மதச்சார்பின்மை இந்திய தேசப்பாதுகாப்புக்கு ஓர் அச்சுறுத்தல் – துஃபாயில் அகமது

மூலம்: துஃபாயில் அகமது Indiafacts.org தளத்தில் எழுதிய கட்டுரை

Prednisone is a common medicine used for a variety of conditions. Treatment of the pain, https://premierurgentcare.com/contact/ inflammation and swelling of the hands, feet, knees, and elbows. Amoxicillin clavulanate is used to treat bacterial infections, such as pneumonia and acute bronchitis.

It should be kept in a refrigerator if not used within two weeks of preparation. Dogs with these types of illnesses will require a dose of prednisone for dogs to help control the condition and help control the weight gain and Nagato improve muscle mass. In addition, we have an excellent infrastructure which would enable us to manufacture bulk drugs at various stages of development.

My extensive experience to the points you give on this site is a credit to your generosity on giving without restraint. It is a treatment of mild to buy clomid without prescription moderate depression and does not produce withdrawal symptoms. I was hospitalized for 5 days and i got the shots and started to get the antibiotics and they were not going to clear up the meningitis, but i got better.

தமிழில்: ர.ஹரிபிரசாத்

ஒவ்வொரு வருஷமும் மழைக்காலத்தில் தவளைகள் வெளிவந்து எதையோ சத்தமாக சொல்ல முயற்சிக்கும். அவ்விதமாக, தேர்தல் சமயங்களிலும் சில தவளைகள் இந்தியாவில் பிரகடனபடுத்தும் : “இஸ்லாமியர்களின் வாக்குகள் மதச்சார்பற்றவை; ஹிந்துக்களின் வாக்குகள் வகுப்புவாதம் நிறைந்தவை;” “இந்தியா வாழ்க; அரசியல் சாசனம் வாழ்க.” ஜாமியத்-இ-இஸ்லாமி ஹிந்த், அனைத்திந்திய முஸ்லிம் சட்ட வாரியம், ஜாமியத் உல்மா-இ- ஹிந்த் ஆகிய அமைப்புகள்தான் இப்போது அரசியல் சாசனத்துக்காக வாதிடுபவர்கள். அரசியல்வாதிகளும், காவல்துறை அதிகாரிகளும் அல்ல. கடந்த ஒரு வருஷத்தில் ”அரசியல் சாசனத்தை காத்திடுங்கள், மதத்தை காத்திடுங்கள்” என்ற தலைப்பில் அனைத்திந்திய முஸ்லிம் சட்ட வாரியம் பல்வேறு கருத்தரங்குகளை நடத்தியுள்ளது. அவர்களைப் பொறுத்தவரை, இஸ்லாம் ஆபத்தில் இருந்தால், அரசியல் சாசனமும் ஆபத்தில் இருக்கிறது என்று பொருள்.  இஸ்லாமும் அரசியல் சாசனமும் அவர்களுக்கு வெவ்வேறல்ல.

பிப்ரவரி 10 அன்று வெளிவந்த ‘ரோஸ்னாமா இன்குலாப்’ என்ற உருது தினசரி இப்படியொரு தலைப்பு செய்தியை வெளியிட்டிருந்தது – “உத்தர பிரதேச தேர்தல் முஸ்லிம்களுக்கான பரீட்சை”. ஒருவேளை  ”உ.பி. தேர்தல் ஹிந்துக்களுக்கான பரீட்சை ” என்று ஹிந்தி பத்திரிகைகள் ஏதேனும் செய்தி வெளியிட்டிருந்தால், அரசாங்கம் அப்பத்திரிகைகளை தடைகூட செய்திருக்கலாம். நீங்கள் கட்டாயம் அப்பத்திரிகைகளுக்கு வகுப்புவாத முத்திரை குத்தியிருப்பீர்கள். ஆனால் இதே வேலையை உருது தினசரிகள் செய்யும்போது, அவை மதச்சார்பற்றவை என்று நினைக்கிறீர்கள். ஏனென்றால், உங்கள் மனம் ஒரு சிந்தாந்தத்தின் நரம்புகளால் கட்டப்பட்டிருக்கிறது. இந்த சிந்தாந்தத்துக்கு இந்தியாவில் “மதச்சார்பின்மை” என்று பெயர்.

