தெய்வமாகவே போற்றப்பட வேண்டும்.

வையத்துள் வாழ்வாங்கு வாழ்ந்து
நாம் எப்படி வாழ வேண்டுமென்பதைக் காட்டி
சனாதன தர்மம் உயிரினும் உயந்ததென்பதைக் காட்டிய அந்த குழந்தை இன்று இந்த மண்ணின் காவல் தெய்வம்.

ஒவ்வொரு இந்து வீட்டிலும் இன்று அவளுக்கென்று தீபம் ஏற்றுவோம். அவள் நினைவாக ஒரு தெய்வ ஆலயமும் அவள் பெயரில் ஒவ்வொரு ஊரிலும் ஆலயத்திலும் ஒவ்வொரு குழந்தைகள் இந்து நூலகம் எழுப்புவதும் பாரத அரசே இக்குழந்தையின் நினைவை போற்றுவதும் அவசியமான விடயங்கள்.

கார்ட்டூன்: மனோஜ் குரீல்

கிறிஸ்தவ மதமாற்ற வெறி என்பது இன்றைக்கு தமிழகத்தின் தலையாய பிரச்சினையாகி வருகிறது . இப்போது ஒரு அப்பாவி ஹிந்து மாணவி தற்கொலைக்கு தள்ளப்பட்டுள்ள நிலையில், ஊடகங்களில் இதுகுறித்து மையமாக விவாதங்கள் நிகழ வேண்டும். சம்பந்தப்பட்ட கிறிஸ்தவ பள்ளி கிரிமினல் விசாரணைக்கு உட்படுத்தப்பட வேண்டும். தமிழ்நாட்டில் உள்ள அனைத்து கிறிஸ்தவ கல்வி நிலையங்களிலும் நீதிமன்ற கண்காணிப்புடன் ஆய்வும், தணிக்கையும் வேண்டும். தமிழ்நாடு பாஜக இந்தப் பிரசினையை முன்வைத்து போராட்டங்களை நிகழ்த்தி வருகிறது. அரசியல் கட்சி பேதமின்றி தமிழ்நாட்டின் அனைத்து இந்துக்களும் இந்தப் பிரசினையில் மரணமடைந்த இந்துக் குழந்தைக்கு நீதி கேட்டுப் போராட வேண்டும். கிறிஸ்தவ ஆக்கிரமிப்பும், மதமாற்ற பிரசார வெறியும் அதிகரித்து வரும் சூழலில், நாளை இதே போன்ற நிலை உங்கள் குழந்தைக்க்கும் ஏற்படும் நாள் வெகுதூரத்தில் இல்லை என்பதை உணருங்கள்.