மதச்சார்பின்மை இந்தியாவின் பாதுகாப்புக்கு ஒரு மாபெரும் அச்சுறுத்தலாக எழுந்துள்ளது. செக்யூலரிஸம் எனப்படும் மதச்சார்பின்மை இந்தியாவின் ஆத்மாவை அழிக்கிறது என்று ஒவ்வொரு அரசியல்வாதி, பத்திரிகையாளர், காவல்துறை அதிகாரி,  ஆன்மித் தலைவருக்கும்  தெரியும். ஆனால் எல்லாம் சரியாக இருப்பது போல எல்லோரும் நடிக்கிறார்கள். போலீஸ்காரர்கள் மதச்சார்பின்மையை சட்டம்-ஒழுங்கை பாதுகாப்பதற்கான வழிகாட்டிக் கையேடாகவே பார்க்கிறார்கள்.  இஸ்லாமிய இறைத்தூதர் குறித்து ஏதோ கூறினார் என்பதற்காக கமலேஷ் திவாரியை காவல்துறை கைது செய்தது. ஆனால், கமலேஷ் திவாரியின் தலையை சிறைக்குள்ளோ, வெளியிலோ சீவுகிறவர்களுக்கு 51 லட்சம் பரிசு அறிவித்த பிஜ்னோரின் இஸ்லாமிய குருமார்களை தொடக்கூட காவல்துறைக்கு துணிவில்லை. மதச்சார்பின்மை இப்போது இந்தியாவின் தேசிய விளையாட்டாக உருவெடுத்துள்ளது. எல்லோரும் பங்கேற்கிறார்கள், நடிக்கிறார்கள், கைத்தட்டுகிறார்கள், யதார்த்தத்திற்கு முன் கண்களை மூடிக்கொள்கிறார்கள்.

ஆனால், யதார்த்தம் வலிமையானது. அதுதான் மக்களின் மனங்களைக் கட்டுப்படுத்துகிறது. ’உருது டைம்ஸ்’ பத்திரிகையில் பிப்ரவரி 7ஆம் தேதி வெளியான கட்டுரையில் செக்யூலரிஸத்தை ஒரு சுவாரஸ்யமான உதாரணத்துடன் விளக்குகிறார் எழுத்தாளர் முஹமது ஜசீமுதீன் நிஜாமி.  ஒரு திருடன்  குளித்துவிட்டு சுத்தபத்தமாக  பயபக்தியுடன் ராத்திரியில் கோவிலுக்குள் நுழைகிறான். அவனுடைய உண்மையான  நோக்கம் கோயிலில் உள்ள தெய்வ விக்ரஹங்களைக் கொள்ளையடிப்பது. காலடித்தடம் கேட்டு திரும்பிப் பார்த்தபோது, வேறொருவன் செருப்புடன் கோவிலுக்குள் நுழைந்ததை காண்கிறான். உடனே திருடன் எச்சரிக்கிறான் – “நான் மட்டும் இப்போது வேலையில் மும்முரமாக இல்லாதிருந்தால், ஆலயத்தை அவமதித்தற்காக உன்னை தண்டித்திருப்பேன்!” அந்த திருடன் மதச்சார்பற்றவன். இதுதான் இந்திய சமூகத்தின் யதார்த்தநிலை.  இப்படித் தான் மதச்சார்பின்மை என்ற சிந்தாந்தம் திருடர்களால் தூக்கிப் பிடிக்கப்படுகிறது.

இப்போது மதச்சார்பின்மை உயிர் பிழைத்திருப்பதற்கான அத்தியாவசிய காரணியாக தலித்-முஸ்லிம் ஒற்றுமை பார்க்கப்படுகிறது. ஜனவரி மாதம் 21ஆம் தேதி, மும்பையில் நடந்த ஒரு கருத்தரங்கில், இஸ்லாமிய குரு மவுலானா கலீலூர் ரஹ்மான் நோமானி, தலித் தலைவர் வாமன் மேஷராமுடன் இணைந்து பொது சிவில் சட்டத்துக்கு எதிராக மிரட்டல் விடுத்தார். 1986ல் ஷா பானோ வழக்கில் உச்சநீதிமன்றத்துக்கே எதிராக மதச்சார்பின்மை எழுந்து நின்றது.  பிப்ரவரி 6ல் வெளிவந்த உருது தினசரி ‘ரோஸ்னா சஹாஃபத்’ தற்போதைய மைனாரிட்டி கல்வி நிறுவனங்களுக்கான தேசிய கமிஷனின் தலைவரும், முன்னாள் மத்திய இணையமைச்சருமான நீதியரசர் சுஹைல் சித்திக்கியை மேற்கோள் காட்டுகிறது : “முஸ்லிம்கள் தலித்களுடன் இணைந்து தங்கள் பிரச்சனைகளுக்கு வழி தேடுவது தான் தற்போதைய உடனடித்தேவை.” சித்திக்கி தற்பெருமையுடன் சொல்கிறார், “எந்தப் பத்திரிகைக்கும் யாருக்கும் தகவல் தெரிவிக்காமல் நூற்றுக்கணக்கான சிறுபான்மை கல்வி நிறுவனங்களுக்கு மைனாரிட்டி அந்தஸ்தை நான்  அளித்துள்ளேன்.”

பிப்ரவரி 6ஆம் தேதி வெளியான ‘ரோஸ்னா சஹாஃபத்’ பத்திரிகையில் சூஃபி மதத்தலைவர் சையது ஆலம்கீர் அராஃபத் சில கசப்பான உண்மைகளை தெரிவிக்கிறார். “இனம், நிறம் மற்றும் மதத்தின் அடிப்படையில் தேர்தல் நடக்கக்கூடாது என்பது இந்திய சமூகத்தின், இந்த தேசத்துடைய ஜனநாயகத்தின் சாராம்சம். ஆனாலும் தேர்தலுக்கு சில நாட்களுக்கு முன்பு இஸ்லாம் ஆபத்தில் இருக்கும். ஹிந்துக்களும் கஷ்டத்தில் இருப்பார்கள். தேர்தல் மட்டுமே முஸ்லிம்களின் இஸ்லாமை காக்கிறது. ஹிந்துக்களையும் ஆபத்திலிருந்து பாதுகாக்கிறது.” தலித் முஸ்லிம் ஒற்றுமை பற்றி அவர் சொல்கிறார் : “இப்படியொரு கூட்டணி உண்மை, நீதி, முன்னேற்றம் மற்றும் மனிதநேயத்தின் வெற்றிக்காக இருக்க வேண்டும். தனியொரு மனிதரோ, கட்சியோ வெல்வதற்காக இருக்க கூடாது.”

மதச்சார்பின்மை என்பதற்கு இரண்டு அர்த்தங்கள் உண்டு. ஒன்று, சமூகத்திலிருந்து மதத்தின் அதீத செல்வாக்கை நீக்குவதற்கான இயக்கம். இந்த அர்த்தத்தில், மதச்சார்பின்மை மதம் சார்ந்த ஆசாரவாதத்தைக் மட்டுப்படுத்துகிறது. தனிநபர்களை மத சங்கிலிகளிலிருந்து விடுவிக்கிறது. மக்கள் பகுத்தறிவுடன் வாழ வழிவகை செய்கிறது. இரண்டாவது,  நமதுஅரசியல் சாசனத்தில் உள்ள  அர்த்தம்.  இதன்படி,  இந்திய அரசின் எந்தக் கொள்கை வகுத்தல்களும் மதத்தைச் சார்ந்து இருக்காது.  இந்த இரண்டு அர்த்தங்களிலிருந்தும் நீங்கள் உடன்படாமலிருக்க முடியாது. ஆனால் இந்தியச் சூழலில் மதச்சார்பின்மைக்கு மூன்றாவது அர்த்தம் ஒன்றும் உண்டு. நடைமுறை அர்த்தத்தில், சமூகத்தின் அன்றாட நடவடிக்கைகளை நாம் எப்படி புரிந்துகொள்கிறோம் என்பதிலும் மதச்சார்பின்மை செல்வாக்கு செலுத்துகிறது.  கொள்கைவகுப்போர், அரசு அதிகாரிகள், பத்திரிகையாளர்கள், பொதுமக்கள் என்று பலரது எண்ணங்களிலும்  அது ஆதிக்கம் செலுத்துகிறது.

நடைமுறை அர்த்தத்தில், மதச்சார்பின்மை தேசிய பாதுகாப்புக்கு மாபெரும் அச்சுறுத்தலாக எழுத்துள்ளது. என்னுடைய பேரக்குழந்தைகளின் தலைமுறைக்கு சொல்ல ஒரு விஷயம் என்னிடம் உண்டு. உங்கள் காலத்தில்  கேரளா, மேற்கு வங்கம், பிஹார் மற்றும் உத்தர பிரதேசத்தின் பல பகுதிகளிலிருந்து  ஹிந்துக்கள் முற்றிலுமாக வெளியேற வேண்டிய நிர்ப்பந்தத்தை மதச்சார்பின்மை உருவாக்கும்  – காஷ்மீரீலிருந்து பண்டிட்டுகள் வெளியேற்றப்பட்டது போல. நான் இதை எழுதும்போது, 1986ல் உச்சநீதிமன்றத்துக்கு எதிராக எழுந்தது போல், இப்போது மேற்கு வங்கத்தில் மதச்சார்பின்மை எழுந்துள்ளது. ஷா பானோ வழக்கில்  மதச்சார்பின்மை பாராளுமன்ற உறுப்பினர்களின் ஒட்டுமொத்த தீர்மானத்தையே ஒதுக்கித்தள்ளி மேலெழுந்தது.  இப்போது, தங்களை மதச்சார்பின்மை காவலர்கள் என்று அறிவித்துக்கொள்பவர்கள் காவல்துறையினரை குண்டர்களை போல் நடத்துகிறார்கள் என்று மால்டாவிலிருந்தும், பிற மேற்குவங்க பகுதிகளிலிருந்தும் செய்திகள் வருகின்றன. அரசாங்கத்திடம் மதச்சார்பின்மைக்கு எந்த தீர்வும் இல்லை. கறையான்களைப் போல, மதச்சார்பின்மை என்னும் கிருமி இந்தியக் குடியரசின் வேர்களைத் தின்று கொண்டிருக்கிறது , தேர்தல் சமயங்களில் இன்னும் தீவிரமாக.

கட்டுரையாசிரியர் துஃபாயில் அகமது (Tufail Ahmad) பீகாரைச் சேர்ந்தவர். பிபிசியில் பத்திரிகையாளராகப் பணியாற்றியவர்.  தற்போது புது தில்லியில் Open Source Initiative என்ற ஊடக அமைப்பின் இயக்குனராக இருக்கிறார்.  இஸ்லாமிய பயங்கரவாதத்தை இந்திய முஸ்லிம்கள் முனைந்து கட்டுப்படுத்தவேண்டிய வழிமுறைகள் குறித்து Jihadist Threat to India – The Case for Islamic Reformation by an Indian Muslim என்ற புத்தகத்தையும் எழுதியிருக்கிறார்.